Tag: baaghi

قصور
ضلع بھر میں منشیات کے خلاف مؤثر کارروائیاں، ایک نیا موقع، ایک بڑی ذمہ داری

تفصیلات کے مطابق قصور ضلع بھر میں پولیس کی جانب سے منشیات فروشی کے خلاف جاری سخت اور مسلسل کارروائیاں لائقِ تحسین ہیں جس کی بدولت منشیات فروشی نیٹ ورک کو شدید دھچکا پہنچا ہے
اس باعث عام شہریوں، بالخصوص نوجوان نسل کو اس مہلک لعنت سے وقتی تحفظ بھی حاصل ہوا ہے جو ایک مثبت پیش رفت ہے جس کے دور رس سماجی اثرات مرتب ہو سکتے ہیں
تاہم اس تصویر کا ایک دوسرا اور زیادہ حساس رخ بھی ہے
وہ افراد جو طویل عرصے سے نشے کے عادی تھے اب منشیات کی عدم دستیابی کے باعث شدید جسمانی اور ذہنی اذیت کا شکار ہیں
نشہ چھوٹنے کی یہ کیفیت اگر نظر انداز کی گئی تو یہ لوگ یا تو دوبارہ غیر قانونی راستوں کی طرف جائیں گے یا کسی اور تباہ کن عمل کا شکار ہو سکتے ہیں
یہی وہ نکتہ ہے جہاں حکومت اور محکمہ صحت کو پولیس کی اس کامیاب کارروائی کو ایک سنہری موقع میں بدلنا چاہیے
ضرورت اس امر کی ہے کہ نشے کے عادی افراد کو مجرم نہیں بلکہ مریض سمجھا جائے اور انہیں طبی و نفسیاتی امداد فراہم کی جائے تاکہ وہ مستقل طور پر معمول کی زندگی کی طرف لوٹ سکیں
حکومت کو چاہیے کہ ڈی ایچ کیو، ٹی ایچ کیو، آر ایچ سی اور بیسک ہیلتھ یونٹس میں خصوصی سیلز قائم کرے جہاں نشے کے عادی افراد کے لیے مکمل طبی سہولیات میسر ہوں
جہاں ان سیلز میں نہ صرف ضروری ادویات فراہم کی جائیں بلکہ ماہر ڈاکٹروں اور نفسیاتی معالجین کی خدمات بھی دستیاب ہوں جو ان افراد کی ذہنی بحالی اور نشے سے مستقل نجات میں مدد دے سکیں
اگر ریاست واقعی منشیات سے پاک معاشرہ چاہتی ہے تو محض سپلائی لائن توڑنا کافی نہیں بلکہ نشے کے شکار انسانوں کی بحالی بھی اسی جنگ کا لازمی حصہ ہے
۔قصور میں جاری کارروائیاں ایک مضبوط بنیاد فراہم کر چکی ہیں، اب ضرورت اس بنیاد پر ایک جامع اور انسانی فلاح پر مبنی پالیسی کھڑی کرنے کی ہے

قصور
خونی ڈور نے معصوم زینب فاطمہ کی زندگی خطرے میں ڈال دی،الحمدللہ لاہور میں کامیاب سرجری ہو گئی

تفصیلات کے مطابق قصور کے نواحی گاؤں مان اڈا، حدود تھانہ صدر قصور میں چند دن قبل خونی ڈور پھرنے 6 سالہ معصوم بچی زینب فاطمہ شدید زخمی ہو گئی تھی
معصوم بچی کو فوری طور پر بلھے شاہ ہسپتال قصور منتقل کیا گیا جہاں ابتدائی طبی امداد کے بعد تشویشناک حالت کے پیش نظر اسے لاہور کے جناح ہسپتال ریفر کر دیا گیا تھا
الحمد للہ جناح ہسپتال لاہور میں زینب فاطمہ کی سرجری کامیابی سے مکمل ہو چکی ہے تاہم یہ سوال اپنی جگہ موجود ہے کہ اس سب کا ذمہ دار کون ہے؟
یہ کوئی پہلا واقعہ نہیں کہ خونی اور کیمیکل لگی ڈور، غیر قانونی پتنگ بازی اور حکومتی غفلت کے باعث ہر سال معصوم جانیں زخمی اور ضائع ہو رہی ہیں۔
کبھی کوئی بچہ، کبھی موٹر سائیکل سوار، اور کبھی کوئی راہگیر اس خونی کھیل کی بھینٹ چڑھ جاتا ہے
کچھ لوگ اسے ثقافت،تفریح یا ریونیو کا ذریعہ قرار دے کر اس گھٹیا کھیل کا دفاع کرتے ہیں، مگر سوال یہ ہے کہ کیا چند لوگوں کا کاروبار اور تفریح انسانی جان سے زیادہ قیمتی ہے؟
ایسے کاروبار پر لعنت ہے
جس میں معصوم بچوں کا خون شامل ہو اور جس میں انسانی جانیں غیر محفوظ ہوں
حکومت کی جانب سے بسنت یا کسی بھی صورت میں پتنگ بازی کی اجازت دینا، درحقیقت انسانی جانوں کی توہین ہے قوانین موجود ہیں مگر عملدرآمد نا ہونے کے برابر، پابندیاں کاغذوں تک محدود ہیں اور خونی ڈور آج بھی فروخت ہو رہی ہے
عوام اور متاثرہ خاندانوں کی جانب سے حکومت سے پُرزور مطالبہ کیا جا رہا ہے کہ
خونی ڈور اور پتنگ بازی پر مکمل اور مستقل پابندی لگائی جائے اور ذمہ دار عناصر کے خلاف سخت کارروائی کی جائے
تاکہ انسانی جانوں کے تحفظ کو ریونیو اور نام نہاد ثقافت پر ترجیح دی جائے
ورنہ کل پھر کوئی اور زینب، کسی اور ہسپتال میں زندگی اور موت کی جنگ لڑ رہی ہوگی

قصور
بابا بلھے شاہ اسپتال میں دوائیوں کی چوری کا مبینہ سکینڈل، 2 اہلکار نوکری سے فارغ

قصور میں بابا بلھے شاہ اسپتال میں دوائیوں کی مبینہ چوری کا بھانڈا پھوٹ گیا
انکوائری کمیٹی کی رپورٹ پر دو جونئیر ٹیکنیشنز کو نوکری سے نکال دیا گیا ہے

ذرائع کے مطابق شکیل احمد اور ندیم اسلم نامی اہلکار اسپتال میں دوائیوں کی خرد برد سمیت دیگر سنگین بے ضابطگیوں میں ملوث پائے گئے۔ انکوائری کے دوران الزامات ثابت ہونے پر سی ای او ہیلتھ نے دونوں کو ملازمت سے برطرف کر دیا

محکمہ صحت قصور نے اہلکاروں کے خلاف باضابطہ حکم نامہ جاری کر کے نوکری سے نکالنے کی کارروائی مکمل کر لی ہے۔ ذرائع کا کہنا ہے کہ یہ کارروائی اندرونی نگرانی اور رپورٹنگ کے نتیجے میں ممکن ہوئی

مذید تحقیقات جاری ہیں اور امکان ظاہر کیا جا رہا ہے کہ مذید اہلکاروں کے گرد بھی گھیرا تنگ ہو سکتا ہے

قصور
جھوٹا عشق، دو بچوں کی ماں قتل: فیکٹری مزدور نے دوستوں کی مدد سے پہلی بیوی کو نہر میں دفن کردیا
کھڈیاں خاص (محلہ اسلام پورہ) کی رہائشی، دو بچوں کی ماں کائنات دختر سلمہ بی بی کو اس کے ہی شوہر نے بے دردی سے قتل کر دیا۔ قاتل فیکٹری مزدور ذیشان ولد حسن میو، ساکن دادے والا کنواں (ڈھنگ شاہ) نے دوستوں کی مدد سے واردات انجام دی اور لاش خشک نہر میں دبا دی
تفصیلات کے مطابق کائنات، جن کے پہلے شوہر کا انتقال ہو چکا تھا، نے فیکٹری میں کام کرنے والے ذیشان سے خفیہ طور پر محبت کی شادی کر رکھی تھی۔ یہ شادی ذیشان نے اپنے گھر والوں سے چھپا کر کی، جس کا علم صرف فیکٹری کے چند ساتھیوں کو تھا۔ افسوسناک امر یہ ہے کہ ذیشان نے چند روز قبل والدین کے دباؤ پر جگیاں کی ایک لڑکی سے دوسری شادی بھی کر لی۔
9/12/25 کو ذیشان نے کائنات کو فون کر کے بلایا، جس کے بعد کائنات لاپتہ ہو گئی اور اس کا موبائل فون بند رہا۔ والدہ سلمہ بی بی اور اہل خانہ کی مسلسل کوششوں کے بعد معاملہ پولیس تک پہنچا۔ شہری اشرف سانول کی پیروی پر ایس پی انویسٹیگیشن قصور ضیاء اللہ خان سے ملاقات کی گئی، جنہوں نے ایس ایچ او تھانہ کھڈیاں شیخ عامر اور اے ایس آئی لیاقت کو فوری اور سخت کارروائی کی ہدایات دیں۔
پولیس نے ذیشان کو اس کے نئے سسرال جگیاں سے گرفتار کر کے تفتیش شروع کی تو ملزم نے ابتدائی پوچھ گچھ میں خفیہ بیوی کائنات کے قتل کا اعتراف کر لیا۔ ملزم کی نشاندہی پر اے ایس آئی لیاقت نے رمضان خان چیئرمین کے بھٹے کے سامنے، دادے والا کنواں کی سمت مشرق واقع خشک نہر سے مقتولہ کی لاش برآمد کر لی، جسے قتل کے بعد دفنایا گیا تھا۔
پولیس نے لاش تحویل میں لے کر ضابطے کی کارروائی شروع کر دی ہے جبکہ ملزم اور اس کے ساتھیوں کے خلاف قانونی کارروائی جاری ہے۔
افسوسناک حقیقت یہ ہے کہ کائنات اپنے دو معصوم بچوں کو یتیم چھوڑ کر جھوٹے عشق اور بے وفا رشتے کی بھینٹ چڑھ گئی