Tag: baaghi

قصور
نئے تعینات ہونے والے ڈپٹی کمشنر قصور محمد ارشد بھٹی نے اپنے عہدے کا چارج سنبھال لیا،چاروں اسسٹنٹ کمشنرز کو سبزی و فروٹ منڈی میں سرکاری ریٹوں پہ چیزیں فراہم کرنے کی ہدایات

تفصیلات کے مطابق قصور میں تعینات ہونے والے نئے ڈپٹی کمشنر قصور محمد ارشد بھٹی نے اپنے عہدے کا چارج سنبھال لیا ہے اور کہا ہے کہ عوام الناس کی فلاح و بہبود کے لئے سخت اقدامات کئے جائینگے جس میں ہماری اولین ترجیح صفائی ستھرائی کے کام ،اشیاءخوردنوش کی قیمتوں کی سرکاری ریٹوں پہ فراہمی ہے
چاروں اسسٹنٹ کمشنرز کو حکم جاری کیا گیا ہے کہ سبزی و فروٹ منڈیوں میں سرکاری ریٹوں پہ اشیا خوردونوش کی فراہمی کو یقینی بنائیں اور دفتر میں آنے والے سائلین کی شکایات کو اچھے طریقے سے سن کر حل کیا جائے

قصور
پیٹرولیم مصنوعات کی فروخت پھر بند،شہری خوار،بلیک مارکیٹنگ مافیا کے اگے گورنمنٹ بے بس

تفصیلات کے مطابق قصور میں بیشتر پیٹرول پمپوں نے ایک بار پھر سے پیٹرولیم مصنوعات کی فروخت بند کر دی ہے جس کے باعث شہری ذلیل و خوار ہو کر رہ گئے ہیں
شہریوں کی طرف سے موجودہ گورنمنٹ کو بدعاؤں کا سلسلہ جاری ہے اور لوگوں کا کہنا ہے کہ گورنمنٹ کے بس میں کچھ نہیں مگر بلیک مارکیٹنگ مافیا کا ملک پہ مکمل کنٹرول ہے اور گورنمنٹ ان کے سامنے گھٹنے ٹیک چکی ہے
پیٹرول نا ملنے کے باعث لوگوں پیٹرول کی تلاش میں مارے مارے پھر رہے ہیں جبکہ کچھ لوگ بلیک میں زائد قیمتوں پہ سرعام فروخت کر رہے ہیں

قصور
حافظ قرآن بچوں کی دستار بندی،حفظ و ناظرہ کے بچوں میں انعامات تقسیم کئے گئے

تفصیلات کے مطابق قصور کے نواحی گاؤں میں بچوں کے قرآن کریم حفظ کرنے کی خوشی میں
سالانہ جلسہ دستار بندی منعقد کیا گیا
مدرسہ و مسجد میاں محمد کالو ویلفیئر ٹرسٹ نزد روہیوال میں حفظ قرآن پاک و ناضرہ قرآن پاک کے طلبہ کرام کی دستار بندی کی گی جس میں طلبہ کرام کی حوصلہ افزائی کے لیے طلبہ کو انعامات سے نوازہ گیا
جس بچے نے ، اَلْحَمْدُ کی اَلِفْ سے لے کر وَالنَّاس کی س تک مدرسہ سے حفظ مکمل کیا اس بچے کی حوصلہ افزائی کے لیے حاجی راشد صاحب کی طرف سے بچے کو نیو ہونڈا سی ڈی سیونٹی موٹر سائیکل انعام دی گئی
مجلس میں خصوصی شرکت سرپرست اعلی
حاجی محمد راشد قصوری صاحب، استاد صاحبان
قاری محمد نزیر صاحب
قاری محمد ارشد صاحب،
پیر امجد حسین نوشاہی قادری ،
مفتی محمد حسن قادری صاحب اور سینیئر صحافی قصور
میاں خلیل صدیق آرائیں
میاں محمد افضل،
میاں محمد شبیر،
چوہدری راحیل احد
نے کی
حافظ قرآن بچوں نے شرکاء کو تلاوت قرآن مجید سنائی
شرکاء نے اساتذہ کی محنت اور ادارے کی کارکردگی کو خوب سراہا اور دعا کی

قصور
حرمت قرآن ریلی راؤ خانوالہ ،مختلف گاؤں دیہات سے لوگوں نے ریلوے اسٹیشن راوخانوالہ والا میں متحدہ ریلی نکالی،حافظ نیاز احمد رضا و مرزا جہانگیر بیگ نمبردار نے اپنے علاقے سے بہت بڑی ریلی کی قیادت کی

تفصیلات کے مطابق قصور کے نواحی قصبہ راؤ خانوالہ میں قریبی گاؤں دیہات کے لوگوں نے حرمت قرآن ریلی نکالی جس میں ہزاروں لوگوں نے شرکت کی اور سویڈن کے خلاف اور قرآن کی عظمت کے حق میں نعرے لگائے گئے
مختلف گاؤں دیہات سے لوگوں نے ریلیاں نکالیں اور راؤ خانوالہ ریلوے اسٹیشن پہ متحدہ ریلی ہوئی
نواحی علاقے سے بہت بڑی ریلی کی قیادت حافظ نیاز احمد رضا،مرزا جہانگیر بیگ نمبردار،حافظ ملک سعید ،حافظ امین،علامہ شبیر اور حافظ صغیر نے قیادت کی
شرکاء نے سویڈن کے خلاف نعرے بازی کی اور اس عزم کا اعادہ کیا کہ حرمت قرآن پہ جان دے دیں گے

قصور
ڈسٹرکٹ ہسپتال قصور میں ابابیل یونین، الائیڈ ہیلتھ پروفیشنلز،ینگ نرسز ایسوسی، کے زیر اہتمام حرمت قرآن ریلی،توہین قرآن کی مذمت کی گئی

تفصیلات کے مطابق ڈسٹرکٹ ہیڈ کوارٹرز ہسپتال قصور میں ابابیل یونین،الائیڈ ہیلتھ پروفیشنلز اور ینگ نرسز ایسوسی ایشن کے زیر اہتمام حرمت قرآن ریلی نکالی گئی جس میں سویڈن میں قرآن مجید کی بےحرمتی کے خلاف احتجاجی مظاہرہ کیا گیا
شرکاء نے عظمت قرآن کے حق میں نعرے لگائے
ریلی سے خطاب کرتے ہوئے عمر مغل و دیگر نے مطالبہ کیا کہ گورنمنٹ فی الفور سخت اقدامات کرے اور سویڈن کا بائیکاٹ کیا جائے اور حکمران ایسا سخت گیر رویہ اپنائیں کہ کل کو کسی کی بھی اتنی جرآت نا ہو سکے کہ وہ شعائر اسلام کی توہین کر سکے
شرکاء نے سویڈن کے خلاف نعرے بازی کی اور مطالبہ کیا کہ عالمی برادری یک جان ہو کر عالم کفر کا مقابلہ کرے

قصور
بلہے شاہ ٹی ٹوئنٹی کرکٹ چیمپئن شپ آج سے سپورٹس ڈیپارٹمنٹ قصور کے زیر سایہ سپورٹس کمپلیکس قصور میں شروع ہو گی،ضلع بھر سے 25 ٹیمیں حصہ لیں گیں

تفصیلات کے مطابق قصور سپورٹ کمپلیکس قصور میں سپورٹس ڈیپارٹمنٹ قصور کے زیر اہتمام آج سے بلہے شاہ سپر لیگ ٹی ٹوئینٹی کرکٹ چیمپئن شپ شروع ہو رہی ہے جس میں ضلع بھر سے 25 ٹیمیں حصہ لیں رہی ہیں
فائنل 12 فروری کو ہو گا اور جیتنے والی ٹیموں میں انعامات تقسیم کئے جائیں گے
ٹورنامنٹ کے لئے خصوصی کاوش
عبدالقیوم تحصیل سپورٹس آفیسر ،لطیف انصاری صاحب سابق مینجر فیصل آباد ریجن ،حافظ ساجد اونر بلھے شاہ فارم سوسائٹی، صوفی حبیب علی خاں کپتان غوثیہ کرکٹ کلب ،مہر وقاص صدر کیسر گڑھ کرکٹ کلب ،حاجی ادریس صاحب صدر المدینہ کی کرکٹ کلب نے کی ہے

قصور
پیٹرولیم مصنوعات کی قیمتوں میں متوقع اضافے کے پیش نظر بیشتر پیٹرول پمپوں نے پیٹرولیم مصنوعات کی فروخت روک دی،شہری سخت پریشان

تفصیلات کے مطابق قصور ضلع بھر میں بیشتر مقامات پر پیٹرولیم مصنوعات کی قیمتوں میں متوقع اضافے کے پیش نظر پیٹرول پمپ مالکان نے کل سے ہی پیٹرولیم مصنوعات کی فروخت روک دی ہے جس کے باعث شہری سخت پریشان ہیں
پیٹرول پمپ مالکان کا کہنا ہے کہ کمپنیوں کی طرف سے ہی پیٹرولیم مصنوعات کی ترسیل روکی گئی ہے جبکہ بیشتر پیٹرول پمپ زائد قیمت پر پیٹرول بیچ رہے ہیں جس کے باعث مہنگائی کے مارے لوگ مذید پریشان ہو گئے ہیں
لوگوں کا کہنا ہے کہ چار سے پانچ دن قبل ہی متوقع اضافے کے پیش نظر مہنگا پیٹرول بیچنا اور لوگوں کو ذلیل کرنا انتہائی تشویشناک ہے

قصور
پاکستانی تاریخ کے واحد اپنی مدد آپ کے تحت دیہی علاقے میں بنائے گئے احمد تھیلیسیمیا کیئر ہسپتال کنگن پور قصور کا کیمسٹ ایسوسی ایشن چونیاں کا دورہ،تعاون کی یقین دہانی

تفصیلات کے مطابق پاکستانی تاریخ میں کسی بھی دیہی علاقے میں اپنی مدد آپ کے تحت بننے والا احمد تھیلیسیمیا کئیر ہسپتال واحد اور اپنی مثال آپ ہے
انتہائی کم مدت میں اہلیان علاقہ کے تعاون سے بہت بڑا پراجیکٹ بہت قلیل مدت میں مکمل کیا گیا جس کا سہرا اہلیان علاقہ کیساتھ احمد تھیلیسیمیا کیئر فاؤنڈیشن کی بے لوث مدد گار ٹیم کو جاتا ہے جس نے دن رات ایک کرکے خوب محنت کی اور تھیلیسیمیا کے مریض بچوں کیلئے ہسپتال قائم کیا
احمد تھیلیسیمیا کیئر ہسپتال کنگن پور قصور کا افتتاح 12 فروری کو متوقع ہے جس میں ملک بھر سے مختلف مکتبہ فکر کے لوگ شرکت کریں گے
احمد تھیلیسیمیا کئیر ہسپتال کنگن پور قصور کی شاندار کارکردگی کو سراہتے ہوئے
تحصیل کیمسٹ ایسوسی ایشن چونیاں ڈسٹرکٹ قصور کے وفد نے ہسپتال کا وزٹ کیا
احمد تھیلیسیمیا کیئر فاؤنڈیشن کے بانی پروفیسر عبدالستار ،ابتسام الہی،احسن جمال و دیگر نے
مہمانوں کو ہسپتال کی تعمیر اور افتتاح کے حوالے سے مکمل بریفنگ دی
احمد تھیلیسیمیا کیئر ہسپتال کی بے لوث ٹیم کی شاندار کارکردگی دیکھتے ہوئے مہمانوں نے کام کو خوب سراہا اور ایسوسی ایشن کی طرف سے ہسپتال کے ساتھ بھرپور تعاون کا وعدہ کیا
واضع رہے کہ ضلع قصور میں تھیلیسیمیا کے مریض بچوں کے لئے کوئی سہولت موجود نہیں جس کے باعث انہیں لاہور لیجانا پڑتا تھا جس سے بچوں کو شدید مشکلات کا سامنا کرنا پڑتا تھا مریض بچوں کی اس مشکل کو آسان کرتے ہوئے احمد تھیلیسیمیا کیئر فاؤنڈیشن نے ہسپتال بنایا جس پر مریض بچے اور ان کے لواحقین انتظامیہ کے بے حد مشکور ہیں

قصور
مرکزی مسلم لیگ کی توہین قرآن پہ احتجاجی ریلی،توہین قرآن کی سخت مذمت
تفصیلات کے مطابق سویڈن میں قرآن پاک کو سرکاری شہ پر جلائے جانے کے واقعے پر پاکستان مرکزی مسلم لیگ شہر قصور کی جانب سے پریس کلب کے سامنے احتجاجی مظاہرے کا انعقاد کیا گیا جس میں شہر قصور سے بڑی تعداد میں عوام نے شرکت کی
مظاہرے سے خطاب کرتے ہوئے پاکستان مرکزی مسلم لیگ قصور کے صدر چوہدری عاطف حنیف ایڈووکیٹ، رہنما پی ٹی ائی میاں محمد عمران اور چوہدری شمس الدین صدر انجمن تاجران مفتی طاہر رہنما دیوبند مسلک و دیگر سیاسی و سماجی شخصیات نے خطاب کیا
احتجاجی مظاہرے میں قصور شہر کی مختلف تاجر، مزدور، طلبا، نوجوانوں کی تنظیموں، سول سوسائٹی اور رکشہ یونین نے بھی شرکت کی
شرکاء نے ہاتھوں میں بینرز اٹھا رکھے تھے جن پر قرآن پاک کی محبت پر مبنی اور اس واقعے کے خلاف مذمتی الفاظ درج تھے
مظاہرین نے قرآن کریم کی محبت اور سویڈن کی مذمت میں شدید نعرے بازی کی
شرکاء سے خطاب کرتے ہوئے ایڈووکیٹ چوہدری عاطف حنیف نے کہا کہ یورپی ممالک میں مسلمانوں کی دل آزاری کے پے در پے واقعات انتہائی تشویشناک ہیں
یورپی ممالک کو اس رجحان کو ختم کرنا چاہیے کیونکہ قرآن کریم اللہ کا کلام ہے اور مسلمان دل و جان سے اس سے محبت کرتے ہیں
انہوں نے کہا کہ قرآن کریم کو جلایا جانا کوئی آزادی اظہار رائے نہیں بلکہ کھلی دہشت گردی ہے جس کی ہر فورم پر نا صرف مذمت ہونی چائیے بلکہ ایسے واقعات کو عملاً روکا جانا چاہیے
انہوں نے کہا پاکستان مرکزی مسلم لیگ اس کی شدید الفاظ میں مذمت کرتی ہے ہم ان اقدامات کے خلاف اقوام متحدہ اور انسانی حقوق کے دیگر اداروں پر اس آواز کو اٹھائیں گے
رہنما پی ٹی ائی میاں عمران نے کہا کے ہر انسان کو اپنے مذہب پر عمل کا حق اور آزادی حاصل ہے کسی انسان کی دل آزاری تمام مذہبی اقدار اور عالمی قانون کی نفی ہے یورپ اس بات پر یقین کا دعویٰ کرتا ہے مگر مسلمانوں کی دل آزاری کے واقعات ان کی منافقت کو عیاں کر رہے ہیں
مرکزی مسلم لیگ اس طرز عمل کی شدید مزمت کرتی ہے
مقررین نے کہا کہ یورپ جانتا کہ مسلمان قرآن سے شدید محبت کرتے ہیں مگر اس کے باوجود کبھی قرآن کریم سرکاری اجازت کیساتھ سرعام جلایا جاتا ہے تو کبھی نبی کریم صلی اللہ علیہ وسلم کے خاکے بنائے جاتے ہیں، ان سب اقدامات کا مقصد کیا ہے، یہ اسلام اور مسلمانوں سے دشمنی ہے یہ اسلاموفوبیا ہے جو پورے یورپ میں وائرس کی طرح پھیل چکا ہے اس پر عالمی برادری اور نام نہاد امن کے علمبرداروں کو نوٹس لینا چاہیے وگرنہ مسلمان ردعمل پر مجبور ہوں گے