قصور
جماعت اسلامی ضلع قصور تحصیل چونیاں کا ورکرز کنونشن کل چونیاں میں ہو گا،انتخابی منشور کا اعلان کیا جائے گا,ضلع بھر سے کارکنان شرکت کریں گے
تفصیلات کے مطابق
جماعت اسلامی قصور تحصیل چونیاں کے زیر اہتمام ورکرز کنونشن کا انعقاد کل بتاریخ
21 مارچ 2023 بروز منگل سپہر 2 بجے
بیگ میرج ہال چھانگا مانگا روڈ چونیاں میں منعقد کیا گیا ہے جس میں ضلع بھر سے کارکن شرکت کریں گے
اس ورکرز کنونشن میں
جماعت اسلامی اپنے انتخابی منشور کا اعلان کرے گی
قصور
مایہ ناز استاد اور قصور شہر کا سرمایہ ،ہزاروں نامور شاگردوں کے استاد سر عبدالقیوم آہو اور سسکیوں کیساتھ سپرد خاک،ضلع بھر سے ان کے شاگردوں سمیت ہر مکتبہ فکر کے لوگوں کی نماز جنازہ میں شرکت اور مرحوم کے لئے دعائے مغفرت
تفصیلات کے مطابق گزشتہ دن قصور شہر کے نامور اور سینئیر ترین ٹیچر سر عبدالقیوم ایس ایس ٹی ٹیچر گورنمنٹ ماڈل ہائی سکول قصور وفات پا گئے تھے جن کی نماز جنازہ گزشتہ دن ریلوے اسٹیشن گراؤنڈ سٹی قصور میں ان کے ہزاروں شاگردوں و رفقاء کی موجودگی میں آہو سسکیوں کیساتھ ادا کی گئی
سر عبدالقیوم نے اپنی سر کا بیشتر وقت گورنمنٹ ٹیچرز ٹریننگ سکول ( موجودہ گورنمنٹ لیب سکول) میں گزارا اور اب گورنمنٹ ماڈل ہائی سکول قصور میں سپیشلسٹ سبجیکٹ ٹیچر تعینات تھے
ان کی زندگی انتہائی عاجزانہ اور شریفانہ تھی
ان کی بےپناہ شفقت اور محبت کے باعث طلباء ان کی انتہائی عزت کرتے تھے
سر عبدالقیوم ایک استاد ہونے کے ساتھ ایک اعلی پائے کے مبلغ و داعی بھی تھے انہوں نے ساری زندگی درس و تدریس کیساتھ اپنے شاگردوں کو دین اسلام سے روشناس کروایا جس کے باعث شہر قصور کے تمام معزز اساتذہ میں سے ان کو امتیازی حیثیت حاصل تھی
ان کے شاگردوں میں ہزاروں نامور ٹیچرز،پروفیسرز،ڈاکٹرز،وکلا،عالم دین اور صحافیوں کے علاوہ ہر مکتبہ فکر کے کامیاب ترین لوگ شامل ہیں
ان جنازے میں موجود ان کے شاگردوں نے رو رو کر رب سے ان کی مغفرت اور درجات کی بلندی کی دعا کی
یوں تو ضلع بھر کے تمام اساتذہ ہی شرافت و شرم و حیاء کا پیکر اور علم کا دریا ہیں مگر جو مقام سر عبدالقیوم کو تھا وہ شاید کسی اور کے حصے میں کم ہی ہے
قصور
رمضان سے قبل پیٹرولیم مصنوعات کی قیمتوں میں اضافہ باعث تشویش،بلیک مارکیٹنگ مافیا اور ناجائز منافع خور پہلے سے تیار بیٹھے تاجروں کو نیا بہانہ مل گیا
تفصیلات کے مطابق گورنمنٹ نے رمضان سے چند دن قبل پیٹرولیم مصنوعات کی قیمتوں میں اضافہ کرکے مہنگائی کے نئے طوفان کو دعوت دی ہے
بلیک مارکیٹنگ مافیا اور ناجائز منافع خور تاجر پہلے سے ہی رمضان کی امد کے پیش نظر چیزوں کی قیمتوں میں خودساختہ اضافہ کئے بیٹھے ہیں تاہم اب ان کو سرکار کی طرف سے ایک اور بہانہ مل گیا ہے جس کے باعث وہ اب اپنی من مانیاں مذید کرینگے اور ماہ رمضان برکات میں لوگوں کو تگنی کا ناچ نچائیں گے
گزشتہ رات گورنمنٹ نے پیٹرول کی قیمت میں 5 روپیہ فی لیٹر،ہائی سپیڈ ڈیزل کی قیمت میں 13 روپیہ فی لیٹر اور مٹی کے تیل کی قیمت میں 2 روپے 56 پیسے فی لیٹر اضافہ کیا ہے اور ابھی 31 مارچ تک کوئی پتہ نہیں کہ پیٹرولیم مصنوعات کی قیمتیں مذید بڑھا دی جائیں
عوام کا کہنا ہے کہ اشرافیہ کے خرچ کم کرنے کے دعوے بےبنیاد ہی نکلے نا تو سرکاری گاڑیوں میں کمی کی گئی ہے نا ہی پروٹوکول میں کمی ہوئی ، بس ایک عوام پہ ہی جینے کی تنگی کرنا ان حکمرانوں کا پسندیدہ مشغلہ ہے
قصور
مچھروں کی بہتات،شہری ملیریا سیمت کئی خطرناک بیماریوں کا شکار،انتظامیہ نے عرصہ دراز سے مچھر مار سپرے نہیں کیا،شہری پریشان،انتظامیہ سے مچھر مار سپرے کرنے کا مطالبہ
تفصیلات کے مطابق قصور میں مچھروں کی بہتات ہو گئی ہے
مچھروں کی افزائش میں بڑی تیزی سے اضافہ ہو رہا ہے جس کے باعث شہری ملیریا سمیت کئی خطرناک بیماریوں کا شکار ہو رہے ہیں
ملیریا کے باعث لوگ بیمار ہو کر گھروں میں پڑے ہیں
ضلعی انتظامیہ و ڈینگی سکواڈ کی بے حسی عروج پہ ہے
عرصہ دراز سے مچھر مار سپرے نہیں کیا گیا جس کے باعث مچھروں کی افزائش دن بدن بڑھتی جا رہی ہے
شہریوں نے ڈپٹی کمشنر قصور و سی ای او ہیلتھ سے مطالبہ کیا ہے کہ مچھر مار سپرے کیا جائے تاکہ مچھروں کی افزائش رکے اور لوگ مچھروں کے کاٹنے سے محفوظ رہ کر مختلف قسم کی بیماریوں سے بچ سکیں
قصور
پنجاب بھر کی طرح آج قصور میں بھی پنجاب کلچر ڈے منایا جا رہا ہے،سکولوں کالجوں میں فیسٹیولز کا انعقاد
تفصیلات کے مطابق آج 14 مارچ کو پنجاب بھر کی طرح پورے ضلع قصور میں بھی پنجاب کلچر ڈے سرکاری طور پہ منایا جا رہا ہے
سرکاری سکولوں کالجوں اور دفاتر میں پنجابی ثقافت کے لحاظ سے فیسٹیولز کئے جا رہے ہیں جس میں پنجاب کے ثقافتی ورثے بارے سیمینارز منعقد کئے جا رہے ہیں
سکولوں کالجوں کے طلباء و طالبات کو کہا گیا کے کہ اس دن بغیر یونیفارم کے اپنے ثقافتی ورثے میں آئیں تاکہ پنجاب کے کلچر کو اجاگر کیا جائے
قصور
طارق عزیز سندھو ڈی پی او قصور نے شہدائے پولیس قصور کے لواحقین اور بچوں کی دعوت خاص کی،شہداء کے بچوں سے پیار کیا اور ان کی تعلیم و تربیت پر خصوصی توجہ دینے کا عزم کیا
تفصیلات کے مطابق ڈسٹرکٹ پولیس آفیسر قصور طارق عزیز سندھو نے شہدائے قصور پولیس کے بچوں و فیملیوں کی دعوت خاص کی اور اپنا ٹائم شہداء کی فیملیوں کیساتھ گزارہ
ڈی پی او نے بچوں و فیملیوں کا خود استقبال کیا اور ان سے گپ شپ گپ کرتے ہسئے کہا کہ شہداء ہمارا قیمتی اثاثہ ہیں ہم ان شاءاللہ شہداء کی فیملیوں کو بے یار و مددگار نہیں چھوڑیں گے
ڈی پی او قصور نے اس عزم کا اعادہ کیا کہ شہداء کے بچوں کی تعلیم و تربیت کے پر خصوصی توجہ دی جائے گی اور ان کی ضروریات کا خاص خیال رکھا جائے گا
قصور
تھانہ مصطفیٰ آباد للیانی میں ڈاکو راج، ڈاکوؤں نے
غریب محنت کش چارہ کاٹنے والے مزدوروں سے،نقدی،موبائل فونز اور لوڈر رکشہ چھین لیا
تفصیلات کے مطابق قصور کے تھانہ مصطفیٰ آباد للیانی میں ڈاکو راج قائم ہے
حدود تھانہ میں وارداتوں کا تسلسل زور پکڑ گیا ہے جس کے باعث لوگ خود کو غیر محفوظ سمجھتے ہیں
گزشتہ رات دس بجے کے قریب تھانہ مصطفیٰ آباد کی چوکی دفتوہ کے قریب بمقام پانڈو کی پل پہ چار نامعلوم مسلح ڈاکوؤں نے محنت کش غریب مزدوروں سے لوڈر رکشہ گن پوائنٹ پہ چھین لیا
محمد سفیان ولد عبداللہ قوم انصاری،سلطان،رحمت،مدثر،احسان،رمضان،رحمن،اور اشفاق گجر نامی مزدور چارہ کاٹنے موضع لدھیکی بھلر گئے جہاں سے واپسی آتے ہوئے ایک موٹر سائیکل پہ سوار چار نامعلوم نقاب پوش ڈاکوؤں نے ان کے رکشے کو آگے آکر روک لیا اور ان سے نقدی رقم بمد مزدوری 17000، تین عدد موبائل اینڈرائیڈ،دو عدد موبائل کی پیڈ گن پوائنٹ پہ چھین لئے اور مزدوروں کو ان کے صافوں سے باندھ دیا
دو ملزمان مزدوروں کا بغیر نمبری رکشہ انجن نمبری 8L705347 لے کر فرار ہو گئے جب کہ باقی دو ملزمان مزدوروں پہ پہرہ دیتے رہے جب رکشہ لے کر جانے والے ملزمان کو 20 منٹ گزر گئے تو ںاقی دونوں ملزمان بھی اپنی بغیر نمبری موٹر سائیکل پہ فرار ہو گئے
ملزمان کے بھاگنے کے بعد مزدوروں نے شور مچا کر گزرنے والے لوگوں کو متوجہ کیا اور پولیس کو کال کی تاہم 30 منٹ بعد چوکی دفتوہ کے اہلکار جائے وقوعہ پہ پہنچے
غریب محنت کش مزدوروں نے ڈی پی او قصور سے ازخود نوٹس لے کر کاروائی کا مطالبہ کیا ہے
قصور
سڑک کنارے لگے درخت لوگوں کے لئے دھوپ سے بچنے کی نعمت ہیں،مگر ان کے پتے اور پھول سڑک پہ چلتی گاڑیوں،موٹر سائیکلوں کے لئے خطرناک بھی،انتظامیہ سے سڑکوں کی صفائی بارے نوٹس لینے کی اپیل
تفصیلات کے مطابق سڑک کنارے لگے درخت گزرنے والے راہگیروں مسافروں کے لئے بہت بڑی نعمت ہیں جس کا ثواب لگانے والے افراد و گورنمنٹی اداروں کو ہے تاہم ان میں سے بیشتر درختوں کے پتے و پھول گر کر سڑک پہ پھسلن پیدا کرتے ہیں جس سے خاص طور پہ موٹر سائیکل سواروں کا نقصان ہوتا ہے
جہاں ان درختوں کے لئے پانی لگانا ضروری ہے وہاں ان کے گرنے والے پتوں ،پھولوں کو سڑک سے اٹھانا بھی ضروری ہے تاکہ گزرنے والے مسافر حادثات سے محفوظ رہ سکیں
شہریوں نے ضلعی انتظامیہ قصور سے اپیل کی ہے کہ ان درختوں کو ٹائم پہ پانی لگانے کیساتھ ان کے پتے و پھول بھی سڑک سے اٹھائے جائیں تاکہ لوگ سڑکوں پہ بغیر حادثات کے ڈر سے سفر کر سکیں
قصور
کن پیڑے،ممپس (Mumpus) ( پنجابی میں گنؤوئیں) کی بیماری وبائی شکل اختیار کر گئی،
تفصیلات کے مطابق قصور میں کن پیڑے ممپس (mumpus) ( پنجابی میں گؤوئیں ) کی بیماری وبائی شکل اختیار کر گئی ہے
اس بیماری کا شکار زیادہ تر چھوٹے بچے ہو رہے ہیں
بیماری میں جبڑوں اور کان کے نیچے سوجن اور بخار کی شکایت ہوتی ہے جس سے گلے سے نیچے چیز نگلنے میں سخت دشواری پیش آتی ہے
اس بیماری سے بچوں میں چڑچڑا پن بھی زیادہ ہو جاتا ہے
ہر گھر میں ایک دو بچے اس بیماری کا شکار ہیں جس کے باعث بچوں کے والدین سخت پریشان ہیں
شہریوں نے محکمہ صحت و ضلعی انتظامیہ سے استدعا کی ہے کہ اس بیماری کے لئے خصوصی کاؤنٹرز قائم کئے جائیں جہاں اس بیماری سے بچاؤ کی احتیاط کیساتھ اس کے مؤثر علاج بارے آگاہی دی جائے تاکہ ننھے معصوم بچوں کو اس اذیت ناک بیماری سے بچایا جا سکے
قصور
ڈسٹرکٹ پریس کلب قصور میں الیکشن 2023_2024 کی تیاریاں جاری
تفصیلات کے مطابق ڈسٹرکٹ قصور کی سب سے بڑی صحافتی تنظیم ڈسٹرکٹ پریس کلب قصور کے سالانہ انتخابات 2023_2024 کے کی تیاریاں جاری ہیں جس کے لئے
چئیرمین الیکشن بورڈ ڈسٹرکٹ پریس کلب قصور ندیم اختر چوہدری،کوآرڈینیٹر میاں محمد رفیق ایڈووکیٹ،تحصیل قصور سے الیکشن بورڈ ممبر عمران علی نجفی،کوٹ رادھا کشن سے ملک عبدالعزیز ،تحصیل چونیاں سے آغا محمد ریاض اور تحصیل پتوکی سے محمد جاوید سہوترا
کو نامزد کیا گیا ہے
الیکشن بورڈ کے زیر سایہ
18 مارچ کو دن 9 بجے سے دوپہر 3 بجے تک ووٹنگ ہو گی جس میں 700 سے زائد رجسٹرڈ صحافی ممبران ضلع بھر سے شامل ہر کر بیلٹ پیپر کے ذریعے ووٹ کاسٹ کریں گے اور 11 رکنی باڈی تشکیل پائے گی
ممبران کی تجدید و جانچ پڑتال کا عمل جاری ہے نیز کاغزات نامزدگی کیلئے آخری تاریخ 8 مارچ مقرر کی گئی ہے
ضلعی صدر کے امیدوار کا گریجویشن پاس ہونے کے ساتھ کم ازکم 10 سالہ صحافتی تجربہ یا پھر کم ازکم تعلیمی قابلیت ایف اے اور 20 سالہ صحافتی تجربہ لازم ہے
نائب صدر و جنرل سیکرٹری عہدوں کے لئے کم ازکم تعلیمی قابلیت میٹرک اور 10 سالہ صحافتی تجربہ و دیگر عہدوں کیلئے 5 سالہ صحافتی تجربہ لازم قرار دیا گیا ہے