Tag: baaghi

قصور
الہدی فری دسترخوان قصور کے زیر اہتمام سینکڑوں لوگوں کو فری کھانا کھلایا جا رہا ہے،اہلیان قصور کے تعاون سے دسترخوان کو مذید وسعت دینے کا فیصلہ

تفصیلات کے مطابق مہنگائی کے اس دور میں لوگ دو وقت کی روٹی کو ترس رہے ہیں ایسے میں دکھی انسانیت کی خدمت پیش پیش الہدیٰ فری دسترخوان قصور کے زیر اہتمام ڈسٹرکٹ ہیڈ کوارٹرز ہسپتال قصور میں روزانہ کی بنیاد پر لوگوں کو فری کھانا مہیا کر رہا ہے
ڈسٹرکٹ ہیڈ کوارٹرز ہسپتال میں روزانہ سینکڑوں مریضوں اور کے لواحقین کیساتھ غریب و فقراء کو باعزت طریقے سے بٹھا کر کھانا کھلایا جاتا ہے
دسترخوان کے انچارج بشیر وڑائچ نے بتایا کہ اہلیان قصور کے تعاون سے ہی لوگوں کو کھانا مہیا کیا جا رہا ہے
ہر روز نئے مینیو کیساتھ لوگوں کی خدمت کی جاتی ہے اور اب اہلیان قصور کے خاص تعاون سے اس دسترخوان میں مذید وسعت کی جائے گی اور اس دسترخوان کو قصور کی چاروں تحصیلوں تک پھیلایا جائے گا

قصور
جاز کمپنی بے لگام، اکاؤنٹ بیلنس چیک کرنے پہ جاز کیش کسٹمرز سے پہلے 25 پیسہ کٹوتی شروع کی تھی اب اچانک بڑھا کر 50 پیسہ کر دیئے،صارفین سخت پریشان،کمپنیوں کو لگام ڈالنے کی استدعا

تفصیلات کے مطابق جہاں سرکاری ادارے و بلیک مارکیٹنگ مافیا حکومتی کنٹرول سے باہر ہے وہیں موبائل فون کمپنیاں بھی گورنمنٹ کے کنٹرول سے باہر ہو چکی ہیں ان کمپنیوں کا
جب جی چاہتا ہے کالز،ایس ایم ایس،انٹرنیٹ بنڈلز کے ریٹس بڑھا دیئے جاتے ہیں
چند ماہ قبل جاز کمپنی نے اپنے جاز کیش کسٹمرز سے اپنا جاز کیش اکاؤنٹ بیلنس چیک کرنے پہ 25 پیسے کٹوتی شروع کی تھی جو کہ اب اچانک بڑھا کر 50 پیسہ کر دی گئی ہے
بار بار بڑھائے جانے والے ریٹس سے صارفین سخت پریشان ہیں اور گورنمنٹ سے مطالبہ کرتے ہیں کہ ان کمپنیوں کو لگام ڈالی جائے تاکہ یہ اپنی من مانیاں کرکے لوگوں کی جیبوں پہ ڈاکا نا ڈال سکیں

قصور
صحافی محسن چوہدری کو میونسپل کارپوریشن قصور کے ملازم کی جانب سے لیگل نوٹس،صحافی برادری کی جانب سے مذمت

تفصیلات کے مطابق قصور کے صحافی چوہدری محسن ( ڈسٹرکٹ رپورٹر روزنامہ عظمت) نے چند دن قبل میونسپل کارپوریشن قصور کے ملازم رفاقت علی کے خلاف خبر لگائی جس میں ملازم پہ رشوت لینے کا الزام لگایا گیا اور ڈیوٹی میں غفلت بھرتنے کا عمل تشہیر ہوا
اس خبر پہ میونسپل کارپوریشن کے ملازم رفاقت علی نے راشد محمود چوہدری ایڈووکیٹ ہائیکورٹ کے توسط سے صحافی چوہدری محسن کے خلاف لیگل نوٹس جاری کروائے جس میں کہا گیا ہے کہ خبر بے بنیاد اور جھوٹ پہ مبنی ہے اور اس کا کسی قسم کی رشوت اور ڈیوٹی میں غفلت سے کوئی تعلق نا ہے
صحافی کے خلاف لیگل نوٹس جاری کروانے پہ صحافیوں نے مذمت کی ہے اور شفاف تحقیقات کا مطالبہ کیا ہے تاکہ حق و سچ کا علم ہو سکے

قصور
مہنگائی کا نیا طوفان،پریشان عوام،حکمران مہنگائی سے انجان

تفصیلات کے مطابق تین سال قبل شروع ہونے والے مہنگائی کے طوفان نے تھمنے کی بجائے شدت اختیار کر لی ہے جس کے باعث غریب آدمی کی دو وقت کی روٹی تو چھنی ہی تھی اب سانسیں بھی اکھڑنے لگی ہیں مگر اس ساری صورتحال کے پیش نظر حکمران انجان بنے بیٹھے ہیں اور طفل تسلیوں کے علاوہ کچھ بھی نہیں کر پا رہے
ضروریات زندگی کی تمام اشیاء قوت خرید سے باہر چکی ہیں
ہر روز اشیاء کی قیمتیں بڑھ رہی ہیں
پیاز 240 روپیہ کلو،آٹا 120 روپیہ فی کلو، کوکنگ آئل 510 روپیہ فی کلو،دودھ 160 روپیہ فی کلو، مرغی گوشت 500 روپیہ فی کلو فروخت ہو رہا ہے
مڈل کلاس اور غریب طبقہ کیلئے تو سانس لینا بھی کٹھن ہوتا جا رہا ھے
لوگ سوچنے پہ مجبور ہیں کہ آخر سابق و موجودہ حکمران چاہتے کیا ہیں
کیا عوام کی جان نکال کر ہی یہ لوگ سکھ کا سانس لیں گے کہ ملک میں خانہ جنگی کروا کر؟

قصور
ضلع بھر میں جعلی نوٹوں کی بھرمار،غریب سادہ لوح شہری،دکاندار نوسر بازوں کا شکار،انتظامیہ سے کاروائی کی اپیل

تفصیلات کے مطابق قصور ضلع بھر میں 500,1000 کے جعلی نوٹوں کی بھرمار ہے
نوسر باز آئے روز غریب سادہ لوح عوام و دکانداروں کو چونا لگا رہے ہیں جس سے مہنگائی کے مارے غریب محنت کش دیہاڑی کی کمر ٹوٹ جاتی ہے
سارا دن مزدوری کرکے جعلی نوٹ ملنے پہ شدید صدمہ برداشت کرنا پڑتا ہے
نیز غریب و سادہ لوح جب کسی دکان یا بینک پہ جعلی نوٹ لاعلمی میں لیجاتے ہیں تو آگے سے ان کو دھمکیوں کا سامنا بھی کرنا پڑتا ہے کہ جعلی نوٹ بنانے والوں سے آپ کے روابط ہیں حالانکہ اس غریب کو خود چونا لگا ہوتا ہے
اس ساری صورتحال کے پیش نظر شہریوں نے جعلی کرنسی نوٹ مافیا کے خلاف سخت کاروائی کا مطالبہ کیا ہے

قصور
جرائم پیشہ عناصر کے خلاف کاروائی میں کروڑوں روپیہ مالیت کی منشیات پکڑی گئی،ملزمان گرفتار

تفصیلات کے مطابق جرائم پیشہ عناصر کے خلاف کاروائی کرتے ہوئے
تھانہ صدر پتوکی پولیس نے کروڑوں روپے مالیت کی 20 کلو گرام ہیروئن،2 کلو آئس اور 5 کلو افیون پکڑ لی اور دو خواتین سمیت پانچ ڈیلرز کو بھی گرفتار کر لیا ہے
ملزمان کے خلاف ڈیڑھ درجن مقدمات درج ہوئے ہیں
انکشاف ہوا ہے کہ ملزمان فیملی کی آڑ میں تعلیمی اداروں سمیت مختلف علاقوں میں منشیات سپلائی کرتے تھے
شہریوں نے جرائم پیشہ عناصر کے خلاف کاروائی پہ قصور پولیس کا شکریہ ادا کیا ہے

قصور
شدید سردی کی نئی لہر،درجہ حرارت تین درجہ سینٹی گریڈ ،آنے والے دنوں میں درجہ حرارت مذید کم ہونے کے امکانات،گیس و بجلی کی بندش کے باعث لوگ پریشان

تفصیلات کے مطابق قصور میں سردی کی نئی لہر داخل ہوئی ہے جس سے آج شہر قصور و گردونواح کا کم سے کم درجہ حرارت تین درجہ سینٹی گریڈ اور زیادہ سے زیادہ سترہ درجہ سینٹی گریڈ تک ریکارڈ کیا گیا ہے
محکمہ موسمیات کے مطابق آنے والے دنوں میں درجہ حرارت مذید گرنے کے امکانات ہیں اور امکان ہے کہ جمعتہ المبارک کو کم سے کم درجہ حرارت دو درجہ سینٹی گریڈ ہو گا
شدید سردی میں شہریوں کو نا تو متواتر گیس مل رہی ہے نا ہی بجلی جس کے باعث لوگ سخت پریشان ہیں نیز مہنگائی سے خشک میوہ جات اور انڈے بھی مہنگے ہو گئے ہیں جس سے شہریوں کی مشکلات میں مذید اضافہ ہوا ہے
شدید سردی کی لہر سے شہریوں میں نمونیا و ٹائیفائیڈ کیساتھ جلدی امراض بھی جنم لے رہے ہیں

قصور
ڈاکوؤں کا نیا طریقہ واردات ،
ضلع بھر سے سوشل میڈیا پہ دوستی کے بعد ملاقات و گاڑی میں لفٹ دینے کے بہانے اغواء کرکے بذریعہ جاز کیش رقم منگوانے کی وارداتیں،عوام سے ہوشیار رہنے کی اپیل

تفصیلات کے مطابق قصور ضلع بھر سے گزشتہ چند ماہ سے ایسی بہت سی وارداتیں سامنے آئی ہیں کہ جن میں فیسبک و دیگر سوشل میڈیا ویب سائٹس پہ دوستی کرکے ملاقات کا بہانہ کرکے اور راہ چلتے لوگوں کو گاڑی میں لفٹ دینے کا بہانہ کرکے اغواء کرکے اپنی گاڑی میں اسلحہ کے زور پر بٹھا لیا جاتا ہے اور اسی مغوی کے موبائل اکاؤنٹ سے پیسے منگوائے جاتے ہیں اور فوری کسی دوسری دکان پہ جاکر یا اے ٹی ایم سے رقم نکلوا لی جاتی ہے تاکہ کسی قسم کا کوئی ثبوت باقی نا رہے
اب تک کی سامنے آنے والی وارداتوں میں مغوی پر تشدد تو کیا گیا مگر بذریعہ موبائل اکاؤنٹ پیسے منگوا کر مطلوبہ بندے کو چھوڑ دیا جاتا رہا ہے تاہم عوام سے محتاط رہنے کی اپیل ہے تاکہ تشدد اور مالی نقصان سے بچا جا سکے

قصور
صحت کارڈ پہ علاج کروانے والوں کو لوکل میڈیسن دے کر ملٹی نیشنل ادویات کا بل،عوام و سرکار دونوں کو رگڑا،نوٹس کی اپیل

تفصیلات کے مطابق قصور ضلع بھر کے صحت کارڈ پہ علاج کرنے والے رجسٹرڈ ہسپتالوں میں صحت کارڈ پہ علاج کروانے والوں کیساتھ ڈبل گیم کی جا رہی ہے
ایک طرف تو صحت کارڈ کے مریض کو لوکل میڈیسن دی جاتی ہے تو دوسری طرف سرکار کے کھاتے میں ملٹی نیشنل ادویات کا بل ڈالا جاتا ہے جبکہ یہی لوکل میڈیسن اگر کوئی باہر سے خرید کر استعمال کرے تو اسے تنبیہہ کی جاتی ہے کہ یہ لوکل ادویات آپ کی صحت پر برے اثرات مرتب کرتی ہے یہ قابل قبول نہیں آپ لکھی ہوئی ہی دوائی استعمال کریں
مگر حیرت کہ اب وہی لوکل کمپنیاں ان ہسپتالوں کی من پسند بھی بن گئیں
جو اینٹی بائیوٹک گولی ملٹی نیشنل کمپنی کی 40 روپیہ کی ہے وہ لوکل کمپنی کی 7 روپیہ کی ہے
لوگوں کی مجبوری سے فائدہ اٹھانے کیساتھ ساتھ سرکار کو بھی ٹیکہ لگایا جا رہا ہے
شہریوں نے وفاقی و صوبائی وزیر صحت سے نوٹس کی استدعا کی ہے