Tag: #BaaghiTV #Strike #exclusive

قومی سلامتی کے اداروں اور ملک دشمن بیانیہ کے خلاف پاکستان عوامی تحریک کا احتجاج پر غور
عوامی تحریک کا اہم اجلاس 13نومبر جمعہ شام 7بجے صوبائی سیکرٹریٹ گلشن اقبال میں طلب کر لیا اجلاس میں ملک دشمن بیانئے اور کراچی کے مسائل پر احتجاج،کورونا پھیلاؤ کے محرکات پر غور کیا جائے گا،پی اے ٹی اجلاس کی صدارت مشتاق صدیقی کریں گے صوبائی قیادت بھرپور شرکت کرے گی،سیاست نہیں ریاست بچاؤ کا ڈاکٹر طاہر القادری نے جو نعرہ 8سال پہلے لگایا وہ قوم کو اب اچھی طرح سمجھ آگیا،کرپٹ نظام کے پیداوار نام نہاد حکمران سیاسی مفادات کی خاطر ریاست کو داؤ پر لگا رہے ہیں

تفصیلات کے مطابق پاکستان عوامی تحریک کراچی کے ترجمان و سیکرٹری انفارمیشن الیاس مغل نے کہا ہے کہ ڈاکٹر طاہر القادری نے آج سے 8سال پہلے سیاست نہیں ریاست بچاؤ کا جو نعرہ لگایا تو اس پر کرپٹ نظام کے پیداوار حکمرانوں نے سازشیں شروع کر دیں اور نعرے کو متنازع بنایا گیا مگر قوم اب سمجھ آگیا ڈاکٹر طاہر القادری نے اس وقت ٹھیک کہا تھا کہ کرپٹ حکمران ذاتی مفادات اور کرپٹ سیاست کیلئے ریاست کو داؤ پر لگا رہے ہیں آج وہی کام دوبارہ شروع ہو چکا ہے۔

پاکستان عوامی تحریک کے ترجمان الیاس مغل کے مطابق عوامی تحریک کا اہم اجلاس 13نومبر جمعہ شام 7بجے صوبائی سیکرٹریٹ گلشن اقبال میں منعقد ہو گا۔اجلاس کی صدارت صوبائی صدر پی اے ٹی مشتاق صدیقی کریں گے جبکہ تمام صوبائی قائدین شرکت کریں گے۔ترجمان کے مطابق اجلاس میں قومی سلامتی کے اداروں اور ملک دشمن بیانیہ،تاجدار کائنات ﷺ کی شان میں بے حرمتی،کراچی کے مسائل کے خلاف عوامی احتجاج پر غور کیا جائے گا۔اجلاس میں کورونا کے بڑھتے ہوئے واقعات اور اس کے محرکات پر بھی غور ہو گا۔پاکستان عوامی تحریک کراچی کے SAVE KARACHI سیمینارز،پی ایس تنظیمات کو ممبر سازی کیلئے متحرک کرنے پر اہم فیصلہ جات کئے جائیں گے

نومنتخب امریکی صدر جو بائیڈن نے کل ایک ٹویٹ کی اور ایک آج کی یہ دونوں ٹویٹس مستقبل میں امریکی پالیسی کے کچے چٹھے واضح کر رہی ہیں۔ گزشتہ رات کی گئی ٹویٹ میں بائیڈن نے کہا "میں نے دنیا بھر کے رہنماؤں سے بات کرتے ہوئے انہیں بتایا ہے کہ امریکہ گیم میں واپس آ رہا ہے” اور آج اب سے کچھ منٹ پہلے ایک اور ٹویٹ میں امریکی صدر نے امریکی فوجیوں کی خدمات کو خراج تحسین پیش کرتے ہوئے کہا ہے کہ میں تمہارا وہ کمانڈر ان چیف ہوں جسے تمہاری قدر ہے اور جو تمہاری اہمیت سے آگاہ ہے۔ یاد رہے کہ گزشتہ چار سال تو ٹرمپ زیادہ تر اپنے جنرلوں سے دست و گریباں رہا ہے اور اس نے امریکہ فرسٹ کی بنیاد پر باہر کے پھڈوں سے جان چھڑانے کی کوشش کی اور متعدد ایسے اقدامات کیے جن سے امریکہ دنیا بھر میں تماشہ بنتا رہا جس سے امریکی عالمی ساکھ بھی متاثر ہوئی تاہم جو بائیڈن کی دونوں ٹویٹس مستقبل کے حوالے سے امریکی پالیسی سازوں کے عزائم کو واضح کر رہی ہے۔

یہاں سے امریکی ڈیپ سٹیٹ اور اسٹیبلشمنٹ کی طاقت و قوت بھی عیاں ہو گئی کہ ہوتا وہی ہے جو سٹیٹ کے ادارے سٹیٹ کیلئے طے کرتے ہیں پھر چاہے ٹرمپ جیسا کتنا بھی دنیا کا طاقتور ترین صدر ہو اسے راستے سے ہٹانا کتنا آسان ہوتا ہے۔

کچھ پاکستانی تجزیہ نگاروں نے جوبائڈن کو ماضی میں دئے گئے تمغے ہلال پاکستان کے حوالے سے خوش آئند قرار دیا ہے لیکن اوپر دی گئی ٹویٹس کے تناظر میں افغانستان ، پاکستان اور سی پیک کے حوالے سے معاملات اس قدر آسان نہیں ہونگے ۔ اللہ تعالیٰ خصوصاً پاکستان اور دنیا بھر کے مسلمانوں کو ان کے شر سے محفوظ رکھے یقیناً اللہ کی چال ان کی چال سے بہتر ہے۔