Tag: bollywood

اداکارہ اشنا شاہ جن کی شادی دو روز قبل کراچی میں معروف گالفر حمزہ امین سے انجام پائی، اشنا کی شادی کی تصاویر اور وڈیوز سوشل میڈیا پرگردش کرتی رہیں، اس پر ہو گئیں اداکارہ برہم انہوں نے انتہائی غصے میں انسٹاگرام پر ایک سٹوری لگائی ہے جس میں انہوں نے لکھا ہے کہ معروف بلاگر اے بی لاکھانی جن کو میں کافی عرصے سے جانتی تھی اس لئے انہیں شادی میں مدعو کیا ۔ میں نے صرف ان کو اکیلے کو شادی میں مدعو کیا تھا لیکن وہ جب شادی میں آئے تو اپنی بیوی اور فوٹوگرافر کے ساتھ ڈرون آپریٹر کو بھی ساتھ لے آئے ، اور میری فیملی سے کہا کہ میں نے اجازت دی ہے اس لئے وہ فوٹوگرافر لائے ہیں جو کہ بالکل غلط بیانی تھی میں نے ایسی کوئی اجازت نہیں دی تھی اور نہ ہی مجھے ایسا کچھ بتایا گیا تھا۔ اشنا شاہ نے کہا کہ جب شادی کے کارڈز بانٹے جا رہے

تھے تو کہا گیا تھا کہ جس کو بلایا جا رہا ہے صرف وہی آئے گا لیکن اے بی لاکھانی نے ایسا نہیں کیا۔ انہیں ایسا نہیں کرنا چاہیے تھا اور ویسے بھی کسی کی شادی کے قیمتی لمحات چرا کر سوشل میڈیا پر جاری کرنا انتہائی غلط حرکت ہے۔ میرے آفیشل فوٹوگرافر نے کسی قسم کی کوئی تصویر جاری نہیں کی ، یہ تمام تصاویر اور وڈیوز اے بی لاکھانی نے جاری کی ہیں جو کہ بد دیانتی ہے میں ان کے خلاف قانونی کاروائی کروں گی۔ دوسری طرف اے بی لاکھانی کے بھائی فہد لاکھانی نے کہا کہ میرا اے بی لاکھانی کی اس حرکت سے کسی قسم کا لینا دنیا نہیں ہے لیکن میں پھر بھی ان سے معافی مانگتا ہوں۔