Baaghi TV

Tag: bollywood

  • زینت امان نے بتا دیا وہ انسٹاگرام اکاونٹ کو کس مقصد کے لئے استعمال کریں گی

    زینت امان نے بتا دیا وہ انسٹاگرام اکاونٹ کو کس مقصد کے لئے استعمال کریں گی

    اسی کی دہائی کی بولڈ اور بیوٹی فل اداکارہ زینت امان جنہوں نے حال ہی میں انسٹاگرام جوائن کیا ہے ، جیسے ہی انہوں نے انسٹاگرام اکاﺅنٹ بنایا بڑی تعداد میں لوگوں نے ان کو فالو کیا، چند ہی دنوں میں ان کے فالورز کی تعداد بیاسی ہزار سے اوپر ہو چکی ہے۔ زینت امان نے کہا ہے کہ میں اپنے انسٹاگرام اکاﺅنٹ کا استعمال کسی مقصد کے تحت کروں گی اور وہ مقصد ہو گا ایشوز کو ہائی لائٹ کرنا ان پرکھل کر بات کرنا اور لوگوں کو شعور دینا۔ زینت امان نے حال ہی میں اپنے انسٹاگرام اکائونٹ پر ایک تصویر شیئر کی جس میں وہ اپنے سامنے میز پر ایک کتاب کے ساتھ کرسی پر بیٹھی دکھائی دے رہی ہیں۔ اپنے کیپشن میں انہوں نے اپنے مداحوں کا شکریہ ادا کرتے ہوئے لکھا

    کہ مجھے جتنی بڑی تعداد میں مداحوں کے تعریفی اور محبت بھرے پیغامات موصول ہوئے ہیں ان کے لئے میں آپ سب کا بہت زیادہ شکریہ ادا کرتی ہوں ۔ یوں زینت امان نے اپنے مداحوں کے ساتھ کا شکریہ ادا کرتے ہوئے کہا کہ وہ انسٹاگرام کا مسلسل استعمال کریںگی اور اس پر مختلف ایشوز پر بات کرتی رہیں گی کچھ اپنی کہیں گی اور کچھ لوگوں کی سنیں گی ۔ یاد رہے کہ زینت امان بالی وڈ کی وہ اداکارہ ہیں جنہوں نے ہیروئین کے تصور کو یکسر ہی بدل کر رکھ دیا تھا۔

  • وہ سب کرنے کی کوشش کی جس سے شوہر خوش رہے بشری انصاری

    وہ سب کرنے کی کوشش کی جس سے شوہر خوش رہے بشری انصاری

    سینئراداکارہ بشری انصاری کے انٹرویو کا ایک کلپ وائرل ہو رہا ہے جس میں وہ بتا رہی ہیں کہ ان کی شادی کیسے ہوئی. بشری انصاری اس انٹرویو میں کہہ رہی ہیں کہ میری شادی میرے شوہر سے ملاقات کے محض تین ماہ میں ہو گئی اور میں نے وہ سب کرنے کی کوشش کی جس سے وہ خوش ہوں . میں نے وہ تمام شوق ختم کر دئیے جو لڑکیوں‌ کے ہوتے ہیں ، یہاں تک کہ میرے شوہر نے کہا کہ کس دوست کو ملنا ہے کس کو نہیں‌ملنا میں نے ان کی خوشی کی خاطر یہ بھی کیا، مجھے ایسا لگتا تھا کہ میں شوہر کی ہر بات مانوں گی تو وہ بہت خوش ہو گا اور وہ خوش ہو گا

    تو میں خوش ہوں گی. انہوں نے کہا کہ میں کوئی اپنی تعریفیں نہیں‌کررہی ، لیکن ہمارے دور میں لڑکیاں ایسا ہی سوچتی تھیں کہ شوہر کو خوش کرنا ہے چاہیے کچھ بھی ہوجائے. لیکن مجھے نہیں‌پتہ تھا کہ رشتے ایسے نہیں چلتے. اور نہ ہی شوہر کی ہر بات ماننے سے رشتے پکے ہوتے ہیں. یاد رہے کہ بشری انصاری کی طلاق شادی کے پینتیس سال کے بعد ہوئی اس کے بعد انہوں نے اپنے سے کم عمر ڈائریکٹر کے ساتھ شادی کی.

  • سجل علی نے سری دیوی کو ماں کہہ دیا

    سجل علی نے سری دیوی کو ماں کہہ دیا

    پاکستانی اداکارہ سجل علی جن کی صلاحیتوں کو نہ صرف اپنے ملک میں بلکہ بھارت میں بھی بہت زیادہ سراہا جاتا ہے. انہوں نے سری دیوی کے ساتھ بھی فلم مام ، میں کام کیا . اس فلم میں وہ سری دیوی کی بیٹی بنی تھیں. سجل علی نے جب سے ان کے ساتھ کام کیا ہے وہ انکی بہت زیادہ معترف دکھائی دیتی ہیں. سجل علی نے اپنے حالیہ انٹرویو میں کہا ہے کہ سری دیوی وہ فنکارہ تھیں جو کسی دوسرے کو احساس تک نہیں دلاتی تھیں کہ وہ جونئیر ہے اور میں سینئر ہوں. انہوں نے کہا کہ شوٹنگ کے دوران سری دیوی مجھے بہت زیادہ گائیڈ کرتی تھیں. انہوں نے یہ بھی کہا کہ وہ میرے لئے میری ماں کی طرح تھیں انہوں نے مجھے بہت زیادہ پیار دیا. مجھے ان کے ساتھ کیا ہوا کام

    اور گزارا ہوا وقت ہمیشہ یاد رہے گا. انہوں نے کہا کہ سری دیوی میں سٹارز والی کوئی بات ہی نہیں تھی. یاد رہے کہ سجل علی نے سری دیوی کے ساتھ مام فلم میں‌کام کیا ، ان کے ساتھ پاکستانی اداکار عدنان صدیقی بھی تھے. ان دونوں کی اداکاری کو بھارت میں بہت زیادہ سراہا گیا تھا. سجل علی جب بھی کوئی کردار کرتی ہیں تو اس میں حقیقت کے رنگ بھر دیتی ہیں یہی وجہ ہے کہ ان کے مداح ان کو دیکھنے کےلئے بےتاب رہتے ہیں.

  • فیصل قریشی کا جاوید اختر کو چیلنج

    فیصل قریشی کا جاوید اختر کو چیلنج

    بھارتی شاعر و ادیب جاوید اختر نے پاکستانیوں کے جذبات جب سے مجروح کئے ہیں تب سے ہر پاکستانی کا دل دکھا ہوا ہے. حال ہی میں فیصل قریشی نے ایک وڈیو پیغام جاری کرتے ہوئے کہا ہےکہ ہم ایک ایسے ملک میں‌رہتےہیں جہاں تمام کمیونٹیز کا خیال رکھا جاتا ہے ، ہم ہر مسئلے پر کھل کر بات کر سکتے ہیں ، لیکن آپ جس ملک میں رہتے ہیں وہاں تو آپ مقبوضہ کشمیر اور گجرات میں جو کچھ ہواہے اس کے بارے میں بات تک نہیں کر سکتے . میں انتظار کررہا ہوں کہ کب آپ اپنے ملک میں‌مقبوضہ کشمیر اور گجرات میں ہونے والے مظالم کے بارے میں بات کریں گے. فیصل قریشی نے کہا کہ آپ اپنے ایم ایس دھونی سے پوچھیں کے جب وہ اپنی ٹیم لیکر پاکستان

    آئے تھے ان کو کتنی محبت ملی تھی. انہوں نے مزید یہ بھی کہا کہ اجمل قصاب جو کہ کسی صورت پاکستانی نہیں تھآ اسکو پاکستان کے ساتھ جوڑ دیا اور بلاوجہ ہمارے ملک کو بدنام کرنے کی کوشش کی ، آپ کا ابھی نندن اور کلبھوشن سویڈن سے نہیں آئے تھے بلکہ ہندوستان سےہی آئے تھے. ہمارا تو کبوتر ہندوستان چلا جائے تو کہا جاتا ہے کہ جاسوس آگیا ہے.آپ کے ٹی وی چینلز سارا دن پاکستان کے خلاف پراپگینڈا کرتے رہتے ہیں جبکہ ہمارے ٹی وی چینلز ایسا نہیں کرتے لیکن میں منتظر ہوں کہ آپ بھارت میں گجرات اور مقبوضہ کشمیر میں ہونے والے مظالم پر بات کرکے دلیری دکھائیں.

  • میں نے جو بھی کہا پاکستانیوں کے بھرے ہال نے تالیاں بجائیں جاوید اختر

    میں نے جو بھی کہا پاکستانیوں کے بھرے ہال نے تالیاں بجائیں جاوید اختر

    بھارتی ادیب ور شاعر جاوید اختر جنہوں نے حال ہی میں فیض میلے میں شرکت کی اور پاکستان کے حوالے سے ایسی گفتگو کی کہ جس کو سن کر تمام پاکستانیوں کے دل دکھے ہیں. اس گفتگو کے حوالے سے جاوید اختر نے اپنے ملک بھارت جا کر کہا ہے کہ میں نے جو بھی کہا میں نے کہنا ہی تھا ، اور میں صرف پاکستان ہی نہیں‌دنیا کے کسی بھی کونے میں ہوتا یہی کہتا جو میں نے پاکستان میں جا کر کہا ہے. جب وہ ہمیں کہیں گے کہ بھارتی نہیں پاکستان سے ملنا چاہتے تو میں تو کہوں گاکہ تم لوگ غلط کہہ رہے ہو. انہوں نے کہا کہ جب میں نے ایسی باتیں کہیں جو کہ کہی جانی چاہیں

    تھیں اس وقت پاکستانیوں سے بھرے ہال نے تالیاں بجائیں اور تالیوں‌کی گونج نے بتایا کہ میں ٹھیک کہہ رہا ہوں. یاد رہے کہ جاوید اختر نے فیض میلے میں کہا تھا کہ ”پاکستان نے اپنے دہشت گرد ہمارے ہندوستان بھیجے، جس کے نتیجے میں 26/11 کا افسوس ناک واقع پیش آیا اور آج بھی ابھی بھی اُس گھناؤنے عمل کو کرنے والے آپ کے ملک میں آزاد گھوم رہے ہیں۔‘‘ . جاوید اختر کے اس بیان کے بعد پاکستانیوں کے جذبات کو بہت زیادہ ٹھیس پہنچی ہے اور مطالبہ کیا جا رہا ہے کہ جاوید اختر کو دوبارہ پاکستان کا ویزہ نہ جاری کیا جائے.

  • اجے دیوگن کی بیٹی نائیسا نے ایسا کیا کر دیا کہ مچ گیا شور

    اجے دیوگن کی بیٹی نائیسا نے ایسا کیا کر دیا کہ مچ گیا شور

    کئی بھارتی فنکار ایسے ہیں جن کے بچوں کو ہندی میں بات کرنی نہیں آتی اس کے برعکس وہ انگلش میں کمال روانی کے ساتھ بات کرتے ہیں. جن فنکاروں کے بچے ٹھیک طرح سے ہندی نہیں بول پاتے ان میں اجے دیوگن کی بیٹی نائیسا ہے سر فہرست ہیں. انہوں نے حال ہی میں ایک تقریب میں شرکت کی جس میں ہندی میں بات کرنے کی کوشش کی وہ کہنا یہ چاہ رہی تھیں کہ میں بچپن سے ہی کتابیں پڑھنے کی عادی ہوں کبھی کبھی تو دن میں دو دو کتابیں ختم کر لیتی تھی ، آپ سب کو بھی کتابیں پڑھینی چاہیں اور پڑھنے کو عادت بنانا چاہیے ، یہ سب وہ روانی سے نہ بول پائیں

    اور جتنا بھی بولا اس میں بھی ہندی ٹھیک نہیں تھی اس پر مچ گیا وبال اور لے لیا گیا اجے دیوگن کو آڑھے ہاتھوں جنہوں نے ہمیشہ ہی ہندی نہ بول پانے والوں کو سنائیں خوب کھری کھری انہوں نے ہمیشہ ہی کہا ہے کہ ہندی ہر گھر میں بولی جانی چاہیے لیکن اب سوشل میڈیا پر کہا جا رہا ہے کہ دوسروں کو ہندی کو گیان دینے والے اپنے ہی گھر میں اپنے بچوں کو ہندی نہ سکھا سکے. یاد رہے کہ نائیسا کے علاوہ کرینہ کپور جھانوی کپور و دیگر روانی سے ہندی نہیں‌بول سکتیں.

  • محسن عباس حیدر کس بات پر بھڑک جاتے ہیں ؟‌

    محسن عباس حیدر کس بات پر بھڑک جاتے ہیں ؟‌

    اداکار محسن عباس حیدر جو کہ کسی نہ کسی وجہ سے سوشل میڈیا پر زیر بحث رہتے ہیں. انہوں نے اپنے حالیہ انٹرویو میں کہا ہے کہ میرے ساتھ جب کوئی فرینک ہونے کی کوشش کرتا ہے تو اس وقت مجھے بہت غصہ آتا ہے. اگر میں‌کہیں جا رہا ہوں گا اور کوئی مجھے کہے گا کہ یار ایک تصویر تو دیدو تو میں اسکو بولوں گا کہ تصویر تو میں تم کو دے دیتا ہوں لیکن میں تمہارا یار نہیں ہوں. انہوں نے مزید کہا کہ میں سب سے آپ جناب کرکے بات کرتا ہوں اور یہی توقع کرتا ہوں کہ مجھے بھی آپ کرکے بات کی جائے، میرے پرانے دوست آج بھی مجھ سے آپ جناب

    کر کے بات کرتے ہیں اور میں بھی ان سے ایسے ہی بات کرتا ہوں. انہوں نے یہ بھی کہا کہ میں اگر کسی سے پوچھ رہا ہوں کہ آپ کیسے ہو اور وہ فرینک ہو کر کہے تو کیسا ہے تو بتا تو میں یقینا ناراضگی کا اظہار کروں گا. محسن عباس حیدر نے کہا کہ میری ایک پرستار ہے جس کا تعلق کوئٹہ سے ہے وہ کئی سال سے مجھے میرے جم میں میری سالگرہ اور عید کے موقع پر کپڑے جوتے پرفیومز بھیجتی ہے. انہوں نے کہا کہ پرستاروں کو پبلک فیگرز سے کبھی بھی توقعات وابستہ نہیں کرنا چاہیے.

  • رابعہ انعم نے فیض میلہ کروانے والوں کی دھلائی کر دی

    رابعہ انعم نے فیض میلہ کروانے والوں کی دھلائی کر دی

    سابق نیوز اینکر رابعہ انعم نے حال ہی میں ایک وڈیو جاری کی ہے جس میں وہ بات کررہی ہیں جاوید اختر اور ان پر تنقید کرنے والوں کے حوالے سے. رابعہ انعم نے اس وڈیو میں کہا ہےکہ بہت شور مچا ہوا ہے کہ بھارتی ادیب شاعر جاوید اختر نے پاکستان میں آکر پاکستان کے لئے غلیظ زبان استعمال کی. جاوید اختر نے جو بھی کہا اس میں اسکا قصور نہیں ہےکیونکہ وہ اکثر ٹویٹر پر ایسا کرتے رہتےہیں اور پاکستان کے لئے گند بکتے رہتے ہیں. جاوید اخترکو بلانا تو ایسے ہی ہے کہ کنگنا رناوت کو پاکستان بلا کر ان سے توقع کی جائے کہ وہ کچھ اچھا بولیں گی.

    رابعہ انعم نے کہا کہ جاوید اختر نے نہیں بلکہ فیض میلہ کروانے والوں نے یہ چول ماری ہے کیا ان کو نہیں‌پتہ کہ جاوید اختر پاکستان کے لئے کس قسم کے خیالات رکھتا ہے. انہوں نے یہ بھی کہا کہ جاوید اختر کا گوڈا پکڑ کو کون سی لڑکی بیٹھی ہوئی تھی جو کہ رو بھی رہی تھی وہ آخر کیوں رو رہی تھی اور وہ جذباتی کیوں ہو رہی تھی اسکو کس بات کا دکھ تھا کیا مجھے کوئی سمجھا سکتا ہے؟ آخر ایسا کیا ہو گیا تھا جاوید اختر کے ساتھ ملاقات کے دوران وہ لڑکی رونے لگی.

  • اکشے کمار نے کنیڈین سیٹیزن شپ کیوں چھوڑ دی ؟‌

    اکشے کمار نے کنیڈین سیٹیزن شپ کیوں چھوڑ دی ؟‌

    بالی وڈ اداکار اکشے کمارجن کے پاس انڈیا کے ساتھ ساتھ کینیڈین سیٹیزن شپ بھی ہے انہوں نے اب کر لیا ہے ایک بڑا فیصلہ اور اور ان کے فیصلے سے ان کے بھارتی مداح ہیں کافی خوش. جی ہاں اکشے کمار نے اعلان کیا ہے کہ میں نے کینڈین سیٹیزن شپ چھوڑ دی ہے. اس کی وجہ ٔپر بات کرتے ہوئے انہوں نے کہا ہے کہ انڈیا نے مجھے بہت کچھ دیا ہے آج دنیا میں اگر میں جانا جاتا ہوں تو وہ بھارت کی وجہ سے جانا جاتا ہوں. انہوں نے کہا کہ میرے ملک نے مجھے بہت کچھ دیا ہے اب میری باری ہے کہ میں اس کے لئے کچھ کروں‌ اسلئے میں نے بھارت کی محبت میں

    کینڈین شہریت چھوڑ دی ہے. اکشے کمار نے مزید کہا کہ میں محب وطن آدمی ہوں اور جس ملک نے اتنا کچھ دیا ہو اس کے لئے کچھ کرنے کا موقع ملے تو یہ کسی بھی انسان کی خوش نصیبی ہوتی ہے. میں خوش نصیب ہوں کہ میں بھی انڈیا کی محبت میں ایک دوسرے ملک کی شہریت چھوڑ رہا ہوں اور مجھے اس چیز کا رتی برابر بھی افسوس نہیں ہے. یاد رہے کہ اکشے کمار بالی وڈ کے معروف ترین فنکار ہیں انہوں نے ایکشن ہیرو کے طور پر کیرئیرشروع کیا اس کے بعدکامیڈی بھی میں اپنا آپ منوایا.

  • اکشے کمار نے اپنا قصور مان لیا

    اکشے کمار نے اپنا قصور مان لیا

    بالی وڈ کے کھلاڑی کہلائے جانے والے اکشے کمار نے اپنے حالیہ انٹرویو میں کہا ہے کہ میری اگر فلمیں‌فلاپ ہو رہی ہیں تو اس میں میرا خود کا قصور ہے میں کسی اور کو قصور وار نہیں ٹھہرائوں گا، نہ ہی میں آڈینز سے گلہ کروں گا. اکشے کمار نے کہا کہ اصل بات یہ ہے کہ اب آڈینز کا مزاج تبدیل ہو چکا ہے وہ نوے کی دہائی میں جو فلمیں بن رہی تھیں وہ شاید نہیں دیکھنا چاہتی. مجھے ان کے مزاج کے مطابق کام کرنا ہو گا. آج دنیا بہت تیز ہو چکی ہے ، آڈینز کی ترجیحات بھی تبدیل ہو چکی ہیں یہ میں نے اب قبول کر لیا ہے. انہوں نے کہا کہ میری مسلسل تین چار

    فلمیں فلاپ ہوئی ہیں اور ایسا میرے ساتھ پہلی بار نہیں ہوا میرے ساتھ پہلے بھی ایسا ہوتا آیا ہے ایک بار تو ایسا ہوا کہ میری مسلسل آٹھ فلمیں فلاپ ہوئیں اس سے پہلے بھی مسلسل میری فلمیں فلاپ ہوئیں لیکن میں‌ نے محنت سے جی نہیں چرایا، محنت سے جی اب بھی نہیں چراتا لیکن اب وقت کے ساتھ چلنا ہو گا ورنہ آڈینز کے پاس بہت کچھ ہے دیکھنے کو کوئی بھی سینما گھر نہیں آئے گا لہذا اب میں کوشش کروں گا کہ موجودہ دور کی آڈینز کی دلچپسی کے حساب سے فلمیں کروں.