Baaghi TV

Tag: latest

  • زراعت کے شعبے میں انقلاب لے کرآئیں گے. شہباز شریف

    زراعت کے شعبے میں انقلاب لے کرآئیں گے. شہباز شریف

    وزیر اعظم شہباز شریف کا کہنا ہے کہ سابق وزیر اعظم نوازشریف کو موقع دیا گیا تو وہ جان لڑا دیں گے اور پاکستان کو عظیم ترین بنائیں گے، اللہ تعالیٰ نے پاکستان میں کھربوں ڈالرکی معدنیات دی ہیں، زراعت کے شعبے میں انقلاب لے کرآئیں گے۔ جبکہ قصور میں جلسے سے خطاب کرتے ہوئے وزیر اعظم شہبازشریف نے کہا کہ آج بدقسمتی سے ٹرین حادثہ ہوا جس کے نتیجے میں 30 سے زائد افراد جاں بحق اور متعدد زخمی ہوئے، اللہ تعالیٰ جاں بحق افراد کوجنت الفردوس میں جگہ عطا فرمائے۔

    جبکہ شہباز شریف نے مزید کہا کہ جلسے میں عوام کا ٹھاٹھے مارتا سمندر دیکھ کر میری 16 مہینے کی تھکن اتر گئی جبکہ عوام کا سمندر گواہی دے رہا کہ اگلا وزیراعظم نواز شریف ہوگا جو ملک کی خدمت کرے گا، اللہ تعالیٰ نے نواز شریف کو موقع دیا تو 5 سال میں بجلی کے اندھیرے ختم ہوئے تھے، قائد مسلم لیگ ن، نواز شریف نے موٹروے، سڑکوں اور پلوں کا جال بچھایا۔ انہوں نے کہا کہ نوازشریف چین سے سی پیک لایا تھا، 30 ارب ڈالرکی سرمایہ کاری ہوئی، نوازشریف کے دور میں کرپشن اور سفارش کے بغیر لاکھوں لیپ ٹاپس فراہم کیے گئے، آج انہیں لیپ ٹاپس سےملک بھرمیں روزگارمل رہا ہے، انہوں نے دیامر بھاشا ڈیم اور داسو ڈیم کی بنیاد بھی رکھی۔

    ان کا کہنا تھا کہ نوازشریف نے ہندوستان کے 5 دھماکوں کے مقابلے میں 6 دھماکے کئے اور ملک کوایٹمی قوت بنا کر ہندوستان کے دانت کھٹے کیے، نوازشریف نے فوج کے ساتھ مل کر ضرب عضب آپریشن شروع کیا جبکہ ماضی کی حکومت اورکچھ لوگوں نے مل کرسوات میں دہشتگردوں کوبسنے دیا۔ انہوں نے کہا کہ مہنگائی میں اضافے کی کئی وجوہات ہیں، سوال ہی پیدا نہیں ہوتا کہ مہنگائی ہونے کاذمہ دار بنوں، ہمارا انٹرنیشنل مانیٹری فنڈ ( آئی ایم ایف ) پر تکیہ تھا، ان کی سخت شرائط تھیں، جو شہباز شریف مریضوں کیلئے دوائی لائے گا کیا وہ مہنگائی لائےگا؟۔
    مزید یہ بھی پڑھیں؛
    ریلوے کیرج فیکٹری کو آؤٹ سورس کرنے کا منصوبہ
    ایلون مسک کا ایک بار پھر مارک زکربرگ کیساتھ ایم ایم اے فائٹ کا عندیہ
    طالبان نے لڑکیوں پر کلاس 3 سے آگے پڑھنے پر بھی پابندی عائد کردی
    پی آئی اے کی لینڈنگ کی وجہ سے سالانہ 71 ارب کا نقصان ہو رہا ہے،اسحاق ڈار
    ہمارے دو تین دن رہ گئے، ڈر تھا کہ کوئی حادثہ نہ ہو جائے اور ایسا ہی ہوا،سعد رفیق

    ان کا کہنا تھا کہ مجھے ڈیفالٹ کے خوف سے نیند نہیں آتی تھی، میری قبر پر لکھا جاتا کہ شہبازشریف کے دور میں ڈیفالٹ ہوئے، اللہ تعالیٰ کے فضل و کرم سے پاکستان ڈیفالٹ سے بچ گیا۔

  • نیشنل ایرو اسپیس سائنس اینڈ ٹیکنالوجی پارک کا افتتاح کردیا گیا

    نیشنل ایرو اسپیس سائنس اینڈ ٹیکنالوجی پارک کا افتتاح کردیا گیا

    وزیراعظم شہباز شریف نے نیشنل ایرو اسپیس سائنس اینڈ ٹیکنالوجی پارک کا افتتاح کردیا ہے جبکہ راولپنڈی میں نیشنل ایرو اسپیس سائنس اینڈ ٹیکنالوجی پارک کی افتتاحی تقریب سے خطاب کرتے ہوئے شہباز شریف کا کہنا تھا کہ پاک فضائیہ کے سربراہ کی کاوشوں سے یہ منصوبہ ریکارڈ مدت میں مکمل کیا گیا ہے اور منصوبہ پاکستان میں تکنیکی ترقی کی حوصلہ افزائی کرنے کے ارادے سے بنایا گیا ہے.


    علاوہ ازیں ان کا کہناتھا کہ اس منصوبے سے آنے والی نسلوں کو ایک پلیٹ فارم ملے گا اور پاکستان کی خود انحصاری کے سفر میں بھی یہ منصوبہ اہم سنگ میل کی حثیت رکھے گا جبکہ راولپنڈی میں قائم کیا جانے والا نیشنل ایرو اسپیس سائنس اینڈ ٹیکنالوجی پارک انڈسٹری اور اکیڈمیا کے درمیان روابط قائم کرے گا اور منصوبہ ایوی ایشن، اسپیس اور سائبر کے تحت ضروری عناصر کا ایکو سسٹم بھی فراہم کرے گا۔


    دوسری جانب وزیراعظم شہباز شریف نے سلام پاکستان برانڈ اور ای پورٹل کا بھی افتتاح کردیا گیا ہے اور تقریب سے خطاب کرتے ہوئے وزیراعظم شہباز شریف نے کہا کہ پاکستان سیاحوں کے لیے ایک بے مثال ملک ہے، پاکستان میں سیاحت، ثقافت اور تاریخی ورثہ کے فروغ کے وسیع مواقع دستیاب ہیں، ای پورٹل دنیا بھر سے سیاحوں کی پاکستان میں دلچسپی بڑھانے میں معاون و مددگار ثابت ہوگا۔ شہباز شریف نے مزید کہا کہ پاکستان کو اللہ تعالیٰ نے بے پناہ قدرتی وسائل اور خوبصورت مناظر سے نوازا ہے، پاکستان قدرتی وسائل سے مالا مال ملک ہے، خصوصاً ملک کے شمالی علاقہ جات میں سیاحتی مقامات کو سیاحت کے فروغ کے لیے استعمال کیا جاسکتا ہے۔
    مزید یہ بھی پڑھیں؛
    توشہ خانہ کا ٹرائل روکنے کا کیس، فیصلہ آج، عمران خان کی نیب،پولیس میں طلبی بھی آج
    توشہ خانہ کیس، آج کا وقت دیا تھا الیکشن کمیشن اپنے دلائل دے ،جج ہمایوں دلاور
    علی امین گنڈا پور کے گھر چھاپہ،غلیل،ڈنڈے،سیلاب ریلیف کا سامان برآمد
    تحریک انصاف کے انٹرا پارٹی انتخاب ،الیکشن کمیشن میں سماعت ملتوی
    زیادہ بھیک کے لئے سفاک باپ نے کمسن بچی کو جلا دیا
    وزیر اعظم شہباز شریف نے کہا کہ ملک میں سیاحت کے شعبہ کی ترقی اور فروغ کے لیے مشیر وزیراعظم عون چوہدری اور ان کی ٹیم کی کاوشیں قابل قدر ہیں، برادر اسلامی ممالک سمیت دنیا کے کئی دیگر ممالک نے ثقافت، دستکاریوں اور سیاحت کے شعبہ میں نمایاں ترقی کی ہے۔ جبکہ خیال رہے کہ افتتاحی تقریب میں مسلح افواج کے سربراہان اور وفاقی وزراء سمیت اعلیٰ سول و ملٹری حکام بھی شریک ہوئے ہیں، ایران کے وزیر ثقافت، تاریخی ورثہ، سیاحت و دستکاری سید عزت اللہ زرغامی اور ایران کے سفیررضا میری سمیت سفارتی برادری اور اعلیٰ حکام بھی تقریب میں شریک تھے۔

  • نوجوانوں کی تعلیم و تربیت اولین ترجیح ہے. اسپیکر قومی اسمبلی کا سمر انٹرن شپ پروگرام سے خطاب

    نوجوانوں کی تعلیم و تربیت اولین ترجیح ہے. اسپیکر قومی اسمبلی کا سمر انٹرن شپ پروگرام سے خطاب

    اسپیکر قومی اسمبلی کا پارلیمنٹ ہاؤس میں سمر انٹرن شپ پروگرام کے اختتامی اجلاس کے شرکاء سے خطاب میں کہنا تھا کہ نوجوان قوم کے مستقبل کے معمار ہیں ان کی بہترین تعلیم و تربیت اولین ترجیح ہے، جبکہ اسپیکر قومی اسمبلی راجہ پرویز اشرف نے مزید کہا کہ نوجوان قوم کے مستقبل کے معمار ہیں۔قوم کو اپنے مستقبل کے ان معماروں سے بہت زیادہ توقعات وابستہ ہیں۔قوم کی توقعات پر پورا اترنے اور ملک کو ترقی اور خوشحالی کی راہ پر گامزن کرنے کے لیے بھرپور محنت کی ضرورت ہے۔ان خیالات کا اظہار انہوں نے تقریباً گزشتہ دو ماہ سے جاری پارلیمنٹ ہاؤس میں سکول اور کالجز کے طلباء کے لیے سمر انٹرن شپ پروگرام کی اختتامی تقریب سے خطاب کرتے ہوئے کیا۔

    ترجمان قومی اسمبلی کے مطابق اسپیکر قومی اسمبلی نے انٹرن شپ پروگرام میں حصہ لینے والے طلباء و طالبات سے کہا کہ ان کی اولین ترجیح پاکستان ہونا چاہیے۔انہوں نے کہا کہ آج کے نوجوان خوش قسمت ہین کہ انہیں انفارمیشن ٹیکنالوجی کی جدید سہولیات میسر ہیں۔ انہوں نے نوجوانوں پر زور دیا کہ جدید انفارمیشن ٹیکنالوجی سے استفادہ کرتے ہوئے ملک مستقبل کو تابناک بنانے کے لیے کردار ادا کریں۔انہوں نے فرضی (موک) پارلیمنٹ میں نوجوان انٹرن کی کارکردگی کو سراہتے ہوئے کہا کہ نوجوان انٹرن نے انتہائی احسن طریقے سے موک پارلیمنٹ کی کارروائی چلائی اور بحث میں حصہ لیا جو انتہائی متاثر کن تھی اور حقیقت پارلیمنٹ کی کارروائی محسوس ہو رہا تھا۔انہوں نے کہا کہ سمر انٹرن شپ پروگرام کا مقصد نوجوانوں کو اپنے ملک کی پارلیمان سے متعلق معلومات اور آگاہی فراہم کرنا تھا۔انہوں نے کہا کہ کل آپ نے اس ملک کی قیادت کو سنبھالنا ہے اور اسی باہمی احترام کے جذبے اور صبرو تحمل کا مظاہرہ آج اس موک پارلیمنٹ میں کیا گیا سے ملک کو ترقی اور خوشحالی کی راہ پر گامزن کرنا ہے۔انہوں نے انٹرن شپ پروگرام کے شرکاء کو ملک کے مثبت تشخیص کو اجاگر کرنے اور ملک کے حق میں جو بات آئے اسے بھرپور انداز میں دوسروں تک پہچانے اور ملکی قوانین، آئین اور پارلیمان کا احترام کرنے کی ضرورت پر زور دیا۔انہوں نے موک پارلیمنٹ میں بچوں کے حقوق سے متعلق پیش کی گئی قرارداد کی حمایت کی۔

    جبکہ قبل ازیں سمر انٹرن شپ پروگرام کے شرکاء نے ایک موک پارلیمنٹ کے اجلاس کا اہتمام کیا جس میں انٹرنز نے اسپیکر، وزیراعظم، وفاقی وزراء وزیر قانون، اپوزیشن لیڈر کے طور پر کردار ادا کیا۔اجلاس میں بچوں کے مسائل اور قانون سازی سے متعلق امور کو زیر بحث لایا گیا۔اس فرضی (موک) پارلیمنٹ کی مشق کا مقصد نوجوانوں میں پارلیمان سے متعلق شعور کو اجاگر کرنا ہے۔
    مزید یہ بھی پڑھیں؛
    توشہ خانہ کا ٹرائل روکنے کا کیس، فیصلہ آج، عمران خان کی نیب،پولیس میں طلبی بھی آج
    توشہ خانہ کیس، آج کا وقت دیا تھا الیکشن کمیشن اپنے دلائل دے ،جج ہمایوں دلاور
    علی امین گنڈا پور کے گھر چھاپہ،غلیل،ڈنڈے،سیلاب ریلیف کا سامان برآمد
    تحریک انصاف کے انٹرا پارٹی انتخاب ،الیکشن کمیشن میں سماعت ملتوی
    زیادہ بھیک کے لئے سفاک باپ نے کمسن بچی کو جلا دیا
    ترجمان نے بتایا کہ تقریب میں صدارتی ایوارڈ یافتہ سینئر صحافی حافظ طاہر خلیل نے بھی شرکت کی جو 1975 سے پارلیمنٹ کی کاروائی کو کور کرتے رہے ہیں اور پریس گیلری کے سب سے پرانے ممبر ہیں۔اسپیکر قومی اسمبلی نے پارلیمان کیلئے ان کی صحافتی خدمات کے اعتراف میں یادگاری شیلڈ پیش کی۔تقریب کے آخر میں اسپیکر قومی اسمبلی نے سمر انٹرن شپ پروگرام کے شرکاء کو سرٹیفیکیٹ بھی دیے۔اسپیکر قومی اسمبلی نے سمر انٹرن شپ پروگرام کے منتظمین خصوصاً خصوصی اقدامات ونگ کی کاوشوں کو سراہا اور اس اعتماد کا اظہار کیا کہ سمر انٹرن شپ سمیت اس طرح کے دیگر پروگرام خصوصاً نوجوانوں میں پارلیمان اور قانون سازی سے متعلق آگاہی میں معاون ثابت ہونگے۔

  • ڈالر کی مسلسل تنزلی جاری

    ڈالر کی مسلسل تنزلی جاری

    پاکستان بھر میں ایک مرتبہ پھر ڈالر کی مسلسل تنزلی جاری ہے اور روپے کے مقابلے میں امریکی ڈالر کی قیمت میں کمی ریکارڈ کی گئی ہے، اسٹیٹ بینک آف پاکستان کی سماجی رابطے کی ویب سائٹ ٹوئٹر پر جاری کردہ اعداد و شمار کے مطابق رواں ہفتے کے پانچویں کاروباری روز کے دوران انٹربینک میں روپے کے مقابلے امریکی ڈالر کی قیمت میں 0.23 پیسے کمی ہو گئی ہے۔

    جبکہ اعداد و شمار کے مطابق انٹربینک میں روپے کے مقابلے امریکی ڈالر کی قیمت 287.20 روپے سے کم ہو کر 286.97 روپے ہوگئی ہے اور اسٹیٹ بینک نے بتایا کہ امریکی کرنسی کے علاوہ سعودی ریال کی قیمت 76 روپے، جبکہ ملائیشین رنگٹ کی قیمت 63 روپے اور یورو کی قیمت 313 روپے ریکارڈ کی گئی ہے۔

    مزید یہ بھی پڑھیں؛
    توشہ خانہ کا ٹرائل روکنے کا کیس، فیصلہ آج، عمران خان کی نیب،پولیس میں طلبی بھی آج
    توشہ خانہ کیس، آج کا وقت دیا تھا الیکشن کمیشن اپنے دلائل دے ،جج ہمایوں دلاور
    علی امین گنڈا پور کے گھر چھاپہ،غلیل،ڈنڈے،سیلاب ریلیف کا سامان برآمد
    تحریک انصاف کے انٹرا پارٹی انتخاب ،الیکشن کمیشن میں سماعت ملتوی
    زیادہ بھیک کے لئے سفاک باپ نے کمسن بچی کو جلا دیا

    دوسری جانب عالمی مارکیٹ میں سونے کی فی اونس قیمت میں 4 ڈالر کی کمی اور ملکی صرافہ مارکیٹوں میں فی تولہ سونے کی قیمت میں 1300 روپے غیرمعمولی اضافہ ہوگیا ہے اور بین الاقوامی بلین مارکیٹ میں فی اونس سونے کی قیمت میں 4 ڈالر کی کمی ہوئی ہے، جس کے بعد عالمی مارکیٹ میں فی اونس سونے کی نئی قیمت 1932 امریکی ڈالر کی سطح پر آگئی۔

    تاہم دوسری جانب ملکی صرافہ مارکیٹوں میں جمعے کے روز فی تولہ اور دس گرام سونے کی قیمت میں بالترتیب 1300 روپے اور 1 ہزار 115 روپے کا اضافہ ہوگیا ہے تاہم قیمتوں میں اضافے کے نتیجے میں کراچی، حیدرآباد، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 2 لاکھ 21 ہزار 500 روپے ہوگئی، جب کہ 10 گرام سونے کی قیمت اضافے کے ساتھ ایک لاکھ 89 ہزار901 روپے کی سطح پر پہنچ گئی ہے۔

  • ایف آئی اے نے پی ٹی آئی دور کے چار بیورو کریٹس طلب

    ایف آئی اے نے پی ٹی آئی دور کے چار بیورو کریٹس طلب

    وفاقی تحقیقاتی ادارے نے تحریک انصاف یعنی پی ٹی آئی دور میں تعینات ہونے والے چار بیورو کریٹس کو طلب کرلیا ہے جبکہ بیوروکریٹس کو فرح خان کے خلاف جاری منی لانڈرنگ کیس میں طلب کیا گیا ہے۔ ایف آئی اے ذرائع کے مطابق طلب کیئے جانے والوں میں احمد عزیزتارڈ، طاہر خورشید، صالحہ سعید اور عثمان معظم شامل ہیں۔ تمام افسران کو 7 اگست کو طلب کیا گیا ہے۔

    خیال رہے کہ پی ٹی آئی دور میں طاہر خورشید وزیراعلی پنجاب کے پرنسپل سیکرٹری کے طور پر کام کررہے تھے۔ صالحہ سعید ڈی سی لاہور اور ڈی جی ایکسائزکے اہم عہدوں پر تعینات رہی ہیں۔ احمد عزیزتارڑ سنیر ممبر بورڈ آف ریونیو تعینات تھے۔ واضح رہے کہ ایف آئی اے نے تمام افسران کے بنک اکاونٹس، بیرون ملک دوروں، اف شور کمپنیوں کی تفصیلات مانگی ہیں۔
    مزید یہ بھی پڑھیں؛
    مریم نواز تشدد کا شکار کم عمر بچی کی عیادت کے لیے ہسپتال پہنچ گئیں
    بغداد، پاکستانی سفارتخانے میں مشین ریڈ ایبل پاسپورٹ سسٹم کا افتتاح
    انتخابی عمل میں خواتین کی شرکت سے جمہوریت مضبوط ہوتی ہے،وفاقی وزیر قانون
    پنجابی فلم "بلو بادشاہ دی رئیل ہیرو” کے دوسرے گانے کا لاہور میں شوٹ
    پی ٹی آئی کے سابق صوبائی وزیر کا نگران وزیر اعلی کو ڈاریکٹر اینٹی کرپشن کو ہٹانے کے لئے خط
    جبکہ ایف بی آر سے گوشواروں کی تفصیلات بھی طلب کی گئیں ہیں۔ اندرون ملک اور بیرون ملک خریدی گئی جائیدادوں کی تفصیلات بھی طلب کی گئیں ہیں۔ ایف آئی اے نے پاکستان میں اور پاکستان سے باہر خریدی گئی غیرملکی کرنسی کی تفصیلات طلب کرلی ہیں۔

  • استحکام پاکستان پارٹی کی مرکزی قیادت کا اہم اجلاس

    استحکام پاکستان پارٹی کی مرکزی قیادت کا اہم اجلاس

    استحکام پاکستان پارٹی کی مرکزی قیادت نے پنجاب کی طرح دیگر صوبوں میں بھی بھرپور سیاسی سرگرمیوں کے آغاز کا فیصلہ کیا ہے جبکہ مرکزی قیادت کی جانب سے مختلف سیاسی رہنماؤں کو اہم ٹاسک دے دیئے گئے ہیں جبکہ چیئرمین استحکام پاکستان پارٹی جہانگیر ترین اور صدر عبدالعلیم خان کی زیر صدارت آج ہونے والے اجلاس میں مرکزی قیادت کا آئندہ عام انتخابات کی حکمت عملی پر غور کیا گیا ہے۔

    اجلاس میں ممکنہ انتخابی صورتحال کے بارے میں اہم نکات پر مشاورت کی گئی ہے اور استحکام پاکستان پارٹی میں زیادہ سے زیادہ رہنماؤں کی شمولیت کے بارے حکمت عملی بھی طے کی گئی ہے اور سنئیر قیادت کی جانب سے پارٹی کا پنجاب کے طرح دیگر صوبوں میں بھی اپنی سرگرمیاں تیز کرنے پر بھی غور کیا گیا ہے علاوہ ازیں اجلاس میں مختلف رہنماؤں کو اہم ٹاسک سونپ دیے گئے اور جلد دوبارہ مشاورت کا بھی فیصلہ کیا گیا۔

    خیال رہےکہ اجلاس میں اسحاق خاکوانی، عامر کیانی، فردوس عاشق اعوان، عون چوہدری اور نعمان لنگڑیال نے شرکت کی تاہم دوسری جانب استحکام پاکستان پارٹی کی ترجمان فردوس عاشق اعوان نے دعویٰ کیا ہے کہ آئی پی پی کا انتخابی نشان عقاب ہی ہو گا جبکہ ان کا مزید کہنا تھا کہ میڈیا پر چلنے والی خبریں درست نہیں، آئی پی پی ابھی رجسٹریشن کے عمل سے گزر رہی ہے، باقاعدہ انتخابی نشان ملنے میں تاخیر ہورہی ہے، جلد ہی یہ معاملات حل ہوجائیں گے۔

  • صدر مملکت نے 3 بلوں کی منظوری دے دی

    صدر مملکت نے 3 بلوں کی منظوری دے دی

    صدر مملکت ڈاکٹر عارف علوی نے 3 بلوں کی منظوری دے دی ہے جبکہ صدر عارف علوی نے ڈیفنس ہاؤسنگ اتھارٹی(ڈی ایچ اے) اسلام آباد ترمیمی بل 2023 کی منظوری دی ہے، بل کا مقصد ڈیفنس ہاؤسنگ اتھارٹی اسلام آباد 2013 میں ترمیم کرنا ہے۔ علاوہ ازیں صدر نے پیٹرولیم ترمیمی بل 2023 کی بھی منظوری دی ہے جس کا مقصد پٹرولیم ایکٹ 1934 میں ترمیم کرنا ہے۔


    صدر عارف علوی نے پاکستان نرسنگ کونسل ترمیمی بل 2023 بھی منظور کرلیا ہے جبکہ بل کا مقصد پاکستان نرسنگ کونسل ایکٹ 1973 میں ترمیم کرنا ہے اور تینوں بلوں کی منظوری آئین کے آرٹیکل 75 کے تحت دی گئی ہے۔


    جبکہ دوسری جانب اس سے قبل صدر مملکت ڈاکٹر عارف علوی کو برطانیہ اور ملاوی کے نامزد ہائی کمشنر اور کوریا کے نامزد سفیر نے سفارتی اسناد پیش کیں اور صدر مملکت نے کہا کہ پاکستان تجارت، معیشت اور ثقافت کے شعبوں میں برطانیہ، کوریا اور ملاوی کے ساتھ تعلقات کے فروغ کا خواہاں ہے.
    مزید یہ بھی پڑھیں؛
    مریم نواز تشدد کا شکار کم عمر بچی کی عیادت کے لیے ہسپتال پہنچ گئیں
    بغداد، پاکستانی سفارتخانے میں مشین ریڈ ایبل پاسپورٹ سسٹم کا افتتاح
    انتخابی عمل میں خواتین کی شرکت سے جمہوریت مضبوط ہوتی ہے،وفاقی وزیر قانون

    عارف علوی نے مزید کہا کہ پاکستان اور ملاوی تعلقات مشترکہ مفادات، اقدار اور اہداف پر مشتمل ہیں جبکہ دونوں ممالک کے درمیان اقتصادی، سیاسی اور ثقافتی تعلقات کو وسعت دینے کی ضرورت ہے. علاوہ ازیں صدر مملکت نے تمام سفراء کو ان کی تقرری پر مبارکباد بھی دی اور کہا کہ امید ہے کہ نامزد سفراء پاکستان کے ساتھ دوطرفہ تعاون کے مزید فروغ کیلئے اپنا کردار ادا کریں گے.

  • پاکستانی کرنسی کی قدر میں 2 روپے 18 پیسے اضافہ

    پاکستانی کرنسی کی قدر میں 2 روپے 18 پیسے اضافہ

    انٹر بینک میں امریکی ڈالر میں کمی ریکارڈ ہوئی ہے جبکہ پاکستانی کرنسی کی قدر 2 روپے 18 پیسے بڑھ گئی ہے اور اسٹیٹ بینک آف پاکستان کی سماجی رابطے کی ویب سائٹ ٹوئٹر پر جاری کردہ اعداد و شمار کے مطابق رواں ہفتے کے چوتھے کاروباری روز کے دوران انٹر بینک میں 10 روز بعد امریکی ڈالر کی قدر میں بڑی کمی ہوگئی، پاکستانی روپے کے مقابلے میں ڈالر 2 روپے 18 پیسے سستا ہوگیا ہے۔

    اعداد و شمار کے مطابق انٹر بینک میں ڈالر کی قیمت 289 روپے 38 پیسے سے کم ہو کر 287 روپے 20 پیسے پر آگئی تاہم واضح رہے کہ آج صبح سے ہی انٹربینک میں امریکی کرنسی کی قیمت میں کمی کا رجحان تھا، جبکہ اسٹیٹ بینک کے مطابق امریکی کرنسی کے علاوہ سعودی ریال کی قیمت 76 روپے، ملائیشین رنگٹ کی قیمت 63 روپے اور یورو کی قیمت 313 روپے ریکارڈ کی گئی۔

    دوسری جانب پاکستان اسٹاک ایکسچینج 49 ہزار پوائنٹس کی حد برقرار نہ رکھ سکا اور کاروبار کے اختتام پر 100 انڈیکس 153 پوائنٹس کی کمی سے 48 ہزار 611 پوائنٹس پر بند ہوا جبکہ پاکستان اسٹاک مارکیٹ میں دن پھر کی تیزی اختتامی مراحل میں زائل ہوگئی ہے علاوہ ازیں منافع کیلئے فروخت کا دباؤ بڑھ گیا ہے اور کاروبار کا اختتام منفی زون میں ہوا۔

    پاکستان اسٹاک ایکسچینج میں 49 ہزار پوائنٹس کی حد بحال ہوکر گرگئی اور پھر آج 6 سال بعد مارکیٹ میں 49 ہزار پوائنٹس کی حد بحال ہوئی تھی جبکہ اختتام 153 پوائنٹس کی مندی پر ہوا ہے اور انڈیکس 48 ہزار 611 پر بند ہوا لیکن پاکستان اسٹاک ایکسچینج میں آج کاروبار کا آغاز شاندار رہا اور انڈیکس ایک موقع پر 500 سے زائد پوائنٹس کے اضافے سے 6 سال کی بلند ترین سطح 49 ہزار پوائنٹس پر پہنچ گیا تھا جبکہ پی ایس ایکس میں آخری مرتبہ جون 2017ء میں 49 ہزار کی حد کراس ہوئی تھی۔

    پارلیمنٹ سے 8 ارب ڈالر کے پاکستان خودمختار فنڈ کی منظوری کا اسٹاک مارکیٹ میں سرمایہ کاروں کی جانب سے خیرمقدم کیا گیا تاہم رپورٹ کے مطابق پاکستان اسٹاک مارکیٹ صرف 5 ہفتوں میں 8 ہزار پوائنٹس بڑھ چکی ہے۔ جبکہ واضح رہے کہ چند روز قبل ہی 100 انڈیکس 2 سال بعد 48 ہزار پوائنٹس کی سطح عبور کر گیا تھا۔

    علاوہ ازیں ملک بھر میں سونے کی فی تولہ قیمتوں میں بڑی کمی ریکارڈ کی گئی ہے اور بین الاقوامی مارکیٹ میں فی اونس سونے کی قیمت میں کمی دیکھی گئی ہے جس کے بعد نئی قیمت ایک ہزار 936 امریکی ڈالر ہو گئی ہے۔ جبکہ عالمی مارکیٹ میں قیمتیں کم ہونے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالہ، فیصل آباد، ملتان، راولپنڈی سمیت دیگر جگہوں پر فی تولہ سونے کی قیمت میں دو ہزار 800 روپے کمی ریکارڈ کی گئی اور قیمت 220200 روپے ہوگئی ہے۔

    اسی طرح دس گرام سونے کی قیمت میں بھی 2401 روپے کمی ریکارڈ کی گئی جس کے بعد قیمت 188786 روپے ہوگئی۔ اُدھر فی تولہ چاندی کی قیمت 50 روپے کمی کے بعد 2750 روپے جبکہ دس گرام چاندی کی قیمت 48 روپے کمی کے بعد 2357 روپے پر آگئی۔

  • ژوب کینٹ؛ دھشتگردی میں ملوث افغان دھشتگردوں کی تصدیق

    ژوب کینٹ؛ دھشتگردی میں ملوث افغان دھشتگردوں کی تصدیق

    ژوب کینٹ میں دھشتگردی میں ملوث افغان دھشتگردوں کی تصدیق ہونے پر پاکستانی دفترِ خارجہ کا شدید رد عمل جبکہ ۱۲ جولائی ۲۰۲۳ کو ژوب کینٹ پر حملے میں ملوث ۳ دہشت گردوں کی شناخت افغان شہریوں کے طور پر ہو گئی ہے اور ان دھشتگردوں کا تعلق افغانستان کے صوبہ قندھار سے ہے.

    پاکستان کے دفتر خارجہ نے افغان سفارت خانے کو افغانی دھشتگردوں کی لاشیں وصول کرنے کی ہدایات دے دیں اور افغان دھشتگردوں کی پاکستان میں دھشتگرد کاروائیوں میں مسلسل شمولیت اور پاکستان کے اندر دہشت گردی کے لیے افغان سرزمین کے استعمال پر پاکستانی دفترِ خارجہ کا شدید اظہارِتشویش اور مذمت کی گئی ہے.

    خیال رہے کہ سیکیورٹی فورسز نے بلوچستان کے ضلع ژوب میں مسلح عسکریت پسندوں کے ایک گروپ کی جانب سے آدھی رات کے بعد کینٹ کے علاقے میں حملے کی کوشش کو ناکام بنادیا گیا تھا یاد رہے کہ ۱۲ جولائی اتوار اور پیر کی درمیانی شب مسلح عسکریت پسندوں کے ایک گروپ کی جانب سے ژوب کینٹ پر حملہ کیا گیا تھا۔
    مزید یہ بھی پڑھیں؛
    حکومت کی مدت کے آخری دن، قومی اسمبلی میں مزید قوانین منظور
    اعجاز چوہدری کو جیل میں بی کلاس کی فراہمی کی درخواست پر سماعت ملتوی
    میڈیا ملازمین کی کم سے کم تنخواہ حکومت کی مقررکردہ ہوگی،مریم اورنگزیب
    عمر فاروق ظہور نامی شخص سے کبھی ملا اور نہ ہی فون پر بات کی،شہزاد اکبر
    جبکہ پہلے سے ہی ہائی الرٹ سیکیورٹی فورسز نے جوابی کارروائی کرتے ہوئے دہشت گردوں کی گیریژن کے علاقے میں داخل ہونے کی کوشش کو ناکام بنا دیا تھا

  • روپے کے مقابلے میں امریکی ڈالر کی قیمت میں اضافہ

    روپے کے مقابلے میں امریکی ڈالر کی قیمت میں اضافہ

    ملک بھر میں ایک مرتبہ پھر روپے کے مقابلے میں امریکی ڈالر کی قیمت میں مزید اضافہ ریکارڈ کیا گیا ہے اور اسٹیٹ بینک آف پاکستان کی سماجی رابطے کی ویب سائٹ ٹوئٹر پر جاری کردہ اعداد و شمار کے مطابق رواں ہفتے کے تیسرے کاروباری روز کے دوران انٹربینک میں روپے کے مقابلے امریکی ڈالر کی قیمت 1 روپے 84 پیسے بڑھ گئی۔


    جبکہ اعدادو شمار کے مطابق انٹربینک میں روپے کے مقابلے میں ڈالر کی قیمت 287.54 روپے سے بڑھ کر 289.38 روپے ہوگئی ہے۔ اور مرکزی بینک کے مطابق کاروبار کے دوران امریکی ڈالر کے مقابلے روپے کی قیمت میں 0.64 فیصد تنزلی دیکھی گئی۔
    مزید یہ بھی پڑھیں؛
    حکومت کی مدت کے آخری دن، قومی اسمبلی میں مزید قوانین منظور
    اعجاز چوہدری کو جیل میں بی کلاس کی فراہمی کی درخواست پر سماعت ملتوی
    میڈیا ملازمین کی کم سے کم تنخواہ حکومت کی مقررکردہ ہوگی،مریم اورنگزیب
    عمر فاروق ظہور نامی شخص سے کبھی ملا اور نہ ہی فون پر بات کی،شہزاد اکبر

    علاوہ ازیں اسٹیٹ بینک کے مطابق امریکی کرنسی کے علاوہ سعودی ریال کی قیمت 77 روپے، ملائیشین رنگٹ کی قیمت 63 روپے، یورو کی قیمت 317 روپے، بھارتی کرنسی کی قیمت 3.5 روپے اور برطانوی پاؤنڈ کی قیمت 370 روپے ریکارڈ کی گئی۔ جبکہ دوسری جانب عالمی مارکیٹ میں بھی فی اونس سونے کی قیمت میں ایک ڈالر اور پاکستان میں فی تولہ سونے کی قیمت میں 800 روپے کا اضافہ ہوگیا ہے، بین الاقوامی بلین مارکیٹ میں فی اونس سونے کی قیمت میں 1 ڈالر کا اضافہ ہوا ہے اور عالمی مارکیٹ میں فی اونس سونے کی قیمت 1951 ڈالر کی سطح پر پہنچ گئی۔ دوسری جانب پاکستان میں بھی ڈالر کی اونچی اڑان کے بعد سونے کی قیمت میں سیکڑوں کا اضافہ ہوگیا ہے۔

    علاوہ ازیں آل سندھ صرافہ بازار ایسوسی ایشن کے مطابق کاروباری ہفتے کے دوسرے روز ملکی صرافہ مارکیٹوں میں فی تولہ اور دس سونے کی قیمت میں بالترتیب 800 روپے 686 روپے کا غیر معمولی اضافہ ہوگیا۔ قیمتوں میں اضافے کے نتیجے میں کراچی، حیدرآباد، ملتان، لاہور، راولپنڈی، اسلام آباد، پشاور، فیصل آباد اور کوئٹہ کی صرافہ مارکیٹوں میں فی تولہ سونے کی قیمت بڑھ کر 2 لاکھ 23 ہزار روپے اور دس گرام سونا اضافے کے ساتھ 1 لاکھ 91 ہزار 187 روپے کا ہو گیا، اس کے برعکس فی تولہ چاندی کی قیمت 2800 روپے پر ہی برقرار رہی۔