Baaghi TV

Tag: latest

  • پٹرول اور ڈیزل کی قیمت میں نہ 5 نہ 10 یکمشت 19.95 روپے اضافہ پر مونس الہی کا ردعمل

    پٹرول اور ڈیزل کی قیمت میں نہ 5 نہ 10 یکمشت 19.95 روپے اضافہ پر مونس الہی کا ردعمل

    پاکستان تحریک انصاف کے رہنما مونس الہی نے پیٹرولیم مصنوعات کی قیمتوں میں اضافے پر ردعمل دیتے ہوئے سماجی رابطوں کی ویب سائٹ ٹویٹر پر اپنے پیغام میں کہا ہے کہ حکومت نے پٹرول اور ڈیزل کی قیمت میں نہ 5 نہ 10 روپے بلکہ یکمشت 19.95 روپے فی لیٹر کا کمر توڑ اضافہ کر دیا گیا ہے.

    تحریک انصاف کے رہنماء مونس الہی نے کہا کہ جاتے ڈار نے جاتے جاتے قوم کو ایک اور اذیت ناک جھٹکا دے دیا ہے! روسی تیل کی آمد پر تیل سستا کرنے کے شوبازی دعوے کدھر گئے ہیں؟ جبکہ دوسری جانب پاکستان عوامی مسلم لیگ کے سربراہ شیخ رشید نے کہا ہے کہ 20 روپے پیٹرول 20 روپے ڈیزل 23 روپے مہنگا ہوا ہے۔

    علاوہ ازیں انکا مزید کہنا تھا کہ ایل پی جی 50 روپے فی یونٹ بجلی، چینی 160 روپے کلو اور آٹا 160 روپےکلو ہو گیا ،85 رکنی شاہ خرچ کابینہ کی طرف سےعوام کے لیے جانے سے پہلے آخری بڑا تحفہ ہے، اس میں سکول کے بچوں کی فیس پانی کابل اور گھر کا کرایہ شامل نہیں ہے۔


    مزید یہ بھی پڑھیں؛
    190 ملین پاؤنڈ،ڈیم فنڈ کی تفصیلات دی جائیں، مبشر لقمان کا سپریم کورٹ کو خط
    لسبیلہ ہیلی کاپٹر حادثے کو ایک سال،وزیراعظم کا شہداء کو خراج تحسین
    سویڈن پولیس نے ایک بار پھر قرآن پاک کی بے حرمتی کی اجازت دے دی
    چیئرمین پی ٹی آئی نے اپنے ریکارڈ کروائے گئے 342 کے بیان پر دستخط کردیئے
    جبکہ دوسری جانب شیخ رشید کا اس بارے میں کہنا تھا کہ غریب نے معاشی طور پے مرنا ہے یا حکومت کا سیاسی قبرستان بنانا ہے اس کی شروعات ہوچکی ہیں ستمبر غریب کے لیے ستمگر ہوگا، حکمران الیکشن سے فرار ہونے کے بہانے ڈھونڈیں گے۔

  • آسٹریلیا؛ سابق چائلڈ کیئر ورکر پر 91 بچوں سے زیادتی کا الزام عائد

    آسٹریلیا؛ سابق چائلڈ کیئر ورکر پر 91 بچوں سے زیادتی کا الزام عائد

    آسٹریلیا کے ایک سابق چائلڈ کیئر ورکر پر 91 بچوں کے ساتھ زیادتی کا الزام عائد کیا گیا ہے جسے پولیس نے منگل کو ملک میں بچوں کے جنسی استحصال کے "خوفناک ترین، واقعات میں سے ایک قرار دیا ہے۔ افسران نے مزید کہا کہ اس پر 1,623 الگ الگ جرائم کا الزام لگایا گیا ہے جن میں آبروریزی کے 136 اور 10 سال سے کم عمر کے بچے کے ساتھ جنسی تعلق کے 110 الزامات شامل ہیں۔

    عالمی ادارے اے ایف پی کے مطابق ڈارک ویب پر پوسٹ کی گئی گرافک چائلڈ پورنوگرافی دریافت کرنے کے بعد تفتیش کاروں نے اس 45 سالہ شخص کو گرفتار کیا۔ پس منظر میں بصری اشاروں کا استعمال کرتے ہوئے آخرِکار برسبین میں بچوں کی نگہداشت کے مرکز میں ان کا سراغ لگایا گیا۔ لیکن اس کے فون اور کمپیوٹر کی چھان بین کرنے کے بعد ہی افسران کو اس کے مبینہ "سفاکانہ” جرائم کی سنگینی کا احساس ہوا جو 4,000 سے زیادہ ضبط شدہ تصاویر اور ویڈیوز سے ظاہر ہوئے تھے۔

    پولیس نے کہا کہ یہ جرائم 2007 اور 2022 کے درمیان 10 مختلف چائلڈ کیئر سینٹرز میں رونما ہوئے اور نابالغ بچیوں کو خاص طور پر نشانہ بنایا گیا۔ پولیس نے بتایا کہ اس کے مبینہ متاثرین میں سے کچھ بچے ایک سال کی عمر کے تھے، چونکہ 91 میں سے 87 بچوں کا تعلق آسٹریلیا سے ہے تو پولیس کا خیال ہے کہ باقی چار نامعلوم بچوں کو 2013 اور 2014 کے درمیان زیادتی کا نشانہ بنایا گیا جب ملزم نے ایک مختصر مدت کے لیے بیرونِ ملک کام کیا تھا۔

    پولیس نے کسی ملک ک نام لیے بغیر بتایا کہ وہ بین الاقوامی تفتیشی اداروں کے ساتھ مل کر ان چار بچوں کے بارے میں معلوم کرنے کے لیے کام کرر ہی ہے۔ وفاقی پولیس کے اسسٹنٹ کمشنر جسٹن گف نے کہا کہ شناخت شدہ بچوں اور ان کے والدین کو میں بہت زیادہ تسلی نہیں دے سکتا ہوں۔ یہ خاندانوں، بچوں کی نگہداشت کرنے والوں، اور کیمونٹی کے لیے وسیع پیمانے پر تکلیف اور دباؤ کا باعث ہے۔ نیو ساؤتھ ویلز کے اسسٹنٹ پولیس کمشنرمائکل فٹزگیرالڈ نے کہا کہ "یہ ان کی زندگی کے دہشت ناک ترین کیسز میں سے ایک ہے۔
    مزید یہ بھی پڑھیں؛
    190 ملین پاؤنڈ،ڈیم فنڈ کی تفصیلات دی جائیں، مبشر لقمان کا سپریم کورٹ کو خط
    لسبیلہ ہیلی کاپٹر حادثے کو ایک سال،وزیراعظم کا شہداء کو خراج تحسین
    سویڈن پولیس نے ایک بار پھر قرآن پاک کی بے حرمتی کی اجازت دے دی
    چیئرمین پی ٹی آئی نے اپنے ریکارڈ کروائے گئے 342 کے بیان پر دستخط کردیئے
    انہوں نے مزید کہا کہ اس شخص نے بچوں کے ساتھ جو کیا، وہ کسی کے بھی تصور سے ماورا ہے۔ میں صرف یہ کہہ سکتا ہوں کہ پولیس میں اتنا طویل عرصہ گذارنے کے بعد کوشش کریں کہ آپ پریشان نہ ہوں لیکن یہ ایک دہشت ناک کیس ہے۔ پولیس نے بچوں سے زیادتی کا جو مواد دریافت کیا، اس کے مکمل حجم کو تلاش کرنے کے لیے ایک ٹاسک فورس مقرر کی گئی جس میں کام کرنے کے لیے کوئنز لینڈ اور نیو ساؤتھ ویلز کی ریاستوں کے تقریباً 35 جاسوسوں اور تفتیش کاروں کو بلایا گیا تھا۔

    پولیس نے بتایا کہ ہے اس شخص نے ماضی میں کیے گئے کام کی جانچ پڑتال کی سخت سیریز پاس کی تھی جو آسٹریلیا میں بچوں کی دیکھ بھال کے مراکز میں کام کرنے کے لیے درکار ہوتی ہے۔ اس شخص کو 21 اگست کو کوئنز لینڈ میں عدالت میں پیش ہونا ہے۔ ایک دفعہ یہ کارروائی مکمل ہو جائے تو اسے مزید الزامات کا سامنا کرنے کے لیے نیو ساؤتھ ویلز کے حوالے کر دیا جائے گا۔

  • پی ٹی آئی کے ایک اوررہنما کا پارٹی چھوڑنے کا اعلان

    پی ٹی آئی کے ایک اوررہنما کا پارٹی چھوڑنے کا اعلان

    فیصل آباد: پی پی 112 سے پاکستان تحریک انصاف کے ٹکٹ ہولڈربلال اشرف بسرا نے پارٹی چھوڑنےکا اعلان کردیا۔

    باغی ٹی وی: بلال اشرف کی جانب سے پارٹی اور سیاست سے علیحدگی کا اعلان سوشل میڈیا پر ویڈیو بیان کے ذریعے کیا گیا، بیان میں بلال اشرف بسرا نے پاکستان تحریک انصاف(پی ٹی آئی) اور سیاست سے کنارہ کشی کا اعلان کیا ہے، 9 مئی کے واقعات کی مذمت کرتا ہوں-

    واضح رہے کہ 9 مئی کو قومی احتساب بیورو (نیب) نے چیئرمین پی ٹی آئی عمران خان کو القادر ٹرسٹ کیس میں اسلام آباد ہائیکورٹ کے احاطے سے گرفتار کیا تھا جس کے بعد احتجاج کرنے والے تحریک انصاف کے کارکنان نے فوجی تنصیبات اور سرکاری املاک پر حملے کیے جس میں جناح ہاؤس لاہور اور ریڈیو پاکستان پشاور کی عمارت کو بھی نذر آتش کیا گیا۔

    باپ کی قید میں لوہے کی زنجیروں سے جکڑی جوان بیٹی کو پولیس نے آزاد …

    ملک میں 9 مئی کو ہونے والی شرپسندی کے بعد قانون نافذ کرنے والے اداروں نے سخت ایکشن لیتے ہوئے متعدد شرپسندوں کو گرفتار کیا جب کہ اس موقع پر تحریک انصاف کے مرکزی رہنماؤں کو تھری ایم پی او کے تحت نظر بند کیا گیا پی ٹی آئی کے خلاف کریک ڈاؤن کے بعد اب تک پارٹی کے کئی نامور رہنما اسے خیرباد کہہ چکے ہیں جن میں فواد چوہدری، شیریں مزاری، عامر کیانی، علی زیدی، عمران اسماعیل، پرویز خٹک، محمود خان، فردوس عاشق اعوان، فیاض چوہان، ملیکہ بخاری، آفتاب صدیقی، محمود مولوی بھی شامل ہیں جب کہ پارٹی کے سیکرٹری جنرل اسد عمر بھی تمام عہدوں سے مستعفی ہوچکے ہیں۔

    امریکا سعودی عرب میں یوکرین امن اجلاس میں شرکت کرے گا،محکمہ خارجہ

  • امریکا سعودی عرب میں یوکرین امن اجلاس میں شرکت کرے گا،محکمہ خارجہ

    امریکا سعودی عرب میں یوکرین امن اجلاس میں شرکت کرے گا،محکمہ خارجہ

    امریکا سعودی عرب میں یوکرین امن اجلاس میں شرکت کرے گا-

    باغی ٹی وی : امریکی محکمہ خارجہ کے ترجمان میتھیو ملر نے کہا ہے کہ امریکی حکومت کے اہلکار سعودی عرب میں یوکرین امن اجلاس میں شرکت کریں گے تاہم انہوں نے اس حوالے سے مزید تفصیلات نہیں بتائیں۔

    وال سٹریٹ جرنل نے ہفتے کے روز خبر دی ہے کہ سعودی عرب مغربی ریاستوں، یوکرین اور بڑے ترقی پذیر ملکوں کو مذاکرات میں مدعو کرے گا یہ مذاکرات 5 اور 6 اگست کو جدہ میں ہوں گے جس میں تقریباً 30 ممالک شرکت کریں گے۔ اتوار کو یوکرین کے صدارتی دفتر کے سربراہ آندری یرماک نے تصدیق کی کہ سعودی عرب یوکرین کی صورتحال پر مذاکرات کی میزبانی کرے گا جس کے دوران امن منصوبے پر بات چیت متوقع ہے۔

    سعودی عرب یوکرین جنگ کے حوالے سے مذاکرات کی میزبانی کرے گا

    برماک نے ٹویٹر پر ایک پوسٹ میں کہا کہ ہم یوکرین امن فارمولے پر عمل درآمد کے حوالے سے قومی سلامتی کے مشیروں کی اگلی میٹنگ کی تیاری کر رہے ہیں۔ انہوں نے کہا کہ یہ ملاقات ان مذاکرات کی طرح ہو گی جو جون میں کوپن ہیگن میں ہوئی تھیں۔

    جدہ میں ہونے والے اس اجلاس میں انڈونیشیا، مصر، میکسیکو، چلی اور زیمبیا سمیت 30 ممالک کے سینیر حکام شرکت کریں گے، تاہم ان مذاکرات میں جنگ کا فریق روس شامل نہیں ہوگا،یوکرین اورمغربی حکام کوامید ہےکہ یہ مذاکرات یوکرین کے حق میں امن شرائط کےلیے بین الاقوامی حمایت کا باعث بن سکتے ہیں یوکرین کے تقریباً چھٹے حصے پر قابض ہونے کا دعویٰ کرنے والے روس کا کہنا ہے کہ وہ یوکرین کے ساتھ امن مذاکرات کو صرف اسی صورت میں ممکن سمجھتا ہے جب کیف ”نئی حقیقتوں“ کو قبول کرے کریملن کا اشارہ روسی فوج کے زیر قبضہ یوکرین کے علاقوں کی طرف تھا۔

    سمندری طوفان ڈوکسوری کی چین میں تباہ کاریاں، دارالحکومت بیجنگ بھی شدید متاثر

    جبکہ یوکرین کا کہنا ہے کہ روس کے ساتھ مذاکرات صرف اس وقت ممکن ہوں گے جب ماسکو ملک سے اپنی افواج واپس بلا لے گا مدعو ممالک میں سے ابھی تک یہ واضح نہیں کہ کتنے شرکت کریں گے البتہ جون میں کوپن ہیگن میں اسی طرح کے مذاکرات میں حصہ لینے والے ممالک کے نمائندوں کی جدہ میں آمد متوقع ہےبرطانیہ، جنوبی افریقا، پولینڈ اور یورپی یونین نے جدہ اجلاس میں شرکت کی تصدیق کی ہے اور امریکا کے قومی سلامتی کے مشیر جیک سلیوان کی شرکت بھی متوقع ہے۔

    زمین کا وہ مقام جہاں نظام شمسی کے گرم ترین سیارے جتنی سورج کی روشنی …

  • سینیٹ میں جو بل پیش ہوا اس پر اتحادیوں کو اعتماد میں نہیں لیا گیا۔ فیصل کریم کنڈی

    سینیٹ میں جو بل پیش ہوا اس پر اتحادیوں کو اعتماد میں نہیں لیا گیا۔ فیصل کریم کنڈی

    وفاقی وزیر مملکت اور پیپلزپارٹی کے سینئر رہنماء فیصل کریم خان کنڈی کا کہنا ہے کہ منسٹر آف سٹیٹ نے سینیٹ میں ایک بل پیش کیا جس میں پیپلز پارٹی اور اتحادی جماعتوں کو اعتماد میں نہیں لیا گیا ہے. نجی ٹی وی کو انٹرویو دیتے ہوئے فیصل کریم کنڈی نے کہا کہ پاکستان پیپلز پارٹی ہمیشہ اپنے اتحادیوں کو آن بورڈ لیتی ہے جبکہ ہم نے کبھی ایسا نہیں سوچا جبکہ جو بل لایا گیا اعتماد میں نہ لینے کی وجہ سے ہم سمیت دیگر جماعتوں کے ارکان نے بھی اس کی مخالفت کی ہے۔

    فیصل کریم کنڈی کا مزید کہنا تھا کہ ہم تمام لوگوں کو آن بورڈ لیکر دیکھیں گے کہ اس بل پر کیا ہو سکتا ہے اور کیا نہیں، ہم ایسا بل نہیں لانا چاہتے جو کل کو ہمارے ہی گلے پڑ جائے جبکہ نگران سیٹ اپ کے حوالے سے انہوں نے احسن واحد کو بتایا کہ نگران سیٹ اپ کیلئے پی پی پی اور مسلم لیگ ن کی کمیٹی دوبارہ مل بیٹھے گی اور اس کمیٹی میں نام شیئر ہونگے جس کے بعد اس پر پر بحث ہوگی۔ علاوہ ازیں انہوں نے کہا ہے کہ ابھی نگران وزیراعظم کے نام کیلئے کوئی حتمی فیصلہ نہیں ہوا، سیاسی لوگوں کے نام سامنے آ رہے ہیں اس میں کوئی بڑی بات نہیں ہے۔
    مزید یہ بھی پڑھیں؛
    بلوچستان میں ” باپ” کا کردار بدستور اہم رہے گا
    چین میں پاکستانی آموں کی نمائش اگست کے تیسرے ہفتے میں
    اسٹیٹ بینک کا شرح سود22 فیصد پر برقرار رکھنے کا فیصلہ
    باجوڑ، خار میں دہشت گردی،سی پیک کی دس سالہ تقریبات سادگی سے منانے کا فیصلہ
    رہنما پیپلز پارٹی فیصل خان کا یہ بھی کہنا تھا کہ کیا کبھی کسی سیاستدان کو کہا گیا ہے کہ ڈیپوٹیشن پر جج یا بیوروکریٹ بن جائیں، کیا سب لوگوں نے ہمارے پاس ہی آنا ہے کبھی کسی جج کو کبھی کسی بیوروکریٹ کو لے آئیں، اس کا کیا مطلب ہے جج اور بیوروکریٹ اچھی سیاست کر لیتے ہیں۔جبکہ ماضی میں ہم نے تجربے کیے ہیں اور انہی لوگوں کو بٹھا دیا لیکن جب آر ٹی ایس کا سوئچ آف ہوا تو یہ خاموش تھے، لیکن جب الیکشن گزر جاتے تو یہ کہتے کہ ہمیں تو گھر سے باہر جانے کی اجازت نہیں تھی۔

  • تاجروں کا دو دن کاروبار بند کرنے کے احکامات کو واپس لینے کا مطالبہ

    تاجروں کا دو دن کاروبار بند کرنے کے احکامات کو واپس لینے کا مطالبہ

    تاجروں نے حکومت سے دو دن کاروبار بند کرنے کے احکامات کو واپس لینے کا مطالبہ کردیا جبکہ حکومت نے اسلام آباد میں31 جولائی اور یکم اگست کوعام تعطیل کیا تھا لیکن تاجروں نے حکومت سے دو دن کاروبار بند کرنے کے احکامات کو واپس لینے کا مطالبہ کردیا ہے۔ ضلعی انتظامیہ کے مطابق وفاقی دارالحکومت میں ہائی لیول غیرملکی وفد کی آمد کے سبب عام تعطیل کا اعلان کیا گیا ہے۔

    نجی ٹی وی کے مطابق صدرانجمن تاجران اجمل بلوچ کا کہنا ہے کہ دو دن لگاتار کاروبار بند نہیں کریں گے جس کا کوئی جواز نہیں ہے، انتظامیہ کی جانب سے جاری کیا گیا، نوٹی فکیشن واپس لیا جائے۔ پہلے بھی دو دن محرم الحرام کے احترام میں کاروباربند رہ چکے ہیں۔ انہوں نے کہا کہ کاروباری طبقے میں مزید کاروبار بند رکھنے کی سکت نہیں کاروباری طبقہ کے ساتھ دہاڑی دار طبقہ بھی منسلک ہے۔ مہمانوں کی آمد پربجائے کاروبار بند کرنے کے شہر میں چہل پہل ہونی چاہئے۔
    باجوڑ میں جے یو آئی کے ورکر کنونشن میں دھماکا
    قرآن پاک کی بے حرمتی روکنےکی کوشش کرنیوالی خاتون پر چوری کے الزامات
    حالیہ مون سون بارشوں کی تباہ کاریاں، این ڈی ایم اے کی رپورٹ جاری
    قرآن پاک کی بے حرمتی روکنےکی کوشش کرنیوالی خاتون پر چوری کے الزامات
    حالیہ مون سون بارشوں کی تباہ کاریاں، این ڈی ایم اے کی رپورٹ جاری

    جبکہ دوسری جانب اسلام آباد انتظامیہ کی جانب سے چائنیز ہائی آفیشل کے دورہ پرسرکاری و پرائیویٹ تعلیمی اداروں میں دو روزہ تعطیلات کا اعلان کر دیا گیا ہے۔ فیڈرل ڈائریکٹریٹ آف ایجوکیشن نے بھی تمام تعلیمی اداروں میں دو روزہ تعطیلات کا اعلان کیا ہے۔ وفاقی دارالحکومت میں فیڈرل ڈائریکٹریٹ کے زیر انتظام تمام تعلیمی ادارے بند رہیں گے۔

  • سونے کی فی تولہ قیمت میں ہزاروں روپے کا اضافہ

    سونے کی فی تولہ قیمت میں ہزاروں روپے کا اضافہ

    ملک بھر میں فی تولہ سونا کی قیمت میں دوبارہ ہزروں روپے کا اضافہ ریکارڈ کیا گیا ہے جبکہ بین الاقوامی مارکیٹ میں فی اونس سونے کی قیمت 3 ڈالر اضافے کے بعد 1975 ڈالر ہوگئی ہے۔ دوسری طرف ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر ، فیصل آباد ، ملتان ، روالپنڈی سمیت دیگر جگہوں پر فی تولہ سونے کی قیمت 2600 روپے بڑھ کر 224700 روپے ہوگئی ہے۔

    ادھر دس گرام سونے کی قیمت 2230 روپے بڑھ کر 192644 روپے ہوگئی ہے۔ مزید برآں فی تولہ اور دس گرام چاندی کی قیمتوں میں استحکام ریکارڈ کیا گیا، دونوں کی قیمتیں بالترتیب 2750 اور 2357روپے کی سطح پر برقرار ہے ۔ ملک بھر میں روپے کے مقابلے میں امریکی ڈالر کی قیمت میں تیزی سے کمی آنے لگی۔ اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے آخری کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 59 پیسے کی کمی دیکھی گئی۔

    اعداد و شمار کے مطابق انٹر بینک میں روپے کے مقابلے میں امریکی ڈالر کی قیمت 287 روپے 4 پیسے سے کم ہو کر 286 روپے 45 پیسے ہو گئی ہے۔ مرکزی بینک کے مطابق انٹر بینک میں امریکی ڈالر کے مقابلے میں روپے کی قدر میں 0.21 فیصد کی بہتری دیکھی گئی۔ اُدھر انٹر بینک کی طرح اوپن مارکیٹ میں بھی امریکی کرنسی کی قیمت میں ایک روپیہ کی گراوٹ دیکھی گئی اور نئی قدر 291 روپے کے قریب پہنچ گئی ہے۔
    مزید یہ بھی پڑھیں؛
    سرمایہ کاروں کی حفاظت نہیں کریں گے تو پھر کوئی نہیں آئے گا،وزیر اعظم
    توشہ خانہ کیس،ٹرائل پر حکم امتناع جاری کرنے کی استدعا پر فیصلہ محفوظ
    چلی سےچارسدہ آنیوالی خاتون نے اسلام قبول کرکے پاکستانی نوجوان سے شادی کرلی
    سیلاب متاثرین کیلئے ہاؤسنگ اسکیم دنیا کا سب سے بڑا منصوبہ ہے، شرجیل میمن

    سٹیٹ بینک کے مطابق یورو کی قیمت 318 روپے، جاپانی ین 2 روپے، برطانوی پاؤنڈ 371 روپے، آسٹریلوی ڈالر 192 روپے، کینیڈین ڈالر 217روپے، سعودی ریال 76 روپے ملائیشین رنگٹ 63 روپے، بھارتی کرنسی 3.4 روپے، قطری ریال 78 روپے کا ہو گیا ہے۔

  • ہاؤس آف کامنز؛ شراب نوشی پر پابندی؟

    ہاؤس آف کامنز؛ شراب نوشی پر پابندی؟

    عالمی ادارے میل آن لائن کے مطابق پارلیمنٹ میں شراب نوشی پر پابندی؟ حکام اس گھر کو خشک کرنے پر غور کر رہے ہیں کیونکہ یہ انکشاف ہوا ہے کہ ٹیکس دہندگان نے گزشتہ سال ارکان پارلیمنٹ کے کھانے اور مشروبات پر سبسڈی پر 6.4 ملین پاؤنڈ خرچ کیے تھے۔ ویسٹ منسٹر کے ایتھیکس چیف نے دعویٰ کیا ہے کہ ایوان نمائندگان کو ارکان پارلیمنٹ کے لیے شراب نوشی پر پابندی عائد کرنے پر غور کرنا چاہیے۔ کمشنر برائے اسٹینڈرڈز ڈینیئل گرین برگ نے کہا کہ پارلیمانی اسٹیٹ میں شراب کی فروخت کا جائزہ لیا جانا چاہیے۔ جبکہ انہوں نے تسلیم کیا کہ شراب نوشی سے جڑے ‘رویے کے مسائل’ ہیں، لیکن انہوں نے یہ بھی کہا کہ یہ ایک ایسا مسئلہ ہے جسے ممبران پارلیمنٹ ‘اپنے لئے دیکھ رہے ہیں’۔

    ڈیلی میل کے مطابق ہاؤس آف کامنز کے تازہ اعداد و شمار سے معلوم ہوتا ہے کہ ٹیکس دہندگان نے گزشتہ سال 6.4 ملین پاؤنڈ خرچ کیے تھے جس میں ارکان پارلیمنٹ کے بار اور ریستوران میں کھانے اور مشروبات کی لاگت کو مؤثر طریقے سے سبسڈی دی گئی تھی۔ یہ رقم 2021-22 میں 7.5 ملین پاؤنڈ اور 2020-21 میں 9.1 ملین پاؤنڈ تھی۔ لیکن یہ اب بھی کووڈ وبائی امراض سے پہلے کے سالوں کی لاگت سے زیادہ تھا ، جس میں 2019-20 میں 4.6 ملین پاؤنڈ اور 2018-19 میں 2.6 ملین پاؤنڈ خرچ کیے گئے تھے۔ ٹائمز ریڈیو کو دیے گئے ایک انٹرویو میں گرین برگ نے یہ بھی مشورہ دیا کہ اگر ارکان پارلیمنٹ قواعد کی خلاف ورزی کرتے ہیں تو ان کی گولڈ پلیٹڈ پنشن کو ختم کیا جا سکتا ہے۔
    مزید یہ بھی پڑھیں؛
    ورلڈ اسکریبل چیمپئن شپ: پاکستان کے عنایت اللہ نے لیٹ برڈ ٹورنامنٹ جیت لیا
    بحیرہ روم کے نو ممالک میں آگ بھڑک اٹھی
    پارلیمنٹ کا مشترکہ اجلاس،الیکشن ایکٹ ترمیمی بل 2023 منظور
    پشاور،محرم الحرام کے موقع پر تمام ہسپتالوں میں طبی عملہ چوکس
    گرین برگ سے جب ان اراکین پارلیمنٹ کے بارے میں پوچھا گیا جنہوں نے حال ہی میں غلط کام کرنے پر تجویز کردہ سزا قبول کرنے کے بجائے کامنز چھوڑ دیا ہے تو انہوں نے انفرادی معاملات پر تبصرہ کرنے سے گریز کیا لیکن، جب ان سے یہ پوچھا گیا کہ ایسے حالات میں سابق ممبران پارلیمنٹ کی پنشن پر نظر ثانی کی جا سکتی ہے، تو انہوں نے جواب میں کہا کہ "میرے خیال میں یہ ایک ایسی چیز ہے جس پر بہت احتیاط سے غور کرنے کی ضرورت ہوگی۔ اور مجھے لگتا ہے کہ شاید میں مددگار ثابت ہونے کی کوشش کر سکتا ہوں اور کہہ سکتا ہوں کہ میرے خیال میں یہ بات چیت اور بات چیت ہمیں کرنی چاہیے، لیکن اس انداز میں نہیں- یقینی طور پر کسی خاص معاملے پر فوری رد عمل میں نہیں جو سرخیوں میں آتا ہے۔ ‘یہ ایک ایسی چیز ہے جس پر ہمیں احتیاط سے غور کرنا چاہیے۔ انہوں نے مزید کہا: ‘میں اس قسم کی حمایت واپس لینے کے لئے ہاں یا نہیں کہوں گا، کیونکہ جیسا کہ میں کہتا ہوں، میرے خیال میں یہ پیچیدہ ہے.

  • ڈی آئی جی اسلام آباد نے ڈولفن پولیس کے خلاف مقدمہ درج کرا دیا

    ڈی آئی جی اسلام آباد نے ڈولفن پولیس کے خلاف مقدمہ درج کرا دیا

    اسلام آباد: ڈی آئی جی اسلام آباد نے جوڑے کو ہراساں کرنے پر ڈولفن پولیس پر پرچہ کاٹ دیا۔

    باغی ٹی وی : ڈی آئی جی آپریشن سید شہزاد ندیم بخاری نے سماجی رابطے کی ویب سائٹ ٹوئٹر پر لکھا کہ میں نے وفاقی دارالحکومت کے علاقے جی الیون میں جوڑے کو ہراساں کرنے پر ڈولفن پولیس اہلکار کے خلاف مقدمہ درج کرا دیا ہے ہمارا فرض عوام کی حفاظت اور خدمت کرنا ہے اور میں کسی بھی ایسے عمل کو برداشت نہیں کروں گا جس سے ہماری فورس کا اعتماد مجروح ہو ہم ایسے واقعات کو فوری طور پر حل کرنے اور انصاف کی بالادستی کو یقینی بنانے کے لیے پرعزم ہیں۔
    https://twitter.com/ShehzadPSP/status/1683894148489678850?s=20

    پاکستان آئی ایم ایف کے معاہدے پر مکمل عملدرآمد کرے گا،وزیراعظم

    انہوں نے اپنے پیغام میں کہ شہری ایسے واقعات کی اطلاع دینے میں ہچکچاہٹ کا مظاہرہ نہ کریں۔ اس طرح کی ہراسانی برداشت نہیں کی جائے گی۔ میں وعدہ کرتا ہوں کہ ایسی کسی بھی حرکت کے خلاف سخت کارروائی کروں گا۔ آئیے ایک محفوظ، جوابدہ، اور باعزت کمیونٹی بنانے کے لیے مل کر کام کریں۔
    https://twitter.com/ShehzadPSP/status/1683894148489678850?s=20

    ہائی کورٹ کے چھ ججوں کو جان سے مارنے کی دھمکی

    دوسری جانب چونیاں میں لیڈی کانسٹیبل سمیرا صدیق نے فرض شناسی کی اعلی مثال قائم کر دی، لیڈی کانسٹیبل نے قانون کی خلاف ورزی کرنے پر والد کا چالان کر دیا سمیرا صدیق کا کہنا تھا کہ والد ہو یا کوئی اور قانون کی نظر میں سب برابر ہیں،دوسری جانب جرمانہ بھرنے والے والد کا کہنا تھا کہ انہیں اپنی بیٹی کی فرض شناسی پر فخر ہے،جبکہ اعلیٰ حکام کی جانب سے سمیرا صدیق کی فرض شناسی پر شاباش دی گئی اور شہریوں نے لیڈی کانسٹیبل کی فرض شناسی کو سراہتے ہوئے تعریف کی-

    وزیراعظم نے گردشی قرضے بڑھنے کا ذمہ دار سابق حکومت کےساتھ اپنی حکومت کو بھی …

  • چیئرمین پی ٹی آٸی کی بہنوں کو اشتہاری قرار دینے کی کاررواٸی منسوخ

    چیئرمین پی ٹی آٸی کی بہنوں کو اشتہاری قرار دینے کی کاررواٸی منسوخ

    لاہور: جناح ہاؤس حملہ کیس میں چیئرمین پی ٹی آٸی کی دو بہنوں علیمہ خان اور عظمی خان کو اشتہاری قرار دینے کی کاررواٸی منسوخ کر دی گئی۔

    باغی ٹی وی : لاہو کی انسداد دہشتگردی عدالت نے چیئرمین تحریک انصاف کی دو بہنوں کو جناح ہاوس حملہ کیس میں اشتہاری قرار دینے کے خلاف درخواست پر سماعت کیعدالت نے فیصلے میں کہا کہ تفتیشی افسر کے مطابق دونوں خواتین نے مقدمہ میں عبوری ضمانت حاصل کر رکھی ہے اور تفتیشی افسر کے مطابق ضمانت کا علم نہ ہونے کی وجہ سے اشتہاری قرار دلوانے کی درخواست دی۔

    عدالت نے حکم دیا کہ دونوں خواتین اس وقت عبوری ضمانت پر ہیں لہذا اشتہاری قرار دینے کا حکم منسوخ کیا جاتا ہے واضح رہے کہ عدالت نے گزشتہ روز علیمہ خان اور عظمی خان سمیت 22 پی ٹی آٸی رہنماوں کو اشتہاری قرار دیا تھا جن میں غلام عباس ، علی حسن ، سعید احمد سندھو، شفقت امین سندھو چیئرمین پی ٹی آئی کی بہنیں عظمیٰ خان اور علیمہ خان ،عندلیب عباس ، احمد خان نیازی بھی اشتہاریوں میں شامل ہیں،خالد گلزار ، اور سابق ایم این اے کرامت علی کھوکھر شمل ہیں

    پی ٹی آئی چئیرمین کی توشہ خانہ کیس کے قابل سماعت ہونے کیخلاف اپیل سماعت …

    واضح رہے کہ انسداد دہشتگردی عدالت لاہور نے پاکستان تحریک انصاف ( پی ٹی آئی) کے چیئرمین کی بہن علیمہ خان اور عظمیٰ خان کی تین مقدمات میں عبوری ضمانتیں منظورکررکھی ہیں،عدالت نےعلیمہ خان اور ظمیٰ خان کی عبوری ضمانتیں 8 اگست تک منظور کیں عدالت نے ایک ایک لاکھ روپے کے مچلکوں کے عوض ضمانتیں منظور کیں۔

    تھانہ سرور روڈ اور ماڈل ٹاؤن پولیس نے علیمہ خان اور عظمیٰ خان کے خلاف مقدمات درج کر رکھے ہیں قبل ازیں انسداد دہشت گردی عدالت نے ملزمان کے ناقابل ضمانت وارنٹ گرفتاری جاری کیے تھے۔

    عمران خان کی بہنوں سمیت تحریک انصاف کے رہنما اشتہاری قرار