میاں چنوں: پنجاب فوڈ اتھارٹی کی بڑی کاروائی،جعلی دودھ تیار کرنے پر ڈیری شاپ سیل کرکے جعلی دودھ تلف کر دیا
میاں چنوں کے علاقے تلمبہ میں جعلی دودھ تیار کرنے والے یونٹ پر پنجاب فوڈ اتھارٹی ٹیم کا چھاپہ، ڈی جی فوڈ عرفان میمن نے کہا کہ سراج ڈیری شاپ میں وئے پاؤڈر اور گھی سے مصنوعی دودھ تیار کیا جا رہا تھا جعلی دودھ تیار کرنے پر تھانہ روڈ پر واقع سراج ڈیری شاپ کو سیل کر دیا گیا ہے، دوران کارروائی 190لٹر آغاز گھی، 50لٹر دودھ، 20کلو وئے پاؤڈر اور چالو1چلر برآمد کر لیا گیا۔
گورنمنٹ مسلم یونین ہائی سکول میاں چنوں میں شان رحمت اللعالمین کانفرنس کی تحصیل سطح پر مقابلے کا انعقاد ہوا۔جس میں تحصیل بھر کے طلباء و طلبات نے حصہ لیا۔تقریب کی صدارت جناب پرنسپل خالد محمود کمبوہ نے کی۔اور سٹیج سیکریٹری سعید اختر چوہدری کے فرائض سر انجام دیئے۔ طلباء و طالبات نے بھر پور تیاری سے حصہ لیا۔
نتائج کے مطابق نعت رسول مقبول میں زین علی مسلم یونین فسٹ۔اورنگ زیب ظفر ہائر سیکنڈری سکول تلمبہ سیکنڈ اور آمنہ رشید گورنمنٹ گرلز ہائی سکول 129۔15 ایل تھرڈ
اردو تقریر میں محمد انس شکور مسلم یونین فسٹ، اقصی افضل گرلز ہائی سکول 129۔15 ایل سیکنڈ اورفرحین اصغر گورنمنٹ گرلز ہائی سکول 125۔15 ایل تھرڈ۔ انگلش تقریر سلمان وسیم مسلم یونین فسٹ۔ارحم ریاض نے سیکنڈ پوزیشن حاصل کی۔
کوئز مقابلے میں گورنمنٹ ہائی سکول 128۔15 ایل نے فسٹ اور گورنمنٹ مسلم یونین ہائی سکول کے طلباء نے دوسری پوزیشن حاصل کی۔طلباء و طالبات کا شوق دیدنی تھا۔آخر میں پوزیشن حاصل کرنے والوں کو انعامات دیئے گئے۔اساتذہ نے حکومتی کاوش کو سراہا سعید اختر چوہدری نے بھر پور شرکت پر طلباء اور سکول انتظامیہ کا بہترین انتظام پر شکریہ ادا کیا۔جناب حافظ محمد عمران۔محمد عثمان غنی اور میاں عثمان پی ای ٹی۔اختر صابر کا پروگرام کو کامیاب بنانے کی کاوش پر شکریہ ادا کیا۔جناب محمد عثمان غنی نے سعید اختر چوہدری کو پروگرام کی کامیابی پر مبارکباد دی۔اور امت مسلمہ کی خیرع برکت کے لیئے دعائے خیر فرمائی۔