Baaghi TV

Tag: Pakistan news

  • نیویارک میں امریکی ڈاکوؤں نےپاکستانی نژاد پولیس افسرکوگولی مارکرجان سےماردیا

    نیویارک میں امریکی ڈاکوؤں نےپاکستانی نژاد پولیس افسرکوگولی مارکرجان سےماردیا

    نیویارک:امریکا میں ڈکیتی کے دوران مزاحمت کرنے پر ڈاکو نے پاکستانی نژاد 26 سالہ پولیس افسر کو گولی مار کر قتل کردیا۔اطلاعات کے مطابق امریکی نشریاتی ادارے کے مطابق نیویارک پولیس ڈیپارٹمنٹ کی جانب سے جاری بیان میں کہا گیا ہے کہ ڈپارٹمنٹ کے پاکستانی نژاد پولیس اہلکار 26 سالہ عدید فیاض کو ڈکیتی کے دوران گولی مار دی گئی اور وہ زخموں کی تاب نہ لاتے ہوئے اسپتال میں انتقال کرگئے۔

    پولیس کے بیان میں کہا گیا ہے کہ پاکستانی نژاد اہلکار کو گزشتہ روز ایک 38 سالہ ملزم رینڈی جونز نے گولی ماری تھی گرفتار کرلیا گیا۔پولیس حکام کے مطابق ملزم بروکلین میں ڈکیتی کے بعد اپنی گرل فرینڈ اور پانچ چھوٹے بچوں کے ساتھ اس ہوٹل میں چھپا ہوا تھا۔ ملزم کو سخت سے سخت سزا دلوانے کا عہد کرتے ہیں۔

    نیویارک پولیس ڈیپارٹمنٹ کی جانب سے پولیس آفیسر فیاض عدید پر گولی چلانے والے ملزم کو چھ فروری کو جسے وقوعہ سے 50 میل دور ایک ہوٹل سےاپ سٹیٹ نیویارک کے علاقے سے گرفتار کرلیا گیا ہے اور ملزم سے تفتیش شروع کردی گئی ہے ۔پانچ سالوں سے نیویارک پولیس میں خدمات انجام دینے والے عدید فیاض کے لواحقین میں والدین کے علاوہ بیوہ اور دو بچے شامل ہیں

     

    نیویارک پولیس نے پاکستانی نژاد اہلکار عدید فیاض کے اہل خانہ سے تعزیت کی ہے۔

  • پنجاب، خیبر پختونخوا میں بلدیاتی اداروں کی معطلی کا نوٹیفکیشن اسلام آباد ہائیکورٹ میں چیلنج

    پنجاب، خیبر پختونخوا میں بلدیاتی اداروں کی معطلی کا نوٹیفکیشن اسلام آباد ہائیکورٹ میں چیلنج

    اسلام آباد: بلدیاتی اداروں کی معطلی سے متعلق الیکشن کمیشن کا نوٹیفکیشن اسلام آباد ہائیکورٹ میں چیلنج کردیا گیا۔اسلام آباد ہائیکورٹ میں دائر درخواست میں موقف اختیار کیا گیا ہے کہ پنجاب اور خیبرپختونخوا میں صوبائی اسمبلی کے انتخابات کے پیش نظر الیکشن کمیشن نے لوکل گورنمنٹ اور کنٹونمنٹ بورڈز کو معطل کردیا ہے لیکن الیکشن کمیشن نے ابتک نہ الیکشن کا شیڈول جاری کیا اور نہ ہی نئی ووٹر لسٹیں مرتب کرنے کا عمل شروع کیا ہے۔

    درخواست میں کہا گیا ہے کہ دونوں صوبوں میں کنٹونمنٹ بورڈ اور لوکل گورنمنٹ کی معطلی سے شہریوں کے کام اور حقوق متاثر ہورہے ہیں۔ عدالت الیکشن کمیشن کا کنٹونمنٹ بورڈز کی معطلی کا نوٹیفکیشن کالعدم قرار دے۔

    درخواست میں چیف الیکشن کمشنر اور الیکشن کمیشن کے ڈی جی لا کو فریق بنایا گیا ہے، چیف جسٹس اسلام آباد ہائی کورٹ جسٹس عامر فاروق کل جمعرات کو درخواست پر سماعت کریں گے۔

    اوکاڑہ :پٹرولیم مصنوعات کی قیمتوں اضافے کے اعلان کیساتھ ہی پبلک ٹرانسپورٹ کے…

    ادھر اس سے پہلے چیف سیکرٹری پنجاب نے الیکشن کمیشن آف پاکستان کو انتخابات ایک ہی دن کرانے کی تجویز دے دی۔الیکشن کمیشن میں پنجاب میں ضمنی اور صوبائی اسمبلی کے انتخابات سے متعلق اہم اجلاس چیف سیکرٹری پنجاب نے کہا کہ الگ الگ دن انتخابات سے اخراجات ڈبل ہوجائیں گے جبکہ سکیورٹی کی فراہمی بھی مشکل ہوگی۔

    چونیاں : پٹرولیم مصنوعات کی قیمتوں میں مسلسل اضافہ،غریب عوام کی کمر ٹوٹ گئی۔سروے

    چیف سیکرٹری پنجاب کا کہنا تھا کہ صوبے میں امن و امان برقرار رکھنے کیلئے 42 ارب درکار ہوں گے جبکہ صوبائی حکومت کو مالی خسارے کا بھی سامنا ہے۔

    گوجرہ :پٹرول پمپ مالکان کی من مانی ،نام نہاد اشرافیہ کیلئے تیل دستیاب،عوام پریشان…

    انہوں نے کہا کہ رمضان میں انتظامی افسران قیمتیں کنٹرول کرنے میں لگے ہوتے ہیں جبکہ قانون نافذ کرنے والے ادارے بھی مساجد اور محافل کی سیکیورٹی پر مامور ہوتے ہیں۔ چیف سیکرٹری پنجاب کے مطابق مارچ میں افسران اور سیکیورٹی اہلکار مردم شماری میں مصروف ہوں گے۔

  • شادی شدہ خاتون کو ڈرا دھمکا کر نازیبا تصاویر بنوانے والا پولیس اہلکار گرفتار

    شادی شدہ خاتون کو ڈرا دھمکا کر نازیبا تصاویر بنوانے والا پولیس اہلکار گرفتار

    اسلام آباد: تھانہ آئی میں تعینات پولیس اہلکار کو خاتون کو ڈرا دھمکا کر نازیبا تصاویر بنوانے اوران تصویر کو سوشل میڈیا پرڈالنے کی دھمکیاں دینے کے الزام گرفتار کرلیا گیا۔

    باغی ٹی وی: تفصیلات کے مطابق گرفتار ہونے والے پولیس اہلکار کے خلاف مقدمہ تھانہ ویمن میں درج کیا گیا ہے جس میں الزام عائد کیا گیا ہے کہ اہلکار ڈیڑھ سال سے مختلف ہتھکنڈوں سے خاتون کو بلیک میل کر رہا تھا۔

    فیصل آباد: میونسپل کارپوریشن کے جونیئر کلرک نے عمارت سے کودکر خودکشی کرلی

    مقدمے میں کہا گیا کہ ملزم پولیس اہلکار نے زبردستی خاتون کے موبائل فون سے اپنے موبائل فون پر خاندان کے دیگر لوگوں کی تصاویر بھی بھیجیں اور خاتون سے زبردستی نازیبا تصاویر بھی بنوائیں۔

    متاثرہ خاتون کا کہنا ہے کہ نعمان نامی وفاقی پولیس کے اہلکار نے میری مدد کرنے کے بہانے ہمدردی کاجھانسہ دے کر موبائل نمبر لیا اور میری مرضی کے خلاف زبردستی میری بولڈ تصاویر بنائیں پولیس اہلکار مجھے، میرے خاوند اور بچوں کو مسلسل دھمکیاں دے رہا ہے۔ ہماری زندگی اجیرن بنادی ہے۔

    دوسری جانب نواب شاہ میں چاچی کے عشق میں مبتلا پولیس کانسٹیبل نے چاچا کو قتل کر دیا ہ گزشتہ دنوں اسکول ٹیچر ذوالفقار علی کھوکھر کو نامعلوم افراد نے گولیاں مار کر قتل کردیا تھا، اندھے قتل کا مقدمہ پولیس کیلئے چیلنج تھا تاہم ڈی ایس پی صدر علی بخش جمالی،مبین پڑھیار، انسپکٹر اقبال وسان اور آئی ٹی انچارج جمیل بھٹی پر مشتمل ماہر افسران کی ٹیم تشکیل دی گئی، جنہوں نے انتہائی مہارت سے ملزمان کو گرفتار کیا، آلہ قتل اور موٹر سائیکل بھی برآمد کر لی ہے-

    پولیس کانسٹیبل نے چاچی کےعشق میں چچا کو قتل کردیا

    ایس ایس پی امیر سعود مگسی نے بتایا کہ قتل کا مرکزی ملزم باقر علی کھوکھر ہے جو کہ پولیس کانسٹیبل ہے جبکہ زین العابدین کھوکھر اور مسمات فائزہ بروہی کو سہولت کاری پر حراست میں لیا گیا ہے،ملزم مقتول کا سگا بھتیجا ہے جس کا اپنی چاچی فائزہ کے ساتھ معاشقہ چل رہا تھا،انہوں نے مقتول گلزارعلی کھوکھر کو راستے سے ہٹا کر شادی کرنے کا پروگرام بنایا ہوا تھا-

    ایس ایس پی نے بتایا کہ مقتول کی دو بیویاں ہیں، ایک اس کی اپنی برادری سے جبکہ دوسری فائزہ بروہی ہے، جس سے مقتول نے محبت کی شادی کی ہوئی تھی تاہم دونوں بیویوں سے کوئی اولاد نہیں،انہوں نے بتایا کہ ملزمان کا ٹھوس ثبوت و عین قانونی تقاضوں کو ملحوظ خاطر رکھتے ہوئے عدالت میں چالان پیش کیا جائے گا اور ملزمان کو قرار واقعی سزا دلائی جائے گی۔

    تھرپارکر کی تحصیل چھاچھرو میں 16 سالہ لڑکی کو مبینہ طور پر جنسی زیادتی،4 ماہ کی حاملہ

  • لاہورہائیکورٹ کی عام انتخابات کیلئےعدالتی افسران دینے سےمعذرت

    لاہورہائیکورٹ کی عام انتخابات کیلئےعدالتی افسران دینے سےمعذرت

    لاہور ہائی کورٹ نے عام انتخابات کے لیے عدالتی افسران دینے سے معذرت کرلی۔اطلاعات کے مطابق الیکشن کمیشن نے عدلیہ سے عام انتخابات کے لیے افسران مانگے تھے۔ رجسٹرار نے چیف جسٹس کی ہدایت پرالیکشن کمیشن کو جوابی خط بھیج دیا۔

    رجسٹرار نے لکھا کہ پنجاب کی عدالتوں میں لاکھوں کیسز زیرالتواء ہیں۔ عدالتی افسران کیلئے کیسزکے ساتھ انتخابی عمل میں شرکت مشکل ہے۔ الیکشن کمیشن نے عدلیہ سے ڈی آراو اور آراوز کی تعیناتی کی درخواست کی تھی۔

    خط میں مزید کہا گیا ہے کہ عدالتی افسران کیلئے کیسزکے ساتھ انتخابی عمل میں شرکت مشکل ہے۔ الیکشن کمیشن عدلیہ سے ڈی آراواورآراوزکی تعیناتی کاخواہشمند تھا۔

    دوسری طرف چیف سیکرٹری پنجاب نے الیکشن کمیشن آف پاکستان کو انتخابات ایک ہی دن کرانے کی تجویز دے دی۔الیکشن کمیشن میں پنجاب میں ضمنی اور صوبائی اسمبلی کے انتخابات سے متعلق اہم اجلاس چیف سیکرٹری پنجاب نے کہا کہ الگ الگ دن انتخابات سے اخراجات ڈبل ہوجائیں گے جبکہ سکیورٹی کی فراہمی بھی مشکل ہوگی۔

    چیف سیکرٹری پنجاب کا کہنا تھا کہ صوبے میں امن و امان برقرار رکھنے کیلئے 42 ارب درکار ہوں گے جبکہ صوبائی حکومت کو مالی خسارے کا بھی سامنا ہے۔انہوں نے کہا کہ رمضان میں انتظامی افسران قیمتیں کنٹرول کرنے میں لگے ہوتے ہیں جبکہ قانون نافذ کرنے والے ادارے بھی مساجد اور محافل کی سیکیورٹی پر مامور ہوتے ہیں۔ چیف سیکرٹری پنجاب کے مطابق مارچ میں افسران اور سیکیورٹی اہلکار مردم شماری میں مصروف ہوں گے۔

  • انٹرنیشل اسکول آف لاہور میں فائرنگ کا واقعہ

    انٹرنیشل اسکول آف لاہور میں فائرنگ کا واقعہ

    انٹرنیشل اسکول آف لاہور میں فائرنگ کا واقع

    انٹرنیشل اسکول آف لاہور میں فائرنگ کا واقعہ ہیش آیا ہے جبکہ اس حوالے سے سوشل میڈیا پر کچھ ویڈیو بھی زیر گردش ہیں جس میں پولیس نے کچھ لوگوں کو گرفتار کیا ہوا ہے اور ساتھ لے جارہی ہے. تاہم اس ویڈیو میں ایک خاتون کی آواز بھی سنی جاسکتی ہے جس میں وہ کہہ رہی ہے کہ ان کا حل یہ ہے کہ ہے انہیں چپیڑ مار کر اندر کیا جائے دوسری جانب کچھ نوجوان روڈ پر پڑی پلاسٹک والی رکاوٹیں پھینک رہے ہیں.

    تاہم اس بارے میں ایک انگریزی اخبار نے دعویٰ کرتے ہوئے بتایا ہے کہ یہ واقعہ ایلائٹ اسکول کا ہے جو لاہور کے ڈیفنس ایریا میں ہے اس سے لوگوں میں کافی خوف پھیل گیا ہے تاہم اس بارے میں سوشل میڈیا پر بتایا جارہا ہے کہ ہے کچھ طالب علموں نے اسکول انتظامیہ کے ساتھ لڑائی ہے جبکہ اس بارے میں ابھی کوئی تصدیق شدہ بات واضح نہیں کہ اس میں واقع ہوا کیا تھا جبکہ باغی ٹی وی نے اس بارے میں مزکورہ اسکول اور پولیس سے رابطہ کی کوشش کی ہے تاہم ابھی تک کا کوئی جواب نہیں آیا ہے.

    مزید یہ بھی بڑھیں؛
    پی ٹی آئی رہنما عامر ڈوگر کو گرفتار کرلیا گیا
    جسم پر ظاہر ہونے والی وہ علامات جو ڈپریشن کا نتیجہ ہوتی ہیں
    وزیرخزانہ اسحاق ڈار کی عالمی بینک کے ریجنل ڈائریکٹر سے ملاقات
    برطانیہ میں تقریباً 52 ہزار جائیدادیں گمنام سرمایہ کاروں کی ملکیت. رپورٹ

    واضح رہے کہ اس میں کوئی جانی نقصان نہیں ہوا ہے لیکن وہاں موجود لوگوں میں کافی خوف پایا گیا ہے. خیال رہے کہ پولیس اور اسکول کے موقف کے بعد اس خبر کو مزید اپڈیٹ کیا جائے گا.

  • پٹرولیم مصنوعات ذخیرہ کرنےوالوں کا لائسنس کینسل کردیں گے:مصدق ملک

    پٹرولیم مصنوعات ذخیرہ کرنےوالوں کا لائسنس کینسل کردیں گے:مصدق ملک

    اسلام آباد:وزیرمملکت پٹرولیم ڈاکٹرمصدق ملک کا کہنا ہے کہ پٹرولیم مصنوعات ذخیرہ کرنے والوں کا لائسنس کینسل کردیں گے۔اطلاعات کے مطابق اسلام آباد میں پریس کانفرنس کے دوران مصدق ملک نے کہا کہ ملک میں 20دن کا پٹرول اور ڈیزل موجود ہے۔ کچھ لوگ پٹرول ذخیرہ کررہے ہیں، ابھی بھی وقت ہے پٹرول ذخیرہ کرنے والے رُک جائیں۔

    پٹرول کس دن مہنگا کریں گے،وفاقی وزیرنےتاریخ بتادی

    وزیرمملکت پٹرولیم مصدق ملک کا کہنا تھا کہ ریاست قدم اُٹھائے گی تو پھر آپ لوگ بیٹھ کر پریس کانفرنس کریں گے۔ خود دیکھیں ذخیرہ اندوزوں سے متعلق ہمارے مذہب میں کیا کہا گیا ہے۔

    چونیاں : پٹرولیم مصنوعات کی قیمتوں میں مسلسل اضافہ،غریب عوام کی کمر ٹوٹ گئی۔سروے

    وزیرمملکت پیٹرولیم نے کہا کہ عزت سے روٹی کمانے والوں کے حق پر ڈاکا ڈالاجارہاہے، چند لوگ ہیراپھیری میں ملوث ہیں،باقی توعزت دارلوگ ہیں، ذخیرہ اندوزوں کے متعلق قرآن میں جوکہا گیا اس مرتبہ وہ ہوگا۔مصدق ملک نے کہا کہ تیل کی قیمت اپنے مقررہ وقت پر ہی طے ہوگی۔ کچھ لوگوں کا خیال ہےپیٹرولیم مصنوعات کی قیمتیں بڑھیں گی۔ پیٹرولیم مصنوعات کی قیمتیں بڑھانےکا کوئی ارادہ نہیں ہے۔

    اوکاڑہ :پٹرولیم مصنوعات کی قیمتوں اضافے کے اعلان کیساتھ ہی پبلک ٹرانسپورٹ کے…

    خیال رہے کہ پنجاب بھر میں پیٹرول کا شدید بحران پیدا ہوگیا ہے اور متعدد پیٹرول پمپس بند کردیے گئے ہیں۔ مختلف اضلاع میں پیٹرول پمپس بند کردیے گئے ہیں، جبکہ چند پمپس پر موٹرسائیکل سواروں کو صرف 100 روپے تک کا پیٹرول دیا جارہا ہے۔

  • پشاورپولیس لائنز حملہ؛ دہشتگرد شہرمیں آزادانہ گھومتا رہا

    پشاورپولیس لائنز حملہ؛ دہشتگرد شہرمیں آزادانہ گھومتا رہا

    پشاور خود کش حملہ کرنے والے دہشت گرد کی موٹرسائیکل پر جی ٹی روڈ کی سی سی ٹی وی فوٹیج سامنے آگئی ہے۔اس حوالے سے سوشل میڈیا پروائرل ہونے والی سی سی ٹی وی فوٹیج میں دیکھا جاسکتا ہے کہ موٹرسائیکل سوار حملہ آور 11 بج کر 49 منٹ پر حملہ آور رنگ روڈ سے پیر زکوڑی پل کے ساتھ جی روڈ پر داخل ہوتا ہے، حملہ آور کو تمام راستے موٹر سائیکل کافی آہستہ چلاتے دیکھا جا سکتا ہے۔

    ڈیرہ غازیخان:داجل کینال کی طویل بندش ، ہزاروں کسانوں کی بسوں پر مشتمل احتجاج

    سی سی ٹی وی فوٹیج کے مطابق حملہ آور موٹرسائیکل پر جی ٹی روڈ کے راستے سے چلتا ہوا خیبر روڈ پر داخل ہوتا ہے، خیبر روڈ سے پولیس لائن روڈ کی طرف بغیر چیکنگ کے باآسانی داخل ہوجاتا ہے۔

    پٹرول کس دن مہنگا کریں گے،وفاقی وزیرنےتاریخ بتادی

    واضح رہے کہ حملہ آور موٹر سائیکل پر الٹی سائیڈ سے مین پولیس لائن میں داخل ہوا تھا۔پولیس کے مطابق سی سی ٹی وی فوٹیجز پر تحقیقاتی ٹیمیں کام رہی ہے حملہ آور کہاں کہاں روکا فوٹیجز سے مدد لی جا رہی ہیں۔

    قصور : 100 سے زائد بجلی چور رنگے ہاتھوں پکڑ ے گئے

    پشاور پولیس لائنز مسجد خود کش دھماکے کی تحقیقات کے دوران اہم پیشرفت سامنے آئی ہے۔ذرائع کے مطابق تحقیقاتی ٹیم پولیس لائنز مسجد خود کش حملے میں ملوث دہشت گرد تنظیم اور سہولت کاروں تک پہنچ گئی۔

    تحقیقاتی ٹیم کے ذرائع کے مطابق مسجد میں خود کش حملے میں کالعدم تنظیم اور اُس کا ذیلی گروپ ملوث ہے۔ذرائع کے مطابق دہشت گردوں کو پڑوسی ملک افغانستان میں مقیم ایک شخص کے ذریعے فنڈنگ ہوئی۔

    واضح رہے کہ پشاور کی پولیس لائنز میں واقع مسجد میں خودکش دھماکے کے نتیجے میں 90 سے زائد افراد شہید اور 200 سے زائد زخمی ہوئے تھے۔

  • پی آئی اے اور سول ایوی ایشن کے سربراہان کو فوری عہدوں سے ہٹانے کی ہدایت

    پی آئی اے اور سول ایوی ایشن کے سربراہان کو فوری عہدوں سے ہٹانے کی ہدایت

    اسلام آباد: قومی اسمبلی کی خصوصی کمیٹی نے جعلی ڈگری پربرطرف پی آئی اے کے ملازمین کی بحالی کا حکم دے دیا جبکہ اسٹبلشمنٹ ڈویژن کو پی آئی اے اور سول ایوی ایشن کے سربراہان کو فوری عہدوں سے ہٹانے کی ہدایت کردی۔

    باغی ٹی وی:قادر مندوخیل کی ہدایت پر ملازمین بحالی کمیٹی کے سیکریٹری نے متعلقہ اداروں کو مراسلہ بھجوایا گیا ہے۔

    سوشل میڈیا پروائرل زلزلے سے متعلق پیشگوئیوں کی کوئی سائنسی بنیاد نہیں،ڈائریکٹر محکمہ موسمیات

    مراسلے کے مطابق قادر مندوخیل نے پی آئی اے کے سی ای او ائیروائس مارشل عامر حیات اور سی ایچ آر او عامر الطاف سمیت ڈی جی سی اے اے حاقان مرتضی اور سیکرٹری سی اے اے کو ان کے عہدوں سے ہٹانے کا حکم دے د یا ہے،تینوں افسران کے خلاف تحریک استحقاق لانے کا بھی فیصلہ کیا گیا۔

    کمیٹی کی جانب سے اسٹیبلشمنٹ ڈویژن کو جاری مراسلے میں قادر مندو خیل کی جانب سے ڈی جی ایف آئی اے کو 21 جنوری کے حکم پر عملدرآمد کی ہدایت کی گئی۔ حکمنامے میں سی ای او پی آئی اے اور ڈی جی سی اے اے پر مقدمہ درج کرنے کا حکم دیا گیا تھا۔

    آئی ایم ایف سیلاب میں ڈوبےلوگوں کو مہنگائی میں نہ ڈبوئیں،وزیر خارجہ بلاول بھٹو

    قادرمندوخیل کی سربراہی میں پی آئی اے کےملازمین سےمتعلق قومی اسمبلی کی خصوصی کمیٹی نےجعلی ڈگری پر برطرف 840 ملازمین کو گزشتہ مراعات دینے کی بھی ہدایت کی اورڈی جی سول ایوی ایشن کو جعلی ڈگری ملازمین کے خلاف درج مقدمات بھی ختم کرنے کاحکم دیا۔

    خصوصی کمیٹی نے 2009ء سے اب تک جعلی ڈگری پر برطرف ملازمین کو بحال کرنےکی ہدایت کی علاوہ ازیں سول ایوی ایشن کے 650 نکالے گئے ملازمین کو بھی ملازمت پر بحال کرنے کی ہدایت کی –

    کمیٹی نے 13 فروری کے اجلاس میں پیشرفت رپورٹ بھی طلب کر لی۔

    شیخ رشید راہداری ریمانڈ پر مری پولیس کے حوالے

  • پاک فضائیہ کے طیارے کی ہنگامی لینڈنگ:دونوں پائلٹس محفوظ رہے

    پاک فضائیہ کے طیارے کی ہنگامی لینڈنگ:دونوں پائلٹس محفوظ رہے

    مردان:پاکستان ایئر فورس کا طیارہ خیبر پختونخوا کے علاقے مردان کے قریب گر کر تباہ ہوگیا۔ترجمان پاک فضائیہ کے مطابق حادثہ مردان کے علاقے میں آبادی کے قریب پیش آیا۔ طیارے نے مردان کے قریب کھیتوں میں ہنگامی لینڈنگ کی۔

    کیماڑی پولیس کی کامیاب کارروائی جعلی ISI ایجنٹس گرفتار

    ترجمان کے مطابق حادثے میں دونوں پائیلٹ محفوظ رہے، جنہیں فوری طبی امداد کیلئے کمائنڈ ملٹری اسپتال ( سی ایم ایچ ) منتقل کردیا گیا ہے۔ترجمان کا یہ بھی کہنا تھا کہ حادثے کی وجوہات جاننے کیلئے انکوائری بورڈ تشکیل دے دیا گیا ہے۔جاری بیان میں کہا گیا ہے کہ پاک فضائیہ کا تربیتی طیارہ معمول کے تربیتی مشن پر تھا، کہ فنی خرابی کے باعث ہنگامی لینڈنگ کی۔ حادثے میں مین پر کوئی جانی اور مالی نقصان نہیں ہوا ہے۔

    وندر میں مسافر کوچز سے لاکھوں روپے مالیت کا اسمگل شدہ سامان برآمد

    واضح رہے کہ اس سے قبل گزشتہ سال مارچ 2022 میں بھی پشاور کے قریب پاک فضائیہ کا تربیتی طیارہ گر کر تباہ ہوگیا اور طیارے میں موجود دونوں پائلٹ شہید ہوگئے تھے۔علاوہ ازیں گزشتہ سال اگست میں پنجاب کے ضلع اٹک کے نزدیک پاک فضائیہ کا تربیتی لڑاکا طیارہ گر کر تباہ ہوگیا تھا۔12 فروری 2020 کو خیبرپختونخوا کے شہر مردان میں پاک فضائیہ کا تربیتی طیارہ دوران پرواز گر کر تباہ ہوگیا تھا جس میں پائلٹ باحفاظت نکلنے میں کامیاب رہا تھا۔

    ڈیرہ غازیخان:داجل کینال کی طویل بندش ، ہزاروں کسانوں کی بسوں پر مشتمل احتجاج

  • 12سالہ بچی سے زیادتی،سی پی اوسید شہزادندیم بخاری کابڑافیصلہ

    12سالہ بچی سے زیادتی،سی پی اوسید شہزادندیم بخاری کابڑافیصلہ

    راولپنڈی:12سالہ بچی سے زیادتی،سی پی اوسید شہزادندیم بخاری کابڑافیصلہ ،اطلاعات کے مطابق صدر واہ کے علاقہ میں 11/12سالہ بچی سے زیادتی کے واقعہ پر سی پی او سید شہزاد ندیم بخاری نے سخت نوٹس لیا ہے اور کہا ہے کہ وہ اس واقعہ میں ملوث مجرم کو ضرورسزا دلوائیں گے

    وندر میں مسافر کوچز سے لاکھوں روپے مالیت کا اسمگل شدہ سامان برآمد

    اطلاعات ہیں کہ اس واقعہ کی خبرسن کرسی پی او سید شہزاد ندیم بخاری نے ایس ایس پی انوسٹی گیشن اور ایس پی پوٹھوہار کو فوری موقعہ پر پہنچنے اور ملزم کو ٹریس کرکے گرفتار کرنے کا حکم دیا ہے اورکہا ہے کہ انہیں تمام ترصورتحال سے مسلسل آگاہ رکھا جائے

    کراچی: سی ٹی ڈی کی کارروائی،کالعدم تنظیم داعش کا کمانڈر گرفتار

    پولیس کا کہنا ہے کہ ان کوملنے والی ابتدائی اطلاعات کے مطابق نامعلوم موٹر سائیکل سوار بچی کو موٹر سائیکل پر بٹھاکر ساتھ لے گیا اور زیادتی کی،پولیس کے مطابق واہ کی اس متاثرہ بچی کو ہسپتال منتقل کرکے میڈیکل پراسس کا آغاز کر دیا گیا ہے،

    والدہ پر تشدد کرنے والا بیٹا گرفتار،مقدمہ درج

    یہ بھی معلوم ہوا ہے کہ اس واقعہ کےبعد ایس ایس پی انوسٹی گیشن زنیرہ اظفر اور ایس پی پوٹھوہار محمد وقاص خان پولیس نفری کے ہمراہ موقع پر موجود ہیں،واقعہ کی تحقیقات کی جا رہی ہیں، ملزم کو ٹریس کرکے گرفتار کرنے کے لیے ٹیمیں تشکیل دی گئی ہیں،سربراہ پولیس کا کہنا تھا کہ بچوں سے زیادتی پر زیروٹالیرنس پالیسی ہے ملوث ملزم کو گرفتار کرکے قرار واقعی سزادلوائے جائے گی،