Baaghi TV

Tag: Pakistan news

  • والدہ پر تشدد کرنے والا بیٹا گرفتار،مقدمہ درج

    والدہ پر تشدد کرنے والا بیٹا گرفتار،مقدمہ درج

    راولپنڈی: پولیس نے اپنی والدہ پر تشدد اور انہیں جان سے مارنے کی دھمکیاں دینے والے بیٹے گرفتار کرلیا-

    باغی ٹی وی : پولیس حکام کے مطابق ملزم کی والدہ نے پولیس میں شکایت درج کروائی تھی کہ میرے بیٹے عمار یاسر نے مجھ پر تشدد کیا اور جان سے مارنے کی دھمکیاں دیتے ہوئے گھر سے نکال دیا-

    آپریشن کے دوران سیکورٹی فورسز نے 12 دہشت گردوں کو کیا جہنم واصل

    راولپنڈی کی پیر ودھائی پولیس نے والدہ کی درخواست پر والدین تحفظ آرڈنینس کے تحت فوری مقدمہ درج کرکے ملزم عمار یاسر کو گرفتار کرلیا۔

    ایس پی راول ماہم خان نے کہا ہے کہ والدین جیسی عظیم ہستی پر تشدد ناقابل تصور اور افسوس ناک ہے ملزم کو قر ار واقعی سزا دلوانے کے لیے تمام قانونی تقاضے پورے کیے جائیں گے۔

    وندر میں مسافر کوچز سے لاکھوں روپے مالیت کا اسمگل شدہ سامان برآمد

    قبل ازیں لڑکی کے خاندان کے انکار پر لڑکے نے شادی ہال میں دلہن پر فائر کھول دیا راولپنڈی کے علاقے وارث خان میں شادی ہال میں فائرنگ سے دلہن زخمی ہوگئی تھی جبکہ ریسکیو حکام نے دلہن کو زخمی حالت میں بینظیر بھٹواسپتال منتقل کردیا گیا تھا۔

    پولیس کے مطابق زخمی دلہن کی حالت خطرے سے باہر ہے لڑکے نے فائرنگ شادی سے انکار پر کی ہے. پولیس نے فائرنگ کرنے والےملزم کو موقع سے گرفتار کرلیا تھا۔ ملزم اویس کا تعلق شاہ خالد کالونی راولپنڈی سے ہے-

    کراچی: سی ٹی ڈی کی کارروائی،کالعدم تنظیم داعش کا کمانڈر گرفتار

  • مقدمہ کے اخراج کیلئے شیخ رشید کی درخواست سماعت کیلئے منظور

    مقدمہ کے اخراج کیلئے شیخ رشید کی درخواست سماعت کیلئے منظور

    لاہور ہائیکورٹ راولپنڈی بنچ نے مری میں درج مقدمہ کے اخراج کیلئے شیخ رشید کی درخواست سماعت کیلئے منظور کرلی

    عدالت نے تھانہ مری میں درج مقدمے کا ریکارڈ طلب کرلیا عدالت نے کیس کی سماعت 2 ہفتے تک ملتوی کردی عدالت نے ایس ایچ اور تھانہ مری اور تفتیشی افسر کو آئندہ سماعت پر پیش ہونے کی ہدایت کردی

    دوسری جانب سیشن کورٹ اسلام آباد میں شیخ رشید کی ضمانت بعد از گرفتاری کی درخواست پر سماعت ہوئی سیشن جج نے شیخ رشید کی درخواست ضمانت ایڈیشنل سیشن جج کو بھجوا دی جج طاہر عباس سپرا شیخ رشید کی درخواست ضمانت پر کل سماعت کریں گے، شیخ رشید کی جانب سے دائر درخواست میں کہا گیا ہے کہ پولیس کی معاونت سے پراسیکیوشن نے شیخ رشید پر الزامات لگائے ہائیکورٹ کی جانب سے نوٹس معطل ہونے کے باوجومقدمہ درج کیا گیا، عدالت شیخ رشید کی درخواست ضمانت منظور کرے،

    شیخ رشید کے گھر بچے موجود تھے؟ ترجمان اسلام آباد پولیس کا ردعمل

    ہ شیخ رشید 73 سال کے ہیں کئی بیماریوں میں مبتلا 

     شیخ رشید کے خلاف کراچی میں بھی مقدمہ درج

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

    جس میں وہ کرسی پر بیٹھے ہیں اور سگار پی رہے ہیں، شیخ رشید احمد کو لاک اپ میں بندنہیں کیا

     15 کلو ہیروئن نہیں ڈالی گئی

    دوسری جانب عوامی مسلم لیگ کے سربراہ شیخ رشیدد نے اپنے خلاف مری میں درج مقدمے کے اخراج کے لیے لاہور ہائیکورٹ سے رجوع کرلیا ہے، شیخ رشید احمد نے وکیل سردار عبدالرازق خان کی وساطت سے لاہور ہائیکورٹ راولپنڈی بنچ میں مقدمے کے اخراج کی درخواست دائر کی درخواست میں آئی جی پنجاب، آر پی او، سی پی او راولپنڈی اور ایس ایچ او تھانہ مری کو فریق بنایا گیا ہے ،درخواست گزار کی جانب سے مؤقف اختیار کیا گیا ہے کہ یکم اور دو فروری کی درمیانی شب ساڑھے 12 بجے 150 کے قریب پولیس اہلکاروں نے گھر پر دھاوا بولا، پولیس بغیر کسی وارنٹ کے گھر میں زبردستی داخل ہوئی اور شیخ رشید کو گرفتار کیا، پولیس اہلکاروں کی جانب سے شیخ رشید کے ملازموں پر تشدد بھی کیا گیا، پولیس نے نقدی، موبائل فون، قیمتی گھڑیاں، لائسنسی اسلحہ اور دیگر قیمتی اشیاء لوٹ لیں۔ لپولیس کی جانب سے اپنے اہلکاروں کیخلاف ڈکیتی کا مقدمہ درج کرنے کے بجائے شیخ رشید کیخلاف ہی ایف آئی آر دے دی گئی، مری میں درج کی گئی ایف آئی آر بدنیتی پر مبنی اور پولیس کی جانب سے اختیارات کا تجاوز ہے، مری میں درج مقدمہ آئین میں درج بنیادی انسانی حقوق کی خلاف ورزی ہے درخواست میں عدالت سے استدعا کی گئی ہے کہ مری میں درج کی گئی ایف آئی آر کو غیر قانونی قرار دے کر مقدمہ خارج کرنے کا حکم دے

  • کراچی : فشری میں لانچوں میں آگ لگ گئی

    کراچی : فشری میں لانچوں میں آگ لگ گئی

    کراچی کے علاقے فشری میں لانچوں میں آگ لگ گئی، فائر بریگیڈ کی 5 گاڑیوں نے آگ پر قابو پایا۔

    باغی ٹی وی: فائر بریگیڈ کے مطابق آگ کالا پانی کی برتھ نمبر سات اور آٹھ پر لگی،آگ لگنے سے ایک لانچ مکمل جل گئیں جبکہ 3 لانچوں کا نقصان پہنچا-

    فشری سکیورٹی حکام کے مطابق مختلف سینٹروں سے فائر بریگیڈ کی پانچ گاڑیاں آگ بجھانے میں مصروف رہیں، تیز ہوا کی وجہ سے آگ پھیل گئی تھی۔

    اپرکوہستان میں بس اور کار کھائی میں جاگریں، 17 افراد جاں بحق

    دوسری جانب عید گاہ میں فائر بریگیڈ ہیڈ کوارٹر کی بجلی بند ہونے کی وجہ سے پانی کی فراہمی معطل ہوگئی تھی فائر بریگیڈ آپریٹر کا کہنا تھا کہ ہیڈ کوارٹر میں فائر ٹینڈرز میں پانی نہیں بھرا جا سکتا، کراچی پورٹ ٹرسٹ اور نیوی سے بھی مدد لی گئی ہے تاہم کچھ دیر بعد فشری میں لگنے والی آگ پر قابو پا لیا گیا جس کے بعد کولنگ کا عمل جاری ہے۔

    لانچ مالک کا کہنا ہے کہ ہم نے مختلف لوگوں سے ادھار لیکر لانچ تیار کی تھی،ہماری 20سال کی محنت ضائع ہوگئی ،حکومت مدد کرے ، پہلے بھی آگ لگی تھی ،اس وقت بھی کچھ نہیں کیا گیا تھا۔

    وندر میں مسافر کوچز سے لاکھوں روپے مالیت کا اسمگل شدہ سامان برآمد

  • کراچی: سی ٹی ڈی کی کارروائی،کالعدم تنظیم داعش کا کمانڈر گرفتار

    کراچی: سی ٹی ڈی کی کارروائی،کالعدم تنظیم داعش کا کمانڈر گرفتار

    سی ٹی ڈی کی اہم کارروائی، کالعدم تنظیم داعش کا کمانڈر گرفتار،

    مخبر کی اطلاعات پر سی ٹی ڈی کراچی نے ملا عبدالمنان گروپ سے وابستہ کمانڈر کو اسلحہ سمیت گرفتار کرلیا، سی ٹی ڈی نے کورنگی انڈسٹریل ایریا کے علاقے میں کارروائی کرتے ہوئے عبدالمالک ولد ابراہیم کو گرفتار کرکے 30 بور پستول بلا لائسنس برآمد کی، ملزم ابتدائی تفتیش میں بتایا کہ وہ 2011 سے داعش ملا عبدالمنان گروپ سے وابستہ رہاہے، سی ٹی ڈی انچارج چوہدری صفدرکا کہنا ہے کہ گرفتار ملزم افغان باشندہ ہے اور کافی عرصہ سے کراچی میں مقیم پزیر ہے،ملزم رمضان المبارک کے مہینے میں کراچی سے چندہ جمع کرکے افغانستان میں داعش کو دیا کرتا ہے ملزم حوالہ ہنڈی کے کام سے وابستہ ہے، اور لاکھوں روپے حوالہ ہنڈی کے زریعے افغانستان بھیج چکا ہے، گرفتار ملزم کے موبائل فون سے اہم معلومات حاصل کرلی گی ہیں جسکا فرانزک معائنہ کرایا جارہاہے، ملزم سے مزید تفتیش جاری ہے جس سے اہم انکشافات متوقع ہیں،

    دوسری جانب پاکستان رینجرز (سندھ)اور پولیس نے انٹیلی جنس معلومات کی بنیاد پر مشترکہ کاروائی کرتے ہوئے کراچی کے علاقے جنجال گوٹھ سے قتل، اقدام قتل، اسٹریٹ کرائمز اور ڈکیتی کی متعددوارداتوں میں ملوث ڈ کیت گروہ کے 2ملزمان عالم خان محسود اور عادل محسود کو گرفتار کر لیا۔ ملزمان کے قبضے سے ڈکیتی اور اسٹر یٹ کرائم میں استعما ل ہو نے والا اسلحہ و ایمونیشن اور مو ٹر سا ئیکل بھی برآمد کر لیا گیا۔

    ملزمان نے دسمبر 2022میں اپنے ساتھیوں کے ہمراہ ہنگورہ گو ٹھ میں ڈ کیتی کے دوران مزاحمت پر شہری کو قتل کیا، ابنِ زمان ہسپتال فقیرہ گوٹھ کے سیکیورٹی گارڈ اور جنجا ل گوٹھ میں بھی شہری کو قتل کیا جس کی آیف اَئی آرز تھانہ سائیٹ، تھانہ گلشن معمارمیں درج ہیں۔جنوری 2023میں ملزم عالم خان محسود اپنے ساتھی احسان با جوڑی کے ساتھ مل کر چا ند بنگلہ فقیرہ گو ٹھ میں ڈ کیتی مز احمت پرشہری کو قتل کیا اورکے ڈی اے لنک روڈ پر شہری کو فائرنگ کر کے زخمی کر دیا جس کی آیف اَ ئی آر تھا نہ سا ئیٹ سپر ہائی وے میں درج ہے۔

    ابتدائی تفتیش کے دوران ملزمان نے 300سے زائد ڈکیتی اور اسٹر یٹ کر ائم کی وارداتوں میں ملو ث ہو نے کا اعتراف کیا ہے۔ ملزمان اپنے گروہ کے دیگرساتھیوں کے ساتھ ملکرگزشتہ2سالوں سے کراچی گلشن معمار، جنجال گوٹھ، احسن آباد، ہنگورہ گو ٹھ، فقیرہ گو ٹھ، کے ڈی اے لنک روڈ اور ملحقہ علاقوں میں ڈکیتی اور اسٹر یٹ کرائم کی سیکٹروں وارداتوں میں ملو ث ہونے کا اعتراف کیا اور ڈکیتی اور اسٹر یٹ کرائم کی وارداتوں کے دوران مزاحمت پر کئی معصوم شہر یوں کو قتل اور زخمی بھی کیا۔ملزمان نے مزید انکشا ف کیا کہ انکے ڈکیت گروہ کا سر غنہ شمس محسود عر ف صُلّے ہے جو ملزمان کو ڈکیتی کے لیے اسلحہ وایمو نیشن فراہم کر تا ہے اور چھینے ہو ئے مو با ئل فونز اور مو ٹر سائیکلوں کو ٹھکانے لگا نے کا کام بھی کر تا ہے۔ ملزمان کاساتھی بلال افغانی مورخہ 26دسمبر2022کو اکا خیل گراؤنڈ نزد فقیرہ گو ٹھ میں رینجرز کے ساتھ مقابلے میں مارا گیا جبکہ آفتاب عرف با بو کو گرفتار کر لیا گیا تھا۔ ملزم کے دیگر سا تھیوں کی گر فتاری کے لیے چھا پے مارے جارہے ہیں۔

    گرفتارملزمان کوبمعہ اسلحہ و ایمونیشن اور موٹر سائیکل مزید قانونی کاروائی کے لیے پولیس کے حوالے کر دیا گیا ہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔

    کیماڑی پولیس کی کامیاب کارروائی جعلی ISI ایجنٹس گرفتار

    آپریشن کے دوران سیکورٹی فورسز نے 12 دہشت گردوں کو کیا جہنم واصل

  • آپریشن کے دوران سیکورٹی فورسز نے 12 دہشت گردوں کو کیا جہنم واصل

    آپریشن کے دوران سیکورٹی فورسز نے 12 دہشت گردوں کو کیا جہنم واصل

    باغی ٹی وی کی رپورٹ کے مطابق دہشت گردوں کیخلاف آپریشن کے دوران سیکورٹی فورسز نے 12 دہشت گردوں کو جہنم واصل کر دیا ہے

    ڈی جی آئی ایس پی آر کے مطابق سیکیورٹی فورسز نے لکی مروت میں آپریشن کیا ہے جس کے نتیجے میں 12دہشت گرد ہلاک ہو گئے ہیں، ہلاک دہشت گردوں سے ہتھیار اور افغان کرنسی برآمد ہوئی ہے، انٹیلی جنس اطلاعات پرآپریشن 7 اور 8 فروری کی درمیانی شب کیا گیا ،ڈی جی آئی ایس پی آر کے مطابق انٹیلی جنس ایجنسیز دہشتگردوں کی نقل و حرکت کا ایک ماہ سے جائزہ لے رہی تھیں،منصوبہ بندی کے تحت دہشت گردوں کو فرار ہونے کے لیے گاڑی فراہم کی گئی،دہشتگردوں کی فرار ہونے کی کوشش کو ناکام بنایا گیا،لکی مروت میں سیکیورٹی فورسز کلیئرنس آپریشن کر رہی ہیں،

    دوسری جانب ڈی آئی خان، ہتھالہ پولیس چیک پوسٹ پر نامعلوم دہشتگردوں نے حملہ کیا، پولیس حکام کے مطابق پولیس اور دہشتگردوں سے 25 منٹ تک فائرنگ کا تبادلہ جاری رہا، کوئیک رسپانس فورس کے پہنچنے پر حملہ آور فرار ہوگئے، حملے میں کوئی جانی نقصان نہیں ہوا،

    سی ٹی ڈی کی لاہورسمیت پنجاب بھر میں کارروائیاں،9 دہشت گرد گرفتار

    عمران خان اسمبلیاں توڑنے میں اور دہشتگرد خیبرپختونخوا کے بے گناہ عوام کو قتل کرنے میں مصروف ہیں

    کراچی یونیورسٹی میں ایک خاتون کا خودکش حملہ:کئی سوالات چھوڑگیا،

    محکمہ انسداد دہشت گردی خیبرپختونخواہ دہشت گردی کا مقابلہ کرنے کی صلاحیت نہیں رکھتا: قومی اداروں کی رپورٹ میں ہوشربا انکشاف

    عمران خان اسمبلیاں توڑنے میں اور دہشتگرد خیبرپختونخوا کے بے گناہ عوام کو قتل کرنے میں مصروف ہیں

     حیدر آباد میں چینی ڈاکٹر کو ٹارگٹ کرنے کی کوشش سی ٹی ڈی نے ناکام بنا دی

    واضح رہے کہ سیکورٹی فورسز پاکستان کے امن کے لئے جانوں کے نذرانے دے رہی ہیں، قیام امن کے لئے سیکورٹی اداروں کی قربانیاں قابل تحسین ہیں، پاکستانی قوم وطن کے دفاع کے لئے جانیں قربان کرنے والے جوانوں کو خراج عقیدت ہیش کرتی ہے،وطن عزیز سے دہشت گردی کے خاتمے کے لئے پاکستانی قوم پاک فوج کے شانہ بشانہ کھڑی تھی، ہے اور رہے گی،

  • لاوارث لاشوں کی شناخت سے متعلق کیس،محکمہ صحت کا جواب مسترد

    لاوارث لاشوں کی شناخت سے متعلق کیس،محکمہ صحت کا جواب مسترد

    نشتر اسپتال ملتان میں لاوارث لاشوں کی شناخت سے متعلق کیس کی سماعت ہوئی

    لاہور ہائیکورٹ نے سیکریٹری صحت پنجاب کی جانب سے جواب مسترد کردیا، عدالت نے ریمارکس دیتے ہوئے کہا کہ لاوارث لاشوں سے متعلق کوئی بھی ادارہ سنجیدہ دکھائی نہیں دے رہا سالوں سے دئیے حکم پر عمل کیوں نہیں ہورہا؟ عدالتی فیصلے پر عمل کرنا ہےیا تمام متعلقہ سیکریٹریز کو بلالیا جائے،جب تک ایم او یو پر دستخط نہیں ہوتے اس وقت تک عمل درآمد کیسے ہوگا؟ وکیل سیکرٹری صحت نے کہا کہ محکمہ داخلہ اور نادرا کو لیٹر لکھ دئیے گئے ہیں،اسپتالوں کی انتظامیہ کو نادرا کے پورٹل تک رسائی نہیں ہے،

    200 سے زائد نازیبا ویڈیو کیس میں اہم پیشرفت

    نازیبا ویڈیو سیکنڈل،پولیس لڑکیوں کو بازیاب کروانے میں تاحال ناکام

    شہر قائد، ایک ہفتے میں نالوں سے 11 لاشیں برآمد

    مردان میں خواجہ سرا کے ساتھ گھناؤنا کام کرنیوالے ملزما ن گرفتار

    ہسپتال کی چھت سے ملنے والی انسانی لاشوں کی تدفین کر دی گئی

    مارگلہ ہلز میں آگ لگا کر ویڈیو بنانے والی خاتون ٹک ٹاکر کے 3 ساتھی گرفتار کر لئے گئے ہیں

    ملازمت کے نام پر لڑکیوں کی بنائی گئیں نازیبا ویڈیوز،ایک اور شرمناک سیکنڈل سامنے آ گیا

     پرویز الٰہی نے انکوائری رپورٹ کی روشنی میں نشتر ہسپتال ملتان کے واقعہ پر سخت ایکشن لیا

    قبل ازیں ایک اجلاس میں فیصلہ کیا گیا کہ پنجاب کے سرکاری ہسپتالوں میں لاوارث لاشوں کی شناخت کو سو فیصد یقینی بنانے کیلئے نادراکے ساتھ ایم او یو سائن کیاجائے گا۔ محکمہ صحت کے ساتھ ساتھ پولیس اور محکمہ ہوم بھی سرکاری ہسپتالوں میں لاوارث لاشوں کی شناخت کے سلسلہ میں اہم سٹیک ہولڈرزہیں۔ کسی بھی لاوارث لاش کی شناخت کرنا محکمہ پولیس کی بنیادی ذمہ داری ہے۔ لاوارث لاشوں کی شناخت کے حوالہ سے پی آئی ٹی بی نے ایک اچھا سوفٹ وئیرڈیزائن کیا ہوا ہے محکمہ ہوم کی جانب سے لاوارث لاشوں کی شناخت کے جاری شدہ نوٹیفکیشن پرعملدرآمد کیلئے اقدامات اٹھائے جا رہے ہیں۔ لاوارث لاشوں کی شناخت کے بعد لوکل گورنمنٹ تدفین کے عمل کا آغازکرے گی۔ پنجاب کے سرکاری ہسپتالوں میں لاوارث لاشوں کی شناخت کے سلسلہ میں صحت کے دونوں محکمہ جات نادراسے مکمل تعاون کریں گے محکمہ سپیشلائزڈ ہیلتھ کئیراینڈ میڈیکل ایجوکیشن اور محکمہ پرائمری اینڈسیکنڈری ہیلتھ کئیرنے ایم او یو پر سو فیصد عملدرآمد کیلئے فوکل پرسنزمقررکردئیے گئے ہیں ایم اویوکے بعدپنجاب کے تمام سرکاری ہسپتالوں میں لاوارث لاشوں کی شناخت کاریکارڈ مزیدمربوط طریقے سے جمع کیاجائے گا۔ ایم او یو کے بعد پنجاب کے سرکاری ہسپتالوں میں میڈیکولیگل کیسزمیں بھی معاونت حاصل ہوگی

  • شام زلزلہ متاثرین کیلئے خصوصی امدادی کھیپ روانہ

    شام زلزلہ متاثرین کیلئے خصوصی امدادی کھیپ روانہ

    ترجمان این ڈی ایم اے کے مطابق شام زلزلہ متاثرین کیلئے خصوصی امدادی کھیپ روانہ کر دی گئی ہے-

    باغی ٹی وی: این ڈی ایم اے کے مطابق شام زلزلہ متاثرین کیلئے سامان میں خیمے اور کمبل شامل ہیں ،سامان اسلام آباد سے خصوصی چارٹرڈ طیارے کے ذریعے دمشق بھیجا گیا،امدادی سامان شام میں تعینات پاکستانی سفیر شاہد علوی وصول کریں گے-

    پاک فضائیہ کا سی 130 طیارہ امدادی سامان لے کر ترکیہ پہنچ گیا

    ترجمان کے مطابق زلزلہ سے متاثر ین کیلئے مزید امدادی سامان جلد بھیجا جائے گا پاکستان نے مشکل کی اس گھڑی میں شام کو ہر ممکن تعاون کی یقین دہانی کرائی ہے،مزید امدادی سامان براستہ روڈ شام اور ترکیہ کیلئے جلد روانہ کیا جائے گا-

    دوسری جانب ترجمان ریسکیو کے مطابق پاکستانی ریسکیوٹیم نے ترکیہ میں آپریشن شروع کردیا ہے،پہلا آپریشن سیکٹر آدیامن میں قائم کردیا گیا ہے،اربن سرچ اینڈ ریسکیو کے ٹیم کمانڈر رضوان نصیر ہیں،دوسری جانب 51رکنی اربن سرچ اینڈ ریسکیو ٹیم انٹرنیشنل ریسپانس کا حصہ ہیں-

    ترکیہ میں ایک بار پھر شدید زلزلہ، شدت 5.6 ریکارڈ

    ترجمان ریسکیوکے مطابق ریسکیو ٹیم کے ارکان اربن سرچ اینڈ ریسکیو آپریشن کے ا سپشلائزڈ ہیں،اربن سرچ اینڈ ریسکیو ٹیم یونائیٹڈ نیشن انسراگ سے سرٹیفائیڈ ہے،مشکل کی اس گھڑی میں پاکستان ریسکیو، ترک بھائیوں کیساتھ ہے-

  • کیماڑی پولیس کی کامیاب کارروائی جعلی ISI ایجنٹس گرفتار

    کیماڑی پولیس کی کامیاب کارروائی جعلی ISI ایجنٹس گرفتار

    کراچی:کراچی میں سیکورٹی اداروں کےنام پر جعلی افسربن کرلوٹنے والےپولیس کے ہتھے چڑھ گئے اوراطلاعات ہیں کہ اس سلسلے میں ڈسٹرکٹ کیماڑی پولیس کی کامیاب کارروائی جعلی ISI ایجنٹس گرفتارکرلیا ہے ۔

    اس حوالے سے تفصیلات بتاتے ہوئے ایس ایس پی کیماڑی فدا حسین جانوری کا کہنا تھاکہ شیر شاہ کے علاقے اکبر روڈ، ماشاءاللہ گودام کے پاس دوران گشت پولیس نے مشکوک جانتے ہوئے تین موٹر سائیکل سوارافراد کو روکا۔ان کا کہنا تھا کہ ہولیس کی جانب سے تفتیش کرنے پر تینوں ملزمان نے پاکستان آرمی سے اپنی وابستگی ظاہر کی اور آرمی سروس کارڈز بھی شو کروائے ۔

    ایس ایس پی کیماڑی کے مطابق پولیس کی جانب سے معلومات حاصل کی گئی جس پر معلوم ہوا کہ ان کا آرمی سے کوئی تعلق نہیں ۔ فدا حسین جانوری کا کہناتھا کہ ملزمان کے قبضے سے جعلی ISI ایجنٹس کارڈز، مختلف ایجنسیوں کے جعلی سروس کارڈز اور ATM کارڈز وغیرہ برآمد ہوئے ہیں۔ ملزمان کے پاس سے کل رقم 61,900 روپے اس کے ساتھ 4 عدد بینک کے چیک اور ایک عدد رولیکس گھڑی برآمد ہوئی ہے۔

    ادھر دوسری طرف کلفٹن پولیس کی بروقت کاروائی، قومی ادارے نیب کا نام استعمال کر کے معصوم شہریوں کو ڈرا دھمکا کر بھتہ وصولی میں ملوث گینگ کے دو ملزمان گرفتارکرلیے گئے ہیں‌.تفصیلات کے مطابق گینگ میں شامل ایک ملزم نے مدعی نصیر یاسین کو فون کیا اور اپنی شناخت بطور نیب افسر بتا کر رقم کا مطالبہ کیا

    مدعی نے ملزمان کو رقم وصول کرنے کے لئے بلوا کر پولیس کو اطلاع کی جس پر پولیس نے فوری کارروائی کرتے ہوئے 2 ملزمان کو گرفتار کرلیاگرفتارملزمان کی شناخت جمیل ولد حنیف اور بلال ولد فیصل کے نام سے ہوئی جنہیں ان کے گینگ کے دیگر 2 ساتھیوں ثاقب اور جاوید نے رقم وصول کرنے بھیجا تھا

    ملزم جاوید اور ثاقب تاحال گرفتار نہیں ہوسکے جنکی گرفتاری کے لیے کوششیں جاری ہیں جبکہ ملزمان کے خلاف مقدمہ درج کرکے مزید تفتیش کی جارہی ہے

  • عمران خان کی متوقع گرفتاری، پی ٹی آئی کی ڈنڈا بردار فورس زمان پارک پہنچ گئی

    عمران خان کی متوقع گرفتاری، پی ٹی آئی کی ڈنڈا بردار فورس زمان پارک پہنچ گئی

    لاہور:عمران خان کی ممکنہ گرفتاری تحریک انصاف کے کارکنان کو ایک بار پھر زمان پارک پہنچنے کی اپیل کر دی گئی

    اپیل تحریک انصاف کے رہنماوں کی جانب سے سوشل میڈیا پر کی جا رہی ہے عمران خان وزیر آباد حملے کے بعد سے زمان پارک میں موجود ہیں۔ ہفتے میں دو یا تین دن رات کے وقت میں پی ٹی آئی کی جانب سے عمران خان کی ممکنہ گرفتاری کا شوشہ چھوڑ کر کارکنان کو سخت سردی میں زمان پارک بلا لیا جاتا ہے آج بھی ایسا ہی ہوا جب تحریک انصاف لاہور کے صدر و دیگر رہنماون کی جانب سے مسلسل یہ کہا گیا کہ آج رات عمران خان کو گرفتار کیا جا سکتا ہے کارکنان زمان پارک پہنچیں جس کے بعد پی ٹی آئی کے مزید کارکنان زمان پارک پہنچ گئے

    عمران خان نے ایک طرف جیل بھرو تحریک کا اعلان کر رکھا ہے اور کہا ہے کہ وہ خود بھی گرفتار ی دیں گے دوسری جانب گرفتاری سے بچنے کے لیے کارکنان کو ڈھال کے طور پر استعمال کیا جا رہا یے۔ عمران خان زمان پارک میں کارکنان کے محاصرے میں رہ رہے ہیں۔ پی ٹی آئی کے ٹکٹ کے امیدواروں کو کہا گیا یے کہ ٹکٹ چاہیے تو زمان پارک حلقوں سے بندے لائیں اور انکے قیام و طعام کا بندوبست کریں۔ زمان پارک میں باقاعدہ حاضری لگائی جاتی ہے اور کون سا رہنما کتنے بندے لے کر آیا نوٹ کیا جاتا یے۔

    عمران خان کی گرفتاری کب ہوگی اس بارے کچھ نہیں کہا جا سکتا البتہ پی ٹی آئی کی طرف سے ہفتے میں دو تین بار گرفتاری کی کال دے کر پی ٹی آئی رہنما شاید یہ چاہتے ہیں کہ عمران خان کو گرفتار کر ہی لیا جائے

  • پاکستانی طالب علموں کو امریکی یونیورسٹیز میں دیکھنا چاہتے ہیں. نمائندہ یو ایس قونصلیٹ

    پاکستانی طالب علموں کو امریکی یونیورسٹیز میں دیکھنا چاہتے ہیں. نمائندہ یو ایس قونصلیٹ

    کراچی میں امریکی قونصل خانے اور یو ایس ایجوکیشن فاؤنڈیشن کی جانب سے یونیورسٹی فیئر کا انعقاد کیا گیا۔

    کراچی میں امریکی قونصل خانے اور یو ایس ایجوکیشن فاؤنڈیشن کی جانب سے یونیورسٹی فیئر کا انعقاد کیا گیا۔ کراچی کے مقامی ہوٹل میں منعقدہ اس تقریب میں طلبا کی بڑی تعداد نے شرکت کی جس میں مشہور امریکی یونیورسٹیز نے اپنے اسٹالز لگائے اور طلبا کو داخلے کے حوالے سے معلومات فراہم کیں۔

    اس موقع پر امریکی قونصل خانے کی نمائندہ کا کہنا تھا کہ پاکستان میں باصلاحیت طالب علموں کی کمی نہیں ہے. اور امریکی یونیورسٹیز چاہتی ہیں کہ پاکستانی طالب علم ان کے کیمپس میں تعلیم حاصل کریں. اس وقت امریکی کالجز اور جامعات میں 7500 پاکستانی طلباء زیر تعلیم ہیں۔ امریکی قونصل خانے کی نمائندہ نے مزید کہا کہ ہم مزید پاکستانیوں کو اپنی اعلیٰ تعلیم کے حصول کے لیے امریکا کا انتخاب کرتے دیکھنا چاہتے ہیں، امریکہ میں تعلیم کے خواہشمند یو ایس ایجوکیشن کے کراچی آفس میں رابطہ کرکے رہنمائی حاصل کرسکتے ہیں۔
    مزید یہ بھی بڑھیں؛
    جسم پر ظاہر ہونے والی وہ علامات جو ڈپریشن کا نتیجہ ہوتی ہیں
    وزیرخزانہ اسحاق ڈار کی عالمی بینک کے ریجنل ڈائریکٹر سے ملاقات
    برطانیہ میں تقریباً 52 ہزار جائیدادیں گمنام سرمایہ کاروں کی ملکیت. رپورٹ
    لاہورچیمبرآف کامرس اینڈ انڈسٹری میں ’پہلے معیشت پھر الیکشن‘ کی متفقہ قرار داد منظور
    کامران اکمل کا ٹیسٹ کرکٹ سے ریٹائرمنٹ کا اعلان
    پیسے دینے کے بہانے خاتون کے ساتھ جنگل میں تین ملزمان نے کیا گھناؤنا کام
    اپرکوہستان میں بس اور کار کھائی میں جاگریں، 17 افراد جاں بحق
    امریکی جامعات کے نمائندگان نے طلبہ کو ماسٹر پروگرام میں منتخب ہونے کے طریقہ کارسے آگاہ کیا اور اسٹوڈنٹ ویزا کی بنیاد پر کیمپس جاب میں کمانے کی قانونی پالیسی بھی بتائی تاکہ طلبہ اپنی فیس بھی دے سکیں اور اپنے دیگر اخراجات بھی پورے کرسکیں، پاکستانی طالب علموں نے اس یونیورسٹی فیر کو اپنے لئے ایک حوصلہ افزا قدم قرار دیا۔