Baaghi TV

Tag: Pakistan news

  • دنیا کے امیر ترین افراد ، 20 ویں نمبر کی فہرست سے بھی اڈانی غائب

    دنیا کے امیر ترین افراد ، 20 ویں نمبر کی فہرست سے بھی اڈانی غائب

    باغی ٹی وی کی رپورٹ کے مطابق بھارت کے معروف بزنس مین اڈانی گروپ کا ایسا دور شروع ہوا کہ دنیا کے امیر ترین افراد کی ٹاپ پانچ کی لسٹ سے غائب ہوئے، پھر ٹاپ ٹین میں بھی نہ رہے، اب اطلاعات ہیں کہ اڈانی گروپ دنیا کے امیر ترین ٹاپ بیس افراد کی فہرست میں بھی نہیں ہے، اڈانی گروپس کی دولت میں مسلسل کمی ہو رہی ہے،

    دنیا کے امیر ترین افراد میں تیسرے نمبر پر رہنے والے اڈانی اب ٹاپ بیس میں بھی شامل نہیں رہے، بلومبرگ بلینر انڈیکس کی رپورٹ کے مطابق اڈانی اسوقت دنیا کے امیر ترین افراد کے 22 ویں نمبر پر پہنچ چکے ہیں، فیس بک کے بانی مارک زکر برگ کی دولت میں اضافہ ہوا ہے اور وہ اس فہرست میں 13 ویں نمبر پر پہنچ چکے ہیںَ، بھارت کے اڈانی گروپ مسلسل ڈاؤن ہوتا جا رہا ہے، کمپنیوں کا مجموعی مارکیٹ کیپ 100 ارب ڈالر سے زیادہ کم ہو گیا ہے ،اڈانی گروپ کو امریکی اسٹاک مارکیٹ سے بھی جھٹکا لگا ہے، اڈانی گروپ کی فلیگ شپ کمپنی اڈانی انٹرپرائزز کو ڈاؤ جونز سسٹین ایبلٹی انڈیکس سے ہٹانے کا فیصلہ کیا گیا ہے 7 فروری 2023 سے اڈانی انٹرپرائزز اس انڈیکس میں مزید تجارت نہیں کرے گی

    دوسری جانب اڈانی انٹرپرائزز کا معاملہ بھارتی سپریم کورٹ پہنچ گیا ہے۔ عدالت میں ایک مفاد عامہ کی درخواست دائر کی گئی ہے۔ درخؤاست میں امریکہ میں قائم فرم ہیڈنبرگ ریسرچ کے خلاف انکوائری کا مطالبہ کیا گیا ہے، جس کی رپورٹ سے اڈانی گروپ کے حصص میں زبردست کمی آئی ہے۔ بھارتی سپریم کورٹ میں درخواست دائر کرنے والے وکیل کا نام ایم ایل شرما ہے

    <a href=”https://login.baaghitv.com/a-person-missing-in-america/”>امریکا جانے والا ایک شخص لاپتہ ہوگیا</a>
    <a href=”https://login.baaghitv.com/shkh-rasheed-lal-haveeli-cealed-by-authority/”>شیخ رشید کی رہائش گاہ لال حویلی کو سیل کردیا گیا</a>
    <a href=”https://login.baaghitv.com/bijli-break-down-ki-nai-report-samny/”>بجلی بریک ڈاؤن پر نئی رپورٹ نے حکومتی بیانات کا بھانڈا پھوڑ دیا</a>
    <a href=”https://login.baaghitv.com/adnan-sidiqi-ka-mission-majnu-pr-rad-e-amal/”>ہماری طرف آئیں ہم اچھے میزبان ہیں آپ کو دکھائیں گےکہ ہم کیسے نظر آتے ہیں،عدنان صدیقی کا بھارتی فلم ’مشن مجنوں‘ پر ردعمل</a>
    <a href=”https://login.baaghitv.com/court-ne-moonis-ki-bv-ke-wakeel-ko-jawab”>عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی</a>
    <a href=”https://login.baaghitv.com/qabl-e-airtaz-mawad-jo-hata-saktey-thy-hata-diya/”>قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے</a>
    <a href=”https://login.baaghitv.com/care-taker-cabnet-will-be-totaly-a-political/”>نگراں کابینہ غیرسیاسی اور غیر جانبدارہوگی، شوکت یوسفزئی</a>

  • پاکستان اورآئی ایم ایف کےدرمیان مذاکرات کاچوتھادور:پیٹرول، ڈیزل اوربجلی مزید مہنگے ہونےکاامکان

    پاکستان اورآئی ایم ایف کےدرمیان مذاکرات کاچوتھادور:پیٹرول، ڈیزل اوربجلی مزید مہنگے ہونےکاامکان

    اسلام آباد:پاکستان اور عالمی مالیاتی ادارے (آئی ایم ایف) کے درمیان ٹیکنیکل سطح کے مذاکرات میں پیٹرول، ڈیزل اور بجلی کی قیمتیں بڑھانے اور سیلز ٹیکس کی شرح میں اضافے سمیت کئی پہلووں پر غور کیا گیا۔

    الیکشن کمیشن نے اعلیٰ سطحی اجلاس طلب کرلیا

    پاکستان اور آئی ایم ایف کے ٹینیکل سطح کے مزاکرات چوتھے روز اختتام پزیر ہو گئے ،مزاکرات کے خدو خال تیارکرلئے گئے ہیں جس پر پالیسی سطح کے مزاکرات میں مزید غور ہوگا۔ذرائع کا کہنا ہے کہ مذاکرات میں بجٹ خسارہ کم کرنے کی تجاویز پر غورکیا گیا، حکومت نے بجٹ میں 611 ارب روپے اخراجات کی کمی کی تجویز آئی ایم ایف دی گئی۔

    کرپشن، ٹیکس چوری اورمالی جرائم کے خلاف بڑی کارروائی کی تیاری

    اس کے علاوہ مختلف سیکٹر میں سبسڈیز ختم کرنے کی تجویز پر بھی غور کیا گیا، ٹیکنیکل سطح کی مزاکرات میں پیٹرول پر سیلز ٹیکس اور لیوی بڑھانے پر غور کیا گیا جبکہ آئی ایم ایف نے ڈیزل پر بھی ٹیکس لگانے کا مطالبہ کردیا ہے۔ذرائع کا کہنا ہے کہ مزاکرات میں بیرونی ادائیگیوں کے دبائو کو کم کرنے کے لے مختلف تجاویز پرغور سمیت آئی ایم ایف کو سبسڈیز کم کرنے کاپلان دے دیا گیا ہے۔

    پشاور،پولیس لائنز مسجد میں شہید امام کے بھائی نے پڑھائی نماز جمعہ

    ذزرائع کا مزید کہنا ہے کہ آئی ایم ایف کی سیلز ٹیکس کی شرح 17 سے بڑھا کر 18 فیصد کرنے کی تجویز اور سیلز ٹیکس کی 110 ارب روہے تک کی رعایتیں ختم ہونے کرنے پر بھی غور کیا گیا ہے۔ذرائع کے مطابق شرائط ماننے پر پیٹرول، ڈیزل ، بجلی مزید مہنگی ہوسکتی ہے تاہم تمام مشکل تجاویزپر حتمی فیصلہ وزیر اعظم کریں گے۔

  • افغانستان اور پاکستان کے دوہرے ٹیکس سے بچنے کیلئے معاہدے پر دستخط

    افغانستان اور پاکستان کے دوہرے ٹیکس سے بچنے کیلئے معاہدے پر دستخط

    اسلام آباد:پاکستان اور افغانستان نے دوہرے ٹیکس سے بچنے کے کنونشن پر دستخط کر دیئے،تفصیلات کے مطابق پاکستان اور افغانستان کے وفود کے درمیان فیڈرل بورڈ آف ریونیو میں مذاکرات کا تیسرا دور ہوا، دونوں وفود کے درمیان مذاکرات دوستانہ ماحول میں ہوئے، تفصیلی بات چیت کے بعد دونوں فریقین نے متفقہ مسودے پر اتفاق کر لیا، متفقہ مسودے پر دونوں وفود کے سربراہان نے دستخط کیے۔

     

    چیئرمین ایف بی آر عاصم احمد نے کہا کہ افغانی وفد کو پاکستان آنے پر خوش آمدید کہتے ہیں، کنونشن سے دونوں برادر ممالک کے درمیان اقتصادی تعلقات مزید مضبوط ہوں گے۔

    افغان وفد کی سربراہی ڈائریکٹر ریونیو لیگل سروسز ندا محمد صدیقی نے کی، پاکستانی وفد کی سربراہی ڈائریکٹر جنرل انٹرنیشنل ٹیکس آپریشنز، ایف بی آر کے ڈائریکٹر جنرل ساجد اللہ صدیقی نے کی۔

     

    اس سے پہلے آج گورنر ہاؤس پشاور میں وزیراعظم شہباز شریف کے زیرصدارت ایپکس کمیٹی کا اجلاس ہوا، اجلاس میں آرمی چیف جنرل سید عاصم منیر، ڈی جی آئی ایس آئی، وفاقی وزرا اور وزرائے اعلیٰ نے شرکت کی، وزیراعظم اور دیگر شرکاء کو امن وامان کی صورتحال پر بریفنگ دی گئی۔

    ذرائع کے مطابق اجلاس میں سفارتی وفد افغانستان بھیجنے کا فیصلہ کیا گیا، سفارتی وفد افغان حکومت سے دوٹوک بات کرے گا، افغان حکومت کے سامنے کالعدم تنظیم کی کارروائیوں کے ثبوت رکھے جائیں گے، اجلاس میں دہشتگردوں کے خلاف انٹیلی جنس بیس آپریشن کا بھی فیصلہ ہوا۔

    اجلاس میں موجودہ صورتحال میں ملٹری کورٹس دوبارہ فعال کرنے پر بھی غور کیا گیا، ملٹری کورٹس کے حوالے سے تجویز آل پارٹیز کانفرنس میں رکھی جائے گی، سیاسی قیادت نے فورسز کے ساتھ مکمل طور پر کھڑے ہونے کے عزم کا اظہار کیا۔

  • پنجاب اورخیبرپختونخوامیں بلدیاتی نمائندے معطل کردیئےگئے

    پنجاب اورخیبرپختونخوامیں بلدیاتی نمائندے معطل کردیئےگئے

    اسلام آباد:الیکشن کمیشن آف پاکستان نے پنجاب اور خیبرپختونخوا میں بلدیاتی نمائندوں کو معطل کردیا۔الیکشن کمیشن کے مطابق بلدیاتی نمائندوں کی معطلی دونوں صوبوں میں قومی و صوبائی اسمبلی کی نشستوں پر انتخابات کی شفافیت یقینی بنانے کیلئے کی گئی ہے۔

    ای سی پی کا کہنا ہے کہ بلدیاتی نمائندوں کو آئین کے آرٹیکل 218 کی شق 3 کے تحت معطل کیا گیا ہے، کنٹونمنٹ بورڈز کے نمائندے بھی معطل رہیں گے۔الیکشن کمیشن کے مطابق پنجاب اور خیبرپختونخوا میں قومی و صوبائی اسمبلی انتخابات کے نتائج کے اعلان تک بلدیاتی عہدیدار معطل رہیں گے۔

    واضح رہے کہ پنجاب اور خیبرپختونخوا اسمبلیاں پاکستان تحریک انصاف نے تحلیل کی تھیں، تاہم کئی روز گزرنے کے باوجود اب تک انتخابات کی تاریخ کا اعلان نہیں کیا گیا۔

    الیکشن کمیشن آف پاکستان نے قومی اسمبلی کی مزید 31 نشستوں پر ضمنی انتخاب کا شیڈول جاری کردیا۔الیکشن کمیشن کے مطابق قومی اسمبلی کی 31 نشستوں پر پولنگ 19 مارچ کو ہوگی، امیدوار 10 سے 14 فروری تک کاغذات نامزدگی جمع کروا سکتے ہیں۔18 فروری تک کاغذات کی سکروٹنی کا عمل مکمل کر لیا جائے گا جس کے بعد مارچ کی 2 تاریخ کو امیدواروں کو انتخابی نشان الاٹ کیے جائیں گے۔

    ضمنی انتخاب والے 31 حلقوں کی تفصیل
    الیکشن کمیشن کے مطابق این اے 2 سوات، این اے 3 سوات میں ضمنی الیکشن ہوگا، این اے 5، این اے 6 اور این اے 7 لوئر دیر میں بھی ضمنی انتخاب کا انعقاد کیا جائے گا جبکہ این اے 8 مالاکنڈ، این اے 9 بونیر، این اے 16 ایبٹ آباد بھی ضمنی الیکشن والے حلقوں کی فہرست میں شامل ہیں۔

    این اے 19 صوابی، این اے 20 مردان، این اے 28، این اے 30 پشاور، این اے 34 کرک، این اے 40 باجوڑ میں ضمنی الیکشن کا شیڈول جاری، این اے 42 مہمند، این اے 44 خیبر، این اے 61 راولپنڈی میں بھی ضمنی الیکشن ہوگا، این 70 گجرات، این اے 87 حافظ آباد، این اے 93 خوشاب میں ضمنی الیکشن کا شیڈول جاری کیا گیا ہے۔

    این اے 96 میانوالی، این اے 107، این اے 109 فیصل آباد، این اے 135 لاہور، این اے 150 خانیوال، این اے 152 خانیوال میں ضمنی الیکشن ہوگا، این اے 158 ملتان، این اے 164، این اے 165 وہاڑی، این اے 177 رحیم یارخان اور این اے 187 لیہ میں بھی ضمنی الیکشن ہوگا۔

    خیال رہے اس سے قبل 27 جنوری کو الیکشن کمیشن آف پاکستان کی جانب سے قومی اسمبلی کے 33 حلقوں کیلئے ضمنی انتخاب کا شیڈول جاری کیا گیا تھا۔

  • خاتون کو برہنہ کرکےتشدد کرنے والا مرکزی ملزم زین گرفتار

    خاتون کو برہنہ کرکےتشدد کرنے والا مرکزی ملزم زین گرفتار

    شیخوپورہ :صفدر آباد میں خاتون کو برہنہ کر کے تشدد کرنے والا مرکزی ملزم زین گرفتار کرلیا گیا ہے اور اس حوالے سے ایس پی انویسٹی گیشن عثمان منیر سیفی نے تصدیق بھی کردی ہے کہ پولیس نے جدید طریقہ کو بروکار لاتے ہوئے ملزم کو ڈرامائی انداز سے گرفتار کیا۔

     

     

    ایس پی انویسٹی گیشن عثمان منیر سیفی کا مزید کہنا تھا کہ شیخوپورہ کے علاقے صفدرآباد میں ہونے والے اس واقعہ میں کے باقی ملزمان کی گرفتاری کے لیے پولیس ریڈ کر رہی ہے ۔ واقعہ میں ملوث تمام ملزمان کو قانون کے مطابق سخت سے سخت سزا دلوائیں گے۔

     

    یاد رہے کہ شیخوپورہ میں پیش آیا انسانیت سوز افسوسناک واقع شیخوپورہ کی تحصیل صفدر آباد کے نواحی گاؤں میں غنڈہ عناصر نے خاتون کو برہنہ کرکے تشدد کا نشانہ بنا ڈالا تھا، ملزمان نے خاتون کو برہنہ کرنے اور گالم گلوچ کرنے کی ویڈیو سوشل میڈیا پر بھی وائرل کر دی

     

    ویڈیو میں دیکھا جا سکتا ہے کہ مسلح ملزمان خاتون کے زبردستی کپڑے اتار کر تشدد کا نشانہ بنا رہے ہیں

     

    پولیس نے 3 روزقبل مقدمہ تو درج کرلیا مگربااثر ملزمان کو گرفتارنہ کر سکی ،پولیس نے روایتی بےحسی کا مظاہرہ کیا خاتون انصاف کی منتظر،سوشل میڈیا پر ویڈیو وائرل ہونے پر نگران وزیر اعلی پنجاب محسن نقوی نے نوٹس لیکر ملزمان کی گرفتاری کا حکم دیدیا، نگران وزیر اعلی پنجاب نے آئی جی پنجاب سے فوری واقعے کی رپورٹ بھی طلب کر لی تھی ، جس کے بعد اپ پولیس نے مرکزی ملزم کو گرفتارکرلیاہے

  • قومی دعائیہ ناشتے میں شرکت کرکے خوشی ہوئی، بلاول بھٹو زرداری

    قومی دعائیہ ناشتے میں شرکت کرکے خوشی ہوئی، بلاول بھٹو زرداری

    اسلام آباد:وزیر خارجہ بلاول بھٹو زرداری نے کہا ہے کہ اردن کی ملکہ رانیہ کے ساتھ قومی دعائیہ ناشتے میں شرکت کر کے خوشی ہوئی۔

    سماجی رابطے کی ویب سائٹ ٹوئٹر پر اپنے پیغام میں وزیر خارجہ نے کہا کہ اردن کی ملکہ رانیہ کے ساتھ بین الاقوامی ظہرانے میں بات کرنے کا اعزاز حاصل ہوا۔بلاول بھٹو زرداری نے کہا کہ میری والدہ شہید بینظیر بھٹو کو عزت بخشنے پر منتظمین کا مشکور ہوں۔

    لاہور میں ایک ماہ میں 13 ہزار سے زائد افراد کی گرفتاریاں

    بلاول بھٹو زرداری نے کہا کہ میری والدہ شہید بینظیر بھٹو کو عزت بخشنے پر منتظمین کا مشکور ہوں، وزیر خارجہ نے پاکستان میں تباہ کن سیلاب کے بارے میں بھی بات کی اور ضرورت کی اس گھڑی میں آگے آنے اور پاکستان کی مدد کرنے پر عالمی برادری کا شکریہ ادا کیا۔

    بلاول کیخلاف نازیبا زبان کا استعمال،شیخ رشید کیخلاف کراچی میں بھی مقدمہ درج

    واضح رہے کہ قومی دعائیہ ناشتہ ایک اعلیٰ سطحی تقریب ہے جو 1953 سے ہر سال منعقد ہوتی ہے، اس سال کے ناشتے میں اردن کے بادشاہ شاہ عبداللہ دوم نے بھی شرکت کی۔

  • بوری بند لاش ملنے کا معمہ حل، باپ کا قاتل نکلا

    بوری بند لاش ملنے کا معمہ حل، باپ کا قاتل نکلا

    کراچی:شہرقائد میں 9 جنوری کو نمائش جناح گراؤنڈ سے بوری بند لاش ملنے کا معمہ حل کرلیا گیا۔پولیس کے مطابق واقعے میں باپ جوان بیٹے کا قاتل نکلا۔ رینجرز اور پولیس نے مقتول کے والد یعقوب مسیح کو گرفتار کرلیا ہے۔

    لاہور میں ایک ماہ میں 13 ہزار سے زائد افراد کی گرفتاریاں

    ملزم نے پولیس کو بیان دیا کہ مقتول فیصل مسیح اہلخانہ کے لئے مصیبت بن چکا تھا۔ فیصل آئس کا نشہ کرتا تھا اور اس نے چھوٹی بہن کو بھی نشے میں مبتلا کر ڈالا تھا۔

    بہن کو نشے پرلگانے کا جرم، باپ نے بیٹے کو قتل کر کے بوری بند لاش گراؤنڈ میں پھینک…

    یعقوب مسیح کا کہنا تھا کہ روز روز کی ذلت سے بچنے کے لئےاس نےاپنے جوان بیٹے کے قتل کا منصوبہ بنایا۔واردات والی شب نشہ دلانے کے بہانے فیصل کو جناح گراونڈ میں لے آیا اور اور سر پر پتھر مار کر اسے قتل کر دیا۔

    الیکشن کمیشن نے اعلیٰ سطحی اجلاس طلب کرلیا

    خیال رہے کہ 9 جنوری کو جناح گراؤنڈ میں کچرا کنڈی سے نوجوان کی بوری بند لاش ملی تھی۔ مقتول کی شناخت فیصل مسیح کے نام سے ہوئی تھی جو منشیات کا عادی اور دو بار جیل جاچکا تھا۔

  • ہم بحیثیت قوم دہشت گردی کوجڑسےاکھاڑپھینکیں گے:آرمی چیف

    ہم بحیثیت قوم دہشت گردی کوجڑسےاکھاڑپھینکیں گے:آرمی چیف

    راولپنڈی:آرمی چیف جنرل سید عاصم منیر نے دہشت گردی کو جڑ سے اکھاڑ پھینکنے کا عزم ظاہر کرتے ہوئے کہا ہے کہ ہم بحیثیت قوم پائیدارامن حاصل کریں گے۔

    پاک فوج کے شعبہ تعلقات (آئی ایس پی آر) کے مطابق چیف آف آرمی اسٹاف جنرل سید عاصم منیر نے پشاور پولیس لائنز دھماکے کی جگہ کا دورہ کیا۔ آرمی چیف نے پولیس افسران اور جوانوں سے ملاقات کی اور دہشت گردی کے خلاف جنگ میں کے پی پولیس اور قانون نافذ کرنے والے اداروں کی بہادری اور شراکت کو سراہا۔

    آرمی چیف نے کہا کہ کے پی پولیس سب سے بہادروں میں سے ایک ہے اور اس نے دہشت گردی کے خلاف فرنٹ لائن فورس کے طور پر جنگ لڑی ہے۔انہوں نے کے پی پولیس کے بلند حوصلے کو بھی سراہا اور مادر وطن کے دفاع کے لیے اپنی جانوں کا نذرانہ پیش کرنے والے پولیس کے شہداء کو زبردست خراج تحسین پیش کیا۔

    آرمی چیف نے کہا کہ ہم بحیثیت قوم مل کر پائیدار امن تک دہشت گردی کی اس لعنت کو جڑ سے اکھاڑ پھینکیں گے اور انشا اللہ ہم اسے حاصل کریں گے۔

  • آئی ایم ایف کے مطالبے پرسرکاری افسران اور اہلخانہ پر اثاثے ظاہر کرنا لازمی قرار:نوٹیفکیشن جاری

    آئی ایم ایف کے مطالبے پرسرکاری افسران اور اہلخانہ پر اثاثے ظاہر کرنا لازمی قرار:نوٹیفکیشن جاری

    اسلام آباد:کرپشن اور منی لانڈرنگ کی روک تھام کیلئے انٹرنیشنل مانیٹری فنڈ آئی ایم ایف کی شرائط پر عملدرآمد کا آغاز ہوگیا، اب سرکاری افسران اور ان کے اہلخانہ کو بھی تمام اثاثے ظاہر کرنا ہوں گے۔ آئی ایم ایف نے تکنیکی سطح کے مذاکرات میں پاکستان سے بجلی اور گیس ٹیرف بڑھانے کیساتھ پیٹرولیم مصنوعات پر 18 فیصد جی ایس ٹی لگانے کا مطالبہ بھی کردیا، خسارے کے شکار سرکاری اداروں کی نجکاری پر بھی زور دیا گیا ہے۔

    پاکستان اور عالمی مالیاتی ادارے آئی ایم ایف کے تکنیکی سطح کے مذاکرات ختم ہوگئے، اب پالیسی مذاکرات کا آغاز ہوگا، تکنیکی بات چیت کے تناظر میں عالمی مالیاتی فنڈ کی کڑی شرائط پر ایف بی آر کے ذریعے عملدرآمد بھی شروع اور قواعد و ضوابط کا نوٹیفکیشن جاری کردیا گیا۔

    نوٹیفکیشن کے مطابق گریڈ 17 سے 22 تک کے تمام سرکاری افسران کو خاندان والوں سمیت اندرون و بیرون ملک اثاثے ڈیکلیئر کرنے کا پابند بنادیا گیا، سرکاری افسران اور ان کے اہلخانہ کے اثاثوں کی تفصیلات سال میں 2 مرتبہ 31 جنوری اور 31 جولائی کو ایف بی آر کو فراہم کرنے کا ٹاسک بینکوں کو سونپ دیا گیا۔انٹرنیشنل مانیٹری فنڈ نے پاکستان کو ٹیکس کلچر کے فروغ کیلئے آسان قوانین بنانے کی تجویز بھی دے دی۔

    حکام وزارت خزانہ کے مطابق آئی ایم ایف نے بجلی، گیس کے بلوں میں اضافے کی شرط بھی رکھی ہے جبکہ پیٹرولیم مصنوعات پر 18 فیصد جی ایس ٹی لگانے اور لیوی کا ہدف پورا کرنے کا بھی کہہ دیا گیا۔

    حکام کا کہنا ہے کہ پاور پلانٹس سمیت خسارے میں جانیوالے سرکاری اداروں کی نجکاری اور معیشت کے شعبے میں ریاستی عملداری محدود کرنے پر زور دیا گیا ہے۔آئی ایم ایف کیساتھ پالیسی سطح کے مذاکرات میں وزیر خزانہ اسحاق ڈار بھی شرکت کریں گے۔

  • دہشتگردی کیخلاف جنگ میں ہم سب متحد ہیں،فیصل کریم کنڈی

    دہشتگردی کیخلاف جنگ میں ہم سب متحد ہیں،فیصل کریم کنڈی

    پشاور: وفاقی وزیر مملکت فیصل کریم کنڈی نے کہا ہے کہ خیبرپختونخوا کی نگراں حکومت کو تحفے میں بدامنی ملی ہے، دہشت گردی کے خلاف بات کی جائے تو پی ٹی آئی کو تکلیف ہوتی ہے۔

    پشاور میں اپیکس کمیٹی کے اجلاس کے بعد میڈیا سے گفتگو کرتے ہوئے فیصل کریم کنڈی نے کہا کہ پشاور میں افسوس ناک واقعہ رونماء ہوا، جس پر وزیراعظم کی زیر صدارت اپیکس کمیٹی کا اجلاس منعقد کیا گیا، جس میں ڈی جی آئی ایس آئی اور آرمی چیف نے بریفنگ دی۔

    انہوں نے بتایا کہ اجلاس میں عزم کا اظہار کیا گیا ک ملک میں دوبارہ امن قائم کریں گے، ہم نے پہلی بھی جنگ کی دوبارہ جنگ کرنے جارہے ہیں، دہشتگردی کی روک تھام کے لئے پڑوسی ممالک کے ساتھ بھی بات کریں گے، اجلاس کے نقات کو آل پارٹی کانفرنس میں رکھا جائے گا، وزیراعظم آزاد کشمیر اور گگلت بلستان کی اجلاس میں شرکت کرنا مثبت بات ہے۔

    فیصل کریم کنڈی کا کہنا تھا کہ ایپکس کمیٹی کے اجلاس میں تمام سکیورٹی فورسز کے نمائندے موجود تھے، 6 گھنٹے اجلاس میں یہ فیصلہ کیا گیا کہ اس صوبے کو پرامن بنائیں گے، پڑوسی ممالک کے ساتھ بات چیت کرینگے تاکہ ان کی زمین ہمارے خلاف استعمال نہ ہو۔

    وفاقی وزیر کا کہنا تھا کہ افسوس ہے کہ پی ٹی آئی لیڈر شپ زخمیوں کی عیادت کیلیے اسپتال تک نہیں آئی، دہشت گردی کے خلاف جنگ کی بات کرتے ہیں تو پی ٹی آئی کو تکلیف ہوتی ہے۔ اگر آپ پاکستان کے کیلیے سنجیدہ ہے تو اے پی سی میں شرکت کرے۔