Baaghi TV

Tag: pakistan

  • پاکستان نیوزی لینڈ کیخلاف دس اضافی ٹی ٹوئنٹی انٹرنیشنل میچز کھیلے گا

    پاکستان نیوزی لینڈ کیخلاف دس اضافی ٹی ٹوئنٹی انٹرنیشنل میچز کھیلے گا

    پاکستان نیوزی لینڈ کیخلاف دس اضافی ٹی ٹوئنٹی انٹرنیشنل میچز کھیلے گا

    پاکستان کرکٹ ٹیم کا فیوچرٹورپروگرام واضح ہوگیا ہے جبکہ قومی ٹیم آئندہ سال نیوزی لینڈ کیخلاف دس اضافی ٹی ٹوئنٹی انٹرنیشنل میچز کھیلے گی۔ فیوچرٹورپروگرام کےمطابق اضافی میچ ٹی ٹوئنٹی ورلڈ کپ کی تیاری کو ذہن میں رکھتے ہوئے شیڈول کیے گئے ہیں 2024 میں ہونے والا ٹی ٹوئنٹی ورلڈ کپ جون میں ویسٹ انڈیزاورامریکہ میں کھیلا جائےگا،ٹی ٹوئنٹی ورلڈ کپ سے قبل پاکستانی ٹیم انیس ٹی ٹوئنٹی انٹرنیشنل میچ کھیلے گی۔

    پاکستانی کرکٹ ٹیم آئندہ سال جنوری میں نیوزی لینڈ کا دورہ کرے گی جس کے بعد نیوزی لینڈ کی ٹیم بھی اپریل میں پاکستان کا جوابی دورہ کرے گی۔اسکے علاوہ پاکستانی خواتین کرکٹ ٹیم بھی اس سال دسمبرمیں نیوزی لینڈ کا دورہ کرے گی۔ جبکہ دورے میں تین ٹی ٹوئنٹی اورتین ون ڈے میچز کھیلے جائیں گے۔ پاکستان فروری دوہزارپچیس میں سہ فریقی ون ڈے سیریز کی میزبانی کرے گا.

    دوسری جانب مڈل آرڈر بیٹر سعود شکیل سری لنکن سرزمین پر ڈبل سنچری بنانے والے پہلے پاکستانی بلے باز بن گئے ہیں خیال رہے کہ گال ٹیسٹ کے تیسرے روز سعود شکیل نے جے سوریا کو چوکا لگا کر اپنی ڈبل سنچری مکمل کی جس کے ساتھ ہی انہوں نے لنکن سرزمین پر سب سے بڑے انفرادی سکور کا ملکی ریکارڈ بھی اپنے نام کرلیا۔ تاہم یاد رہے کہ ان سے قبل محمد حفیظ نے 2012ء میں کولمبو ٹیسٹ میں 196 رنز سکور کیے تھے ۔
    مزید یہ بھی پڑھیں؛
    پشاور ، حیات آباد میں دھماکا، 8 افراد زخمی
    لون ایپ سے متاثرہ شہری کی خودکشی کیس،ملزمان کا ریمانڈ منظور
    ہمارے ہاں 80% لوگ بے مقصد زندگی گزارتے ہیں زیبا بختیار

    ادھر سعود شکیل نے منفرد اعزاز اپنے نام کرتے ہوئے جاوید میانداد کو بھی پیچھے چھوڑ دیا۔ 27 سالہ بیٹر کیریئر کی ابتدائی 11 ٹیسٹ اننگز میں سب سے زیادہ رنز بنانے والے پاکستانی بلے باز بن گئے ہیں۔ سعود شکیل نے سری لنکا کے خلاف گال ٹیسٹ میں 141 واں رن لے کر عبداللّٰہ شفیق اور جاوید میانداد کو پیچھے چھوڑتے ہوئے کیریئر کا 721 واں ٹیسٹ رن سکور کیا۔

  • اسلام آباد؛ 8 سالہ بچی سے مبینہ زیادتی، مقدمہ درج

    اسلام آباد؛ 8 سالہ بچی سے مبینہ زیادتی، مقدمہ درج

    وفاقی دارالحکومت میں 8 سالہ بچی کے ساتھ 2 ملزمان نے مبینہ زیادتی کی اور فرار ہوگئے ہیں جبکہ اس واقعہ میں ایک دیہاڑی دار کی معصوم بیٹی زیادتی کا نشانہ بن گئی ہے، متاثرہ بچی کے والد کے مطابق اہلیہ نے مجھے فون کرکے اطلاع دی کہ گھر پہنچیں، کسی بندے نے ہماری بچی کے ساتھ زیادتی کی ہے۔

    سوشل میڈیا کے مطابق بچی کے والد نے میڈیا کو بتایا کہ میری بیٹی اپنے بھائی کے ساتھ شام 4 بجےگھر سے نکلی تھی، لیکن واپس نہ آئی، میری اہلیہ نے گھر سے کچھ دور بچی کو دیکھا اور اٹھا کر گھر لے آئی، تو بچی نے سارا واقعہ بیان کردیا۔

    بچی کے والد نے بتایا کہ میری بیوی نے گلی سے 2 افراد کو فرارد ہوتے دیکھا تھا۔ ہم اپنی بچی کو پمز اسپتال لے کر گئے جہاں اس کا علاج جاری ہے۔والد کے بیان پر بچی کے ساتھ زیادتی کا مقدمہ درج کر لیا گیا ہے۔

    اس خبر کو اپڈیٹ کیا جارہا

  • ناروےکی میٹا کو جرمانے کی دھمکی

    ناروےکی میٹا کو جرمانے کی دھمکی

    ناروے نے صارفین کی پرائیویسی کی خلاف ورزی پرفیس بک اورانسٹاگرام کی مالک کمپنی میٹا کو روزانہ کی بنیاد ایک لاکھ ڈالر تقریباً 10 لاکھ کورنےجرمانے کرنے کی دھمکی دے دی ہے جبکہ ناروے کی ڈیٹا پروٹیکشن ایجنسی نے کہا ہے کہ فیس بک اور انسٹاگرام کی مالک کمپنی میٹا پر صارفین کی ذاتی معلومات کو ٹارگٹ اشتہارات کے لیے استعمال کرنے پر پابندی عائد کر دی جائے گی اور اگر یہ سلسلہ بدستور جاری رہا تو روزانہ 100,000 ڈالر جرمانے کیا جائے گا۔

    نارویجن واچ ڈاگ کا کہنا تھاکہ میٹا کمپنی صارفین کی ذاتی معلومات جیسے کہ ان کا مقام، ان کے پسند کردہ مواد اور ان کی پوسٹس مارکیٹنگ کے مقاصد کیلئے استعمال کرتی ہے ۔ علاوہ ازیں ایک بیان میں ڈیٹا پروٹیکشن ایجنسی نےکہاکہ اتھارٹی کے مطابق میٹا کی یہ پریکٹس غیر قانونی ہے اور اس لیے فیس بک اور انسٹاگرام پر رویے سے متعلق اشتہارات پر عارضی پابندی عائد کر رہی ہے.
    مزید یہ بھی پڑھیں؛
    پشاور ، حیات آباد میں دھماکا، 8 افراد زخمی
    لون ایپ سے متاثرہ شہری کی خودکشی کیس،ملزمان کا ریمانڈ منظور
    ہمارے ہاں 80% لوگ بے مقصد زندگی گزارتے ہیں زیبا بختیار

    جبکہ یہ پابندی 4 اگست سے شروع ہوگی اور میٹا کو اصلاحی اقدامات کرنے کے لیے وقت دینے کیلئے تین ماہ تک جاری رہے گی۔ اگر کمپنی اس کی تعمیل کرنے میں ناکام رہتی ہے تو اسے 10 لاکھ کرونر ($100,000) یومیہ جرمانہ کیا جائے گا۔ تاہم واضح رہے کہ امریکہ کی بڑی ٹیک فرموں کے کاروباری طریقوں کی پرائیویسی کے بارے میں خدشات پر پورے یورپ میں کڑی جانچ کی جا رہی ہے، اور حالیہ برسوں میں بھاری جرمانے کیے گئے ہیں۔

  • ٹریل 3؛ لڑکی کے ساتھ زیادتی کا واقعہ جھوٹا نکلا

    ٹریل 3؛ لڑکی کے ساتھ زیادتی کا واقعہ جھوٹا نکلا

    ٹریل تھری پر لڑکی کے ساتھ زیادتی کے واقعے کا ڈراپ سین ہوگیا ہے جبکہ اسلام آباد پولیس نے ترجمان نے بتایا کہ ریپ کی کہانی جھوٹی نکلی ہے کیونکہ معاملہ ملزم اور اس کے ساتھی کے درمیان لڑائی کا تھا جسے ریپ کا جھوٹا رنگ دیا گیا ہے، ترجمان کے مطابق نامزدملزم نعمان کا اپنے ساتھی انور سےجھگڑا ہواجس نے بدلہ لینے کیلیے ایک گروہ کو اجرت پر لیا جس میں صائمہ،ڈاکٹر سدرہ اسماعیل جعلی صحافی،شکیل نامی جعلی صحافی، منظور نامی جعلی پولیس افسرشامل تھے۔


    جبکہ انور نے نعمان پر زیادتی کا جھوٹا الزام لگانے کیلیے راولپنڈی کی رہائشی صائمہ نامی لڑکی سے رابطہ کیا تو صائمہ نے شیخوپورہ کی رہائشی سدرہ سے رابطہ کر کے نعمان کے ساتھ ریپ کا ڈرامہ کرنے کا منصوبہ بنایا اور منصوبے کے مطابق سدرہ نے ملزم کو لے کر ٹریل تھری پر جانا تھا۔

    ترجمان کا کہنا تھا کہ ٹریل تھری پر سدرہ نے ریپ کا ڈرامہ کرکے چیخ و پکار کرنا تھی جبکہ اسی دوران گروہ کے باقی لوگوں نے موقع پر پہنچ کر ویڈیوز بنانی تھیں اور ویڈیوز بنا کر ملزم اور اس کی فیملی کو بلیک میل کرکے بھتہ وصول کرنا تھا۔ جبکہ سدرہ نے ملزم کے ساتھ ٹریل تھری پر ملاقات کی لیکن اس کے ساتھی موقع پر نہ پہنچ سکے۔

    جبکہ واضح رہے کہ سدرہ کافی انتظار کے بعد ملزم کے ساتھ واپس راولپنڈی چلی گئی اور اس کے بعد اس نے تھانہ میں ایف آئی آر کروائی اور واپس شیخوپورہ چلی گئی تاہم پولیس نے معاملے کی ہر زاویے سے تفتیش کی تو معلوم ہوا یہ سارا جھوٹ ہے، پولیس نے لڑکی کو تھانہ طلب کیا تو اس نے مجسٹریٹ کے سامنے تمام حقائق اور منصوبے کے متعلق بتا دیا کہ یہ ایک گروہ ہے جو لوگوں کو ورغلا کر بلیک میل کرتا اور ان سے بھتہ وصول کرتا ہے۔
    مزید یہ بھی پڑھیں؛
    پشاور ، حیات آباد میں دھماکا، 8 افراد زخمی
    لون ایپ سے متاثرہ شہری کی خودکشی کیس،ملزمان کا ریمانڈ منظور
    ہمارے ہاں 80% لوگ بے مقصد زندگی گزارتے ہیں زیبا بختیار

    خیال رہے کہ سدرہ کے خلاف شیخوپورہ اور مرید کے میں دومقدمات بھی درج ہیں جبکہ گروہ کا ایک کارندہ انوارالحق سابقہ ریکارڈ یافتہ ملزم ہے۔ پولیس کے مطابق اس کیس سے متعلق سوشل میڈیا پر بھرپور مہم چلائی گئی جب کہ کیس زیر تفتیش تھا۔ شہریوں سے گزارش ہے کہ پولیس کی حتمی رپورٹ آنے تک افواہوں پر یقین نہ کریں۔ اور ایسی مہم پولیس کی تفتیش پر اثرانداز ہوسکتی جو ملزمان کو فائدہ پہنچاتی جبکہ اسلام آباد کیپیٹل پولیس ہرشہری کی جان ومال کے تحفظ کی ذمہ دار ہے۔

  • جام کمال کا قومی پارٹی کا انتخاب کرنے کا عندیہ

    جام کمال کا قومی پارٹی کا انتخاب کرنے کا عندیہ

    سابق وزیراعلیٰ بلوچستان جام کمال خان کا کہنا ہے کہ حالات کھٹن ہیں، اگر یہی سلسلہ رہا تو جلد کسی قومی پارٹی کا انتخاب کروں گا جبکہ خیال رہے کہ بلوچستان کی حکمران جماعت بلوچستان عوامی پارٹی (باپ) کا شیرازہ بکھرتا نظر آرہا ہے، پارٹی میں پہلے ہی دو ڈھڑے سامنے آچکے ہیں، اور ایک دھڑے کی قیادت کرنے والے سابق وزیر اعلی جام کمال خان نے بھی عندیہ دے دیا کہ حالات بہت کٹھن ہیں اور اگر ایسا ہی رہا تو جلد کسی قومی پارٹی کا انتخاب کروں گا۔

    بلوچستان اسمبلی کے اجلاس کے بعد میڈیا سے بات کرتے ہوئے جام کمال خان کا کہنا تھا کہ باپ پارٹی کے 5 سالوں میں دو حکومتیں بنیں، اس دوران ہمارے رہنما سراج رئیسانی کے ساتھ 200 لوگ شہید ہوئے، اس دور اقتدار میں اپوزیشن کی تحریک عدم اعتماد ناکام ہوئی۔ جام کمال نے مزید کہا کہ باپ پارٹی سے کس نے فائدے اٹھائے اس کا تعین وقت ہی کرے گا، ہم نے ایوان میں اپنا بھر پور کردار ادا کیا، قدوس بزنجو سے ذاتی اختلاف نہیں تھا، لیکن اپوزیشن بھی ان کی حکومت کا حصہ بنی، جب کہ اپوزیشن کا کردار سوالیہ نشان ہے، اس نے جو کردار ادا کیا صوبے کے لئے نقصان دہ تھا۔
    مزید یہ بھی پڑھیں؛
    پرویز خٹک کی جانب سے نئی پارٹی بنائے جانے پر عمران خان کا ردعمل بھی سامنے آ گیا
    ایشیا کپ سے متعلق معاملات طے پا گئے، میگا ٹورنامنٹ کا آغازکہاں سے ہوگا؟
    3 ماہ تک سمندر میں کچی مچھلی کھا کر اور بارش کا پانی پی کر زندہ رہنے والا شخص
    تحریک انصاف کے 44 اور ہمارے 14ماہ کا جائزہ لیا جائے،مریم اورنگزیب
    توشہ خانہ فوجداری کارروائی سے متعلق کیس کی سماعت 18 جولائی تک ملتوی
    سابق وزیراعلیٰ کا کہنا تھا کہ لوگ سیاسی حوالے سے فیصلے کررہے ہیں، ہماری بھی 2 ماہ سے مشاورت کا سلسلہ چل رہا ہے، آصف زرداری اور مریم نواز سے بھی ملاقاتیں ہوئی ہیں، تاہم دوستوں کے ساتھ مل کر مشترکہ فیصلہ کریں گے، اگر کٹھ ن زدہ ماحول رہا تو قومی پارٹیوں میں سے کسی ایک کا انتخاب کریں گے جام کمال نے مزید کہا کہ جن لوگوں نے میری حکومت گرائی تھی اور میرے خلاف پریس کانفرنسز کی تھیں، کیا وہ درست عمل تھا، تحریک انصاف سیمت ہر ایک کا رول سامنے آچکا ہے، مجھ پر خراب نظام حکومت کا الزام لگانے والے بتائیں کیا اب بلوچستان کی حکومت بہتر چل رہی ہے، صوبے میں امن کی صورتحال مخدوش ہے، جب کہ گرین بس سروس بھی 2 سال پرانا منصوبہ ہے۔

  • اگر عمران خان نے جرم کیا ہے تو میرٹ پر سزا ملنی چاہیئے. رانا ثناءاللہ

    اگر عمران خان نے جرم کیا ہے تو میرٹ پر سزا ملنی چاہیئے. رانا ثناءاللہ

    نجی ٹی وی سے بات کرتے ہوئے وزیر داخلہ رانا ثنااللہ کا کہنا تھا کہ آئینی تقاضہ ہے کہ اسمبلیاں 5 سال مدت پوری کریں، اور اسمبلی کی مدت ختم ہونے کے 90 دن میں الیکشن ہونے چاہیے جبکہ رانا ثنااللہ نے کہا کہ 60 سے 90 روز میں الیکشن ہونا آئین کا تقاضہ ہے جبکہ بروقت الیکشن کرانا الیکشن کمیشن کی ذمہ داری ہے اور پھر نگراں حکومت نے الیکشن کیلئے انتظامات کرنے ہیں، اسمبلی کی مدت 13 سے 14اگست کو مکمل ہو جائے گی، وزیر اعظم چیف الیکشن کمشنر کی سہولت کو مدنظر رکھیں، 90 دن سے آگے الیکشن جانے کا کوئی خدشہ نہیں، انتخابات میں تاخیر کی باتیں بے بنیاد ہیں۔

    وزیرداخلہ کا کہنا تھا کہ خداخدا کرکے آئی ایم ایف سے معاہدہ طے ہوا ہے، آئی ایم ایف نے4 سے 5 ماہ برباد کر دیئے، اس نے ایسی شرائط منظورکرائیں جو ظلم کے مترادف ہے۔ رانا ثنااللہ نے مزید کہا کہ مردم شماری کا ایم کیوایم کے تحفظات سے کیا تعلق ہے، انتخابات انتخابی فہرستوں پر ہونے ہیں مردم شماری پر نہیں، انتخابی فہرستیں اپ ڈیٹ کرنے سے آبادی کا کوئی تعلق نہیں، آبادی سے صوبوں کی نشستوں پر فرق پڑے گا۔

    وفاقی وزیر نے کہا کہ حلقہ بندیوں کیلئے آئین میں ترمیم ضروری ہے، آئین میں ترمیم کون کرے گا، مردم شماری کرانا نگراں حکومت کا کام نہیں، کیا بلوچستان کی مردم شماری کسی کو قابل قبول ہے، کراچی کی مردم شماری کو بھی کسی نے قبول نہیں کیا، جدید تکنیک کے مطابق مردم شماری ہونی چاہئے۔ راناثنااللہ کا کہنا تھا کہ، پرویزخٹک کومعلوم ہوگا کہ انہوں نے پارٹی کیسے چلانی ہے، ہو سکتا ہے وہ بعد میں کچھ چیزیں سامنے لائیں، ان کا گروپ کافی طاقتور ہے، اس طرح ہو تو ہوتا ہے اس طرح کے کاموں میں، پارٹی جیسے بنتی ہے ویسے ہی تقسیم ہو جاتی ہے۔
    مزید یہ بھی پڑھیں؛
    پرویز خٹک کی جانب سے نئی پارٹی بنائے جانے پر عمران خان کا ردعمل بھی سامنے آ گیا
    ایشیا کپ سے متعلق معاملات طے پا گئے، میگا ٹورنامنٹ کا آغازکہاں سے ہوگا؟
    3 ماہ تک سمندر میں کچی مچھلی کھا کر اور بارش کا پانی پی کر زندہ رہنے والا شخص
    تحریک انصاف کے 44 اور ہمارے 14ماہ کا جائزہ لیا جائے،مریم اورنگزیب
    توشہ خانہ فوجداری کارروائی سے متعلق کیس کی سماعت 18 جولائی تک ملتوی
    وزیرداخلہ نے کہا کہ نوازشریف کی سیاست کو نااہلی اور مقدمات نہیں روک سکتے، وہ وطن واپس ضرور آئیں گے، ان کی واپسی کی تیاری کر رہے ہیں، ان کی واپسی میں کوئی نااہلی حائل نہیں ہوگی، وہ اپنی پارٹی کی قیادت کریں گے۔ رانا ثنااللہ کا کہنا تھا کہ چیئرمین پی ٹی آئی کو الیکشن لڑنا چاہئے، انہوں نے کوئی جرم کیا ہے تو سزا ملنی چاہئے، اور جرم کے خلاف کارروائی میرٹ پر ہونی چاہئے، الیکشن لڑنے کیلئے کسی جرم کو معاف نہیں کیا جا سکتا، 9 مئی کی منصوبہ بندی کے تانے بانے بیرون ملک سے ملتے ہیں، یہ بھی نہیں جانتے کہ اس حرکت سے کیا نقصان ہوسکتا ہے۔ وزیرداخلہ نے مزید کہا کہ افغان عبوری حکومت دنیا سے کیا گیا وعدہ پورا کرے، کالعدم ٹی ٹی پی افغان حکومت کےکنٹرول میں نہیں، کالعدم ٹی ٹی پی کو افغانستان سے سہولت کاری میسرہے۔

  • باوقار پاکستان جمہوریت پسندوں کی منزل ہے. آصف علی زرداری

    باوقار پاکستان جمہوریت پسندوں کی منزل ہے. آصف علی زرداری

    سابق صدر آصف علی زرداری کا شہید شاہنواز خان بھٹو کے یوم شہادت پر پیغام میں کہنا ہے کہ شہید شاہنواز خان بھٹو کو خراج عقیدت پیش کرتے ہیں، شہید شاہنواز خان بھٹو جمہوریت پسند راہنما تھے جبکہ شہید شاہنواز خان بھٹو کا قتل بھٹو خاندان اور بھٹو خاندان کے عقیدت مندوں کیلئے بہت بڑا صدمہ تھا.


    آصف علی زرداری کا مزید کہنا تھا شہید شاہنواز خان بھٹو آئین اور جمہوریت کی بحالی کیلئے جدوجہد کرتے رہے، گڑھی خدا بخش بھٹو کا قبرستان جمہوریت کیلئے جانیں قربان کرنے والوں سے آباد ہوا، جمہوریت کا تابناک سورج گڑھی خدا بخش کے قبرستان سے شہیدوں کے خون کی لالی لیکر طلوع ہوتا ہے.
    مزید یہ بھی پڑھیں؛
    پرویز خٹک کی جانب سے نئی پارٹی بنائے جانے پر عمران خان کا ردعمل بھی سامنے آ گیا
    ایشیا کپ سے متعلق معاملات طے پا گئے، میگا ٹورنامنٹ کا آغازکہاں سے ہوگا؟
    3 ماہ تک سمندر میں کچی مچھلی کھا کر اور بارش کا پانی پی کر زندہ رہنے والا شخص
    تحریک انصاف کے 44 اور ہمارے 14ماہ کا جائزہ لیا جائے،مریم اورنگزیب
    توشہ خانہ فوجداری کارروائی سے متعلق کیس کی سماعت 18 جولائی تک ملتوی
    آصف علی زرداری کا کہنا تھا کہ 18 ویں آئینی ترمیم جمہوریت کیلئے جانیں قربان کرنے والوں کی جدوجہد کی تکمیل ہے ، ہماری جدوجہد ابھی جاری ہے محترمہ بینظیر بھٹو شہید کا پاکستان بنائیں گے جبکہ جمہوری، خوشحال، خود مختار اور باوقار پاکستان جمہوریت پسندوں کی منزل ہے.


    دوسری جانب پیپلزپارٹی میں شمولیت اختیار کرنے والوں کی نیئر بخاری کی قیادت میں آصف علی زرداری سے ملاقات ہوئی جس میں مسلم لیگ ن یوتھ ونگ پنجاب کے نائب صدر رانا ارتضا کی پیپلزپارٹی میں شامل ہوگئے ہیں جبکہ سید محمد علی شاہ فیصل آباد سے سابق امیدوار صوبائی اسمبلی بھی پیپلزپارٹی میں شامل ہوئے ہیں.

    علاوہ ازیں اعلامیہ کے مطابق رانا ارسلان جاوید پی ٹی آئی آئی چھوڑ کر پیپلزپارٹی میں شامل اور اس کے ساتھ ہی ہری پور سے سابق آزاد امیدوار ذوالفقار قریشی بھی پیپلزپارٹی میں شامل جبکہ ہری پور سے ہی تعلق رکھنے والے ایک اور علی جواد بھی پیپلزپارٹی میں شامل ہوگئے ہیں.

  • چمن؛ بم کو ناکارہ بنا دیا گیا. ڈی پی او

    چمن؛ بم کو ناکارہ بنا دیا گیا. ڈی پی او

    چمن میں ریلوے اسٹیشن کے قریب پھاٹک کے ساتھ ہی چھپائے گئے ایک بم کو بم ڈسپوزل سکواڈ نے ناکارہ بنادیا ہے ۔ جبکہ بم کو ناکارہ بناتے وقت پورا علاقہ 5 گھنٹے تک سیل کردیا گیا تھا، چمن میں تخریب کاروں نے چمن ریلوے اسٹیشن کے قریب پھاٹک کے ساتھ ہی نالے میں آٹھ کلو گرام وزنی بم کو دہشت گردی کی غرض سے چھپایاگیا تھا۔

    ڈی پی او چمن محمد نعیم اچکزئی نے بتایا کہ بم کا کل وزن آٹھ کلو گرام تھا دراصل یہ ایک بارودی سرنگ نما بم تھا جوکہ ریلوے اسٹیشن جانے والی سڑک کے کنارے چھپایا گیا تھا، پولیس کو اطلاع ملتے ہی پورے علاقے کو سیل کردیا گیا اور پولیس اور دیگر سکیورٹی فورسز کو تعینات کردیا گیا اور بم کو ناکارہ بنانے کےلئے بم ڈسپوزل سکواڈ کو بھی فوری طلب کرلیا گیا تھا جس نے چار گنھٹے کی کوششوں کے بعد بم کے تاروں کو کاٹ کر اس سے ناکارہ بنایا ہے.
    مزید یہ بھی پڑھیں؛
    پرویز خٹک کی جانب سے نئی پارٹی بنائے جانے پر عمران خان کا ردعمل بھی سامنے آ گیا
    ایشیا کپ سے متعلق معاملات طے پا گئے، میگا ٹورنامنٹ کا آغازکہاں سے ہوگا؟
    3 ماہ تک سمندر میں کچی مچھلی کھا کر اور بارش کا پانی پی کر زندہ رہنے والا شخص
    تحریک انصاف کے 44 اور ہمارے 14ماہ کا جائزہ لیا جائے،مریم اورنگزیب
    توشہ خانہ فوجداری کارروائی سے متعلق کیس کی سماعت 18 جولائی تک ملتوی
    ڈی پی او کے مطابق بم کو ناکارہ بنانے کے بعد یوں اس طرح علاقے کو دہشت گردی سے بچالیا گیا ہے جبکہ بم کو دور ویرانے میں لے جاکر ناکارہ بنایا گیا ہے کیونکہ کسی نقصان سے بچنے کیلئے ایسی تدبیر کی گئی تھی بم کو جب ناکارہ بنایا جارہا تھا تو پورا علاقہ 5 گنھٹے تک مکمل سیل رہا اور کسی بھی شخص کو اس علاقے سے گزرنے کی اجازت نہیں دی گئی تھی۔

  • کراچی؛ پی ٹی آئی سیکریٹری اطلاعات گرفتار

    کراچی؛ پی ٹی آئی سیکریٹری اطلاعات گرفتار

    کراچی میں تحریک انصاف کے سیکریٹری اطلاعات سمیت پانچ کارکنان کو کراچی پریس کلب سے گرفتار کرلیا گیا ہے جبکہ پی ٹی آئی کے رہنماعلی پل ضلع کیماڑی کے جنرل سیکرٹری قادر خان کے ہمراہ پریس کانفرنس کرنے آئے تھے، پی ٹی آئی رہنماؤں کو پریس کلب پر نئے کارکنان کی شمولیت کے حوالے سے پریس کانفرنس کرنا تھی، تاہم پولیس نے کارروائی کرتے ہوئے ان رہنماؤں کو گرفتار کرلیا ہے

    https://twitter.com/PTIfan2929/status/1680915846108004352
    جبکہ حکام ذرائع کا کہنا ہے کہ کسی بھی ممکنہ ناخوشگوار واقعے کے پیش نظر کراچی پریس کلب کے اطراف میں پولیس کی بھاری نفری تعینات کردی گئی ہے، اور پولیس کی مزید نفری بھی طلب کرلی گئی ہے۔

    مزید یہ بھی پڑھیں؛
    پرویز خٹک کی جانب سے نئی پارٹی بنائے جانے پر عمران خان کا ردعمل بھی سامنے آ گیا
    ایشیا کپ سے متعلق معاملات طے پا گئے، میگا ٹورنامنٹ کا آغازکہاں سے ہوگا؟
    3 ماہ تک سمندر میں کچی مچھلی کھا کر اور بارش کا پانی پی کر زندہ رہنے والا شخص
    تحریک انصاف کے 44 اور ہمارے 14ماہ کا جائزہ لیا جائے،مریم اورنگزیب
    توشہ خانہ فوجداری کارروائی سے متعلق کیس کی سماعت 18 جولائی تک ملتوی
    جبکہ دوسری جانب پشاور کی انسداد دہشت گردی عدالت میں 9 اور 10 مئی واقعات میں ملوث پی ٹی آئی کے 18 کارکنان کی جانب سے گرفتاری سے بچنے کیلئے ضمانت کی درخواستیں دائر کی گئیں تھی، تاہم عدالت نے تمام کارکنان کی ضمانت خارج کردی تھی
    18 کارکنان کی ضمانت خارج ہوتے ہی پولیس نے تمام افراد کو کمرہ عدالت سے گرفتار کرلیا تھا، اور ملزمان کو تھانہ کابلی اور فقیرآباد پولیس کے حوالہ کردیا گیا۔ تمام افراد کو کل جسمانی ریمانڈ کیلئے متعلقہ عدالتوں میں پیش کیا جائے گا۔

  • کور کمانڈرز کانفرنس؛ داخلی سیکیورٹی صورتحال پرتفصیلی بریفنگ

    کور کمانڈرز کانفرنس؛ داخلی سیکیورٹی صورتحال پرتفصیلی بریفنگ

    آئی ایس پی آر کی جاری کردہ پریس ریلیز کے مطابق آرمی چیف جنرل سید عاصم منیر کی زیرصدارت کور کمانڈرز کانفرنس ہوئی ہے جس میں شہدا کو زبردست خراج عقیدت پیش کیا گیا جبکہ پاک فوج کے شعبہ تعلقات عامہ کے مطابق پاک فوج کے سربراہ جنرل عاصم منیر کی زیر صدارت میں 258 ویں کور کمانڈر کانفرنس تھی۔

    آئی ایس پی آر کے مطابق کانفرنس میں ہمسایہ ممالک میں کالعدم ٹی ٹی پی اور دہشت گرد گروپوں پر بھی بریفنگ دی گئی ہے، اور دہشت گرد گروپس کے پاس جدید اسلحے کی موجودگی پر تشویش کا اظہار بھی کیا گیا ہے جبکہ آئی ایس پی آر کے مطابق افواج پاکستان کی آپریشنل تیاریوں اور ٹریننگ پر بھی تفصیلی بریفنگ دی گئی جس میں پاک فوج کے سربراہ جنرل عاصم منیر نے کہا کہ ٹریننگ اور پیشہ ورانہ تیاریاں داخلی سلامتی کیلئے ضروری ہیں۔
    مزید یہ بھی پڑھیں؛
    پرویز خٹک کی جانب سے نئی پارٹی بنائے جانے پر عمران خان کا ردعمل بھی سامنے آ گیا
    ایشیا کپ سے متعلق معاملات طے پا گئے، میگا ٹورنامنٹ کا آغازکہاں سے ہوگا؟
    3 ماہ تک سمندر میں کچی مچھلی کھا کر اور بارش کا پانی پی کر زندہ رہنے والا شخص
    تحریک انصاف کے 44 اور ہمارے 14ماہ کا جائزہ لیا جائے،مریم اورنگزیب
    توشہ خانہ فوجداری کارروائی سے متعلق کیس کی سماعت 18 جولائی تک ملتوی
    آئی ایس پی آر کا بتانا ہے کہ کور کمانڈر کانفرنس میں فورم کو حکومت پاکستان کے معاشی اصلاحات کے پروگرام اور افواج پاکستان کے زراعت اور آئی ٹی اور ڈیفنس پروڈکشن کے شعبوں میں کردار پر بھی بریفنگ دی گئی۔ کانفرنس میں اسپیشل انویسٹمنٹ فیسلیٹیشن کونسل کے زیر اہتمام کیے جانے والے اقدامات پر بھی فورم کو بریف کیا گیا، جب کہ شرکاء نے حکومت پاکستان کی جانب سے معاشی اصلاحات کے لیے اٹھائے جانے والے تمام اقدامات کی حمایت اور تکنیکی مدد فراہم کرنے پر زور دیا۔