تصویریں

بستی ملوک(نمائندہ باغی ٹی وی ) تجاوزات کے خلاف کیا گیا آپریشن پھرناکام تاجروں کا کہنا تھا کہ ڈی سی ملتان کے حکم پر اے سی صدر کی زیر نگرانی تجاوزات کے خلاف کیا گیا اپریشن تاجر برادی سے مشاورت نہ ہونے کی بناپر ناکام ہوا اے سی صدر نے کچھ دن قبل تاجروں سے میٹنگ کی جس میں کئی تجاویز زیر بحث آئیں اور ایک طریقہ کار طے کیا گیا تھا لیکن اے سی صدر طیب خان نے من مرضی سے کام لیاجس کی وجہ سے دوسرے دن ہی ریڑھی مافیانے سڑک پر قبضہ جما لیا اور غیر قانونی تعمیر خان پلازہ کے سامنے قائم ویگن اسٹینڈورکشہ اسٹینڈ بھی قائم ہوگیا جس کے باعث ٹریفک کے مسائل جوں کے توں ہوگئےشہریوں نے ڈی سی ملتان سے اپیل کی ہے کہ دنیا پور روڈ پر دوکانداروں کو سامان رکھنے کی حد مقرر کی جائے اور جو بھی اس حد سے تجاوز کرے ان کے خلاف قانونی کاروائی عمل میں لائی جائے ریڑھی مافیا کو بھی اسی حد میں ریڑھیاں کھڑی کرنے کا پابند کیا جائے بصورت سخت کاروائی ہو تاکہ بستی ملوک کے شہری ٹریفک بلاک ہونے پر جس اذہیت کا شکار ہوتے ہیں اس سے مستقل نجات پاسکیں۔ رانا اظہر منیر باغی ٹی وی ملتان شجاع آباد

بستی ملوک(نمائندہ باغی ٹی وی ) ناجائز تعلقات کے شبہ میں نوجوان پر بہیمانہ تشدد تفصیلات کے مطابق تھانہ بستی ملوک کے علاقے گردیزی موڑ کے قریب یہے واقع پیش آیا جہاں عبدالشکور نامی شخص نے اپنے درجنوں ساتھیوں کیساتھ ملکر محمد رمضان بعمر 16/17 کو بہیمانہ تشدد کا نشانہ بنایا ہے،ایف آئی آر کے متن سے تشدد کی وجہ یہ معلوم ہوئی ہے کہ عبدالشکور کو شبہ تھا کہ رمضان کے اسکی بیٹی کیساتھ ناجائز تعلقات ہیں جس پر اس نے اپنے دس سے زائد ساتھیوں کیساتھ ملکر رمضان کو سرعام تشدد کا نشانہ بنایا،
فوٹیج میں دیکھا جاسکتا ہے کہ رمضان کو کس بیدردی اور بے رحمی کیساتھ ڈنڈوں، سوٹوں، مکوں اور تھپڑوں سے پیٹا جارہا ہے اس کی تذلیل اور تضحیک کی جارہی ہے اور ملزمان رمضان کو گالیاں دے رہے ہیں،
ذرائع کے مطابق یہ واقعہ تقریبا ایک ماہ قبل کا ہے پر کوئی کاروائی عمل میں نا لائی گئی تاہم سپشل برانچ انٹیلیجنس ونگ کی جانب سے واقعہ کی ویڈیوز اور مکمل ثبوت فراہم کیے جانے کے بعد مقدمہ درج کیا گیا ، ذرائع کے مطابق پولیس ملزمان کے خلاف مقدمہ درج نہیں کررہی تھی لیکن سپیشل برانچ انٹیلیجنس ونگ کے فلیڈ افسران کی جانب سے ملزمان کے خلاف تمام ریکارڈ اکٹھا کیا گیا اور پولیس تک پہنچایا گیا جس پر مقدمہ درج کیا گیا۔ ترجمان پولیس فیاض احمد کے مطابق واقعہ میں ملوث مرکزی ملزم سمیت سات ملزمان کو گرفتار کرلیا گیا جبکہ باقی ملزمان کی گرفتاری کیلیئے چھاپے مارے جارہے ہیں۔رانا اظہر منیر نمائندہ باغی ٹی وی ملتان شجاع آباد

شجاع آباد( نمائندہ باغی ٹی وی ) شجاع آباد کی سیاسی اور سماجی مشہور و معروف شخصیت رانا ثناءاللہ نون نے کشمیر کے حوالے سے میڈیا سے گفتگو کرتے ہوئے کہا کہ کشمیر ایک عالمی مسئلہ ہے اور عالمی طاقتوں کو اس مسئلہ کے حل کے لیے سنجیدگی سے سوچنا ہوگا کشمیر کے مسئلہ پر عالمی طاقتوں کی جانب سے توجہ نہ دینے کے باعث بھارت نے کشمیر میں ظلم اور بربریت کو اور بڑھا دیا ہے۔کشمیر کی خصوصی اہمیت کو ختم کرکے بھارت نے اپنے اکڑ پن کا مظاہرہ کیا ہے نہتے اور مظلوم کشمیریوں پر ظلم ہم بالکل برداشت نہیں کریں گے ۔آزادی کشمیریوں کا حق ہے اور بھارت کو ہر صورت کشمیریوں کو ان کا حق دینا ہوگا کشمیر پاکستان کی شہ رگ ہے اور پوری پاکستانی قوم اپنے کشمیری بھائیوں کے ساتھ کھڑی ہے ہم بحثیت پاکستانی قوم بھارت کو آگاہ کردینا چاہتے ہیں اگر پاکستان کے خلاف کسی بھی قسم کی کوئی مہم جوئی کی گئی تو پوری پاکستانی قوم سیسہ پلائی دیوار کی طرح اپنی مسلح افواج کے ساتھ کھڑی ہے اور دشمن کو ہر محاذ پر دندان شکن منہ توڑ جواب دیا جائے گا ہماری عالمی برادری سے درخواست ہے کہ کشمیر کے مسئلے کو سنجیدگی سے حل کریں کیونکہ یہ معمولی مسئلہ نہیں ہے بھارت دہشتگرد ملک ہے بھارت کشمیر کے اندر ظلم و بربریت کے پہاڑ توڑ رہا ہے عالمی برادری اس کا نوٹس لے ۔رانا اظہر منیر نمائندہ باغی ٹی وی ملتان شجاع آباد

بستی ملوک (نمائندہ باغی ٹی وی ) جشن آزادی کے موقع پر اسلام پور میں شجر کاری مہم کا افتتاح کر دیا گیاتفصیل کے مطابق نجی تعلیمی ادارے اعظم پبلک سکول کے پرنسپل سلیم طاہر اور ایڈوکیٹ علی بہادر کے ہمراہ ہومن ٹیرین سوسائٹی کے ممبران کیمسٹ عدیل رفیق، انجینئر ثقلین،حسین نعمت،انجینئر یاسر،انجینئر مدثر، جنید علی بہادر،راؤ ارسلان، ایگری کلچر انجینئر عدنان جمیل،اسامہ محمد علی نے شجر کاری مہم کا آغاز کیا جس کے تحت پہلے فیز میں اگست کے مہینے میں 100پودے لگائے جائیں گے سکول پرنسپل سلیم طاہر نے صحافیوں کو بتایا کہ شجرکاری مہم عمران خان کے وزن گرین پاکستان کا حصہ ہے اور انشاء اللہ فیز ٹو میں بھی 100پودے لگائے جائیں گے۔ رانا اظہر منیر نمائندہ باغی ٹی وی ملتان شجاع آباد

بستی ملوک(نمائندہ باغی ٹی وی) نیشنل ہائی ویزاینڈ موٹروے پولیس بیٹ نمبر19بستی ملوک کا عید کے رش کی وجہ سے اوور چارجنگ کرنے پرپبلک ٹرانسپورٹ کے خلاف بھر پور ایکشن۔گاڑی مالکان کو بھاری جرمانے اور وصول کردہ زائد کرایہ موقع پر مسافروں کو واپس تفصیلات کے مطابق ڈی ایس پی موٹروے ملک احسان الحق، ایڈمن موٹروے شفیق اشرف قیصرانی،آپریشن آفیسر محمد صفدر ملک نے میڈیا نمائندوں کو بتایا کہ ایس پی ندیم اشرف وڑایچ کی خصوصی ہدایات پر اوور چارجنگ کرنے والوں کے خلاف خصوصی مہم شروع کی گئی ہے عید کی چھٹیوں کے بعد مسافروں کی اپنے گھروں سے دیگر شہروں میں واپسی پر ٹرانسپورٹرنے زبردستی زائد کرایہ وصولی شروع کر رکھی ہے جس پر موٹروے پولیس نے کاروائی کرتے ہوئے جگہ جگہ پر گاڑیوں کو روک کر مسافروں سے زائد کرایہ وصول کرنے پر بھاری جرمانے شروع کردیئے جبکہ موقع پر زائد کرایہ بھی مسافروں کو واپس کروایا جا رہا ہے۔ رانا اظہر منیر نمائندہ باغی ٹی وی ملتان شجاع آباد

شجاع آباد (نمائندہ باغی ٹی وی )
شجاع آباد ینگ القریش یوتھ ونگ شجاع آباد اور انجمن رہڑھی بانوں کی جانب سے بھارت کی آزادی 15 اگست پر یوم سیاہ کے طور پر ریلی نکالی گئی ریلی اندرون ریلوے گیٹ سے شروع ہوکر پرانہ تھانہ سٹی چوک پر اختتام پذیر ہوئی ریلی کی قیادت شیخ عبد الوحید قریشی عمر دراز قریشی سید علی رضا اور ملک زاہد نے کی اس موقع ریلی کے شرکاء نے مودی مردہ باد اور کشمیر بنے گا پاکستان کے بھی نعرے لگائے
اس موقع پر مقررین نے کہا کہ ہم کشمیر کے مسئلے کو انٹرنیشنل لیول تک لے کر جائیں گے، سمجھ میں نہیں آرہا ہے کے کشمیریو ں کے ساتھ اتنا بڑا ظلم ہو رہا ہے پھر بھی عالمی ادارے کیوں خاموش ہیں
اس کے بعد سکول کے طلبہ کی جانب سے ملی نغمے اور ٹیبلوز پیش کئے گئے۔ رانا اظہر منیر نمائندہ باغی ٹی وی ملتان شجاع آباد

شجاع آباد (نمائندہ باغی ٹی وی ) ملک کے دیگر چھوٹے اور بڑے شہروں کی طرح شجاعباد میں بھی آج 15 اگست کو بھارت کے یوم آزادی کے موقع پر یوم سیاہ منایا گیا اس موقع پر ایک ریلی کا انعقاد کیا گیا اس ریلی کا انعقاد راؤ عمر نے کروایا ریلی میں موجود شرکاء نے بھارت مردہ باد مودی مردہ باد کے نعرے لگائے مقررین نے اپنے خطاب میں کہا بھارت کا کشمیر پر ناجائز قبضہ ناقابل برداشت ہے ایک عرصہ دراز سے مظلوم کشمیریوں پر بھارت نے اپنے ظلم و جبر کے پہاڑ توڑ دیے ہیں ہماری ماؤں بہنوں کی عزتیں لوٹی جارہی ہیں عورتوں بچوں بوڑھوں اور نوجوانوں کو قتل کیا جا رہا ہے ۔بڑے افسوس کی بات ہے عالمی طاقتیں اب بھی اتنا ظلم و جبر دیکھنے کے بعد خاموش ہیں ۔مقررین نے مزید کہا کہ کشمیری بھائی خود کو اکیلا نہ سمجھیں پاکستانی پوری قوم کشمیری بھائیوں کے ساتھ ہیں۔آج بھارت کے یوم آزادی کے موقع پر پاکستانی قوم اور کشمیری عوام نے اس دن کو یوم سیاہ کے طور پر منا کر ثابت کردیا ہے کہ کشمیر پاکستان کی شہ رگ ہے اور انشاءاللہ بہت جلد کشمیر پاکستان بنے گا ۔کشمیر کشمیریوں کا ہے اب ہم بھارت کو کشمیر سے باہر نکال کر ہی دم لیں گے ۔انہوں نے مزید کہا کہ جب تک کشمیر آزاد نہیں ہوجاتا اس وقت تک ہماری جدوجہد جاری رہے گی رانا اظہر منیر نمائندہ باغی ٹی وی ملتان شجاع آباد

شجاع آباد(نمائندہ باغی ٹی وی ) شجاع آباد کے نواحی علاقہ بستی محمد پور میں قائداعظم یوتھ اتحاد فاؤنڈیشن کی جانب سے 14اگست اور یوم یکجہتی کشمیر کے حوالے سے ایک خوبصورت تقریب کا انعقاد کیا گیا اسٹیج کی صدارت ملک زاہد نے سنبھالی مہمان خصوصی میں شازیہ عباسی کھکھ صاحبہ ،حاجی صادق ملانہ ،چیئرمین میاں یعقوب بھٹی قائداعظم یوتھ اتحاد فاؤنڈیشن ،ملک اللہ نواز وینس چیئرمین پاکستان سرائیکی پارٹی ۔ایسویسی ایٹ ایڈیٹر طحہ منیب صاحب باغی ٹی وی نے اس تقریب میں خصوصی طور پر شرکت فرما کر تقریب کو چار چاند لگا دیے ۔مقررین نے اپنے خطاب میں کہا کشمیر پاکستان کی شہ رگ ہے پوری پاکستانی قوم مظلوم کشمیری بھائیوں کے شانہ بشانہ کھڑی ہے ۔بھارت نے کشمیر پے ظلم و ستم کے پہاڑ توڑ دیے ہیں ہم کسی صورت بھی پاکستان کے ساتھ ایک نیا فلسطین نہیں بننے دیں گے آزادی کشمیریوں کا بنیادی حق ہے اور انہیں اپنے حق سے کوئی محروم نہیں سکتا ۔انشااللہ کشمیر کی آزادی تک ہماری جدوجہد جاری رہے گی کشمیر کی آزادی سنجیدہ مسئلہ ہے بھارت کو ہرصورت کشمیریوں کو ان کا حق واپس کرنا ہوگا ۔مقرر ین نے مزید کہا کہ اگر بھارت نے پاکستان کے ساتھ کسی قسم کی کوئی بھی مہم جوئی کی تو پوری پاکستانی قوم اپنی مسلح افواج کے ساتھ کھڑی ہے بھارت کو منہ توڑ دندان شکن جواب دیا جائے گا بھارت کو اب ہر صورت کشمیر کو آزادی دینا ہوگی بھارت اب کشمیری بھائیوں کو ان کے حق سے مزید محروم نہیں رکھ سکتا ۔تقریب میں قائداعظم یوتھ اتحاد فاؤنڈیشن کی جانب سے میٹرک میں اول آنے والے طالب علموں کو اسناد پیش کی گئی اس تقریب میں نعت تقاریر اور ملی نغمے بھی پیش کئے گئے چھوٹے بچوں نے ملی نغموں پر ٹیبلو پیش کر کے تقریب کے ماحول کو خوشگوار بنا دیا ۔رانا اظہر منیر نمائندہ باغی ٹی وی ملتان شجاع آباد

شجاع آباد (نمائندہ باغی ٹی وی) پاکستان بنایا تھا پاکستان بچائیں گے اپنے وطن کی خاطر ہم جاں لٹائیں گے, سنا ہے بہت سستا ہے خون وہاں کا اک بستی جسے لوگ کشمیر کہتے ہیں, عظیم الشان سالانہ استحکام پاکستان و یکجہتی کشمیر موٹر سائیکل ریلی 14 اگست بروز بدھ شام 5 بجے مرکز اہلسنت نوری جامع مسجد سے نکالی جاۓ گی جس کی قیادت مجاہد اہلسنت پاسبان مسلک رضا حضرت مولانا حاجی عاشق علی خان قادری صاحب نائب صدر جمعیت علماء پاکستان جنوبی پنجاب و سابقہ امید وار پی پی 221 شجاع آباد تحریک لبیک پاکستان فرمائیں گے تمام عاشقان رسول ص و غیور پاکستانیوں سے بھر پور شرکت کی اپیل ہے اس ریلی میں شرکت فرماکر حب الوطنی اور کشمیر کے مظلوم مسلمانوں سے محبت کا ثبوت دیں نوٹ تمام کارکنان اہلسنت کوشش کریں موٹر سائیکل ہمراہ لائیں طالب دعا عبدالوھاب قادری نورانی خادم اہلسنت شجاعآباد ۔رانا اظہر منیر نمائندہ باغی ٹی وی ملتان شجاع آباد