تصویریں

گجرات (نمائندہ باغی ٹی وی) سپیکر پنجاب اسمبلی چوہدری پرویز الٰہی کے بیٹے چوہدری مونس الٰہی کے حلقہ این اے 69 کے گاؤں لوراں کی سڑکیں اور گلیاں تلاب کا منظر پیش کرنے لگیں۔تفصیلات کے مطابق سپیکر پنجاب اسمبلی چوہدری پرویز الٰہی کے بیٹے چوہدری مونس الٰہی کے حلقہ این اے 69 کے گاؤں لوراں کی سڑکیں اور گلیاں تلاب کا منظر پیش کر رہی ہیں گائوں کے لوگوں کا گلیوں اور سڑکوں پر چلنا ایک سہانا خواب بن کر رہ گیا ہے جبکہ گندہ پانی مسلسل کھڑا ہونے کی وجہ سے علاقے میں تعفن پھیلا ہوا ہے اور وبائی امراض میں بھی دن بدن اضافہ ہو رہا ہے عوام نے وزیر اعلی پنجاب سے فوری نوٹس لینے کا مطالبہ کیا ہے

گجرات(نمائندہ باغی ٹی وی)جماعت اسلامی گجرات سٹی کے زیراہتمام مصرکے پہلے منتخب صدر ڈاکٹرمحمد مرسی کی غائبانہ نمازجنازہ کااہتمام عنایت پارک فوارہ چوک میں کیاگیاجماعت اسلامی پنجاب کے امیرڈاکٹرطارق سلیم نے غائبانہ نمازجنازہ پڑھائی ،غائبانہ نمازجنازہ میں جماعت اسلامی گجرات سٹی کے رہنماﺅں ساتھیوں کارکنان سمیت عام شہریوں نے بڑی تعداد میں شرکت کی غائبانہ نمازجنازہ کے لئے انتظامات سٹی امیریاسرسروش نے جنرل سیکرٹری چوہدری افتخار سرور،حاجی جاوید اقبال بٹ ،ڈاکٹراسحاق، چوہدری صفدروڑائچ ،راجہ نعیم خاورودیگرکے ہمراہ کیے تھے۔نمازجنازہ میں سینکڑوں شہری موجود تھے خطاب کرتے ہوئے جماعت اسلامی پنجاب کے امیرڈاکٹرطارق سلیم نے کہاکہ مصرکے پہلے منتخب صدر کی آمرانہ قید میں موت حقیقت میں شہادت ہے اوران کی موت جمہوریت انصاف اورانسانی حقوق کی چیمپین عالمی طاقتوں کی موت ہے جنرل سیسی مصر میں فرعون وقت بن گئے ہیں اورعالمی طاغوتی ایجنڈا پورا کررہے ہیں عرب حکمران پہلے منتخب مصری صدرکے قاتل ہیں جنہوں نے اقتدارپرقبضہ کرنے والے درندے جرنیل اوراس کے ٹولے کی حمایت کی ڈاکٹرطارق سلیم نے جماعت اسلامی گجرات سٹی کے رہنماﺅں کی کارکردگی کو سراہاہے غائبانہ نمازجنازہ کے موقع پرراجہ ساجد شریف، قاری مختاراطہر،احمد سلطان غزالی سکول، قاری میاں احمد،محمد آصف سمیت جماعت اسلامی کے مقامی رہنما بھی موجودتھے۔

گجرات(نمائندہ باغی ٹی وی)ڈپٹی کمشنر ڈاکٹر خرم شہزاد کے حکم پر ایڈمنسٹر ڈاکٹر رانی حفصہ کنول کی ہدایات پر چیف آفیسر چوہدری اخلاق وڑائچ نے شہر کے مختلف چوکوں میں فلڈ کنٹرول روم قائم کر دئیے ہیں تفصیلات کے مطابق میونسپل کارپوریشن گجرات کی جانب سے مختلف جگہوں پر فلڈ کنٹرول روم کے خیمے لگا دئیے گئے ہیں جو جیل چوک ،ایدھی سنٹر ،میونسپل کارپوریشن گجرات و دیگر چوکوں میں خیمے لگائے گئے ہیں جس پر چیف آفیسر چوہدری اخلاق وڑائچ نے کہا کہ فلڈ کنٹرول روم قائم ہو نے سے لوگوں کو سہولیات میسر ہو سکیں گی تاکہ لوگ فلڈ کنٹرول روم سے رابطہ کر سکتے ہیں جبکہ میونسپل کارپورےشن گجرات میں بھی شکایات سیل قائم کر دئیے گئے ہیں اور اس کے ساتھ ساتھ مختلف جگہوں پر فلڈ کنٹرول روم میں عوام الناس کی سہولیات کےلئے شکایات کا ازالہ کیا جائے گا

گجرات(نمائندہ باغی ٹی وی)ڈپٹی کمشنر ڈاکٹر خرم شہزاد نے کہا ہے کہ کسانوں کو کاشتکاری کے جدید طریقوں سے آگاہ کرنے کیلئے فارمرز ٹریننگ پروگرامز پر بھرپور توجہ دی جارہی ہے، ضلع کے مختلف علاقوں سے زرعی زمین ک ے11586 نمونہ جات کا تجزیہ کرکے رپورٹس اور بہتر پیداوار کیلئے سفارشات اراضی مالکان کو فراہم کی گئی ہے،ان خیالات کا اظہار انہوں نے فصلوں، دودھ اور گوشت کی پیداوار میں اضافہ کیلئے ضلعی سطح پر اقدامات کی تفصیلات بیان کرتے ہوئے کیا، ڈپٹی کمشنر نے ڈنگہ کے نواحی علاقہ میں لنک روڈ کے حوالے سے شہریوں کے وفد سے بھی ملاقات کی، اے سی کھاریاں فیصل عباس مانگٹ، ریونیو آفیسر محمد افضل بھی موجود تھے۔ ڈپٹی کمشنر نے بتایا کہ محکمہ زراعت کے افسران کو باقاعدگی سے فارمر ٹریننگ پروگرام منعقد کرنے کی ہدایت کی گئی ہے اور یکم جولائی سے ابتک ضلع گجرات میں مجموعی طور پر 3004فارمرز ٹریننگ پروگرام منعقد کئے جاچکے ہیں ان میں تحصیل گجرات میں 1803تحصیل کھاریاں میں 998اور تحصیل سرائے عالمگیر میں 203فارمر ٹریننگ پروگرامز منعقد کئے گئے ہیں، فارمر ٹریننگ پروگرام میں محکمہ زراعت توسیع کیساتھ لائیو سٹاک، واٹر مینجمنٹ سمیت دیگر محکمہ جات کے افسران کو بھی شرکت کی ہدایت کی گئی ہے تاکہ کسانوں کو ایک ہی پلیٹ فارم پر بھرپور راہنمائی میسر آسکے۔انہوں نے محکمہ زراعت اور ملحقہ محکموں کو ہدایت کی کہ بہترزرعی پیداوار، دودھ اور گوشت کی پیداوار میں اضافہ کیلئے کسانوں سے قریبی رابطہ رکھیں اور انہیں ہر ممکن راہنمائی فراہم کی جائے

گجرات (نمائندہ باغی ٹی وی ) جماعت اسلامی کے مرکزی امیر سینٹر سراج الحق نے گجرات کا دورہ کیا اور جے آئی یوتھ کے شیر اہتمام گرینڈ مارکی میں عید مِلن پارٹی میں شرکت کی جہاں پر ان کا پر تپاک استقبال کیاگیا عید مِلن پار ٹی پی ٹی آئی کے امیدوار سید تصور شاہ نے جماعت اسلامی میں شمولیت کا باقاعدہ اعلان کیا امیر جماعت اسلامی پنجاب شمالی ڈاکٹر طارق سلیم ۔۔ضلعی صدر سید ضیا اللہ شاہ ۔چوہدری نثار احمد ایڈوکیٹ ۔چوہدری انصر دھول ایڈوکیٹ ۔۴افتحار سروش ۔چوہدری انور وڑایچ ۔دیگر رہنما موجود تھے سینٹر سراج الحق نے وفاقی بجٹ کو آی ایم ایف کا بجٹ قرار دتیے ہوے کہا کہ ہم اس بجٹ کو مسترد کرتے ہیں انہوں نے کیا کہ عوامی نمائندہ وفاقی وزیر اسد عمر کو ہٹا کر آئی ایم ایف کے نمائندہ کو آگے لایا گیا اور آئی ایم ایف کی مرضی کا بجٹ پیش کیا گیاحکومت ناکامُہو چکی ہے یہ اور مدینہ کی ریاست بنانے کی بات کرنے والی حکومت مدینہ کی بدنامی کا باعث بن گئی ہے