تصویریں

گجرات (نمائندہ باغی ٹی وی)جماعت اسلامی کے مرکزی امیرسینیٹرسراج الحق آج گجرات آئیں گے وہ جے آئی یوتھ کے زیراہتمام بھمبرروڈ پرگرینڈ کانٹیننٹل مارکی میں عید ملن پارٹی تقریب کے شرکاءسے خطاب کریں گے جے آئی یوتھ جماعت اسلامی ضلع گجرات جماعت اسلامی گجرات سٹی کے عہدیداران کارکنان نے عید ملن پارٹی تقریب کی تیاریاں مکمل کرلی ہیں تقریب میں جماعت اسلامی کے حامیوں کی بڑی تعداد کی شرکت متوقع ہے۔تقریب بعد ازنمازجمعہ شروع ہوگی۔

گجرات (نمائندہ باغی ٹی وی)جماعت اسلامی پنجاب کے امیرڈاکٹرطارق سلیم نے کہاہے کہ بجٹ میں غریب اورعام آدمی کی زندگی بہتربنانے کے لئے کوئی اقدامات نہیں کیے گئے تبدیلی سرکار سے امیدیں وابستہ کرنے والے مہنگائی کی دلدل میں پھنستے چلاجارہے ہیں خطے غربت سے نیچے زندگی گزارنے والوں میں تیزی سے اضافہ ہورہاہے اوراس سے حکمرانوں کے وعدوں کی قلعی کھل گئی ہے وہ گزشتہ روز میڈیا سے گفتگوکررہے تھے ڈاکٹرطارق سلیم نے کہاکہ کرپشن کرنے والوں اورملکی معیشت کے ساتھ کھیلواڑ کرنے والے سیاستدانوں کی گرفتاری درست مگر وزیراعظم اپنی پارٹی میں اوراتحادیوں میں شامل نامی گرامی کرپٹ افراد کوساتھ رکھ کر انہیں ریلیف دیکرکس قسم کااحتساب کررہے ہیں جب سے تبدیلی سرکارآئی ہے سرکاری دفاترمیں کرپشن کے ریٹ بڑھ گئے ہیں عام آدمی کی کوئی شنوائی نہیں بلکہ اس کی رسوائی بڑھ گئی ہے احتساب بلاتفریق حکمران جماعت اوراپوزیشن سب کاہوناچاہیے پانامہ کے دیگر436افراد کھلے پھررہے ہیں حکمرا ن اتحاد میں شامل وزراءاوراتحادیوں کی کرپشن کی فائلیں غیبی ہاتھوں نے بندکرادی ہیں موجودہ بجٹ الفاظ کی جادوگری کے باوجود چیخ چیخ کرکہہ رہاہے کہ یہ مہنگائی کاسونامی لائے گی غریب اوردرمیانے درجے کے لوگوں کاچولہا بجھے گا بے چینی پھیلے گی حکمرانوں کے اللے تللوں اورلوٹ مارکے باعث غریب آدمی خود کشیوں اورمحرومیوں کے راستوں پرچل نکلے گا۔

گجرات (نمائندہ باغی ٹی وی ) عید الفطرکے فوری بعدضلع گجرات کے درجن سے زائد SHO’sکو تبدیل کردیاگیا.ڈی پی او گجرات سید علی محسن نے ایس ایچ او تھانہ بی ڈویژن لالہ ظفر کوتبدیل کرکے عدنان شہزادکوایس ایچ او بی ڈویژن لگادیا جبکہ تھانہ لاری اڈہ کے ایس ایچ او رانا عامرسعید کوتبدیل کرکے ایس ایچ او سٹی لالہ موسیٰ اور اُن کے جگہ ایس ایچ او صدر گجرات صفدر عطاء بھٹی کو ایس ایچ او تھانہ لاری اڈہ لگادیاگیاایس ایچ او تھانہ شاہین گجرات رائے فیاض احمد کوتبدیل کرکے ایس ایچ او کڑیانوالہ اور ایس ایچ او سٹی سرائے عالمگیرراجہ احسان کوایس ایچ تھانہ شاہین تعینات کردیاگیا۔ایس ایچ او کڑیانوالہ ملک نذیر کوتبدیل کرکے ایس ایچ او تھانہ صدر گجرات جبکہ ایس ایچ او صدر جلالپورجٹان مہدی خاں رانجھا کوتبدیل کرکے اُن کے جگہ ایس ایچ او ٹانڈہ الطاف حسین کو ایس ایچ او صدر جلالپورجٹاں لگادیاگیا۔ایس ایچ او سٹی جلالپورجٹاں ارشد ڈفر کوتبدیل کرکے سب انسپکٹر عدنان تارڑکو ایس ایچ او تعینات کردیاگیاسب انسپکٹر تنویربھٹی کوایس ایچ او تھانہ ٹانڈہ،سب انسپکٹر لیاقت گجر کوایس ایچ او تھانہ دولت نگر،سب انسپکٹر رائے فیاض کو ایس ایچ اوتھانہ کڑیانوالہ لگادیاگیاہے۔جبکہ ایس ایچ او سٹی لالہ موسیٰ اعجاز علی کوتبدیل کرکے ایس ایچ او سٹی سرائے عالمگیر اور انچارج سی آئی اے سٹاف بابرزمان بٹ کو ایس ایچ او صدر سرائے عالمگیر تعینات کیاگیاہے۔تمام نئے ایس ایچ اوز نے چارج سنبھال کرکام شروع کردیاہے۔