Author: +9251

ٹی وی ڈراموں میں ہر وقت رونے دھونے والے کرداروں میں نظر آنے والی ہانیہ عامر ذاتی زندگی میں بہت زیادہ ہنسی مذاق کرنے والی لڑکی ہیں . سیٹ پر ہر وقت ہر کسی سے چھیڑ چھاڑ کرتی ہیں. چلبلی اس اداکارہ کی ایک وڈیو سوشل میڈیا پر بہت زیادہ وائرل ہو رہی ہے جس میں یہ اداکارہ رابعہ کلثوم کے ساتھ ڈانس کرتی ہوئی دکھائی دے رہی ہیں. چند سیکنڈز کی اس ڈانس وڈیو نے سوشل میڈیا پر دھماکہ کر دیا ہے، شائقین کو ہانیہ عامر ہنستی مسکراتی اور ڈانس کرتی ہانیہ عامر بہت اچھی لگ رہی ہیں. ہانیہ عامر نے وڈیو میں شلوار قمیض زیب تن کر رکھی ہے اور ہلکے میک اپ کے ساتھ بال بھی سادے ہی بنا رکھے ہیں. ہانیہ عامر بہت ہی پروفیشنل انداز میں ڈانس کررہی ہیں. ہر طرف اس وڈیو کے بہت

زیادہ چرچے ہورہے ہیں. یاد رہے کہ ہانیہ عامر ٹی وی ڈراموں کے ساتھ ساتھ فلموں میں بھی کام کر چکی ہیں. گوکہ ہانیہ بڑی سکرین پر کوئی خاص جادو نہیں چلا سکیں لیکن چھوٹی سکرین پر یہ ایک کامیاب اداکارہ ہیں. اداکارہ کسی نہ کسی حوالے سے سوشل میڈیا پر چھائی رہتی ہیں ، ہانیہ عامر کا نام تقریبا ہر دوسری کنٹرورسی میں ہوتا ہے ، لیکن ہانیہ عامر نے چند روز پہلے ایک انٹرویو دیا تھا اس میں انہوں نے کہا کہ مجھے لگتا ہے کہ مجھے احتیاط سے بات کرنی چاہیے سوشل میڈیا کا دور ہے کبھی بھی کوئی بھی بات ، بات کا بتنگڑ بن جاتی ہے.

کامیڈین جاوید کوڈو نے ایک دھماکے دار وڈیو پیغام جاری کیا ہے اس میں انہوں نے پی ٹی آئی کے سربراہ عمران خان کی دھلائی کر دی ہے. انہوں نے کہا ہے کہ سیلاب سے لوگ مررہے ہیں اور تمہیں جلسے کرنے کی پڑی ہوئی ہے،کروڑوں روپے جو جلسوں پر لگا رہے ہو سیلاب زدگان پر نہیں‌لگا سکتے ؟. مجھے اس بندے کی سمجھ نہیں آتی اس کو جو پیار کرتے ہیں مجھے ان کی بھی سمجھ نہیں آتی وہ کیا کررہے ہیں عمران خان کو یاد نہیں ہے کہ اس نے مرنا بھی ہے اللہ کو کیا جواب دے گا ؟. صرف اقتدار کے پیچھے پڑا ہوا ہے او یار کچھ تو خدا کا خوف کھائو ، میں جب چھوٹا تھا تم 26 سال کے تھے آج میں 52 کا ہوں اور تم وہیں کے وہیں ہو تم نے آج تک ملک کے لئے کچھ نہیں کیا. تم منہ اٹھا کر شہیدوں کے خلاف بات کر دیتے ہو تمہاری ایک ٹانگ بازو ناک کاٹ دی جائے تو تمہیں شہیدوں کا رتبہ سمجھ میں آئے. جو دل میں آتا ہے بول دیتے ہو کسی پر بھی الزام لگا دیتے

ہو او کس قسم کے انسان ہو؟. جاوید کوڈو نے مزید یہ بھی کہا کہ تم تو ملک کے لئے منحوس ثابت ہوئے ہو جب سے آئے ہو کبھی کوئی مصیبت کبھی کوئی مصیبت . مصبیتیں ختم ہونے کا نام ہی نہیں‌لے رہیں . رات کو سوتے بھی خیال نہیں آتا تمہیں کہ تم کیا کررہے ہو رات سوتے ہی تمہیں موت آجائے تو کیا کرو گے؟تمہیں اقتدار کی اتنی ہوس ہے کہ جو کرنا پڑے اس کے لئے کررہے ہو. چوہدری برادران اور شریف بردران نے بہت کام کیا اور تم نے آج تک کچھ نہ کرکے دکھایا ہے ساری قوم کو الٹے کاموں پر اکسایا ہے تم نے . ہوش کرو یار . موت آگئی تو کیا تم یہ دنیا ساتھ لیجائو گے بنی گلالہ ساتھ لیجائو گے؟‌تمہیں خیر مانگنی نہیں آتی ؟‌شٹ اپ .

اداکارہ صبور علی جن کا ڈرامہ سیرل ”مشکل ” آج کل شائقین بہت پسند کررہے ہیں اس کے ایک سین میں ہمایوں اشرف اور خوشحال خان کے درمیان شدید جھگڑا ہو رہا ہوتا ہے، خوشحال خان کے ساتھ صبور علی کھڑی ہوتی ہیں اس موقع پر جب کیمرے کا رُخ صبورعلی کی جانب ہوتا ہے تو وہ ہنستی ہوئی نظر آرہی ہوتی ہیں۔جھگڑے کے موقع پر صبور علی کا ہنسنا لوگوں نے نوٹس کر لیا اور بعد میں اس پر بنایا خوب مذاق. اس حوالے سے صبور علی نے حال ہی میں ایک انٹرویو دیا ہے اس میں انہوں نے کہا ہے کہ یہ سین جب آن ائیر گیا تو اس وقت میں نے دیکھا کہ میں تو ہنس رہی ہوں، اس کے بعد کسی نے مجھے یہ سین ٹیگ کیا اور نشاندہی کی کہ میں‌جھگڑے کے سین میں ہنس رہی ہوں، میں نے جلدی سے سوشل میڈیا چیک کیا

کسی نے پوسٹ نہیں‌کی تھی مجھے لگا کہ صرف اسی نے پوسٹ کی ہے ، باقی تو کسی کو پتہ ہی نہیں لگا لہذا میں‌ نے خود کو کیا ہوا ٹیگ
ہٹا دیا کہ لوگوں کو پتہ نہ لگے لیکن دو دن کے بعد سین وائرل ہو گیا اور ہر طرف اسی کی باتیں ہونے لگیں شروع میں مجھے ہوا کہ لوگ کیا کہیں گے کیونکہ ان کو تو نہیں پتا کہ ٹیکنکلی یہ میرا فالٹ نہیں ہے. خیر میں‌نے کہا اب جو ہو گا دیکھا جائیگا، لیکن میں نے دیکھا کہ سوشل میڈیا پر لوگوں‌ نے اس سین کو نیگیٹو نہیں لیا بلکہ اس پر میمز بناتے رہے اور مزے مزے کے میمز دیکھ کر میں انجوائے کرتی رہی اور زیادہ پریشان نہیں ہوئی. ہاں اگر بہت زیادہ تنقید ہوتی تو یقینا پریشان ہوجاتی.

سوشل میڈیا پر پر وقت موضوع بحث رہنے والی عرفی جاوید نے حال ہی میں ایک انٹرویو دیا ہے اور کہا ہے کہ میں اداکار رنویر سنگھ کو بہت پسند کرتی ہوں ان کی ہر فلم بہت شوق سے دیکھتی ہوں. مجھے تو اس حد تک پسند ہیں کہ اگر وہ مجھے شادی کرنے کےلئے کہیں تو میں شادی بھی کر لوں گی. ویسے تو ان کی اہلیہ دیپیکا پاڈوکون بہت خوبصورت ہیں وہ ان کے ساتھ بہت اچھے لگتے ہیں لیکن اگر رنویر سنگھ دیپیکا کے بعد کسی عورت سے شادی کرنا چاہیں تو میں تیار ہوں. مجھے ان کی اہلیہ بن کر بہت خوشی ہو گی. عرفی جاوید نے یہ بھی کہا کہ مجھے سمجھ نہیں آتی کہ میں جو بھی پہنتی ہوں وہ اتنا ڈسکس کیوں ہوتا ہے اور میں جو بھی کہتی ہوں اس پر اتنا وبال کیوں اٹھتا ہے. انہوں نے کہا کہ میں‌نے ابھی

شادی کا فیصلہ نہیں کیا جب مجھے کوئی اچھا لڑکا ملے گا شادی کر لوں گی لیکن اگر رنویر مجھ سے شادی کرنا چاہیں تومیں تیار ہوں. عرفی نے مزید یہ بھی کہا کہ میں شلوار قمیض پہنوں یا مغربی لباس مجھ پر ہونی تو تنقید ہی ہے تو پھر میں کیوں نا اپنی مرضی کے مطابق کپڑے پہنوں.انہوں‌نے کہا کہ مجھ پہ الزام لگتا ہےکہ میں‌میڈیا کو پیسے دیکر اپنی کوریج کرواتی ہوں حالانکہ ایسا بالکل نہیں ہے میڈیا خود میرا پیچھا کرتا رہتا ہے جہاں میں ہوتی ہوں‌پہنچ جاتا ہے. انہوں نے میڈیا سے ہی سوال کر ڈالا اور کہا کہ آپ ہی بتائیے میں آپ لوگوں کو پیسے دیتی ہوں؟

انیل کپور نانا بننے پر کتنے خوش ہیں یہ تو سب کو معلوم ہے وہ اس خوشی کا اظہار وقتا فوقتا کرتے رہتے ہیں. انیل کپور نے حال ہی میں ایک انٹرویو دیا ہے اس میں انہوں نے ایک بار پھر کہا ہےکہ میں نانا بننے پر بہت زیادہ خوش ہوں . اور نانا بن کر مجھے ایسا لگتا ہے کہ جیسے میں ہوائوں میں اڑ رہا ہوں. میں اپنے نواسے کے ساتھ گھنٹوں گزارتا ہے اور مجھے اس کے ساتھ وقت گزارنا بہت اچھا لگتا ہے. انیل کپور نے کہا کہ میں جب اپنے کام میں مصروف ہوتا ہوں تو سونم ،اور میری اہلیہ بچے کا خیال رکھتی ہیں لیکن میں رابطے میں رہتا ہوں. انیل کپور نے مزید کہا کہ میرا نواسا ابھی بہت چھوٹا تھوڑا بڑا ہوجائے تو زیادہ اچھا لگے گا. مجھے اپنے نواسے کو ہر روز دیکھنا بہت اچھا لگتا ہے. یاد رہے کہ سونم کپور

اور آنند اہوجا کی شادی 2018 میں ہوئی تھی ، 20 اگست 2022 کو سونم کے ہاں ایک بیٹے کی ولادت ہوئی سونم نے اپنے بیٹے کی پیدائش کے بعد ابھی تک جتنے بھی انٹرویوز دئیے ہیں اس میں انہوں نے یہی کہا ہے کہ میرے بچے نے میری زندگی بدل کر رکھ دی ہے مجھے اب بس اسی کی فکر رہتی ہے. میں اس کی بہترین پرورش کرنا چاہتی ہوں، میں اپنے بیٹے کو لندن میں پڑھائوں گی یا انڈیا میں، اسکا فیصلہ ابھی تک نہیں کیا. سونم کپور کہتی ہیں کہ وہ فلم انڈسٹری چھوڑیں گی نہیں لیکن کم کام کریں گی جب کوئی سکرپٹ ایسا لگا کہ کرنا چاہیے تو کرلیں گی.