Author: +9251

فیصل آباد میں لڑکی سے جوتے چٹوانے والا شیخ دانش پی ٹی آئی کا ممبر نکلا.طالبہ پر انسانیت سوز تشدد میں ملوث مرکزی ملزم شیخ دانش بھی پاکستان تحریک انصاف کا ممبر ہے، شیخ دانش کا پی ٹی آئی رہنما فرخ حبیب کے ساتھ کہرا تعلق ہے .

عدالت نے طالبہ پر انسانیت سوز تشدد میں ملوث مرکزی ملزم سمیت 5 ملزمان کو جسمانی ریمانڈ پر پولیس کے حوالےکردیا۔مقدمے میں نامزد مرکزی ملزم شیخ دانش کو مجسٹریٹ کی عدالت میں پیش کیا گیا، عدالت نے ملزم کا 2 روزہ جسمانی ریمانڈ منظور کرکے اسے پولیس کی تحویل میں دے دیا۔

اس سے قبل مقدمے میں نامزد ملزمہ ماہم سمیت 5 ملزمان علاقہ مجسٹریٹ کی عدالت میں پیش ہوئے۔عدالت نے ملزمہ ماہم کو 14 روزہ جوڈیشل ریمانڈ پر جیل بھیجنےکاحکم دیا جب کہ 4 ملزمان اصغر، مصطفٰی ، طیب اور فیضان کا 14 روزہ جسمانی ریمانڈ منظور کرلیا۔

خیال رہے کہ لڑکی پر تشدد کی ایک ویڈیو منظر عام پر آئی ہے جس میں اسے بہیمانہ تشدد کا نشانہ بنایا گیا جب کہ اس کے بال اور بھنویں کاٹنے کے بعد جوتے چاٹنے پر بھی مجبور کیا گیا۔پولیس نے ویڈیو سامنے آنے کے بعد لڑکی پر تشدد کا مقدمہ درج کرلیا۔

لڑکی کا کہنا ہےکہ اس کی سہیلی کا باپ شادی پر زوردے رہا تھا، انکار پر تشدد کیا، سرکے بال،بھنویں کاٹ دیں اور جوتے چاٹنے پر مجبورکیا، لڑکی کے بیان کے مطابق جنسی ہراساں بھی کیا گیا اور ویڈیوز بھی بنائی گئیں ۔

مکافات عمل ۔
جیسے کرو گے ویسے بھرو گے ، یہ کہاوت آج سب کے سامنے زندہ مثال بن کر آ چکی۔ عمران خان کو اقتدار ملا تو انہوں نے اپوزیشن کے ساتھ ہاتھ ملانے میثاق معیشت کرنے کی بجائے جیلوں میں ڈالا اور جب اپوزیشن رہنما نواز شریف۔آصف زرداری۔شہباز شریف ۔مریم نواز ۔فریال تالیور۔خورشید شاہ بیمار ہوئے انہیں ہسپتال منتقل کیا گیا تو اس پر سیاست کی گئی اور کہا گیا کہ جیلوں میں جانے سے یہ بیمار ہو جاتے ہیں۔

آج دیکھ لیں دن بدلے ۔ شہباز گل دو روز کے جسمانی ریمانڈ پر رہے پھر جیل بھجوا دیا گیا ۔ دوبارہ ریمانڈ ملا تو شہباز گل بھی ہسپتال پہنچ گئے ۔ شہباز گل کی ہسپتال منتقلی کی ویڈیو سامنے آئی ہیں آکسیجن لگا ہوا ہے ۔اللہ تعالٰی انہیں صحت دے ۔ لیکن ۔۔۔یہ وہی شہباز گل ہیں جو بیان دیا کرتے تھے زرداری جیل جاتے ہیں تو بیمار ہو جاتے ہیں۔ آج وہی شہباز گل جیل گئے تو بیمار ہو کر ہسپتال پہنچ گئے

قدرت کا انتقام اٹل ہے۔ جیسا کرو گے ویسا بھرو گے سچ ثابت ہو چکا۔ عمران خان کے چیف آف سٹاف شہباز گل جیل گئے تو عمران خان ملاقات کے لئے نہیں گئے اب ہسپتال پہنچے تو اعجاز چودھری کے علاوہ کوئی رہنما ہسپتال نہ پہنچا۔شہباز گل نے بیان دیا تو عمران خان سمیت پارٹی میں سے کسی نے تائید نہ کی بلکہ یہاں تک کہہ دیا کہ اس نے غلط بیان دیا۔

دوسروں کو جیل بھجوا کر خوشیاں منانے والوں کے چہرے آج دیکھنے والے ہیں۔ جب آئین شکنی ہو گی تو قانون اپنا راستہ خود بنائے گا ۔ عدم اعتماد سے جو آئین شکنی کا سلسلہ شروع ہوا وہ ابھی تک چل رہا ہے ۔ یوں لگ رہا ہے عمران نیازی کا نام تاریخ میں آئین شکن کے طور پر لکھا اور پڑھا جائے گا

پاکستان تحریک انصاف ملک کی سیاسی پارٹی کے ساتھ ساتھ وہ واحد جماعت ہے جو سیاستدانوں کے علاوہ "فنکاروں "کی دولت سے بھی مالا مال ہے. پی ٹی آئی میں ایک سے ایک بڑھ کر” فنکار” موجود ہیں.

باغی ٹی وی کی رپورٹ کے مطابق تحریک انصاف کے چیئرمین عمران خان بھی آپنے آپ میں کسی فنکار سے کم نہیں ہیں اسی طرح ان کے چیف سیکیورٹی آفیسر شہباز گل بھی فنکاری میں اپنا مقام رکھتے ہیں .

شہباز گل کی گرفتاری کے بعد عمران خان اور ان کر سابق وفاقی وزراء نے الزام عائد کیا کہ شیباز گل پر تشدد کیا گیا مگر ان سے جیل میں ملاقات کرنے والے پی ٹی آئی کے اپنے ہی وزیر داخلہ پنجاب نے کہا کہ شہباز گل بالکل ٹھیک ہیں ان پر تشدد کرنے کا سوال ہی پیدا نہیں ہوتا.

پی ٹی آئی رہنما شہباز گل کا کچھ عرصہ قبل موٹر وے پر حادثہ ہوا جس میں ان کی گاڑی الٹ گئی ، شہباز گل پہلے تو اپنی گاڑی کے پاس بڑے اطمینان سے کھڑے رہے اور بعد میں انہوں نے پورا بازوو ہی پٹی سے بھر دیا ایسی کمال اداکاری کی کہ لگتا تھا کہ واقعی ان کا بازو ٹوٹ گیا ہے.

شہباز گل کا ڈرائیور بھی کسی سے کم نہیں ، موصوف نے بھی ڈرامے بازی میں کمال کر دیا، جس وقت شہباز گل کو گرفتار کیا گیا تو پولیس شہباز گل کو لے گئی اور اس کا ڈرائیور گاڑی لے گیا اور موبائل فون تھامے گھومتا رہا پھر اچانک اسے بنی گالا سے سکرپٹ دیا گیا اور شہباز گل کا ڈرائیور اسی ہاتھ میں پٹی باندھے منظر عام پر آگیا اور جھوٹا بیان دیا کہ اسے تشدد کا نشانہ بنایا گیا ہے.

بات یہیں ختم نہیں ہوئی، پی ٹی آئی کے اتحادی بھی ڈرامے بازی میں اپنی مثال آپ ہیں، چند ماہ قبل پنجاب اسمبلی میں ہنگامہ آرائی ہوئی اس وقت کے سپیکر پنجاب اسمبلی چوہدری پرویز الہیٰ نے بھی اچانک اپنے بازو پر پٹی باندھ لی اور اس کا الزام مسلم لیگ ن پر عائد کر دیا، لیکن میڈیا کے سامنے بات کرتے ہوئے اور مسلم لیگ ن کے رہنماوں کو بد دعا دیتے ہوئے بھول گئے کہ ان کے پورے بازو پر پٹی بندھی ہے اور پورا ہاتھ اٹھا کر بد دعا دی جس نے پرویز الہیی کی فنکاری عیاں کر دی.

سیاستدانوں کا اگر ایوارڈ شو منعقد کیا جائے تو عمران خان کے چیف آف سٹاف شہباز گل اور چوہدری پرویز الہی پہلا ایوارڈ حاصل کرنے مین کامیاب ہو جائیں گے.

لاہور اور کراچی کے درمیان چلنے والی تیز گام ایکسپریس میں خواجہ سراؤں کے رقص کی ویڈیووائرل ہونے کے بعد وزیر ریلوے خواجہ سعد رفیق نے نوٹس لے لیا۔

14 اگست پاکستان کی آزادی کی ڈائمنڈ جوبلی کو پاکستانیوں نے اپنے اپنے انداز سے منایا لیکن لاہور سے کراچی جانے والی ٹرین میں یوم آزادی عجیب انداز سے منایا گیا اور تیز گام کی ڈائننگ کار میں مجرا پارٹی کا اہتمام کیا گیا ۔

خواجہ سراؤں کے نازیبا رقص کی ویڈیو سامنے آنے پر شہریوں نے شدید اعتراض کیا اور پاکستان ریلوے سے معاملے کا نوٹس لینے کا مطالبہ کیا۔ریلوے ترجمان کے مطابق وزیر ریلوے سعد رفیق نےاس واقعے کا سخت نوٹس لیا ہے اور کہاہےکہ ذمہ داران کو قرار واقعی سزا دی جائے گی۔

ترجمان کے مطابق ٹرین کی کمرشل منیجمنٹ پرائیویٹ آپریٹر کے پاس ہے، شوکاز نوٹس جاری کر دیا گیا ہے، پرائیوٹ آپریٹر کے مناسب جواب نہ دینے پر آپریٹر کا لائسنس کینسل کر دیا جائےگا۔