Baaghi TV

Author: +9251

  • فوج کے ساتھ رابطہ ہے، کوئی لڑائی نہیں، پرویز خٹک

    فوج کے ساتھ رابطہ ہے، کوئی لڑائی نہیں، پرویز خٹک

    پاکستان تحریک انصاف کے رہنما اور سابق وفاقی وزیر پرویز خٹک کا کہنا ہے کہ فوج کی پی ٹی آئی کے ساتھ کوئی ناراضگی نہیں ہے، میرا خود اب بھی فوج کے ساتھ رابطہ ہے۔

    دھونس،دھمکی کا راستہ اپنایا تو 25 مئی سے زیادہ برا حال ہوگا وفاقی وزیر داخلہ

    نوشہرہ میں میڈیا سے گفتگو کرتے ہوئے پرویز خٹک نے کہا کہ حالات ایسے بنے تھے کہ سب سمجھ رہے تھے عمران خان ختم ہوگیا، اتحادی حکومت پھنس گئی ہے یہ نہ حکومت چھوڑ سکتے ہیں نہ چلا سکتے ہیں۔

     

    ہر دور کا اپنا یزید ہوتا ہے، اس عہد کے یزید عمران نیازی آپ خود ہیں،لیگی رہنما کا عمران خان کے ٹوئٹ جواب

     

    پرویز خٹک نے کہا کہ عمران خان کو صرف عوام ہی سیاست سے آؤٹ کرسکتے ہیں، جلد انتخابات کے لیے اتحادی حکومت سندھ اور بلوچستان اسمبلیاں تحلیل کردے، اگر ایسا ہو تو پی ٹی آئی بھی دونوں صوبوں کی اسمبلیاں توڑنے کو تیار ہے۔پی ٹی آئی رہنما کا کہنا تھا کہ ممنوعہ فنڈنگ کیس میں کچھ بھی نہیں، سب ایک ڈرامہ ہے۔

    پرویز خٹک نے کہا کہ نواز شریف کو واپس آنا چاہیے وہ جیل جائیں یا ضمانت کروائیں، نواز شریف واپس آئیں اور ون ٹو ون عمران خان کے ساتھ مقابلہ کریں۔

    دوسری جانب اطلاعات کےمطابق پی ٹی آئی قیادت نےاہم فیصلوں کی منظوری دے دی ہے،اور رانا ثنااللہ اور عطا تارڑ کو نوٹس بھیجنے کا فیصلہ کیا ہے۔

    سماجی رابطے کی ویب سائٹ ٹویٹر پر اپنی ٹویٹ میں سابق وفاقی وزیر کا کہنا تھا کہ 24 ارب روپے کا ملزم حمزہ شہباز لندن فرار کرا دیا گیا ہے، جب کہ دو کروڑ روپے کی تحقیقات کیلئے ایف آئی اے (FIA) کی پانچ ٹیمیں ترتیب دے دی گئیں۔سابق وفاقی وزیرکا کہنا تھا کہ شہباز شریف اینڈ کمپنی قوم کو بیوقوف سمجھتے ہیں، محرم کے بعد 25 مئی کے ملزمان کا احتساب شروع ہو گا قوم حقیقی آزادی جدوجہد کے آکر مرحلے کی تیاری کرے۔

  • پاکستان تحریک انصاف کا رانا ثنااللہ اورعطا تارڑکو نوٹس بھیجنےکا فیصلہ

    پاکستان تحریک انصاف کا رانا ثنااللہ اورعطا تارڑکو نوٹس بھیجنےکا فیصلہ

    لاہور:رانا ثنااللہ اورعطا تارڑ کو نوٹس بھیجنےکا فیصلہ،اطلاعات کےمطابق پی ٹی آئی قیادت نےاہم فیصلوں کی منظوری دے دی ہے،اور رانا ثنااللہ اور عطا تارڑ کو نوٹس بھیجنے کا فیصلہ کیا ہے۔

    سماجی رابطے کی ویب سائٹ ٹویٹر پر اپنی ٹویٹ میں سابق وفاقی وزیر کا کہنا تھا کہ 24 ارب روپے کا ملزم حمزہ شہباز لندن فرار کرا دیا گیا ہے، جب کہ دو کروڑ روپے کی تحقیقات کیلئے ایف آئی اے (FIA) کی پانچ ٹیمیں ترتیب دے دی گئیں۔

    سابق وفاقی وزیرکا کہنا تھا کہ شہباز شریف اینڈ کمپنی قوم کو بیوقوف سمجھتے ہیں، محرم کے بعد 25 مئی کے ملزمان کا احتساب شروع ہو گا قوم حقیقی آزادی جدوجہد کے آکر مرحلے کی تیاری کرے۔

    پی ٹی آئی قیادت کے اہم فیصلے

    قبل ازیں تحریک انصاف کے رہنما اور سابق وفاقی وزیر فواد چوہدری کی زیر صدارت لاہور میں مشاورتی اجلاس ہوا، اسپیکر پنجاب اسمبلی سبطین خان ، وزیر داخلہ ہاشم ڈوگر ، اعجاز چوہدری ، مسرت جمشید چیمہ ، مشیر اطلاعات عمر سرفراز چیمہ، معظم جتوئی ، حسان خاور ، فیصل چوہدری ایڈووکیٹ بھی شریک ہوئے۔

    اجلاس میں 25 مئی کو تحریک انصاف کے احتجاج کے موقع پر پیش آنے والے تشدد کے واقعات کا جائزہ لیا گیا، اور پی ٹی آئی قیادت نے اہم فیصلوں کی منظوری دے دی۔

    اجلاس میں فیصلہ ہوا کہ 25 مئی کو تشدد کے واقعات کی تحقیقات کے لیے اسپیشل انویسٹی گیشن ٹیم بنائی جائے گی، اور آئندہ ہفتے اس ٹیم کے حوالے سے حکومت پنجاب نوٹیفکیشن جاری کرے گی۔

    فواد چوہدری کا کہنا تھا کہ ٹیم 25 مئی کو تشدد میں ملوث پولیس افسران کی نشاندہی کرے گی، ٹیم ایک ہفتے میں تحقیقات مکمل کرکے رپورٹ پیش کرے گی۔

    اجلاس میں وزیراعظم کے معاون خصوصی عطا اللہ تارڈ اور وفاقی وزیر داخلہ رانا ثنا اللہ کو بھی نوٹس جاری کرنے کا فیصلہ کیا گیا، اور فواد چوہدری کے مطابق تحقیقاتی ٹیم ان رہنماؤں کو بھی طلب کرسکتی ہے۔

    پی ٹی آئی رہنما کے مطابق سابق ڈپٹی اسپیکرسرداردوست مزاری کے اقدامات کی بھی تحقیقات کا فیصلہ کیا گیا ہے، اسپیکر پنجاب اسمبلی سبطین خان تحقیقات کیلئے کمیٹی قائم کریں گے، کمیٹی عدالتی فیصلے کی آڑ میں سردار دوست مزاری کے قانون سے تجاوز اقدامات کا جائزہ لے گی۔فواد چوہدری کا کہنا ہے کہ عدالتی فیصلے میں پولیس کو ایوان میں اتارنے کا کوئی حکم نہیں دیا گیا تھا۔

  • لال سنگھ چڈھا کا سکرپٹ سننے سے قبل عامر خان نے ٹال مٹول سے کام کیوں لیا؟

    لال سنگھ چڈھا کا سکرپٹ سننے سے قبل عامر خان نے ٹال مٹول سے کام کیوں لیا؟

    عامر خان کی فلم لال سنگھ چڈھا جو کہ 11 اگست کو ریلیز ہونے جا رہی ہے اس فلم کے بہت چرچے ہیں، چرچے اس لئے بھی ہیں کیونکہ یہ فلم نہ صرف ہالی وڈ فلم فارسٹ گمپ کا ری میک پے بلکہ عامر خان اس میں کام کررہے ہیں. عامر خان جب بھی کوئی فلم بناتے ہیں اسکا موضوع روٹین سے ہٹ کر اور الگ ہوتاہے. فلم لال سنگھ چڈھا کی ایک طرف عامر خان خوب پرموشن کررہے ہیں دوسری طرف انہیں اس چیز کا بھی دکھ ہے کہ ان کی فلم کے بائیکاٹ کا بلاوجہ ٹرینڈ چل رہا ہے. اپنے حالیہ انٹرویو میں عامر خان نے کہا ہے کہ جب مجھے بتایا گیا کہ لال سنگھ چڈھا ہالی وڈ‌فلم فارسٹ گمپ کا ری میک ہے تو سکرپٹ سننے سے پہلے ہی

    مجھےمحسوس ہوا کہ یہ فلم ایسی ہی ہے جیسے کہ مغل اعظم یا مدر انڈیا کو ری میک کیا جائے، لہذا فلم کا سکرپٹ سننے کے لئے ٹال مٹول سے کام لیا. یعنی مجھے لگا کہ یہ بہت ہی مشکل کام ہے تو یقینا یہ مشکل کام تو تھا. کیونکہ اس فلم کو بنانے میں ہی 14 سال لگ گئے اور 8 نو سال تو صرف فلم کے حقوق حاصل کرنے میں ہی لگ گئے تھے. یوں عامر خان نےلال سنگھ چڈھا کو بنانے کے نقطہ نظر سے مشکل ترین فلم قرار دےدیا. یاد رہے کہ فلم میں کرینہ کپور بھی ہیں اور عامر خان کا دعوی ہے کہ انہوں نے ایک بہترین فلم تیار کی ہے اور ان کا یہ بھی کہنا ہے کہ اگر فلم شائقین کو پسند نہ آئی تو انہیں بہت برا لگے گا.

  • سر کہہ کر مخاطب کرنے والی مداح کو شہزاد شیخ نے ٹوک دیا

    سر کہہ کر مخاطب کرنے والی مداح کو شہزاد شیخ نے ٹوک دیا

    سینئر اداکار جاوید شیخ کے بیٹے شہزاد شیخ اور بیٹی مومل شیخ دونوں ہی اداکار ہیں. دونوں نے اپنے والد اور فیملی کے دوسرے ممبرز کے نقش قدم پر چلتے ہوئے اداکاری کو اپنا کیرئیر بنایا. مومل شیخ تو شادی شدہ ہیں لیکن اس کے باوجود وہ اپنے کیرئیر پر توجہ دے رہی ہیں گو کہ وہ ابھی تک قابل زکر کام نہیں کر سکیں. دوسری طرف اگر ہم شہزاد شیخ کو دیکھیں تو ان کی پوزیشن کام کے معاملے میں اپنی بہن سے بہتر نظر آتی ہے انہوں نے ایسے کریکٹر کئے ہیں جن کی مثال دی جا سکتی ہے. لیکن یہ بات طے ہے کہ دونوں بہن بھائی اپنے والد کی طرح ابھی تک بڑے سٹارز کی صف میں نہیں آسکے. حال ہی

    میں شہزاد شیخ اور مومل شیخ دونوں نے ایک ٹی وی انٹرویو میں شرکت کی. شہزاد شیخ سے آڈیئنز میں بیٹھی ایک مداح نے سوال کرنا چاہا اسکو جب مائیک دیا گیا تو اس نے کہا شہزاد سر آپ نے اتنی جلدی شادی کیوں کی. شہزاد شیخ نے سب سے پہلے تو اپنی مداح کو ٹوکا کہ انہیں سر نہ کہے اور دوسرا اسکے سوال کا جواب دیا کہ میں نے جلدی شادی اس لئے کی کیونکہ جو کام کرنے والا ہو وہ وقت سے کر لینا چاہیے. شہزاد شیخ نے بتایا کہ میں نے بہت جلدی شادی کر لی تھی جب میں شادی کے بندھن میں بندھا اس وقت میری عمر بیس برس تھی اور اب میں اٹھائیس برس کا ہوں.اس سے قبل شاید لوگوں کو معلوم نہیں تھا کہ شہزاد شیخ نے اتنی جلدی شادی کی.

  • اقراء عزیزشدید غصے میں

    اقراء عزیزشدید غصے میں

    چھوٹی سکرین کی بڑی اداکارہ اقراء عزیز ہیں شدید غصے میں. انہوں نے اپنے غصے کا اظہار کیا انسٹاگرام سٹوری کے زریعے. رپورٹس کے مطابق اداکارہ اقراء عزیز نے ایک ریسٹورانٹ میں کال کی اور انہیں آن لائن کھانے کا ایک آڈر دیا. ڈیڑھ گھنٹے کے بعد اداکارہ کو ایک نوٹ موصول ہوا کہ اقراء عزیز کا آڈر کینسل کر دیا گیا ہے کیونکہ جو چیز انہوں نے کھانے کے لئے منگوائی ہے وہ ختم ہو گئی ہے. اقراء عزیز کو یہ نوٹ موصول ہونے پر انہیں شدید غصہ آیا اور انسٹاگرام سٹوری پر انہوں نے اپنے آن لائن آڈر دئیے جانے اور کینسل ہونے کا نوٹ لگا دیا اور ساتھ ہی ساتھ ہوٹل انتظامیہ پر غصہ نکالا. اداکارہ نے یہ آن لائن آڈر

    آٹھ بج کر پانچ منٹ پر کیا تھا جسے ڈیڑھ گھنٹے کے بعد کینسل کر دیا گیا. اداکارہ اقراء عزیز کے ساتھ اکثر کچھ ایسا ہوتا رہتا ہے جو روٹین سے ہٹ کر ہے. اس سے قبل بھی اداکارہ کا فون ایک جہاز میں‌رہ گیا تھا وہ اس جہاز میں سفر کررہیں تھیں اور وہیں اپنا فون بھول کر گھر آگئیں بعد میں اپنے فون کی واپسی کے لئے تگ و دو کرتی رہیں. دوسری طرف یاسر حسین کو دیکھیں تو وہ اپنے بیانات کی وجہ سے پھنس جاتے ہیں ان پر تنقید کے نشتر برسائے جاتے ہیں جبکہ اقراء عزیز بولنے میں کافی احیتاط برتتی ہیں کم از کم وہ اپنے بیانات کی وجہ سے تنقید کی زد میں نہیں آتیں.

  • چین بنگلہ دیش کا ہمیشہ سےایک قابل اعتماد اسٹریٹجک پارٹنررہا ہے:چینی وزیر خا رجہ

    چین بنگلہ دیش کا ہمیشہ سےایک قابل اعتماد اسٹریٹجک پارٹنررہا ہے:چینی وزیر خا رجہ

    بیجنگ:بنگلہ دیشی وزیر اعظم شیخ حسینہ واجد نے ڈھاکہ میں چین کے ریاستی کونسلر اور وزیر خارجہ وانگ ای سے ملاقات کی۔

     

     

    چینی میڈ یا کے مطا بقاس موقع پر وانگ ای نے کہا کہ چین بنگلہ دیش کا ہمیشہ سے ایک قابل اعتماد اسٹریٹجک پارٹنر رہا ہےاور قومی خود مختاری اور قومی وقار کے تحفظ کے لیے بنگلہ دیش کی مضبوطی سے حمایت جاری رکھے گا،اور اپنے قومی حالات کے مطابق ترقی کی راہ پر گامزن رہنے اور بین الاقوامی سطح پر اپنا کردار ادا کرنے میں بنگلہ دیش کی حمایت کرتا رہیگا۔

    چینی فوج نے پینٹاگان کی ٹیلی فونز کالز سُننے سے انکارکردیا

    وانگ ای نے اس بات کو سراہا کہ بنگلہ دیش اور دیگر ترقی پذیر ممالک نے ون چائنا پالیسی اور چین کے جائز موقف کی حمایت کی ہے۔ وانگ ای نے زور دے کر کہا کہ امریکی فریق کے اقدامات نے چین کے اقتدار اعلیٰ کی سنگین خلاف ورزی کی ہے، چین کے اندرونی معاملات میں سنگین مداخلت کی ہے اور بین الاقوامی تعلقات کے بنیادی اصولوں کی سنگین خلاف ورزی کی ہے۔چین کے جوابی اقدامات کا مقصد ملک کے اقتداراعلیٰ اور علاقائی سالمیت کا تحفظ ہے، اور ان کا مقصد دنیا، آبنائے تائیوان اور ایشیا میں حقیقی معنوں میں امن کو برقرار رکھنا ہے۔

    انگریز چین دشمنی کے ساتھ چین کے چائے کا فارمولا چرانے میں ملوث —

    دوسری طرف چین کے ریاستی کونسلر اور وزیر خارجہ وانگ ای نے بنگلہ دیشی وزیر خارجہ عبدل مومن سے بات چیت کی۔پیر کے روز چینی میڈ یا کے مطا بقمومن نے کہا کہ بنگلہ دیش اور چین کے درمیان سفارتی تعلقات کے قیام کے بعد سے بنگلہ دیش چین تعلقات میں تیزی سے ترقی ہوئی ہے۔ بنگلہ دیش میں انسداد وبا کے لیے مدد فراہم کرنے، بنیادی تنصیبات کی تعمیر کو تیز کرنے اور ملک کی صورتحال کو بہتر بنانے میں بنگلہ دیش کی مدد کرنے پر ہم چین کے مشکور ہیں۔ چین بنگلہ دیش کا سب سے بڑا تجارتی شراکت دار بن چکاہے، اور بنگلہ دیش “گولڈن بنگلہ دیش” کے خواب اور “بیلٹ اینڈ روڈ” تعاون کی مشترکہ تعمیر کو مضبوط بنانے کا منتظر ہے، تاکہ بنگلہ دیش کے وژن اور اہداف کی تکمیل کو تیز کیا جا سکے۔

    چینی سرحدوں پرامریکہ اوربھارت کی جنگی مشقیں

    وانگ ای نے کہا کہ چین اور بنگلہ دیش کے درمیان مختلف شعبوں میں تعاون کی ہموار پیش رفت سے دونوں اطراف کے عوام کو فائدہ پہنچا ہے۔ بنگلہ دیش کے “گولڈن بنگلہ دیش” کے خواب کی تعبیر کے عمل میں، چین ہمیشہ سے بنگلہ دیش کا سب سے قابل اعتماد طویل مدتی اسٹریٹجک پارٹنر رہا ہے۔ امید ہے کہ فریقین چین-بنگلہ دیش آزاد تجارتی معاہدے کی مشترکہ فزیبلٹی اسٹڈی کو تیز کریں گے، اور ترقی اور مارکیٹ کے مواقع، جدید تجربہ اور ٹیکنالوجی کا اشتراک جلد از جلد کیا جا سکےگا ۔وانگ ای نے امور تائیوان کے حوالے سے چین کے جائز موقف پر بنگلہ دیش کی فوری حمایت کو سراہا۔ مومن نے کہا کہ بنگلہ دیش ایک چین کے اصول پر سختی سے کاربند ہے، تائیوان چین کی سرزمین کا حصہ ہے، اور ہم چین کے بنیادی مفادات اور اہم خدشات کے تحفظ میں اس کی حمایت کرتے ہیں۔

  • روہڑی:جلوس میں دم گھٹنے سے 6 عزادار جاں بحق اور درجنوں بے ہوش

    روہڑی:جلوس میں دم گھٹنے سے 6 عزادار جاں بحق اور درجنوں بے ہوش

    روہڑی: سندھ کے شہر روہڑی میں نو محرم کے جلوس میں مذہبی رسم کی ادائیگی کے دوران دم گھٹنے سے 6 عزادار جاں بحق اور درجنوں بے ہوش ہوگئے۔

    ذرائع کے مطابق سندھ کے شہر روہڑی میں اہل تشیع برادری کے نو محرم الحرام کے جلوس میں مذہبی رسم ضریح اقدس کی انجام دہی کے دوران دم گھٹنے سے 6 عزادار جاں بحق اور درجنوں بے ہوش ہوگئے۔

    کراچی میں چہلم کا ماتمی جلوس اپنے مقام پر پہنچ گیا

    ایدھی ذرائع کے مطابق ضریح اقدس کربلا معلی کو پرسہ دینے کی کوشش کے دوران جاں بحق ہونے والے 6 عزادارواں میں سے تین کی شناخت ہوگئی۔ ان میں گڈو کا رہائشی د ل شیر ولد مورزادہ، سکھر لوکل بورڈ کا رہائشی حسن پٹھان اور ہالانی کا رہائشی منصور ولد بشیر احمد شامل ہیںامدادی ذرائع کے مطابق جاں بحق افراد اور زخمیوں کو تعلقہ اسپتال منتقل کردیا گیا جس کے بعد لوگوں کی بڑی تعداد اسپتال پہنچ گئی۔

    ادھرملک بھر میں 9 محرم الحرام کی مناسبت سے ماتمی جلوس اپنے روایتی راستوں پر رواں دواں ہیں۔ملک بھر میں 9 محرم الحرام کی مناسبت سے مجالس عزا برپا کی جارہی ہیں جب کہ ماتمی جلوس بھی اپنے روایتی راستوں پر رواں دواں ہیں، اس موقع پر سیکیورٹی کے انتہائی سخت انتطامات کئے گئے ہیں۔ملک بھر میں ماتمی جلوسوں کے راستوں اور حساس مقامات موبائل فون سروس بند ہے جب کہ منگل کی رات تک موٹر سائیکل کی ڈبل سواری پر پابندی عائد ہے۔

     

    گلگت::ماتمی جلوس یاسینہ زوری:گانچھےمیں حالات بگڑگئے:ڈپٹی کمشنرنےبھی سینہ زوری…

    کراچی میں ماتمی جلوس
    ملک کے سب سے بڑے شہر کراچی میں 9ویں محرم الحرام کا مرکزی جلوس نشتر پارک سے برآمد ہوا جو نمائش چورنگی، ایم اے جناح روڈ، رینبو سینٹر، ریگل چوک، تبت سینٹر اور میمن مسجد سے ہوتا ہوا امام بارگاہ حسینیہ ایرانیان کھارادر پر اختتام پزیر ہوگا۔مرکزی جلوس کے علاوہ امام بارگاہ باب فاطمہ لیاقت آباد سے بھی ایک ماتمی جلوس برآمد ہوا جو امام بارگاہ شاہ نجف مارٹن روڈ پر اختتام پزیر ہوگا۔اس کے علاوہ شہر بھر میں مجالس عزا اور لنگر کا اہتمام کیا جارہا ہے۔

     

    لاہور
    لاہور میں 9 محرم الحرام کا مرکزی جلوس پانڈو اسٹریٹ اسلام پورہ سے برآمد ہوا جو خیمہ سادات سے ہوتا ہوا دوبارہ اسلام پورہ پہنچ کر اختتام پذیر ہوگا۔شہر میں کسی بھی ناخوشگوار صورت حال سے بچنے کے لئے 10ہزار پولیس اہلکار تعینات کئے گئے ہیں۔

    اسلام آباد
    وفاقی دارالحکومت اسلام آباد میں 9 محرم الحرام کی مناسبت سے مرکزی جلوس امام بارگاہ اثناء عشری جی 6 ٹو سے برآمد ہوگا، جلوس روایتی راستوں سے ہوتا ہوا امام بارگاہ اثناء عشری پر اختتام پذیر ہوگا۔امن وامان کےپیش نظر اسلام آباد کے بعض علاقوں میں موبائل فون سروس بند ہے۔ ڈی سی اسلام آباد کے مطابق جی 6، جی سیون، جی ایٹ اور جی نائن میں صبح 9 سے رات 12 بجے جب کہ آئی ٹین میں رات 10 بجے سے صبح 6 تک موبائل فون سروس بند ہوگی۔

    پشاور
    صوبہ خیببر پختونخوا کے دارالحکومت پشاور میں 9 محرم الحرام کا ماتمی جلوس امام بارگاہ حسینیہ صدر بازار سے برآمد ہوا ہے جو اپنے روایتی راستوں سے ہوتا ہوا دوبارہ اسی مقام پر اختتام پزیر ہوگا۔شہر میں سیکیورٹی کو یقینی بنانے کے لئے پولیس اور ایف سی کے مجموعی طور پر 6 ہزار اہلکار تعینات ہیں۔

     

    ماتمی جلوس پر دھماکے کی مولانا فضل الرحمان نے کی مذمت

    کوئٹہ
    بلوچستان کے صوبائی دارالحکومت کوئٹہ میں بھی 9 محرم الحرام کی مناسبت سے ماتمی جلوس میکانگی روڈ سے برآمد ہوا۔

    دیگر شہروں اور قصبات کی صورت حال

    وفاقی اور صوبائی دارالحکومتوں کے علاوہ ملک کے تمام چھوٹے بڑے شہروں میں ماتمی جلوس برآمد ہوئے جب کہ مجالس عزا برپا کی جارہی ہیں۔ جن میں خطباء، علمائے کرام اور واعظیم و ذاکرین واقعہ کربلا کے محرکات، سیرت اہلبیت اور فلسفہ شہادت بیان کررہے ہیں اس کے علاوہ جگہ جگہ لنگر کا اہتمام اور سبیلیں لگائی گئی ہیں۔

  • پاکستانی شیربرائےفروخت:اگلے ہفتے نیلامی کا اعلان ہوگیا

    پاکستانی شیربرائےفروخت:اگلے ہفتے نیلامی کا اعلان ہوگیا

    لاہور:چڑیا گھر کے حکام نے 12 شیر فروخت کرنے کا اعلان کیا ہے، جس کے لیے اگلے ہفتے نیلامی ہو گی اور عام لوگ ان کو خرید سکیں گے۔ فرانسیسی خبر رساں ادارے اے ایف پی کے مطابق فروخت کا فیصلہ شیروں کی بڑھتی ہوئی تعداد اور جگہ کی گنجائش کم ہونے کے پیش نظر کیا گیا ہے۔ لاہور چڑیا گھر کے ڈپٹی ڈائریکٹر تنویر احمد جنجوعہ نے بتایا کہ چڑیا گھر میں شیروں کی تعداد اتنی زیادہ ہو چکی ہے کہ ان کے گھومنے پھرنے کے لیے بنائے گئے مخصوص احاطے میں جانے کے لیے باری کا انتظار کرنا پڑتا ہے۔ ان کے مطابق ’فروخت سے نہ صرف جگہ کی گنجائش پیدا ہو گی بلکہ ان جانوروں کی خوراک پر اٹھنے والے اخراجات بھی کم ہوں گے۔‘

    شیروں کے دن بُرے آگئے:لاہورکے شیربرائے فروخت

    اس وقت چڑیا گھر میں 29 شیر موجود ہیں اور حکام 11 اگست کو ان میں سے 12 کو فروخت کرنے کا ارادہ رکھتے ہیں، جن کی عمریں دو سے پانچ سال کے درمیان ہیں۔ اسی طرح چڑیا گھر میں چھ ٹائیگرز اور دو چیتے بھی موجود ہیں۔

    قدرتی ماحول قائم رکھنے پر زور دینے والے اداروں کی جانب سے شیروں کی فروخت کی مخالفت کی گئی ہے جبکہ ورلڈ وائلڈ لائف (ڈبلیو ڈبلیو ایف) کا کہنا ہے کہ جانوروں کو دوسرے چڑیا گھروں میں منتقل کیا جائے، مادہ جانوروں کو جراثیم سے پاک کیا جائے اور مانع حمل ادویات کا استعمال کیا جائے

    گروپ کی رکن عظمٰی خان کا کہنا ہے کہ ’چڑیا گھروں کے درمیان جانوروں کا تبادلہ یا پھر جانور عطیہ کرنا ایک عام سی بات ہے۔‘ ان کے مطابق ’جب ایک جانور پر قیمت کی تختی لگ جاتی ہے تو اس سے تجارت کی حوصلہ افزائی ہوتی ہے جو کہ قدرتی طور پر چلنے والے تحفظ کے سلسلے کے لیے نقصان دہ ہے۔‘ شیروں، چیتوں جیسے دوسرے خطرناک جانوروں کو پالنا پاکستان میں عام بات نہیں ہے اور اگر کوئی ایسا کرتا ہے تو اس کو ’سٹیٹس سمبل‘ کے طور پر دیکھا جاتا ہے

    ‏اپوزیشن کا کام مخالفت برائے مخالفت عمران خان ، ورنہ کل شام تک پیٹرول دبئی سے بھی…

    اکثر امیر افراد ایسے جانوروں کی ویڈیوز اور تصاویر سوشل میڈیا پر شیئر کرتے ہیں اور فلموں وغیرہ کے لیے کرائے پر بھی دیتے ہیں۔ چڑیا گھر کے حکام کی جانب سے ایک شیر کی بولی قیمت ڈیڑھ لاکھ روپے کے قریب مقرر کی گئی ہے اور امید ظاہر کی ہے کہ ایک شیر تقریباً 20 لاکھ روپے تک میں فروخت ہو گا

    سینیٹ کی قائمہ کمیٹی برائے تعمیرات کا اجلاس، 50 لاکھ گھروں‌ کی تعمیر

    اسی طرح خریداروں کے لیے بھی ایک خاص معیار مقرر کیا گیا ہے۔ چڑیا گھر کے ڈپٹی ڈائریکٹر کا کہنا ہے کہ جانور خریدنے کا ارادہ رکھنے والوں کو پہلے خود کو صوبائی حکام کے ساتھ رجسٹرڈ کرنا پڑے گا اور یہ ثابت کرنا پڑے گا کہ ان کے پاس اتنے وسائل ہیں کہ ایسے جانوروں کو مناسب طور پر رکھ سکیں۔

     

     

    چڑیا گھر کے ویٹرنری آفیسر نے اے ایف پی کو بتایا کہ پچھلے سال نیلامی کے وقت مکمل دستاویزی کارروائی اور لائسنس کے مسائل سامنے آئے تھے۔ لاہور سے تعلق رکھنے والے نعمان حسن نیلامی میں حصہ لینے کا ارادہ رکھتے ہیں۔ ان کے مطابق ’میری کوشش ہوگی کہ دو یا تین شیر خرید لوں، ان کے مطابق یہ اچھا موقع ہے ان لوگوں کے لیے جو پہلے سے ایسے جانور رکھتے بھی ہیں۔

  • ویانا مذاکرات کامقصد ایران کےساتھ معاہدے کوبحال کرنا اور پابندیاں ہٹانا ہے:روس

    ویانا مذاکرات کامقصد ایران کےساتھ معاہدے کوبحال کرنا اور پابندیاں ہٹانا ہے:روس

    تہران :ویانا میں جاری جوہری معاہدے کی بحالی کے مذاکرات کے سرکردہ روسی مذاکرات کار نے اس بات پر حیرت کا اظہار کیا ہے کہ چیف یورپی مذاکرات کاروں نے مذاکرات میں شرکت نہیں کی اور کہا کہ ان کی موجودگی مددگار ثابت ہو گی کیونکہ مذاکرات جاری ہیں۔

    ویانا میں روسی مذاکرات کار میخائیل اولیانوف نے کہا کہ جب تک تمام معاملات پر اتفاق نہیں ہو جاتا تب تک کوئی معاہدہ نہیں ہو سکتا۔ویانا میں جاری جوہری معاہدے کی بحالی کے مذاکرات کے سرکردہ روسی مذاکرات کار میخائیل اولیانوف نے صحافیوں کے ساتھ گفتگو میں امریکہ اور ایران دونوں کے سنجیدہ موقف کے بارے میں کہا کہ پیشرفت ہوئی ہے اور ایرانی مذاکرات کار ایک حل تلاش کر رہے ہیں۔

    یورپی یونین کی ایران سے ایٹمی مذاکرات کا عمل تیز کرنے کی اپیل

     

    میخائیل اولیانوف نے ایران اور بین الاقوامی جوہری توانائی ایجنسی کے درمیان باقی ماندہ مسائل کے بارے میں کہا کہ ان مسائل کو جلد از جلد حل کیا جانا چاہیے اور روس اس سلسلے میں ایران کی حمایت کرتا ہے۔انہوں نے کہا کہ ویانا مذاکرات کا مقصد ایران کے ساتھ معاہدے کو بحال کرنا اور ملک کے خلاف پابندیاں ہٹانا ہے، معاہدہ ممکن ہے۔

    ایران ایٹمی معاہدے کی پاسداری کرے ورنہ خطر ناک نتائج کے لیے تیار رہے،برطانیہ

    مذاکرات کے ماحول پر روس کے مذاکرات کار نے کہا کہ تمام فریق مثبت نتیجے پر پہنچنے کے لیے آمادہ ہیں اور کوششں کر رہے ہیں اور مذاکرات درست سمت میں آگے بڑھ رہے ہیں۔ تاہم روسی مذاکرات کار نےاس بات پر حیرت کا اظہار کیا کہ یورپی مذاکرات کاروں نے مذاکرات میں شرکت نہیں کی حالانکہ ان کی موجودگی مددگار ثابت ہو سکتی ہے کیونکہ مذاکرات جاری ہیں۔

    ایران کے پاس ایٹمی ہتھیار حاصل کرنے کی صلاحیت نہیں جوبائیڈن

    میخائیل اولیانوف نے اس سوال پر کہ بات چیت کب تک جاری رہے گی، کہا کہ ہم ہفتوں کی نہیں دنوں کی بات کر رہے ہیں تاہم ان کا کہنا تھا کہ جب تک تمام معاملات پر اتفاق نہیں ہو جاتا تب تک کوئی معاہدہ نہیں ہو سکتا۔

  • ‘ہم دو ہمارے بارہ’ بالی ووڈ میں مسلمانوں کےخلاف نئی پروپیگنڈا فلم:مسلمان پریشان

    ‘ہم دو ہمارے بارہ’ بالی ووڈ میں مسلمانوں کےخلاف نئی پروپیگنڈا فلم:مسلمان پریشان

    ممبئی:‘ہم دو ہمارے بارہ’ بالی ووڈ میں مسلمانوں کے خلاف نئی پروپیگنڈا فلم، اس فلم کے ذریعے مسلمانوں کو پھر سے نشانہ بنانے کی کوشش ہورہی ہے ،اطلاعات ہیں کہ بھارت میں ہندو انتہا پسند یہ پروپیگنڈا کرتے ہیں کہ مسلمان خاندانی منصوبہ بندی نہیں کرتے، انہیں بے بنیاد حقائق کو بنیاد بنا کریہ فلم بنائی گئی ہے اوراس کے ذریعے مسلمانوں کی کردار کُشی کی جائے گی

    انتہا پسند ہندوؤں نے بھارت کے پہلے وزیراعظم کے مجسمے کو توڑ دیا،ویڈیو وائرل

    بھارت میں مسلمان کل آبادی کا 11 فیصد ہیں لیکن اس کے باوجود بھارت میں ہندو انتہا پسند یہ پروپیگنڈا کرتے ہیں مسلمان خاندانی منصوبہ بندی نہیں کرتے اس لئے ایک وقت آئے گا جب بھارت میں ہندو اقلیت میں چلے جائیں گے۔

    بالی ووڈ کی نئی فلم ‘ہم دو ہمارے بارہ’ کا چند روز قبل ہی پوسٹر ریلیز کیا گیا، پوسٹر میں ہندی زبان میں لکھا گیا ہے کہ ‘جلد ہی چین کو پیچھے چھوڑوں گا’۔ فلم کے پوسٹر کو دیکھ کر صاف طور پر یہ واضح ہوتا ہے کہ فلم کو بنایا ہی مسلمانوں کے خلاف اس پروپیگنڈے کی ترویج کے لیے ہے کہ بھارت میں مسلمان بڑھ رہے ہیں۔

    بھارتی انتہا پسند ہندو مسلمانوں کے بعد اب سکھوں کےجانی دشمن، پُرتشدد جھڑپیں

    ‘ہم دو ہمارے بارہ’ کے پوسٹر کی ریلیز کے بعد کے بعد بھارت میں اسلامو فوبیا کے حوالے سے سوال اٹھائے جانے لگے ہیں۔

    بھارت میں اسلامو فوبیا کے خلاف آواز اٹھانے والے رانا ایوب نے اپنی ٹوئٹ میں فلم کا پوسٹر شیئر کرتے ہوئے کہا ہے کہ بھارتی سنسر بورڈ ایسی فلم کی اجازت کیسے دیتا ہے جس میں مسلمانوں کو ملک کی بڑھتی آبادی کی وجہ کے طور پر دکھایا گیا ہو اور مسلمان خاندان کی تصویر استعمال کرکے ڈھٹائی سے نفرت پھیلائی جارہی ہو۔

     

     

    ہدایت کار کی ڈھٹائی
    دوسری جانب فلم کے ہدایت کار کمل چندرا نے کمال دھٹائی کا مظاہرہ کرتے ہوئے کہا ہے کہ میرے خیال میں سینما اپنے خیالات اور جذبات کے اظہار کا بہترین ذریعہ ہے، ‘ہم دو ہمارے بارہ’ کا پوسٹر بالکل بھی قابل اعتراض نہیں ۔ اسے صحیح طریقے سے دیکھنے کی ضرورت ہے۔

    بھارت میں انتہا پسند ہندوؤں کا مسلمان صحافیوں پر حملہ

    کمل چندرا نے مزید کہا کہ آج لوگ سوچ رہے ہیں کہ ہماری فلم کے ذریعے مسلمانوں کو نشانہ بنایا جا رہا ہے۔ہم کسی خاص کمیونٹی کے جذبات کو ٹھیس پہنچائے بغیر یہ فلم بنا رہے ہیں، مجھے یقین ہے کہ لوگوں کو یہ فلم اچھی لگے گی کیونکہ بڑھتی آبادی ہمارے دور کا سب سے بڑا مسئلہ ہے۔

    گزشتہ کئی برسوں سے بھارت میں کھل کر مسلم دشمنی کی جارہی ہے اور اس حوالے سے بھارت کی ہندی فلم نگری میں بھی مسلمانوں کے خلاف نفرت انگیز جذبات پر مبنی فلمیں بنائی جارہی ہیں۔

    رواں برس کشمیر فائلز کے نام سے ایک فلم ریلیز کی گئی تھی جس میں تاریخی حقائق کو مسخ کرکے یہ دکھانے کی کوشش کی گئی کہ مقبوضہ کشمیر سے ہندو پنڈتوں کو جبری طور پر نکالا گیا۔