مری: راولپنڈی کی ضلعی انتظامیہ نے ہوٹلز میں بغیر بکنگ مری آنے والے سیاحوں کا داخلہ بند کردیا ہے۔میڈیا رپورٹ کے مطابق ضلعی انتظامیہ نے چھٹیوں کے دوران مری جانے والے سیاحوں کیلئے ہوٹل بکنگ لازمی قرار دے دی ہے، بکنگ کے بغیر آنے والے سیاحوں کو سترہ میل ٹول پلازہ سے واپس بھیج دیا جائے گا۔

ترجمان ضلعی انتظامیہ کا کہنا ہے کہ سیاحوں کی بڑی تعداد مری آنے پر ٹریفک کی روانی متاثر ہورہی ہے، پابندی کا فیصلہ ناگہانی حالات سے نمٹنے، ٹریفک روانی کو برقرار رکھنے کیلئے کیا گیا ہے۔

دوسری جانب مری کلڈنہ سے نتھیا گلی جانے والی ٹریفک کو باڑہاں کا راستہ کھلا ہونے کے باوجود ہوٹل مالکان نے اسے بند کردیا ہے جس کے باعث سیاحوں کو مشکلات سامنا ہے، جبکہ مقامی پولیس ہوٹل مالکان کے سامنے بے بس دکھائی دے رہی ہے۔

سی پی او سید شہزاد ندیم نے مری میں سیاحوں کے رش کے باعث ٹریفک کی روانی متاثر ہونے کا نوٹس لیتے ہوئے انتظامیہ کو ٹریفک کی روانی بہتر بنانے کی ہدایت کردی ہے۔

وزیراعلیٰ پنجاب چوہدری پرویزالہٰی نے بھی سیاحوں کی جانب سے بڑی تعداد میں مری کا رخ کرنے پر انتظامیہ کو مری میں ٹریفک کی روانی بہتر بنانے کا حکم جاری کیا ہے، وزیراعلیٰ پنجاب پرویزالہٰی نے کمشنر راولپنڈی اور آرپی او راولپنڈی کو ہدایات کی ہیں کہ مری میں ٹریفک رواں رکھنے کیلئے تمام ضروری اقدامات اٹھائے جائیں۔

پرویزالہٰی نے سی ٹی او راولپنڈی کو فی الفور مری پہنچنے کی ہدایت کرتے ہوئے کہا کہ انتظامیہ، ٹریفک حکام ملکر مؤثر ٹریفک مینجمنٹ پلان پر عملدرآمد یقینی بنائیں۔انہوں نے کہا کہ تعین کردہ حد سے زائد گاڑیوں کو سیاحتی مقام میں داخلے کی قطعاً اجازت نہ دی جائے، سیاحوں کی آمدورفت کو مؤثر ٹریفک مینجمنٹ سے ریگولیٹ کیا جائے۔

اسلام آباد: شیریں مزاری کا امریکی حکام کے پاکستان کے حساس سرحدی علاقوں کے دورے پر شکوے کے بعد ایک عجیب گفتگو کا سلسلہ جاری ہے جس میں سوشل میڈیا صارفین کی امریکی امداد لینے پر تنقید بھی کی گئی ہے

پاکستان تحریک انصاف کی سینیئر رہنما ڈاکٹر شیریں مزاری نے اتوار کو پاکستان میں امریکی سفیر ڈونلڈ بلوم کے گذشتہ ہفتے طورخم بارڈر کے دورے کی تصاویر سوشل میڈیا پر لگا کر تنقید کی تو سوشل میڈیا پر صارفین نے یہ سوال اٹھایا کہ یہ تنقید اس وقت کیوں نہ ہوئی جب چند ہی دن قبل یہی امریکی سفیر خیبر پختونخوا کے وزیر اعلی سمیت تحریک انصاف کی صوبائی حکومت کے عہدے داران سے ملاقات کر رہے تھے۔

بی بی سی اس ساری صورت حال پر کچھ اس طرح تبصرہ کرتا ہے کہ ڈاکٹر شیریں مزاری نے اپنی پوسٹ میں صرف وہ تصاویر شیئر کیں جن میں فوجی حکام امریکی سفیر کو طورخم بارڈر کے قریب ایک پوسٹ پر بریفنگ دے رہے ہیں جبکہ اس دورے کی وہ تصاویر شیئر نہیں کی گئیں جن میں امریکی سفیر تحریک انصاف سے تعلق رکھنے والے وزیرِ اعلیٰ محمود خان سمیت دیگر وزرا اور صوبائی حکام سے ملاقات کر رہے ہیں۔

یاد رہے کہ تحریک انصاف چیئرمین عمران خان یہ الزام بارہا دہرا چکے ہیں کہ ان کی وفاقی حکومت گرانے کے پیچھے امریکی سازش تھی جس کی امریکی محکمہ خارجہ تردید کر چکا ہے۔

US envoy & his gang flying over sensitive areas of Pak on way to Torkham & surveying lay of land + official briefing & red carpet!Areas ordinary Pak citizens cant go! Blome Viceroy in all but name & arrogance writ large? One more US regime change conspiracy agenda item fulfilled! pic.twitter.com/x2Z2h0T4Wa

— Shireen Mazari (@ShireenMazari1) August 7, 2022

شیریں مزاری نے تین اور چار اگست کو ہونے والے امریکی سفیر کے اس دورے پر تنقید کرتے ہوئے لکھا کہ ’امریکی سفیر اور ان کا گینگ طورخم کی راہ میں پاکستان کے حساس علاقوں پر پرواز کرتے ہوئے زمین کا معائنہ کر رہے ہیں جبکہ موصوف کو سرکاری بریفنگ بھی میسر ہے اور قدم رنجہ ہونے کو سرخ قالین بھی!! ان علاقوں میں تو عام پاکستانی بھی قدم نہیں رکھ سکتے! کیا ہم غلام ہیں؟‘

واضح رہے کہ پاکستان اور افغانستان کو ملانے والی طورخم سرحد کے قریب مچنی پوسٹ پر امریکی سفیر کو تین اگست تک اس علاقے سے متلعق فوجی حکام کی طرف سے بریفنگ دی گئی تھی۔ اس بریفنگ کا اہتمام فرنٹیئر کور نے کیا تھا۔

اس سے اگلے دن یعنی چار اگست کو امریکی سفیر نے صوبائی دارالحکومت پشاور کا دورہ کیا اور پھر نہ صرف وزیر اعلیٰ سے ملے بلکہ مختلف تقریبات میں بھی شرکت کی جہاں انھیں صوبائی وزرا اور حکام کی طرف سے بریفنگ دی گئی۔

ابھی امریکی سفیر پشاور میں ہی تھے کہ ان کے کچھ سفارتکاروں نے پشاور میں واقع اس پراسیکیوشن سینٹر کا بھی دورہ کیا جو امریکی امداد سے چل رہا ہے اور وہاں تفتیش کاروں کو تفتیش کے نئے گُر سکھائے جا رہے ہیں۔

اس کے بعد امریکی سفیر نے وزیر اعلیٰ کی موجودگی میں صوبے کے وزیر صحت تیمور سلیم جھگڑا کو ہسپتالوں کے لیے 36 گاڑیوں کی چابیاں بھی دیں، جو تحریک انصاف کے وزیر نے شکریے کے ساتھ وصول کیں۔ امریکی سفیر نے حیات آباد میں امریکی مدد سے چلنے والے ایک برن سینٹر کا بھی دورہ کیا۔

اسلام آباد:اکثریتی آبادی الیکشن لڑنے کے حق سے عملی طور پرمحروم ہے،اطلاعات کے مطابق فری اینڈ فیئر الیکشن نیٹ ورک (فافن) نے کہا ہے کہ انتخابات میں پیسے کے عمل دخل کوکم کرنے کیلئے قانون کو موثر بنایا جائے۔

فافن نے اپنے رپورٹ میں تجویز دی ہے کہ الیکشنز ایکٹ، 2017 میں اخراجات کوکم کرنے کیلئے موجود دفعات ناکافی ہیں، سیاسی جماعتیں انتخابات میں پیسے کے استعمال کے متعلق اصلاحات پراتفاقِ رائے پیداکریں۔

رپورٹ کے مطابق سیاست میں پیسے کے استعمال سے متعلق سخت قانونی ضوابط متعارف کرائے جائیں کیونکہ پیسے کی وجہ سے اکثریتی آبادی الیکشن لڑنے کے حق سےعملی طور پرمحروم ہے۔

دوسری طرف الیکشن کمیشن نے اعلان کیا ہے کہ الیکشن شیڈول جاری ہونے تک کوئی بھی شہری اپنے ووٹ کی تصدیق اور ووٹ ٹرانسفر کر سکے گا،اس کے ساتھ ساتھ الیکشن کمشین کی طرف سے یہ بھی بتایا گیا ہے کہ انتخابی فہرستوں کی حتمی فہرست کا اجرا25 اگست کو کیا جائے گا،

الیکشن کمیشن کی طرف سے یہ بھی بتایا گیا ہے کہ تمام افراد اپنا ووٹ 8300 پر ایس ایم ایس کر کے اپنے ووٹ کی تصدیق کریں، انتخابی فہرستوں میں بے ضابطگیاں ختم کرنے کیلئےعوام سے بھی اپیل کی جائے گی،

ذرائع کے مطابق اس حوالے سے الیکشن کمیشن کا کہنا ہے کہ انتخابی فہرستوں میں بے ضابطگیوں کے باعث فیصلہ کیا گیا ،نادرا اور لوکل گورنمنٹ کے ریکارڈ سے ووٹرز لسٹوں میں بے ضابطگیاں دور کی جائیں گی،الیکشن کمیشن نے نادرا اور لوکل گورنمنٹ سے مل کر دوبارہ انتخابی فہرستوں کی تصدیق کا فیصلہ،