Author: +9251

وزیرِ ریونیو پنجاب منصور احمد خان نے پروٹوکول لینے سے انکار کردیا

پنجاب کابینہ میں شامل نومنتخب وزیر نوابزادہ منصور احمد خان نے سرکاری پروٹوکول لینے سے انکار کردیا .وزیرِ ریونیو پنجاب منصور احمد خان نے وزیرِ اعلیٰ پنجاب پرویز الہٰی کو پروٹوکول نہ لینے کے فیصلے سے آگاہ کر دیا۔ منصور احمد خان پی پی271 سے رکن صوبائی اسمبلی منتخب ہوئے ہیں۔

واضح رہے کہ نوابزادہ منصور احمدخان معروف سیاستداں نوابزداہ نصراللّٰہ خان مرحوم کے صاحبزادے ہیں۔ نوابزادہ منصور احمد خان وزیر اعلی چوہدری پرویز الہی کو خط میں پروٹوکول لینے سے معذرت کرلی

منصور احمد خان نے وزیراعلی کو خط میں لکھا کہ موجود ملکی معاشی صورتحال میں میرا ضمیر پروٹوکول کی اجازت نہیں دیتا، ان کا کہنا تھا کہ معاشی حالت ٹھیک نہیں ہے جس کی وجہ سے میں نوابزادہ منصور احمد خان نے سرکاری گاڑی، گھر اور عملہ واپیس لینے کی درخواست کی ہے .

صوبائی وزیر ریونیو نوابزادہ منصور احمد خان نے کہا ہے کہقیام امن کے لیے تمام مکاتب فکر کے علماء کرام نے ہمیشہ کلیدی کردار ادا کیا ہے،محرم الحرام کے مقدس مہینے میں بھی بھائی چارے اور رواداری کی فضاء کو پروان چڑھانے میں علماء کرام اپنا بھرپور تعاون جاری رکھیں،محرم الحرام کے موقع پرضلعی انتظامیہ، پولیس تمام سرکاری اداروں او ر ضلعی و تحصیل امن کمیٹیوں سے مل کر تمام انتظامات قبل از وقت مکمل کرلئے گئے ہیں۔

انہوں نے کہا کہ محرم الحرام کے دوران امن و امان برقرار رکھنے، مجالس اور جلوسوں کی فول پروف سکیورٹی، راستوں میں روشنی، صفائی، نکاسی آب سمیت دیگر انتظامات مکمل کر لئے گئے ہیں۔ وزیر اعلیٰ پنجاب پرویز الٰہی کی ہدایت پر صوبہ بھر میں ضلع کی سطح پر مسلسل مانیٹرنگ کیلئے ڈی سی آفس میں کنٹرول روم قائم کئے گئے ہیں جہاں سے حساس جلوسوں‘ مجالس کی بذریعہ سی سی ٹی وی کیمروں سے لائیو مانیٹرنگ کی جارہی ہے۔ اس کے علاوہ جلوس کی گزرگاہوں میں صفائی ستھرائی اور بجلی کی لٹکتی تاروں کی مرمت کر دی گئی ہے۔تمام اضلاع کی انتظامیہ نے باہمی مشاورت سے جلوس اور مجالس کی سیکورٹی کے بہترین انتظامات عمل میں لائے گئے ہیں۔

محرم الحرام میں غیر ملکی امن دشمن قوتیں فرقہ وارایت کی آگ بھڑکانے کے مذموم ایجنڈا کی تکمیل کیلئے متحرک ہو جاتی ہیں ایسی قوتوں کے خلاف ہمیں اپنی صفوں میں مکمل اور مثالی اتحاد پیدا کرتے ہو ئے مسلسل چوکنا رہنا ہو گا، بالخصوص ہمسایہ ملک میں موجودہ حالات کے تناظر میں تخریبی سرگرمیوں سے نمٹنے کے لیے سوشل میڈیا اور امن دشمن عناصر پر کڑی نظر رکھنا ہو گی۔ انہوں نے کہا کہ تمام مسالک کے جید علماء کرام مکمل ہم آہنگی اور بھائی چارے کے ساتھ قیام امن کی حکومتی کوششوں کو کامیاب بنائیں کسی بھی شرانگیزی‘ فرقہ واریت اورمذہبی منافرت کو ہر گز برداشت نہیں کیا جائے گا۔

انہوں نے کہا کہ سوشل میڈیا کو بالخصوص ملکی قوانین کے تابع بنانے کیلئے مزید ٹھوس اقدامات کئے گئے ہیں جس پر نفرت انگیز پوسٹ‘ مواد اپ لوڈ کرنے والوں کے خلاف بلاتفریق فوری ایکشن سے بہتر نتائج حاصل ہو رہے ہیں۔ انہوں نے کہا کہ آل رسول ؐ کی محبت ہمارے ایمان کا لازمی جزو ہے جس کاپہرہ دینا ہمارا اولین فرض ہے اور تمام مسالک کے علماء مل کرایسی تمام قوتوں کے مکروہ عزائم کو ناکام بنائیں گے جو امت مسلمہ کی صفوں میں انتشار اور تفرقہ پیدا کرنا چاہتے ہیں۔

اگست 7, 2022
عثمان بزدار کی طرف سے ہتک عزت کے نوٹس کا عظمیٰ کاردار نےجواب دے دیا

لاہور:پی ٹی آئی رکن اسمبلی عظمیٰ کاردار اپنے موقف پر ڈٹ گئیں، سابق وزیراعلیٰ پنجاب عثمان بزدار کی جانب سے بھیجے گئے ہتک عزت نوٹس کا جواب دے دیا۔

اس سلسلے میں جہاں عظمیٰ کاردار نے وکیل کے ذریعے اس نوٹس کا جواب دیا ہے وہاں وہ خود ویڈیو پرعثمان بزدارکی طرف سے دیئے گئے نوٹس پرجواب دے رہی ہیں اور عثمان بزدار پرسنگین الزامات بھی عائد کیے ہیں

عظمیٰ کاردار نے وکیل کےذریعے جمع کرائے گئے جواب میں کہا ہے کہ عثمان بزدار کرپشن میں ملوث رہے، مختلف ذرائع سے کرپشن ہوتی رہی، فرح خان، احسن جمیل گجر اور بشریٰ بی بی کرپشن میں شریک رہے ہیں اور ان کی سرپرستی سابق وزیراعظم عمران کرتے تھے۔

عظمٰی کاردارنے کہا کہ ایک نوٹس عمران خان کو بھی بھیجیں جنہوں نے آپ کی کرسی پر عثمان بزدار کو بٹھا دیا ہے

عظمیٰ کاردار نے اپنے جواب میں لکھا ہے کہ مختلف ایجنسیز فرح خان کیخلاف کرپشن کی تحقیقات کر رہی ہیں جبکہ فرح خان ملک سے فرار ہیں۔

عظمیٰ کاردار کہتی ہیں کہ میں‌ تو اپ کے قریب ڈیڑھ سال تک نہیں گئی پھربشریٰ‌ بی بی کو کس قانون کے تحت بہت زیادہ فائدے پہنچائے گئے ،عظمیٰ کاردار نے اپنے جواب میں کہا ہےکہ آئین کے آرٹیکل 19 کے تحت انہوں نے کوئی ایسی بات نہیں کی جوجرم کے زمرے میں آتی ہو، ان کا کہنا تھا کہ اپنے جو ہرجانے کی رقم کا مطالبہ کیا ہے کہ بھی بے بنیاد ہے ،

عظمیٰ‌کاردار نے مزید کہا کہ وہ بعض نجی ٹی وی چینلز پر وائرل ہونے والی گفتگو کو بھی جواز نہیں بنایا جاسکتا،اس لیے آپ نے بے بنیاد الزامات لگائے ہیں جو میں مسترد کرتی ہیں

عظمیٰ کاردار نے مزید کہا کہ وہ ایم پی ایز جو ہر وقت اپ کے پاس بیٹھے رہا کرتے تھے ان کو کتنافائدہ پہنچایا،دور دراز علاقے میں بڑی شاندارسڑکیں اورایسا ماحول بنادیا کہ سب دیکھتےہی رہ گئے ،

عظمیٰ کاردار کہتی ہیں کہ آپ کی کرپشن کے تو عمران ریاض خان اور چوہدری غلام حسین جیسے صحافیون نے بھی پردے چاک کئے تھے ، اب آپ اپنی حیثیت کا پتہ لگا لیں کہ آپ کو تو بالکل کُھڈے لائن لگا دیا گیا ہے

عظمیٰ کاردار کہتی ہیں کہ وہ ایک نظریاتی کارکن تھیں اور پارٹی کے ساتھ اس وقت تک رہیں جب معاملات ٹھیک چل رہے تھے ،ان کا یہ بھی کہنا تھا کہ عثمان بزدار کی کرپشن کے خلاف تحقیقات ہورہی ہیں اور ادارے مسلسل اس بات کی تلاش میں کہ کرہشن کیسز کو منطقی انجام تک پہنچا دیا جائے

یاد رہےکہ عظمیٰ کاردار نے اپنے وکیل کے ذریعے عثمان بزدار کے نوٹس کا جواب دے دیا ہے اورساتھ چیلنج بھی کردیا ہے کہ بہت جلد آپ کے خلاف کرپشن کیسز قائم ہوجائیں گے

اگست 7, 2022
یاسمین راشد اچانک گنگا رام ہسپتال پہنچ گئیں،مدراینڈ چائلڈ بلاک کی تعمیر کا جائزہ لیا

صوبائی وزیر صحت ڈاکٹریاسمین راشداچانک گنگارام ہسپتال میں زیر تعمیرمدراینڈچائلڈ بلاک پہنچ گئیں، سیکرٹری صحت علی جان خان،وائس چانسلر فاطمہ جناح میڈیکل یونیورسٹی پروفیسرڈاکٹرخالدمسعودگوندل،سپیشل سیکرٹری محمد عثمان،ایم ایس گنگارام ہسپتال ڈاکٹراطہر،چیف پلاننگ آفیسرعبدالحق بھٹی،شیخ اعجاز،سی اینڈڈبلیوسمیت متعلقہ محکمہ جات کے افسران موقع پرموجودتھے۔

سیاست میں عزت و احترام کے قائل ہیں،چودھری پرویزالٰہی

صوبائی وزیر صحت ڈاکٹریاسمین راشدنے زیرتعمیرمدراینڈچائلڈ بلاک میں جاری پیش رفت کاجائزہ لیا۔ سیکرٹری صحت علی جان خان،وائس چانسلر پروفیسرڈاکٹرخالدمسعودگوندل اور متعلقہ افسران نے ڈاکٹریاسمین راشدکو زیرتعمیرمدراینڈچائلڈ بلاک میں جاری پیش رفت کی تفصیلات سے آگاہ کیا۔

صوبائی وزیر صحت ڈاکٹریاسمین راشدنے متعلقہ تمام افسران کو زیرتعمیرمدراینڈچائلڈ بلاک کو مقررہ وقت پر ہر صورت مکمل کرنے کی ہدایت کردی۔صوبائی وزیرصحت ڈاکٹریاسمین راشدنے زیرتعمیرمدراینڈ چائلڈ بلاک کے مختلف شعبہ جات کا تفصیلی دورہ کیا۔

کورونا وائرس کے مثبت کیسز کی شرح میں کمی ریکارڈ

صوبائی وزیر صحت ڈاکٹریاسمین راشد نے کہا کہ گنگارام ہسپتال میں زیرتعمیرمدراینڈ چائلڈ بلاک کو مقررہ طے شدہ وقت پر مکمل کریں گے، گنگارام ہسپتال میں زیرتعمیرمدراینڈچائلڈ بلاک کو جلدمکمل کرکے عوام کیلئے کھول دیں گے، تمام متعلقہ افسران کوزیرتعمیرمدراینڈ چائلڈ بلاک جلدازجلد مکمل کرنے کی ہدایت کردی ہے۔

ادویات کی قیمتوں میں 40 فیصد اضافہ ہونے کا امکان

ڈاکٹریاسمین راشد کا کہنا تھا کہ زیرتعمیرمدراینڈچائلڈ بلاک میں کسی قسم کی کوتاہی یا تا خیر برداشت نہیں کی جائے گی، پنجاب میں اسٹیٹ ف دی آرٹ مدراینڈ چائلڈ ہسپتال عمران خان کے وعدے کی تکمیل ہیں، پنجاب کی عوام کو 23نئے سرکاری ہسپتالوں کا تحفہ دیں گے، پنجاب میں تمام زیر تعمیر مدراینڈ چائلڈ ہسپتالوں کا دورہ کرکے جاری پیش رفت کاجائزہ لیاجائے گا۔

ڈاکٹریاسمین راشد نے مزید کہا کہ پاکستان میں ہرسال ہزاروں مائیں اور بچے دوران زچگی زندگی کی بازی ہارجاتے ہیں، پنجاب میں اسٹیٹ آف دی آرٹ مدراینڈچائلڈ ہسپتالوں کے ذریعے ہزاروں ماؤں اور بچوں کی زندگی کو محفوظ بنایاجائے گا۔

اگست 7, 2022
’’اسلامی ٹچ‘‘ دینے والے فنکاروں کو اب ’’قانونی ٹچ‘‘ کی ضرورت ہے، رانا ثناء اللہ

وزیر داخلہ رانا ثناء اللہ کا کہنا ہے کہ ’’اسلامی ٹچ‘‘ دینے والے فنکاروں کو اب ’’قانونی ٹچ‘‘ کی ضرورت ہے کیونکہ فارن فنڈنگ کے مجرم 8 سال سے ’’قانونی ٹچ‘‘ سے بھاگ رہے ہیں۔

آسمانی طاقت اور عوام عمران خان کے ساتھ ہیں،شیخ رشید

شیخ رشید کے بیان پر ردعمل دیتے ہوئے رانا ثناء اللہ نے کہا کہ عالمی بنارسی ٹھگ غیر ملکیوں سے غیرقانونی ڈالر لیتے پکڑے گئے ہیں، ہر چوری پکڑے جانے پر ’’جھوٹا عمران اینڈ فارن ایجنٹس کمپنی‘‘ مکاری، فنکاری اور عیاری کرنے لگتے ہیں۔

سیاست میں عزت و احترام کے قائل ہیں،چودھری پرویزالٰہی

انہوں نے کہا کہ فارن فنڈنگ کیس سے پتہ چلا کہ عمران نیازی کا کتنا گندا کردار ہے، شہدا کے خلاف نفرت انگیز مہم چلانے والے گندے اور گھٹیا کردار ہیں۔وزیر داخلہ کا کہنا تھا کہ عمران نیازی نے 8 سال پوری کوشش کی کہ فارن فنڈنگ کیس کا فیصلہ نہ آئے لیکن اللہ تعالیٰ نے اکبر ایس بار کو سچا ثابت کر دیا، اللہ تعالیٰ کا پاکستان پر کرم ہوا اور جعلی صادق اور امین کی اصلیت قوم کے سامنے آگئی۔

قبل ازیں عوامی مسلم لیگ کے سربراہ شیخ رشید احمد کا کہنا ہے کہ زمینی طاقتیں 15 حکمران جماعتوں کے ساتھ ہیں جبکہ آسمانی طاقت اور عوام عمران خان کے ساتھ ہیں۔
سوشل میڈیا پر جاری بیان میں شیخ رشید نے کہا کہ ملک ڈیفالٹ کی طرف جا رہا ہے، زرمبادلہ کے ذخائر، ترسیلات اور ایکسپورٹ کم ہو رہی ہیں، وزیر خزانہ ایک ہفتے ٹیکس لگاتے ہیں اور دوسرے ہفتے اٹھا لیتے ہیں۔

انہوں نے مزید کہا کہ اب تک کی ساری آئینی ترامیم ملک کے لیے نہیں اپنی ذات اور مفاد کے لیے کی گئی ہیں، حتیٰ کہ قرضے کے لیے بھی آرمی چیف کو فون کرنے پڑ رہے ہیں۔

اگست 7, 2022
صدرکراچی بم دھماکے میں ملوث کالعدم تنظیم کا دہشت گرد گرفتار

صدرکراچی بم دھماکے میں ملوث کالعدم تنظیم کا دہشت گرد گرفتار

سی ٹی ڈی پولیس نے صدر بم دھماکے کے الزام میں کالعدم تنظیم کے دہشت گرد کو گرفتار کرکے اسلحہ، بارود اور لیپ ٹاپ برآمد کرلیا۔

لوئر دیر: پاکستان تحریک انصاف کے رکن صوبائی اسمبلی فائرنگ سے زخمی

سی ٹی ڈی پولیس کو اطلاع ملی کہ ایک دہشت گرد کراچی کے علاقے حب ریور روڈ پر پہنچا ہے جس پر پولیس نے چھاپہ مارکرکالعدم تنظیم کے دہشت گرد شیراز احمد کو گرفتار کرکے اس کے قبضے سے ایک لیپ ٹاپ، بارود اور اسلحہ برآمد کرلیا۔پولیس کے مطابق ابتدائی تفتیش میں ملزم نے صدر بم دھماکے کا اعتراف کرتے ہوئے بتایا کہ اس کا تعلق کالعدم تنظیم ایس آر اے سے ہے۔

افغانستان:کابل میں دھماکا،18افراد ہلاک، متعدد زخمی

دہشت گرد واقعے کے بعد فرار ہو کر بلوچستان میں روپوش ہوگیا تھا۔سی ٹی ڈی کو شبہ ہے کہ ملزم کراچی میں تخریب کاری کے لیے آیا تھا۔اس کے کراچی پہنچنے کی بروقت اطلاع مل گئی اور اسے گرفتار کرلیا گیا

ملزم نے ابتدائی تفتیش میں اپنے دیگر ساتھیوں کے بارے میں بھی انکشاف کیا ہے جن کی گرفتاری کے لیے چھاپے مارے جارہے ہیں۔گرفتار ملزم نے یہ بھی انکشاف کیا تھا کہ سائیکل میں بارود شیراز احمد نے نصب کیا تھا،سی ٹی ڈی پولیس کے مطابق 12 مئی 2022ء کو صدر کے علاقے میں بم دھماکے میں ایک شخص جاں بحق اور 7 افراد زخمی ہوئے تھے۔

حافظ آباد:بس حادثہ،7افراد جاں بحق جبکہ 30 زخمی

پولیس بم دھماکے کے الزام میں پہلے ہی تین ملزمان کو گرفتار کرچکی ہے اور اب اس ملزم کو گرفتار کیا گیا ہے۔

اگست 7, 2022
عارف لوہار اپنا پہلا عشق کسے کہتے ہیں؟‌

فوک گلوکار عارف لوہار نے حال ہی میں ایک انٹرویو دیا ہے اس میں انہوں نے بتایا ہے کہ ان کا پہلا عشق کون ہے. عارف لوہار نے کہا ہے کہ میرا پہلا عشق میرے والد ہیں میں‌نے ان سے بہت کچھ سیکھا. ہم جدید زمانے کے ساتھ چل ضرور رہے ہیں لیکن کبھی بھی اپنی روایات کو نہیں چھوڑا نہ ہی ملک ملک پھرنے کے بعد بھی اپنے انداز اور ملبوسات کو تبدیل کیا ہے میں آج بھی وہی پہنتا ہوں جو ہمارے خاندان کی روایت ہے. میں‌آج بھی لاچا پہنتا ہوں میرے بچے بھی لاچا پہنتے ہیں اور رتی برابر بھی نہیں‌کبھی کہا کہ یہ کیا لباس ہم پہن رہے ہیں یا ہمیں‌لباس تبدیل کرنی کی اجازت دی

جائے وہ بھی ہمارے خاندان کی روایات کو لیکر چل رہے ہیں. عارف لوہار نے مزید کہا کہ میں اپنی بیوی سے بہت محبت کرتا تھا آج بھی کرتا ہوں میری اہلیہ میرے دکھ سکھ کی ساتھی تھیں وہ بیوی تو اچھی تھیں ہی لیکن بہت اچھی ماں بھی تھیں. میری بیوی خوبیوں کا مجموعہ تھیں، ان کا یوں دنیا سے چلے جانا یقینا میرے لئے بہت بڑا دھچکا ہے. انہوں نے مزید کہا کہ ہر گلوکار کی اپنی اپنی خصوصیت ہے کوئی کچھ گاتا ہے کوئی کچھ گاتا ہے.عارف لوہار کہتے ہیں‌کہ انہیں صوفی کلام سے خاص قسم کی عقیدت ہے. جس تن نوں لگدی اوتن جانے گانا میرے دل کے بہت قریب ہے۔ یاد رہے کہ عارف لوہار ایک شو کی غرض سے ملک سے باہر ہیں اگلے ماہ وطن واپسی کریں گے.

اگست 7, 2022
آج بننے والی فلموں کو ہم مکمل فلم نہیں کہہ سکتے لیلی

نوے کی دہائی کی خوبصورت اداکارہ لیلی جو ایک عرصہ سے سٹیج ڈراموں سے منسلک ہیں انہوں نے حال ہی میں ایک انٹرویو میں کہا ہے کہ ایک فنکارکوفنون لطیفہ کے تمام شعبوں میں کام کرنا چاہیے لیکن ہمارے ہاں کچھ یوں ہوتا ہے کہ ایک اداکار اگر ٹی وی ڈراموں‌سے شہرت حاصل کرلیتا ہے تو وہ وہیں تک خود کو محدود کر لیتا ہے اور فلموں میں‌ چلا جائے تو پھر وہ ٹی وی میں واپسی نہیں کرتا.یہ بہت ہی غلط رجحان ہے ایسا نہیں‌ ہونا چاہیے. لیلی نے ایک سوال کے جواب میں‌ کہا ہے کہ پاکستان میں‌جو اس وقت فلمیں بن رہی ہیں انہیں‌ ہم مکمل فلمیں‌ نہیں‌ کہہ سکتے یہ فلمیں اس لئے بہتر نظر آرہی ہیں کیونکہ جدید ٹیکنالوجی کو استعمال کرکے ان کے

بنایا جا ررہا ہے. ساتھ ہی لیلی نے پاکستان میں‌اچھی فلموں‌کے دور کی واپسی کی بھی امید کی اور کہا ہے کہ جیسا کام ہورہا ہے پاکستانی فلموں کا دور جلد واپس آجائیگا. لیلی نے کہا کہ میں‌وہ اداکارہ ہوں جس نے فلمی صنعت سے کیرئیر شروع کیا لیکن بعد میں فنون لطفیہ کے دوسرے شعبوں میں بھی قسمت آزمانے کی کوشش کی، میں نے خود کو فلموں تک محدود نہیں کیا اور نہ ہی یہ سوچا کہ میں فلموں‌کے علاوہ کچھ نہیں‌کروں گی. میں نے ڈرامے بھی کئے سٹیج بھی کیا اور میں خوش ہوں کہ میں نے فن کی خدمت کی ہے.

اگست 7, 2022
سیاست میں عزت و احترام کے قائل ہیں،چودھری پرویزالٰہی

وزیراعلیٰ پنجاب چودھری پرویز الٰہی سے سیکرٹری جنرل وفاق المدارس العربیہ پاکستان مولانا محمد حنیف جالندھری اور سیالکوٹ سے رکن پنجاب اسمبلی احسن سلیم بریارنے ملاقات کی.

آسمانی طاقت اور عوام عمران خان کے ساتھ ہیں،شیخ رشید

ٰمولانا محمد حنیف جالندھری نے نکاح نامے میں ختم نبوتؐ کے حلف نامے کی شق شامل کرنے پر وزیر اعلی چودھری پرویزالٰہی کے مثالی اقدام کو سراہا

مولانا محمد حنیف جالندھری نے کہا کہ آپ کا یہ احسن اقدام دین کی بڑی خدمت ہے، اقدام انتہائی قابل قدر ہے جو ہمیشہ یاد رکھا جائے گا،صوبے میں مذہبی رواداری اور ہم آہنگی کے فروغ کیلئے آپ کی سربراہی میں پنجاب حکومت نے بہترین اقدامات کئے ہیں۔

پنجاب حکومت کا شریف خاندان سے تمام اضافی سیکیورٹی واپس لینےکا فیصلہ

چودھری پرویزالٰہی نے کہا کہ نکاح رجسٹرار کو ختم نبوت ﷺ کے حلف نامے والے نئے فارم فراہم کرنے کے لئے متعلقہ محکمے کو ہدایات جاری کردی ہیں، نئے فارم نہ دینے والوں کے خلاف سخت کارروائی کی جائے گی۔ نیا نکاح فارم استعمال نہ کرنے والے نکاح رجسٹرار کو 1 ماہ قید اور جرمانے کی سزا ہو سکتی ہے۔

چودھری پرویزالٰہی نے مذید کہا کہ یوم عاشور پر مذہبی رواداری کے فروغ کے علماء کرام کے کردار کے معترف ہیں۔پنجاب حکومت تمام مکاتب فکر کے علماء کرام کے مثالی تعاون کو تحسین کی نظر سے دیکھتی ہے۔علماء کرام کے تعاون اور حکومتی اقدامات کے باعث امن و امان کی صورتحال بہتر ہوئی ہے،حافظ عمار یاسر اور رمیش خان بھی اس موقع پر موجود تھے

علاوہ ازیں وزیراعلیٰ پنجاب چودھری پرویز الہٰی سے سیالکوٹ سے رکن پنجاب اسمبلی احسن سلیم بریارنے ملاقات کی ہے.پاکستان تحریک انصاف کے سینئر رہنما سلیم بریار اور صوبائی وزیر راجہ بشارت بھی اس موقع پر موجود تھے

وزیراعلی پنجاب چودھری پرویز الہٰی نے کہا کہ ووٹ کو عزت دو کا کھوکھلا نعرہ اپنی موت آپ مرچکا ہے، پاکستان میں صرف دیانتداری کی ہی سیاست چلے گی،عوام نے ضمنی انتخابات میں پی ڈی ایم اے کی منفی سیاست کو دفن کر دیا، سیاست میں عزت و احترام کے قائل ہیں،آپ سب میری ٹیم ہیں، مل کر صوبے کے عوام کی خدمت کرنی ہے، جلد سیالکوٹ کا دورہ کروں گا-

اگست 7, 2022
فیصل رحمان کو کس چیز کا ہے پچھتاوا؟

پاکستان فلم انڈسٹری کے سینئر اداکارہ فیصل رحمان نے حال ہی میں‌ کہا ہے کہ ہمارے ہاں نوجوان نسل کے نمائندہ ڈائریکٹرز بہت اچھا کاکام کررہے ہیں لیکن اگر بالی وڈ کی نقل کرنا بند کر دی جائے تو مزید بہتر کام سامنے آسکتا ہے. فیصل رحمان نے کہا کہ میں نے آج کل ہونے والا کام دیکھا ہے خوش ہوں‌کہ اچھا کام ہو رہا ہے. فیصل رحمان نے مزید کہا کہ مجھے بہت زیادہ افسوس ہے کہ میں نے پنجابی فلموں میں‌کام نہیں‌کیا، لیکن اب اگر مجھے ایسا موقع میسر
آیا تو میں‌ضرور کروں گا. فیصل رحمان نے کہا کہ ہمارے ہاں ماضی میں بہت اچھی پنجابی

فلمیں‌بنی ہیں. فیصل رحمان نے مزید کہا کہ ہماری مادری زبان فارسی ہے اس زبان میں بھی فلمیں بننی چاہیے. فیصل رحمان نے اسی کی دہائی میں سپر ہٹ فلمیں دی ان کے کریڈٹ پر جتنا بھی کام ہے بہت ہی زبردست ہے. فیصل رحمان کبھی کبھار ڈراموں میں‌نظر تو آجاتے ہیں لیکن ابھی تک کسی فلم کا حصہ نہیں‌ بنے. فیصل رحمان کے مداح ان کو دیکھنا چاہتے ہیں لیکن فیصل کم مگر معیاری کام کو ترجیح دیتے ہیں اس لئے ان کو جب کوئی بہتر سکرپٹ سمجھ میں آتا ہے وہ تب ہی کرتے ہیں. فیصل رحمان اداکارہ حنا الطاف کے ساتھ ڈرامہ سیریل گمراہ میں نظر آچکے ہیں ان کو اس ڈرامے میں‌کافی سراہا گیا تھا.

اگست 7, 2022
حمیرا ارشد نے اپنے خلاف ہونے والے جھوٹے پراپگینڈے کی تردید کردی

گلوکارہ حمیرا رشد کے بارے میں کہا جا رہا ہے کہ وہ پاکستان چھوڑ کر امریکہ میں مستقل سکونت اخیتار کرنے جا رہی ہیں. حمیرا ارشد نے اس حوالے سے پھیلائی جانے والی خبروں کی سختی سے تردید کردی ہے اور کہا ہے کہ ایسا کچھ بھی نہیں ہے ان خبروں میں ایک فیصد بھی سچائی نہیں ہے. میں‌امریکہ جاتی آتی رہتی ہوں زیادہ تر شوز کے لئے جاتی ہوں اور واپس آجاتی ہوں اب بھی میں امریکہ جا رہی ہوں لیکن چند دن کے بعد واپسی ہوجائے گی میں اس بار چوداں اگست امریکہ میں‌ ہی منائوں گی دوسرے ملک کی سرزمین پہ اپنے ملک کا دن منانے کا جو مزہ ہے اسکو لفظوں میں بیان نہیں‌کرسکتی. حمیرا ارشد نے کہا کہ پتہ نہیں‌کیوں‌میرے

حوالے سے غلط خبریں‌پھیلائی جاتی ہیں اور ہرچند دن کے بعد کوئی نہ کوئی ایسی خبر اڑا دی جاتی ہے جس کا حقیقت سے تعلق ہی نہیں ہوتا ہے. یہ چیزیں میرے لئے یقینا پریشان کن ہے ایسا نہیں‌ہونا چاہیے.پاکستان میرا ملک ہے میرا جینا مرنا یہیں‌ہے اس نے مجھے عزت شہرت دی ہے میں‌پاکستان کی نمائندہ بن کر دوسرے ملکوں میں‌جاتی ہوں تو کیسے ہو سکتا ہے کہ میں اپنا وطن چھوڑ کر کسی دوسرے ملک میں رہائش اخیتار کرلوں. ویسے تو مجھے جھوٹے پراپیگینڈا پر ریسپانس نہیں دینا چاہیے لیکن اپنے مداحوں کی وجہ سے مجھے ایسے جھوٹے پراپیگینڈوں‌کا جواب دینا پڑتا ہے اوران کی جھوٹ کی حقیقت کو بے نقاب کرنا پڑتا ہے.

اگست 7, 2022