Author: +9251

مسلم لیگ ن کے رہنما حنیف عباسی نے کہا ہے کہ الیکشن کمیشن کا فیصلہ آنے کے بعد عمران خان کے خلاف کارروائی ہو گی۔

مسلم لیگ ن کے رہنما حنیف عباسی نے پریس کانفرنس کرتے ہوئے کہا کہ پاکستان تحریک انصاف (پی ٹی آئی) کے چیئرمین عمران خان اوورسیز کے سامنے بے نقاب ہو گئے ہیں وہ کل رات بھولے بنے ہوئے تھے اور صدر مملکت عارف علوی فوری طور پر مستعفیٰ ہو جائیں۔

انہوں نے کہا کہ وفاقی تحقیقاتی ادارے (ایف آئی اے) کو پی ٹی آئی رہنما اسد عمر، پرویز خٹک اور دیگر کے خلاف تحقیقات کا حکم دیا ہے۔ عمران خان نے خیرات کا پیسہ ذاتی مفاد کے لیے استعمال کیا وہ سب سے بڑا چور ڈاکو ثابت ہو چکا ہے۔

حنیف عباسی نے کہا کہ عمران خان حکومت میں ہوں یا حکومت سے باہر ملک کے لیے زہر قاتل ہیں جبکہ حکومت نے تحریک انصاف کے 13 بے نامی اکاؤنٹس کی تحقیقات کا فیصلہ کیا ہے اور الیکشن کمیشن کا فیصلہ آنے کے بعد عمران خان کے خلاف کارروائی ہو گی۔

انہوں ںے کہا کہ ہم نے 2017 میں کہا تھا کہ عمران خان جھوٹا ہے۔ عمران خان ملکی معیشت اور جغرافیہ کے لیے سب سے بڑا خطرہ ہے جبکہ عمران خان نعیم الحق اور ڈاکٹر قدیر خان جیسی شخصیات کے جنازے پر بھی نہیں گئے۔

رہنما مسلم لیگ ن حنیف عباسی نے کہا کہ عمران خان سیلاب کے دوران شہید ہونے والے جوانوں کے جنازے پر بھی نہیں گئے جبکہ الیکشن کمیشن کا فیصلہ آنے کے بعد ثابت ہو گیا کہ عمران خان صادق اور امین نہیں ہیں۔

ڈالر کی قدر میں کمی کا رجحان برقرار ہے، آج انٹربینک میں ڈالر کی قیمت مزید دو روپے کمی کے ساتھ 224 روپے کی سطح پر آگئی۔

ڈالر کی قدر میں گراوٹ کا تسلسل کئی روز سے برقرار ہے، آج بھی ڈالر کی قدر میں مزید کمی ہوئی اور اس کے مقابلے میں روپے کی قدر مضبوط ہوئی۔

جمعہ کو انٹربینک مارکیٹ میں ڈالر کی قدر دو روپے 11 پیسے کی کمی سے 224 روپے چار پیسے کی سطح پر بند ہوئی، اسی طرح اوپن مارکیٹ نرخ بھی کم ہوئے۔

انٹربینک مارکیٹ میں کاروباری دورانیے میں ڈالر کی قدر اتار چڑھاؤ کا شکار رہی اور ایک موقع پر 2 روپے 80 پیسے کی کمی سے 226 روپے کی سطح پر بھی آگئی تھی تاہم اختتامی لمحات میں ڈیمانڈ قدرے بڑھنے ڈالر کے انٹربینک ریٹ 2.65 روپے کی کمی سے 226.15 روپے کی سطح پر بند ہوئے۔

اسی طرح اوپن کرنسی مارکیٹ میں بھی ڈیمانڈ نہ ہونے کے سبب ڈالر کی قدر 3 روپے کی کمی سے 226 روپے پر بند ہوئی۔

ڈالر کی قدر میں کمی کی وجوہات

واضح رہے کہ بحیثیت ریگولیٹر مرکزی بینک نے ایکس چینج کمپنیوں اور بینکوں کی زرمبادلہ کی سرگرمیوں کی نگرانی سخت کردی ہے اور متعدد ایکس چینج کمپنیوں و بینکوں کے فارن ایکس چینج آپریشنز کا معائنہ کرکے خلاف ورزی کے مرتکب شاخوں کی سرگرمیاں بھی معطل کی ہیں جس کے سبب زرمبادلہ کی دونوں مارکیٹوں میں منفی افواہیں پھیلا کر کی جانے والی سٹہ بازی رک گئی اور ڈالر کے مقابلے میں روپیہ مزید تگڑا ہوگیا۔

اسٹیٹ بینک حکام کا یہ بھی کہنا ہے کہ تمام مطلوبہ شرائط پورے ہونے کے بعد رواں ماہ کے تیسرے ہفتے میں آئی ایم ایف کی جانب سے قرض پروگرام کی منظوری مل جائے گی اور جاری معاشی حکمت عملی کی بدولت آئندہ دو سے تین ماہ میں ڈالر کم ہوکر اپنے حقیقی قدر پر آجائے گا۔

مارکیٹ ذرائع کا کہنا ہے کہ آنے والے دنوں میں ڈالر کی قدر میں مزید کمی کے خدشات کے پیش نظر وہ برآمد کنندگان جنہوں نے اپنی زرمبادلہ کی برآمدنی ہولڈ کی ہوئی تھیں وہ اب مارکیٹ میں بھنانے کو ترجیح دے رہے ہیں جس سے مارکیٹ میں زرمبادلہ کی سپلائی بڑھ گئی ہے اور روپیہ کی قدر مستحکم ہوتی جارہی ہے۔

تجزیہ کاروں کا کہنا ہے کہ سیاسی ماحول اگر سازگار رہے اور عالمی مارکیٹ میں خام تیل سمیت دیگر کموڈٹیز کی قیمتوں میں کمی ہو تو ڈالر کی قدر مستقبل میں بھی قابو میں رہ سکتی ہے۔

دوسری جانب ایکس چینج ایسوسی ایشن کے نمائندوں کا کہنا ہے کہ حکومت پہلے عوام میں اپنا اعتماد پیدا کرے اور پھر ملک میں غیر دستاویزی ڈالر کو دستاویزی بنانے کے لیے روشن ڈیجیٹل اکاؤنٹ کی طرز پر 8 فیصد شرح منافع کے ساتھ لوگوں کو ڈالرز اپنے بینک کھاتوں میں جمع کرانے کی ترغیبی اسکیم متعارف کرائے تو اربوں ڈالرز بینکاری نظام میں داخل ہوسکتے ہیں جس سے سپلائی میں نمایاں اضافے سے ڈالر بڑی نوعیت کی قلابازیاں کھاسکتا ہے۔

وفاقی وزیرترقی و منصوبہ بندی احسن اقبال نے کہا ہے کہ موجودہ حکومت نے ملکی معیشت کو بحالی اور تعمیر کے راستے پر گامزن کر دیا ہے۔ پائیدار معاشی ترقی کیلئے انتشار سے بچنا ہوگا۔ جدید معیشت میں توانائی کا شعبہ پانی، ہوا اور خوراک کی طرح بنیادی اہمیت کا حامل ہے۔

اسلام آباد میں وفاقی وزیرترقی ومنصوبہ بندی احسن اقبال نےمربوط انرجی پلاننگ اوریوایس ایڈ کے زیراہتمام منعقدہ تربیتی ورکشاپ سے خطاب کیا۔

وفاقی وزیر احسن اقبال نے کہا کہ موجودہ مخلوط حکومت ملکی معیشت کو بحالی اور تعمیر کے راستے پر گامزن کرنے میں کامیاب ہوگئی ہے۔ معاشی ترقی کیلئے ہمیں انتشار اور عدم استحکام سے بچنا ہوگا۔

انہوں نے کہا کہ توانائی کے بحران سے نکلنے کیلئے مستبقل کے لائحہ عمل اور پالیسیوں کو سائنسی بنیادوں پر تیار کرنا ہوگا۔ توانائی کے شعبے میں مربوط پلاننگ کا یہ منصوبہ سال 2016 میں شروع کیا گیا تھا اور اس منصوبے کے تحت مستقبل میں توانائی کے بحرانوں سے بچنے میں کامیاب ہونگے۔

ان کا کہنا تھا کہ دنیا میں مسابقت کی جنگ کیلئے سستی اورکلین انرجی کا انتظام ضروری ہے۔

احسن اقبال نے کہا کہ جدید معیشت میں توانائی،پانی، ہوا اور خوراک کی طرح بنیادی ضرورت ہے۔ ویژن 2025 میں توانائی، خوراک اور پانی کی سیکیورٹی کومربوط کیا گیا ہے۔پانی کو پہلے بجلی پیدا کرنے اور پھر زرعی شعبے کیلئے استعمال کیا جانا چاہئے۔

جسٹس قاضی فائز عیسی کے بعد جوڈیشل کمیشن کے رکن نے بھی چیف جسٹس کو خط لکھ دیا ہے۔

سپریم کورٹ میں ججز تقرری سے متعلق جوڈیشل کمیشن اجلاس کے معاملے پر ممبر جوڈیشل کمیشن ایڈووکیٹ اختر حسین نے بھی چیف جسٹس کو خط لکھ دیا ہے۔

ایڈووکیٹ اختر حسین نے خط میں لکھا کہ جوڈیشل کمیشن رولز میں ترمیم لازمی ہیں اور سپریم کورٹ کے سینئر ترین جج کی سربراہی میں کمیٹی 4 ہفتے میں جوڈیشل کمیشن رولز میں ترمیم کرے۔

انہوں نے لکھا کہ 28 جولائی کے اجلاس کی آڈیو ریکارڈنگ اور منٹس پبلک نہیں کیے جانے چاہیے تھے اور جوڈیشل کمیشن کے ممبران میں ذاتی اختلاف کی خبریں تشویشناک ہیں۔

خط میں لکھا کہ چیف جسٹس کی ذمہ داری ہے کہ تمام ممبران کے تحفظات کو دور کریں۔ جسٹس قاضی فائز عیسٰی، جسٹس سردار طارق، جسٹس سجاد علی شاہ اور اٹارنی جنرل کے خطوط پڑھے، اقلیتی ممبران کے کہنے پر جوڈیشل کمیشن اجلاس ختم نہیں کرنا چاہیے۔

اختر حسین ایڈووکیٹ نے کہا کہ جوڈیشل کمیشن کے تمام ممبران کی مشاورت سے اجلاس میں فیصلے ہونے چاہئیں۔

واضح رہے کہ اس سے قبل جسٹس قاضی فائز عیسٰی نے ججز تقرری سے متعلق جوڈیشل کمیشن کے اجلاس پر چیف جسٹس کو خط لکھا تھا۔

جسٹس قاضی فائز عیسٰی نے 28 جولائی کو ہونے والے جوڈیشل کمیشن اجلاس پر اعتراض اٹھایا تھا.

جسٹس قاضی فائز عیسٰی نے خط میں لکھا تھا کہ: بیرون ملک چھٹیوں پر ہوں،جوڈیشل کمیشن کا کوئی اجلاس شیڈول نہیں تھا،میرے بیرون ملک جانے کے بعد جوڈیشل کمیشن کے 2 اجلاس بلائے گئے،جبکہ میری غیر موجودگی میں جوڈیشل کمیشن کا تیسرا اجلاس 28 جولائی کو بلا لیا گیا۔

خط میں لکھا گیا تھا کہ جوڈیشل کمیشن کا اجلاس موخر کیا جائے،سپریم کورٹ میں ججز کی تعیناتی سے پہلے مل بیٹھ کر طے کرنا ہوگا کہ آگے کیسے بڑھنا ہے۔

جسٹس قاضی فائز عیسٰی نے خط میں لکھا: ہائی کورٹ کے چیف جسٹس،ججز کو بائی پاس کرنے سے پہلے نامزدگی کے طریقہ کار کو زیر غور لایا جائے،سپریم کورٹ کا سینئر ترین جج ججز کی نامزدگی کا طریقہ کار طے کرنے میں ناکام رہا،چیف جسٹس کی طرف سے ججز کی تعیناتی کے معاملے پر جلد بازی سوالیہ نشان ہے۔ چیف جسٹس چاہتے ہیں2347 دستاویز کا ایک ہفتے میں جائزہ لیا جائے،

جسٹس قاضی فائز عیسٰی نے خط میں لکھا تھا کہ دستاویزات ابھی تک مجھے فراہم ہی نہیں کی گئیں،واٹس ایپ کے ذریعے یہ ہزاروں دستاویزات مجھے بھیجنے کی کوشش کی گئی۔ واٹس ایپ پر مجھے صرف 14 صفحات تک رسائی ملی جو پڑھے نہیں جا سکتے،یہ دستاویزات مجھے کورئیر کیے گئے نہ سفارتخانے کے ذریعے بھجوائے گئے۔