Author: +9251

مہوش حیات اس وقت پاکستان شوبز انڈسٹری کی نمبر ہیروئین کہلائی جاتی ہیں حال ہی میں ان کی فلم لندن نہیں جائونگا ریلیز ہوئی ہے اس نے کامیابی کے ریکارڈز قائم کئے ہیں اس کے علاوہ وہ مس مارول کا بھی حصہ ہیں.شہرت کی بلندیوں کو چھونے والی اس اداکارہ نے ایک اور اعزاز اپنے نام کر لیا ہے اور وہ اعزاز ہے یوکے مسلم فلم کی اعزازی سرپرست کا مقرر ہونا. رپورٹس کے مطابق پاکستانی اداکارہ مہوش حیات کو برطانیہ کی فلاحی تنظیم ’یو کے مسلم فلم‘ نےاپنے فلاحی منصوبوں کی پہلی اعزازی سرپرست مقرر کردیا ہے. اسی تنظیم نے حال ہی میں مہوش حیات اور کینیڈین نژاد امریکی مسلمانمصنفہ لینا علی کو اپنے فلاحی منصوبوں کے لیے پہلے سرپرست کے طور پر مقرر کیا، جس کا اعلان تنظیم نے اپنے سوشل میڈیا پلیٹ فارمز پر کیا جب کہ مہوش حیات نے بھی اس ضمن میں سوشل میڈیا پوسٹس شیئر کیں۔

’یو کے مسلم فلم‘ نامی تنظیم کا مقصد مسلمانوں کا بین الاقوامی سطح پر مثبت چہرہ دکھانے کے ساتھ مسلمانوں کے خلاف پھیلائے جانے والے غلط اور جھوٹے مواد کو آئینہ دکھانا ہے.یہ تنظیم دنیا بھر کے مسلمان مصنفوں‌ کو بہت زیادہ سراہتی ہے اور ان کو مالی مدد بھی کرتی ہے تاکہ انکی اچھے انداز میں حوصلہ افزائی ہو سکے اور وہ بہتر انداز میں اپنا کام کر سکیں. اس تنظیم کو دنیا بھر کے مصنف اپنی لکھی ہوئی چیزیں بھیجتے ہیں بعد میں ان کی سکروٹنی بھی ہوتی ہے.

ورسٹائل اداکارہ سجل علی فاطمہ جناح کا کردار ادا کریں گی کہا جا رہا ہے کہ سجل علی تقسیم کے وقتوں پر بننے والی سیریز میں مادر ملت فاطمہ جناح کا کردار ادا کریں گی. اس سیریز میں ان کے ساتھ سمعیہ ممتاز اور سندس فرحان بھی ہوں گی. کہا جا رہا ہےکہ سجل علی اس کردار کو کرنے کے لئے کافی محنت اور تیاری کررہی ہیں. سجل علی پہلی پاکستانی فنکارہ ہوں گی جو فاطمہ جناح کا کردار کرنے جا رہی ہیں.ان کے مداح سجل علی کو فاطمہ جناح کے کردار میں

دیکھنے کے لئے کافی پر جوش ہیں. فلم کی کہانی دانیال کے افضال نے لکھی ہے جبکہ ڈائریکشن بھی انہی کی ہے. تین سیریز پر مشتمل ہر سیزن 15 اقساط پر مشتمل ہو گا. پہلے سیزن میں فاطمہ جناح کا بچپن اور جوانی دکھائی جائیگی. قیام پاکستان سے قبل متحدہ ہندوستان کے حالات کی بھی منظر کشی کی جائیگی. سجل علی کا ہر پراجیکٹ‌دوسرے سے مختلف ہوتا ہے یہی وجہ ہے کہ ان کے پرستار ان کے نئے پراجیکٹس کے منتظر ہوتے ہیں وہ جانتے ہیں‌کہ یقینا سجل ان کے لئے کچھ نیا لیکر نئے روپ میں سامنے آئیں گی. سجل علی تو فاطمہ جناح کا کردار کررہی ہیں اس سے پہلے خبریں آچکی ہیں‌کہ اداکارہ مہوش حیات بے نظیر بھٹو کا کردار کریں گی. دیکھنا یہ ہے کہ نوجوان نسل کی نمائندہ یہ فنکارائیں اتنی بڑی شخصیات کا کردار کس طور نبھاتی ہیں اور دیکھنے والے ان کو کیا ریسپانس دیتے ہیں.

حال ہی میں کرن جوہر کے شو میں عامر خان اور کرینہ کپور خان نے شرکت کی اس شو کے دوران جہاں بہت ساری باتیں ہوئیں وہیں کرن جوہر نے کچھ چٹکلے بھی کئے. انہوں نے کرینہ کپور خان سے کہا کہ آپ تو میرے اس شو میں متعدد مرتبہ آچکی ہیں، آپ اپنے موجودہ شوہر اور سابق شوہر دونوں کے ساتھ اس شو میں شریک ہوئیں. سابق شوہر کہتے ہی وہ رک گئے اور ظاہر کیا کہ ان کی زبان پھسل گئی . کرن جو ہر کے سابق شوہر والے کمنٹ کو کرینہ کے ساتھ بیٹھے کولیگ عامر خان نے کافی انجوائے کیا ان کی زیر لب مسکراہٹ بتا رہی تھی کہ انہوں کو یہ ہلکی پھلکی طنز اچھی لگی

ہے. یاد رہے کہ کرن جوہر کے شوہر سیف علی خان انہوں نے ایک ہی شادی کی ہے لیکن شاہد کپور ان کے سابق بوائے فرینڈ ہیں ان کے ساتھ شادی کے معاملات تک بات پہنچ چکی تھی لیکن کرینہ پھر سیف کی طرف ہوں لیں یوں شاہد کپور کا چیپٹر کلوز ہو گیا. کرن جوہر نے شو میں شاہد کپور کو سابق شوہر کہنے پر معذرت کرتے ہوئے کرینہ سے کہا کہ میری زبان پھسل گئی تھی میرا مطلب یہ تھا کہ سابق بوائے فرینڈ.
واضح رہے کہ اپنے کیریئر کے آغاز کے دوران، کرینہ کپور خان شاہد کپور کو ڈیٹ کر رہی تھیں اور دونوں اپنے تعلقات کے بارے میں کافی کھلے تھے۔ 2007 میں جب وی میٹ کی ریلیز کے بعد دونوں نے الگ الگ راستے اختیار کیے تھے۔

شاہد کپور اور کریتی سینن پہلی بار دنیش وجن کی روبوٹ فلم میں اکٹھے کام کررہے ہیں کہا جا رہا ہے کہ شاہد کپور روبوٹکس آدمی کے روپ میں نظر آئیں گے جب کہ کریتی سینن روبوٹ کے منفرد کردار میں نظر آئیں گی۔ فلم کی ہدایت کاری ڈیبیو کرنے والے امیت جوشی کریں گے۔ امیت جوشی نے ماضی میں مدھر بھنڈارکر کی آنے والی فلم ببلی باؤنسر جیسی فلموں کے لیے اسکرین پلے لکھے. شاہد کپور کا کہنا ہےکہ ان کو یہ کردار پہلے کرداروں سے الگ اور منفرد ہے اور دوسری طرف کریتی سینن کا بھی کہنا ہے کہ وہ اپنے مداحوں کو بالکل ہی الگ روپ میں دکھائی دیں گی.یاد رہے کہ فلم میں اس فلم میں شاہد ایک روبوٹکس لڑکے کا کردار ادا کر رہے ہیں جب کہ کریتی ایک روبوٹ کے روپ میں نظر آئیں گی یہ کردار یقینا ہندی فلموں‌کے شائقین کے لئے دلچپسی کا باعث‌ ہوں گے.

کریتی نے اپنے کیریئر کا آغاز بطور ماڈل کیا۔ اس نے اپنی اداکاری کا آغاز 2014 میں تیلگوفلم سے کیا جبکہ بالی ووڈ میں فلم ہیروپنتی سے ڈیبیو کیا، جس کے لیے انہیں بہترین ڈیبیو ایکٹریس کا فلم فیئر ایوارڈ بھی ملا۔ دوسری طرف شاہد کپور کافی عرصے سے زرا کم کم بڑی سکرین پر نظر آرہے ہیں ان کے مداحوں کےلئے یقینا یہ خوشخبری ہے کہ وہ انہیں اب بہت جلد بڑے پردے پر دیکھ سکیں گے.

اجے دیوگن نے ایکشن ہیرو کے طور پر بالی وڈ میں اینٹری دی، اجے دیوگن فائٹر ہونے کے ساتھ بہترین ڈانسر بھی ہیں انہوں نے نوے کی دہائی کی اپنی فلموں میں بہترین ڈانس بھی کیا. ایکشن اور رمینٹک اس ہیرو نے دی لیجنڈ آف بھگت سنگھ، سنگھم، تانہاجی، پھول اور کانٹے، پیار تو ہونا ہی تھا جیسی دیگر یادگار فلموں میں کام کیا.ہم دل دے چکے صنم میں انہوں نے ایشوریا رائے کے مقابل کام کیا.اجے نے تین فلموں‌کی ہدایتکاری بھی کی .اجے بھی اہلیہ کاجول کی طرح سوشل میڈیا پر کافی ایکٹیو رہتے ہیں انہوں نے اپنے انسٹاگرام اکائونٹ پر ایک وڈیو شئیر کرکے کاجول کو سالگرہ کی مبارکباد دی اور وڈیو کے کیپشن میں‌لکھا کہ میں کاجول کا فون اٹھانے میں کبھی تاخیر نہیں کرتا. سالگرہ مبارک کاجول.

وڈیو کچھ اس طرح ہے کہ اجے کے ہاتھ میں فون ہے اور کاجول کی کال آتی ہے کال آتے ہی اجے فون اٹھا لیتے ہیں اسی وڈیو میں کاجول کی لال رنگ کے جوڑے میں چند خوبصورت تصاویر بھی دیکھی جا سکتی ہیں. اجے دیوگن کے مداحوں نے اجے کے اس انداز سے اپنی اہلیہ کو سالگرہ وش کرنے پر بہت پسند کیا ہے اس وڈیو پر سالگرہ کی مبارکباد کے ساتھ ساتھ دلچپسپ تبصرے بھی کئے جا رہے ہیں. یاد رہے کہ اجے دیوگن اور کاجول کی 1999 میں ہوئی.

بالی وڈ اداکارہ کاجول 48 برس کی ہو گئی ہیں آج اداکارہ کی سالگرہ ہے.کاجول نے نوے کی دہائی میں اداکاری کا آغاز کیا ان کے کریڈٹ پر سپر ہٹ فلموں‌ کی تعداد زیادہ ہے. ویسے تو کاجول اجے دیوگن کی اہلیہ ہیں‌ لیکن ان کی فلمی جوڑی شاہ رخ خان کے ساتھ زیادہ پسند کی گئی. کاجول نے شاہ رخ خان کے ساتھ یاد گار فلموں‌میں‌کام کیا جن میں بازیگر ، کرن ارجن دل والے دلہنیا لے جائیں گے ، کچھ کچھ ہوتا ہے اور دل والے و دیگر شامل ہیں. کاجول اپنے کیرئیر میں تجربات کرتی رہیں انہوں نے فلم گپت میں ولن کا کردار ادا کیا اس منفی کردار میں بھی کاجول نے

اپنی صلاحیتوں کا لوہا منوایا انہیں اس کردار کے لئے ایوارڈ سے بھی نوازا گیا. کاجول کی فلم دل والے دلہنیا لے جائیں گے انڈیا کے ایک سینما میں‌کئی سال تک چلتی رہی. اداکارہ نے کبھی خوشی کبھی غم، عشق، مائی نیم از خان اور دیگر فلموں سے اپنے مداحوں کو محظوظ کیا۔کاجول نے سنیجدہ ، مزاحیہ اور منفی ہر کردار میں ثابت کیا کہ وہ ایک ورسٹائل اداکارہ ہیں.
اجے دیوگن اور کاجول کی جوڑی کوحقیقی زندگی کی کامیابی ترین جوڑی مانا جاتا ہے کاجول نے ایک بار کہا تھا کہ ”جب آپ کسی مرد کے ہمراہ رشتہ ازدواج میں منسلک ہوتے ہیں تو آپ کا رشتہ صرف اس ایک شخص کے ساتھ منسوب نہیں ہوتا بلکہ آپ کا تعلق اس کے پورے خاندان کے ساتھ جڑ جاتا ہے” . کاجول کا اپنے شوہر کے ساتھ ساتھ سسرال والوں‌کے ساتھ بھی کافی اچھا تعلق ہے یاد رہے کہ کاجول ماضی کی اداکارہ تنوجہ کی بیٹی اور نوتن کی بھانجی ہیں.