حکومت سے تعلق رکھنے والے اراکین سینیٹ نے کہا ہے کہ کسی سیاسی جماعت کو ممنوعہ فنڈنگ میں ملوث نہیں ہونا چاہیے، پی ٹی آئی کو الیکشن کمیشن کا فیصلہ ہضم نہیں ہو رہا، عمران خان کے خلاف تحقیقات کے لئے انکوائری کمیشن تشکیل دیا جائے۔

وفاقی کابینہ نےعمران خان کا نام ای سی ایل میں ڈالنے کی منظوری دیدی

ایوان بالا کے اجلاس میں اظہار خیال کرتے ہوئے سینیٹر نثار کھوڑو نے کہا کہ کسی سیاسی جماعت کو ممنوعہ فنڈنگ میں ملوث نہیں ہونا چاہیے، پی ٹی آئی نے قوم کی امیدوں کا خون کیا ہے، الیکشن کمیشن پی ٹی آئی کا لگایا ہوا ہے، جب فیصلہ ان کے حق میں آتا ہے تو خوش ہوتے ہیں جب فیصلہ خلاف آتا ہے تو تنقید کرتے ہیں، سوچ سمجھ کر بات کرنی چاہیے۔

سینیٹر کامران مرتضیٰ نے کہا کہ پی ٹی آئی کو الیکشن کمیشن کا فیصلہ ہضم نہیں ہو رہا، چیف الیکشن کمشنر اور دو ممبر ان کے دور میں لگائے گئے، ایک اور ممبر بھی ان کا نامزد کردہ ہے، انہیں احتجاج کرنے کی بجائے عدالتوں میں مقدمات کا سامنا کرنا چاہیے۔

عمران خان کی نااہلی کیلئے الیکشن کمیشن میں ریفرنس دائر

سینیٹر کہدہ بابر نے کہا کہ دنیا نے دیکھ لیا کہ کون چور تھا، پی ٹی آئی کے دور حکومت میں کرپشن بڑھی، یہ پہلے مٹھائی تقسیم کرتے ہیں پھر کہتے ہیں کہ فیصلہ ان کے خلاف آیا ہے۔

سینیٹر پلوشہ خان نے کہا کہ پی ٹی آئی کے دور حکومت میں مظاہرین کو تشدد کا نشانہ بنایا گیا، ان شہریوں کے خلاف تشدد کرنے والوں کے خلاف بھی کارروائی ہونی چاہیے، رومیتا شیٹھی کے پاکستانی ہونے کا ثبوت ان کے پاس ہے،یہودیوں اور بھارتیوں کے پیسوں سے ریاست مدینہ بنے گی، یہ کہا جاتا ہے کہ عمران خان کو ووٹ نہیں دو گے تو قبر میں جواب دینا پڑے گا، 2018ء میں آر ٹی ایس بیٹھا، دھاندلی ہوئی، پی ٹی آئی کے کھرے کس ملک سے ملتے ہیں، جماعت کے فنڈز ایسے نکلتے تو ان کو لٹا دیا جاتا، عمران خان کے خلاف تحقیقات کے لئے انکوائری کمیشن تشکیل دیا جائے۔

مولانا عبدالغفور حیدری نے کہا کہ یہودی کمپنیاں عمران خان کی فنڈنگ اور لابنگ کرتی ہیں، یہ حکومت کی پالیسیوں پر اثر انداز ہوتے ہیں، پی ٹی آئی سے متعلق تحقیقات کے لئے اعلیٰ کمیشن بنایا جائے، ملک میں انتشار پیدا کیا گیا، ملک کے نوجوانوں کو گمراہ کیا گیا۔

وفاقی وزیراقتصادی امورسردارایازصادق نے کہاہے کہ پاکستان اوریورپی یونین کے درمیان دیرینہ ترقیاتی شراکت داری اورتعاون ہے ، پاکستان یورپی یونین کے ساتھ تعلقات کومزید فروغ دینے کامتمنی ہے ۔انہوں نے یہ بات جمعرات کویہاں پاکستان میں یورپی یونین کی سفیرڈاکٹررینا کیونکا سے ملاقات میں گفتگو کے دوران کہی۔ ملاقات میں پاکستان اوریورپی یونین کے درمیان تعلقات اورباہمی دلچسپی کے امورپرتبادلہ خیال کیاگیا،

علامہ اقبال انٹرنیشنل ایئرپورٹ لاہور توسیعی منصوبہ کی تفصیلات جاری

وفاقی وزیرنے پاکستان اوریورپی یونین کے درمیان تعلقات پراطمینان کااظہارکیا اورکہاکہ پاکستان اوریورپی یونین کے درمیان دیرینہ ترقیاتی شراکت داری اورتعاون ہے ، پاکستان یورپی یونین کے ساتھ تعلقات کو مزیدفروغ دینے کامتمنی ہے۔ انہوں نے کہاکہ پاکستان اوریورپی یونین کے درمیان ترقیاتی شراکت داری کاآغاز1976 میں ہوا، ہم یورپی یونین کے ساتھ اپنے تعلقات کومزید فروغ دیناچاہتے ہیں۔

وزیر خارجہ بلاول کی جاپانی اور سنگا پور کے وزراء خارجہ سے ملاقات

وفاقی وزیرنے یورپی یونین کی سفیرکوملک میں حالیہ بارشوں اورسیلاب کی صورتحال پربریفنگ دی ، انہوں نے قدرتی آفت میں ڈونرزکے درمیان رابطہ کاری کیلئے اقدامات سے بھی آگاہ کیا۔ یورپی یونین کی سفیرنے ان کوششوں کوسراہا ، انہوں نے پائیدارترقیاتی اہداف کے حصول میں رابطوں کوموثربنانے کی ضرورت پربھی زوردیا، بعدازاں یورپی یونین کی سفیرکے اعزازمیں ظہرانہ بھی دیاگیا۔

علاوہ ازیں وزیر خارجہ بلاول بھٹو زرداری نے آج کمبوڈیا کے شہر نوم پنہ میں 29ویں آسیان ریجنل فورم کے وزارتی اجلاس کے موقع پر جاپانی ہم منصب ہیاشی یوشیما سے ملاقات کی ہے، دونوں وزرائے خارجہ نے پاکستان جاپان کے مختلف پہلوؤں پر تبادلہ خیال کیا جن میں گزشتہ 70 سالوں میں مسلسل اضافہ ہوا ہے۔دونوں رہنماؤں نے دوطرفہ سیاسی تعلقات کو مزید مضبوط بنانے اور باہمی تجارتی و اقتصادی تعلقات کو مزید گہرا کرنے پر اتفاق کیا،

وزیر خارجہ بلاول بھٹو زرداری اور وزیر خارجہ ہیاشی یوشیما نے پاک جاپان تعلقات کو رفتار فراہم کرنے کے لیے ہر سطح پر دو طرفہ روابط بڑھانے کا اعادہ کیا، انہوں نے باہمی دلچسپی کے علاقائی اور عالمی امور پر مصروف رہنے پر بھی اتفاق کیا۔

پاکستان مسلم لیگ ق کی مرکزی مجلس عاملہ نے چوہدری شجاعت حسین کی قیادت پر مکمل اعتماد کا اظہار کر دیا۔ پاکستان مسلم لیگ ق کی مرکزی مجلس کا اجلاس ہوا، اجلاس کے بعد جاری اعلامیے کے مطابق مسلم لیگ ق سندھ کےصدر، بلوچستان اور کے پی کے عہدیداران نے لاہور اجلاس سے اعلان لاتعلقی کیا، جبکہ کامل علی آغا اور لاہور اجلاس میں شریک افراد کو شوکاز نوٹس جاری کرنے کا فیصلہ بھی کیا گیا۔

وزارتِ اعلیٰ مل گئی ، مزید کچھ نہیں چاہیے،مونس الہیٰ کی عمران خان سے ملاقات

اجلاس میں چوہدری شجاعت حسین، طارق بشیر چیمہ کی غیرقانونی برطرفی کی شدید مذمت کی گئی۔اعلامیے میں کہا گیا ہے کہ مسلم لیگ ق پنجاب کےجنرل سیکریٹری کامل علی آغا نے غیرقانونی اقدام اٹھایا، مرکزی مجلس عاملہ نے کامل علی آغا کی بنیادی رکنیت معطل کرنے کا مطالبہ بھی کیا۔

صوبہ پنجاب میں ایک اور آئینی بحران پیدا ہونے کا خدشہ

اعلامیے کے مطابق پنجاب کی تنظیم کے غیرقانونی اقدام کو چیلنج کرنے کے لیے قانونی ٹیم سے مشاورت کا فیصلہ کیا گیا۔ اجلاس میں پیش کی گئی قرارداد میں کہا گیا ہے کہ پنجاب کی تنظیم 10 اگست کو اجلاس بلانے کی مجاز نہیں، غیرقانونی اجلاس میں شرکت کرنے والوں کی پارٹی رکنیت معطل کر دی جائے گی۔

وفاقی کابینہ نےعمران خان کا نام ای سی ایل میں ڈالنے کی منظوری دیدی

اسلام آباد:موجودہ حکومت نے قومی احتساب آرڈیننس 1999 میں مزید ترمیم کا دوسرا ترمیمی بل باآسانی سینیٹ میں منظور کرلیا ہے اور اس سلسلے میں آج سینیٹ میں بہت زیادہ گرما گرما بھی ہوئی

اسلام آباد سے ذرائع کے مطابق سینیٹ میں‌ نیب کا دوسرا ترمیمی بل وزیر مملکت برائے قانون ملک شہادت اعوان نے پیش کیا جبکہ نیب ترمیمی بل کی منظوری گزشتہ روز قومی اسمبلی نے دی تھی۔

اس موقع پر سینیٹ میں پی ٹی آئی نے بل پیش کرنے پر احتجاج کیا۔ اس حوالے سے سینیٹر شبلی فراز کا کہنا تھا کہ یہ قانون احتساب کے عمل کو ختم کرنے کے لیے بنایا جا رہا ہے، اس بل میں 50 کروڑ سے بھی کم لوگ کرپشن کے مرتکب ہوئے، انہیں بری کیا جائے۔

سینیٹر شبلی فراز کا کہنا تھا کہ کہ کابینہ میں بیٹھنے والوں کو استثنیٰ دیا جا رہا ہے، اپوزیشن نہ ہونے کی وجہ سے قومی اسمبلی ربڑ سٹیمپ بن گئی ہے۔

علاوہ ازیں سینیٹر مشتاق احمد نے کہا کہ جب انہوں نے یہ بل آرڈر آف دی ڈے میں دیکھا تو صبح ترمیم پیش کر دی، اتنا اہم قانون جلد بازی میں بنانا اور اپوزیشن کی بات نہ سننا درست نہیں۔ان کا مزید کہنا تھا کہ ملک میں ایک کرپٹ مافیا ہے جس نے پاکستان کی دولت بیرون ملک منتقل کی ہے۔

سینیٹر مشتاق احمد کے اظہار خیال پر حکومتی ارکان نے چور چور کے نعرے لگائے جس کے جواب میں پی ٹی آئی ارکان نے بھی چور چور کے نعرے لگانا شروع کردیئے۔

نیب آرڈیننس ترمیمی بل کے حوالے سے وزیر مملکت برائے قانون شہباز اعوان کا کہنا تھا کہ نیب ترمیمی بل آج منظور ہونا ہے، یہ بل عوامی مفاد میں ہے، اسی لیے ترامیم لائے ہیں۔

اس دوران سینیٹ میں اپوزیشن ارکان نے نیب ترمیمی بل کی کاپیاں پھاڑ دیں اور پی ٹی آئی ارکان نے چیئرمین سینیٹ ڈیسک کا گھیراؤ کیا اور بل کی کاپیاں چیئرمین سینیٹ پر پھینک دیں۔

بعد ازاں پی ٹی آئی نے بل کی تلاوت کے دوران ایوان سے واک آؤٹ کیا اور حکومت نے قومی احتساب آرڈیننس 1999 میں مزید ترمیم کا دوسرا ترمیمی بل باآسانی سینیٹ میں منظور کرلیا۔دوسری جانب سینیٹر مشتاق احمد کی نیب ترمیمی بل میں تین ترامیم کو کثرت رائے سے مسترد کر دیا گیا۔

پاکستان تحریک انصاف کے چیئرمین اور سابق وزیراعظم عمران خان نے کہا کہ میں 26سال سے سیاست میں ہوں،ہمیشہ کوشش کی آئین اور قانون کے اندر رہتے ہوئے احتجاج کریں،انہوں نے خوفزدہ ہو کر اسلام آباد کو بند کر دیا،ہماری حکومت ہر مشکل سے نکلتی جا رہی تھی،ہم نے کورونا وبا کا بہترین طریقے سے مقابلہ کیا، ہماری حکومت کو سازش کے تحت ختم کرایا گیا،حکومت گری تو یہ سب مطمئن تھے کہ تحریک انصاف ختم ہو گئی ہے.

وفاقی کابینہ نےعمران خان کا نام ای سی ایل میں ڈالنے کی منظوری دیدی

عمران خان نے قوم سے خطاب میں کہا کہ اللہ نے کرم کیا قوم سڑکوں پر نکلنا شروع ہو گئی،میں 25 مئی کو ہونے والا ظلم کبھی نہیں بھولوں گا،ڈی چوک میں عوام پر ظلم کیا گیا، شیلنگ ہوئی ربڑ کی گولیاں چلائی گئیں،ان کا خیال تھا ایک بار ڈرائیں گے تو بھیڑ بکریوں کی طرح چپ کر کے بیٹھ جائیں گے،پنجاب کا الیکشن بھی یہ دھاندلی کر کے جیتنا چاہتے تھے لیکن ایسا نہ ہوا،یہ ہمیشہ اداروں کو استعمال کرتے ہیں،جو2 نشستیں یہ جیتے بھی ہیں ان کی اسکروٹنی ہو تو وہ بھی ہار جائیں گے ، یہ ہمیشہ اداروں کا استعمال کرتے ہیں،ذوالفقار علی بھٹو کواسی خوف سے قتل کیا گیا تھا کہ وہ سڑکوں پر نہ آجائے، ذوالفقار علی بھٹو کا عدالتی قتل کیا گیا.

عمران خان کی نااہلی کیلئے الیکشن کمیشن میں ریفرنس دائر

عمران خان کا کہنا تھا کہ ان کے کہنے پر الیکشن کمیشن نے جلدبازی میں فیصلہ سنایا،انہیں خوف ہے کہ قوم آزاد ہو رہی ہے، ان سے قوم سنبھالی نہیں جا رہی، یہ قوم کو غلام بنانا چاہتے ہیں،یہ الیکشن کمیشن کو استعمال کر کے قوم کو غلام بنانا چاہتے ہیں،الیکشن کمیشن کو ایسا ادارہ بنا دیا ہے جس کے ذریعے حکومت کنٹرول ہو سکتی ہیں، میں نے ڈھائی سال انتخابی اصلاحات کیلئے کوششیں کیں،اگر ای وی ایم آجاتی تو دھاندلی ناممکن ہو جاتی،ایک سروے کے مطابق پاکستان میں 163 طریقوں سے دھاندلی ہوتی ہے، اگر ای وی ایم آجاتی تو دھاندلی ناممکن ہو جاتی،ایک سروے کے مطابق پاکستان میں 163 طریقوں سے دھاندلی ہوتی ہے، ن لیگ اور پیپلز پارٹی نے الیکٹرانک ووٹنگ مشین نہیں آنے دی،الیکشن کمیشن نے بھی ان دو جماعتوں کا بھرپور ساتھ دیا.

انہوں نے کہا کہ کرکٹ کی تاریخ میں بطورکپتان میں نےنیوٹرل ایمپائرمتعارف کرائے،سینیٹ الیکشن میں ایم پی اےکوخریداجاتاہے،ہم نےخیبرپختونخوامیں اپنے25ایم پی اےکونکالاکیونکہ وہ بکے تھے،سندھ ہاؤس میں بھی منڈی لگی، الیکشن کمیشن کو فرق نہیں پڑا، لاہورمیں بھی الیکشن کےدوران پیسےدیتےہوئےلوگ پکڑےگئے،سندھ ہاؤس میں بھی ایم این ایزکوخریداگیالیکن الیکشن کمیشن کوفرق نہیں پڑا،سب کو معلوم تھا کہ اراکین قومی اسمبلی کا کیا ریٹ لگ رہا ہے،عوامی نمائندے پیسے پر بکے لیکن کوئی ایکشن نہیں لیا گیا،کرپٹ قوتیں ملک کوکنٹرول کرناچاہتی ہیں،پیسےکےبغیرسیاسی پارٹی نہیں چل سکتی،کسی بھی سیاسی جماعت کو پیسہ چاہیے ہوتا ہے،میں نے شوکت خانم کے لیے پیسے اکٹھے کئے، آدھا پیسہ تو بیرون ملک سے ملا، تحریک انصاف پہلی پارٹی تھی جس نے سیاسی فنڈ ریزنگ کی، اگر یہ فارن فنڈنگ ہے تو بیرون ملک پاکستانی جو پیسے پاکستان بھیجتے ہیں وہ کیا ہے،اوور سیز پاکستانی آپ کو پیسہ بھیجیں تو یہ فارن فنڈنگ کیسے ہوئی؟فارن فنڈنگ وہ ہےجوآپ کسی ملک سےپیسہ اکٹھاکریں،شہبازشریف نےعدالت میں بیان حلفی جمع کرایاکہ نوازشریف واپس آئینگے،بیان حلفی اورسرٹیفکیٹ دومختلف چیزیں ہیں،