Author: +9251

پاکستان انٹرنیشنل ائیر لائنز کا مالی بحران سنگین ہوگیا اور دو دن میں فنڈز نہ ملے تو فلائٹ آپریشن شدید متاثر ہو جائے گا جبکہ ذرائع کے مطابق اندرون وبیرون ملک جانے والی 30 سے زائد پروازیں معطل ہونے اور رقم فوری طور پر نہ ملنے کی صورت میں 15 طیارےگراؤنڈ ہوجانے کا خدشہ ہے تاہم ذرائع نے بتایاکہ پی آئی اے قرض، سود، لیز اور پرزوں کی ادائیگیوں پر مشکلات کا شکار ہے اور پی آئی اے کو فوری طور پر 20 ارب روپے سے زائد کی ادائیگیاں کرنی ہیں جن میں فیول، فیڈرل ایکسائز ڈیوٹی اور لیز پرطیاروں کی ادائیگیاں شامل ہیں۔

وزرات ہوابازی کا کہنا ہے کہ پی آئی اے کی تنظیم نو پیچیدہ عمل ہے مکمل کرنے میں ایک سال درکارہے، تنظیم نو کے دوران پی آئی اے کا فلائٹ آپریشن جاری رہنا ضروری ہے ورنہ کوئی سنجیدہ سرمایہ کاری حاصل نہیں کی جاسکے گی نجی ٹی وی کے مطابق ذرائع کا بتانا ہے کہ اس سلسلے میں وزارت ہوا بازی اور وزارت خزانہ کے درمیان ہونے والے کئی اجلاس بے نتیجہ رہے ہیں۔

جبکہ اس صورتحال میں نگران حکومت پی آئی اے کو فنڈز کی فراہمی کے معاملے پر الجھن اور تذبذب کا شکار ہے۔ تاہم دوسری جانب ترجمان پی آئی اے کے مطابق حکومت کے تعاون سے بینکوں سے قرض حصول کے اقدامات کرلیے ہیں اور فنڈ جاری ہوتے ہی طیاروں کے پرزوں، انجن اورسود کی ادائیگیاں کی جائیں گی۔ جبکہ انہوں نے کہا کہ پی آئی اے اپنی تاریخ کا بلند ترین ریونیو کمارہا ہے لیکن یہ ساری آمدنی بینکوں کے قرضے اور لیزنگ کمپنیوں کی ادائیگی میں خرچ ہو رہی ہے۔

پاکستان مسلم لیگ (نواز) کے قائد اور سابق وزیراعظم نواز شریف کا کہنا ہے کہ 2017 کا تسلسل رہتا تو جی 20 اجلاس آج پاکستان میں ہوتا خیال رہے کہ لندن میں حسن نواز کے دفتر آمد کے موقع پر نواز شریف نے میڈیا سے مختصر گفتگو کی جبکہ اس سے قبل صحافی نے ان سے سوال کیا کہ بھارت میں جی 20 کا اجلاس ہوا لیکن پاکستان اس میں شریک کیوں نہیں؟

تاہم اس سوال پر نواز شریف نے جواب دیا کہ 2017 کا تسلسل رہتا تو جی 20 کا یہ اجلاس پاکستان میں ہوتا، تسلسل رہتا تو پاکستان جی 20 میں شامل ہوچکا ہوتا یا ہونے والا ہوتا علاوہ ازیں‌ اہلیہ کی برسی کے سوال پر سابق وزیر اعظم کا کہنا تھا کہ کلثوم نواز کو اپنی دعاؤں میں یاد رکھیں۔

جبکہ دوسری جانب نگراں وزیراطلاعات مرتضیٰ سولنگی کا کہنا ہے کہ سعودی ولی عہد محمد بن سلمان کسی بھی وقت پاکستان کا دورہ کرسکتے ہیں اور اطلاعات کے مطابق جی 20 کانفرنس کے لیے بھارت جانے والے سعودی ولی عہد سعودی پیر 11 ستمبر کی رات ساڑھے آٹھ بجے وہاں سے روانہ ہوں گے جبکہ اتوار کو جی 20 سربراہ اجلاس کے اختتام پر دیگر عالمی رہنماؤں کے روانہ ہونے کے بعد محمد بن سلمان پیر کو دو طرفہ دورے کے لیے بھارت میں ہی ٹھہرے گئے تھے.

جبکہ بھارتی حکام کی جانب سے جاری کردہ اشیڈول میں کہا گیا تھا کہ سعودی ولی عہد مقامی وقت کے مطابق شام ساڑھے چھ بجے راشٹرپتی بھون میں بھارتی صدر صدردروپدی مرمو سے سے ملاقات کریں گے اور رات ساڑھے آٹھ بجے روانہ ہوجائیں گے۔

اسپیکر قومی اسمبلی راجہ پرویز اشرف سے سابق امیدوار صوبائی اسمبلی چوہدری سرفراز کی ملاقات ہوئی ہے جبکہ سابق امیدوار صوبائی اسمبلی پنجاب چوہدری سرفراز کا حلقہ پی پی 9 گوجر خان سے آئندہ جنرل الیکشن میں خرم پرویز راجہ کی مکمل حمایت کا اعلان کیونکہ خرم پرویز راجہ آئندہ جنرل الیکشن میں گوجر خان پی پی 9 سے صوبائی اسمبلی پنجاب پاکستان پیپلز پارٹی کے امیدوار ہونگے جبکہ راجہ پرویز اشرف نے اس موقع پر کہا کہ پاکستان پیپلز پارٹی عوامی جماعت ہے اور عوامی خدمت پر یقین رکھتی ہے

انہوں نے کہا کہ پیپلز پارٹی وہ واحد سیاسی جماعت ہے جس کی جڑیں عوام میں ہیں۔انہوں نے کہا کہ پیپلز پارٹی عوامی مسائل کے حل اور انہیں روزگار فراہم کرنے پر یقین رکھتی ہے۔انہوں نے کہا کہ پیپلز پارٹی کے دور میں ہمیشہ عوام کے مسائل کو حل کیا گیا ہے۔انہوں نے کہا کہ گزشتہ اتحادی حکومت کے دور میں پیپلز پارٹی نے عوامی توقعات سے بڑھ کر عوام کی خدمت کی ہے۔ان خیالات کا اظہار اسپیکر قومی اسمبلی راجہ پرویز اشرف نے سابق امیدوار برائے صوبائی اسمبلی پنجاب چوہدری سرفراز سے ہونے والی ملاقات کے دوران گفتگو کرتے ہوئے کیا۔ملاقات میں خرم پرویز راجہ اور حاجی راشد زمان بھی موجود تھے۔ملاقات میں گوجر خان میں جاری ترقیاتی منصوبوں اور موجودہ سیاسی صورتحال پر تفصیلی تبادلہ خیال کیا گیا۔

اسپیکر قومی اسمبلی راجہ پرویز اشرف نے چوہدری سرفراز کی پاکستان پیپلز پارٹی کے لیے خدمات کو سراہا۔انہوں نے کہا کہ چوہدری سرفراز پارٹی کا قیمتی اثاثہ ہیں اور انہوں نے ہمیشہ پارٹی کے لیے گراں قدر خدمات سر انجام دی ہیں جنہیں فراموش نہیں کیا جا سکتا۔انہوں نے کہا کہ گوجر خان میں پاکستان پیپلز پارٹی نے ہمیشہ عوامی سیاست کی ہے اور عوام کے مسائل کو ان کی دہلیز پر حل کیا ہے۔اسپیکر نے کہا نے گوجر خان سے پیپلز پارٹی کے تمام عہدیداران نے مکمل مشاورت کے بعد خرم پرویز راجہ کو آئندہ جنرل الیکشن میں گوجر خان کے حلقہ پی پی 9 سے الیکشن میں حصہ لینے کا فیصلہ کیا ہے۔خرم پرویز راجہ کی کامیابی کے لیے گوجر خان پیپلز پارٹی کے تمام سرکردہ رہنماؤں کی بھرپور حمایت اور تعاون کی ضرورت ہے۔

اس موقع پر سابق امیدوار صوبائی اسمبلی پنجاب چوہدری سرفراز نے گفتگو کرتے ہوئے کہا کہ حلقہ گوجر خان اور خطہ پوٹھوار میں راجہ پرویز اشرف پیپلز پارٹی کا مشکل وقت میں ساتھ نبھایا ہے اور عوام کے خدمت میں پیش پیش رہے ہیں۔انہوں نے کہا کہ راجہ پرویز اشرف اور خرم پرویز راجہ گوجر خان کی عوام کا فخر ہیں۔ انہوں نے راجہ پرویز اشرف اور خرم پرویز راجہ کی قیادت پر مکمل اعتماد کا اظہار کرتے ہوئے کہا کہ آئند جنرل الیکشن میں گوجر خان حلقہ پی پی 9 سے خرم پرویز راجہ الیکشن لڑیں گے اور بھاری اکثریت سے کامیاب ہونگے۔انہوں نے مزید کہا کہ خرم پرویز راجہ آئندہ الیکشن میں میرے نامزد امیدوار ہونگے اور ان کو بھاری اکثریت سے کامیاب کرانے کے لیے کوئی کسر اٹھا نہیں رکھیں گے۔ انہوں نے کہا کہ اسپیکر قومی اسمبلی راجہ پرویز اشرف گوجر خان سے الیکشن کے حوالے سے جو بھی فیصلہ کریں گے اس کو من و عن تسلیم کیا جائے گا۔انہوں نے کہا کہ راجہ پرویز اشرف کی پارٹی اور علاقے کے لیے خدمات کو کبھی فراموش نہیں کیا جا سکتا۔انہوں نے کہا کہ آئندہ جنرل الیکشن میں پیپلز پارٹی بھاری اکثریت سے کامیاب ہوگی اور وفاق اور صوبوں میں حکومت بنائے گی۔

سرفراز چوہدری کا مزید کہنا تھا کہ آئندہ الیکشن کی تمام سرگرمیوں میں وہ راجہ پرویز اشرف اور خرم پرویز راجہ کے شانہ بشانہ کھڑے ہونگے اور الیکشن کمپین میں بھرپور حصہ لیں گے۔انہوں نے کہا کہ آئندہ الیکشن گوجر خان کے حلقہ سے قومی اسمبلی اور صوبائی اسمبلی کی نشستیں جیت کر پیپلز پارٹی کے چیئرمین بلاول بھٹو زرداری کو تحفے میں پیش کریں گے۔انہوں نے مزید کہا کہ گوجر خان کی عوام کی ترقی اور خوشحالی میں اسپیکر قومی اسمبلی راجہ پرویز اشرف کا کردار کلیدی اہمیت کا حامل۔انہوں نے کہا کہ تعلیم، صحت اور عوامی فلاح و بہبود کے کاموں میں راجہ پرویز اشرف نے گوجر خان جو منصوبے لگائیں ہیں اس کی مثال نہیں ملتی۔