Baaghi TV

Author: +9251

  • گال ٹیسٹ: سری لنکا کے 508 رنز کے ہدف کے تعاقب میں پاکستان کی بیٹنگ جاری

    گال ٹیسٹ: سری لنکا کے 508 رنز کے ہدف کے تعاقب میں پاکستان کی بیٹنگ جاری

    گال:دو ٹیسٹ میچوں کی سیریز کے دوسرے میچ میں سری لنکا کی جانب سے دیے گئے 508 رنز کے ہدف کے تعاقب میں پاکستان کی بیٹنگ جاری ہے۔یہ ٹیسٹ پاکستان کے لیے بہت بھاری ہے اورپاکستان کے لیے اسکورز کا ایک پہاڑ سامنے ہے جو سرکرنا ہے

    پاکستان کی جانب سے اننگز کا آغاز عبد اللہ شفیق اور امام الحق نے کیا اور گرین کیپس نے بغیر کسی وکٹ کے نقصان کے 34 رنز بنا لیے ہیں، عبد اللہ شفیق 14 اور امام الحق 19 رنز کے ساتھ وکٹ پر موجود ہیں۔

    قبل ازیں سری لنکا نے دوسرے اور آخری ٹیسٹ کی دوسری اننگز 360 رنز 8 کھلاڑی آؤٹ پر ڈکلیئر کر کے پاکستان کو جیت کے لیے 508 رنز کا پہاڑ جیسا دیا تھا۔

    گال ٹیسٹ کے چوتھے روز سری لنکا نے اپنی دوسری نامکمل اننگز 176 رنز 5 کھلاڑی آؤٹ پر شروع کی تو دمتھ کرونا رتنے 27 اور دننجیا ڈی سلوا 30 رنز کے ساتھ وکٹ پر موجود تھے۔

    دونوں بلے بازوں نے اپنی ٹیم کا اسکور آگے بڑھایا اور کرونا رتنے 61 رنز بنا کر نعمان علی کی گیند پر عبد اللہ شفیق کے ہاتھوں کیچ آؤٹ ہو گئے جبکہ ڈونتھ ویلا لگے 18 رنز بنا کر محمد نواز کاشکار بنے۔

    دوسری جانب ڈی سلوا نے شاندار بلے بازی کا سلسلہ جاری رکھا اور شاندار سنچری مکمل کی، ڈی سلوا 109 رنز بنا کر رن آؤٹ ہوئے تو کپتان کرونا رتنے نے 360 رنز 8 کھلاڑی آؤٹ پر اننگز ڈکلیئر کردی اور پاکستان کو جیت کے لیے 508 رنز کا ہدف دے دیا۔

    یاد رہے کہ سری لنکا نے پہلی اننگز میں 378 رنز بنائےتھے جس کے جواب میں پاکستانی ٹیم پہلی اننگز میں 231 رنز پر ڈھیر ہو گئی تھی۔

  • نیب نے وزیراعظم آفس سے بحریہ ٹاون اور این سی اے ڈیل کا ریکارڈ مانگ لیا

    نیب نے وزیراعظم آفس سے بحریہ ٹاون اور این سی اے ڈیل کا ریکارڈ مانگ لیا

    اسلام آباد:نیب نے عمران خان حکومت میں بیریسٹر شہزاد اکبر کی زیر قیادت قائم کردہ اثاثہ ریکوری یونٹ (اے آر یو) کیخلاف مالی فوائد کی خاطر اختیارات کے غلط استعمال اور برطانیہ سے موصول ہونے والی جرمانہ کی رقم کے معاملے میں اعتماد کو ٹھیس پہنچانے اور ریکارڈ کو غیر قانونی انداز سے سیل کرنے کے الزامات کے تحت تحقیقات شروع کر دی ہیں۔

    نیب ذرائع کا کہنا ہے کہ ادارے نے باضابطہ طور پر وزیراعظم آفس سے رجوع کر لیا ہے اور شہزاد اکبر کے دفتر سے تمام متعلقہ ریکارڈ کی نقول فراہم کرنے کی درخواست کی ہے۔

    قائم مقام چیئرمین اور ڈی جی نیب پبلک اکاؤنٹس کمیٹی میں پیش

    وزیراعظم آفس کو بھیجے گئے خط میں کہا گیا ہے کہ ’’نوٹ ٹوُ دی پرائم منسٹر‘‘ کی نقل فراہم کرنے کی درخواست کی گئی ہے جو دسمبر 2019ء میں بھیجی گئی تھی جس میں دو پاکستانی شہریوں احمد اور مبشرا کے جرائم سے حاصل ہونے والی رقم سرنڈر کرکے برطانیہ سے پاکستان بھیجنے کی بات کی گئی تھی۔

    قائم مقام چیئرمین نیب نے مزید 5 ایڈیشنل ڈائریکٹرز اور ایک ڈپٹی ڈائریکٹر کے تبادلے

    نیب کی جانب سے جو تفصیلات مانگی گئی ہیں ان میں برطانیہ کی نیشنل کرائم ایجنسی (این سی اے) کے ساتھ مذکورہ بالا دو پاکستانی شہریوں کے حوالے سے کی گئی مکمل خط و کتابت، ان افراد کے غیر قانونی انداز سے کمائی گئی رقم اور اس رقم کی پاکستان منتقلی کی تفصیلات شامل ہیں۔

    آفتاب سلطان کو چئیرمین نیب تعینات کرنے کی منظوری دے دی گئی

    ‏نیب نے وزیراعظم ٓشہباز شریف کے افس سے عمران خان حکومت کا بحریہ ٹاون اورنیشنل کرائم ایجنسی ڈیل کا ریکارڈ مانگ لیا

  • ڈی جی خان سیلاب میں پھنسے افراد کو ریلیف کیمپوں میں منتقل کر دیا گیا،پی ڈی ایم اے

    ڈی جی خان سیلاب میں پھنسے افراد کو ریلیف کیمپوں میں منتقل کر دیا گیا،پی ڈی ایم اے

    ضلع راجن پور کے درجنوں علاقے ندی نالوں میں طغیانی سے سیلاب سے شدید متاثر ہوئےہیں ۔ دریائے چناب میں چناب نگر کے مقام پر نچلے درجے کا سیلاب ہے جہاں سے 1 لاکھ 32 ہزار 675 کیوسک پانی کا سیلابی ریلا گزر رہا ہے۔

    راجن پور کا پورا ضلع 2010 کے بعد ایک بار پھر سیلاب کی لپیٹ میں ہے۔ علاقے میں مسلسل بارشوں کا سلسلہ تو تھم گیا ہے۔ دریائے چناب میں نچلے درجے کے سیلاب کے سبب ڈیزاسسٹر مینجمنٹ اتھارٹی نے تمام متعلقہ محکموں کو الرٹ رہنے کی ہدایت کردی۔

    لاہور سمیت پنجاب بھر میں بارش کا امکان

    ضلعی انتظامیہ کی جانب سے دریائے چناب میں پانی کی بڑھتی ہوئی صورت حال کے پیش نظر فلڈ ریلیف کیمپس قائم کر دیئے گئے۔ ڈپٹی کمشنر احمد کمال مان نے فلڈ ریلیف کیمپ کا دورہ کیا اور تمام متعلقہ محکموں کو فلڈ کے حوالے سے پیشگی اقدامات کرنے کی ہدایت کر دی۔

     

    مری میں لینڈ سلائیڈنگ کا خطرہ ، پی ڈی ایم اے نے الرٹ جاری کر دیا

     

    کشمور میں حالیہ مون سون بارشوں کے باعث دریائے سندھ گڈو بیراج کے مقام پر پانی کی سطح میں اضافہ ہو گیا ہے، گڈو بیراج کے مقام پر پانی کی آمد 2 لاکھ 83 هزار 80 کیوسک ریکارڈ کی گئی جبکہ اخراج 2 لاکھ 72 ہزار 937 کیوسک ریکارڈ کیا گیا، گڈو بیراج کے بچاؤ بندوں پر بھی پانی کا دباؤ بڑھنے لگا۔

    فلڈ فور کاسٹنگ سنٹر کی رپورٹ کے مطابق 28 جولائی سے راولپنڈی،گوجرانوالہ اور لاہور ڈویژن میں بارش اور طوفان کا امکان ہے.پی ڈی ایم اے کے مطابق دریائے ستلج ،راوی،چناب اور جہلم میں بھاری بارش اور طوفان کا امکان ہے۔اگلے 24 گھنٹے کے دوران ڈی جی خان ڈویژن کے پہاڑی علاقوں میں اونچے درجے کے سیلاب کا امکان ہے۔

    پی ڈی ایم اے کے مطابق ڈی جی خان میں ریلیف آپریشن کے لیے دوسرے اضلاع سے بھی بھجوائی جانے والی ٹیمیں امدادی کاموں میں مصروف ہیں۔ ڈی جی خان میں سیلابی علاقوں میں پھنسے افراد کو ریلیف کیمپوں میں منتقل کر دیا گیا ہے۔ حکومت پنجاب کی ہدایت کے مطابق لوگوں کے جان و مال کے تحفظ کو یقینی بنا رہے ہیں ۔

    ڈی جی پی ڈی ایم اے نے بتایا کہ پنجاب کے تمام اضلاع میں ہنگامی صورتحال سے نمٹنے کے لیے انتظامات مکمل ہیں۔آئندہ 48 گھنٹوں میں مرالہ،خانکی اور قادر آباد کے مقام پر درمیانے سے اونچے درجے کا سیلاب کا خدشہ ہے۔ آئندہ 48 گھنٹوں میں دریائے جہلم، راوی اور چناب کے نالوں میں درمیانے سے اونچے درجے کا سیلاب متوقع ہے۔

    پی ڈی ایم اے نے ہدایت جاری کر دی ہے کہ تمام اضلاع پیشگی انتظامات مکمل کریں،اور فلڈ ریلیف کیمپس کے لیے محفوظ جگہ کا تعین کریں۔ملحقہ اضلاع سیلاب میں استعمال ہونے والی مشینری اور امدادی ٹیمیںوں کو متحرک رکھیں.

    ترجمان پی ڈی ایم اے کے مطابق نشیبی علاقوں میں گاڑیاں کھڑی کرنے سے گریز کیا جائے اور برقی آلات سے دور رہیں جبکہ شہری دریاؤں اور نہروں میں نہانے سے پرہیز کریں اور ندی نالوں کے قریب نہ جائیں۔ شہری ہنگامی صورتحال میں پی ڈی ایم اے کی ہیلپ لائن 1129 پر کال کریں۔

  • فلپائن میں شدید زلزلے کے نتیجے میں5 افراد ہلاک:درجنوں زخمی

    فلپائن میں شدید زلزلے کے نتیجے میں5 افراد ہلاک:درجنوں زخمی

    فلپائن :شمالی فلپائن میں شدید زلزلے کے نتیجے میں 5 افراد ہلاک اور 60 زخمی ہو گئے ہیں۔خبر رساں ایجنسی رائٹرز کے مطابق وزیر داخلہ بنجمن ابالوس نے ٹیلی ویژن پر نشر ہونے والی نیوز کانفرنس میں بتایا کہ دو افراد بینگویٹ صوبے میں جبکہ 2صوبہ ابرا اور ایک دوسرے صوبے میں ہلاک ہوا۔

    امریکی جیولوجیکل سروے کے اعداد و شمار کے مطابق زلزلہ ڈولورس قصبے سے 11 کلومیٹر جنوب مشرق میں 10 کلومیٹر کی گہرائی میں آیا۔

    صدر فرڈینینڈ مارکوس جونیئر نے فیس بک پر کہا کہ زلزلے سے ہونے والے نقصانات کے بارے میں افسوسناک اطلاعات کے باوجود ہم ضرورت مندوں اور اس آفت سے متاثر ہونے والوں کو فوری امداد کی فراہمی یقینی بنانے کی کوشش کررہے ہیں۔

    زلزلہ مارکوس خاندان کے سیاسی گڑھ کے قریب آیا۔ریاستی سیسمولوجی ایجنسی کے ڈائریکٹر ریناٹو سولیڈم نے ڈی زیڈ آر ایچ ریڈیو اسٹیشن کو بتایا کہ شدید آفٹر شاکس متوقع ہیں۔رینٹو نے کہا کہ زلزلے کا مرکز ابرا اور قریبی صوبوں کے پاس تھا اور یہ ایک بڑا زلزلہ ہے۔

    ابالوس نے بتایا کہ ابرا صوبے میں 173 عمارتوں کو نقصان پہنچا اور 58 مقامات پر لینڈ سلائیڈنگ کی اطلاع ملی جس میں 60 میں سے 44 زخمی ہوئے۔حکام نے بتایا کہ عمارت کے جزوی طور پر منہدم ہونے کے بعد ابرہ صوبے میں ایک ہسپتال کو خالی کرا لیا گیا ہے لیکن وہاں کسی جانی نقصان کی اطلاع نہیں ملی۔

    ابرا کے نائب گورنر جوئے برنوس نے اپنے فیس بک اکاؤنٹ پر تباہ شدہ ابرا ہسپتال کی تصاویر پوسٹ کیں جس میں اس کے اگلے حصے میں ایک بڑا سوراخ دیکھا جا سکتا ہے۔

  • زارا نور عباس نے اپنے پرستاروں کو دیا ایک مشورہ

    زارا نور عباس نے اپنے پرستاروں کو دیا ایک مشورہ

    اداکارہ زارا نور عباس کہتی ہیں کہ ان کو نہیں یاد کہ انہوں نے محنت سے کام کیا ہو اور انہیں صلہ نہ ملا ہو . زارا نور عباس نے اپنے مداحوں کو بھی دے دیا ہے یہی مشورہ کہتی ہیں کہ آپ محنت اور لگن سے کام کریں اسکا صلہ خدا کی ذات آپ کو ضرور دے گی آپ کی محنت ضرور رنگ لائیگی ایسا ہو نہیں سکتا کہ آپ نے محنت کی ہو اور اللہ اسکا اجر نہ دے. زارا نور عباس ویسے تو بشری انصاری کی بھانجی ہیں اور اداکار اسد صدیقی کی اہلیہ ہیں ان کی والدہ اداکارہ اسماء عباس ہیں

    لیکن اس کے باوجود ان کو شوبز میں نام بنانے کےلئے بہت جدوجہد کرنا پڑی. وہ کہتی ہیں کہ اب تک میں نے جتنا بھی نام بنایا ہے بہت محنت سے بنایا ہے. ایک سوال کے جواب میں انہوں نے کہاکہ سفارش سے کوئی کسی شعبے میں ضرور جا سکتا ہے لیکن اگر اس میں ٹیلنٹ نہیں‌ہو گا تو سفارش بار بار نہیں چلے گی. زارا نے مزید کہا کہ میں ذاتی طور پر سفارشی لوگوں کو پسند نہیں‌کرتی. زارا نور عباس چونکہ اب ماڈلنگ بھی کررہی ہیں اس حوالے سے ان کا کہنا ہے مجھے ماڈلنگ میں مزا آرہا ہے اداکاری اور ماڈلنگ دونوں ایک ساتھ جاری ہے. انہوں نے کہا کہ میں جب بھی کسی کردار کا انتخاب کرتی ہوں تو دیکھتی ہوں کہ اس میں اداکاری کی کتنی گنجائش ہے.

  • پنجاب اسمبلی اجلاس بغیر کارروائی ملتوی،پی ٹی آئی ارکان نے حکومتی نشستیں سنبھال لیں

    پنجاب اسمبلی اجلاس بغیر کارروائی ملتوی،پی ٹی آئی ارکان نے حکومتی نشستیں سنبھال لیں

    پنجاب اسمبلی کا اجلاس بائیس منٹ کی تاخیر سے شروع ہوا.اجلاس کی صدارت پینل آف چیئرمین وسیم خان بادوزئی نے کی.اجلاس شروع ہوتے ہی تحریک انصاف کے اراکین اسمبلی نے ایوان میں حکومتی نشستیں سنبھال لی.

    پرویز الہیٰ کی عمران خان سے ملاقات، سپیکر کون بنے گا نام پر ہوا اتفاق

    پنجاب اسمبلی کے اجلاس میں سابق صوبائی وزراءراجہ بشارت ، چوہدری ظہیر الدین سمیت دیگر رکن اسمبلی ایوان میں موجود رہے.اجلاس میں مسلم لیگ ن اور ان کی اتحادی جماعتوں کا کوئی رکن اسمبلی ایوان میں نہیں پہنچا.

     

    پرویزالہیٰ کا وزیراعلیٰ بننے کے بعد تبادلے شروع

     

    پینل آف چیئرمین وسیم خان نے پنجاب اسمبلی کا اجلاس بغیر کسی کارروائی کے 28 جولائی دوپہر ایک بجے تک ملتوی کر دیا،وسیم خان بادوزئی نے کہا کہ ابھی حکومت کے تشکیل دئیے جانے کا سلسلہ جاری یے، جب تک کابینہ نہیں بنتی اجلاس نہیں چلایا جا سکتا، انہوں نے کہا کہ پنجاب اسمبلی کا اجلاس کل تک ملتوی کر دیتے ہیں.

     

    ایوان صدرمیں تقریب حلف برداری:چوہدری پرویزالٰہی وزیراعلیٰ پنجاب:صدرنے حلف لیا

     

    قبل ازیں پنجاب اسمبلی کے اجلاس کیلئے دو بجے کا وقت دیا گیا تھا جبکہ 23 جولائی کو اجلاس ارکان کی سپریم کورٹ میں مصروف کے باعث ملتوی کیا گیا تھا ،اجلاس پینل آف چیئرمین نوابزادہ وسیم بادوزئی 27جولائی بدھ تک ملتوی کیا تھا.

    ذرائع کے مطابق آج کااجلاس رولز کے مطابق نہیں ہوسکتا کیونکہ سپیکروزارت اعلیٰٰ کا حلف اٹھا چکے ہیں ،اجلاس کی آئینی حیثیت نہیں رہی ،سپیکر کا عہدہ خالی ہو چکا ہے،اب اجلاس گورنر بلائے گا جس میں سپیکر اور ڈپٹی اسپیکر کا انتخاب ہو گا.

  • حکومت کا پی ٹی آئی ارکان قومی اسمبلی کے استعفوں کی منظوری پر غور

    حکومت کا پی ٹی آئی ارکان قومی اسمبلی کے استعفوں کی منظوری پر غور

    حکمران اتحاد نے پی ٹی آئی کے ارکان قومی اسمبلی کے استعفوں کی منظوری پر حتمی غور شروع کردیا ہے۔

    ذرائع کے مطابق سپریم کورٹ کے پرویز الہی کو وزیراعلیٰ پنجاب بنانے سے متعلق فیصلے پر وفاقی حکومت و حکمران اتحاد کو شدید تحفظات ہیں جس کے نتیجے میں ملک میں سیاسی بحران شدت اختیار کرگیا۔

    سپریم کورٹ کے فیصلوں کے پارلیمان میں زیر بحث آنے کے قوی امکانات ہیں۔ آج قومی اسمبلی کا اجلاس ہنگامہ خیز ہونے کا قوی امکان ہے۔

    حکمران اتحاد نے پی ٹی آئی کے استعفوں کی منظوری پر حتمی غور شروع کردیا ہے۔ اسپیکر قومی اسمبلی حکمران اتحاد سے حتمی مشاورت کے بعد فیصلہ کریں گے۔

    قومی اسمبلی اجلاس میں سپریم کورٹ کے پارلیمان کے امور میں مداخلت کی بازگشت کا بھی امکان ہے۔ حکمران اتحاد کے اہم رہنماؤں نے اس معاملے پر قانون سازی کرنے اور ایسی مہم چلانے پر بھی غور شروع کردیا ہے۔

    واضح رہے کہ سابق وزیر اعظم عمران خان نے اپنی حکومت کے خامتے کے بعد قومی اسمبلی سے استعفیٰ دینے کا فیصلہ کیا تھا اور اس موقع پر ان کا کہنا تھا کہ ہم کسی صورت اس اسمبلی میں نہیں بیٹھیں گے۔

    عمران خان کی ہدایت کے بعد پی ٹی آئی ارکان قومی سمبلی نے بھی استعفے دینے شروع کر دیئے تھے۔

  • آئی سی سی ٹیسٹ رینکنگ:پاکستان کےبابراعظم، شاہین شاہ آفریدی اورعبداللہ شفیق کی ترقی

    آئی سی سی ٹیسٹ رینکنگ:پاکستان کےبابراعظم، شاہین شاہ آفریدی اورعبداللہ شفیق کی ترقی

    دبئی :آئی سی سی نے ٹیسٹ کرکٹ کی نئی عالمی رینکنگ جاری کردی ہے۔اطلاعات کے مطابق آئی سی سی کی نئی ٹیسٹ رینکنگ میں پاکستان کے کپتان بابراعظم، شاہین شاہ آفریدی اور عبداللہ شفیق کی ترقی ہوئی۔

    ٹیسٹ رینکنگ میں بیٹرز کی فہرست میں بابراعظم چوتھے سے تیسرے نمبر پر پہنچ گئے۔ وہ دنیا کے واحد کھلاڑی ہیں جو تینوں طرز کی کرکٹ کی موجودہ رینکنگ میں ٹاپ تھری پوزیشن پر براجمان ہیں۔

    اوپنرعبداللہ شفیق 23 درجہ ترقی پا کر 16ویں نمبر پر پہنچ گئے۔ محمد رضوان 20 ویں نمبر پر ہیں۔ اظہر علی 18 ویں سے 24 ویں نمبر پر چلے گئے ہیں۔ عابد علی 30 ویں اور فواد عالم 45 ویں نمبر پر ہیں۔

    بالرز کی رینکنگ میں شاہین شاہ آفریدی تیسرے نمبر پر پہنچ گئے۔ وہ اس سے قبل چوتھی پوزیشن پر موجود تھے۔ حسن علی کا 13واں نمبر ہے۔ اس سے قبل ان کا 14 واں نمبر تھا۔ محمد عباس 18 ویں سے 19 ویں نمبر پر آگئے ہیں۔ یاسر شاہ 33 ویں سے 32 ویں نمبر پر آگئے ہیں۔ نعمان علی 62 ویں نمبر ہر ہیں۔

    دو ٹیسٹ میچوں کی سیریز کے دوسرے میچ میں سری لنکا کی جانب سے دیے گئے 508 رنز کے ہدف کے تعاقب میں پاکستان کی بیٹنگ جاری ہے۔

    پاکستان کی جانب سے اننگز کا آغاز عبد اللہ شفیق اور امام الحق نے کیا اور گرین کیپس نے بغیر کسی وکٹ کے نقصان کے 34 رنز بنا لیے ہیں، عبد اللہ شفیق 14 اور امام الحق 19 رنز کے ساتھ وکٹ پر موجود ہیں۔

  • وڈیو وائرل، ماریہ واسطی شدید تنقید کی زد میں

    وڈیو وائرل، ماریہ واسطی شدید تنقید کی زد میں

    ٹی وی ڈراموں سے شہرت کی بلندیوں پر پہنچنے والی ماریہ واسطی آ گئیں ہیں شدید تنقید کی زد میں. گزشتہ روز اس وقت سب حیران رہ گئے جب ان کی ایک وڈیو وائرل ہوئی اس وڈیو میں وہ اپنے ایک دوست کے ساتھ کھڑی ہیں دونوں کے ہاتھ میں بوتلیں ہیں اور بوتل پی رہے ہیں. انسٹاگرام پر اس وڈیو کے وائرل ہونے کے بعد اداکارہ پر تنقید کی جا رہی ہے سوشل میڈیا صارفین کا کہنا ہے کہ ماریہ واسطی اور ان کا دوست شراب پی رہے ہیں. تاہم اس چیز کی تصدیق نہیں ہو سکی کہ وہ

    دونوں شراب ہی پی رہے ہیں یا کچھ اور ہے. اداکارہ ماریہ واسطی پر تنقید تو بہت زیادہ ہورہی ہے لیکن ان کی طرف سے وڈیو کے بعد کسی قسم کا بیان سامنے نہیں آیا، انہوں نے اس حوالے سے بالکل وضاحت نہیں دی کہ ان کے ہاتھ میں بوتل کس چیز کی ہے جس کو وہ پی رہی ہیں بلکہ ماریہ واسطی اس وڈیو کے وائرل ہونے کے بعد ابھی تک بالکل خاموش ہیں.ان کے ساتھ وڈیو میں کون ہے یہ بھی تاحال معلوم نہیں‌ہو سکا یقینا وہ کوئی شوبز کی شخصیت نہیں‌ہے. یاد رہے کہ ماریہ واسطی نے پی ٹی وی کے ڈراموں سے اپنے کیرئیر کا آغاز کیا اور وہ کم مگر معیاری کام کرتی ہیں.ان کے کریڈٹ بڑے ڈرامے ہیں انہوں نے اداکاری کے ساتھ ساتھ پروگرامز کو پوسٹ بھی کیا ہے.

  • دکھی انسانیت کی خدمت ایک عبادت ہے،گورنر پنجاب

    دکھی انسانیت کی خدمت ایک عبادت ہے،گورنر پنجاب

    گورنر پنجاب محمد بلیغ الرحمان سے معروف کاروباری اور سماجی شخصیت سعید ڈیرے والے کی قیادت میں وفد نے ملاقات کی ہے.وفد میں مختلف انڈسٹریز سے وابستہ افراد میاں کلیم سعید، میاں ضعیم انور، میاں اظہر انور و دیگر شامل تھے،وفد نے گورنر پنجاب کو کاروباری برادری کو درپیش مسائل سے آگاہ کیا

    سرکاری کمپنیاں ایک کھرب سالانہ سے زائد کے نقصانات کررہی ہیں. وزیر مملکت

    وفد سے گفتگو کرتے ہوئے گورنر پنجاب محمد بلیغ الرحمان نے کہا کہ ملک میں معاشی استحکام لانے بغیر ترقی کا خواب پورا نہیں ہو سکتا. مسلم لیگ ن کی قیادت کی تمام تر توجہ معیشت کی بہتری اور ترقی پر مبذول ہے.کاروباری افراد ملک کی سماجی اور اقتصادی ترقی میں اہم کردار ادا کر رہے ہیں.

     

    پاکستان کو سیاسی صورتحال کے باعث آئی ایم ایف سے قرض میں تاخیر ہو رہی ہے: ریٹنگ ایجنسیز

     

     

    بلیغ الرحمان کا کہنا تھا کہ مسلم لیگ ن کی حکومت نے ہمیشہ تاجر برادری کی فلاح بہبود کے لیے اقدامات اٹھائے ہیں. کاروباری حضرات کے مسائل کے حل کے لیے اپنا کردار ادا کروں گا.

     

    آئین اورپارلیمنٹ کی بالادستی پر کوئی سمجھوتہ نہیں کریں گے: وزیراعظم

     

    گورنر پنجاب نے کہا کہ دکھی انسانیت کی خدمت ایک عبادت ہے. تاجر برادری نے ہر مشکل وقت میں ملک اور عوام کی خدمت کی ہے. ملک میں کورونا وبا کے دوران بھی تاجر برادری نے فلاحی کاموں میں بڑھ چڑھ کر اپنا کردار ادا کیا.

    بلیغ الرحمان نے وفد کو ہقین دلایا کہ گورنر ہاوس آپ کے فلاحی کاموں میں شانہ بشانہ کھڑا ہے.