Author: +9251

بالی وڈ کے بگ بی امیتابھ بچن جو سوشل میڈیا پر کافی متحرک نظر آتے ہیں روٹین سے وہ وہاں تصویریں شئیر کرنے ساتھ لکھتے رہتے ہیں. امتیابھ بچن نے اپنے مداحوں‌ کو اپنے ساتھ باندھ کر رکھا ہوا ہے وہ ان کے ساتھ اپنی پوسٹس کے زریعے رابطے میں رہتے ہیں. امتیابھ بچن نے حال ہی میں ایک بلاگ لکھا ہے اوراس میں انہوں نے بتایا ہے کہ انہیں ایک پانچ سالہ بچے نے گھر میں رہ کر آرام کا مشورہ دیا ہے بی بگ بی کا کہنا ہےکہ جب اس بچے نے مجھے

گھر رہنے کا مشورہ دیا اور پوچھا کہ آپ کام کیوں‌کرتے ہیں تو میرے پاس اسکو دینے کےلئے جواب نہیں تھا.بچے نے باقاعدہ کہا کہ میرے دادی دادا توگھر پر آرام کرتے ہیں اور آپ کام کرتے ہیں. امیتابھ بچن کہتے ہیں میں ایک مہم میں تھا وہاں میں ریہرسل کررہا تھا یہ پانچ سالہ بچہ بھی وہاں موجود تھا اور مجھے غور سے دیکھ رہا تھا اور میرے پاس آکر پوچھا کام کیوں‌کرتے ہیں ، بگ بی کہتے ہیں کہ بچے کا سوال تو ٹھیک تھا. یاد رہے کہ امیتابھ بچن بالی وڈ کے وہ سپر سٹار ہیں جن کی شروع کی 14 فلمیں پے در پے فلاپ ہوئیں اس کے بعد ان کی قسمت کا ستارہ چمکا اور ایسا چمکا کہ جسے دنیا نے دیکھا. امیتابھ بچن کی کسی بھی فلم میں‌اینٹری کامیابی کی ضمانت سمجھا جاتا ہے.

‏ابو علیحہ کی ڈائریکشن میں بننے والی فلم شاٹ کٹ کا اوایس ٹی ریلیز کر دیا گیاہے. بول ہیں ایتھے سارے نے ڈاکو. اوایس ٹی اداکار گوہر رشید سے گوایا گیا ہے جبکہ میوزک علی اللہ دتہ کا ہے. اس گانے سے ہر پاکستانی یقینا خود کو ریلیٹ کریگا.فلم کے او ایس ٹی کی وڈیو دیکھیں تو اس میں پوری کاسٹ‌ دکھائی دے رہی ہیں. ڈائریکٹر ابو علیحہ جن کی ابھی تک چار فلمیں ریلیز ہوئی ہیں اور ایک فلم جاوید اقبال بین کر دی گئی ہے ان پانچوں فلموں میں‌میوزک ہے ہی نہیں ہے.ابو علیحہ زرا مختلف کام کرنے پر یقین رکھتے ہیں وہ میوزک کے سر پر فلم ہٹ کروانے والوں میں سے نہیں‌ہیں انہیں اگر لگتا ہے کہ کہانی میوزک مانگ رہی ہے تو میوزک رکھتے ہیں نہیں‌ تو میوزک کے بغیر ہی فلم بنا ڈالتے ہیں اور اس قسم کا رسک بہت کم فلم ساز لیتے ہیں. شاٹ کٹ فلم میں کسی قسم کا آئٹم سانگ بھی نہیں‌ ہے کہانی جس طرح‌کا جتنا میوزک

ڈیمانڈ کرتی ہے اتنا اور اس حساب سے گانے شامل کئے گئے ہیں.اور پہلا موقع ہے کہ گوہر رشید کسی فلم میں‌ گا رہے ہیں اس سے قبل کسی فلم کیا کہیں بھی کبھی بھی گوہر رشید کو گاتے نہیں دیکھا گیا.گوہر رشید کی آواز میں یہ او یس ٹی کو جاری کر دیا گیا ہے. گوہر رشید جو اپنے پورے کیرئیر میں‌زیادہ تر نیگیٹو کردار کرتے ہی دکھائی دئیے ہیں ان سے ایک تو روٹین سے ہٹ کر اس فلم میں‌کام کروایا گیا اور گانا بھی گوایا گیا ہے اور اس کا کریڈٹ یقینا ڈائریکٹر ابو علیحہ کوجاتا ہے.

فلم جوائے لینڈ پاکستان کی پہلی فلم جس کو نہ صرف کانز فلم فیسٹیول میں‌پیش کیا گیا بلکہ اسے اس عالمی فلمی میلے میں‌ ایوارڈ سے بھی ملا، عالمی میلے سے ایوارڈ جیتنے کے بعد پاکستانی شائقین نے بھی ڈیمانڈ تھی کہ اسے یہاں اپنے ملک میں‌بھی ریلیز کیا جائے.
تاہم ڈائریکٹر صائم صادق نے خوشخبری سنا دی ہے اور کہا ہے کہ رواں برس ہی موسم سرما میں فلم جوائے لینڈ کو سینما گھروں‌کی زینت بنایا جائے گا.اس خبر سے شائقین میں‌ خوشی کی

لہر دوڑ گئی ہے.صائم صادق کا یہ بھی ماننا ہے کہ فلم سینسر بورڈ ان کی فلم پر اعتراض نہیں
کریں گے، کیونکہ اس میں ایسا کوئی منظر یا ڈائیلاگ نہیں جو متنازع یا فحش ہو۔ فلم کی کہانی ”جنسی انقلاب ” ایک پدرشاہی خاندان کے سب سے چھوٹے بیٹے کی کہانی سناتی ہے جس سے توقع کی جاتی ہے کہ وہ اپنی بیوی کے ساتھ بیٹا پیدا کرے لیکن وہ ایک ڈانس تھیٹر کا حصہ بن جاتا ہے جہاں وہ اس کی خواجہ سرا ڈائریکٹر کی محبت میں مبتلا ہوجاتا ہے، فلم میں خواجہ سراہوں کی زندگی میں پیش آنے والے مشکل حالات کو بھی فلمایا گیا ہے۔۔فلم کی کاسٹ میں ثروت گیلانی، ثانیہ سعید، علی جونیجو، علینہ خان اور رستی فاروق شامل ہیں. فلم جوائے لینڈ کی ریلیز کا پاکستانی بے صبری سے انتظار کررہے ہیں.

اشنا شاہ جن کے کریڈٹ پر بہت زیادہ کام نہیں‌ ہے لیکن اتنا کام ہے کہ ان کو لوگ نہ صرف پہچانتے ہیں بلکہ ان کے کام کو سراہتے بھی ہیں. اشنا شاہ کا شمار بولڈ اداکارائوں میں‌ہوتا ہے ایسی اداکارائوں میں‌ہوتا ہے جو اکثر اپنی بولڈ‌ ڈریسنگ کی وجہ سے تنقید کا نشانہ بنتی ہیں. اشنا شاہ ماضی میں‌ بھی متعدد مرتبہ مغربی لباس میں تصاویر سوشل میڈیا پر شئیر کرکے تنقید کا نشانہ بنی ہیں. ایک بار پھر انہوں‌ نے مغربی لباس میں بیرون ملک سے سوشل میڈیا پر اپنی کچھ تصاویر جاری کی ہیں(اشنا شاہ آج کل چھٹیاں منانے کی غرض سے آسٹریا میں ہیں)، ان تصاویر میں‌اشناہ شاہ بولڈ ڈریسنگ میں‌نظر آرہی ہیں ان کی اس

ڈریسنگ پر بہت زیادہ تنقید کی جا رہی ہے. یوں اشنا شاہ اس وقت ہیں سوشل میڈیا صارفین کی ہیں‌تنقید کے نشانے پر. تاہم اشنا شاہ نے ابھی تک ناقدین کو جواب نہیں دیا. یاد رہے کہ اشنا شاہ کسی نہ کسی حوالے سے سکینڈلز کی زد میں‌ہی رہتی ہیں شاید ان کو سکینڈلز کی زد میں رہنا یا ایسی تصاویر اپ لوڈ کرنے میں‌مزہ آتا ہے کہ جس کے بعد ان کو لوگوں کی طرف سے تنقید کا نشانہ بنایا جائے. اشنا شاہ کی اداکاری پر بھی اکثر و بیش تر سوال اٹھایا جاتا ہے تاہم انہوں نے جتنا بھی کام کیا ہے وہ نوٹس کیا گیا ہے اور بڑے ہیروز اور بڑی کاسٹ کے ساتھ ہی کام کرتی نظر آئی ہیں.

اداکارہ یمنہ زیدی جو کہ عموما اپنے پرستاروں‌ کو نہایت ہی سنجیدہ اداکاری کرتے دکھائی دیتی ہیں، حال ہی میں وہ اپنے ٹی وی کے روٹین کے روپ سے الگ نظر آئی ہیں. ان کے مداح ان کو ڈانس کرتا دیکھ کر حیران رہ گئے، رپورٹس کے مطابق یمنہ زیدی بھی علی سیٹھی کے گانے پسوڑی کی دیوانی بن گئی ہیں وہ ان کے اس گانے پر ڈانس کرتی ہوئی دکھائی دے رہی ہیں.یمنہ کے مداحوں کو ان کا پسوڑی گانے پر ڈانس بہت پسند آرہا ہے یاد رہے کہ پسوڑی گانے پر نہ صرف پاکستانی بلکہ بھارت سمیت دنیا کے دیگر ممالک کے فنکار بھی جھومتے ہوئے دکھائی

دئیے ہیں.علی سیٹھی کے اس گانے نے سننے والوں‌کو اپنے سحر میں‌جکڑ لیا ہے. یاد رہے کہ یمنہ زیدی زیادہ سنجیدہ اداکاری کے حوالے سے ہی جانی جاتی ہیں، بہت کم کامیڈی کرتی دکھائی دی ہیں ان کے پرستار ان کو ہر روپ میں دیکھناچاہتے ہیں. یمنہ زیدی کا حال ہی میں ڈرامہ عشق لاء اختتام پذیر ہوا ہے اس میں بھی یمنہ کی اداکاری کو بہت سراہا گیا، نعمان اعجاز ہوں یا سینئر اداکارہ بشری انصاری یمنہ سب کی پسندیدہ اداکارہ ہیں. یمنہ نے اپنے کیرئیر میں‌تقریبا تمام بڑے اور نامور سٹارز کے ساتھ کام کیا ہے اور انہیں‌ان کی بہترین اداکاری پر متعدد بار ایوارڈز بھی دئیے جا چکے ہیں.

خوبصورت اور باصلاحیت اداکارہ ماہرہ خان جن کی حال ہی میں فلم قائداعظم زندہ باد ریلیز ہوئی ہے، فلم کو شائقین کی طرف سے بہت زیادہ سراہا جا رہا ہے. فلم میں ان کے ساتھ فہد مصطفی پہلی بار دکھائی دے رہے ہیں شائقین نے دونوں کی جوڑی کو بہت پسند کیا ہے. قائداعظم زندہ باد جیسی فلمیں پاکستان میں ماضی میں‌بہت کم بنائی گئی ہیں. فلم پاکستان کے علاوہ دیگر ممالک میں‌بھی ریلیز ہوئی ہے ہر طرف سے اسے پسند کیا جا رہا ہے اگر ہم کہیں‌کہ فلم سپر ہٹ ہے تو بے جا نہ ہوگا. اداکارہ ماہرہ خان نے حال ہی میں ایک انٹرویو دیا ہے اس میں ان سے جب سوال ہوا کہ وہ آئٹم نمبر کیوں‌نہیں کرتیں تو انہوں نے کہا کہ مجھے یہ ٹائٹل

نہیں‌پسند اور ویسے بھی میں‌وہ گانا کرنے کو تریح دیتی ہوں جو کہانی کے لئے ضروری ہو.ان سے جب کہا گیا کہ آپ نے فلم سپر سٹار میں نوری آئٹم سانگ بھی تو کیا تھا تو اس حوالے سے انہوں نے کہا کہ وہ گانا فلم اور کہانی کی ضرورت تھی اور میں ایسی چیزیں کرلیتی ہوں‌جو کہانی اور فلم کےلئے بہت ضروری ہوں. باقی مجھے آئٹم نمبر کی نہ سمجھ آتی ہے نہ مجھے یہ ٹائٹل پسند ہے. ماہرہ خان کے اس انٹرویو میں‌ آئٹم نمبر کے حوالے سے کی گئی باتوں‌پر سوشل میڈیا صارفین کافی تبصرے کررہے ہیں. یاد رہے کہ ماہرہ خان پاکستان کی وہ پہلی اداکارہ ہیں‌جنہوں نے بالی وڈ کے سپر سٹار شاہ رخ خآن کے ساتھ کام کیا.

گزشتہ روز سینئر اداکارہ دردانہ رحمان کے اعزاز میں ایک تقریب کا اہتمام کیا گیا. تقریب کا انعقاد پنجابی کمپلیکس میں کیا گیا. "کلچرل جرنلسٹس فاؤنڈیشن آف پاکستان” کے زیر اہتمام ہونے والی اس تقریب میں شوبز انڈسٹری سے جڑی نامور شخصیات نے شرکت کی. تقریب میں علی شفقت ،رینا علی،شیزا جہاں،ناصر بیراج، شیر میانداد،صائمہ جہاں،میگھا،ماہم رحمن،عاصمہ لتا،مون پرویز،ساگر خان،احمد نوازاور دوسرے گلوکاروں گائیکی مظاہرہ کیا۔اداکارہ نادیہ علی ،صنم ناز ، سارہ خان ، شاہ رخ ،صنم ناز،حنا خان، الطاف شیرازی اور پپی کلیار نے گیتوں پر پرفارم کیا۔کامیڈین حسن عباس نے اپنے فن کامظاہرہ کیا۔اظہار خیال اور شرکت کرنے والوں میں اداکارشاہد حمید، غلام محی الدین ،سید نور،نشو بیگم ،حامد رانا،راشد

محمود ،اشرف خان ،خالد بٹ ،امروزیہ ،شیبابٹ،حیدر سلطان ،اچھی خان ،ڈی جی پلاک ڈاکٹر صغریٰ صدف ، ڈائر یکٹر الحمرا نوید بخاری ،الطاف حسین،مسعود بٹ،چودھری اعجاز کامران،محمد پرویز کلیم،شہزاد رفیق،صفدر ملک،ملک بلو،جرار رضوی،جاوید رضا،حیدر راج ملتانی ،خواجہ سراگوری ،آغا قیصر،خلیق احمد ،غفار لہری ،محسن جعفر،ذیڈ اے زلفی اور دیگر شامل تھے۔فلمسٹار دردانہ رحمن کو ان کی خدمات کے اعتراف میں ایوارڈ سے نوازا گیا. تقریب میں‌بطور مہمان خصوصی شرکت کرنے والوں نے ان کے فن پر بات کی.یاد رہے کہ سینئر فنکاروں کی حوصلہ افزائی کےلئے "کلچرل جرنلسٹس فاؤنڈیشن آف پاکستان” اس قسم کی تقریبات کا اہتمام کرتی رہتی ہے.اس سے قبل فلم انڈسٹری کی نامور فنکارہ نغمہ بیگم کے ساتھ بھی ایک شام کا اہتمام کیا جا چکا ہے.