کراچی :آج الیکشن کمیشن کا اہم اجلاس ہوا جس کی صدارت چیف الیکشن کمشنر سکندر سلطان راجہ نے کی ۔ اجلاس میں ممبران الیکشن کمیشن کے علاوہ سیکریٹری الیکشن کمیشن اور دیگر سئنیر افسران نے شرکت کی۔
اجلاس میں الیکشن کمیشن نے مختلف امیدواروں اور پبلک کی طرف سے ان درخواستوں کا جائزہ لیا جس میں الیکشن کمیشن سے حالیہ بارشوں کی وجہہ سے نقصانات ، موجودہ موسمی حالات اور محرم الحرام ضمنی انتخاب این اے حلقہ 245 ۔ کراچی شرقی جو مورخہ 27 اگست 2022 کو ہونے تھے اور دوسرے مرحلے کے بلدیاتی انتخابات جو مورخہ 24 جولائی 2022 کو ہونے تھے ۔ انہیں محرم الحرام کے بعد کروانے کی درخواست کی گئی تھی ۔ ان درخواستوں پر غور کرنے سے پہلے صوبائی الیکشن کمشنر سندھ اور محکمہ موسمیات سے رپورٹ طلب کی گئی ۔ محکمہ موسمیات نے مذکورہ بالا دنوں میں بارشوں کی پیشن گوئی کی۔ مزید صوبائی الیکشن کمشنر نے اپنی رپورٹ میں بتایا کہ حالیہ بارشوں کی وجہ سے آمد و رفت کے ذرائع، پولنگ سٹیشنوں کی بلڈنگوں کو پہنچنے والے ممکنہ نقصانات، پولنگ کے سامان کی۔ترسیل، بارشوں کی وجہہ سے عوام کے ووٹ ڈالنے میں دشواری اور دیگر انتظامی امور کو مد نظر رکھتے ہوئے پولنگ کی تاریخ کو ملتوی کرکے محرم الحرام کے بعد مناسب تاریخوں کا اعلان کیا جائے۔
الیکشن کمیشن نے مذکورہ بالا تمام حقائق کو۔سامنے رکھتے ہوئے یہ فیصلہ کیا کہ۔
1۔ دوسرے مرحلے کے بلدیاتی انتخابات کی پولنگ 24 جولائی کے بجائے 28 اگست 2022 کو ہوگی ۔
2۔ ضمنی انتخاب حلقہ این اے 245 کراچی مشرقی جس کی پولنگ مورخہ 27 جولائی 2022 کو ہونی تھی اب 21 اگست 2022 کو ہوگی ۔
یہ فیصلہ ووٹروں، امیدواروں کی سہولت اور انتظامی امور کی بہتری کے لئے کیا گیا تاکہ زیادہ سے زیادہ ووٹر اپنا حق رائے دہی استعمال کر سکیں
کراچی اور حیدرآباد میں بلدیاتی انتخابات ملتوی ہوچکے ہیں اوریہ انتخابات کب ہوں گے اس کے حوالے سے تاریخ بھی دے دی گئی ہے،یاد رہے کہ ایم کیو ایم پاکستان نے بلدیاتی انتخابات کیخلاف عدالت عظمیٰ سے رجوع کیا تھا
سپریم کورٹ نے کراچی اور حیدرآباد میں بلدیاتی انتخابات ملتوی کردیئے، اب پولنگ 21 اگست کو ہوگی۔
ایم کیو ایم پاکستان نے بلدیاتی انتخابات ملتوی کروانے کیلئے سپریم کورٹ سے رجوع کیا تھا۔
ایم کیو ایم پاکستان کی جانب سے سندھ کے بلدیاتی نظام میں ترامیم، نئی حلقہ بندیوں اور ووٹر لسٹوں پر اعتراض اٹھایا تھا۔
سندھ کے 16 اضلاع میں ہونیوالے دوسرے مرحلے کے 24 جولائی کو ہونیوالے بلدیاتی انتخابات ملتوی کردیئے گئے ہیں۔
رپورٹ کے مطابق اب کراچی اور حیدرآباد میں بلدیاتی انتخابات کیلئے پولنگ 21 اگست کو ہوگی۔
الیکشن کمیشن آف پاکستان کا کہنا ہے کہ سندھ میں بلدیاتی انتخابات کا دوسرا مرحلہ ملتوی کرنے کیلئے متعدد درخواستیں موصول ہوئیں، جن میں انتخابات کے التواء کیلئے مختلف وجوہات بیان کی گئی تھیں، جن میں کرونا، مون سون بارشیں، محرم الحرام اور دیگر شامل تھیں۔
الیکشن کمیشن آف پاکستان کا کہنا ہے کہ فی الحال الیکشن ملتوی کرنے کا فیصلہ نہیں کیا اور نہ ہی کوئی نوٹیفکیشن جاری کیا گیا ہے۔
سندھ کے 14 اضلاع میں پہلے مرحلے کیلئے پولنگ جون کے آخری ہفتے میں ہوئی تھی، جس میں پیپلزپارٹی نے بھاری اکثریت سے کامیابی حاصل کی۔
واضح رہے کہ محکمہ موسمیات کی جانب سے کراچی اور حیدرآباد سمیت سندھ بھر میں ہفتہ 23 جولائی سے پیر 25 جولائی تک بارشوں کی پیشگوئی کی ہے۔
بارشوں کی پیشگوئی کے باعث الیکشن کمیشن اور سندھ حکومت پریشان تھی اور بارشوں کے نتیجے میں کراچی اور حیدرآباد میں بلدیاتی انتخابات کے سلسلے میں پولنگ کا عمل متاثر ہونے کا خدشہ ظاہر کیا جارہا تھا۔
