Baaghi TV

Author: +9251

  • 10 ووٹوں کے بدلے موٹر سائیکل،پی ٹی آئی کے امیدوار زین قریشی کے خلاف انکوائری کا حکم

    10 ووٹوں کے بدلے موٹر سائیکل،پی ٹی آئی کے امیدوار زین قریشی کے خلاف انکوائری کا حکم

    ڈسٹرکٹ مانیٹرنگ آفیسر نے پی ٹی آئی کے امیدوار زین قریشی کے خلاف انکوائری کا حکم دے دیا

    ڈسٹرکٹ مانیٹرنگ آفیسر پی پی 217 ملتان نے اسسٹنٹ کمشنر صدر ملتان اور سیکریٹری ڈی آر ٹی اے ملتان مانیئٹرنگ پی پی 217 ملتان کو ایک مراسلہ لکھا ہے ، مراسلے میں مترلقہ حکام کو ملتان کے ضمنی الیکشن پی پی 217 کی یونین کونسل 44 میں انتکابی قوائد وضوابط کی خلاف وزری پر اانکوائری کرنے کا سفارش کی گئی ہے.

    ڈسٹرکٹ مانیٹرنگ آفیسر حیدر ریاض نے مراسلے میں لکھا ہے کہ سوشل میڈیا کے ذریعے معلوم ہوا ہے کہ پی پی 217 کے انتخاب میں حصہ لینے والے پی ٹی آئی کے امیدوار زین قریشی نے ہار کے خوف سے 10 ووٹوں کے عوض ایک موٹر سائیکل دینے کی پیشکش شروع کر دی ہے.

    ڈسٹرکٹ مانیٹرنگ آفیسر حیدر ریاض کا کہنا ہے کہ امیدوار زین قریشی کی جانب سے ووٹوں کے عوض موتر سائیکل لے کر دینا الکشن کمیشن کے قوانین کی خلاف ورزی ہے. حیدر ریاض نے متعلقہ حکام سے درخواست کی ہے اس قانونی خلاف ورزی کا نوٹس لیتے ہوئے معاملے کی اتحقیقات کی جائیں.

    ڈسٹرکٹ مانیٹرنگ آفیسر حیدر ریاض کے مطابق الیکشن کمشن کی جانب سے ضمنی الیکشن کوشفا بنانے کیلئے تمام تر وسائل بروئے کار لائی

  • ڈپٹی سپیکر کا تحریک عدم اعتماد مسترد کرنیکا فیصلہ غیر آئینی قرار، سپریم کورٹ کا تفصیلی فیصلہ

    ڈپٹی سپیکر کا تحریک عدم اعتماد مسترد کرنیکا فیصلہ غیر آئینی قرار، سپریم کورٹ کا تفصیلی فیصلہ

    سپریم کورٹ نے ڈپٹی سپیکر کی رولنگ کیخلاف از خود نوٹس کا تفصیلی فیصلہ جاری کر دیا ہے جس کے مطابق ڈپٹی سپیکر کی تحریک عدم اعتماد مسترد کرنے کے فیصلے کو غیر آئینی قرار دیا گیا ہے۔

    86 صفحات پر مشتمل تفصیلی فیصلہ چیف جسٹس پاکستان جسٹس عمر عطا بندیال نے تحریر کیا، فیصلے کا آغاز سورہ الشعراء سے کیا گیا ہے۔

    سپریم کورٹ کے اکثریتی فیصلہ میں قرار دیا گیا کہ ڈپٹی سپیکر کی تحریک عدم اعتماد مسترد کرنے کا فیصلہ غیر آئینی ہے، وزیر اعظم کا اسمبلیاں تحلیل کرنے کا حکم غیر قانونی قرار دیتے ہوئے کالعدم قرار دیا جاتا ہے، مبینہ بیرونی مراسلے کا مکمل متن عدالت کو نہیں دکھایا گیا، مراسلے کا کچھ حصہ بطور دلائل سپریم کورٹ کے سامنے رکھا گیا۔

    فیصلہ میں یہ بھی قرار دیا گیا کہ تحریک انصاف کے وکیل کے مطابق مراسلے کے تحت حکومت گرانے کی دھمکی دی گئی، مبینہ بیرونی مراسلہ ایک خفیہ سفارتی دستاویز ہے، سفارتی تعلقات کے پیش نظر عدالت مراسلے سے متعلق کوئی حکم نہیں دے سکتی، قومی سلامتی کمیٹی کے اجلاس میں پاکستان کے اندرونی معاملات میں بیرونی مداخلت کو تسلیم کیا گیا، قومی سلامتی اجلاس کے اعلامیے میں واضح تھا کہ اپوزیشن جماعتوں نے تحریک عدم اعتماد میں کوئی بیرونی سازش نہیں کی، بیرونی سازش کیخلاف کوئی انکوائری یا تحقیق نہیں کرائی گئی۔

    سپریم کورٹ کے فیصلے میں کہا گیا کہ عدالتیں مصدقہ حقائق کی بنیاد پر فیصلہ کرتی ہیں نہ کہ قیاس آرائیوں پر، سفارتی مراسلے سے متعلق فیصلہ کرنا ایگزیکٹیو کا کام ہے، چیف جسٹس پاکستان کے گھر پر ہونے والے اجلاس میں 12 ججز نے از خود نوٹس کی سفارش کی، سپریم کورٹ نے آئین کو مقدم رکھنے اور اسکے تحفظ کیلئے سپیکر رولنگ پر از خود نوٹس لیا۔

    فیصلہ کے مطابق ڈپٹی سپیکر کے غیر آئینی اقدام کی وجہ سے سپریم کورٹ متحرک ہوئی، ڈپٹی سپیکر کی رولنگ کی وجہ سے وزیراعظم ایڈوائس اور صدر مملکت نے اسمبلی توڑی، ڈپٹی سپیکر رولنگ، وزیراعظم ایڈوائس اور صدر کے اقدامات کی وجہ سے اپوزیشن اور عوام کے بنیادی آئینی حقوق متاثر ہوئے، از خود نوٹس کی کارروائی کے دوران سائفر فریقین نے دلائل دیئے، سائفر عدالت کو دکھایا نہیں گیا، صرف سائفر کے اجزاء عدالت کو بتائے گئے۔

  • ڈائریکٹر جنرل سول ایوی ایشن کا ایک اور کارنامہ سامنے آگیا

    ڈائریکٹر جنرل سول ایوی ایشن کا ایک اور کارنامہ سامنے آگیا

    لاہور: ڈائریکٹر جنرل سول ایوی ایشن کا ایک اور کارنامہ سامنےآگیا ہے ، اس بہت بڑے مالیاتی سکینڈل کی خبروں نے فضائی سفر کرنے والوں کو مشکل میں‌ ڈال دیا ، اطلاعات ہیں‌ کہ ڈائریکٹر جنرل سول ایوی ایشن نے اربوں روپے مالیت کا اسلام آباد ائرپورٹ پر6 ایکڑ (48 کنال )کا پلاٹ 1 روپے لیز پر کسٹمز ڈپارٹمنٹ کو دے دیا

    ذرائع کے حوالے سے یہ معلوم ہوا ہے کہ کوڑیوں کےبہاواس زمین پر کسٹمز ڈپارٹمنٹ رہائشی کمپلیکس تعمیر کرے گا، ڈیپارٹمنٹ رہائشی پلاٹ کے پیچھے چُھپی کرپشن کی کیا کہانی ہے یہ تو تحقیقات سے پتہ چل ہی جائے گا

    ذرائع نے اس حوالے سے ایک ٹھوس دعویٰ کیا ہے کہ 1 روپے کے بدلے یہ زمین 50 سال کے لئے لیز پر دی گئی ہے،جبکہ دوسری طرف یہ بھی معلوم ہوا ہے کہ ڈی جی سول ایوی ایشن نے حال ہی میں اپنے ملازمین کی ہاؤس بلڈنگ گرانٹ ختم کردی۔

    یہ بھی معلوم ہوا ہے کہ سول ایوی ایشن کے جن ملازمین نے ہاؤس بلڈنگ گرانٹ لے لی تھی ان سے ریکوری کے احکامات بھی جاری کر دئے گئےیہ خبریں بھی گردش کررہی ہیں کہ موجودہ ڈی جی سول ایوی ایشن اتھارٹی خاقان مرتضٰی کوسابق گورنر سندھ عمران اسماعیل کی تجویز پر تعینات کیا گیا تھا۔

     

    [wp-embedder-pack width=”100%” height=”400px” download=”all” download-text=”” attachment_id=”517832″ /]

     

    خاقان مرتضٰی سابق گورنر سندھ عمران اسماعیل کے پرنسپل سیکرٹری تھے، یہ بھی معلوم ہوا ہے کہ زمین کی الاٹمنٹ سابق پرنسپل سیکرٹری ٹو وزیراعظم اعظم خان کے بھائی کلکٹر کسٹمز اصغر خان کی ملی بھگت سے ہوئی،ادھر ذرائع نے دعویٰ کیا ہے کہ ڈی جی سول ایوی ایشن خاقان مرتضٰی اور کلکٹر کسٹمز اصغر خان قریبی دوست ہیں

     

     

    یہ بھی بتایا گیا ہے کہ محکمہ کسٹمز 77 سال سے اربوں روپے مالیت کی یہ زمین حاصل کرنے کی کوشش کر رہا تھا

     

    دوسری طرف یہ مطالبہ بھی زور پکڑنے لگا ہے کہ اس سارے معاملے کی تحقیقات کی جائیں اورجو لوگ اس میں ملوث ہیں کو کٹہرے میں‌لایا جائے

  • سعودی عرب: رواں سال عازمین حج نےلاکھوں جی بی ڈیٹا استعمال کرلیا۔

    سعودی عرب: رواں سال عازمین حج نےلاکھوں جی بی ڈیٹا استعمال کرلیا۔

    ریاض : رواں سال عازمین حج نےلاکھوں جی بی ڈیٹا استعمال کرلیا۔ اطلاعات کے مطابق سعودی عرب کی مواصلاتی کمپنی ’ کمیونیکیشنز اینڈ انفارمیشن ٹیکنالوجی کمیشن ( سی آئی ٹی سی ) کی جانب سے جاری کردہ رپورٹ کے مطابق حج کے دن حجاج کرام کی جانب سے جانب سے تین ہزار ٹیرا بائٹ (30 لاکھ گیگا بائٹ) ڈیٹا استعمال کیا گیا، جب کہ انٹرنیٹ ڈیٹا کے علاوہ 14 لاکھ سے زائد بین الاقوامی کالیں بھی کی گئیں۔

    سی آئی ٹی سی کے اعداد و شمار کے مطابق فی صارف روزانہ 805 میگابائیٹ ڈیٹا استعمال کیا گیا۔ جو کہ دنیا بھر میں انٹرنیٹ ڈیٹا کے اوسط استعمال سے تقریبا تین گنا زائد ہے۔

    سی آئی ٹی سی کی رپورٹ میں بتایا گیا ہے کہ حجاج کی جانب سے استعمال کیا گیا ڈیٹا ہائی ڈیفینیشن (ایچ ڈی) معیار کی ویڈیوزکوتیرہ لاکھ گھنٹے دیکھنے کے برابر ہے۔

    رپورٹ کے مطابق دوران حج سب سے زیادہ استعمال ہونے والی موبائل ( آئی او ایس اور اینڈروئیڈ) ایپس میں یوٹیوب، اسنیپ چیٹ، ٹک ٹاک، فیس بک اور انسٹاگرام سرفہرست رہیں۔

    یادرہے کہ سعودی ولی عہد شہزادہ محمد بن سلمان کے ویژن 2030 منصوبے کے تحت پوری ریاست خصوصا حج کے دوران ٹیکنالوجی کا استعمال اولین ترجیحات میں شامل ہے اور سعودیہ عرب 2030 تک جدید ٹیکنالوجی کی مدد سے 50 لاکھ عازمین حج کو مقدس سرزمین پر خوش آمدید کہنے کے لیے تیارہے۔

    واضح رہے کہ سعودی عرب کا شمار پہلے ہی ٹیکنالوجی ہر سب سے زیادہ خرچ کرنے والے ممالک میں کیا جاتا ہے جو کہ اس کے سالانہ تیکنیکی بجٹ کا 21 اعشاریہ 7 فیصد ہے، اور 2025 تک سعودی عرب کے ٹیکنالوجی پر اخراجات 93 ارب ریال تک پہنچنے کی توقع ہے۔

    ٹیکنالوجی کے زیادہ سے زیادہ استعمال کا مقصد عازمین حج کے لیے زیادہ سے زیادہ سہولیات فراہم کرنا اور 2030 تک ہر 100 شہریوں میں سے کم سے کم ایک کمپیوٹر پروگرامرتیار کرنا ہے۔

  • 24 جولائی کو انتخاب کے لیے بھرپور طریقے سے حصہ لیں گے، مصطفیٰ کمال

    24 جولائی کو انتخاب کے لیے بھرپور طریقے سے حصہ لیں گے، مصطفیٰ کمال

    کراچی:چیئرمین پی ایس پی مصطفیٰ کمال نے کہا ہے کہ 24 جولائی کو انتخاب کے لیے بھرپور طریقے سے حصہ لیں گے۔

    مصطفیٰ کمال نے اپنے ایک بیان میں کہا کہ ہمارے این اے 245 کے لیے سید حفیظ ہیں، ہمیں ووٹ دے کر ملک کے حالات بہتر ہو جائیں گے، پہلے پی ایس ایس بلدیاتی انتخابات میں کامیابی حاصل کرے گی پھر این اے کی سیٹ میں بھی کامیابی حاصل کرے گی۔

    ان کا کہنا تھا کہ پچھلے چودہ سال سے پیپلز پارٹی حکمرانی کر رہی ہے، پولیس اور پولنگ اسٹیشن والے مل کر پیپلز پارٹی کے نشان پر ٹھپے لگا رہے ہیں، اس شہر کا جو چوکیدار ہے اسی نے شہر کو بیچ دیا ہے، پیپلز پارٹی کو مسلسل فنڈ مل رہے ہیں مگر یہ ہمیں نہیں دیتے۔

    انہوں نے کہا کہ موجودہ حکمرانوں نے نہیں بدلنا ہے، ان حکمرانوں نے ملک کو تباہ کر دیا ہے، صرف پی ایس پی ہی ایک ایسی منظم جماعت ہے جو بغیر ہتھیار کی سیاست پر یقین رکھتی ہے۔

    پی ایس پی کے چیئرمین نے کہا کہ شہر میں بارشوں کے باعث کئی جانوں کا نقصان ہوا، میں بارش ہونے سے پہلے نالوں کی صفائی کرواتا تھا، پانی کے جعلی ہائی ڈرنٹس بنا کر ہمارہ پانی ہی ہمیں پیچا جا رہا ہے، کراچی کا تین سو ارب بنتا ہے اور کاغذ میں 38ارب کا بجٹ آتا ہے۔

  • ہندوستان کا ایران اور روس کے ساتھ روپے میں تجارت کا فیصلہ

    ہندوستان کا ایران اور روس کے ساتھ روپے میں تجارت کا فیصلہ

    نئی دہلی :ہندوستان کا ایران اور روس کے ساتھ روپے میں تجارت کا فیصلہ،اطلاعات کے مطابق حکومت ہندوستان نے ایران اور روس کے ساتھ تجارت میں قومی کرنسی کے استعمال کا اعلان کیا ہے۔

    ذرائع کے مطابق ریزرو بینک آف انڈیا کے جاری کردہ اعلامیہ میں کہا گیا ہے کہ امریکہ کی اقتصادی پابندیوں کے شکار ایران اور روس جیسے ملکوں کے ساتھ تجارت میں آسانیاں پیدا کرنے کی غرض سے روپے میں ادائیگی کا نظام استعمال کیا جائے گا۔

    آر بی آئی کے بیان میں آیا ہے کہ یہ فیصلہ ہندوستانی برآمدات میں اضافے کی پالیسی اور عالمی تجارتی برادری میں روپے میں لین دین کے بڑھتے ہوئے رجحان کے پیش نظر کیا گیا ہے۔بیان میں کہا گیا ہے کہ اس مقصد کے لیے برآمداتی اور درآمداتی ادائیگیوں کا نیا نظام تیار کیا جارہا ہے۔

    ہندوستان کی، فروغ برآمدات کونسل کے سربراہ مہیش دیسائی نے مرکزی بینک کے فیصلے کا خیر مقدم کرتے ہوئے کہا کہ اس فیصلے سے ایران اورروس جیسے ملکوں کے ساتھ تجارت میں آسانیان پیدا ہوں گی جن پر امریکہ نے پابندیاں عائد کر رکھی ہیں۔

    ہندوستان کے ماہرین معاشیات کا کہنا ہے کہ مرکزی بینک کے اس فیصلے سے ڈالر اور یورو کے مقابلے میں ہندوستانی روپے کی گرتی قدر کو بھی سہارا ملے گا۔

  • ہم سچ اورحق پر کھڑے ہیں،مخالفین کوایسا پھینٹا لگانا ہے کہ یہ یاد رکھیں گے،عمران خان

    ہم سچ اورحق پر کھڑے ہیں،مخالفین کوایسا پھینٹا لگانا ہے کہ یہ یاد رکھیں گے،عمران خان

    چیئرمین پاکستان تحریک انصاف اور سابق وزیراعظم عمران خان نے کہا ہے کہ مسٹر ایکس لاہور اور مسٹر وائی ملتان میں بیٹھا ہے، ہم نے مل کر انہیں الیکشن میں ہرانا ہے۔ عمران خان نے کہا ہے کہ سری لنکا میں شریف خاندان کی طرح ایک طبقہ حکمران بنا بیٹھا تھا، وہ اربوں پتی بن گئے اور اب سری لنکا کا دیوالیہ نکل گیا۔

    جھنگ میں عوامی جلسہ عوام سے خطاب کے دوران انہوں نے شہباز شریف کو مخاطب کرکے کہا کہ ’کرائم منسٹر‘ اور اس کے بیٹے پر 16ارب روپے کرپشن کے کیسز ہیں دراصل ہمارا مقابلہ لوٹوں اور الیکشن کمیشن سے ہے، ن لیگ نے آتے ہی 1100ارب کرپشن کے کیس معاف کرائے ہیں۔ عمران خان نے کہا کہ ہمارا نمائندہ جس کو آپ نے ووٹ دیا وہ لوٹا ہو گیا، لوٹا وہ ہوتا ہے جو اپنے ضمیر کا سودا کرتا ہے، لوٹے وہ ہیں جو پیسے کی خاطر عوام کا ووٹ بیچتے ہیں۔

    انہوں نے کہا کہ ہم سچ اور حق پر کھڑے ہوتے ہیں، 22 کروڑ پاکستانیوں کی منتخب حکومت کو گرایا جاتا ہے، بڑے بڑے ڈاکو ملک پر مسلط کیے گئے۔ پی ٹی آئی چیئرمین نے مزید کہا کہ اتوار کو الیکشن ہمارے ملک کےمستقبل کا فیصلہ کرے گا، ہمیں الیکشن ملک کے مستقبل کے لیے جیتنا ہے، چوروں اور امریکیوں کے غلاموں سے ملک کو بچانا ہے۔

    عمران خان کا کہنا تھا کہ ہم سوچ رہے ہیں کہ ن لیگ کے ڈاکوؤں کی دھاندلی سے ووٹ کیسے بچانے ہیں، ہم پولنگ ایجنٹس کو دھاندلی رکوانے کے لیے تیار کر رہے ہیں۔ دھاندلی زیادہ تر خواتین کے پولنگ اسٹیشنز پر ہوتی ہے، وہاں یہ لوگ پیسے دیتے ہیں، پی ٹی آئی کی خواتین اس دھاندلی کو رکوائیں۔

    انہوں نے کہا کہ نواز شریف نے زندگی میں کوئی چیز ایمانداری سے نہیں کی، سارا بزنس شریف برادران نے کرپشن کے ذریعے بنایا۔پی ٹی آئی کے چیئرمین نے کہا کہ ہمارا مقابلہ شریف خاندان اور ان کے درباریوں، لوٹوں اور الیکشن کمیشن سے ہے۔

    انہوں نے چیف الیکشن کمشنر آف پاکستان پر مریم نواز اور حمزہ شہباز سے ملاقاتوں کا الزام لگایا اور کہا کہ ایک مسٹر ایکس لاہور اور ایک مسٹر وائی ملتان میں بیٹھا ہے، ہم نے ان کو الیکشن میں ہرانا اور ایسا پھینٹا لگانا ہے کہ یہ یاد رکھیں گے۔عمران خان نے کہا کہ میری کوشش تھی کہ ملک میں صاف و شفاف انتخابی عمل لاؤں، اس کے لیے الیکٹرانک ووٹنگ مشین لانے کی کوشش بھی کی۔

  • رشی سنک وزارت عظمیٰ‌ کی دوڑ میں‌ پیچھے:پینی مورڈانٹ اگلی برطانوی وزیراعطم ہوسکتی ہیں‌

    رشی سنک وزارت عظمیٰ‌ کی دوڑ میں‌ پیچھے:پینی مورڈانٹ اگلی برطانوی وزیراعطم ہوسکتی ہیں‌

    لندن:بھارتی نژاد برطانیہ کے سابق وزیر خزانہ رشی سنک کے لیے مشکلات پیدا ہونے لگیں ،اطلاعات کے مطابق بھارتی نژاد رشی سنک کو آج اس وقت دھچکا لگا جب ایک پول میں‌ اکثریت نے کہا کہ ویسٹ منسٹر کے فرنٹ رنر ٹوری ممبران کے رن آف بیلٹ میں پینی مورڈانٹ سے ہار جائیں گے۔

    یہ بھی معلوم ہو اہے کہ ایم پیز نے قیادت کے مقابلے کے پہلے راؤنڈ میں ووٹنگ مکمل کر لی ہے – جس کا نتیجہ شام 5 بجے آنا تھا ، ان ابتدائی اطلاعات کے مطابق پینی مورڈانٹ برطانیہ کی اگلی وزیراعظم بن سکتی ہیں

    اس سے پہلے برطانوی میڈیا کا کہناتھا کہ اس وقت پینی مورڈانٹ یا لِز ٹرس بہت آگے ہیں اورجن کے بارے میں پیشن گوئی کی جارہی تھی وہ بظاہر پیچھے نظرآرہےہیں ،

     

     

    یاد رہے کہ اس سے پہلے یہ خیال کیا جارہا تھا کہ بھارتی نژاد سابق وزیرخزانہ رشی سنک برطانیہ کے نئے وزیراعظم ہوں گے ، اسی عزم کے ساتھ بھارتی نژاد برطانیہ کے سابق وزیر خزانہ رشی سنک نے اعلان کیا تھا کہ وہ بورس جانسن کی جگہ لینے کے لئے انتخاب لڑ رہے ہیں ۔

    تفصیلات کے مطابق وزیر دفاع بین ویلیس کے انکار کے بعد بھارتی نژاد سابق وزیر خزانہ رشی سنک نے برطانوی وزیر اعظم کیلئے مہم کا آغاز کر دیا ہے ۔

    برطانوی میڈیا کے مطابق رشی سنک کو متعدد سینئر پارٹی ارکان کی مکمل حمایت حاصل ہے جن میں اولیور ڈاوڈن ، مارک سپنسر اور لیام فاکس کے نام نمایاں ہیں ۔

    انٹرنیشنل میڈیا کے مطابق بین ویلیس سروے رپورٹس اور بک میکرز کی نظر میں کنزرویٹو پارٹی کی قیادت کیلئے مضبوط ترین امیدوار تھے ۔ اب دیکھنا یہ ہے کہ وہ کس امیدوار کی حمایت کرتے ہیں ۔

    مقامی میڈیا کا کہنا ہے کہ رشی سنک کے اتحادی پاکستانی نژاد ساجد جاوید کو قائل کرنے کی کوشش میں ہیں کہ وہ اُن کا ساتھ دیں تاکہ رشی سنک کی کامیابی کی راہ ہموار ہوں سکے

    لیکن ابھی جو پری سروے ہوا اس نے رشی سنک کے لیے خطرے کی گھنٹی بجادی ہے اوراگرصورت حال یہی رہی تو پھراس بات کا قوی امکان ہےکہ برطانیہ کی اگلی وزیراعظم مورڈانٹ یا لِز ٹرس ہوں گے

  • ن لیگ جیت چکی،عمران خان تم نے رونا ہے رولو،مریم نواز

    ن لیگ جیت چکی،عمران خان تم نے رونا ہے رولو،مریم نواز

    پاکستان مسلم لیگ (ن) کی نائب صدر مریم نواز نے کہا ہے کہ ن لیگ جیتے گی نہیں بلکہ جیت چکی ہے، فتنہ خان انتشار کا دوسرا نام، 17 جولائی کو پنجاب کے دشمن عمران خان سے مقابلہ ہوگا، نا اہلی، مہنگائی اور کرپشن کو شکست دیں گے، مخالفین کو گالیاں دینے والے خیبر پختونخوا کی حالت زار تو دیکھ لیں، آئندہ 24 سے 48 گھنٹوں میں پٹرول اور ڈیزل کی قیمتیں کم ہوں گی

    لیہ میں پاکستان مسلم لیگ (ن) کے جلسہ سے خطاب کرتے ہوئے مریم نواز نے کہا کہ یہ جلسہ نہیں اللہ تعالیٰ کی شان دیکھ رہی ہوں، لیہ میں اس سے بڑا جلسہ کبھی زندگی میں نہیں دیکھا، لیہ والوں نے اپنے ریکارڈ خود ہی توڑ دیئے ہیں، لیہ میں داخل ہوئی تو میلوں دور جلوس دیکھے، لیہ والوں آپ پر میرا قرض رہا جو خدمت کر کے اتاروں گی، لالہ طاہر کو پیشگی مبارکباد، آپ الیکشن جیت چکے ہیں، 17جولائی کو لیہ سے شیر، شیر شیر کی آواز آئے گی۔

    انہوں نے مزید کہا کہ 17 جولائی کو شیر کا مقابلہ گیڈر کی لائی ہوئی مہنگائی، کرپشن، نااہلی، نالائقی اور بے روزگاری سے ہے، شیر کا مقابلہ، فتنہ اور انتشار سے ہے، 17 جولائی کو پنجاب کا مقابلہ پنجاب دشمن عمران خان سے ہے، عمران خان پنجاب کی تباہی کا سب سے بڑا منصوبہ ہے، عمران خان نے پنجاب میں تباہی، نواز شریف نے خوشحالی کے منصوبے لگائے، اسلام آباد کی حدود سے آکر گالم گلوچ کر کے واپس چلا جاتاہے۔

    مریم نواز کا کہنا تھا کہ پنجاب میں لوٹ مار کیلئے فتنہ خان نے خواتین کو ٹاسک دیا تھا، مردان اور صوابی ڈوب گئے فتنہ خان پنجاب ڈبونے آگیا ہے، نواز شریف نے سی پیک عمران خان نے جی پیک بنایا، بنی گالا منی گالا بن گیا، کل جلسے میں عمران خان رو رہا تھا، آئی ایم ایف سے معاہدہ کرتے وقت تمہیں رونا نہیں آیا، آلو پیاز کی قیمت پتہ کرنے والی حکومت آگئی تو تمہیں رونا آگیا۔

    پاکستان مسلم لیگ (ن) کی نائب صدر نے کہا کہ یہ اب مگر مچھ کے آنسو بہاتہ ہے، عوام کے رونے کے دن گزر گئے اب فتنہ خان کے رونے کا وقت ہے، عمران خان کو 4 سال مہنگائی کا خیال نہیں آیا، عوام جانتے ہیں تباہی لانے والے کا نام عمران خان ہے، مشکل فیصلے جتنے کرنے تھے کرلیے اب اچھا وقت دستک دے رہا ہے، آئندہ 24 سے 48 گھنٹے میں پٹرول اور ڈیزل کی قیمتیں کم ہوں گی، وزیراعظم شہباز شریف نے سمری منگوالی ہے۔

    ان کا کہنا تھا کہ 17 جولائی کے بعد 100 یونٹ تک مفت بجلی غریب عوام کو فراہم کی جائے گی، عمران خان تم نے رونا ہے رولو، عمران خان نے 4 سال پٹرولیم مصنوعات کی قیمتیں کم نہیں کیں، جاتے وقت خزانہ خالی کرنے کیلئے قیمتیں کم کردیں، اب مہنگائی کو ریورس گیئر لگے گا اور ترقی پانچویں گیئر میں جائے گی، کل جلسے میں کہتا ہے پٹرول کی قیمتیں کم کرو، تمہارا کیا تعلق قیمتیں کرنے سے، بیگانے کی شادی میں عبداللہ کو دیوانہ ہونے کی ضرورت نہیں۔

  • ہم ملک کی بیس سیٹوں پر جیت رہے ہیں،یاسمین راشد

    ہم ملک کی بیس سیٹوں پر جیت رہے ہیں،یاسمین راشد

    پاکستان تحریک انصاف سینٹرل پنجاب کی صدرڈاکٹر یاسمین راشد نے چیئرمین سنی اتحاد کونسل صاحبزادہ حامد رضا پی ٹی ائی سنٹرل پنجاب کے جنرل سیکرٹری حماد اظہر سیکرٹری اطلاعات عندلیب عباس امیدواران ملک ظہیر عباس کھوکھر اور شبیر گجر کے ہمراہ پی پی 167 کے الیکشن آفس اللہ ھو چوک میں پریس کانفرنس کی ۔ چیئرمین سنی اتحاد کونسل صاحبزادے حامد رضا کی پی ٹی آئی کو ضمنی انتخابات میں غیر مشروط سپورٹ کا اعلان کیا اور کہاکہ میں یاسمین راشد ،حماد اظہر کا شکریہ ادا کرتا ہوں۔

    شیخ رشید کے گرد گھیرا تنگ، اینٹی کرپشن نے طلب کر لیا

    ڈاکٹر یاسمین راشد نے پریس کانفرنس کرتے ھوئے کہاکہ سید حامد نے ہماری سپورٹ کی بات کیوں کی کیوں کہ ہم ملک کو امن ترقی کی بات کرتے ہیں۔ ہم ملک کی بیس سیٹوں پر جیت رہے ہیں۔ اس وقت عوام کو پتا چل گیا ہے انکا ہمدرد کون ہے۔ چیف الیکشن کمشنر ہمیں کلیرنس دیں یہ الیکشن شفاف ہونگے۔یہ شوشل میڈیا کا ٹائم ہے جو کریں گے واضح ہو جائے گا۔ ایڈمنسٹریٹرز کو کوئی اوچھے ہتھکنڈوں سے باز رہنا ہوگا۔ ہر قسم کے دروازے سے ریکوسٹ کروں گی لوگ جان گئے ہیں دھندلی کیسے ہوتی ہے۔ انہوں نے کہا کہ ایکسٹرا بیلٹ پیپرز کہاں جا رہے ہیں۔ میں امید کرتی ہوں سارے ادارے نیوٹرل رہیں گے۔

     

    دھاندلی حکمرانوں کو مہنگی پڑے گی،فواد چوہدری کی پرویز الہی سے ملاقات

     

    سید حامد رضا نے کہاکہ جھنگ کے حلقے سے 10000 ووٹوں کی لیڈ سے پی ٹی آئی کی جیت ہو گی۔ آپ نے جشن آج کرنا ہے یا 17 کو آپ کی مرضی۔ سیاست اور مذہب کا چولی دامن کا رشتہ ہے۔ہمارے کارکنان ہر پولنگ سٹیشن میں انکی سہولت کاری کریں گے۔ میں حمزہ شہباز کے ساتھ نہیں بیٹھ سکتا وہ برائے نام وزیر اعلیٰ ہے۔

    عمران نے جو اسلام کا انٹرنیشنل لیول پر کام کیا وہ قابل تعریف ہے ۔ اگر مذہبی رواداری کی بات کی جائے وہ سہرا بھی عمران کے سر ہے۔ ہم ثنا اللہ اور لوٹے راجہ ریاض کو وہی بتائے گے آپ کا انجام کیا ہو گا۔ گزشتہ رات جو ملک نواز اعوان کے حلقہ میں ہوا وہ سراسر غلط تھا ۔موجود وزیر داخلہ میرے حلقہ کا ہے۔ انکو کالعدم جماعتوں کی مکمل سپورٹ حاصل ہے۔ امن کی طاقت سب سے بڑی طاقتوں میں سے ایک ہے۔ سیاست اور مذہب کا چولی دامن کا رشتہ ہے۔ عمران نے جو اسلام کا انٹرنیشنل لیول پر کام کیا وہ قابل تعریف ہے۔ اگر مذہبی رواداری کی بات کی جائے تو وہ سہرا بھی عمران کے سر ہے۔اللہ ہو چوک والی پریس کانفرنس میں مقبول گجر خالد گجر صاحبزادہ حامد رضا جبکہ سنی اتحاد کونسل سے پیر طارق ولی مفتی امان اللہ شاکر مفتی شفاعت علی ہمدانی مفتی عرفان نعیمی قاری عبدالرؤف مفتی نعیم احمد موجود تھے