Baaghi TV

Author: +9251

  • چین کی سماجی تنظیموں کی یو این انسانی حقوق کونسل کے اجلاس میں شرکت

    چین کی سماجی تنظیموں کی یو این انسانی حقوق کونسل کے اجلاس میں شرکت

    بیجنگ :اقوام متحدہ کی انسانی حقوق کونسل کا 50 واں اجلاس 13 جون سے 8 جولائی تک سوئٹزرلینڈ کے شہر جنیوا میں منعقد ہوا۔ چین کی متعدد سماجی تنظیموں نے تحریری صورت میں کانفرنس میں شرکت کی، جس میں چین کی انسانی حقوق کی ترقی اور کامیابیوں کو متعدد زاویوں سے دکھایا گیا اور عالمی انسانی حقوق کے نظم و نسق میں اصلاحات اور بہتری کے لیے فعال کردار ادا کیا گیا۔

    ہفتہ کے روز چینی میڈ یا کے مطا بق چائنا ایتھنک مینارٹیز ایسوسی ایشن فار ایکسٹرنل ایکسچینجز نے کہا کہ چین ہمیشہ انسانی حقوق کے “عوام پر مبنی” تصور پر عمل پیرا رہا ہے، اور سنکیانگ کی تیز رفتار اقتصادی اور سماجی ترقی کو فروغ دینے کے لیے موثر اقدامات کیے ہیں۔ امریکہ اور چند مغربی ممالک سنکیانگ کے بارے میں اکثر جھوٹ گھڑتے ہیں، جس کا مقصد چین کی ساکھ کو داغدار کرنا اور چین کی ترقی کو روکنا ہے۔ اقوام متحدہ کی انسانی حقوق کونسل کو صحیح اور غلط میں فرق کرنا چاہیے اور غلط معلومات سے متاثر نہیں ہونا چاہیے۔

    چین کی تبتی ثقافتی تحفظ اور ترقیاتی ایسوسی ایشن نے کہا کہ کمیونسٹ پارٹی آف چائنا کی قیادت میں 70 سال سے زائد ترقی کے بعد تبت میں اعلیٰ تعلیم میں بڑی تبدیلیاں آئی ہیں۔
    غیر سرکاری تنظیموں کے عالمی تبادلے کے فروغ کے لیے بیجنگ ایسوسی ایشن نے کہا کہ حالیہ برسوں میں، چینی سماجی تنظیموں نے بنی نوع انسان کے ہم نصیب معاشرے کی تعمیر کے تصور کو برقرار رکھا ہے، اور عالمی انسداد وبا تعاون،افرادی روابط کو فروغ دینے ، ثقافتی تبادلوں کو گہرا کرنے اور عالمی ماحولیاتی نظم و نسق کو بہتر بنانے کے لیے فعال کوششیں کی ہیں۔

    شام میں صورتحال کی بہتری کے لیے سلامتی کونسل کردار ادا کرے:اطلاعات کے مطابق اقوام متحدہ میں چین کے مستقل نمائندے چانگ جون نے سلامتی کونسل پر زور دیا کہ شام میں کراس بارڈر ڈیلیوری کو ختم کرنے کے لیے جلد از جلد ایک واضح ٹائم ٹیبل پیش کیا جائے۔ کراس بارڈر امداد کا طریقہ کار شام کی مخصوص صورتحال پر مبنی ایک عارضی انتظام ہے۔ سلامتی کونسل کو زمینی حقائق کے مطابق اقدامات آگے بڑھانے چاہیے اور کراس بارڈر ریلیف کو کراس لائن اپروچ سے بدلنا چاہیے۔

     

     

    ہفتہ کے روز چینی میڈ یا کے مطا بق چانگ جون نے کہا کہ شام میں انسانی صورتحال کو بدستور چیلنجز کا سامنا ہے اور چین ہمیشہ انسانیت، غیر جانبداری کے اصولوں کے مطابق شامی عوام کو انسان دوست امداد پہنچانے میں اقوام متحدہ اور عالمی برادری کی حمایت کرتا ہے۔ چین بھی موئثر ذرائع سے شام کو مختلف قسم کی امداد فراہم کر رہا ہے، مقامی انسانی صورت حال کی بہتری اور اقتصادی اور لوگوں کے معاش میں درپیش مشکلات پر قابو پانے میں تعمیری کردار ادا کر رہا ہے۔

     

    چانگ جون نے کہا کہ یکطرفہ پابندیوں نے شامی حکومت کے وسائل اور تعمیر نو کی صلاحیت کو کافی حد تک کمزور کر دیا ہے اور یہ شام میں انسانی صورت حال کو بہتر بنانے میں سب سے بڑی رکاوٹ ہیں۔ چین نے ایک بار پھر متعلقہ ممالک پر زور دیا ہے کہ وہ شام کے خلاف یکطرفہ پابندیاں فوری طور پر ہٹائیں تاکہ شام میں انسانی ہمدردی کی سرگرمیوں کے لیے زیادہ سے زیادہ سہولت فراہم کی جا سکے۔

     

     

    سلامتی کونسل کی قرارداد 2585 کا مینڈیٹ اتوار کو ختم ہو رہا ہے۔ چانگ جون نے تمام فریقوں پر زور دیا کہ وہ ہمت نہ ہاریں، مشاورت جاری رکھیں، اور باہمی اعتماد میں اضافہ کریں، زیادہ لچک کا مظاہرہ کریں، اور مینڈیٹ کی میعاد ختم ہونے کے بعد انتظامات کے لیے عملی حل تلاش کریں۔

  • امریکہ و افغانستان کے مابین دفاعی رابطوں کا باضابطہ خاتمہ

    امریکہ و افغانستان کے مابین دفاعی رابطوں کا باضابطہ خاتمہ

    کابل:امریکی صدر جو بائیڈن نے افغانستان سے نان نیٹو اتحادی کا اسٹیٹس واپس لے لیا ہے۔ جس کے بعد امریکہ کے افغانستان کے ساتھ تقریباً بیس سال پر محیط فوجی اور سیکیورٹی رابطوں کا باضابطہ طور پر خاتمہ ہو گیا ہے۔

    نجی اخبار کی رپورٹ کے مطابق صدر جو بائیڈن نے رواں ہفتے کے اوائل میں کانگریس کو ارسال کردہ ایک خط میں لکھا ہے کہ 1961 کے فارن اسسٹنس ایکٹ کی سیکشن 517 کے مطابق میں افغانستان کی ایک بڑے نان نیٹو اتحادی کی حیثیت منسوخ کرنے کے اپنے نوٹس فراہم کر رہا ہوں۔

    امریکہ کے دیگر بڑے نان نیٹو اتحادیوں میں ارجنٹائن، آسٹریلیا، بحرین، برازیل، کولمبیا، مصر، اسرائیل، جاپان، اردن، کویت، مراکش، نیوزی لینڈ، فلپائن، قطر، جنوبی کوریا، تھائی لینڈ اور تیونس شامل ہیں۔

    ایک بڑے نان نیٹو اتحادی کے طور پر افغانستان بھی فوجی تربیت اور امداد حاصل کرنے بشمول نیٹو افواج کے ملک چھوڑنے کے بعد بھی فوجی ساز و سامان کی فروخت اور لیز پر دینے کا عمل تیز کرنے کا اہل تھا ۔تاہم، اب بھی دنیا بھر میں امریکہ کے ایسے 18 اتحادی ممالک ہیں جن میں پاکستان بھی شامل ہے۔

    یاد رہے، اگست 2021 میں، بائیڈن انتظامیہ نے افغانستان سے تمام امریکی فوجیوں کو واپس بلا لیا تھا جس سے تقریباً بیس سال سے جاری جنگ کا خاتمہ ہوگیا تھا۔ اس کے بعد سے امریکہ نے افغانستان کے ساتھ اپنے رابطوں کو بتدریج کم کر دیا ہے۔ فی الحال امریکہ اور افغانستان کےمابین واحد حل طلب مسئلہ امریکی سینٹرل بینک کی جانب سے منجمد کیے گئے سات ارب ڈالر مالیت کے افغان اثاثہ جات کا ہے۔

  • ومبلڈن 2022: ویمینز سنگلز ٹائٹل ایلینا رائباکینا کے نام

    ومبلڈن 2022: ویمینز سنگلز ٹائٹل ایلینا رائباکینا کے نام

    لاہور:ومبلڈن 2022، ویمینز سنگلز ٹائٹل ایلینا رائباکینا کے نام،اطلاعات کے مطابق ومبلڈن 2022 کے ویمینز سنگلز کے فائنل میچ میں ایلینا رائباکینا نے انس جابر کو شکست دے کر گرینڈ سلم ٹائٹل اپنے نام کر لیا۔

    تفصیلات کے مطابق رائباکینا نے فائنل میں 3-6، 6-2 اور 6-2 سے اپنے کیرئیر کی پہلی گرینڈ سلم ٹرافی ہاتھوں میں تھامی۔ایلینا رائباکینا قازقستان کی پہلی کھلاڑی بن گئیں جنہوں نے ومبلڈن فائنل میں تیونس کی تھرڈ سیڈ انس جابر کو شکست دے کر گرینڈ سلیم ٹائٹل جیتا۔

    قازقستان سے تعلق رکھنے والی ایلینا رائباکینا ومبلڈن کی تاریخ میں 2011 کے بعد سب سے کم عمر ومبلڈن سنگلز کی چمپئین قرار پائی ہیں.
    پہلے سیٹ میں انس جابر نے جارحانہ کھیل پیش کیا جس کی وجہ سے ایلینا کچھ دیر کے لیے دباؤ میں آ گئی تھی، لیکن ایلینا نے سنبھلنے میں دیر نہیں لگائی۔

    ماسکو میں پیدا ہونی والی ایلینا رائباکینا کی کامیابی ایک ایسے سال ہوئی جب ومبلڈن انتظامیہ نے روسی کھلاڑیوں کی ومبلڈن کھیلنے پر پابندی عائد کر رکھی ہے۔

    قازقستان سے زیادہ مالی امداد حاصل کرنے کے بعد 2018 میں وفاداری تبدیل کرنے والی ریباکینا کو ڈچس آف کیمبرج نے وینس روز واٹر ڈش پیش کی، جس نے یوکرین کی لڑائی کی عوامی حمایت کی ہے۔تیونس کی کھلاڑی انس جابر نے چھٹے گیم میں تین بریک پوائنٹس ضائع کیے کیونکہ ان کی مایوسی بڑھ گئی اور یہی ان کے لیے آخری موقع ثابت ہوا۔

     

  • کورونا پرغلط حکمت عملی ،لاک ڈاون نے سری لنکا تباہ کردیا،صدرفرار،فوج میں بغآوت

    کورونا پرغلط حکمت عملی ،لاک ڈاون نے سری لنکا تباہ کردیا،صدرفرار،فوج میں بغآوت

    کولمبو:کورونا پرغلط حکمت عملی ،لاک ڈاون نے سری لنکا تباہ کردیا،صدرفرار،فوج میں بغآوت جاری ہے اوراب تویہ خبریں بھی بڑی تیزی سے وائرل ہورہی ہیں کہ ملک کے وجود کوخطرات لاحق ہوگئے ہیں ،

     

     

    اس حوالے سے سوشل میڈیا پروائرل ایک ویڈیو میں دیکھا جاسکتا ہے کہ صدراوردیگرعزیزواقارب کو نیوی کے جہازمیں بٹھا کرکسی نامعلوم منزل کی طرف لے جایا جارہاہے ،

     

     

    کولمبوسے ذرائع کا کہنا ہے کہ فوج کے اندربغاوت پھیل چکی ہے اورکئی فوجی افسران توصدر کے ساتھ فرار ہونے کی کوشش کررہے تھے ، تاہم یہ پتہ نہیں چل سکا کہ یہ کون سے اعلیٰ فوجی افسران ہیں

     

    سری لنکا میں حالیہ تباہی پرسری لنکن اوردیگرعالمی معاشی ماہرین کا کہنا ہے کہ سری لنکا کو جوآج دن دیکھنے پڑرہےہیں یہ اصل میں کورونا وبا کے دوران غلط حکمت عملی کا نتیجہ ہے جس کی وجہ آج ہرسری لنکن اپنی اوراپنے ملک کی بقا کی جنگ لڑرہا ہے ، یہ بھی کہا جارہا ہے کہ سری لنکا میں کورونا وبا کے دوران مکمل لاک ڈاون کی وجہ سے ملک معاشی تباہی کے دھانے پرپہنچ گیا اوراب سری لنکا عملی طور پردیوالیہ ہوچکا ہے اور دوسرے لفظوں میں سری لنکا کا دیوالیہ نکل چکا ہے

     

     

    https://twitter.com/ZaidZamanHamid/status/1545745855533268992

     

     

    کولمبو: سری لنکا میں مشتعل مظاہرین نے صدارتی ہاؤس پر دھاوا بولا اور سوئمنگ پول میں تیراکی کرتے رہے اور صدر کے زیر استعمال لگژری آئٹمز دیکھتے رہے۔

    غیرملکی خبررساں ادارے کی رپورٹ کے مطابق سری لنکا کے مظاہرین نے ہفتے کے روز کولمبو میں صدر گوٹا بایا راجا پکسے کی رہائش گاہ پر دھاوا بول دیا اور متعدد پولیس اور فوجی رکاوٹوں اور آنسو گیس کے گولے داغے جس کی ویڈیوز سوشل میڈیا پر وائرل ہو رہی ہیں اور کئی کلپس میں مقامی لوگوں کو پول میں تیراکی کرتے ہوئے دکھایا گیا ہے۔

     

    دوسروں کو گھر میں گھستے ہوئے دیکھا گیا اور صدر کے ذاتی سامان کی تلاشی لی اس منظر نے سوشل میڈیا پر بہت سے لوگوں کو چونکا دیا ہے کیونکہ ملک میں ہنگامہ آرائی ختم ہونے سے انکاری ہے۔

     

    ملک بھر میں بڑے پیمانے پر مظاہرے کیے جانے کے بعد بہت سے لوگوں نے سری لنکا کے بحران پر اپنا موقف بیان کیا۔

    صدر کے سوئمنگ پول میں لوگوں کے اتفاق سے نہانے کی ویڈیو شیئر کرتے ہوئے لکھا کہ ’لوگوں نے مہنگائی کی وجہ سے ان کے گھر پر دھاوا بولا کیونکہ یہ خود عیش و آرام کی زندگی گزار رہے تھے۔

     

    ملک میں اشیائے ضروریہ کے بحران پر تبصرہ کرتے ہوئے ایک اور ٹویٹر صارف نے لکھا، "شہریوں کے پاس کھانا، گیس نہیں ہے، لیکن، یہ عیش و آرام کی زندگی گزارنے کے لیے ہیں لیکن اب اس پر مظاہرین نے قبضہ کر لیا ہے۔”

  • سابق وزیرداخلہ سرفرازبگٹی کے قافلے پر ریموٹ کنٹرول بم دھماکا

    سابق وزیرداخلہ سرفرازبگٹی کے قافلے پر ریموٹ کنٹرول بم دھماکا

    کوئٹہ :بلوچستان کے سابق وزیرداخلہ سینیٹر سرفراز بگٹی کے قافلے کے قریب ریموٹ کنٹرول بم دھماکا ہوا ہے، دھماکے میں گارڈ زخمی ہوگیا، جبکہ سینیٹر سرفراز بگٹی دھماکے میں محفوظ رہے۔

    ذرائع کے مطابق کشمور ڈیرہ بگٹی روڈ پرسینیٹر سرفراز بگٹی کے قافلے کے قریب دھماکا ہوا ہے، دھماکے میں سینیٹر سرفراز بگٹی دھماکے میں محفوظ رہے، دھماکا سرفراز بگٹی کی گاڑی گزرنے کے بعد ہوا، جس کے باعث قافلے میں شامل دوسری گاڑی کو نقصان پہنچا اور ایک گارڈ زخمی ہوگیا ہے۔

    ڈی سی ڈیرہ بگٹی ممتاز کھیتران کا کہنا ہے کہ جس مقام پر دھماکہ ہوا وہ روجھان پور کا علاقہ ہے، ڈیرہ بگٹی کی انتظامیہ بھی موقع پر پہنچ رہی ہے۔بتایا گیا ہے سینیٹر سرفراز بگٹی عید منانے ڈیرہ بگٹی جا رہے تھے

    یاد رہے کہ اس سال کے آغاز میں بھی سرفرازبگٹی پرقاتلانہ حملہ ہوا جس میں وہ بال بال بچ گئے تھے،یہ جنوری 2022 کا واقعہ ہے جب بلوچستان کے ضلع ڈیرہ بگٹی کے علاقے سوئی میں موندرانی مٹ کے قریب دہشت گرد وں نے حملہ کیا ہے، بم دھماکے کے نتیجے میں 4 لیویز اہلکار شہید اور 9 افراد زخمی ہو گئے۔

    سابق وزیرِ داخلہ بلوچستان و سینیٹر سرفراز بگٹی کا کہنا تھا کہ شہید افراد میں ان کے کزن بھی شامل ہیں، بلوچ ریپبلکن آرمی کے دہشت گرد اس حملے میں ملوث ہیں۔

    سابق وزیرِ داخلہ بلوچستان، سینیٹر سرفراز بگٹی کا یہ بھی کہنا ہے کہ حکومت مذاکرات کے نام پر مذاق کر رہی ہے حالانکہ لوگوں کی مدد کرنا ریاست کی ذمے داری ہے۔

    ایسے ہی 2016 میں بھی سرفرازبگٹی پرحملہ ہوا تھا جس میں‌ وزیر داخلہ سرفراز بگٹی کے قافلے پر دوبارہ قاتلانہ حملہ کیا گیا،جس میں سرفراز بگٹی محافظوں سمیت حملے میں محفوظ رہے۔ اس وقت صوبائی وزیر داخلہ سرفراز بگٹی سوئی سے ڈیرہ بگٹی جا رہے تھے کہ گھات لگائے دہشت گردوں نے ان کے قافلے پر حملہ کردیا، خوش قسمتی سے صوبائی وزیر داخلہ محافظوں سمیت قاتلانہ حملے میں محفوظ رہے، لیویز اور فورسز کی جوابی فائرنگ سے حملہ آور فرار ہونے میں کامیاب ہوگئے

  • سمیع ابراہیم پر دفتر کے باہر نامعلوم افراد کا تشدد

    سمیع ابراہیم پر دفتر کے باہر نامعلوم افراد کا تشدد

    اسلام آباد:پاکستان تحریک انصاف کے چیئرمین اور سابق وزیر اعظم عمران خان نے سینئر صحافی سمیع ابراہیم پر نامعلوم افراد کے حملے پر اپنے ردعمل کا اظہار کیا ہے۔

    ٹوئٹر پر جاری اپنے بیان میں عمران خان نے کہا کہ سینئر صحافی سمیع ابراہیم پر حملے کی شدید مذمت کرتا ہوں، ایسے ہی پہلے ایاز امیر پر بھی حملہ کیا گیا تھا۔انہوں نے کہا کہ فسطائی ہتھکنڈوں سے صحافیوں کو دہشت زدہ کرنے کی کوشش کی جا رہی ہے، عوام کو دبا کر امریکی رجیم چینج سازش کو قبول کرانے کی کوشش کی جا رہی ہے۔

    چیئرمین پی ٹی آئی نے کہا کہ امریکی رجیم چینج سازش کے ذریعے بدمعاشوں کا ٹولہ اقتدار پر لاکر مسلط کیا گیا، عوام کو حکومت کے خلاف کھڑا کر کے انتشار کی طرف خطرناک حد تک دھکیلا جا رہا ہے۔

     

    یاد رہے کہ آج شام سینئر صحافی و اینکر پرسن سمیع ابراہیم پر نامعلوم افراد نے حملہ میلوڈی میں ان کے آفس کے سامنے کیا گیا۔ یہ بھی معلوم ہوا ہے کہ اس سے پہلے ایک شی میل نے پیسے مانگے جب پیسے دینے لگے تو اس نے حملہ کر دیا۔

    ذرائع کے مطابق سمیع ابراہیم پرتشدد دوران ایک اور شخص آیا اور وڈیو بنانے لگ گیا۔ جس کےبعد تشدد کرنے والے سبز رنگ کی گاڑی میں حملہ آور فرار ہوئے۔

    دوسری طرف سینئر اینکر سمیع ابراہیم کا کہنا تھا کہ جب میں دفتر سے نکلا تو جہاں میری گاڑی پارک تھی میں وہاں گیا تو پہلے سے ہی دو سے تین لوگ موجود تھے جن میں ایک خواجہ سرا بھی تھا۔

    انہوں نے کہا کہ خواجہ سرا میرے پاس آیا اور کہا کہ کچھ خیرات دے دو، میری جیب میں جو پیسے تھے میں نے اس کو دیے تو اتنی دیر میں اس نے میرا ہاتھ پکڑ لیا اور مجھ پر حملہ کر دیا۔

    سمیع ابراہیم نے کہا کہ اس کے بعد دو اور بھی آگئے اور انہوں نے مجھ پر حملہ کر دیا اور کہا کہ تم نے گالیاں دی ہیں، میں نے پیچھے دیکھا تو ایک اور بندہ بھی تھا، مجھے ڈر تھا کہ یہ کہیں مجھے گاڑی میں نا لے جائیں۔

    بول کے سینئر اینکر سمیع ابراہیم نے کہا کہ شکر ہے کہ میں اس وقت بول کے دفتر کے نیچے ہی تھا تو میں ہاتھ چھڑا کر واپس دفتر میں چلا گیا۔

  • سلمان رفیق اور ایاز صادق نے وزارتوں سے استعفے دے دیئے

    سلمان رفیق اور ایاز صادق نے وزارتوں سے استعفے دے دیئے

    لاہور:سلمان رفیق اور ایاز صادق نے وزارتوں سے استعفے دے دیئے،اطلاعات کے مطابق ن لیگ کوپنجاب اور وفاق میں اس وقت پریشانی اٹھانی پڑی جب دواہم لیگی شخصیات نے استعفے دے کرسب کوحیران کردیا ،یہ دونوں شخصیتیں لاہور سے تعلق رکھتی ہیں‌،

    اس حوالے سے کچھ خبریں گردش کررہی ہیں کہ پی پی ایک سواٹھاون رانااحسن شرافت کا ضمنی الیکشن اس وقت زوروں پر ہے اور دوسری طرف رہنما پاکستان مسلم لیگ ن سردارایاز صادق کا ذاتی وجوہات کی بنا پر وفاقی وزیر برائے اقتصادی امور کے عہدے سے مستعفی ہوچکے ہیں اوریہ بھی سُننے میں آیا ہے انہوں نے وزیراعظم کواپنا استعفیٰ ارسال کردیا ہے

     

    لاہور سے دوسری بڑی شخصیت جنہوںنے استعفیٰ‌ دیا ہے وہ خواجہ سعد رفیق کے بھائی خواجہ سلمان رفیق ہیں جنہوں نے اپنی وزارت سے استعفی وزیراعلی پنجاب حمزہ شہباز شریف کو بجھوا دیا ، یہ بھی بتایا جارہا ہے کہ وزیر اعلی پنجاب حمزہ شہباز نے خواجہ سلمان رفیق کا استعفی منظور کر لیا

    ادھر ذرائع کے مطابق عطا تارڈ کا کہنا ہے کہ ان دونوں رہنماوں نے الیکشن مہم چلانے کے لیے استعفے دیےہیں‌، خواجہ سلمان رفیق اورسردار ایاز صادق بہت جلد اتنخابی مہم میں شامل ہوجائیں گے

  • مہوش حیات ڈر گئیں لیکن کیوں؟‌

    مہوش حیات ڈر گئیں لیکن کیوں؟‌

    مہوش حیات ڈر گئی ہیں جی ہاں مہوش ڈر گئی ہیں. مہوش حیات کو ڈر ہے کہ مہنگائی کی وجہ سے لوگ سینما گھروں‌کا رخ نہیں‌کریں گے. ان کو لگتا ہے کہ مہنگائی جس حد تک بڑھ چکی ہے لوگ ایسے میں کیسے اتنی مہنگی ٹکٹ خریدیں گے لیکن ساتھ ہی انہوں‌نے یہ امید بھی ظاہر کی کہ چونکہ لوگوں‌کو عید کے روز اینٹرٹینمنٹ کی ضرورت ہوتی ہے ایسے میں‌وہ ضرور گھروں سے نکلیں گے اور ٹکٹیں خرید کر سینما کا رخ کریں گے. یاد رہے کہ پیٹرولیم مصنوعات کی قیمتوں میں اضافے کے بعد سینما گھروں‌کی ٹکٹوں کی قیمتوں میں‌بھی اضافہ کر دیا گیا ہے. ساڑھے سات سو سے ٹکٹ شروع ہو کر پندراں سو روپے تک جا رہی ہے. ایسے میں‌شائقین کا کہنا ہے کہ ہم کیسے اتنی مہنگی ٹکٹ خرید کا سینما کا رخ کریں اور اسی خدشے

    کا اظہار مہوش حیات نے بھی کیاہے. مہوش حیات کی حال ہی میں فلم لندن نہیں‌جائونگا ریلیز ہوئی ہے ریلیز ہوتے لوگوں‌کی ایک بڑی تعداد نے فلم دیکھی ہے شائقین فلم کو بہت پسند کررہے ہیں لیکن جو مزدور یا دیہاڑی دار طبقہ ہے وہ یقینا اس فلم کو نہیں‌دیکھ سکے گا کیونکہ سینما کی ٹکٹ جتنی مہنگی ہے اسے افورڈ‌کرنا ااس کے لئے مشکل ہی نہیں‌ناممکن ہے. فلم لندن نہیں‌جائونگا اور قائداعظم زندہ باد دونوں‌فلموں‌کو لوگ دیکھنا چاہ رہے ہیں لیکن مہنگی ٹکٹیں کہیں نہ کہیں رکاوٹ ضرور بنتی نظر آرہی ہیں.

  • ملک میں سری لنکا والی صورتحال نہ ہونیکی وجہ عمران خان کی مدبرانہ سیاست ہے: فوادچوہدری

    ملک میں سری لنکا والی صورتحال نہ ہونیکی وجہ عمران خان کی مدبرانہ سیاست ہے: فوادچوہدری

    لاہور:پاکستان تحریک انصاف (پی ٹی آئی) کے سینئر رہنما اور سابق وفاقی وزیر اطلاعات فواد چودھری نے کہا ہے کہ ملک میں سری لنکا والی صورتحال نہ ہونے کی وجہ تحریک انصاف اور عمران خان کی مدبرانہ سیاست ہے۔

    سماجی رابطے کی ویب سائٹ ٹویٹر پرانہوں نے ایک ویڈیو اپ لوڈ کی جس کے کیپشن پر فواد چودھری نے لکھا کہ سری لنکا کے عوام کیلئے ڈھیروں محبتیں اور دعائیں خدا مشکلیں آسان کرے۔

    انہوں نے لکھا کہ اللہ پاکستان کو محفوظ رکھے آج یہ صورتحال یہاں نہیں تو واحد وجہ تحریک انصاف اور عمران خان کی ذمہ دارانہ اور مدبرانہ سیاست ہے، ہم ملک کو بحران سے نکالنے کی سیاست کر رہے ہیں خدا پاکستان کے لوگوں کا حامی و مددگار ہو!

    سری لنکا کے عوام کیلئے ڈھیروں محبتیں اور دعائیں خدا مشکلیں آسان کرے، خدا پاکستان کو محفوظ رکھے آج یہ صورتحال یہاں نہیں تو واحد وجہ تحریک انصاف اور عمران خان کی ذمہ دارانہ اور مدبرانہ سیاست ہے، ہم ملک کو بحران سے نکالنے کی سیاست کر رہے ہیں خدا پاکستان کے لوگوں کا حامی و مددگار ہو!

     

    یاد رہے کہ آج معاشی بحران سے تنگ سری لنکن عوام نے کرفیو کا توڑتے ہوئے صدارتی محل پر دھاوا بول دیا۔

    غیر ملکی میڈیا رپورٹ کے مطابق معاشی بدحالی کا شکار سری لنکا کے شہریوں کا صبر کا پیمانہ لبریز ہوگیا، عوام نے فوج کی جانب سے عائد کرفیو کو توڑتے ہوئے صدارتی محل پر دھاوا بول دیا اور محل کے اندر داخل ہوگئے۔

    صدارتی محل میں داخل ہونے سے قبل پولیس اور شہریوں کے درمیان شدید جھڑپیں بھی ہوئیں، پولیس نے مظاہرین کو متشر کرنے کیلئے واٹر کینن کا استعمال اور شیلنگ کی تاہم پولیس کو مظاہرین پر قابو پانے میں کامیابی حاصل نہ کرسکی۔Imageمیڈیا رپورٹ کے مطابق مظاہرین نے صدارتی محل کے کمروں اور دفاتر کا کنٹرول سنبھال لیا ہے جبکہ صدر گوتابایا راجا پکسے کو فوج نے نامعلوم مقام پر منتقل کردیا۔

     

    ادھر سری لنکا کے وزیر اعظم نے تازہ ترین صورتحال پر آج سیاسی جماعتوں کا ہنگامی اجلاس طلب کر لیا ہے۔

     

     

    واضح رہے کہ سری لنکا میں اس وقت اشیائے ضروریہ کی شدید قلت ہے، اور اس کی دو کروڑ 20 لاکھ آبادی رواں برس کے آغاز سے ہی مہنگائی اور بجلی کے طویل بلیک آؤٹ برداشت کر رہی ہے۔

     

     

    مظاہرین کئی ماہ سے صدر گوتابایا راجا پکسے کے کولمبو دفتر کے باہر ڈیرے ڈالے ہوئے ہیں تاکہ معاشی بدانتظامی کی وجہ سے ان پر استعفے کے لیے دباؤ ڈالا جا سکے۔

     

     

    یاد رہے کہ سری لنکا کے وزیر اعظم رانیل وکرما سنگھے نے پانچ جولائی کو پارلیمنٹ میں خطاب کرتے ہوئے کہا تھا کہ ملک ”دیوالیہ ہو چکا ہے” اور اس کا یہ سنگین معاشی بحران کم سے کم آئندہ برس کے اواخر تک یونہی برقرار رہے گا۔

  • مردوں کے بارے میں کیا کہہ دیا حرا مانی نے؟

    مردوں کے بارے میں کیا کہہ دیا حرا مانی نے؟

    اداکارہ حرا مانی جو اکثر ایسا کچھ بول دیتی ہیں کہ آجاتی ہیں تنقید کی زد میں. اب حال ہی میں انہوں‌ نے ایک نجی ٹی وی کو انٹرویو دیا ہے وہ انٹرویو تو ابھی آن ائیر نہیں گیا لیکن اس کا ٹیزر جاری ہو چکا ہے ٹیزر میں حرامانی کہتی ہوئی نظر آ رہی ہیں کہ مرد بہت ہی پیاری چیز ہے اسے ہم خود برا بناتے ہیں. حرا مانی کی بات پر کافی تبصرے کئے جا رہے ہیں مزید انہوں نے اسی حوالے سے کیا کہا ہے یہ انٹرویو آن ائیر جانے کے بعد پتہ چلے گا لیکن انہوں‌ نے اتنا ضرور کہہ دیا ہے کہ مرد بہت پیاری چیز ہیں ہم انہیں خود برا بناتے ہیں.حرا مانی کے اس جملے سے بہت ساری خواتین جہاں متفق ہیں وہیں ان سے کچھ خواتین اتفاق نہیں‌کرتیں. یاد

    رہے عید کے روز ان کے شوہر مانی کی فلم لفنگے ریلیز ہونے جا رہی ہے حرا اس حوالے سے بہت زیادہ پر جوش ہیں وہ اپنے پرستاروں سے کہہ رہی ہیں کہ اگر آپ کو مجھ سے پیار ہے تو عید کے دن چلیں میرے ساتھ سینما اور فلم لفنگے دیکھتے ہیں. حرا اپنے شوہر مانی کی فلم کی بہت زیادہ پرموشن کررہی ہیں. فلم لفنگے کو سنسر بورڈ کی طرف کلئیرنس عین ٹائم پر ملی ہے جسس کی وجہ سے فلم کی پرموشنز اس طرح سے ہیں‌ہو سکیں جس طرح‌کی جانی تھیں .