وفاقی وزیر قانون و انصاف اعظم نذیر تارڑ نے کہا ہے کہ کریمنل جسٹس سسٹم میں ریفامز کی ضرورت ہے، حکومت تمام سہولیات دے گی۔ ان خیالات کا اظہار انہوں نے جسٹس ریفارمز پراجیکٹ سے متعلق تقریب سے خطاب کرتے ہوئے کیا۔
قومی اسمبلی کی قائمہ کمیٹی استحقاق نےعمران خان اور شیخ رشید کوطلب کرلیا

چیف جسٹس ہائیکورٹ جسٹس اطہر من اﷲ نے بھی تقریب سے خطاب کیا۔ اعظم نذیر تارڑ نے کہا کہ میں چیف جسٹس اسلام آباد ہائی کورٹ کو مبارکباد پیش کرتا ہوں کہ درست قدم اٹھایا گیا ہے۔ انہوں نے کہا کہ علامہ اقبال نے فرمایا کہ عمارتیں بنانے سے تو نظام آگے نہیں بڑھتا کام کرنے سے خرابیاں دور ہوتی ہیں جب تک سوچ کو حقائق میں نہیں ڈھالتے تب تک خرابیاں بھی ٹھیک نہیں ہوتیں ۔

شیریں مزاری کی گرفتاری،کمیشن نے 14 جولائی کو آئی جی اسلام آبادکو طلب کر لیا

انہوں نے کہا کہ پورا سسٹم سائلین کو سہولت فراہم کرنے کے لئے ہےہمارآئین دنیا کے بہترین آئینوں میں سے ہے، کاش ہم اس پر عملی طور پر عمل کرتے۔وزیر قانون نے کہا کہ ریاست ایک خاندان ہے ہم سب اس کا حصہ ہیں، اب زمانہ بدل گیا جدت آ چکی ہے، سائلین کا بھی حق ہے ان کو بھی سہولت فراہم کی جائے، یہ موضوع میرے دل کے بہت قریب ہے، کریمنل جسٹس سسٹم میں ریفامز کی ضرورت ہے۔

عمران خان کے خلاف غداری کا مقدمی درج کیا جائے،عائشہ گلالئی تھانہ پہنچ گئی

انہوں نے کہا کہ بار کے دوستو کو کہوں گا اس پراجیکٹ کو مثبت طریقے سے دیکھیں، جو بند دروازے ہیں انہیں کھولیں، ذہنوں کی کھڑکیاں بھی کھولیں اور سائلین کو بروقت انصاف فراہم کرنے کیلئے مشاورت کے ساتھ قانون سازی کی جائے۔ انہوں نے کہا کہ حکومت کے نمائندے کے طور پر بتانا چاہتا ہوں کہ وزیراعظم شہباز شریف نے ہدایت کی ہے کہ فوری انصاف کے حصول کیلئے آسانیاں پیدا کریں۔

انہوں نے کہا کہ جیل ریفارمز کو بھی مدنظر رکھنا چاہئے۔ وفاقی وزیر قانون نے کہا کہ جسٹس ریفارمز پراجیکٹ عدالتی نظام میں عوامی اعتماد کی بحالی کا منصوبہ ہے۔

انہوں نے کہا کہ اس منصوبہ کیلئے حکومت ہر ممکن تعاون فراہم کرے گی۔ تقریب سے خطاب کرتے ہوئے چیف جسٹس اسلام آباد ہائیکورٹ اطہر من اﷲ نے کہا کہ جلد انصاف کے حصول کیلئے یہ پراجیکٹ لانچ کیا ہے۔ انہوں نے کہا کہ ایک شخص 12 سال پہلے جیل گیا اور 12 سال بعد اس کی درخواست سماعت کیلئے مقرر ہوئی، عدالت نے اسے بری کر دیا، اس کے جیل میں گزرے ہوئے 12 سال کون واپس کرے گا۔ انہوں نے کہا کہ انصاف صرف عدالتیں ہی نہیں دیگر اداروں کا بھی کام انصاف فراہم کرنا ہے۔

انہوں نے کہا کہ جن کے ساتھ ناانصافی ہوتی ہے وہی عدالت کا دروازہ کھٹکھٹاتے ہیں۔ انہوں نے کہا کہ میرے پاس ایک کیس آیا اس کیس کو 50 سال ہو چکے ہیں، ان 50 سالوں میں 6 بار کیس سپریم کورٹ گیا۔ انہوں نے کہا کہ آج سے 50 سال پہلے اسلام آباد بنایا گیا اور جن لوگوں سے زمینیں لی گئیں وہ آج بھی سی ڈی اے کے چکر لگا رہے ہیں، ان کے ساتھ انصاف نہیں کیا گیا۔

انہوں نے کہا کہ پٹوار اور تھانے سے ناانصافی شروع ہوتی ہے پھر عوام کی امید عدالتیں ہوتی ہیں، ہماری جیلوں میں بھی جگہ سے زائد قیدی رکھے ہوئے ہیں، جن کی زمینوں پر اسلام آباد میں بڑے بڑے محل بن گئے ان متاثرین کو آج تک معاوضہ نہیں مل سکا۔ انہوں نے کہا کہ ڈسٹرکٹ کورٹس دکانوں میں کمرشل ایریاز میں بنائی گئی تھیں، وکیل جج اور سائلین کے حقوق بھی پامال ہو رہے ہیں، خوشی سے کہہ سکتا ہوں سابقہ حکومت نے ہماری درخواست پر ڈسٹرکٹ کورٹس کمپلیکس کی بنیاد رکھی، ان عدالتوں میں جانے والے سائلین ہی نہیں بلکہ ججز کے بھی حقوق پامال ہوتے ہیں، گزشتہ حکومت نے ہماری بات سمجھی اور اب وہ کمپلیکس تیار ہونے کے قریب ہے۔

انہوں نے کہا کہ کیا ہر سائل کو ایک مقرر مدت میں انصاف مل سکتا ہے یہ پراجیکٹ اس کے لئے ہے۔ انہوں نے کہا کہ اس ملک کے اکثر لوگ عدالت جا ہی نہیں سکتے، اس بات سے انکار نہیں کہ عدلیہ میں بھی ناانصافی موجود ہے لیکن عدلیہ ریاست کی کبھی ترجیح ہی نہیں رہی۔

انہوں نے کہا کہ وزیرقانون نے درست کہا کہ صرف بڑی بڑی عمارتیں بنانے سے انصاف نہیں ملتا، ہمیں مسائل کا ادراک تھا لیکن ہم ادارہ جاتی اصلاحات کے ماہر نہیں، ہمیں اندازہ تھا کہ ملک کے ایک بڑے طبقے کی انصاف تک رسائی نہیں ہے، جو لوگ ہائیکورٹ تک رسائی کی استطاعت نہیں رکھتے یہ پراجیکٹ ان کیلئے ہے۔ انہوں نے کہا کہ ہم نے بہت سوچا کہ کیا کیا جائے تو لیکن ہمیں کچھ سمجھ نہیں آ رہی تھی، یہ پراجیکٹ اصل سٹیک ہولڈرز سائلین کیلئے ہے جس کا تصور ہمیں آئین نے دیا ہے ۔

وفاقی وزیر داخلہ رانا ثنا اللہ نے کہا ہے کہ محرم الحرام کے دوران امن وامان یقینی بنانے کیلئے تمام مذہبی رہنماؤں سے مشاورت کی جائیگی ، آئین پاکستان ملک میں تمام مذاہب اور مکاتب فکر کو مذہبی رسومات ادا کرنے کی مکمل آزادی دیتا ہے،بین المکاتب فکر مذہبی ہم آہنگی کیلئے اسلامی تحریک پاکستان کی کاوشیں قابل ستائیش ہیں۔اسلامی تحریک پاکستان کے وفد سے ملاقات کے دوران گفتگو کر رہے تھے ۔

شیریں مزاری کی گرفتاری،کمیشن نے 14 جولائی کو آئی جی اسلام آبادکو طلب کر لیا

مرکزی سیکرٹری جنرل اسلامی تحریک پاکستان علامہ ڈاکٹر شبیر حسن میسمی کی قیادت میں ملاقات کرنے والے وفد میں سلامی تحریک پاکستان کے سینئر وائس صدر علامہ عارف حسین واحدی، مرکزی ایڈیشنل سیکرٹری جنرل علامہ سید نذیر حسن عباس،سیکٹری اطلاعات زاہدعلی اخوندزادہ، سمیت سید حسن ترمذی، قاسم علی قاسمی اور علامہ اسد نقوی شامل تھے جبکبہ سابق اراکین اسمبلی ملک ابرار، انجم عقیل، سابق ڈپٹی میئراسلام آباد ذیشان نقوی سمیت دیگر معززین بھی ملاقات میں موجودتھے ۔

رانا ثناءاللہ کیخلاف ہیروئین کا کیس جھوٹ تھا۔ فواد چودھری

ملاقات کے دوران آمدمحرم الحرام اور مکتب ِتشیع کو درپیش مسائل کے حوالے سے بات چیت کی گئی ۔وزیر داخلہ رانا ثناءاللہ کی جانب سے محرم الحرام کے دوران ملک میں امن امان کو یقینی بنانے اور مسائل کے حل کے حوالے سے مثبت پیش رفت کی یقین دہانی کرائی گئی ۔ایام عزائے سفیرحسینیت کے دوران لاہور میں واقع دربار بی بی پاک دامن کوزائرین کیلئے کھولنے کا فیصلہ کیا گیا ہے ،زائرین کیلئے مزار بی بی پاک دامن کو 8 جولائی سے 15 جولائی کیلئے کھولا جائیگا۔

وزیر داخلہ رانا ثنا اللہ نے کہا کہ علامہ سیدساجد علی نقوی نے ہمیشہ پاکستان میں امن اوراسلامی بھائی چارے کے لئے تعمیری کردار ادا کیاہے،تمام مذاہب اور مکاتب فکر کا دلی احترام کرتا ہوں، اکابرین سے رابطے میں رہتا ہوں۔علامہ ڈاکٹر شبیر حسن میسمی بی بی پاک دامن کے ایام سفیر حسینت کیلئے کھولنے پر بہت مشکور ہیں ، یہ ایک دیرینہ مطالبہ تھا،مزار بند ہونے س ے زائرین کو مذہبی رسومات ادا کرنے میں بہت دقّت تھی،تمام مکاتب فکر کے حقوق کی یکساں طور پر ادائیگی کیلئے حکومت عملی اقدامات بہت قابل تعریف ہیں۔

لاہور میں واقع مزار بی بی پاک دامن تعمیرات کی وجہ سے گذشتہ دو سال سے بند تھا۔ اسلامی تحریک پاکستان سمیت مکاتب اہل تشیع ایام عزائے حسینت کے دوران مزار بی بی پاک دامن کو زائرین کیلئے کھولنے کا مطالبہ کررہے تھے۔

راولپنڈی محکمہ سوئی گیس کے ڈیلی ویجز ملازمین کو عید پر بھی تنخواہیں نہ مل سکیں،اطلاعات کے مطابق ڈیلی ویجز ملازمین کو تنخواہیں نہ ملنے کی وجہ سے ملازمین پریشانی کا شکار ہوگئے، ملازمین کی عید کی خوشیاں بھی خاک میں مل گئیں

ذرائع کے مطابق اس محکمہ سوئی گیس میں 60 سے زائد ملازمین ڈیلی ویجز طور پر کام کر رہے ہیں،ملازمین کا کہنا ہے کہ اس مہنگائی کے دور میں تنخواہ سرکاری مقرر کردہ مقدار سے بھی کم ہے، ملازمین کاکہنا ہے کہ 18 سے 22 ہزار روپے تنخواہوں میں گزارہ مشکل ہے وہ بھی عید جیسے موقع پر نہیں دی جا رہی،

ادھر اس حوالے سے مزید معلوم ہوا ہے کہ انتظامیہ فنڈ نہ ہونے کا بہانہ کر کے تنخواہیں دینے سے انکاری ہے، ملازمین کا کہنا ہے کہ جو کوئی اس معاملے پر آواز اٹھاتا ہے اس کو نوکری سے فارغ کی دھمکیاں دی جاتی ہیں،

ملازمین نے کہا ہے کہ وزیر اعظم شہباز شریف ہمارے حال پر رحم کھا کر محکمے کو تنخواہیں ادا کرنے کا حکم دیں،

ادھر ملتان میں واسا ملتان کے مالی بحران نے ملازمین کی عید کی خوشیاں ماند کردی ہیں، جولائی کے6 روز گزرنے کے باوجود بھی سیکڑوں ریگولر اور ڈیلی ویجز ملازمین تنخواہوں سے محروم ہیں،محکمہ واسا کی واٹر سپلائی اور سیوریج کے بلوں کی ریکوری نہ بڑھنے کی وجہ سے مالی بحران بھی سنگین ہوتا جا رہا ہے،

جولائی کے6روز گزرنے کے باوجود واسا کے سیکڑوں ملازمین تنخواہوں سے محروم ہیں جبکہ عید الاضحیٰ میں صرف4 روز باقی ہیں تاہم تنخواہیں تاخیر کا شکار ہونے سے ملازمین کو گھر چلانے میں مشکلات کا سامنا ہے جو بچوں کیلئے عید کی شاپنگ سے بھی محروم ہیں بلکہ ان کے لئے سنت ابراہیمی کی ادائیگی بھی انتہائی مشکل ہو گئی ہے، واسا ملازمین کا کہنا ہے کہ چھوٹے ملازمین ہر ماہ تنخواہ کے انتظار میں رہتے ہیں تاہم تنخواہ گزشتہ کچھ ماہ سے مسلسل تاخیر کا شکار ہو رہی ہے ، ملازمین نے مطالبہ کیا ہے کہ فوری طور پر تنخواہیں جاری کی جائیں۔

سیاسی جماعت پاکستان تحریک انصاف (گلالئئ) کی چیئرپرسن عائشہ گلالئی نے چیئرمین پاکستان تحریک انصاف عمران خان خلاف ریاست کے خلاف تقاریر/بیانات پر غداری کا مقدمہ درج کروانے تھانہ سیکرٹیریٹ اسلام آباد میں درخواست دے دی۔

باغی ٹی وی کے مطابق عائشہ گلالئی نے درخواست میں موقف اختیار کرتے ہوئے کہا ہے کہ ایس ایچ او تھانہ تھانہ سیکرٹیریٹ اسلام آباد میں آپ کی توجہ نہایے سنگین مسلہ کی طرف مبزول کرانا چاہےی ہوں اور وہ یہ ہے کہ پاکستان تحریک انصاف کا چیئرمین اور سابق وزیراعظم عمران خان نیاری بیرونی فنڈنگ اور بیرونی ایجنڈے پر کام کرتے ہوئے پاکستان کی جغرافیائی اور نظریاتی سرحدوں کی محافظ پاک فوج پر گھٹیا اور بیہودہ الزامات لگا کر پاکستان کو کمزور کرنے کی سازش کر رہا ہے.

عائشہ گلالئی کا مزید کہنا تھا کہ پاک فوج روزانہ اپنی جانوں کی قربانیاں دیکر اس ملک کی اندرونی اور بیرونی سازشوں سے حفاظت کر رہی ہے اور دہشت گردی کے خلاف لڑ رہی ہے،اس ملک اور قوم پر پاک فوج کے شہداء اور غازیوں کے جو احسانات ہیں ،وہ بطور قوم ہم فراموش نہیں کر سکتے.ہم انہیں سلام پیش کرتے ہیں.

عائشہ گلالئی نے کہا کہ نہ صرف یہ بلکہ قدرتی آفات ،زلزلہ،سیلاب میں بھی پاک فوج کے جوان ریسکیو آپریشن کیلئے پہلے پہنچ جاتے ہیں اور قوم کو سیاسی جماعتوں کے نمائیندے اور زمی داران نظر نہیں آتے.انہوں نے درخواست میں مزید کہا کہ پی ٹی آئی چیئرمین عمران نیازی عوام میں پاک گوج کا امیج خراب کرنے اورعوام کو پاک فوج کو لڑانے کیلئے سازش کر رہا ہے اور منظم تحریک چلا رہا ہے.عمران خان ملک کے تین ٹکرے کرنے کی بات بھی کر چکا ہے.بلکی سوشل میڈیا پر اداروں کے خلاف بیانات دے رہا ہے.

عائشہ گلالئی نے کہا کہ پی ٹی آئی چیئرمین عمران نیازی فوج کو غیر جانبدار رہنے پر ٹارگٹ کر رہا ہے اور فوج کو زبردستی سیاست میں گھسیٹ رپا ہے،انہوں نے کہا خدانخواستہ اگر فوج کمزور ہوئی تو پاکستان کو ٹوٹنے سے کوئی نہیں بچا سکے گا.اور پاکستان کے عوام بھی افغانستان اور شام کی طرح مہاجرین بن جائیں گے.عائشہ گلالائی نے کہا کہ قانون چھوٹے اور بڑے سب کیلئے برابر ہونا چاہیئے.جو قانون علی وزیر کیلئے ہے جو کھبی بھی اس حد تک نہیں گیا کو جیل ڈال سکتا ہے،جو الطاف حسین پر پانبدی اور سزا دے سکتا ہے وہ قانون طاقت ور کیلئے کیوں نہیں ہے ؟.

درخواست میں کہا گیا کہ مندرجہ بالا حقائق یعنی پاک فوج کو کمزور کرنے کی سازش کرنا،ریاست مخالف بیانات،اور فوج کو سیاست میں گھسیٹںآ آئین پاکستان کی کھلی خلاف ورزی اور غداری کے زمرے میں آتا ہے.لہزا پی ٹی آئی کے چیئرمین عمران نیازی پر غداری متعلقہ دفعات کے تحت درج کیا جائے اور اسے گرفتار کیا جائے.

اسلام آباد:قومی اسمبلی کی قائمہ کمیٹی استحقاق نے عمران خان اور شیخ رشید کو طلب کرلیا،اطلاعات کے مطابق قومی اسمبلی کی قائمہ کمیٹی برائے استحقاق نے سابق وزیراعظم عمران خان اور سابق وزیر داخلہ شیخ رشید کو آئندہ اجلاس میں طلب کرلیا۔

سابق وزیراعظم اور وزیرداخلہ کو پارلیمنٹ لاجز میں جے یو آئی کے ایم این اے کے فلیٹ پر پولیس چھاپے کے معاملے پر طلب کرلیا۔سابق وزیراعظم اور وزیر داخلہ کے خلاف تحریک استحقاق رکن قومی اسمبلی صلاح الدین نے جمع کرائی تھی۔

چیئرمین کمیٹی رانا قاسم نون کا کہنا تھا کہ تمام افراد کمیٹی کے آئندہ اجلاس میں حاضری یقینی بنائیں جبکہ آئی جی اسلام آباد اور ایس ایس پی کو بھی متعلقہ ریکارڈ کے ساتھ پیش ہونے کی ہدایت کی گئی ہے۔

خیال رہے کہ 11 مارچ کو سابق وزیر اعظم عمران خان کے خلاف اپوزیشن کی جانب سے عدم اعتماد کی قرارداد جمع کرائے جانے کے بعد جب اپوزیشن کے قانون سازوں کو تحفظ فراہم کرنے کے لیے مدعو کی گئی تو جمعیت علمائے اسلام کی رضاکار فورس کے ارکان کو نکالنے کے لیے پولیس کی بھاری نفری نے پارلیمنٹ لاجز پر چھاپہ مارا تھا۔

سابق وزیر اعظم اور وزیر داخلہ کو پارلیمنٹ لاجز میں جمعیت علامہ اسلام ف کے ممبر قومی اسمبلی صلاح الدین ایوبی کے فلیٹ پر پولیس کے چھاپے کے خلاف جمع تحریک استحقاق کے سلسلے میں طلب کیا گیا ہے۔آپریشن کے دوران پولیس نے کم از کم اراکین اسمبلی سمیت انصار الاسلام کے 2 درجن رضا کاروں کو گرفتار کیا گیا تھا جنہیں بعد میں رہا کردیا گیا تھا۔