Baaghi TV

Author: +9251

  • حرامانی کو ساڑھی پہننا مہنگا پڑ گیا

    حرامانی کو ساڑھی پہننا مہنگا پڑ گیا

    اداکارہ حرا مانی کو ساڑھی پہن کر تصاویرسوشل میڈیا پر لگانا مہنگی پڑ گئیں. حرامانی نے ساڑھی زیب تن کرکے بارش کے موسم کو انجوائے کیا اور اس دوران کچھ تصاویر بھی بنوائیں جو کہ بعد میں‌سوشل میڈیا پر لگائیں.تصاویر میں حرا مانی نے نیلے رنگ کی ساڑھی زیب تن کر رکھی ہے اور نہایت ہی دلکش لگ رہی ہیں وہ بارش میں رقص بھی کررہی ہیں.ان کی تصاویر کے اس انداز کو جہاں ان کے مداحوں نے بہت سراہا وہیں بہت ساروں نے تنقید بھی کی اور کہا کہ حرامانی بچوں کی والدہ ہیں اور عمر میں اچھی خاصی میچور ہیں ان کو یہ حرکتیں کرنا زیب نہیں دیتیں. انہیں‌ چاہیے کہ اپنے عمر کے حساب سے حرکتیں کریں.

    یاد رہے کہ حرامانی ڈراموں میں‌ مرکزی کردار کرتی ہیں ان کی جوڑی افان وحید اور جنید خان کے ساتھ خاصی سراہی جاتی ہے. ابھی تک دونوں‌ کے جتنے بھی پراجیکٹس ایک ساتھ آئے ہیں ڈرامہ شائقین نے انہیں‌ بے حد پسند کیا ہے.حرا مانی حقیقت کے قریب اداکاری کرتی ہیں ان کا ڈرامہ سیریل میرے پاس تم ہو میں کردار کافی پسند کیا گیا. حرامانی نے اس میں ایک ٹیچر کا کردار ادا کیا تھا اس ڈرامے کے بعد ان کی مقبولیت میں‌ دو گنا اضافہ ہوا. حرامانی کافی صاف دل ہیں جو دل میں‌آئے بول دیتی ہیں. بعض اوقات وہ ایسی باتیں بھی کہہ جاتی ہیں جن کو سوشل میڈیا پر تنقید کا نشانہ بنایا جاتا ہے .

  • گلوبل ڈویلپمنٹ انیشیٹو عالمی تعاون اور ترقی کا نیا دروازہ کھولےگا:چین

    گلوبل ڈویلپمنٹ انیشیٹو عالمی تعاون اور ترقی کا نیا دروازہ کھولےگا:چین

    بیجنگ:“عالمی ترقی: مشترکہ مشن اور شراکت ” تھنک ٹینک اور میڈیا کا اعلیٰ سطحی فورم بیجنگ میں شروع ہو گیا ۔ افتتاحی تقریب میں صدر شی جن پنگ نے فورم کے نام مبارکباد کا خط بھیجا جس میں عالمی ترقی کو فروغ دینے کی صورتحال اور درپیش چیلنجز کی وضاحت کی گئی ہے اور گلوبل ڈویلپمنٹ انیشیٹو کو عملی جامہ پہنانے کے تصورات اور تجاویز کا واضح طور پر اعلان کیا گیا ہے ۔ بلاشبہ، ہنگامہ خیز اور بدلتی ہوئی دنیا اور اقتصادی ترقی کی سست روی کے پیشِ نظر، صدر شی کی طرف سےپیش کردہ جی ڈی آئی یقیناً بنی نوع انسان کی مشترکہ ترقی کے حصول کے لیے جستجو کی عکاسی کرتا ہے۔چین اقوام متحدہ کے پائیدار ترقی کے اہداف کی تکمیل کے لیے اپنی دانشمندی اور چینی حل کے ذریعے عالمی تعاون اور مشترکہ ترقی کا ایک نیا دروازہ کھول رہا ہے ۔

    بد ھ کے روز چینی میڈ یا کےمطابق ترقی ہر ملک کا اندرونی تقاضا ہے اور عالمی ترقی کے لیے ایک ناگزیر ضرورت ہے، اس لیے عالمی ترقی دنیا کے تمام ممالک کا مشترکہ مشن ہے۔ گزشتہ سال 21 ستمبر کو صدر شی جن پھنگ نے اقوام متحدہ کی 76ویں جنرل اسمبلی میں جی ڈی آئی پیش کیا، اس کے بعد انہوں نے متعدد مواقع پر عالمی مشترکہ ترقی کے لیے چین کے تصور ات اور تجاویز کو واضح کیا، اور ترقی کو بین الاقوامی ترجیحی ایجنڈے میں شامل کرنے پر زور دیا۔ ا س سے ایک بڑے ملک کے احساس ذمہ داری کو ظاہر کیا گیا ہے ۔

    اہداف مقرر کئے گئے ہیں اور تقاضوں کو بھی واضح کیا گیا ہے،تو اب سب سے اہم چیز اسے عملی جامہ پہنانا ہے، جیسا کہ موجودہ “عالمی ترقی: مشترکہ مشن اور شراکت ” تھنک ٹینک اور میڈیا کے اعلیٰ سطحی فورم میں زور دیا گیا ہے۔ چین نے ہمیشہ مشترکہ ترقی، تعاون اور جیت جیت پر مبنی نئے بین الاقوامی تعلقات کے قیام پر زور دیا ہے ۔

    چین عالمی مشترکہ ترقی پر مبنی انیشیٹو پیش کرنے والا ہے اور ساتھ ہی عمل کرنے والا بھی ہے۔ چین نے دیگر ممالک کے ساتھ مل کر نوول کورونا وائرس کی وبا کی روک تھام اور کنٹرول کے لیے بھر پور کوششیں کیں اور دوسرے ممالک کے لیے ویکسین اور وبا سے بچاؤ کے سازو سامان کی فراہمی جیسی ہر ممکنہ مدد کی ہے ۔چین نے موسمیاتی تبدیلی سے متعلق بین الاقوامی کانفرنسوں میں سرگرمی سے شرکت کی ہے ۔چین ماحولیاتی ترجیحات ، سبز اور کم کاربن کی حامل ترقی کے راستے پر گامزن ہے۔

    چین نے اقوام متحدہ کی فوڈ اینڈ ایگریکلچر آرگنائزیشن، ورلڈ فوڈ پروگرام اور دیگر بین الاقوامی اداروں کے اقدامات اور سرگرمیوں میں گرم جوشی سے حصہ لیا ہے اور عالمی غذائی تحفظ کو یقینی بنانے میں مثبت کردار ادا کیا ہے۔ چین نے نہ صرف اپنے ملک میں غربت کے خاتمے کے لیے عالمی سطح پر پزیرائی حاصل کرنے والی کامیابیاں سمیٹی ہیں بلکہ اقوام متحدہ کے “غربت مٹاؤ اتحاد” میں بھی بانی رکن کی حیثیت سے شرکت کی ہے، جس سے عالمی سطح پر انسداد غربت کو مزید آگے بڑھانے میں اپنا کردار ادا کیا ہے۔ حال ہی میں میزبان ملک کی حیثیت سے چین میں منعقدہ برکس سربراہی اجلاس کا بنیادی نچوڑ بھی عالمی ترقی ہے۔چین ابھرتی ہوئی معیشتوں اور ترقی پذیر ممالک کے ساتھ مل کر نئے عالمی ترقیاتی شراکت داری کے تعلقات کے قیام اور نئے عہد میں پائیدار ترقی کے 2030 ایجنڈے کی تکمیل کے لیے مل کر کام کرنے پر آمادہ ہے ۔

    جی ڈی آئی کا مقصد دنیا کی مشترکہ ترقی اور خوشحالی کا حصول ہے ، اور یہ دنیا کے تمام ممالک کے لوگوں کی خواہشات و توقعات کے عین مطابق ہے، خاص طور پر ایسے وقت میں جب کچھ ممالک اپنے ذاتی مفادات کے لیے تسلط پسندی اور طاقت کی سیاسی سوچ سے چمٹے ہوئے ہیں، اور دنیا کو ایک نئی سرد جنگ کے خطرے کا سامنا ہے۔

    اس تناظر میں جی ڈی آئی کی اہمیت اور بھی زیادہ نمایاں ہو گئی ہے ۔ لیکن یہ بات بھی قابل غور ہے کہ اس انیشیٹو کے نفاذ کے دوران مختلف چیلنجز کا سامنا ہو گا ۔ یہ ایک ہموار راستہ نہیں ہے اور اس کے لیے لمبا سفر کرنا پڑے گا ۔ لیکن ہمیں یقین ہے کہ جب تک بین الاقوامی برادری مشکلات کا سامنا کرتے ہوئے جی ڈی آئی کے نفاذ کو مستقل طور پر آگے بڑھانے، اور مشترکہ طور پر ایک عالمی ترقیاتی برادری کی تعمیر کے لیے ٹھوس اور بھر پور کوشش کرنے کا پختہ ارادہ رکھتی ہے ، تو کثیرالجہتی اور عالمی تعاون کو مزید قوت محرکہ ملے گی اور ایک بہتر اور روشن مستقبل کا آغاز ہو گا ۔

  • چوہدری نثارکےبھانجےکیپٹن نعمان کی نمازجنازہ ریس کورس پاک آرمی کےقبرستان میں ادا کردی گئی

    چوہدری نثارکےبھانجےکیپٹن نعمان کی نمازجنازہ ریس کورس پاک آرمی کےقبرستان میں ادا کردی گئی

    راولپنڈی :سابق وزیر داخلہ چوہدری نثار علی خان کے بھانجے کیپٹن نعمان کی نماز جنازہ ریس کورس پاک آرمی کے قبرستان میں ادا کر دی گئی،اطلاعات کے مطابق کیپٹن نعمان کی نمازجنازہ میں اعلی سول عسکری افسران سمیت بڑی تعداد میں شہریوں سماجی سایسی شخصیات نے شرکت کے کی

    راولپنڈی سے ذرائع کا کہنا ہے کہ کیپٹن نعمان کی نماز جنازہ کے بعد اہم عسکری سیاسی شخصیات کی جانب سے چوہدری نثار علی خان سے اظہار ت تعزیت کیا گیا ، یہ بھی معلوم ہوا ہے کہ کیپٹن نعمان کی نماز جنازہ میں چوہدری تنویر احمد خان سمیت اہم شخصیات شریک ہوئیں

    یاد رہے کہ کیپٹن نعمان سابق وزیرداخلہ چوہدری نثار علی خان کے بھانجے تھے جو روات چک بیلی روڈ پر ٹریفک کے ایک حادثے میں انتقال کر گئے یہ کرنل ذوالفقار کے فرزند تھے

  • ماہرہ خان کس اداکار کے ساتھ کام کرنے کی خواہشمند

    ماہرہ خان کس اداکار کے ساتھ کام کرنے کی خواہشمند

    ماہرہ خان آج کل اپنی فلم کی پرموشنز میں مصروف ہیں اس دوران ان سے ہر جگہ مختلف سوال ہو رہے ہیں. کسی نے ماہرہ خان سے پوچھا کہ آپ نے شاہ رخ خان کے ساتھ تو کام کر لیا ہے اب مزید کس کے ساتھ کام کرنے کی خواہش رکھتی ہیں. ماہرہ خان نے کہا کہ میں‌ پاکستان میں‌ نعمان اعجاز کے ساتھ کام کرنا چاہتی ہوں اگر بھارت میں دیکھا جائے تو امیتابھ بچن کے ساتھ کام کرنا چاہوں گی. ماہرہ خان نے اداکار وہاج علی کی بھی بہت زیادہ تعریف کی انہوں نے کہا کہ وہ بہت اچھا کام کرتے ہیں‌. جیسا کہ ہر کوئی جاننا چاہتا ہے کہ ماہرہ خان شادی کب کریں

    گی تو انہوں نے کہا کہ جب بھی شادی کروں گی سب کو پتہ چل جائیگا.بلکہ انہوں نے یہ بھی کہا کہ میری شادی کا مجھ سے پہلے آپ کو پتہ ہوگا. یاد رہے کہ ماہرہ خان کا ایک بیٹا ہے، ان کی ان کے شوہر سے شادی کے چند سال کے بعد ہی طلاق ہو گئی تھی. طلاق کی وجوہات تو ابھی تک سامنے نہیں آسکیں تاہم ماہرہ خان نے بھی اپنے پہلے رشتے کی ناکامی پر کبھی بات نہیں‌ کی. ماہرہ خان شاہ رخ خان کی بہت بڑی مداح بھی ہیں اور خود کو ان کی فین نمبر ون بھی کہتی ہیں. ان کی عید پر فلم قائداعظم زندہ باد ریلیز ہو رہی ہے اسکے حوالے سے وہ کافی پر امید ہیں.

  • قائد اعظم زندہ کی پریس کانفرنس کا دبئی کے صحافیوں نے بائی کاٹ کر دیا

    قائد اعظم زندہ کی پریس کانفرنس کا دبئی کے صحافیوں نے بائی کاٹ کر دیا

    عید الاضحی پر ریلیز ہونے والی فلم قائداعظم زندہ باد کی پریس کانفرنس کا دبئی کے صحافیوں‌نے بائیکاٹ کر دیا ہے . بتایا جا رہا ہے کہ پریس کانفرنس کے لئے جو وقت دیا گیا صحافی اس پر آ کر انتظار کرتے رہے لیکن مقررہ وقت گزر جانے کے دو گھنٹے کے بعد بھی فلم کی کاسٹ وہاں نہیں‌پہنچی. دبئی کے صحافیوں نے تنگ آکر پریس کانفرنس کا بائیکاٹ‌ کر دیا.اس فلم کی لاہور میں‌بھی پریس کانفنرس میں یہی حال تھا کاسٹ خاصی تاخیر سے پہنچی جو وقت دیا گیا اس سے کچھ نہیں تو ڈیڑھ گھنٹہ کی تاخیر کے بعد کاسٹ پہنچی تھی. اس دوران صحافیوں کے ساتھ سیکیورٹی کی طرف کافی عجیب رویہ روا رکھا گیا. صحافیوں نے فضا اور نبیل کے آنے تک پریس کانفرنس کا بائیکاٹ کر دیا.

    یاد رہے کہ قائداعظم زندہ باد کی مرکزی کاسٹ میں ماہرہ اور فہد مصطفی ہیں لاہور میں اس کا پریمئیر ہو چکا ہے اب دبئی میں‌پریمئیر کے بعد کراچی میں‌ ہوگا. فلم میں فہد مصطفی ایک پولیس آفیسر کا کردار نبھا رہے ہیں. فلم کی پوری ٹیم کا دعوی ہے کہ شائقین سینما گھر سے جب اس فلم کو دیکھ کر نکلیں گے تو انکے دماغ میں‌ یہ سوچ ضرور آئیگی واقعی کچھ دیکھ کر نکل رہے ہیں‌.ماہرہ فہد اور فضا نبیل کا کہنا ہے کہ ان کی فلم ہمارے سسٹم پر بہت سارے سوال اٹھاتی ہے اسلئے اسے دیکھا جانا بہت ضروری ہے.

  • وزیر ریلوے سعد رفیق کا عید الاضحیٰ پر ریل مسافروں کو تحفہ

    وزیر ریلوے سعد رفیق کا عید الاضحیٰ پر ریل مسافروں کو تحفہ

    وزیر ریلوے سعد رفیق کا عید الاضحیٰ پر ریل مسافروں کو تحفہ.

    وفاقی وزیر ریلوے سعد رفیق نےریلوے کے کرایوں میں کمی کا اعلان کردیا۔ سعد رفیق کا کہنا ہے کہ عید کے تینوں دن تمام ٹرینوں کی تمام کلاسز کے کرایوں میں 30 فیصد کمی ہوگی۔خواجہ سعد رفیق نے کہا کہ تمام ٹرینوں کی تمام کلاسز کے کرایوں میں 30 فیصد کمی کا اطلاق 10 تا 12 جولائی ہوگا۔

    الیکشن کمیشن نےوزیراعظم کو ٹھٹھہ جانے سے روک دیا

    دوسری طرف ترجمان پاکستان ریلویز کا کہنا ہے کہ ٹرینوں کے لیٹ ہونے کی وجہ سے اگر کوئی مسافر اپنی ٹکٹ ریفنڈ کروانا چاہتا ہے تو قریبی ریزرویشن آفس پر جاکر فل ریفنڈ حاصل کر سکتا ہے۔ ای ٹکٹنگ والے خواتین و حضرات موبائل ایپلیکیشن ایپ میں جا کر فل ریفنڈ حاصل کر سکتے ہیں

    ریلوے انتظامیہ نے اعلان کیا ہے کہ ریلوے کے تمام ریزرویشن دفاتر عیدالاضحی کے روز 10 جولائی 2022 کو مکمل طور پر اور اس سے اگلے روز بھی صبح 8 بجے سے لیکر دوپہر 2 بجے تک بند رہیں گے۔ اس کے بعد اپنے معمول کے اوقات کار کے مطابق کام کریں گے۔

     

    اسلام آباد:قربانی کےجانوروں کی آمد مگرناقص انتظامات اورمہنگائی کا رونا ہرطرف

     

    علاوہ ازیں طوفانی بارشوں کی وجہ سے خراب ہونے والے اپ ٹریک کو رات بحال کر دیا گیا تھا۔ ڈاؤن ٹریک دو گھنٹے میں آپریشن کے لیے ریڈی ہو جائے گا۔ موسم کی خرابی کی وجہ سے تاخیر کا شکار ٹرینوں کے مسافروں کو پاکستان ریلوے کی طرف سے کھانا فراہم کیا گیا۔ چئیرمین ریلوے کی درخواست پر چیف سیکرٹری سندھ نے انتظامیہ اور پولیس کو پاکستان ریلوے کے ساتھ تعاون کی ہدایات جاری کیں۔کمشنرز اور ڈی پی اوز نے پاکستان ریلوے سے بھرپور تعاون کیا۔ چئیرمین ریلوے، وفاقی وزیر خواجہ سعد رفیق کو لمحہ بہ لمحہ صورت حال سے آگاہ کررہے ہیں۔آئی جی پولیس کو بھی مسافروں کی سیکیورٹی یقینی بنانے کے لیے ہدایات جاری کر دی گئی ہیں۔ادارہ، موسمی خرابی کی وجہ سے مسافروں کی پریشانی کے لیے معذرت خواہ ہے۔

  • عمیر جسوال کا نیا گانا مداحوں کی توجہ کا مرکز

    عمیر جسوال کا نیا گانا مداحوں کی توجہ کا مرکز

    معروف گلوکار عمیر جسوال نے اپنا نیا گانا ریلیز کرکے شائقین کے دل جیت لئے ہیں. انہوں نے حال ہی میں‌ بے وفا کے نام سے گانا ریلیز کیا ہے اس گانے نے ریلیز ہوتے ہی دھوم مچا دی ہے. عمیر جسوال نے گانے کی وڈیو اپنے انسٹاگرام اکائونٹ پر جاری کی اور کیپشن میں‌لکھا کہ اس گانے کو بنانے میں بہت مزا آیا .عمیر جسوال کے پرستاروں نے نہ صرف گانے کو بلکہ گانے کی وڈیو کو بھی خوب سراہا ہے اس گانے کو بشیر بلوچ نے بنایا ہے. گانے کی وڈیو میں‌عمیر جسوال خود بھی نظر آرہے ہیں انہوں نے اس میں‌ جو ڈریسنگ کررکھی ہے اسکو دیکھ کر کچھ صارفین نے انہیں‌تنقید کا نشانہ بنایا اور کچھ نے ان کی ڈریسنگ کو بہت سراہا.عمیر نے

    گانے کی وڈیو میں‌عمیر جسوال کاؤ بوائے ہیٹ، شال کے ساتھ جینز اور ٹی شرٹ میں نظر آرہے ہیں. مجموعی طور پر دیکھا جائے تو عمیر جسوال کا گانا بے وفا کو بے حد پذیرائی مل رہی ہے. کوک سٹوڈیو میں بہترین پرفارمنس دینے والا یہ گلوکار اداکارہ ثناء جاوید کا شوہر ہے. دونوں نے سال 2020 میں شادی کی. ثناء جاوید گو کہ شادی کے بعد کم کم ہی دکھائی دے رہی ہیں لیکن عمیر جسوال سنگنگ کی دنیا میں‌کافی متحرک ہیں.عمیر جسوال کی خوبصورت آواز کانوں میں رس گھولتی ہیں ان کے پرستار ان کے ہر گیت کو پسند کرتے ہیں.حال ہی میں جو گانا ریلیز ہوا ہے اسکو بھی بہت سراہا جا رہا ہے.

  • چاند رات اور عیدالاضحیٰ،لاہور پولیس نے سکیورٹی پلان مرتب کر لیا

    چاند رات اور عیدالاضحیٰ،لاہور پولیس نے سکیورٹی پلان مرتب کر لیا

    لاہور پولیس آپریشنز ونگ کی جانب سے چاند رات اور عیدالاضحی کے موقع پرنمازِ عید اجتماعات اور قبرستانوں کی سکیورٹی یقینی بنانے کیلئے مربوط سکیورٹی پلان مرتب کیا گیا ہے۔
    مسلح افواج پر تنقید کی سزا پانچ سال قید،دو لاکھ جرمانہ، عمران ریاض خان کی اپنی ویڈیو وائرل

    ڈی آئی جی آپریشنز کیپٹن(ر) محمد سہیل چودھری نے تفصیلات سے آگاہ کرتے ہوئے بتایا کہ لاہور پولیس کے 07 ایس پیز،35ڈی ایس پیز،83ایس ایچ اوز سمیت 08ہزارسے زائدپولیس جوان ڈیوٹی کے فرائض سرانجام دیں گے۔چاند رات اورعیدالاضحی پر ون ویلنگ، ہوائی فائرنگ اور ہلڑبازی کی ہرگز اجازت نہیں دی جائے گی۔شہرکے داخلی وخارجی راستوں پرسکیورٹی ہائی الرٹ رہے گی جبکہ گاڑیوں، موٹر سائیکلوں اور اشخاص کی سخت چیکنگ یقینی بنائی جائے گی.

     

    خواتین افسران کے فون نمبر فحش ویب سائٹ پر شیئر کرنیوالے ملزم گرفتار

     

    شہر بھر کی4893 مساجد کو تین کیٹیگریز میں تقسیم کیا گیا ہے۔کیٹیگری اے میں 146،بی میں 713جبکہ کیٹیگری سی میں 4034مساجد شامل ہیں۔187کھلے مقامات پر نمازیوں کی سکیورٹی کیلئے15سو کے قریب پولیس جوان سکیورٹی پر مامور ہونگے۔نمازیوں کو تین درجاتی حفاظتی حصار پر مبنی سکیورٹی فراہم کی جائے گی۔مساجد،امام بارگاہوں، عبادت گاہوں کی چھتوں پر سنائپرز تعینات ہونگے۔چیکنگ کیلئے میٹل ڈیٹیکٹرزاور واک تھرو گیٹس کا استعمال یقینی بنایا جائے گا۔

    چاند رات، عید کے ایام میں ون ویلنگ اورہلڑ بازی روکنے کیلئے 55 ٹیمیں تشکیل دی گئیں ہیں۔سادہ لباس میں ملبوس پولیس اہلکار بھی امن و امان یقینی بنانے کے لئے اہم مقامات پر تعینات ہونگے۔ شہر کے 10 پارکس پر 365 اہلکار تعینات کئے گئے ہیں۔ڈولفن سکواڈ،پولیس رسپانس یونٹ کی ٹیمیں شہر بھر میں مسلسل پٹرولنگ کریں گئیں۔شہر بھر میں سرچ آپریشنز، سنیپ چیکنگ، بائیو میٹرک تصدیق سمیت حفاظتی اقدامات جاری ہیں۔

    ڈی آئی جی آپریشنز نے والدین سے اپیل کی کہ وہ اپنے بچوں کو ون ویلنگ اور پتنگ بازی جیسے خونی کھیلوں سے دور رکھیں۔انہوں نے متنبہ کیا کہ ون ویلنگ اور پتنگ بازی میں ملوث افراد سے کسی قسم کی کوئی رعایت نہیں برتی جائے گی لہٰذاعید کی خوشیاں بھرپور طریقے سے منانے کیلئے اپنے پیاروں کوغیر قانونی سرگرمیوں سے دور رکھیں.

    مزید برآں انسپکٹر جنرل پولیس پنجاب راؤ سردار علی خان نے کہاہے کہ عید قربان کی چھٹیوں میں ملکہ کوہسار مری میں سیاحوں کی سہولت، تحفظ اور ٹریفک کی بلا تعطل روانی کو یقینی بنانے کیلئے تمام دستیاب وسائل کو بروئے کار لاکر بہترین انتظامات کئے جائیں اور مری ٹورازم پولیس کے اہلکار و افسران شہریوں کی خدمت، راہنمائی اور سکیورٹی کیلئے کوئی کسر نہ اٹھا رکھیں۔

    آئی جی پنجاب نے عید کی چھٹیوں اور لانگ ویک اینڈ پر چیف ٹریفک آفیسرمری کو ٹریفک کے بہترین انتظامات کرنے کا ٹاسک دیا۔ انہوں نے ہدایت کی کہ رش کے پیش نظر شاہرات اور مصروف پوائنٹس پر وارڈنز کی اضافی نفری تعینات کی جائے، ٹریفک روانی میں دانستہ غفلت کسی صورت برداشت نہیں ہو گی۔آئی جی پنجا ب نے مری ٹورازم پولیس کے دستے میں شامل جوانوں کی کارکردگی اور جوش و جذبے کو سراہا۔انہوں نے ہدایت کی کہ مری ٹورازم پولیس کے اہلکار عید کی چھٹیوں میں مری آنے والے سیاحوں کی مدد اور تحفظ کیلئے کوئی کسر اٹھانہ رکھیں اور خاص طور پرفیملیز کو ہر ممکن راہنمائی اور سکیورٹی فراہم کریں۔

    راؤ سردار علی خان نے کہاکہ مری میں گاڑیوں اور داخلے اور اخراج کے حوالے سے جاری کردہ ایس او پیز پر عملدرآمد کیا جائے اور سپروائزری افسران عید کی چھٹیوں میں خود فیلڈ میں نکل کر ٹریفک اورسکیورٹی انتظامات کی نگرانی کریں۔آئی جی پنجاب نے کہاکہ پری مون سون سیزن اور شدید بارشوں کے پیش نظر ہرطرح کے حالات سے نمٹنے کی تیاری رکھی جائے اورپولیس،ضلعی انتظامیہ کے ساتھ مل کر محکمہ موسمیات کی طرف سے جاری کردہ ایڈوائزری کے مطابق انتظامات مکمل کریں۔

    راؤ سردار علی خان نے کہاکہ کسی بھی ہنگامی صورت حال سے نمٹنے کے لیے اضافی پولیس ٹیمیں ہر وقت تیار رہیں تاکہ چھٹیاں منانے آنیو الے شہریوں کو کسی قسم کی پریشانی کا سامنا نہ کرنا پڑے۔ یہ ہدایات انہوں نے آج دور ہ مری کے موقع پر پتریاٹہ پولیس کاٹیج کے افتتاح کے موقع پر مری پولیس اور ٹریفک پولیس کے افسران کو ہدایات دیتے ہوئے کیا۔

    آئی جی پنجاب نے پتریاٹہ میں نو تعمیر شدہ پولیس کاٹیج میں افسران کو عید کی چھٹیوں میں سیاحوں کی حفاظت، ٹریفک کی روانی اور انتظامی امور بارے ہدایات جاری کیں۔ آئی جی پنجاب نے کہاکہ سپروائزری افسران عید کی چھٹیوں میں خود فیلڈ میں نظر آئیں اور تشکیل کردہ سکیورٹی پلان کے مطابق شہریوں کی خدمت اور تحفظ کے فرائض سر انجام دیں۔ اس موقع پر آر پی او راولپنڈی، سی پی او راولپنڈی، مری ٹورازم اور ٹریفک پولیس کے دیگر افسران بھی موجود تھے۔

  • پبلک اکاونٹس کمیٹی کے بلانے پر نیب،اسپیشل سیکرٹری اور دیگر غیرحاضر

    پبلک اکاونٹس کمیٹی کے بلانے پر نیب،اسپیشل سیکرٹری اور دیگر غیرحاضر

    اسلام آباد: پبلک اکاونٹس کمیٹی کے بلانے پر نیب،اسپیشل سیکرٹری اور دیگر غیرحاضر ،اطلاعات کے مطابق چیئرمین پبلک اکاؤنٹس کمیٹی نے کہا ہے کہ نیب کے افسران کو اپنےا ثاثوں کی تفصیلات تو دینا پڑیں گی۔پبلک اکاؤنٹس کمیٹی کے چیئرمین نے پٹرولیم مصنوعات کی قیمتوں کے بارے میں پوچھا اور کہا کہ پٹرول کی قیمت عالمی مارکیٹ میں کم ہوئی ہے۔ جب قیمت عالمی مارکیٹ میں کم ہوتی ہے تو ہمارے ملک میں کم کیوں نہیں ہوتی؟۔ جب قیمت عالمی مارکیٹ میں زیادہ ہوتی ہے اِدھر بڑھتی ہے مگر کم ہونے کے ساتھ کم نہیں ہوتی۔

     

     

    کمیٹی رکن شیخ روحیل بولے تیل کی عالمی قیمتوں میں 50 روپے لیٹر کے مساوی کمی آچکی ہے۔ آئی ایم ایف کی جانب سے حکومت سے سیلز ٹیکس بڑھانے کا مطالبہ کیا جا رہا ہے۔پی اے سی اجلاس کی صدارت کرتے ہوئے چیئرمین نور عالم خان نے کہا کہ ایک محکمے نے کہا کل عید ہے، اس لیے نہیں آ سکتے جبکہ عید تو 10 جولائی کو ہے۔

     

     

     

    مختلف اداروں کے سربراہان کی عدم موجودگی پر اظہار برہمی کرتے ہوئے کمیٹی اراکین نے کہا کہ ایسی کوئی روایت قائم نہ کریں کہ کسی ادارے کے سربراہ کے بجائے کوئی اور آ جائے۔کمیٹی نے اجلاس میں اسپیشل سیکرٹری وزارت خزانہ کی عدم موجودگی پر اظہار برہمی کیا۔ایڈیشنل سیکرٹری فنانس نے اجلاس کو بتایا کہ اسپیشل سیکرٹری وزیراعظم شہباز شریف کے پاس میٹنگ میں ہیں۔ جس پر چیئرمین پی اے سی نے کہا کہ آپ نے جو معیشت اور عوام کے ساتھ کیا ہے وہی کمیٹی کے ساتھ کر رہے ہیں۔

  • فیری سروس سے پاکستان میں سیاحت کو فروغ حاصل ہوگا،صدر عارف علوی

    فیری سروس سے پاکستان میں سیاحت کو فروغ حاصل ہوگا،صدر عارف علوی

    صدر مملکت ڈاکٹر عارف علوی نے ساحلی سیاحت اور بلیو اکانومی کو فروغ دینے کیلئے پاکستان کے ساحل، جزائر اور ساحلی مقامات کو بین الاقوامی معیار کے مطابق ترقی دینے کی ضرورت پر زور دیتے ہوئے کہا ہے کہ فیری سروس کے ذریعے سمندری نقل و حمل سے ساحلی علاقوں میں رہنے والے لوگوں کو مناسب اور سستی سفری سہولت میسر آئے گی۔

    نیشنل بینک آف پاکستان کے ذریعے تمام تر حکومتی ادائیگیاں آن لائن ہو سکیں،سلمان صوفی

    صدر مملکت نے ان خیالات کا اظہار پاکستان بوٹ ریلی اینڈ فشنگ ٹورنامنٹ کے سی ای او احمد معمور امیمی سے گفتگو کرتے ہوئے کیا جنہوں نے ایوان صدر میں ان سے ملاقات کی۔ اس موقع پر سیکرٹری وزارت بین الصوبائی رابطہ احمد حنیف اورکزئی، وزارت میری ٹائم افیئرز، پاکستان سپورٹس بورڈ اور پاکستان ٹورازم ڈویلپمنٹ کارپوریشن کے نمائندے بھی موجود تھے۔

     

    پاکستان میں ہالینڈ کے سفیرکا نیشنل ہاکی اسٹیڈیم کا دورہ،قومی ٹیم کے ساتھ ہاکی بھی کھیلی

     

    صدر مملکت نے کہا کہ فیری سروس سے پاکستانی سامان کی دیگر حصوں تک نقل و حمل کا ایک قابل عمل وسیلہ میسر ہوگا، فیری سروس سے بندرگاہوں اور سیاحتی مقامات کی ترقی کے علاوہ سیاحت کو بھی فروغ حاصل ہوگا۔ صدر مملکت نے کہا کہ پاکستان کی ساحلی پٹی کو اس کی بھرپور صلاحیتوں کے مطابق ترقی دی جانی چاہیے ، ساحلی علاقے کی ترقی سے ساحلی علاقوں میں معاشی سرگرمیوں کو فروغ اور مقامی آبادی کو روزگار ملے گا۔

    صدر ڈاکٹر عارف علوی نے کہا کہ ساحلی علاقے کی ترقی سے پاکستان کے منفرد جیو اکنامک محل وقوع کو اجاگر کرنے میں مدد ملے گی۔ صدر نے سمندری سفر کے فروغ کیلئے ضروری بنیادی ڈھانچے کی تعمیر کی ضرورت پر زور دیا اور کہا کہ سمندری سفر کے فروغ کیلئے تمام سٹیک ہولڈرز کی مشاورت سے سازگار ماحول پیدا کرنے کی ضرورت ہے، متعلقہ محکمے ایک دوسرے کے ساتھ قریبی ہم آہنگی کے ساتھ کام کریں۔

    انہوں نے کہا کہ باقاعدہ، رسمی اور قانونی سمندری سفر کو کامیاب بنانے میں تمام متعلقہ محکموں کو اپنا کردار ادا کرنے کی ضرورت ہے۔ صدر مملکت نے کہا کہ پاکستان بین الاقوامی سمندری کھیلوں کے مقابلوں کے انعقاد سے کافی آمدن کماسکتا ہے، بوٹ ریلی کو کامیاب بنانے کے لیے تمام سٹیک ہولڈرز مل کر کام کریں۔ صدر مملکت کو اس موقع پر پاکستان میں سمندری سیاحت کے امکانات کے بارے میں بریفنگ بھی دی گئی۔

    صدر مملکت کو پاکستان میں بلیو ٹورازم کے امکانات اور پاکستان کے سافٹ امیج کو بلند کرنے میں پاکستان بوٹ ریلی اور فشنگ ٹورنامنٹ کے کردار کے بارے میں بتایا گیا۔ گزشتہ سال پاکستان بوٹ ریلی نے کراچی سے گوادر تک 9 کشتیوں پر 5 دن اور 4 راتوں تک 650 کلومیٹر کا سفر کیا جسے ”دنیا کی سب سے طویل بوٹ ریلی“ کا نام دیا گیا۔ پاکستان بوٹ ریلی ایک عالمی ایونٹ ہونے جا رہی ہے جس میں ارد گرد کے ممالک کے کشتی ران بھی شرکت کریں گے۔

    علاوہ ازیں صدر مملکت ڈاکٹر عارف علوی نے بلوچستان ہائی کورٹ میں ایڈیشنل ججز کی تعیناتی کی منظوری دے دی ،ایڈووکیٹ اقبال احمد کاسی ، ایڈووکیٹ شوکت علی رخشانی بلوچستان ہائی کورٹ کےایڈیشنل ججز تعینات
    ،ایڈووکیٹ گل حسن ترین ، محمد عامر نواز رانا اور سردار احمد علیمی کی بھی بطور ایڈیشنل جج تعیناتی کی منظوری دی گئی.صدر مملکت نےتعیناتی کی منظوری جوڈیشل کمیشن آف پاکستان کی سفارشات کی روشنی میں وزیراعظم کی ایڈوائس پر دی ،صدر مملکت نے تعیناتیوں کی منظوری آئین کے آرٹیکل 175 اے کے تحت دی .

    مذید برآں صدر مملکت ڈاکٹر عارف علوی نے انٹرنیشنل انسٹیٹیوٹ آف سائنس ، آرٹس اینڈ ٹیکنالوجی بل 2022ء کی توثیق کر دی ،بل کا مقصد پرائیویٹ سیکٹر میں انٹرنیشنل انسٹیٹیوٹ آف سائنس ، آرٹس اینڈ ٹیکنالوجی کا قیام ہے
    ،صدر مملکت نے بل کی منظوری آئین کے آرٹیل 75 کے تحت دی.

    صدر مملکت ڈاکٹر عارف علوی نے کوئٹہ میں طوفانی بارشوں کے باعث قیمتی جانی نقصان پر گہرے دکھ اور افسوس کا اظہار کیا،صدر مملکت کی جانبحق ہونے والوں کیلئے بلندی درجات کی دعا کی اور جانبحق ہونے والوں کے لواحقین سے اظہار تعزیت کیا مصدر مملکت نے ہدایت کی کہ آفت زدہ علاقے میں لوگوں کی ہر ممکن مدد کی جائے .