مون سون کی بارشوں کا آغاز، گرمی سے تنگ عوام کیلئے خوشخبری،
باغی ٹی وی کی رپورٹ کے مطابق عوام کیلئے موسم کے حوالے سے ایک اچھی خبر سامنے آئی ہے۔ گزشتہ کئی دنوں سے شدید گرمی پر رہی ہے۔ جس کی وجہ سے عوام بہت زیادہ پریشانی میں مبتلا ہو گئی۔ لیکن اب عوام کیلئے ایک خوشخبری موسم کے حوالے سے سامنے آئی ہے۔ اب 3 جولائی سے مون سون کی بارشوں کا آغاز ہو گا۔اور موسم پہلے سے بہت بہتر ہو جائے گا۔کیونکہ جب بارش ہوتی ہے تو موسم بہت ٹھنڈا ہو جاتا ہے۔ اور شہری اپنے روزمرہ کے کام باآسانی کر لیتے ہیں۔
مزید تفصیلات سے آگاہ کرتے ہوئے بتایا جاتا ہے کہ محکمہ موسمیات نے پنجاب،بلوچستان،خیبرپختونخوااورسندھ میں 4 جولائی تک تیز بارشوں کی پیشن گوئی کی ہے۔ اس کے بعد محکمہ موسمیات کی رپورٹ کے مطابق بارشیں پھر سے 6 تا 15 جولائی تک ہوتی رہےگی۔
مزید برآں یہ کہ بارشوں کا سلسلہ عیدالاضحیٰ کے دنوں میں بھی رہنے کا امكان ہے۔
لیکن خیال رہے کہ جہاں عوام کو شدید بارشوں سے موسم میں تبدیلی کی خوشی ہوتی ہے۔ وہاں پر شدید بارشوں سے کچھ نقصانات کا سامنا بھی کرنا پر سکتا ہے۔ جیسا کہ رپورٹس میں بتایا گیا ہے کہ موسلا دھار بارشوں کی وجہ سے تین سے پانچ جولائی تک کراچی اور حیدرآباد میں اربن فلڈنگ کا خطرہ ہے۔ اور ابھی تو کراچی میں شدید گرمی ہے۔ کراچی میں عمومی طور پر شام کے وقت سمندر کی طرف سے ٹھنڈی ہوائیں آتی ہیں۔ جس کی وجہ سے موسم کچھ بہتر ہوتا ہے۔ لیکن حال ہی میں یہ سمندر کی طرف سے آنے والی ہوائیں بند ہو چکی ہیں۔ آج کل گرمی کی شدت کچھ زیادہ ہے۔ اور یہ ہوائیں بھی نہیں چل رہی جس کی وجہ سے لوگ زیادہ گرمی محسوس کر رہے ہیں۔ اور کراچی میں آج ہلکی بارش کا امكان بھی ہے۔ آج کراچی کا درجہ حرارت 37 ڈگری سینٹی گریڈ تک جانے کا امکان بھی ہے۔
ابوظہبی نے سلمان خان کو گولڈن ویزہ دینے کا اعلان کر دیا ہے ،دبنگ خان اکیلے نہیں ہیں جن کو یہ ویزہ جا ری کیا رہا ہے بلکہ ان کے ساتھ جنیلیا دیش مکھ ،رتیش دیش مکھ ،انیس بزمی ،دیویا کمار اور آندرے کو گولڈن ویزہ جا ری کیا جا رہا ہے۔ابوظہبی نے بھارتی فلم انڈسٹری کے مقبول ایوارڈز آئیفا ایوارڈز کی میزبانی بھی کی تھی۔ اس بار ایوارڈز کے لئے ہوسٹنگ کے فرائض سلمان خان نے دئیے تھے،ایوارڈز کی تقریب بڑے پیمانے پر منعقد کی گئی تھی ۔صرف بھارتی اداکاروں کے پاس گولڈ ن ویزہ نہیں ہے بلکہ پاکستانی بھی چند ایسے آرٹسٹ ہیں جن کے پاس گولڈن ویزہ ہے جس میں فخر عالم ،سعدیہ خان اور علی ظفر کا نام قابل زکر ہے۔ فخر عالم پہلے پاکستانی فنکار ہیں جنہیں گولڈ ن ویزہ جاری ہوا تھا ۔ علی ظفر کو اس کے بعد جاری
ہوا جبکہ خدااور محبت سے شہرت کی بلندیوں کو چھونے والی اداکارہ سعدیہ خان کو حال ہی میں گولڈن ویزہ جاری ہوا انہوں نے یہ خبر گولڈن ویزہ جاری ہونے کے ایک ماہ کے بعد اپنے پرستارں کے ساتھ شئیر کی ۔ واضح رہے کہ گولڈن ویزہ مل جانے پر متحدہ عرب امارات میں دس سال کے لئے نہ صرف رہا جا سکتا ہے بلکہ ملازمت اور بزنس بھی کیا جا سکتا ہے ۔بہت سارے فنکار ایسے بھی ہوتے ہیں جو اس ویزہ کو حاصل کرنے کےلئے درخواست دیتے ہیں لیکن بہت سارے ایسے فنکار بھی ہوتے ہیں جنہیں درخواست کے بغیر ہی ویزہ جا ری کر دیا جاتا ہے ۔
وزیر خارجہ بلاول بھٹو زرداری اور وزیر اعظم شہباز شریف کی درمیان ایک ون ٹو ون ملاقات ہوئی جس میں ملک اہم معاملات پر ایک دوسرے سے اظہار خیال کیا گیا.
وزیر اعظم آفس زرائع کے مطابق: شہباز شریف نے وزیر خارجہ سے منگل کو ون ٹو ون ملاقات ہوئی ہے جس میں ملک اہم عمور پر گفتگو کی گئی.
انہوں نے مزید بتایا کہ: وزیراعظم نے وزیر خارجہ بلاول زرداری کے اقدامات کو سراہا اور دونوں نے مل جل ملکی معیشت اور فارن پالیسی کو بہتر بنانے کی ایک دوسرے کو یقین دہانی کروائی،
ان کے مطابق: اس ون ٹو ون ملاقات میں ملک کی موجودہ سیاسی صورتحال بالخصوص اتحادی جماعتوں کی جانب سے منظرعام پر آنے والے تحفظات کے معاملات پر بھی دونوں نے ایک دوسرے سے بحث کی اور تمام اتحادیوں کو ساتھ ملا کر حکومت کو چلانے پر اتفاق کیا.
اس اہم ملاقات میں دونوں نے ملکی معیشت کو بہتر بنانے پر بالخصوص زور دیا
باغی ٹی وی: اسلام آباد میں زلزلے کے شدید جھٹکے محسوس کیے گئے۔جیسے ہی لوگوں نے ان زلزلوں کے جھٹکوں کو محسوس کیا۔ تو لوگ کلمہ طیبہ پڑھتے ہوۓ اپنے اپنے گھروں سے باہر نکل آئے۔ویسے بھی عمومی طور پر یہ کہا جاتا ہے کہ جب زلزلہ آۓ تو گھروں سے باہر کھلے آسمان تلے چلے جانا چاہئے۔
مزید تفصیلات سے آگاہ کرتے ہوئے بتایا جاتا ہے کہ جیسے ہی اسلام آباد میں لوگوں نے ان زلزلوں کے جھٹکوں کو محسوس کیا تو ان میں بہت زیادہ خوف پیدا ہو گیا تھا۔اور جب زلزلے کی شدت کو ریکٹر اسکیل پر دیکھا تو پتا چلا کہ زلزلے کی شدت تو 4 عشاریہ 5 ریکارڈ کی گئی۔اور یہ بھی پتا چلا کہ زلزلہ 130 کلومیٹر زیر زمین آیا۔
ان زلزلوں کے جھٹکوں کی شدت جب عوام نے محسوس کی تو وہ بہت زیادہ خوف میں مبتلا ہو گے۔ لیکن شکر ہے کہ ابھی تک کسی بھی جانی نقصان کی رپورٹ نہیں ملی۔ لوگوں میں پھر خوف کم ہوا۔ اور وہ اپنے اپنے گھروں میں چلے گئے۔
ایک رپورٹ میں انکشاف کیا گیا ہے کہ تحریک انصاف کی حکومت میں برائے نام احتساب کے نام پر انتقامی کارروائیاں کی گئی تھی ، اداکارہ صوفیہ مرزا نے مشیر احتساب شہزاد اکبر کے ساتھ مل کر اپنےسابق شوہر کیخلاف انتقامی مقدمات درج کروائے۔
لیکن صوفیہ مرزا نے مؤقف اختیار کیا کہ وہ اپنی بچیوں کو ریکور کرانے کیلئے شہزاد اکبر تو کیامریم نواز سے بھی ملنے کو تیار ہے۔
سماء کی رپورٹ کے مطابق: پاکستان تحریک انصاف دور میں احتساب کے نام پر انتقامی کارروائیوں کا انکشاف ہوا ہے، سابق مشیر احتساب شہزاد اکبر نے دوستوں کے کہنے پر لوگوں کو نشانہ بنایا۔
ذرائع کے مطابق شہزاد اکبر نے صوفیہ مرزا کو ایف آئی اے کو شکایت درج کرانے کا مشورہ دیا، شہزاد اکبر نے ایف آئی اے کے سابق ڈی جی بشیر میمن کے ذریعے پاکستانی نژاد نارویجین شہری عمر فاروق کیخلاف کارروائی کرائی، مبینہ فراڈ اور 16 ارب روپے کی منی لانڈرنگ کے جھوٹے کیسز بنائے، ساتھ ہی پاکستان اور دبئی میں جائیدادوں کا بھی الزام لگایا گیا۔
رپورٹ کے مطابق شہزاد اکبر نے صوفیہ مرزا کی شکایت وزارت داخلہ کے ذریعے پی ٹی آئی حکومت کی کابینہ تک پہنچائی، کابینہ کو بتایا گیا ایف آئی اے کی تفتیش کے بعد عمر فاروق ظہور کے خلاف 2 کیس درج کئے، کابینہ میں سمری کی منظوری کے بعد عمر فاروق ظہور کا نام ای سی ایل میں بھی ڈالا گیا۔
سما ء کے نمائندہ کے مطابق: سوئٹزر لینڈ اور ناروے میں کیسز ختم ہوتے ہی عمر فاروق کیخلاف پاکستان میں عجلت میں کیسز بنائے گئے، غیرقانونی اقدامات سے بچنے کیلئے عمر فاروق نے جوڈیشل مجسٹریٹ لاہور سے رجوع کیا، کرپشن ثابت نہ ہونے پر احتساب عدالت نے 2013ء میں عمر فاروق کو کلین چٹ دی تھی۔ صوفیہ مرزا، شہزاد اکبر اور عمر فاروق
شہزاد اکبر سے تعلق پر جب صوفیہ مرزا سے سوال کیا گیا تو انہوں نے معاملے سے لاعلمی کا اظہار کرتے ہوئے کہا کہ جو باتیں کی جارہی ہیں وہ ثابت کریں، میرا نام میڈیا میں صوفیہ مرزا جبکہ حقیقت میں خوش بخت مرزا ہے، اسی نام سے درخواست دی تھی۔
ان کا کہنا ہے کہ اپنی بچیوں کو بازیاب کرانے کیلئے کو ہوسکا کروں گی، شہزاد اکبر سے کیا مریم نواز سے بھی ملوں گی تو کیا ان سے تعلق جوڑ دیا جائے گا، میرے خلاف جو باتیں کی جارہی ہیں، ان کا علم نہیں۔
اسی معاملے میں سابق ڈی جی ایف آئی اے بشیر میمن کا نام بھی سامنے آیا ہے جس پر انہوں نے سماء کو بتایا کہ شہزاد اکبر نے صوفیہ مرزا اور ان کے شوہر کے جھگڑے کے معاملے پر مجھے نوٹسز دلوائے، کیس بنوائے گئے۔
انہوں نے دعویٰ کیا کہ موجودہ وزیراعظم اور کابینہ ارکان کیخلاف غیرقانونی اقدامات کرنے کیلئے عمران خان نے کہا تھا، شہزاد اکبر کا وہ لیول نہیں کہ ڈی جی ایف آئی اے کو ڈکٹیٹ کروا سکتا۔
تاہم دوسری جانب لاہور میں پریس کانفرنس کرتے ہوئے صوفیہ مرزا نے کہا کہ میں 10 سال سے اپنی بچیوں سے نہیں ملی، وزیراعظم شہباز شریف اور مریم نواز سے اپیل ہے کہ بچیاں واپس دلائیں۔ اداکارہ صوفیہ مرزا لاہور میں پریس کانٖفرنس کرتے ہوئے
صوفیہ مرزا نے کہا کہ بیٹیوں سے جدائی بہت تکلیف دہ معاملہ ہے، سابق شوہر عمرفاروق ظہور میری بیٹیوں کو صدف ناز کی بیٹیاں ظاہر کرکے دبئی لے گیا، میں ہرجگہ درخواستیں دیتی پھر رہی ہوں کہ بیٹیاں واپس دلائی جائیں۔
ماڈل و اداکارہ نے الزام عائد کیا کہ میری شہرت کو نقصان پہنچایاگیا،گھٹیا الزامات لگائےگئے، مجھے دھمکیاں بھی مل رہی ہیں ۔
واضح رہے کہ : دبئی میں مقیم پاکستانی نژاد نارویجیئن شہری عمر فاروق ظہور کے خلاف مہم کا بھانڈا عدالتی دستاویزات نے پھوڑا جس میں ان پر لگائے گئے تمام الزامات جھوٹے نکلے اور عمر فاروق کو تین ممالک کی عدالتوں نے عدم ثبوت پر ان کے خلاف بنائے گئےکیسز خارج کردیے۔
وزیر مملکت برائے پیٹرولیم ڈاکٹر مصدق ملک نے کایک نجی ٹی وی کے پروگرام میں بات کرتے ہوئے کہا کہ: ہمیں توانائی کی ضرورت ہے کیونکہ ہم اب بھی ہم بڑے مہنگے سودے کرنے کی کوشش کر رہے ہیں لیکن گیس کی قلت کی وجہ سے مہنگے سودے بھی نہیں ہو پا رہے ہیں۔
انہوں نے کہا کہ ہم نے بحلی کے محکمے کا سرکلر ڈیٹ 1100 پرچھوڑا تھا جو 2500 پر چلا گیا ہے۔ اوراس وقت بجلی اور گیس کا4 ہزارارب کا سرکلر ڈیٹ ہے۔
ڈاکٹرمصدق ملک کے مطابق: تھر میں کوئلے سے بجلی بنانے کا پراجیکٹ تھا جو بند پڑا ہے، بڑی بڑی فیکٹریوں کو ہر سال مرمت کیلئے شٹ ڈاون کرنا پڑتا ہے، ہماری کوشش ہوتی ہے کہ شٹ ڈاون سردیوں میں ہو۔ وزیر مملکت مصدق ملک اور سابق وفاقی وزیر آمنے سامنے
وزیر مملکت نے ہم نیوز کے ٹاک شو میں بتایا: کے ٹو ہمارا ا نیو کلیئر کا پروگرام ہے جو ایک ہزار میگاواٹ بجلی پیدا کرتا ہےاور اس وقت ہم تقریبا 5 ہزار میگاواٹ بجلی بنا رہے ہیں لیکن ہمیں سرپلس بجلی بنانی پڑتی ہے جو پوری دنیا بناتی ہے، ہم نے 5،6 ایل این جی کارگوز کا معاہدہ کیا ہے۔
سابق وفاقی وزیر نے یادہانی کروائی کہ انہوں نے حکومت میں آتے ہی وعدہ کیا تھا کہ ہم 48 گھنٹے میں لوڈ شیڈنگ ختم کریں گے اور لوڈ شیڈنگ کو تین گھنٹے تک محدود کردیں گے۔
لیکن ملک میں اس وقت 16 سے 19 گھنٹے کی لوڈشیڈنگ ہو رہی ہے۔ انہوں نے دعویٰ کیا کہ ہم نے سب زیادہ ریونیو اکٹھا کیا تھا۔
ایک اور پروگرام میگفتگو کرتے ہوئے مصدق ملک نے کہا کہ وزیر خزانہ مفتاح اسماعیل سے درخواست کروں گا کہ موجودہ بحران سے نمٹنے کے لیے”کے الیکٹرک” کے لیے رقم ریلیز کریں۔
انہوں نے جیوز نیوز سے بات کرتے ہوئے کہا کہ: ملک میں بڑھتے بجلی بحران سے متعلق بات کرتے ہوئے کہا کہ لوڈشیڈنگ کی ایک وجہ ڈیمز میں پانی کی کمی بھی ہے ، ساڑھے 9 ہزار کی بجائے 5 ہزار میگا واٹ بجلی بن رہی ہے جب کہ دوسری وجہ عالمی منڈی میں ایل این جی کی کمی اور کوئلے کا مہنگا ہونا ہے۔
مصدق ملک نے دعویٰ کیا کہ 15 جولائی کے بعد لوڈشیڈنگ پر قابو پالیں گے۔
یاد رہے کہ ملک میں بجلی کا شارٹ فال پھر 6 ہزار میگاواٹ سے اوپر چلاگیا ہے اور کراچی سمیت دیگر بڑے شہروں میں بجلی کی بندش کا دورانیہ 12 سے 14 گھنٹوں تک جا پہنچا ہے۔
وزیراعظم شہباز شریف نے ایک بیان میں کہا ہے کہ آئی ایم ایف سے بہت جلد1.9 ارب ڈالر ملیں گے لیکن بوجھ عوام کو ہی اٹھانا ہوگا کیونکہ ہماریاصل منزل خودانحصاری ہے.
ان کا مزید کہنا تھا کہ عمران خان کی حکومت نے بجلی کی پیداوار کے منصوبوں میں نا صرف تاخیر کی بلکہ گیس کے سستے اور طویل مدتی معاہدے نہ کرنے کے باعث ملک کو نقصان پہنچایا ہے. لہزا ہم سپر ٹیکس کا پیسہ ضائع نہیں ہونے دینگے.
انہوں نے دعوی کیا کہ زراعت کے شعبہ کی ترقی کیلئے کسانوں کو سہولیات فراہم کریں گے اور سرخ فیتے ، پرمٹ، این او سی، دفاتر اور سفارش کا چکر اب ختم ہونا چاہیے.
اس کے ساتھ ان کا کہنا تھا کہ افغانستان سے کوئلے کی درآمد سے سالانہ دو ارب ڈالر کی بچت ہوگی اور اس کوئلے سے بجلی کے پلانٹس چلائے جائینگے.
ملک کی معاشی صورتحال کو بہتر بنانے کا چیلنج سب نے ملکر ققبول کیا ہے، اس ذمہ داری کو ہم نبھائیں گے،خودانحصاری ہی کسی قوم کی سیاسی اور معاشی آزادی کی ضمانت ہوتی ہے اس کے بغیر کوئی قوم آزادنہ فیصلے نہیں کرسکتی۔
وزیراعظم نے کہا کہ: پاکستان میں وسائل اور باصلاحیت افراد کی کمی نہیں ہے، تجارت، معیشت، سیاست ، سفارتکاری اور صحافت تمام شعبوں میں قابل افراد موجود ہیں، اللہ تعالیٰ نے ہمیں بے شمار نعمتوں سے نوازا ہے، ریکوڈک میں ارب ڈالر کا خزانہ دفن ہے لیکن ابھی تک ہم نے اس سے ایک پائی نہیں کمائی الٹا مقدموں پر اربوں روپے ضائع کر دیئے گئے۔
اسلام آباد:عالمی مالیاتی ادارے (آئی ایم ایف) کے دباؤ کے باعث یکم جولائی سے پٹرولیم مصنوعات کی قیمت میں مزید 10 روپے اضافے کا امکان ہے۔ذرائع کے مطابق آئی ایم ایف کا ایم ای ایف پی، معاشی نظم و ضبط ضروری ہے، یکم جولائی سے مزید معاشی مشکلات ہوسکتی ہیں، یکم جولائی سے مزید سخت فیصلے کرنا ہوں گے، میمورینڈم آف اکنامکس اینڈ فنانشنل پالیسیز معاشی نظم و ضبط لازم قرار دیا گیا ہے۔
ذرائع کے مطابق پاکستان اور آئی ایم ایف کے درمیان ایم ای ایف پی پر بات چیت جاری ہے، یکم جولائی سے پٹرول پر5 فیصد سیلز ٹیکس جبکہ 10 روپے لیوی عائد ہو سکتی ہے۔
ذرائع کے مطابق یکم جولائی سے بجلی مزید مہنگی ہوسکتی ہے، توانائی کے نقصانات کم کرنے کا سخت ہدف ملا ہے، سرکاری اداروں میں نقصانات کم کرنے کا سخت ہدف بھی ملا ہے، ٹیکس مراعات اور چھوٹ مزید کم کرنے پر زور دیا گیا ہے۔
یاد رہے کہ دوسری طرف عالمی مالیاتی ادارے (آئی ایم ایف) کی جانب سے پاکستان کیلئے دو ارب ڈالر کی دو قسطیں جاری کرنے کی توقع ہے۔آئی ایم ایف کے رواں ہفتے پاکستان کے ساتھ اسٹاف سطح کا معاہدہ طے پانے کی توقع ہے۔
وزیر خزانہ مفتاح اسماعیل نے ٹویٹ میں بتایا کہ ساتویں اور آٹھویں اقتصادی جائزہ کے لیے پاکستان کو آئی ایم ایف سے میمورنڈم آف اکنامک اینڈ فسکل پالیسی فریم پروگرام کی کاپی موصول ہوگئی ہے۔
لاہور: الیکشن کمیشن آف پاکستان نے وزیراعظم شہباز شریف کو کہوٹہ میں ڈیم کے افتتاح کرنے سے روک دیاالیکشن کمیشن آف پاکستان کی جانب سے وزیر اعظم کو ضابطہ اخلاق کی خلاف ورزی پر روکا گیا، وزیر اعظم شہباز شریف 29جون کو کہوٹہ میں ڈیم کا افتتاح کرنے والے تھے یہ علاقہ حلقہ PP7راولپنڈی کی حدود میں شامل ہے۔
صوبائی الیکشن کمشنر کی ہدایت پر ڈسٹرکٹ ریٹرننگ آفیسر PP-7 نے وزیر اعظم کے پرنسپل سیکرٹری سے رابطہ کیا، ضابطہ اخلاق پر عملدرآمد کیلئے وزیر اعظم نے ڈیم کا افتتاح منسوخ کر دیا۔
صوبائی الیکشن کمیشن پنجاب نے کہا کہ پرنسپل سیکرٹری نے وزیر اعظم کا دورہ منسوخ ہونے کے بارے میں آگاہ کر دیا، ضمنی انتخاب والے حلقہ میں عوامی عہدیداران کا دورہ کرنا ضابطہ اخلاق کی خلاف ورزی ہے،
واضح رہے کہ انتخابی قوانین کے تحت ضمنی انتخاب والے حلقہ میں عوامی عہدیداران کا دورہ کرنا اور الیکشن شیڈول آنے کے بعد ترقیاتی منصوبوں کا افتتاح کرنا ضابطہ اخلاق کی خلاف ورزی ہے۔صوبائی الیکشن کمشنر پنجاب نے کہا کہ الیکشن کمیشن غیر جانبدارانہ وطورپر اپنی ذمہ داریاں سرانجام دیتا رہے گا، ہم کسی کو بھی ضابطہ اخلاق کی خلاف ورزی کی اجازت دے سکتے۔
ادویات میں شدید کمی کی وجہ سے عوام پریشانی میں مبتلا:
باغی ٹی ویکی رپورٹ کے مطابق شہر میں اب ادویات کی شدید کمی دیکھنے میں آ رہی ہے۔پیناڈول جس کو بہت سے لوگ مختلف قسم کی تکالیف کو دور کرنے کیلئے کھاتے ہیں۔اس کی بھی قلت سامنے آئی ہے۔ اس کے ساتھ ساتھ ذہنی تناؤ اور جوڑوں کے درد کی ادویات کی بھی شدید کمی دیکھنے میں آ رہی ہے۔
مزید تفصیلات سے آگاہ کرتے ہوئے بتایا جاتا ہے کہ شہر میں بہت سی ادویات کی شدید قلت سامنے آئی ہے۔ ان ادویات میں دل کا دورہ روکنے،پھیپھڑوں کےانفیکشن، ذہنی تنائو،جوڑوں کےدرد،دمہ،کینسرکی ادویات اور اس کے علاوہ مزید ذیابیطس،بلڈپریشر،ہیپاٹائٹس کی ادویات اور اس سے علاوہ 35 سے زائد ادویات کی شدید قلت کا سامنا شہروں کو کرنا پر رہا ہے۔ شہری بہت ان ادویات کی عدم دستیابی کی وجہ سے بہت پریشان ہیں۔
مزید برآں یہ کہ ادویات کی عدم دستیابی کے حوالے سے سیکرٹری صحت کےمطابق فارمیسی مالکان یہ سب کر رہے ہیں۔ ان کے یہ سب کرنے کا مقصد صرف ادویات کو مہنگا بیچنا ہے۔اس حوالے سے محکمہ صحت ادویات کی کمی کو دور کرنے کیلئے کوشیش کر رہی ہے۔
