Author: +9251

اداکارہ اشنا شاہ جو اپنی منفرد اداکاری کی وجہ سے کافی پسند کی جاتی ہیں وہ ڈاکٹر عامر لیاقت کی موت کے بعد سے اب تک کافی دُکھی دکھائی دے رہی ہیں انہوں نے عامر لیاقت کے انتقال کی خبر پر بھی گہرے رنج کا اظہار کیا اور کہا کہ ان کی پرائیویٹ وڈیوز شئیر کرنے اسکا مذاق بنانے اور اسکو پھیلانے والوں کے ہاتھوں پرعامر لیاقت کا خون ہے۔ عدالت کی طرف حکم نامہ جاری کر دیا گیا ہے کہ عامر لیاقت کی قبر کشائی کرکے ان کا پوسٹ مارٹم کیا جائے تاکہ ان کی موت کی معلومات واضح ہو سکیں۔ ایک شہری کی درخواست پر عدالت نے ایسا فیصلہ کیا۔شک کیا جا رہا ہے کہ جیسے عامر لیاقت کی موت طبعی نہیں ہے انہیں مارا گیا ان شکوک شبہات کو دور کرنے کےلئے قبر کشائی کا حکم دیا گیا ہے۔اشنا شاہ نے عدالت کے اس حکم پر غصے کا اظہار کرتے ہوئے کہا کہ عامر لیاقت کو مرنے کے بعد تو قبیر میں چین سے رہنے دیا جائے۔ عامر لیاقت کی قبر کشائی ان کی فیملی کے لیے مزید تکلیف کا باعث بنے گی۔اشنا شاہ نے کہا کہ کیا پہلے عامر لیاقت کی فیملی کم اذیت سے گزری ہے جو اب ایسا حکم جاری کر دیا گیا ہے۔

یاد رہے کہ عامر لیاقت حسین کا پوسٹ مارٹم ان کی سب سے پہلی اہلیہ بشری بیگم نے کرنے سے منع کر دیا تھا ان کے بچوں کا بھی یہی کہنا تھا کہ ایسا نہیں ہونا چاہیے۔

اداکارہ ایمن خان نے فادرز ڈے پراپنے والد کو کیا یاد اور ایک جذباتی پوسٹ سوشل میڈیا پر شئیر اس پوسٹ کے ساتھ انہوں نے اپنے والد کی تصویر بھی لگائی۔ایمن خان نے لکھا کہ ’’ اعتبار آ ہی جائیگا ملو تو سہی ، دھوپ میں کھڑا جل رہا ہوں سایہ دو مجھے‘‘ ہیہی فاردز ڈے میں آپ سے ملنے کےلئے بے چین ہوں ۔ ایمن خان کی اس جذباتی پوسٹ پر ان کے پرستاروں نے ان کے مرحوم والد کی مغفرت کی دعائیں کیں۔ ایمن خان نے شادی کے بعد شوبز میں کام نہیں کیا وہ آج کل گھر میں ہی ہوتی ہیں اور اپنی بیٹی کو پال رہی ہیں۔ کہا جا تا ہے کہ ایمن خان کو کام کرنے سے ان کے شوہر منیب بٹ نے روکا ہے۔ جبکہ منیب بٹ کہتے ہیں کہ ان کی بیوی آزاد انسان ہے وہ بیوی پر پابندی لگانے کے قائل نہیں ہیں اگر وہ کام نہیں کررہیں تو اپنی مرضی سے نہیں کر رہیں میں نے ان کو صرف چند چیزیں سمجھائیں اور اس کے بعد ان پر فیصلہ چھوڑ دیا۔ان کا جب بھی دل چاہے وہ کام کر سکتی ہیں۔

یاد رہے کہ ایمن خان انسٹاگرام پر کافی متحرک ہیں وہ اس ایپ پر مسلسل اپنی تصاویر شئیر کرتی رہتی ہیں ایمن نے جتنے بھی ڈراموں میں کام کیا سب میں ہیروئین کا کردار ادا کیا۔ ایمن کا شمار پاکستان ڈرامہ انڈسٹری کی لیڈنگ ادکارائوں میں ہوتا ہے۔ انہوں نے جتنا عرصہ بھی کام کیا معیاری کام کیا اپنی ایک پہچان بنائی۔ آج بھی ان کے پرستار ان کو دیکھنے کےلئے بےتاب رہتے ہیں۔

نوجوان نسل کی نمائندہ فنکارہ آئمہ بیگ اور ماڈل و اداکار شہباز شگری کے درمیان اختلافات کی خبریں سامنے آرہی ہیں ۔ کہا جا رہا ہےکہ دونوں نے اپنے اپنے انسٹاگرام سے ایک دوسرے کے ساتھ لگائی گئی تصاویر بھی ہٹا دیں ہیں۔ دونوں کے اختلافات کی وجہ سامنے نہیں آئی تاحال لیکن کہا جا رہا کہ اختلافات کی نوعیت اتنی سنجیدہ ہے کہ دونوں نے ایک دوسرے سے راہیں جد کر نے کا فیصلہ کر لیا ہے آئمہ بیگ اور شہباز شگری ایک دوسرے کی محبت میں گرفتار تھے دونوں ہر جگہ اپنی محبت کا کھلے عام اظہار کرتے تھے اور ایکدوسرے کے ساتھ بنائی ہوئی خوبصورت تصاویر بھی سوشل میڈیا پر شئیر کرتے رہتے تھے لیکن پچھلے کچھ عرصہ سے دونوں کی طرف اس حوالے سے خاموشی ہی دکھائی دے رہی ہے۔

یاد رہے کہ دونوں نے گزشتہ برس منگنی کی تھی منگنی میں ان کے قریبی لوگ موجود تھے انکی منگنی کے بعد کی تصاویر سوشل میڈیا پر خاصی وائرل ہوئیں تھیں اور دونوں کے پرستار ان دونوں کے ایک ہونے پر کافی خوش تھے۔ مختلف تقریبات میں دونوں ایک دوسرے کے ساتھ بھی دکھائی دیتے تھے۔اطلاعات یہی ہیں کہ دونوں نے ایک دوسرے کا ساتھ چھوڑ دیا ہے۔دونوں اپنی اپنی فیلڈ میں نام مقام رکھتے ہیں،آئمہ کے گائے ہوئے گیت ہر دوسری بڑی فلمی ہیروئین پر پکچرائز ہوتے ہیں اور شہباز شگری ایک کامیاب ماڈل ہیں انہوں نے چند ایک ڈراموں میں اداکاری بھی ہے۔ شہباز شگری کی آئمہ کے ساتھ دوسری شادی ہونے جا رہی تھی جبکہ آئمہ بیگ کی یہ پہلی شادی تھی۔

ادااکارہ مہوش حیات کہتی ہیں کہ وہ جب ہمایوں سعید سے پہلی بار ملیں تو ان کی شدید لڑائی ہوگئی تھی لیکن بعد میں ان کے ساتھ ہی بہت اچھی دوستی بھی ہو گئی۔ مہوش حیات اور ہمایوں سعید نے ایک ساتھ انٹرویو دیتے ہوئے کافی دلچپسپ باتیں کیں۔ ہمایوں سعید نے کہا کہ مہوش سیٹ پر آتی ہیں تو رونق بن جاتی ہے،وہ سارا وقت شیشے میں اپنا آپ ہی دیکھتی رہتی ہیں کسی کو تنگ نہیں کرتیں جبکہ مہوش حیات نے کہا کہ میں فری وقت میں زیادہ تر موبائل پر انسٹاگرام کو سکرول کرتی رہتی ہوں، انٹرویو میں ہمایوں سعید نے مہوش حیات سے مذاق کیا تو انہوں نے کہا کہ گورا ہو یا کالا شادی اس سے کروں گی جو دل والا ہو گا۔

یاد رہے کہ ندیم بیگ کی ڈائریکشن میں بننے والی فلم ’’ لندن نہیں جائونگا ‘‘ عید الاضحی پر ریلیز کی جا رہی ہے۔ہمایوں سعید اور مہوش حیات کو ایکساتھ دیکھنے کےلئے شائقین بے چینی سے منتظر ہیں اس فلم کے ساتھ ماہرہ خان اور فہد مصطفی کی قائداعظم زندہ باد بھی ریلیز کی جا رہی ہے۔دونوں فلموں میں بڑی کاسٹ ہے اور سب اپنی اپنی فلموں کی پرموشنز میں مصروف ہیں۔ لندن نہیں جائونگا کے پوسٹر میں ہمایوں سعید اور گوہر رشید کو دھوتی پہنے ہوئے دیکھا جا سکتا ہے محسوس کیا سکتا ہے دونوں دیہاتی کا کردار ادا کررہے ہیں۔دوسری طرف قائداعظم زندہ باد کے پوسٹر کو دیکھیں تو فہد مصطفی پولیس والے کا لباس پہنے ہوئے نظر آرہے ہیں یعنی فہد اس فلم میں پولیس والے کا کردار ادا کررہے ہیں۔

نیہا لاج کی فلم چوہدری کی گزشتہ رات لاہور میں سانگ لانچنگ تھی، فلم کی مرکزی کاسٹ سے صرف ارباز خان اور چوہدری اسلم کا کردار ادا کرنے والے ڈی ایس پی طارق اسلام موجود تھے۔ یاسر حسین ، شمعون عباسی، ثنا فخر جیسے فنکاروں کی تقریب میں شرکت نہ ہونے کے باعث تقریب کے رنگ بھیکے رہے۔ جس گانے کی لانچنگ تھی اسکا نام تھا قمیض تیری کالی سوہنے پھلاں والی اس گیت کو گانے والے گلوکار عطا اللہ بھی تقریب میں موجود نہ تھے۔میڈیا توقع کررہا تھا کہ عطا اللہ عیسی خیلوی ہوں گے( کیونکہ انہوں نے فلم میں اس گانے پر پرفارم بھی کیا ہے) لیکن جب ان کو کال کی گئی تو پتہ چلا کہ شاید وہ اس تقریب کے حوالے سے آگاہی نہیں رکھتے۔دوسری طرف تقریب کے دوران ایکدم بھاگم دوڑ ہوئی پتہ چلا کہ ہال میں موجود ایک شخص آٹھ سال کی بچی کو واش روم میں بلارہا تھا کافی دیر بچی کو یہ بات کہتا رہا بچی نے آخر کار تنگ آکر اپنی والدہ کو بتایاکہ ماما وہ انکل مجھے واش روم میں بلا رہے ہیں، جب بچی کی والدہ اور والد اس لڑکے کی طرف بڑھے تواس لڑکے نے بھاگنے کی کوشش کی لیکن ہال کے دروازے سے پکڑا گیا اس دوران بچی ڈری سہمی ہوئی زارو قطار رو رہی تھی اس واقعہ کے بعد تقریب سے لوگ اٹھ کر جانا شروع ہو گئے اور بچی کے

ساتھ ہمدردی کی گئی وہ بچی فلم کی پرڈیوسر نیہا لاج کی بہن کی بیٹی تھی۔یہ ناخوشگوار واقعہ تقریبا ایونٹ کے آخر میں ہوا اس سے پہلے تو جن مہمانوں کو بلا رکھا تھا وہ لوگ پرڈیوسر کاسٹ اور مہمان خصوصی کے طور پر آئے لوگوں کی باتیں سننے کے بعد کھانے کے منتظر رہے پہلے بولا گیا کھانا لگ گیا ہے سب جب کھانے کی طرف ہوئے تو آگے خالی برتن ملے، وہاں موجود لوگوں نے خاصی شرمندگی محسوس کی اور یوں کچھ لوگ اٹھ کر چلے گئے، باقی کچھ لوگ جو بیٹھے ہوئے تھے اب ان میں سے بھی اٹھ کر جانے والوں کا شاید انتظار کیا جا رہا تھا،آٹھ بجے سے شروع ہوا ایونٹ رات گیارہ بج گئے، فلم کے دو گانے بار بار چلائے جاتے رہے، لیکن کھانے کا کچھ پتہ نہیں تھا، اسی دوران صرف سید نور کے آگے کھانا رکھا گیا حسن عسکری ، پرویز کلیم و دیگر موجود تھے ان کو نہ پوچھا گیا حسن عسکری سراپا احتجاج دکھائی دئیے انہوں نے کہا کہ میرے پچاس سالہ کیرئیر میں آج میں نے جتنی بے عزتی محسوس کی ہے شاید ہی کبھی کی ہو، سید نور کے آگے کھانا رکھنا ایشو نہیں ہے لیکن ایسا کرنا یہاں موجود لوگوں کی توہین ہے۔ جب میڈیا کے چند دوستوں نے پتہ کروایا کہ کھانا کیوں نہیں کھولا جا رہا تو پتہ چلا کہ پے منٹ کا ایشو ہے، اللہ اللہ کرکے کھانا کھولا ہی گیا تو وہ بھی کم تھا۔ تقریب میں ہر حوالے سے انتہا درجے کی بد نظمی دیکھی گئی،جو میڈیا رپورٹرز سب سے پہلے آئے تھے وہ ہال میں بیٹھے ہوئے تھے وہ جن ٹیبلز پر بیٹھے ہوئے تھے ان سے کہا گیا کہ یہاں نہیں بیٹھ سکتے یہ مہمانوں کے لئے ہے میڈیا کے لوگوں کی گرمی سردی ہوئی انہوں نے کہا کہ ہم کون ہیں؟ کہا گیا آپ بے شک میڈیا سے ہیں لیکن آپ باہر اٹھ کر جائیں پھر دوبارہ ہال میں بلایا جائیگا آپکو۔ اس طرح کی صورتحال نے ایونٹ کی خوبصورتی کو بگاڑ کر رکھ دیا سب کا یہی کہنا تھا کہ جس طرح سے یہ ایونٹ مینج کیا گیا اس طرح تو کبھی ہوا ہی نہیں