Baaghi TV

Author: +9251

  • حوثیوں کی میزائل ٹیکنالوجی نے امریکی پیٹریاٹ نظام کوفعل کردیا

    حوثیوں کی میزائل ٹیکنالوجی نے امریکی پیٹریاٹ نظام کوفعل کردیا

    صنعا:حوثیوں کی میزائل ٹیکنالوجی نے امریکی پیٹریاٹ نظام کوفعل کردیا،اطلاعات کے مطابق یمن کے وزیر دفاع نے اعلان کیا کہ یمن کی مسلح افواج کو سعودی قیادت والے فوجی اتحاد یعنی امریکہ اور دیگراتحادیوں پرہرطرح سے غلبہ حاصل ہے ،

    انہوں نے یہ بھی کہا کہ امریکہ کا بنایا ہوا پیٹریاٹ زمین سے فضا میں مار کرنے والے جدید ترین میزائل (SAM) سسٹم جسے سعودی عرب اور اس کے اتحادی حاصل کرنے کے لیے کوشاں ہیں، یمنی بیلسٹک میزائلوں اور ڈرونز کے مقابلے میں زیادہ موثر نہیں ہیں۔

    "فوجی صنعت کے شعبے میں ہماری مہارت اعلیٰ درجے پر پہنچ چکی ہے۔ عاطفی نے مزید کہا کہ یمنی مسلح افواج کافی پیشہ ور ہیں، اور فی الحال ان کے پاس انتہائی درست اور موثر ہتھیار ہیں۔یمنی وزیر دفاع نے کہا کہ "ایک عظیم فتح ان تمام بہادروں کی منتظر ہے جو مضبوطی سے جارحین کے خلاف مزاحمت کے راستے پر گامزن ہیں۔”

    سعودی عرب نے مارچ 2015 میں اپنے عرب اتحادیوں کے ساتھ مل کر اور امریکہ اور دیگر مغربی ریاستوں کے ہتھیاروں اور رسد کی مدد سے یمن پر تباہ کن جنگ شروع کی۔اس کا مقصد عبد ربہ منصور ہادی کی ریاض دوست حکومت کو دوبارہ قائم کرنا اور انصار اللہ مزاحمتی تحریک کو کچلنا تھا جو یمن میں فعال حکومت کی عدم موجودگی میں ریاستی امور چلا رہی ہے۔

    جب کہ سعودی زیرقیادت اتحاد اپنے کسی بھی اہداف کو پورا کرنے میں ناکام رہا ہے، اس جنگ نے لاکھوں یمنیوں کو ہلاک اور دنیا کے بدترین انسانی بحران کو جنم دیا ہے۔

  • پی ٹی آئی کی ضمنی الیکشن کیلئے تیاریاں،امیدواروں سے ملاقات،انتخابی مہم پر مشاورت

    پی ٹی آئی کی ضمنی الیکشن کیلئے تیاریاں،امیدواروں سے ملاقات،انتخابی مہم پر مشاورت

    پی ٹی آئی سنٹرل پنجاب کی صدر ڈاکٹر یاسمین راشد ، جنرل سیکٹری حماد اظہر اور سیکرٹری انفارمیشن عندلیب عباس سے پی ٹی آئی کے ضمنی الیکشن کے ٹکٹ ہولڈر نے ملاقات کی ،ملاقات میں انتخابی کمپین کے حوالے سے تفصیلی تبادلہ خیال کیا گیا جبکہ انتخابی کمپین کی پلاننگ بھی کی گئی.عندلیب عباس نے امیدواران کو انتخابی کمپین کے حوالے سے تفصیلی بریفنگ دی.

    ڈاکڑریاسمین راشد نے کہا کہ اس بار پی ٹی آئی بڑے مارجن سے ضمنی انتخابات جیتے گی ،
    پی ٹی آئی پوری تیاری کے ساتھ ضمنی انتخابات میں حصہ لے گی،امپورٹڈ حکومت ہر معاذ پر ناکام ہو چکی ہے،انہوں نے کہا کہ عوام مہنگائی کے ہاتھوں خودکشی کرنے پر مجبور ہیں امپورٹڈ حکمران صرف فوٹو سیشن کرنے میں مصروف ہیں.

    جنرل سیکٹری حماد اظہر نے کہا کہ حکمرانوں نے آتے ہی غریب عوام کا معاشی قتل عام شروع کر دیا ہے. انہوں نے بتایا کہ کارکنان کو متحرک کرنے کے لیے ورکر کنونشن کا انعقاد کیا جائے گا اوع ورکر کنونشن سے چیئرمین پی ٹی آئی عمران خان خطاب کریں گے .حماد اطہر نے کہا کہ حکمرانوں سے نجات تک چین سے نہیں بیٹھیں گے ،عوام سے مل کر مہنگائی کے خلاف شدید احتجاج کریں گے م حکمرانوں کے اقتدار کے خاتمے کا وقت قریب ہے
    اجلاس میں پی ٹی آئی کے امیدوار ان ملک ظہیر عباس کھوکھر ، میاں اکرم عثمان ، ملک نواز اعوان ، خالد گجر، شھنیلا علی،شیخ امتیاز محمود ، اویس یونس، وسیم رامے، ثاقب سندو
    رخسانہ نوید ،شنیلا روت اور دیگرنے شرکت کی

    دوسری جانب پی ٹی آئی لاہور کے صدر شیخ امتیاز محمود کی صدارت میں پارٹی دفتر جیل روڈ میں پی پی 168 کےضمنی انتخابات کے حوالے سے اہم اجلاس منعقد کیا گیا ، اجلاس میں انتخابی مہم کے حوالے سے اہم فیصلے کیے گئے،اجلاس سے شیخ امتیاز محمود نے خطاب کرتے ہوئے کہا یونین کونسل کی سطح پر انتخابی مہم کو تیز کیا جائے گا ،چیئرمین عمران خان کی قیادت میں تحریک انصاف متحد ہے

    انہوں نے کہا کہ کارکنوں ڈور ٹو ڈور بھرپور کمپین میں حصہ لیں ، عوام لوٹوں کو مسترد کریں گے ، پی ٹی آئی ضمنی الیکشن میں بھرپور کامیابی حاصل کرے گی،اجلاس سے خطاب کرتے ہوئے ملک نواز اعوان کا کہنا تھا کہ ی پی 168 تحریک انصاف کا قلعہ ثابت کریں گے
    پوری تیاری کے ساتھ سیاسی میدان میں اترے ہیں

  • یوکرینی افواج کو روس سے لڑنے کےلیے برطانیہ فوجی تربیت دے گا

    یوکرینی افواج کو روس سے لڑنے کےلیے برطانیہ فوجی تربیت دے گا

    لندن:یوکرینی افواج کو روس سے لڑنے کےلیے برطانیہ فوجی تربیت دے گا،اطلاعات کے مطابق برطانیہ نے روس کے خلاف لڑنے کے لیے یوکرینی فوج کی جنگی بنیادوں پر ٹرینگ دینے کافیصلہ کیاہے ،ادھر یوکرینی ذرائع نے بھی تصدیق کی ہے کہ برطانوی وزیر اعظم بورس جانسن نے روس کے حملے کے بعد یوکرین کے دوسرے دورے کے موقع پر صدر ولادیمیر زیلنسکی سے ملاقات میں یوکرین کی افواج کے لیے فوجی تربیتی پروگرام شروع کرنے کی پیشکش کی ہے۔

    بورس جانسن کو زیلنسکی نے ایک ’عظیم دوست‘ کے طور پر خوش آمدید کہا اور اس کے بعدبورس جانسن نے یوکرینی صدر کے ساتھ اپنی ایک تصویر ٹوئٹر پر پوسٹ کی جس میں کہا گیا تھا کہ محترم صدر ولادیمیر، کیف میں دوبارہ آ کر اچھا لگ رہا ہے۔برطانوی وزیراعظم بورس جانسن نے ملاقات میں یوکرین کی افواج کے لیے ایک بڑا تربیتی فوجی پروگرام شروع کرنے کی پیشکش کی ہے جس میں 120 دن میں 10ہزار فوجیوں کو تربیت دینے کی صلاحیت موجود ہے۔

    برطانوی ویر اعظم نے کہا کہ آج میرا اس جنگ کے دوران دورے کا مقصد یوکرین کے عوام کو ایک واضح اور سادہ پیغام دینا ہے، برطانیہ آپ کے ساتھ ہے اور جب تک کہ آپ غالب نہیں آتے ہم آپ کے ساتھ رہیں گے۔ان کا کہنا تھا کہ اسی لیے میں نے صدر ولادمیر زیلنسکی کو ایک نئے فوجی تربیتی پروگرام کی پیشکش کی ہے جو اس جنگ کی صورتحال کو تبدیل کر سکتا ہے اور کہا کہ جیت کے لیے سب سے زیادہ طاقت ور چیز یوکرین کے عوام کی جیت کا عزم ہے۔

    روس کے یوکرین پر حملے کے بعد برطانوی وزیراعظم کا غیر اعلانیہ دورہ یوکرین اور ولادمیر زیلنسکی کی حمایت کے حوالے سے بورس جانسن کے عزم کا تازہ ترین مظہر ہے۔انہوں نے یہ دورہ فرانس، جرمنی، اٹلی اور رومانیہ کے رہنماؤں کے کیف کے سفر کے ایک دن بعد کیا گیا جنہوں نے یوکرین کی یورپی یونین میں شمولیت اور رکنیت کے امیدوار کی حیثیت کی توثیق کی۔

    ولادمیر زیلنسکی نے مزید کہا کہ اس جنگ کے متعدد ایام نے ثابت کیا ہے کہ یوکرین کے لیے برطانیہ کی حمایت پختہ اور پرعزم ہے، ہمارے ملک کے عظیم دوست بورس جانسن کو دوبارہ کیف میں دیکھ کر ہمیں خوشی ہوئی۔

    یوکرین کے صدر نے مختصر بیان میں کہا کہ انہوں نے محاذ جنگ پر صورتحال اور بھاری ہتھیاروں کی ترسیل میں اضافے اور یوکرین کے فضائی دفاع کو بڑھانے کی ضرورت پر تبادلہ خیال کیا۔ان کا کہنا تھا کہ ہمارے پاس ایک مشترکہ نقطہ نظر ہے کہ کس طرح فتح کی طرف بڑھنا ہے کیونکہ یوکرین کو بالکل اسی کی ضرورت ہے کہ ہماری ریاست کیسے فتح حاصل کرتی ہے۔

  • ایندھن کا بحران:سری لنکا میں اسکولز اورسرکاری دفاتردو ہفتوں کے لئے بند

    ایندھن کا بحران:سری لنکا میں اسکولز اورسرکاری دفاتردو ہفتوں کے لئے بند

    کولمبو: سری لنکا میں ایندھن کے سنگین بحران کے بعد اسکولز اورسرکاری دفاتردو ہفتوں کے لئے بند کردئیے گئے۔

    غیرملکی میڈیا کے مطابق سری لنکا میں تیل کی درآمدات پرادائیگیاں نہ ہونے کے باعث ایندھن کا بحران سنگین ہوگیا ہے۔ پبلک ٹرانسپورٹ مکمل طورپر معطل ہونے کے بعد حکومت نے اسکولز اورسرکاری دفاتردو ہفتوں کے لئے بند کردئیے ہیں۔وزارت تعلیم نے اساتذہ اورطلبا کو بجلی کی فراہمی پر آن لائن تعلیم کو یقینی بنانے کےلیے کہا ہے۔

    سری لنکا کی وزارت پبلک ایڈمنسٹریشن کی جانب سے جاری بیان میں کہا گیا ہے کہ پبلک ٹرانسپورٹ کی معطلی اورنجی گاڑیوں کوپیٹرول نہ ملنے کے باعث صرف ضروری عملے کودفاتربلانے کا فیصلہ کیا گیا ہے۔سری لنکا کی حکومت نے رواں ہفتےمیں پیٹرول کی بچت کے پیشِ نظر جمعے کی چھٹی کا اعلان کیا تھا تاہم اس اقدام کے باوجود بھی پیٹرول اسٹیشن کے باہر لمبی قطاریں دیکھی گئیں۔

    ادھر چند دن پہلے اقوام متحدہ نے خبردار کیاتھا کہ مالی بحران کے باعث سری لنکا کو سنگین انسانی بحران کا سامنا کرنا پڑسکتا ہے۔عالمی خبر رساں ادارے کے مطابق اقوام متحدہ کے ترجمان نے کہا تھا کہ شدید اقتصادی اور سیاسی بحران سے دوچار سری لنکا کو سنگین ترین انسانی ہنگامی صورتحال کا سامنا کرنا پڑ سکتا ہے۔

    اقوام متحدہ کی تنظیم برائے انسانی امور کے ترجمان ژینس لائرکے نے صحافیوں سے گفتگو میں کہا کہ سری لنکا میں شدید معاشی بحران ایک سنگین انسانی بحران میں تبدیل ہوسکتا ہے جہاں پہلی ہی لاکھوں افراد کو فوری امداد کی ضرورت ہے۔ترجمان اقوام متحدہ نے مزید بتایا کہ سری لنکا کے سنگین انسانی بحران کے شکار ہونے کے خدشے کے پیش نظر ضروری اقدامات کر رہے ہیں تاکہ زیادہ سے زیادہ ریلیف دیا جا سکے۔

  • کیا ہائرایجوکیشن کمیشن ایم فل اور ایم ایس داخلہ پر پابندی کے فیصلے کو برقرار رکھ پائے گی؟

    کیا ہائرایجوکیشن کمیشن ایم فل اور ایم ایس داخلہ پر پابندی کے فیصلے کو برقرار رکھ پائے گی؟

    ہائرایجوکیشن کمیشن نے تمام جامعات سے وابستہ کالجز میں ایم ایس اور ایم فل کے داخلوں پر پابندی لگادی جسکے سبب اب ان کالجز سے ایم فل اور ایم ایس پرواگرام نہیں ہوسکیں گے لہذا اب طلبہ کو جامعات میں سے ہی ایم ایس، ایم فل کی ڈگری کرنی گی۔
    اسلام آباد کے رہائشی طالب علم محمد رضوان نے باغی ٹی وی کو بتایا کہ ایچ ای سی میں پروفیشنل لوگ نہ ہونے کی وجہ سے تعلیمی نظام کا بیڑا غرق ہوکر رہ گیا ہے اور اب انہوں نے جامعات سے وابستہ کالجز سے ایم ایس اور ایم فل کی ڈگری کرنے پر پابندی تو لگا دی لیکن ان طلبہ کا نہیں سوچا جو دوردراز علاقوں میں رہتے ہیں اور انکے قریب صرف کالج کی سہولت موجود ہے جبکہ جامعات ان سے کافی دور ہیں۔ لہذا میرا ایچ ای سی سے سوال ہے کہ اب ان طلبہ کا کیا بنے گا؟

    ماہر تعلیم پروفیسر ڈاکٹر خالد سلطان نے باغی ٹی وی سے بات کرتے ہوئے کہا کہ: ہائرایجوکیشن کمیشن نے کالجز کی سطح پر ایم ایس اور ایم فل پروگرامز پر پابندی لگا کر ایک اچھا فیصلہ کیا ہے کیونکہ اس ڈگری میں ریسرچ اور کورس ورک کیلئے جس قسم کے معیار کی ضرورت ہوتی ہے وہ کسی کالج میں برقرار رکھنا مشکل ہوتا ہے۔ لہذا میں سمجھتا ہوں کہ جو معیار ایک جامع فراہم کرسکتی ہے وہ کالج میں مشکل ہے۔

    پروفیسر خالد سلطان نے مزید بتایا کہ: ایچ ای سی کے اس فیصلہ سے دور دراز علاقوں میں رہنے والے طلبہ خوش نہیں ہونگے کیونکہ ہر ایک کے قریب جامع نہیں ہوتی اور اب دیکھنا یہ ہے کہ کیا ایچ ای سی ایم ایس اور ایم فل کے داخلہ پر پابندی کے اس فیصلے کو برقرار رکھ پائے گی یا نہیں کیونکہ بعض اوقات ایسے فیصلوں سے کالجز، طلبہ اور سول سوسائٹی کے جانب سے دباو آتا ہے اور وہ سمجھتے ہیں کہ ہمارے ساتھ ناانصافی کی جارہی ہے۔ لیکن جس قسم کے معیار کی ان ڈگریوں کیلئے ضرورت ہوتی ہے اسے برقرار رکھنا بھی ایچ ای سی کی ذمہ داری ہے۔

    اس سلسلے میں باغی ٹی وی نے ایچ ای سی کا موقف لینے کیلئے کوشش کی مگر ایچ ای سی ہیڈ آفس اسلام آباد میں کسی سے رابطہ نہ ہوسکا۔

  • نان فائلرز کیلئے گاڑیوں کی رجسٹریشن ٹیکس میں 100 فیصد اضافہ منظور

    نان فائلرز کیلئے گاڑیوں کی رجسٹریشن ٹیکس میں 100 فیصد اضافہ منظور

    سینیٹ کیمجلس قائمہ برائے خزانہ نے ایف بی آر میں گوشوارے جمع نہ کرانے والوں کے لیے گاڑیوں کی رجسٹریشن کا ٹیکس 100فیصد بڑھانے کی تجویز منظور کرلی۔

    سینیٹ کی مجلس قائمہ برائے خزانہ کے اجلاس میں چیئرمین ایف بی آر اور دیگر حکام نےشرکت کی .اجلاس میں چیئرمین کمیٹی نے ایف بی آر حکام کو ہدایت کی کہ جو بھی قانون سازی ہو اسے بل کی شکل میں لایا جائے اور آرڈیننس کے ذریعے قانون سازی نہ کی جائے۔

    ایف بی آر حکام نے کمیٹی کوبریفنگ دی کہ پائلٹ کیلئے فلائنگ الاؤنس کو بھی اس کی تنخواہ میں شامل کیا گیا ہے، پہلے فلائنگ الاؤنس پر 7.5 فیصد ٹیکس تھا، فلائنگ الاؤنس پر ٹیکس لگانا درست نہیں، تنخواہ پر ٹیکس لیا جارہا ہے۔

    سینیٹ کی مجلس قائمہ برائےخزانہ نے فلائنگ الاؤنس تنخواہ میں ضم کرکےٹیکس لگانےکی مخالفت کی۔ایف بی آر حکام نے کمیٹی کو بتایا کہ ریٹائرڈ اور سرونگ آرمی ملازمین کیلئے پراپرٹی پرکیپٹل گین ٹیکس چھوٹ واپس لی جارہی ہے، حکومتی ملازمین کیلئے بھی پراپرٹی پرکیپٹل گین ٹیکس کی چھوٹ واپس لی جارہی ہے۔ایف بی آر حکام کے مطابق سینیٹ کی قائمہ کمیٹی خزانہ نے ایف بی آرکی تجویز منظور کرلی ہے۔

    ایف بی آر حکام نے بتایا کہ گاڑیوں پر نان فائلر کیلئے ٹیکس 100 فیصد بڑھا دیا گیا ہے اس پر چیئرمین کمیٹی نے کہا کہ چھوٹی گاڑیوں پر ٹیکس نہ لگایا جائے، چاہے وہ فائلر ہے یا نہیں .چیئرمین ایف بی آر نے کہا کہ نان فائلرگاڑی خرید سکتاہے تو ٹیکس دے، نان فائلر جو بھی پراپرٹی خریدے گا اس پر 5 فیصد ٹیکس دے گا۔ کمیٹی نے نان فائلر پر گاڑیوں کی رجسٹریشن کا ٹیکس 100 فیصد بڑھانے کی تجویز منظور کرلی۔

    ایوان بالا کی قائمہ کمیٹی برائے خزانہ، محصولات و اقتصادی امور کا اجلاس چیئرمین کمیٹی سینیٹر سلیم مانڈوی والا کی زیر صدارت پارلیمنٹ ہاؤس میں منعقد ہوا۔قائمہ کمیٹی برائے خزانہ نے فنانس بل 2022 میں انکم ٹیکس، سیلز ٹیکس اور کسٹم ٹیکس کے حوالے سے متعلقہ اداروں کی تجاویز کا تفصیلی جائزہ لیا۔

    قائمہ کمیٹی نے اجلاس میں اسلام آباد کیپٹل ٹیرٹری آرڈنینس سے متعلقہ تجاویز کا جائزہ بھی مکمل کر لیا۔ چیئرمین کمیٹی سینیٹر سلیم مانڈوی والا نے کہا کہ قائمہ کمیٹی نے فنانس بل میں تمام تجاویز کا تفصیلی جائزہ لیا ہے۔ قائمہ کمیٹی کے بروز سوموار کو منعقد ہونے والے اجلاس میں وزیر خزانہ کے ساتھ مل کر تمام تجاویز کو حتمی شکل دی جائے گی اور منگل کے روز منعقد ہونے والے ایوان بالاء کے اجلاس میں کمیٹی کی رپورٹ پیش کر دی جائے گی۔ قائمہ کمیٹی کے آج کے اجلاس میں سینیٹرز سعدیہ عباسی، محمد طلحہ محمود، ذیشان خانزادہ،انوار الحق کاکڑ کے علاوہ چیئرمین ایف بی آربھی شریک ہوئے.

  • نیگیٹیو اور پازیٹیو نہیں ،کردار کی اہمیت دیکھتا ہوں:احسن خان

    نیگیٹیو اور پازیٹیو نہیں ،کردار کی اہمیت دیکھتا ہوں:احسن خان

    اداکار احسن خان جن کی چوبیس جون کو رہبرا فلم ریلیز ہونے جا رہی ہے وہ کہتے ہیں کہ کردار ہیرو کا ہے یا ولن کا میں ان چکروں میںنہیں پڑتا بس یہ دیکھتا ہوں کہ کردار کتنا چیلنجنگ ہے اور روٹین سے ہٹ کر اس میں کیا ہے۔میں روایتی کام کرنا پسند نہیں کرتا بہت سال تک ایک ہی طرح کے کردار کرنے کے بعد سوچاکہ میں ورائٹی کیا دے رہا ہوں ۔اس لئے میں نے کرداروں کے انتخاب کا کرائی ٹیریا زرا سخت کیا اور یہ دیکھنا شروع کیا کہ جو کردار کرنے جا رہا ہوں اس میں نیا اور مختلف کیا ہے اور لوگوں کے لئے اس میں دلچپسی کی وجہ کیا ہوگی ۔اپنے حالیہ انٹرویو میں انہوں نے کہا کہ میں اپنے کام کے حوالے دعوے بالکل بھی نہیں کرتا بلکہ میں تو یہ کہتا ہوں کہ کام ایسا ہو کے لوگ دیکھ کر خود تعریف کریں ۔

    انہوں نے کہا کہ میں فلم اور ٹی وی کے کام میں تخصیص نہیں کرتا کیونکہ آرٹسٹ کو ٹی وی فلم ریڈیو سٹیج ہر میڈیم ٹرائی کرنا چاہیے اس سے اس کی صلاحیتوں میں نکھار آتا ہے ۔مجھے جو بھی کام ملا میں نے کیا لیکن اب زرا فوکس معیار پر زیادہ ہے جو کام مجھے چیلجنگ نہیں لگے گا وہ میںنہیں کروں گا ۔احسن خان نے کہا کہ میں نے رہبرا سے پہلے بھی فلمیں کیں ہیں میری خوش نصیبی ہے کہ مجھے ہر میڈیم میں سراہا گیا ہے ۔آج کل میرا فراڈ ڈرامہ چل رہا ہے اس میں میرا کردار ایسا ہے کہ جو دیکھنے والوں کے لئے ڈرامے کے آخر میں یقینا سبق آموز ہو گا ۔

  • فلم چوہدری کے سانگ ریلز کی تقریب آج لاہور میں ہوگی

    فلم چوہدری کے سانگ ریلز کی تقریب آج لاہور میں ہوگی

    نیہا لاج کی فلم چوہدری کے سانگ کی تقریب آج لاہور میں منعقد کی جا رہی ہے تقریب میں فلم کی تمام کاسٹ موجود ہو گی ۔ہم ٹی وی کے اشتراک سے تیارہ کردہ اس فلم میں ثناءفخر ،شمعون عباسی ،عامر قریشی ،عدنان شاہ ٹیپو اور ارباز خان و دیگر دکھائی دیں گے ۔جہاز کریشن میں جان بحق ہونے والی ماڈل

    زارا عابد نے اس فلم سے اپنے فلمی کیرئیر کا آغاز کیا تھا ۔ذیشان جیند نے فلم لکھی ہے جبکہ پرڈیوس نیہا لاج نے کی ہے ۔
    یاد رہے کہ فلم چوہدری پاکستان کے معروف پولیس افسر محمد اسلم خان المعروف چوہدری اسلم کی زندگی پر فلم بنائی گئی ہے،اسے ڈائریکٹ عظم سجاد نے کیا ہے عظیم سجاد اس سے پہلے 8969 کے نام سے ایک پراسرارقتل کے موضوع پر ایک انتہائی کم بجٹ کی فلم بنا چکے ہیں ۔عظیم سجاد کہتے ہیں کہ چوہدری اسلم خان کی زندگی پر فلم بنانے سے قبل باقاعدہ کی اہلیہ سے اجازت حاصل کی گئی ہے اس حوالے سے تمام قانونی تقاضے پورے کئے گئے ہیں اس کے بعد ہی اسکی شوٹنگ شروع کی گئی تھی۔ ماڈل زارا عابد جنہوں نے اس فلم سے اپنے کیرئیر کا آغاز کیا تھا انہیں کیا پتہ تھا کہ جب یہ فلم ریلز ہو گی وہ اسے دیکھ نہ سکیں گی، زارا کے پرستار بھی ان کو بڑے پردے پردیکھ کی ان کی یادیں تازہ کر سکیں گے۔دوسری طرف شمعون عباسی کافی عرصے کے بعد بڑے پردے پر نظر آرہے ہیں۔

  • فٹبال عالمی ورلڈکپ 2026 کے لیے میزبان شہروں کا اعلان

    فٹبال عالمی ورلڈکپ 2026 کے لیے میزبان شہروں کا اعلان

    نیویارک :فٹبال عالمی ورلڈکپ 2026 کے لیے میزبان شہروں کا اعلان ،اطلاعات کے مطابق فٹبال کی عالمی تنظیم فیفا نے ورلڈکپ 2026 کے لیے میزبان شہروں کا اعلان کردیا ہے۔

    اطلاعات کے مطابق فیفا ورلڈکپ 2026 کی میزبانی مشترکہ طور پر امریکہ، کینیڈا اور میکسیکو کے سپرد کی گئی ہے جبکہ تینوں ممالک کے 16 شہروں میں ٹورنامنٹ منعقد کروایا جائے گا۔

    فٹبال ورلڈکپ 2026 کے میچ امریکہ کے 11، میکسیکو کے 3 اور کینیڈا کے 2 شہروں میں ہوں گے۔ امریکہ کے لاس اینجلس، ہیوسٹن، نیویارک، نیو جرسی، میامی، اٹلانٹا، سیٹل، سان فرانسسکو، کانسز سٹی، ڈلاس، فلاڈیلفیا، کانسس سٹی، جبکہ میکسیکو کے میکسیکو سٹی، گواڈالاجارا، مونٹیری اور کینیڈا کے وینکوور اور ٹورنٹو شہر فٹبال میچ کے میزبان ملک قرار پائے ہیں۔

    ورلڈکپ 2026 میں یہ پہلا موقع ہوگا کہ ٹورنامنٹ میں موجودہ 32 ٹیموں کے فارمیٹ کے بجائے 48 ٹیمیں شامل ہوں گی، اس کے علاوہ پہلی بار ٹورنامنٹ تین میزبان ممالک میں منعقد کیا جائے گا۔

    واضح رہے کہ امریکہ 1994، میکسیکو 1970 اور 1986 میں فٹبال ورلڈکپ کی میزبانی کرچکے ہیں۔

    یاد رہے کہ چند دن پہلے اسی سلسلے میں ایک میچ ہوا جس میں جرمنی اور اٹلی کے درمیان فٹبال کا ایک دلچسپ مقابلہ کھیلا گیا۔ 70 ویں منٹ پر اٹلی نے ایک گول کرکے اپنے ارادے ظاہر کر دیئے اور اس نے اپنے حریف پر

  • نادیہ افگن کو اپنے ہی بیان کی کرنی پڑ گئی وضاحت

    نادیہ افگن کو اپنے ہی بیان کی کرنی پڑ گئی وضاحت

    اداکارہ نادیہ افگن جنہوں نے حال ہی میںایک انٹرویو دیا تھا اس میںانہوں نے کہا کہ ان کے پاس دو کتے ہیں اور ان کے اپنے بچے نہیں ہیں ساری دنیا کے بچے اپنے بچے ہی سمجھتی ہیں ان کے اس بیان سے ایسا لگاکہ جیسے ان کو بچے پسند نہیں ہیں ۔سوشل میڈیا پر نادیہ کے اس بیان کے حوالے سے کافی لے دے ہوئی ان کو تنقید کا نشانہ بنایا گیا کہا گیا کہ یہ کیسی عورت ہے کہ جس کو بچے نہیں پسند۔نادیہ افگن نے اپنے اوپر ہونے والی اتنی تنقید کے بعد انسٹاگرام پر لکھا ایک وضاحتی بیان اس میںانہوں نے کہا کہ میں نے سوچ رکھا تھا کہ کبھی اس پہ بات نہیں کروں گی لیکن کرنی پڑ رہی ہے اور

    افسوس ہواکہ عورتوں نے مجھ پہ سب سے زیادہ تنقید کی ہے ۔نادیہ نے بتایا کہ میں تین بار بے اولادی کا علاج کروا چکی ہوں اور دو بار اسقاط حمل سے گزر چکی ہوں میری ذہنی اور جسمانی صحت اس دوران کافی خراب رہی اور میں ڈپریشن کا بھی شکار رہی لیکن میرے شوہر نے میری بہت مدد کی اور انہوں نے میرا ہر طرح سے خیال رکھا۔ میں عموما اپنی کہی باتوں پر وضاحتیں نہیں دیتی لیکن میرے بارے میں غلط گمان کیا جا رہا تھا اس لئے مجھے یہ سب لکھنا پڑرہا ہے ۔انہوں نے یہ بھی لکھا کہ میں اور میرا شوہر چاہتے تھے کہ ہمارے بچے ہوں لیکن خدا کو ایسا منظو ر ہی نہیں تھا تو میں کیا کر سکتی تھی ۔نادیہ نے کہا کہ میرے مشکل وقت میں میرا شوہر میری ڈھال بن کر کھڑا رہا ۔