Author: +9251

اسلام آباد:پاکستان نے بھارت کی حکمراں جماعت بی جے پی کے دو سینئر عہدیداروں کی جانب سے حال ہی میں نبی کریمﷺ کی شان میں انتہائی توہین آمیز ریمارکس کی شدید مذمت کرتے ہوئے کہا ہے کہ اس سے نہ صرف پاکستانی عوام بلکہ دنیا بھر کے اربوں مسلمانوں کے جذبات مجروح ہوئے ہیں، پاکستان بھارت سے توہین آمیز ریمارکس اور حضورﷺ کی شان پر حملہ کرنے والے ذمہ داروں کے خلاف فیصلہ کن اور قابلِ عمل کارروائی کا مطالبہ کرتا ہے۔

اسلاموفوبیا قرارداد منظور ہونے پر بھارت کا شدید ردعمل

دفتر خارجہ کے ترجمان نے کہا ہے کہ بھارتیہ جنتاپارٹی کی جانب سے ان افراد کے خلاف وضاحت کی کوشش اور تاخیر سے و نیم دلانہ تادیبی کارروائی سے مسلم دنیا کو پہنچنے والے درد اور اضطراب کو دور نہیں کیا جا سکتا۔

ترجمان نے کہا کہ ہندوستان میں رہنے والے مسلمان بھی بی جے پی کے دو عہدیداروں کے مکمل طور پر نفرت انگیز بیانات سے جتنے ناراض ہیں اس حقیقت کی کانپور اور ہندوستان کے دیگر حصوں میں ہونے والے فرقہ وارانہ تشددسے عکاسی ہو رہی ہے۔

عاصم افتخار کا کہنا تھا کہ پاکستان کو ہندوستان میں مسلمانوں کے خلاف فرقہ وارانہ تشدد اور نفرت میں خطرناک حد تک اضافے پر بھی گہری تشویش ہے، ہندوستان میں مسلمانوں کو منظم طریقے سے بدنام کیا اور پسماندہ کیا جا رہا ہے، مسلمانوں کو ہندوستان کی مختلف ریاستوں میں سلامتی کی مشینری کی مکمل ملی بھگت اور حمایت کے ساتھ بنیاد پرست ہندو ہجوم کے منظم حملوں کا نشانہ بنایا جا رہا ہے۔

اسلامی ممالک کو اسلاموفوبیا کیخلاف مل کر کام کرنا ہوگا:صدرعارف علوی

ترجمان نے کہا کہ یہ بات انتہائی افسوسناک ہے کہ ہندوستانی ریاستی مشینری نے ملک بھر میں مقامی مسلمان کمیونٹیز کی مدد کے لیے اپیلوں سے اپنے آپ کوعلیحدہ رکھا ہے، وہ ریاستیں جہاں پر بی جے پی کی حکومتیں ہیں میں اقلیتوں کے حقوق کی مسلسل سنگین خلاف ورزیاں، ہندوستان کی مرکزی حکومت کی طرف سے مسلم مخالف قانون سازی اور مکمل استثنیٰ وبیشتر اوقات ریاستی سرپرستی میں مختلف ہندو انتہا پسندگروپوں کی طرف سے مسلمانوں کے خلاف حیلوں بہانوں سے تشدد کے واقعات ہو رہے ہیں جس سے اسلامو فوبیا اور انتہا پسندی کے بگڑتے ہوئے رجحان کی عکاسی ہورہی ہے، بی جے پی کی اعلیٰ قیادت کی خاموشی اس بات کا ایک اور ثبوت ہے کہ اقلیتوں بالخصوص مسلمانوں کو پسماندہ اور عفریت بنا کر پیش کرنے کے اپنے مذموم عزائم کو انجام دینے میں ان متعصب ہندوؤں کو ریاستی مشینری کی کھلی حمایت حاصل ہے۔

عالمی برادری کو اسلاموفوبیا کے تدارک کے لیے اقدام اٹھانا ہوں گے ، وزیر خارجہ

انہوں نے کہا کہ یہ بات قابل مذمت ہے کہ بھارت میں مسلمانوں کو ان کے جینے اور آزادی سے اپنے مذہب پر عمل کرنے کے حق سے محروم کرنا ایک معمول بن گیا ہے، یہ امر بھی افسوسناک ہے کہ انتہا پسند ہندوتوا ایجنڈے کے حامل بی جے پی، آر ایس ایس نے ہندوستانی مسلمانوں اور ان کی عبادت گاہوں کے خلاف بدنیتی سے بدنامی اور بے ہودہ تشدد کا سلسلہ جاری رکھا ہے، پاکستان بھارت سے توہین آمیز ریمارکس اور حضورؐ کی شان پر حملہ کرنے والے ذمہ داروں کے خلاف فیصلہ کن اور قابلِ عمل کارروائی کا مطالبہ کرتا ہے ۔

ترجمان نے کہا کہ بھارت کو اپنی اقلیتوں کو انسانی حقوق کی خلاف ورزیوں سے بچانے کے لیے فوری اقدامات کرنے چاہئیں، ان کی حفاظت، سلامتی اور بہبود کو یقینی بنانا چاہیے اور انہیں امن کے ساتھ اپنے عقائد کا دعوٰی کرنے اور ان پر عمل کرنے کی اجازت دینی چاہیے، پاکستان نے ایک بار پھر عالمی برادری سے بھارت میں اسلامو فوبیا کی سنگین صورت حال کا فوری نوٹس لینے کامطالبہ کیا ہے کہ ہندوستان کو اقلیتوں بالخصوص مسلمانوں کے اپنے عقیدے اور مذہبی عقائد پر عمل کرنے کے حقوق سلب کرنے کے لیے جوابدہ ہونا چاہیے۔

عالمی برادری کو چاہیے کہ وہ بھارت کو اس کی ہندو انتہا پسندانہ قابل مذمت مہم سے باز رکھے اور اس بات کو یقینی بنائے کہ مسلمانوں کو اکثریتی آبادی سے مختلف مذہبی عقائد رکھنے کا نشانہ نہ بنایا جائے۔ ترجمان نے کہاکہ دنیا کو ہندوستان میں ہندواتوا کے انتہاپسندانہ نظریات سے متاثرہ بی جے پی اورآرایس ایس کے ہاتھوں مسلمانوں کی ہونے والی نسل کشی سے بچانے کے لیے اپنی مداخلت کرنی چاہیے۔

لاہور: ملک ریاض نے سوشل میڈیا پر ان سے منسوب آڈیو کو جعلی قرار دے دیا۔اس حوالے سے ملک ریاض کا کہنا تھا کہ جدید ٹیکنالوجی ڈیپ فیک کے ہوتے ہوئے جعلی آڈیو بنانا کوئی حیران کن بات نہیں، سوشل میڈیا پر مجھ سے منسوب آڈیو اس ٹیکنالوجی کی پیدوار ہے۔

مریم نواز کی ایک اور آڈیو لیک

انہوں نے کہا کہ میں کسی سیاسی جماعت کی مہم میں شامل نہیں ہونا چاہتا، لیکن یہ حقیقت ہے کہ سیاسی فائدے کے لیے میری آواز کا غلط استعمال کیا گیا، مجھ پر پے در پے حملے کیے جاتے رہے، اب میرا خاندان بھی اس کی زد میں آگیا۔

سابق وزیر قانون فروغ نسیم سے منسوب آڈیو کی حقیقت سامنے آگئی

ان کا کہنا تھا کہ میں اس معاملے کے خلاف قانون چارہ جوئی کرنے کا ارادہ رکھتا ہوں، اس سازش کے پیچھے موجود لوگوں کا سراغ لگانے کے لیے ہر قانونی فورم سے رجوع کروں گا، جو بھی اس میں ملوث پایا گیا اس کو کیفر کردار تک پہنچایا جائے گا۔

ڈکیتی کی اطلاع دینے پر ایس ایچ او کی تاجر کے ساتھ بدتمیزی، آڈیو وائرل

یاد رہے کہ سوشل میڈیا پر ایک ہی ہفتے میں دوبار ملک ریاض کے‌حوالے دومرتبہ ایسے بیانات منسوب کیے گئے کہ انہوں نے ہلچل مچادی ، پہلا بیان عمران خان کی طرف سے ملک ریاض کے ذریعے زرداری تک رسائی اور عدم اعتماد کے حوالے سے پھیلایا گیا اور دوسرا عمران خان کی اہلیہ کے حوالے سے پچھلے کئی گھنٹوں سے وائرل ہے،

ملک ریاض نے ان دونوں بیانات کو جھوٹ قراردیا اور کہا کہ جو لوگ ان کے ساتھ بیانات منسوب کررہے ہیں ان کا حقیقت سے کوئی تعلق نہیں

کراچی: چیئرمین پیپلزپارٹی بلاول بھٹو سے وزیراعلیٰ سندھ مزاد علی شاہ اور وزرا نے ملاقات کی ہے، جس میں ایم کیو ایم کو بلدیاتی اداروں میں حصہ دینے سے متعلق گفتگو ہوئی۔ وزیراعلیٰ مرادعلی شاہ نے بلاول بھٹو کو سندھ کی مجموعی سیاسی صورتحال, صوبہ میں پانی کی کمی اور بدترین لوڈشیڈنگ کی صورتحال سے آگاہ کیا۔

عمران خان نہیں رہناچاہیے:باقی آپ کی تمام خواہشات پوری کردی جائیں گی:ایم کیوایم…

ذرائع کے مطابق بلاول بھٹو کی سربراہی میں ہونے والے پارٹی اجلاس میں صوبے میں بلدیاتی انتخابات کے انعقاد اور نئے بلدیاتی نظام سے متعلق تبادلہ خیال کیا گیا۔

ایم کیوایم کے لوگ نہیں جانتے پیپلزپارٹی نےسندھ میں ان کیساتھ کیا سلوک کیا؟ قریشی

اجلاس میں ایم کیو ایم کو بلدیاتی اداروں میں حصہ دینے سے متعلق بات چیت ہوئی، وزیراعلیٰ نے بلاول بھٹو کو ایم کیوایم کے نئے مطالبات سے آگاہ کیا، ذرائع کا کہنا ہے کہ ایم کیوایم نے کراچی، حیدرآباد کیساتھ 3 اضلاع کی ایڈمنسٹریٹر شپ مانگ لی ہے، ایم کیوایم نے کراچی کے سینٹرل، ویسٹ اور ایسٹ کے ایڈمنسٹریٹر کا مطالبہ کیا ہے۔

پی ٹی آئی کےساتھ کھڑے ہیں اور کھڑے رہیں گے:ایم کیوایم کااعلان،شہبازشریف کی خواہشات…

بلاول بھٹو نے وزیراعلیٰ کو ایم کیو ایم کے ساتھ ملاقات کرکے معاملات حل کرنے کی ہدایت کردی ہے، انہوں نے کہا کہ صوبے میں متوازن اور اچھا بلدیاتی نظام فوری طور پر لایا جائے۔ذرائع کا کہنا ہے کہ ایم کیوایم کیساتھ مذاکرات کا اہم دور پیر کو دن 11 بجے وزیراعلیٰ ہاؤس میں ہوگا۔

اسلام آباد:ایف اے ٹی ایف کے اجلاس سے پاکستان کو خوشخبری ملنے کا امکان، پاکستان نے ایف اے ٹی ایف کے تمام اہداف پورے کرلیے ، پاکستان کے فیٹف کی گرے لسٹ سے نکلنے کے امکانات روشن ہوگئے ہیں، دفتر خارجہ . دفتر خارجہ کے ذرائع کا کہنا ہے کہ پاکستان نے ایف اے ٹی ایف کے تمام اہداف پورے کرلیے ہیں، جس کے بعد پاکستان کے فیٹف کی گرے لسٹ سے نکلنے کے امکانات روشن ہوگئے ہیں .

دنیا میں ہرسال مہاجرین دس ارب ڈالرز کی منی لانڈرنگ کررہےہیں :ایف اے ٹی ایف کا…

نجی ٹی وی کی رپورٹ کے مطابق فنانشل ایکشن ٹاسک فورس (ایف اے ٹی ایف) کے اجلاس کیلئے متعلقہ امور کی نگرانی وزارت خارجہ کے سپرد کردی گئی ہے، جس کے بعد وزارت خارجہ نے اس حوالے سے محتاط حکمت عملی اپنانے کا فیصلہ کیا ہے . ایف اے ٹی ایف کے آئندہ اجلاس سے پاکستان کیلئے اچھی خبر سامنے آنے کا امکان ہے، پاکستان نے گرے لسٹ سے وائٹ لسٹ میں واپسی کے تمام اہداف پورے کرلیے ہیں .

ایف اے ٹی ایف کے آئندہ اجلاس میں گرے لسٹ سے نکل جائیں گے،وزیر خزانہ

سفارتی ذرائع کا کہنا ہے کہ فیٹف کا 4 روزہ اجلاس 13 سے 17 جون تک برلن میں ہوگا، جس میں پاکستان سے متعلقہ امور 15 اور 16 جون کو پلینری سیشن میں زیر غور آئینگے، اجلاس میں پاکستان کی نمائندگی کیلئے حنا ربانی کھر وفد کے ہمراہ برلن جائیں گی . خیال رہے کہ منی لانڈرنگ اور دہشت گردوں کی مالی معاونت کی روک تھام کے عالمی ادارے فنانشل ایکشن ٹاسک فورس (فیٹف) نے گزشتہ اجلاس میں پاکستان کو جون تک گرے لسٹ میں برقرار رکھنے کا فیصلہ کیا تھا، اجلاس میں پاکستان کو جون تک اہداف حاصل کرنے کا وقت دیا گیا ہے . ایف اے ٹی ایف کے مطابق 27 میں سے 26 نکات پر پاکستان نے کام کر لیا ہے .

بھار ت ایف اے ٹی ایف کو سیاسی مقاصد کیلئے استعمال کر رہا ہے شاہ محمود قریشی