Author: +9251

ہمارے ہاں بہت سارے ایسے فنکار ہیں جن کو ہمسایہ ملک بھارت والے خود بلا کر کام دیکرعزت بخشتے ہیں لیکن بہت سارے ایسے فنکار ہیں جو کام حاصل کرنے کے لئے بھارتی ڈائریکٹروں سے رابطے کرتے ہیں ۔اس لئے جب بھی کسی فنکار کا انٹرویو کیا جاتا ہے تو اس سے یہ سوال لازمی کیا جاتا ہے کہ آپ نے بالی وڈ میں جا کر کام کیوں نہیں کیا ایسا ہی سوال اداکار و میزبان احسن خان سے بھی انٹرویو کے دوران ہوا ۔ان سے پوچھا گیا کہ آپ نے بالی وڈ میں جا کر کام کیوں نہیں کیا آفر نہیں آئی یا آپ کی ترجیحات میں نہیں ہے بالی وڈ ۔تو احسن خان نے جواب دیا کہ مجھے بالی وڈ کی فلم آفر ہوئی تھی اس میں اکشے کمار بھی تھے چونکہ میری ان دنوں نئی نئی شادی ہوئی تھی اور ہنی مون پلان کر رکھا تھا اسلئے میں نے اس فلم کی آفر ٹھکرا دی اور ان سے معذرت کر لی ۔مجھے بہت سارے لوگوں نے اس وقت کہا کہ آپ غلطی کررہے ہیں آپ کو کم از کم بالی وڈ کی فلم نہیں چھوڑنی چاہیے اور ہنی مون کا پلان آگے لیجانا چاہیے تو میں نے سب سے کہا کہ

نہیں میں ایسا نہیں کر سکتا ۔ہاں لیکن میں نے یہ ضرور کیا کہ اپنے ساتھی اپنے بھائی دوست میکا ل ذوالفقار سے کہا کہ آپ یہ کردار کر لیں اور یہ کہہ کر میں ہنی مون پر چلا گیا جب واپس آیا تو مجھے میکا ل نے پوچھا کہ تم نے یہ فلم کیوں نہیں کی جس پر میں نے اسکو کہا کہ تم کرو یا میں بات ایک ہی ہے ۔
یاد رہے کہ احسن خان کاان دنوں ڈرامہ سیریل فراڈ چل رہا ہے اس میں احسن نیگیٹیو کردار ادا کر رہے ہیں ان کے ساتھ اس ڈرامے میں میکا ل ذوالفقار اور صبا قمر مرکزی کرداروں میں نظر آرہے ہیں اپنی منفرد کہانی کی وجہ سے یہ ڈرامہ شائقین کی وجہ کا مرکزبنا ہوا ہے ۔اس سے قبل بھی احسن نے ڈرامہ سیریل اڈاری میں نیگیٹیو کردار ادا کیا تھا اس کردارکو عوا م میں بہت پذیرائی ملی تھی ۔
۔۔۔۔۔۔۔۔۔۔۔

فواد خان کو ایک عرصے سے نہ چھوٹی اور نہ ہی بڑی سکرین پر نظر آرہے ہیں ان کی فلم مولا جٹ تنازعات کا شکار ہونے کی وجہ سے تاحال ریلیز نہیں ہو سکی ۔ان کے پرستار ان کو دیکھنے کے لئے بے چین ہیں ، لیکن اب لگتا ہے کہ اب یہ انتظار ختم ہونے کو جا رہا ہے کیونکہ خبریں ہیں کہ فواد خان ڈرامے میںکام کریں گے۔کہا جا رہا ہے کہ ڈرامہ سیریل ”جو بچے ہیں سمیٹ لو “ کے زریعے فواد خان ڈراموں میں واپسی کررہے ہیں اس کی کہانی فرحت اشتیاق نے لکھی ہے اور عائشہ عمر بھی اس میں نظر آئیں گی ،باقی کاسٹ میں کون کون ہو گا اور فواد خان کا کردار کیا ہو گا ڈائریکٹ کون کریگا اس کی تفصیلات ابھی آنا باقی ہیں ۔فواد خان پچھلے آٹھ نو سال سے چھوٹی سکرین سے غائب ہیں لیکن ان کے اب ڈرامے میں آنے کی خبروں نے ان کے پرستاروں کو خوش کر دیا ہے اگر ہم یہ کہیں کہ ان کے پرستاروں میں خوشی کی لہر دوڑ گئی ہے تو بے جا نہ ہوگا ۔

یاد رہے کہ فواد خان کا شمار ان اداکاروں میں ہوتا ہے جن کو نہ صرف پاکستان بلکہ ہمسایہ ملک بھارت میں بھی بہت زیادہ پسند کیا جاتا ہے ،کرن جوہر جیسے بڑے فلمسازوں کے ساتھ کام کرنے والے اس فنکار کو بھارتی وہ اداکارائیں پسند کرتی ہیں جن کے ساتھ کام کرنا یا ان کی ایک جھلک دیکھنے کو لوگ ترستے ہیں ۔ فواد خان کبھی کنٹرورسی میں نہیں گھرے وہ بولنے میں خاصی احتیاط کرتے ہیں ۔انہوں نے ماہرہ خان سے لیکر انوشکا شرما کے ساتھ کام کیا لیکن ان کا نام کسی اداکارہ کے ساتھ نہیں جڑا اس سے پتہ چلتا ہے کہ فواد خان صرف کام پر توجہ دیتے ہیں اور ایسی ہر چیز سے بچتے ہیں جس سے ان کا امیج خراب ہونے کا خدشہ ہو۔فواد خان کے کریڈٹ پر کافی ہٹ ڈرامے ہیں لیکن سرمد سلطان کھوسٹ کے ڈرامہ سریل ” ہمسفر“ نے انہیں شہرت کی بلندیوں پر پہنچا دیا انکو ہی نہیں ماہرہ خان کو بھی ایسی شہرت دی کہ جس کی صرف تمنا ہی کی جا سکتی ہے

ڈرامہ سیریل ” منٹو نہیں ہوں “ کا پوسٹر جا ری کیا گیا ہے اس پر اداکار ہمایوں سعید کی تصویر ہے پوسٹر دیکھ کر شائقین ڈرامے کے آن ائیر جانے کا شدت ست انتظار کرنے لگے ہیں ۔اے آروائی پر چلنے والے اس ڈرامے کی کاسٹ میں ہمایوں سعید کے علاوہ مہوش حیات اور مایا علی مرکزی کرداروں میں نظر آئیں گی ۔کہانی خلیل الرحمان قمر نے لکھی ہے جبکہ ہدایتکاری ندیم بیگ نے کی ہے ۔ کہانی ہمایوں سعید ،مہوش حیات اور مایا علی کے گرد گھومتی ہے ،ڈرامے میںایکشن ،رومینس اور جذبات دیکھنے کو ملیں گے ۔
یاد رہے کہ ہمایوں سعید کے ساتھ مہوش حیات کا ڈرامہ ”دل لگی“ جو کہ اے آر وائی پرپانچ سال پہلے چلا تھا نے دھوم مچا دی اس سال کا یہ سب سے بڑا ہٹ ڈرامہ قرار پایا تھا یوں ان دونوں کی جوڑی کو شائقین خاصا پسند کرتے ہیں اسی طرح سے ان کی فلم پنجاب نہیں جاﺅں گی اور جوانی پھر نہیں آنی نے بھی شائقین کے دل جیت لئے تھے دونوں فلموں نے باکس آفس پر اچھا بزنس کیا تھا.

مایا علی جنہوں نے علی ظفر کے ساتھ طیفا انٹربل میں کام کیا ان کی فلم بھی ہٹ ثابت ہوئی تھی اسی طرح سے انہوں نے ڈرامہ سیریل من مائل میں مرکزی کردار ادا کیا ۔یوں ان تینوں فنکاروں کو عوام بے ھد پسند کرتی ہے اب دیکھنا یہ ہے کہ تینوں کی جوڑی کیا رنگ لاتی ہے ۔ہمایوں سعید کا ڈرامہ ”میرے پاس تم ہو“ نے کامیابی کے سارے ریکارڈز توڑ دئےے تھے یہاں تک کہ ا س ڈرامے کی آخری قسط سینما میں دکھائی گئی تھی اس ڈرامے کے بعد اب ہمایوں سعید کسی ڈرامے میں نظر آنے جا رہے ہیں۔

سارا علی خان جو کہ آئیفا ایوارڈز کے لئے دبئی میں موجود تھیں وہاں ان سے بھول بھلیاں ٹو کی کامیابی کے حوالے سے سوال کیا گیا تو انہوں نے کہا کہ میں اس فلم کی سار ی ٹیم کو مبارکباد پیش کرتی ہوں اور ہر کسی کی فلم ہٹ ہونی چاہیے یہ چیزہماری بالی وڈ فلم انڈسٹری کے لئے بہت فائدہ مند ہوگی ۔وہاں موجود ایک صحافی نے جب کارتیک آریان کو مس کرنے کے ھوالے سے سوال کیا تو سارا علی خان نے حیرت انگیز ریسپانس دیتے ہوئے دوسرے کیمرے کی طرف دیکھا اور سب کا شکریہ اداکرتے ہوئے وہاں سے چلی گئیں ۔سارا علی خان کا اپنے دوست کارتیک آریان کے حوالے سے سوال کئے جانے پر اس طرح کے ریسپانس نے بہت سارے سوال اٹھا دئیے ہر کوئی سوچ میں پڑ گیا کہ سارا علی خان نے ایسا کیوں کیا؟ سب یہ سوچ رہے ہیں کہ کیا ان دونوں کے درمیان کیا چل رہا ہے کہ سارا علی خان نے صحافی کے سوال کو نظر انداز کرتے ہوئے آگے کی راہ لی ۔

یاد رہے کہ کارتیک آریان اور سارا علی خان امتیاز علی کی فلم ”لو آج کل “ میں نظر آئے تھے دونوں کی آن سکرین جوڑی کو بہت سراہا گیا تھا اور کہا جا رہا تھا کہ دونوں کے درمیان پروفیشنل تعلق سے بڑھ کر بھی کچھ ہے لیکن بعد میں ایسا کیا ہوا کہ یہ دونوں ایک دوسرے کے بارے میں سوال کئے جانے پر جواب نہ دیں ۔ کہا جا رہا ہے کہ دونوں نے انسٹاگرام پر ایک دوسرے کو انفالو بھی کر دیا ہے ۔
کارتیک آریان نے بھی آئیفا ایوارڈز میں شرکت کرنی تھی لیکن انہیں کورونا ہو گیا انہوں نے کورونا سے متاثر ہونے کی پوسٹ انسٹاگرام پرایک تصویر لگا کر اپنے مداحوں کے ساتھ شئیر کی اور لکھا کہ ” سب کچھ اتنا پوزیٹیو چل رہا تھا کہ کورونا سے رہا نہیں گیا“

اداکار ہ اُروا حسین جو آج کل ہمیں چھوٹی اور بڑی سکرین پر دکھائی نہیں دے رہی انہوں نے حال ہی میںایک پوسٹ شئیر کی اور اس میںلکھا کہ میں آج شکر الحمد اللہ ایک بہتر جگہ پر ہو ں ،دو سال میں میں نے خود پر توجہ دی ہے اور اب یہ سلسلہ جاری ہے یعنی میں خود پر بہت زیادہ توجہ دے رہی ہوں یہ توجہ صرف میرے بہتر انسان بننے کے لئے نہیں ہے بلکہ میرے اردگرد کے لوگوں کے لئے بھی ہے ۔
یاد رہے کہ اُرواحسین اور فرحان سعید نے محبت کی شادی کی تھی اور یہ شادی بہت کم عرصہ چلی دونوں کے درمیان پہلے اختلافات کی خبریں سامنے آئیں اور پھر ان کی علیحدگی کی خبریں آتی رہیں دونوں طرف سے کوئی تصدیق تو نہیں کیا جا رہی تھی لیکن اب یہ بات کنفرم ہو چکی ہے کہ اُرواحسین اور فرحان سعید کی علیحدگی ہو چکی ہے دونوں اپنے اپنے راستے چل رہے ہیں ۔

گزشتہ دنوں فرحان اور اروا حسین ایک تقریب میں دیکھے گئے حالانکہ دونوں الگ الگ اس تقریب میںآئے تھے اور ایکدوسرے سے بات چیت بھی نہیں کی تھی لیکن یہ اندازہ لگایا جا رہا تھا کہ دونوں کی ایک ہی تقریب میںموجودگی شاید اس بات کو ظاہر کررہی ہے کہ شاید دونوں نے علیحدگی کا فیصلہ بدل لیا ہے لیکن ایسا کچھ بھی نہیںتھا ۔ دونوں کے درمیان علیحدگی کی مختلف وجوہات بتائی جا رہی ہیں چونکہ دونوں نے ابھی تک اس معاملے پر کھل کر بات نہیں کی اس لئے کچھ بھی سنا سنایا کہنا مناسب نہیںہو گا ۔اِن دونوں کی فلم ” ٹچ بٹن“ ابھی ریلیز نہیں ہوئی دونوں کا یہ پراجیکٹ ریلیز کے حوالے سے تاحال تاخیر کا شکارہے۔ فلم کے بارے میں دونوں کا دعوی تو یہی تھا کہ یہ فلم باقی فلموں سے ہٹ کر ہو گی

شکیرا اور جیرارڈ کے درمیان علیحدگی ہو چکی ہے دونوں کی پی اار ایجنسی نے ایک مشترکہ بیان جاری کرتے ہوئے اس علیحدگی کی تصدیق کی ہے اور کہا ہے کہ ہمیں یہ بتاتے ہوئے پشیمانی ہو رہی ہے کہ ہم آج علیحدہ ہو رہے ہیں لیکن ہمارے بچے ہماری اولین ترجیح ہوں گے ان کی دیکھ بھال ان کی فلاح و بہبود ہم دونوں کی ذمہ داری ہے جسکو ہم اس رشتے کے ختم ہوجانے کے بعد بھی نبھائیں گے ۔اس بیان میں یہ بھی کہا کہ ہم دونوں اپنے مداحوں سے درخواست کرتے ہیں کہ ہماری پرائیویسی کا احترام کیا جائے ۔شکیرا اور جیرارڈ دونوں باراں برس پہلے شادی کے بندھن میں بندھے تھے ان کے دو بچے ہیں دونوں کی ملاقات فیفا ورلڈ کپ کے دوران جنوبی افریقہ میں 2010میں ہوئی تھی،اس ٹورنامنٹ میں شکیرا نے تھیم سانگ ”واکا واکا“ گایا تھا اس گانے نے دنیا بھر میں مقبولیت حاصل کی تھی آج تک اس گانے کا ریکارڈ نہیں ٹوٹ سکا ۔ اس تقریب میں ان کی ہوئی ملاقات کے بعد ان کے درمیان دوستیاں بڑھتے بڑھتے بات شادی کے تعلق پر آکر ٹھہری ۔کہا جا رہا ہے کہ شکیرا کوان کے شوہر جیرارڈ نے دھوکہ دیا جس کی وجہ سے انہوں نے ان سے علیحدگی کا فیصلہ کیا ۔

میڈیا رپورٹس میں بتایا جارہا ہے کہ گزشتہ ماہ کے اواخر میں اپیل مسترد ہونے کے بعد شکیرا کو اس وقت اسپین میں مبینہ ٹیکس فراڈ کا سامنا ہے۔پراسیکیوٹرز کا دعویٰ ہے کہ کولمبیئن گلوکارہ پر 2012 سے 2014 کے درمیان اپنی آمدن پر ایک کروڑ 45 لاکھ یورو ٹیکس واجب الادا ہیں۔ دوسری جانب شکیرا کی قانونی ٹیم کا کہنا ہے کہ وہ اس کیس میں ٹھوس قانونی دلائل کے ساتھ دفاع جاری رکھیں گے۔ان جنوبی افریقہ میں ہوئی تھی۔کولمبیئن گلوکارہ نے ٹورنامنٹ کا تھیم سانگ ’واکا واکا‘ گایا تھا، جس نے مقبولیت کے تمام ریکارڈ توڑ دیے تھے۔

اداکارہ ثناءجاوید اور فیروز خان دونوں کی آن سکرین جوڑی کو شائقین بے حد پسند کرتے ہیں ،اب دونوں ایک بار پھر ایک ساتھ ”اے مشت خاکمیں“ میں دکھائی دیں گے ۔یہ دونوں جب بھی ایک ساتھ سکرین پر آتے ہیں تو شائقین ان کے سحر میں مبتلا ہوجاتے ہیں اس بار بھی کچھ ایساہی ہونے والا ہے ۔ڈرامے کی دیگر کاسٹ میں اسد صدیقی، شبیرجان، عفت عمر، شہود علوی، دانیال افضل خان، حرا عمر اور دیگرشامل ہیں ۔اسد قریشی اور عبداللہ کادوانی کے اس ڈرامے کی کہانی دو مختلف سوچ رکھنے والے لوگوں کے گرد گھومتی ہے جو زندگی اور معاملات زندگی کو مختلف زاویوں سے دیکھتے ہیں ۔اس ڈرامے میں فیروز خان ایک ایسے لڑکے کا کردار کررہے ہیں جو قسمت پر کم بھروسہ رکھتا ہے اور ثناءجاوید کا کردار قسمت پر مکمل یقین رکھنے والی لڑکی کا ہے۔ڈرامے کے ڈائریکٹر احسن طالش ہیں جبکہ لکھاری ماہا ملک ہیں ۔ڈرامے کا پلاٹ تو زبردست لگ رہا ہے اب دیکھنا یہ ہے کہ دونوں کی جوڑی اس بار کیا رنگ لاتی ہے۔
یاد رہے کہ ثناءجاوید اور فیروز خان اس سے قبل ڈرامہ سیریل ” خانی “ میںایکساتھ نظر آئے تھے پیار محبت کے جذبات پر مبنی اس کہانی میں دونوں کی جوڑی کو بے حد سراہا گیا تھا

نوے کی دہائی کی خوبصورت اور سمارٹ اداکار جنہوں نے حال ہی میں ایک انٹرویو دیا ہے اس میں انہوں نے کچھ ایسی باتیں کیں جو شاید پہلے کبھی نہ کی ہوں ۔انہوں نے بتایا کہ ان کے گھر کو چلانے کی ذمہ داری ان پر تھی گھر کا کرایہ معاملات زندگی چلانے کےلئے ان کو شوبز انڈسٹری کا حصہ بننا پڑا اور جب شوبز میں آئی تو یہاں ان کا کوئی جاننے والا نہ تھا نہ ہی کبھی خاندان کے کسی فرد نے دور دور تک فلموں میں کام کیا تھا ۔پیچھے مڑ کر دیکھتی تھیں تو گھریلو ذمہ داریاں دل پریشان کر دیتی تھیں اس لئے سونالی نے سوچا کہ جیسے بھی کردار ملیں گے بس کرنے ہیں لہذا وہ ایسا ہی کرتی گئیں ۔سونالی بتاتی ہیں کہ کیرئیرکے شروع میں ایسی فلموں میں کام کیا جن کو شاید بعد میں ،میں نے خود بھی نہیں دیکھا ،بلکہ ایسا بھی ہوا کہ مجھے ایسے کردار دئیے جاتے جن کے بغیر بھی کہانی چل سکتی تھی لیکن میں کرتی گئی ۔سونالی بتاتی ہیں کہ مجھے ایسے کردار کرنا بہت عجیب لگتا تھا لیکن ضروریات کے منہ کھلے دیکھ کر خاموش ہوجاتی تھی۔سونالی نے اس انٹرویو میں اپنی کسی فلم کا نام نہیں بتایا لیکن یہ ضرور کہا کہ میں نے بہت بری فلموں میں بھی کام کیا ایسی فلمیں جن کو نہ بعد میں دیکھا اور جن کو جب شوٹ کررہی تھی تب بھی برا سمجھتی تھی ۔

یاد رہے کہ سونالی باندے کا شمار نوے کی دہائی کی کامیاب ہیروئینز میںہوتا ہے انہوں اُس دور کے بڑے ہیروز کے ساتھ کام کیا ۔چند برس قبل سونالی کینسر جیسے موذی مرض مین مبتلا ہو گئیں تھیں انہوں نے اپنا علاج امریکہ سے کروایا اور اس مرض کو شکست دیکھ کر بھارت واپسی کی

5ویں ملٹی میڈیا ایوارڈز کی تقریب پنجاب انسٹی ٹیوٹ آف لینگویحز اینڈ آرٹ کلجر قڈافی سٹیڈیم لاہور میں آٹھ جون کو منعقد ہونے جا رہی ہے۔تقریب میں آرٹسٹ اور سیاستدان مسرت شاہین خصوصی شرکت کریں گی ۔جبکہ ہدایتکار الطاف حسین،حسن عسکری، خالد پرویز شیخ،جاوید رضا،آغا قیصر عباس، جرار رضوی،پلاک کی ڈی جی صغری ضد،عنایت گوندل و دیگر مہمان خصوصی کے طور پرشرکت کریں گے ۔

تقریب کی میزبانی کے فرائض اسلم سیماب اور نبیجہ انجام دیں گے۔جن جن کو ایوارڈ دجائیں گے ان میں فلم تیرے باجرے دی راکھی میں مصنف و ہدایتکار سید نور، صائمہ،نغمہ،فلمساز صفدر ملک سمیت ہدایتکار مسعود بٹ،حیدر سلطان، سیف علی خان، لیلی کو فلم گوگا لاہوریا،اداکار غلام محی الدین کو لائف ٹاہم اچیومنٹ ایوارڈ،سٹیج کے شعبہ میں مضنف ڈاکٹر اجمل ملک،دیدار ملتانی، گلزار شیخ،حامد رنگیلا،موسیقار ایم ارشد،گلوکارہ شبنم مجید،حمیرا ارشد،عارف لوہار ،مکی شاہ گجراتیہ،تنویر ضدیقی،راجہ مشتاق، ٹھاکر لاہوری ،نرمل شاہ کے نام قابل ذکر ہیں۔زارا نور،سیف علی خان،دلبر منیر،سار،حیدر راج ملتانی،مہک نور،گانوں پر پرفارم کریں گے

صائمہ نورجو کہ تقریبات میں کم حصہ لینے کے ساتھ، بہت کم بولتی اور کم انٹرویوز دیتی ہیں ۔انہوں نے حال ہی میں کہا ہے کہ میں نے اپنے کیرئیر میں کبھی کسی کے خلاف سازش نہیں کی نہ ہی کام کے دوران کوئی بد مذہگی کی ہے ۔مجھے شوبز انڈسٹری میں جتنی عزت ملی ہے اسکے بارے میں تو کبھی سوچا بھی نہیں تھا۔مداح آج تک عزت احترام سے ملتے ہیں ۔مجھے لوگوں سے جتنی عزت ملی ہے اس کے لئے ان کی شکر گزار ہوں ۔صائمہ نور نے کہا کہ میں نے کبھی کسی کے ساتھ لڑائی جھگڑا نہیں کیا ۔ایک سوال کے جواب میں صائمہ نور بولیں کہ خلوص اور پیار محبت کے بغیر زندگی گزارنا مشکل ہی نہیں ناممکن ہے ان دونوں چیز وں کی کمی زندگی کو جہنم بنا دیتی ہے۔صائمہ نے اسی انٹرویو میں مزید کہا کہ فلموں میں کم نظر آنے کی وجہ یہ ہے کہ مجھے جب کوئی اچھا سکرپٹ سمجھ میںآتا ہے تو کر لیتی ہوں ابھی بھی مسلسل فلموں کی آفر ہورہی ہے لیکن اچھا سکرپٹ سمجھ میں آیا تو یقینا کروں گی ۔

یاد رہے کہ صائمہ نور نے فلموں کے ساتھ ساتھ ڈراموں میں بھی کام کیا ہے ،ڈرامہ سیریل ”ببن خالہ کی بیٹیاں “ میں انہوں نے مختصر سا کردار ادا کیا ان کو ڈراموں میں بھی بہت سراہا گیا ،صائمہ کام کے معاملے میں کافی سلیکٹیو ہیں تبہی کم کم نظر آتی ہیں۔صائمہ کی عید الفطر پر ”تیرے باجرےدی راکھی“ ریلیز ہوئی ہے ان کے مداح کافی برس کے بعد بڑی سکرین پر ان کو دیکھ کر خوش ہوئے