Baaghi TV

Author: +9251

  • نوجوان نسل ہمارا مستقبل ہیں ۔ جنرل محمد یوسف

    نوجوان نسل ہمارا مستقبل ہیں ۔ جنرل محمد یوسف

    نوجوان نسل ہمارا مستقبل ہے ۔ جنرل محمد یوسف

    باغی ٹی وی کی رپورٹ کے مطابق آئی جی ایف سی بلوچستان (نارتھ) میجر جنرل محمد یوسف کا کہنا ہے کہ نوجوان نسل ہمارا مستقبل ہے۔ بلوچستان کے نوجوانوں بشمول خواتین کو قومی دھارے میں لانے کیلئے اقدامات جاری رکھے گے۔

    مزید کہ فرنٹیئرکور بلوچستان (نارتھ) کی خواتین ریکروٹس کی پاسنگ آؤٹ پریڈ بھی ہوئی اور اس میں آئی جی ایف سی کی بطور مہمان خصوصی شرکت اور خطاب بھی کیا

    فرنٹیئرکور بلوچستان (نارتھ) کے زیرِ اہتمام لیڈی سولجرز کے دوسرے بیچ کی پاسنگ آوٹ پریڈ کا انعقاد سبی سکاوٹس میں کیا گیا۔ جس کے مہمان خصوصی انسپکٹر جنرل فرنٹیئر کور بلوچستان (نارتھ) میجر جنرل محمد یوسف مجوکہ تھے۔ پاس آؤٹ ہونے والی بیشتر لیڈی ریکروٹس کا تعلق بلوچستان سے ہے- ٹریننگ کورس کے دوران ریکروٹس کو ملٹری کی بنیادی تربیت دی گئی- اس میں فائرنگ، فزیکل فٹنس اور غیر روایتی جنگ کی تربیت پر خصوصی توجہ دی گئی۔

    مہمان خصوصی نے دوسرے بیچ کی لیڈی سولجرز کی پاسنگ آؤٹ پریڈ اور حلف برداری کی تقریب سے خطاب کرتے ہوئے پاس آؤٹ ہونے والی لیڈی ریکروٹس کو کامیابی سے ٹریننگ مکمل کرنے اور ایف سی میں شامل ہونے پر مبارکباد دی۔ انہوں نے لیڈی ریکروٹس کو مادر وطن کے دفاع کے لیے فخر، عزت اور وقار کے ساتھ خدمات انجام دینے کی تلقین کی۔ انہوں نے کہا کہ ایف سی  بلوچستان ایک منظم اور تمام جدید صلاحیتوں و پیشہ وارانہ مہارتوں سے لیس فورس ہے، قوم کو ایف سی کے جوانوں کی صلاحیتوں پر مکمل اعتماد و بھروسہ ہے کیونکہ ان کی تربیت ایک ایسے ادارے میں ہوئی ہے جہاں سے جوان کندن بن کر باہر نکلتے ہیں۔ قبل ازیں مہمان خصوصی  نے پریڈ کا معائنہ کیا اور انھیں سلامی پیش کی گئی اور ٹریننگ کے دوران بہترین خدمات سرانجام دینے والی ریکروٹس میں انعامات بھی تقسیم کئے۔ تقریب میں سیکٹر کمانڈر ایسٹ، ایف سی حکام سمیت قبائلی عمائدین اور سول سوسائٹی کے نمائندوں نے شرکت بھی کی۔

  • پاکستان میں سابق امریکی سفیر رچرڈ اولسن نے غیر قانونی لابنگ کے الزامات تسلیم کر لیے

    پاکستان میں سابق امریکی سفیر رچرڈ اولسن نے غیر قانونی لابنگ کے الزامات تسلیم کر لیے

    نیویارک:پاکستان اور متحدہ عرب امارات میں سابق امریکی سفیر رچرڈ اولسن نے گزشتہ روز 2017ء میں ٹرمپ وائٹ ہاؤس اور کانگریس پر اثر انداز ہونے کے لیے قطر کی جانب سے خفیہ لابنگ مہم کے سلسلے میں لگائے گئے وفاقی الزامات کا ایک پلی بارگین کے تحت اعتراف کر لیا ہے.رچرڈ. جی. اولسن، 34 سال تک بطور کیریئر فارن سروس آفیسر کام کرتے رہے.

     

    اب سازش کی ہے تو معیشت ٹھیک کرکے دکھائیں،عمران خان

    63 سالہ رچرڈ اولسن، صدر باراک اوبامہ کے دور میں 31 اکتوبر 2012ء تا 27 اکتوبر، 2015ء تک پاکستان میں امریکہ کے سفیر تعینات رہے. جبکہ 17 نومبر، 2015ء تا 17 نومبر، 2016ء ایک سال، انہوں نے صدر امریکہ کے نمائندہ خصوصی برائے پاکستان و افغانستان کام کیا. صدر جارج ڈبلیو بش کے دور میں بھی رچرڈ اولسن 2008ء تا 2011ء یو اے ای میں امریکی سفیر رہے.

    پاکستان کو عالمی سازش کے تحت خانہ جنگی کی طرف لے جایاجا رہا ہے،شیخ رشید

    انہوں نے 2015 سے 2016 تک افغانستان اور پاکستان کے لیے اوباما انتظامیہ کے خصوصی نمائندے کے طور پر خدمات سرانجام دیں. 1 سال کے اندر قطر کے لیے جھوٹ بولنے اور اخلاقی کاغذی کارروائی کے دوران اطلاعات چھپانے سمیت غیر قانونی لابنگ کرنے اور وفاقی ملازمت سے ریٹائر ہونے کے بعد قوانین کی خلاف ورزی کے الزامات کا اعتراف کیاہے.

     

     

    جولائی 2021 میں، ارب پتی تھامس جے بیرک، جونیئر، ٹرمپ کے دیرینہ دوست اور صدارتی افتتاحی کمیٹی کے چیئرمین، پر مجرمانہ طور پر انصاف میں رکاوٹ ڈالنے اور متحدہ عرب امارات کے غیر رجسٹرڈ ایجنٹ کے طور پر کام کرنے کا الزام لگایا گیا تھا۔

     

    امریکی محکمۂ انصاف کی کوشش ہے کہ دوسرے ممالک کی جانب سے امریکی پالیسی پرغیر قانونی طور پر اثر انداز ہونے کی کوششوں کو روکا جائے اور اس ہائی پروفائل کیس کو اسی مہم کے حصے کے طور پر دیکھا جا رہا ہے۔وفاقی پراسیکیوٹرز کے مطابق اولسن نے محکمۂ خارجہ میں کام کرتے ہوئے ریاست کیلی فورنیا سے تعلق رکھنے والے بزنس مین عماد زبیری کی جانب سے ملنے والے تحائف اور مالی مفادات کو بھی رپورٹ نہیں کیا تھا۔

     

     

    عماد زبیری اس وقت غیر قانونی طور پر سیاسی پارٹیوں کو رقوم فراہم کرنے اور اس سے غیر ممالک کو فائدہ دینے کے الزام میں 12 برس کی قید کی سزا کاٹ رہے ہیں۔اس سلسلے میں تبصرے کے لیے محکمۂ انصاف اور رچرڈ اولسن سے رابطہ کیا گیا لیکن ابھی تک ان کا جواب موصول نہیں ہوا۔

     

    حالات سے نمٹنے کیلیے الیکشن واحد حل،عمران کی شکل میں پاکستان کے ساتھ سازش…

    امریکی اخبار "واشنگٹن پوسٹ "کے مطابق واشنگٹن کی وفاقی عدالت میں گزشتہ روز درخواست سے قبل کی کارروائی میں، اولسن کے دفاعی وکلاء نے کہا کہ وہ بدعنوانی کے الزامات کو قبول کرتے ہیں. اور وہ وفاقی استغاثہ سے اتفاق کرتے ہیں. ان پر لگائے گئے ہر ایک جرم کی سزا 1سال تک قید ہے. رچرڈ اولسن کو رواں سال 13 ستمبر کو سزا سنائی جائے گی.

  • الیکسا تھرڈ ڈی کان لگانے والی پہلی خاتون :

    الیکسا تھرڈ ڈی کان لگانے والی پہلی خاتون :

    الیکسا تھرڈ ڈی کان لگانے والی پہلی خاتون:

    باغی ٹی وی :میکسکو سے تعلق رکھنے والی ایک خاتون جن کی عمر 20 سال کے لگ بھگ ہے اور ان کا نام الیکسا ہے انہوں نے پیدائشی طور پر کان کے نقص کے ساتھ جنم لیا تھا۔ان کے کان کا باہر والا حصہ بلکل بھی نہیں تھا ۔اب انہوں نے اپنے خلیوں سے بنا تھرڈ ڈی کان لگوایا ہے اور یہ دنیا کی پہلی خاتون ہیں جنہوں نے تھرڈ ڈی کان لگوایا ہے۔

    جیسا کہ ہم سب جانتے ہیں کہ سننا انسان کی بڑی ضرورتوں میں سے ایک ہے اس حوالے سے ڈاکٹروں نے امید دلائ ہے کہ یہ ٹرانسپلانٹ طب کی دنیا ’مائیکروٹیا‘ میں مبتلا افراد کے لیے علاج سامنے لاکر انقلاب برپا کر دے گا۔

    مائیکروٹیا ایک پیدائشی حالت ہوتی ہے جس میں ایک یا دونوں کانوں کے بیرونی حصے مکمل طور پر نہیں بنے ہوتے لیکن خیال رہے کہ یہ حالت سماعت کو بھی متاثر کر سکتی ہے۔

    ڈاکٹر ار نے پہلے الیکسا کا نامکمل جزوی کان سرجری کے ذریعے ہٹایا اور اس کو پھر الیکسا کے سالم کان کے تھری ڈی اسکین کے ساتھ تھری ڈی بائیو تھیراپیوٹکس بھیجا۔

    پھر وہاں پہنچنے پر خاتون کے کونڈروسائٹس، وہ خلیے جو کارٹیلیج بناتے ہیں۔ ٹشو سے علیحدہ ہو کر بعد میں ان اجزاء کے ساتھ مل کر اربوں خلیوں میں بدل چکے تھے ۔

    اور پھر یہ سارا عمل اسی طرح سے جاری رہا خاتون کو تھرڈ ڈی کان لگواتے ہوۓ بلکل بھی دکت کا سامنا نہیں کرنا پڑا۔اور یہ کام انتہائی احتیاط اور مکمل منصوبے سے کیا گیا۔ اس حوالے سے ڈاکٹر بونِیلا کا کہنا تھا کہ اگر سب چیزیں منصوبے کے مطابق کی جایئں تو یہ طب کی دنیا میں انقلاب برپا کردے گا ۔

    اس سب عمل میں وقت کا دورانیہ 10 منٹ سے کم کا تھا ۔

  • مارگلہ ہلزپرلگی آگ کوبجھانے کے لیے آرمی ہیلی کاپٹربھی مصروف خدمت

    مارگلہ ہلزپرلگی آگ کوبجھانے کے لیے آرمی ہیلی کاپٹربھی مصروف خدمت

    اسلام آباد:ملگلہ ہلز، اسلام آباد پر آگ بجھانے میں فوج سول انتظامیہ کی مدد کر رہی ہے۔ پاکستان آرمی ایوی ایشن کے دو ہیلی کاپٹر متاثرہ علاقے میں روانہ کیے گئے۔ ہیلی کاپٹروں نے آگ بجھانے کے لیے پانی لے کر جانے والی بالٹیاں استعمال کیں۔

    شانگلہ اور سوات کے پہاڑی سلسلوں میں آگ بھڑک اٹھی

    اطلاعات کےمطابق اسلام آباد کی مارگلہ ہلز میں بھڑک اٹھنے والی آگ پرمکمل طور پر قابو نہیں پایا جاسکا تاہم پہاڑیوں کے دوحصوں میں لگی آگ بجھا دی گئی ہے۔

    ادھر پاک فوج کے ترجمان ادارے کی طرف سے کہا گیا ہے کہ پاک فوج کے ہیلی کاپٹرآگ بھجانے میں مصروف ہیں

    آزاد کشمیر: میرپورمیں نامعلوم افراد نے جنگلات میں آگ لگادی،تربیلا ڈیم کے قریب…

    مارگلہ پہاڑیوں میں لگی آگ پر قابو پانے کے لیے ہیلی کاپٹر آپریشن جاری ہے، آپریشن میں  آرمی ہیلی کاپٹرزحصہ لے رہے ہیں جن کے ذریعے پہاڑیوں میں بدستور آگ لگی ہوئی ہے جسے بجھانے کے لیے کوششیں جاری ہیں۔

    تاہم اب صورتحال قابو میں ہے۔انہوں نے کہا کہ مارگلہ ہلز کے بیشتر حصے میں لگی آگ پرمکمل طورپرقابو پا لیا گیا ہے۔

    بلوچستان : شیرانی کے جنگلات میں لگی آگ پر قابو پا لیا گیا

    ذرائع کے مطابق اس پہاڑی سلسلے میں گزشتہ دو روز سے آگ لگی ہوئی ہے جواس قدرشدید ہے کہ مارگلہ ہلز کے تفریحی مقام دامن کوہ سے ہوتی ہوئی مونال کے قریب سڑک تک پہنچ گئی تھی جس کے بعد متعلقہ حکام نے فوج سے مدد کی اپیل کی۔

    اسلام آباد کی پہچان سمجھے جانے والے اس پہاڑی سلسلے میں آگ لگنے کی وجہ بظاہر گرمی کی شدت کو قرار دیا جاتا ہے لیکن بہت سے باخبر افراد اس کا الزام سی ڈی اے افسران پر لگاتے ہیں۔

  • ہمارے لیے نبی پاک (ص) کی محبت ہر چیز سے اہم ہے۔وزیر اعظم کا بھارتی جنتا پارٹی کو جواب

    ہمارے لیے نبی پاک (ص) کی محبت ہر چیز سے اہم ہے۔وزیر اعظم کا بھارتی جنتا پارٹی کو جواب

    ہمارے لیے نبی پاک (ص) کی محبت ہر چیز سے اہم ہے۔
    باغی ٹی وی کی رپورٹ کے مطابق  اسلام آباد میں  وزیراعظم شہباز شریف نے بی جے پی رہنما کی جانب سے رسول اللہ (ص) کی شان بدترین گستاخی کی شدید مذمت کرتے ہوئے کہتے ہیں کہ مودی کے دور حکومت میں بھارت میں مذہبی آزادی پامال ہورہی ہے جس پر دنیا کو فوری ایکشن لینا چاہیے۔انہوں نے مودی کے دور حکومت میں مسلمانوں پر ہونے والے ظلم کی بھی مذمت کی ۔

    وزیراعظم شہباز شریف نے بھارتیہ جنتا پارٹی کی مرکزی ترجمان نپور شرما کی جانب سے آقائے دو جہاں رسول خدا (صلی اللہ علیہ و آلہ وسلم) کی شان میں گستاخی پر شدید غم اور غصے کا اظہار کرتے ہوئے کہا کہ ہمارے پیارے نبی اکرم (ص) کی ذات پاک کے بارے میں بی جے پی راہنما کے بیان کی شدید مذمت کرتا ہوں۔ جس سے ہم سب مسلمانوں کے دل کو بہت تکلیف پہنچی ہے۔ ہمارے لئے نبی پاک ( ص)
    کی محبت سب سے اہم ہے۔

    اس حوالے سے انہوں نے سماجی رابطے کی ویب سائٹ ٹویٹر پر اپنے ٹوئٹ میں کہا کہ بارہا کہہ چکا ہوں کی مودی کے اقتدار میں مذہبی آزادیوں کو کچلا اور مسلمانوں کو انتقام کا نشانہ بنایا جا رہا ہے، دنیا نوٹس لیتے ہوئے ان اقدامات پر بھارت کی سرزنش کرے۔

    مزید یہ کہ وزیراعظم نے واضح کیا کہ ہمارے پیارے نبی (ص) کے لئے ہماری محبت ہر چیز سے بہت اہم ہے اور آقا کریم (ص) کی محبت اور ان کی ناموس کے لئے ہر مسلمان اپنی جان قربان کرنے کو تیار ہے ۔
    مزید یہ کہ بھارتیہ جنتا پارٹی کی مرکزی ترجمان نپور شرما کی جانب سے آقا کریم (ص) کی شان میں گستاخی کی گئی تھی اس پر وزیر اعظم نے غم اور غصے کا اظہار کیا
    ۔پور شرما  رہنما کو عہدے سے برطرف کرکے پارٹی رکنیت معطل کردی ہے۔
    پور شرما  رہنما کو عہدے سے برطرف کرکے پارٹی رکنیت معطل کردی

  • شمالی وزیرستان:پاک فوج کی دہشت گردوں کے خلاف کارروائی:7دہشت گرد ہلاک

    شمالی وزیرستان:پاک فوج کی دہشت گردوں کے خلاف کارروائی:7دہشت گرد ہلاک

    شمالی وزیرستان:میں دو الگ الگ آئی بی اوز میں 7 دہشت گرد مارے گئے۔اطلاعات کے مطابق شمالی وزیرستان:پاک فوج کی دہشت گردوں کے خلاف کارروائی:7دہشت گرد ہلاک ہوگئے ہیں

    پاک فوج کے ترجمان ادارے آئی ایس پی آر کے مطابق 5 جون 2022 کو سیکورٹی فورسز نے دہشت گردوں کی موجودگی کی اطلاع پر جانی خیل، ضلع بنوں اور ضلع شمالی وزیرستان کے حسن خیل میں انٹیلی جنس کی بنیاد پر آپریشن کیا۔

    سیکورٹی حکام کا کہنا ہے کہ شدید فائرنگ کے تبادلے میں 7 دہشت گرد مارے گئے۔ جانی خیل میں 5 دہشت گرد اور NWD میں 2 دہشت گرد مارے گئے۔ ہلاک دہشت گردوں سے اسلحہ اور گولہ بارود بھی برآمد ہوا ہے۔مارے گئے دہشت گرد سیکورٹی فورسز کے خلاف دہشت گردی کی کارروائیوں میں سرگرم رہے۔

    آئی ایس پی آر کا کہنا ہے کہ اس آپریشن کے بعد علاقے کے مقامی لوگوں نےدہشت گردوں کے‌خلاف سیکورٹی فورسز کی کارروائی کو سراہا اور علاقے سے دہشت گردی کی لعنت کے خاتمے کے لیے بھرپور تعاون کا اظہار کیا۔

  • لاہور بچے کو اغوا کرنے والا ملزم پولیس مقابلے میں ہلاک ۔

    لاہور بچے کو اغوا کرنے والا ملزم پولیس مقابلے میں ہلاک ۔

    لاہور بچے کو اغوا کرنے والا ملزم خود ہلاک۔

    باغی ٹی وی کی رپورٹ کے مطابق لاہور کے علاقے باٹا پور میں 10 کروڑ تاوان کے لیے پولیس مقابلے کے دوران بچے کو اغوا کرنے والا ملزم ہلاک ہو گیا۔

    اس حوالے سے ڈی ایس پی علی بٹ کا کہنا ہے کہ پولیس پارٹی بھسین گاؤں ملزم کو گرفتار کرنے پہنچی تھی۔ جب پولیس گاؤں گئی تو ساتھ ہی پولیس کو دیکھ کر ملزم گھبرا گیا اور اس ملزم نے فائرنگ شروع کر دی اس حوالے سے پولیس کا کہنا تھا کہ پہلے فائرنگ ملزم کی طرف سے پولیس پر کی گئی تھی۔ بعد میں پولیس نے جوابی فائرنگ کی اس طرح جوابی فائرنگ میں ملزم کا قتل ہوا۔

    مزید یہ کہ ملزمہ کی ساتھی خاتون اور مغوی بچے کی سوتیلی نانی مہوش کو گرفتار کر لیا گیا ۔ملزم نے چند روز قبل پانچ سال کے معصوم بچےجس کا نام عریض اس کو تاوان کے لیے اغوا کیا ۔پولیس کا کہنا ہے کہ ملزم کی لاش کو پوسٹ مارٹم کے لئے بھجوایا جا چکا ہے ۔

    خیال رہے کہ ملزمان نے 13 مئی کی شام کو سندر تھانے کی حدود میں واقع نجی سوسائٹی کے پارک سے بچے کو اغوا کیا تھا۔ اور 10 کروڑ روپے تاوان کا مطالبہ بھی کیا تھا۔اور بچے کے والد کی مدعیت میں اغوا برائے تاوان کا مقدمہ درج کیا گیا تھا ۔

  • عمران خان کو گرفتار کیا گیا تو شدید رد عمل آئے گا: شاہ محمود قریشی

    عمران خان کو گرفتار کیا گیا تو شدید رد عمل آئے گا: شاہ محمود قریشی

    اسلام آباد: تحریک انصاف کے نائب صدر شاہ محمود قریشی نے کہا ہے کہ تحریک انصاف کا کوئی ایم این اے راجہ پرویز اشرف کے سامنے پیش نہیں ہوگا، رانا ثناء اللہ کی دھمکیاں پوری قوم نے سنی ہیں۔

    اسلام آباد میںں میڈیا سے گفتگو کرتے ہوئے شاہ محمود قریشی نے کہا کہ رانا ثنا عمران خان کو گرفتار کرنے کا ارادہ رکھتے ہیں، اس سے بڑی سیاسی حماقت نہیں ہوسکتی۔ پی ٹی آئی کے رہنما عثمان ڈار نے کہا ہے کہ ملک میں آئین اور قانون کی حکمرانی ہے، پاکستان شریفستان نہیں، عمران خان کی گرفتاری پر رد عمل کے ذمہ دار رانا ثنا ہونگے۔

    منحرف ارکان ڈی سیٹ، پنجاب اسمبلی کی 20 نشستوں پر ضمنی انتخاب کا اعلان

    ادھر دوسری طرف اسلام آباد میں میڈیا سے گفتگو کرتے ہوئے عثمان ڈار نے کہا کہ میرے لیڈر عمران خان بنی گالا آچکے ہیں، ہم نہیں چاہتے کہ نہتے شہریوں کا خون بہایا جائے۔انہوں نے کہا کہ یہ لوگ اسلام آباد میں ماڈل ٹاؤن ٹو چاہتے تھے، موجودہ حکومت عالمی سازش کے تحت مسلط کی گئی۔

    پنجاب سے تحریک انصاف کے 25 ارکان ڈی سیٹ،الیکشن کمیشن کا فیصلہ آ گیا

    عثمان ڈار نے کہا کہ عام آدمی مہنگائی سے پس کر رہ گیا ہے، ملک میں مہنگائی کا طوفان آیا ہوا ہے، کورکمیٹی کےاجلاس میں آئندہ کالائحہ عمل دیں گے۔انہوں نے مزید کہا کہ عمران خان نےآئی ایم ایف کے دباؤ کے باوجود پٹرول کی قیمتیں نہیں بڑھائیں، عمران خان سستاپٹرول اورگندم لینےکیلئےروس گئےتھے۔

    پنجاب سے ڈی سیٹ پی ٹی آئی کے منحرف ارکان کا سپریم کورٹ میں اپیل کا فیصلہ

    پی ٹی آئی رہنما نے کہا کہ امپورٹڈ حکومت نامنظور، حقیقی آزادی کیلئے لڑیں گے،عمران خان کی جان کو ملک دشمنوں سےخطرہ ہے۔ان کا کہنا تھا کہ موجودہ حکمران نااہل ہیں، ملک نہیں چلاسکتے، 8 ہفتے میں ملک کادیوالیہ کردیا، مہنگائی بڑھ گئی ہے۔انہوں نے کہا کہ پی ٹی آئی کور کمیٹی باورکرانا چاہتی ہے کہ شدید رد عمل آئے گا، کسی کا خیال ہے کہ کارکن اسے برداشت کریں گے تو یہ غلط فہمی ہے۔

    پی ٹی آئی کے نائب صدر نے کہا کہ گرفتاری کی اطلاع ملے تو کارکن فوری ردعمل دیں، آپ کو کوئی واٹس ایپ اور ٹیلی فون نہیں آئے گا۔

  • پی ٹی آئی کے ڈی سیٹ رکن اسمبلی نذیر چوہان کو ن لیگ نے ٹکٹ دے دیا

    پی ٹی آئی کے ڈی سیٹ رکن اسمبلی نذیر چوہان کو ن لیگ نے ٹکٹ دے دیا

    لاہور: پی ٹی آئی کے ڈی سیٹ رکن اسمبلی نذیر چوہان کو ن لیگ نے ٹکٹ دے دیا ،اطلاعات کے مطابق پنجاب اسمبلی کے ضمنی انتخابات میں تحریک انصاف کے ڈی سیٹ ہونے والے رکن اسمبلی نذیر چوہان کو مسلم لیگ (ن) نے ٹکٹ جاری کردیا۔

    منحرف ارکان ڈی سیٹ، پنجاب اسمبلی کی 20 نشستوں پر ضمنی انتخاب کا اعلان

    پنجاب میں صوبائی اسمبلی کی 20 نشستوں پر ہونے والے ضمنی انتخابات کیلئے امیدواروں نےکاغذات نامزدگی جمع کرانا شروع کردیے۔لاہور میں پنجاب اسمبلی کے حلقے پی پی 167 سے ڈی سیٹ ہونے والے پی ٹی آئی کے رکن اسمبلی نذیر چوہان کو مسلم لیگ (ن) نے ٹکٹ جاری کردیا۔نذیر چوہان نے پی پی 167 پر ضمنی انتخاب میں کاغذات نامزدگی جمع کرائے ہیں۔ مسلم لیگ (ن) کی رکن قومی اسمبلی شائستہ پرویز ملک اور علی پرویز ملک بھی ان کے ہمراہ تھے۔

    پنجاب سے ڈی سیٹ پی ٹی آئی کے منحرف ارکان کا سپریم کورٹ میں اپیل کا فیصلہ

    کاغذات نامزدگی جمع کرانے کے بعد میڈیا سے گفتگو میں نذیر چوہان کا کہنا تھا کہ ٹکٹ دینے پر مسلم لیگ ن کا مشکور ہوں، ہم نے ضمیر کی آواز پر لبیک کہتے ہوئے عمران خان کو چھوڑا۔ان کا کہنا تھا کہ عمران خان نے ملک کو تباہی کے دہانے پرلاکر کھڑا کردیا تھا، میرے حلقے میں اب پی ٹی آئی کا نام لینے والا کوئی نہیں، ہم ملک کیلئے سیاست کرتے ہیں، عمران خان نے ملک توڑنے کی سیاست کی۔نذیر چوہان کا کہنا تھاکہ نواز شریف اور شہباز شریف کے خلاف عمران خان ایک پائی کی کرپشن ثابت نہیں کرسکے۔

    پنجاب سے تحریک انصاف کے 25 ارکان ڈی سیٹ،الیکشن کمیشن کا فیصلہ آ گیا

    خیال رہے کہ 20 مئی کو الیکشن کمیشن نے پنجاب اسمبلی میں حمزہ شہباز کو وزیراعلیٰ کا ووٹ دینے والے تحریک انصاف کے 25 منحرف ارکان کو ڈی سیٹ کردیا تھا۔ڈی سیٹ کیے جانے والے 20 ارکان کی نشستوں پر 17 جولائی کو ضمنی انتخابات ہوں گے۔

  • پاکستانی نہ پہلے ڈیفالٹ ہوئے اور نہ اب ہوں گے:گورنر اسٹیٹ بینک

    پاکستانی نہ پہلے ڈیفالٹ ہوئے اور نہ اب ہوں گے:گورنر اسٹیٹ بینک

    اسلام آباد:قائم مقام گورنر اسٹیٹ بینک ڈاکٹر مرتضیٰ سید کا کہنا ہے کہ پاکستانی نہ پہلے کبھی ڈیفالٹ ہوئے اور نہ ہی ڈیفالٹ ہوں گے۔اسٹیٹ بینک آف پاکستان کے قائم مقام گورنر ڈاکٹر مرتضیٰ سید کا ملک کی موجودہ معاشی صورت حال پر گفتگو کرتے ہوئے کہنا تھا کہ پاکستان سری لنکا نہیں اور نہ ہی حالات اس جیسے ہیں۔قائم مقام گورنر اسٹیٹ بینک نے کہا کہ پاکستان سری لنکا نہیں اور نہ ہی حالات اس جیسے ہیں، درحقیقت گذشتہ 2 برسوں میں 6 فیصد جی ڈی پی کی شرح نمو پوری دنیا کے لیے حیرت انگیز دھچکا ہے۔

     

    کرنسی نوٹ فوراً تبدیل کروا لیں،اسٹیٹ بینک آف پاکستان کا اہم بیان جاری

    انہوں نے کہا کہ اس میں کوئی شک نہیں کہ معیشت کو چیلنجز کا سامنا ہے اور کورونا کے بعد اشیاء کی بلند قیمتوں کی وجہ سے بہت سے ممالک کی معیشتیں مشکلات کا شکار ہیں۔ان کا کہنا تھا کہ سری لنکا ان میں سے ایک ہے لیکن انہوں نے مناسب انتظام نہیں کیا اور کچھ غلط یا دیر سے فیصلے لیے جس سے ملک کے لیے مسائل پیدا ہوئے۔

    اسٹیٹ بینک آف پاکستان نےہفتے کی چھٹی بحال کردی ہے۔

    قائم مقام گورنراسٹیٹ بینک نے کہاکہ پاکستان سری لنکا نہیں ہے کیونکہ وہ کورونا سے بری طرح متاثر ہوا جبکہ سیاحت سے ان کی آمدنی ختم ہوگئی۔

    حکومت کا گورنر اسٹیٹ بینک رضا باقر کو مزید توسیع نہ دینے کا فیصلہ

    ڈاکٹر مرتضیٰ سید کا کہنا تھا کہ ان کی سیاحت پر مبنی معیشت چیلنجز کا مقابلہ کرنے میں ناکام رہی جبکہ 2 سال تک انہوں نے بجٹ خسارہ بڑھنے دیا جس سے ان کا کرنٹ اکاؤنٹ پر دباؤ آیا۔انہوں نے کہا کہ سال 2019 میں قرض جی ڈی پی کا 79 فیصد جبکہ 2022 میں 71 فیصد ہے، 2019 میں ذخائر 6 بلین جبکہ فی الوقت 10 بلین ہیں۔انہوں نے مزید کہا کہ کورونا کے باوجود شرح نمو 6 فیصد ہے جو دنیا بھر میں ایک حیران کن اچیومنٹ ہے، گذشتہ حکومت اپنے تمام اہداف میں بہت سنجیدہ اور فکرمند تھی۔