Author: +9251

محکمہ سیاحت پنجاب نے عوام کی سہولت اورمختلف شہروں میں تاریخی، سیاحتی مقامات کی سیر کروانے کے لیے مزید 9 ڈبل ڈیکر بسیں چلانے کا فیصلہ کیا ہے۔

باغی ٹی وی کی رپورت کے مطابق محکمہ سیاحت کے پاس اس وقت پانچ ڈبل ڈیکر بسیں ہیں جن میں سے تین بسیں لاہور،ایک راولپنڈی اورایک بہاولپور میں چلائی جا رہی ہے۔ لاہور اور راولپنڈی میں ڈبل ڈیکر بسوں کی پذیرائی کے بعد مزید 9 بسیں چلانے کا فیصلہ کیا گیا۔

اس حوالے سے محکمہ سیاحت کے حکام نے سیکریٹری سیاحت احسان بھٹہ کو نئی بسوں اوران کے روٹس کے حوالے سے تفصیلی بریفنگ دی، ذرائع کے مطابق محکمے نے 9 ڈبل ڈیکراور 4 سگنل بسیں خریدی ہیں، سنگل بسیں آئندہ دو سے تین ماہ جبکہ ڈبل ڈیکر بسیں اکتوبر، نومبر تک محکمے کو مل جائیں گی۔

محکمہ سیاحت اس وقت لاہور میں مختلف روٹس پر تین ڈبل ڈیکر بسیں چلا رہا ہے جن میں سے ایک بس قذافی اسٹیڈیم سے روزانہ واہگہ بارڈر جاتی ہے، لاہور میں مزید تین ڈبل ڈیکر بسیں چلائی جائیں گے۔ راولپنڈی/اسلام آباد میں اس وقت ایک ڈبل ڈیکر بس ہے یہاں مزید ایک ڈبل ڈیکر اور ایک سنگل بس سروس شروع کی جائے گی، اسی طرح ملتان، بہاولپور، ڈی جی خان اور فیصل آباد میں بھی ڈبل ڈیکر بسیں چلائی جائیں گی۔

سیکریٹری احسان بھٹہ نے ٹی ڈی سی پی حکام کو ہدایت کی کہ جن شہروں میں ڈبل ڈیکربس سروس شروع کی جا رہی ہے وہاں بس کے روٹ کی مکمل رپورٹ تیار کی جائے۔ بس کے روٹ پر بجلی کے تاروں، درختوں، اوورہیڈبرج، فلائی اوورز کی تعداد اور ان کی اونچائی بھی نوٹ کی جائے.

ذرائع کے مطابق بہاولپور میں ڈبل ڈیکر بس خسارے میں جا رہی ہے تاہم لاہور اور راولپنڈی میں ڈبل ڈیکر بسیں محکمے کے ریونیو میں اضافہ کر رہی ہیں۔ ذرائع کے مطابق محکمہ سیاحت پنجاب نے چند ماہ قبل جنوبی پنجاب کے لیے سیاحتی ٹوور سروس شروع کی تھی تاہم اسے پذیرائی نہیں مل سکی ہے۔ اب راولپنڈی سے مری تک سنگل بس سروس شروع کی جائیگی جبکہ لاہور سے کرتارپور صاحب سمیت مختلف شہروں میں تاریخی اورسیاحتی مقامات کے لیے ہفتہ وار سیاحتی ٹوور شروع کیے جائیں گے۔

سیکریٹری سیاحت احسان بھٹہ کے مطابق لاہور میں مختلف سیاحتی، تاریخی مقامات پر سیاحوں کی سہولت کے لیے الیکٹرانک گاڑیاں چلائی جائیں گی۔ جو سیاحوں کو پارکنگ ایریا سے سیاحتی مقام تک لے کرجائیں گی۔

سینیٹر اعظم سواتی نے وزیراعظم، وزیر داخلہ ،آئی جی اسلام آباد، ڈی آئی جی اور اسلام آباد میں رینجرز کے سربراہ کیخلاف ایف آئی آر کے انراج کیلئے درخواست دے دی.درخواست ایس ایچ او تھانہ سیکرٹریٹ کو دی گئی. درخواست میں موقف اپنایا گیا ہے کہ رینجرز نے ان پرتشدد کیا اور اسلام آباد پولیس نے آنسو گیس کا استعمال کیا ،ربڑ کی گولیاں چلائی گئیں جس سے میری گاڑی کا نقصان ہوا .

اعظم سواتی نے کہا کہ میں ایک سینیٹر ہوں اور آئینی حق کے لیے ڈی چوک احتجاج کیلئے گیا تھا.تشدد اور آنسو گیس سے میری طبیعت خراب ہوئی جس پر پولی کلینک اہسپتال منتقل ہوا، پولی کلینک میں طبعی امداد دی گئی ،آنسو گیس کی وجہ سے اب سانس کی تکلیف ہے ،آئینی طریقہ کار کے مطابق میری درخواست پر ان کیخلاف ایف آئی آر ڈی جائے.

رہنما تحریک انصاف ڈاکٹر یاسمین راشد نے میڈیا سے گفتگو کرتے ہوئے کہا کہ اگر میڈیا کے کیمرے نہ لگے ہوتے تو شاید مار کٹائی قتل و غارت میں تبدیل کردیتے،ماڈل ٹاؤن میں نہتے لوگوں پر گولیاں مارنے والے لوگ بھی یہی تھے،ہمارے مشکل حالات میں میڈیا نے ہمارا ساتھ دیا،اللہ تعالیٰ نے ہمیں موقع دیا ہے کہ فاشسٹ اور امپورٹڈ حکومت کا چہرہ دکھایا.

انہوں نے کہا کہ 72 سالہ زندگی میں ایسی بربریت پہلے کبھی نہیں دیکھی،ڈی چوک میں 34 ہزار شیل فیملیز پر چلائے گئے،ہم نے دو دن سے کوشش کررہے تھے کہ شفیق اباد تھانے میں پرچہ درج کرائیں،جس طریقے سے ڈنڈے برسائے گئے وہ سب کے سامنے ہے،کونسے گلو بٹ تھے جو ہم پر ڈنڈے برسارہے تھے،ہماری کہیں شنوائی نہیں ہوئی الٹا ہمارے اوپر ایف آئی آر درج کی گئی.

یاسمین راشد نے کہا کہ مرد پولیس والا خواتین کو ہاتھ نہیں لگا سکتا لیکن یہ ہمیں کھینچتے رہے،ہماری ایم پی اے راشدہ کے گھرگھسے انہیں گھسیٹا،رانا ثناء اللہ جو قاتل ہے جس کے سر ماڈل ٹاؤن سانحہ بھی ہے، ان کا مزید کہنا تھا کہ وفاقی وزیر داخلہ رانا ثناء اللہ ہمارے سامنے آئیں تو ہم نے پکڑ نہ لیا تو کہنا،کسی بزرگ، کسی خاتون ،کسی بچے کا کوئی احساس نہیں ہوا،دس سال کی بچی کو منہ پرتھپڑ مارے گئے،فیصل شہید کی بیوی بتا رہی تھی کہ جائے نماز سے اسے کھینچا،ہم ممی ڈیڈی پارٹی نہیں ہیں ہم نے بتا دیا کہ ہم لڑنا جانتے ہیں،

انہوں نے کہا کہ مجھے افسوس ہوتا ہے کہ ملک ان لوگوں کے ہاتھوں میں ہے،مریم نواز کہتی ہے لوگوں کے بچوں کو مروا رہے ہیں،میری بیٹی میری بہن بھی میری گاڑی میں موجود تھیں،تمہاری آل اولاد اور بھائی لندن میں بیٹھے ہیں،سپریم کورٹ سے اپیل کرتی ہوں کہ ہم پر جو ظلم کیا گیا اس پر سووموٹو لیں،پولیس نے جو غنڈا گردی کی ،لوگوں کو مارا پیٹا، ہمارا ورکر پل سے نیچے پھینکا،

ہمارا لیڈر عمران خان ہے انہوں نے جرت مندانہ فیصلہ کیا،اگر واپسی کا فیصلہ نہ کرتے تو تصادم ہوتا،یہ پولیس بھی ہماری اپنی پولیس ہے .ہم اسمبلی میں تحریک استحقاق جمع کرائیں گی،عمران خان کا موقف اور بیانیہ بھی قبول ہوگیا ہے،یہ گھس پیٹیے اپنے آپ کو بچانے کے لیے نیب قوانین میں ترمیم کی،

مریم نے کہا تھا کہ میری لندن کیا پاکستان میں بھی کوئی جائیداد نہیں،اب ایک بلین کے اثاثے جو ظاہر کیے گئے وہ کہاں سے آئے،نیب کا چیئرمین اپنی مرضی کا لگانے جارہے ہیں،فواد حسن فواد جو خود نیب میں کیسز میں تھا اسے چیئرمین بنانا چاہتا ہے،اوورسیز پاکستانیوں نے ووٹ تحریک انصاف کو دینا تھا ان سے ان کا حق بھی ختم کردیا،ای وی ایم مشینوں پر الیکشن کو بھی ختم کردیا گیا،الیکٹرانک ووٹنگ پر تو ایک ووٹ پڑگیا تو بدلہ نہیں جاسکتا ،امریکہ بہادر کسی صورت برداشت نہیں کرے گا کہ پاکستان آزاد ملک ہو.پاکستان کی خارجہ پالیسی آزاد ہو اس لیے ان لوگوں کو لایا گیا.

پی ٹٰی آئی کی ایم پی اے زینب لودھی کا کہنا ہے کہ شرم کی بات ہے کہ زیادتی کرنے والے لوگ یہاں لوٹ کر باہر بھاگ جاتے ہیں،لانگ مارچ کے دوران جو کچھ بھی ہوا وہ شرمناک ہے، ڈاکٹر یاسمین راشد کی گاڑی پر جو ہوا سب نے دیکھا،ہماری ایم پی اے کو رات گئے ڈرایا دھمکایا گیا، جو لوگ گرفتار کیے ان میں خواتین، وکلاء بھی شامل ہیں،تحریک استحقاق ہم نے تیار کرلی ہے کل اسمبلی میں اسپیکر کو جمع کرائیں گے،آئی جی پنجاب کو ہم اسمبلی کے کٹہرے میں لاکر رہیں گے،آئی جی پنجاب اور چیف سیکرٹری کو بھی کیفر کردار تک پہنچائے گے.

پاکستان تحریک انصاف(پی ٹی آئی) کے رہنما شاہ محمود قریشی کا کہنا ہے کہ ہر ادارے کو پاکستان کے مفاد کے بارے میں سوچنا چاہیے اور ہٹ دھرمی کا مظاہرہ نہیں کرنا چاہیے۔

شاہ محمود قریشی نے پرویز الہٰی سے ملاقات کی اور سیاسی صورتحال پر تبادلہ خیال کیا .لاہور میں چوہدری پرویز الٰہی کے ہمراہ پریس کانفرنس کرتے ہوئے شاہ محمود قریشی کا کہنا تھا کہ کس قانون میں لکھا ہے کہ پرامن احتجاج نہیں کیا جا سکتا، اگر لوگ نہیں نکل رہے تھے تو کنٹینرز کیوں لگائے اور گرفتاریاں کیوں کی؟، اگر ہمارے ساتھ لوگ نہیں تھے تو شیلنگ کیوں کی گئی؟ سوال یہ ہے کہ ضد میں کون ہے؟

سابق وزیر خارجہ نے کہا کہ کس قانون میں لکھا ہے کہ پرامن احتجاج نہیں کیا جاسکتا، ہماری استدعا سن کرچیف جسٹس نےکہا کہ کنٹینرز ہٹائے جائیں، یہ غیرفطری اتحاد ہے، یہ عمران خان کو ہٹانے کے لیے اکٹھے ہوئے تھے۔ پی ٹی آئی رہنما کا مزید کہنا تھا کہ مجھ پر 6 مقدمات درج کیے گئے ہیں،میں نے کیا کیا ہے جو مجھ پر مقدمات درج کیے گئے ہیں، دباؤ ڈالنے اور ہراساں کرنے کے لیے مقدمات درج کیے جارہے ہیں۔

ان کا یہ بھی کہنا تھا کہ کل جنوبی پنجاب کے ایم پی ایز سے ملاقاتیں کروں گا، آج دوستوں سے مشاورت کے بعد پشاور جاؤں گا، ملاقاتوں کے بعد پیش رفت سے عمران خان کو آگاہ کروں گا۔

انہوں نے کہا کہ حمزہ شہباز آئینی طور پر وزیر اعلیٰ نہیں ہے، پنجاب میں ہمارے آئینی اور قانونی حق کو سلب کیا گیا، پنجاب کے ہر ضلعے میں کنٹینرز کھڑے کیے گئے اور لوگوں کو گرفتار کیا گیا، تحریک انصاف ڈٹ کر مقابلہ کرے گی، تاثر تھا کہ پی ٹی آئی ممی ڈیڈی پارٹی ہے، 25 مئی کوثابت ہوگیا کہ کارکن ہر رکاوٹ عبور کرنے کی طاقت رکھتے ہیں۔

شاہ محمود قریشی کا کہنا تھا کہ وقت دورنہیں اب اسمبلی میں ان کا ٹرائل ہوگا اور سزا بھی ہوگی۔ پی ٹی آئی رہنما نے کہا کہ ان 8 ہفتوں میں مہنگائی بڑھی ہے یا نہیں؟، حکومت انتخابات کی راہ میں رکاوٹ بنی ہوئی ہے، حکومت نے ملک کو ہیجان کی صورت حال میں مبتلا کردیا ہے۔

انہوں نی کہا کہ کے پی میں حکومت تھی آئینی حقوق سلب نہیں کئے جبکہ پنجاب میں حقوق سلب کیے ، پنجاب میں کریک ڈائون کرکے گرفتاریاں کی گئیں چھتیس ضلعوں میں ہزاروں کی تعداد میں گرفتاریاں کیں ،ملک کو بھنور سے نکالنے کا الیکشن ہی واحد راستہ ہے جس میں حکومت رکاوٹ بنی ہوئی ہے.

اس موقع پر پنجاب اسمبلی کے اسپیکر چوہدری پرویز الہٰی نے کہا کہ حمزہ شہباز کا الیکشن اور حلف برداری کچھ بھی صحیح نہیں، وہ بچہ ہے، پولیس اور چیف سیکرٹری کے کندھوں پر بیٹھ کر اقتدار میں آیا۔انہوں نے کہا کہ تشدد کے خلاف اسمبلی استحقاق ایکٹ کے تحت سب کو 4 چار ماہ سزا ہوگی، انہوں نے خواتین کے ساتھ بہت ظلم کی، ان کیساتھ وہ ہونی ہے جو کسی نے دیکھی نہیں، تمام تر تفصیلات میڈیا کے سامنے بھی لائیں گے، ان سب کی نوکریاں بھی جائیں گی۔

قبل ازیں پاکستان تحریک انصاف کے وائس چیئرمین و سابق وزیر خارجہ مخدوم شاہ محمود قریشی کے ساتھ سابق وزیر اعلیٰ پنجاب سردار عثمان بزدار اور سابق گورنر پنجاب عمر چیمہ کی لاہور میں ملاقات کی، ملاقات میں پنجاب میں نون لیگ غنڈہ گردی اور ملک میں بڑھتی ہوئی لاقانونیت سمیت مجموعی سیاسی صورتحال پر تبادلہ خیال کیا گیا.

شاہ محمود قریشی نے کہا کہ یپنجاب میں دھونس اور زبردستی کی بنیاد پر غیر آئینی وزیر اعلیٰ مسلط کیا گیا، حقیقی آزادی مارچ کے دوران حمزہ شہباز اور نون لیگ کی ایماء پر پنجاب پولیس کے گلو بٹوں نے جس طرح معصوم بچوں، عورتوں اور پر امن شہریوں پر بدترین تشدد کیا اس کی جتنی مذمت کی جائے کم ہے، پوری قوم اس امپورٹڈ حکومت کو مسترد کر چکی ہے، پٹرول اور بجلی کی قیمتوں میں ہوشربا اضافے نے مہنگائی کی چکی میں پستی ہوئی اس قوم کی کمر توڑ دی ہے، پاکستان تحریک انصاف، ان کے غیر آئینی اقدامات کے خلاف عدالت سے رجوع کر رہی ہے، ان کا حکومت میں آنے کا واحد مقصد،اپنے اور اپنے ساتھیوں کے خلاف زیر سماعت کرپشن کے کیسز کا خاتمہ ہے.