انٹربینک میں ڈالر کی قدر میں اضافے کا سلسلہ جاری ہے۔
گزشتہ روز بھی انٹربینک مارکیٹ میں ڈالر کی قدر میں مسلسل اضافہ ہوا اور ڈالر 200 روپے تک جا پہنچا جب کہ گزشتہ کاروباری ہفتے میں امریکی ڈالر 7 روپے 61 پیسے مہنگا ہوا اور 200 روپے 14 پیسے پر بند ہوا۔
آج کاروباری ہفتے کے پہلے روز کاروبار کے آغاز پر ڈالر کی قدر میں 6 پیسے اضافہ ہوا جس سے ڈالر 200 روپے 20 پیسے کا ہوگیا۔
انٹربینک میں کاروبار کے دوران ڈالر کی قدر میں مزید 80 پیسے اضافہ ہوا جس سے اب ڈالر 201 روپے پر ٹریڈ کررہا ہے۔
مانچسٹر سٹی نے ایسٹن ولا کو 3 لے مقابلے میں 2 گول سے شکست دیکر انگلش پریمیئر لیگ کا ٹائٹل نے اپنے نام کرلیا۔
اتوار کے روز لیگ کے آخری میچ میں ایسٹن ولا اور مانچسٹر سٹی اتحاد اسٹیڈیم میں آمنے سامنے آئے۔ میچ کے 37ویں منٹ میں ایسٹن ولا کے کیش نے گول کرکے ٹیم کو برتری دلائی جبکہ 69 منٹ میں کوٹینو نے گول کرکے سبقت دگنی کی تو مانچسٹر سٹی کے ٹائٹل جیتنے کی اُمیدیں ماند پڑنے لگیں۔
تاہم پھر پانچ منٹ میں کھیل کانقشہ بدل گیا، گن ڈوگین نے 76ویں، روڈری نے 78 ویں اور 81 ویں منٹ میں گن ڈوگن نے اپنا دوسرا گول کرکے ٹیم کو سبقت دلادی جو آخری وقت تک قائم رہی۔یوں مانچسٹر سٹی نے پچھلے پانچ سیزن میں چوتھی بار ٹائٹل اپنے نام کرلیا۔
مانچسٹر سٹی کے پوائنٹس کی مجموعی تعداد 93رہی جبکہ 92 پوائنٹس کے ساتھ لیورپول دوسرے نمبر پر رہی جس نے اپنے آخری میچ میں وولوز کو تین ایک سے ہرایا۔
پاکستان کرکٹ ٹیم کے دائیں ہاتھ کے بیٹر اظہر علی نے انگلینڈ میں ہونے والی کاؤنٹی چیمپئن شپ میں ڈبل سنچری اسکور کردی۔
اظہرعلی رواں کاؤنٹی چیمپئن شپ میں ڈبل سنچری اسکور کرنے والے دوسرے پاکستانی بن گئے۔اس سے قبل شان مسعودکاؤنٹی چیمپئن شپ میں ڈربی شائر کی نمائندگی کرتے ہوئے دو ڈبل سنچریاں اسکور کر چکے ہیں۔
اظہرعلی نے جمعے کے روز ورسسٹرشائر کاؤنٹی کی نمائندگی کرتے ہوئے لیسٹر شائر کے خلاف 328 گیندوں پر ڈبل سنچری اسکور کی۔ ان کی اننگز میں 17 چوکے اور ایک چھکا شامل ہیں۔
واضح رہے کہ اظہرعلی کی یہ کاؤنٹی کیریئر میں پہلی ڈبل سنچری ہے۔دائیں ہاتھ کے بیٹر دن کے اختتام پر 202 رنز بناکر ناٹ آؤٹ ہیں۔
لاہور:عمران خان ڈر گئے ۔۔؟؟ || لانگ مارچ کا مستقبل کیا ہوگا اس حوالے سے تجزیہ کرتے ہوئے سینیئرصحافی مبشرلقمان نے کہا ہے کہ وہ پچھلے کئی دنوں سے اس ملک میں صورت حال کو بڑی تیزی سے بدلتا ہوا دیکھ رہے ہیں،مبشرلقمان نے سابق وزیراعظم عمران خان کی طرف سے لانگ مارچ کے حوالے سے کچھ حقائق بیان کیے تو کچھ خدشات
مبشرلقمان کہتے ہیں کہ آج عمران خان نے لانگ مارچ کا اعلان کرکے ملک میں ایک بے چینی کی کفیت پیدا کردی ہے، ان کایہ بھی کہنا تھا کہ عمران خان یہ سمجھتے ہیں کہ اس لانگ مارچ سے وہ اپنے مطالبات منوا لیں گے تو شاید یہ ان کی بھول ہے، اب وہ ماضی کے دھرنے کی صورت حال نہیں ہے ، اب فضا ان کے خلاف ہے اور ان کے خلاف تیرہ جماعتی پی ڈی ایم اتحاد کی حکومت ہے
مبشرلقمان کہتے ہیں کہ عمران خان کی طرف سے اعلان کے ساتھ حکومت نے بھی سختی سے نمٹنے کا فیصلہ کیا ہے ، مریم اورنگزیب نے کہا ہےکہ وہ خونی مارچ کو نہیں ہونے دیں گی ، رانا ثنااللہ بھی اپنے ارادوں سے اگاہ کرچکے ہیں
مبشرلقمان کا کہنا ہےکہ اس موقت ملک ی صورت حال بڑی خراب ہے، معاشی دیوالیہ نکلا ہوا ہے اورعمران خان نے کہا ہےکہ وہ روس سے پٹرول اورگندم لے کرملک کی عوامکو ریلیف دینے کا سوچ رہے تھے کہ حکومت گرادی گئی ، امریکہ نے براہ راست سازش کرکے میری حکومت گرا کرملک 22 کروڑ عوام کی توہین کی ہے
ان کا کہنا تھا کہ خان صاحب بتائیں کہ وہ انڈیا کی مثال دیتے ہیں انڈیا کے تو ریزور ہی بہت زیادہ ہیں اورہمارے پاس تو ریزور ہی نہیں تو کیسے ہم یہ کرسکتے تھے ، کیسےخام تیل کو ریفائن کرسکتے تھے ہمارے پاس تو ریفائنری ہے نہیں ،پھرروس سے معاہدے کرنے کے بعد پے منٹ کس طرح کرنی تھی جبکہ روس کے بینکوں پر پابندی ہے ، ان کا کہنا تھا کہ عمران خان ایک بار پھراپنے موقف میں تبدیلی لے آئے ہیں
مبشرلقمان نے کہا کہ عمران خان کا خیال ہے کہ وہ پشاور سے بہت بڑا جلوس لے کراسلام آباد آئیں گے ،ٹھیک ہے لیکن حکومت کس انداز سے سلوک کرتی ہے اس نے بھی منصوبہ بنا رکھا ، پھربنی گالہ اس دفعہ نہیں جاسکیں گے وہیں رکنا پڑے گا ،موسم بہتر رہے گا لیکن اگریہ مارچ طوالت اختیار کرگیا تو پھرستائیس مئی کے بعد توسخت گرمی ہے، پھرکیسے سامنا کرپائیں گے ، مبشرلقمان نے کہا کہ آئی ایم ایف سے مذاکرات ہورہے ہیں اور امید ہے کہ صورت حال بہتر ہوجائے گی
مبشرلقمان کہتے ہیں کہ اس مارچ کو کامیاب کرنے کے لیے فنڈریزنگ کی اپیل کی ہے اور یہ توممکن ہےکہ خان کے وفادار فنڈریزنگ تو ہر صورت کریںگے،الیکشن کمیشن کے ھوالے سے ان کا کہنا تھا کہ وہ چاہتے ہیں کہ چیف الیکشن کمشنر کے ساتھ ساتھ نیب کے چیئرمین کی تبدیلی اوراپنی مرضی کا بندہ لانےکےلیے کوشاں ہوں گے یہ بھی آسان نہیں ، اپنے دور میںتو الیکشن کمیشن کا عملہ ہی پورا نہیں کرسکے تو اب کیسے یہ کرلیں گے
مبشرلقمان نے کہا کہ بس دعا ہےکہ اللہ تعالیٰ ہمیں کسی سانحے اور حادثےسے محفوظ رکھے اورپاکستان کو ازمائش سے نکالے ، ان کا کہنا تھا کہ لانگ مارچ کیا رنگ لاتا ہے ، اس کے بارے میں حتمی تو کچھ نہیں کہا جاسکتا لیکن یہ امکان ہےکہ یہ لانگ مارچ ناکام ہوجائے اور عمران خان کو ناکامی کا سامنا کرنے پڑے
کراچی:پی کے 8303حادثہ؛ انویسٹی گیشن بورڈ کاطیارہ حادثے سے متعلق عبوری بیان جاری ،اطلاعات کے مطابق شہر قائد میں ایئرپورٹ کے گرکرتباہ ہونے والے مسافر بردار طیارے کے حادثے کوآج دوسال مکمل ہوگئے ہیں۔
ذرائع کے مطابق پی آئی اے کی پرواز پی کے 8303 کے جہاز حادثے کا معاملے پر پاکستان ایئرکرافٹ ایکسیڈنٹ انویسٹی گیشن بورڈ (اے اے آئی بی) نے طیارے حادثے سے متعلق عبوری بیان جاری کردیاہے۔بیان کے مطابق پی کے 8303 حادثے سے متعلق مزید شواہد اکھٹے کرنے کے لیے اے اے آئی بی کی ٹیم نے پی آئی اے اور سول ایوی ایشن کراچی ولاہور دفاترکے دورے کیے۔
عالمگیروبا کورونا کی وجہ سے جہازحادثے کی تحقیقات سے متعلق اے اے آئی بی ٹیم کا جنوری 2022 میں کیے جانے والا فرانس کا دورہ ملتوی ہوا۔ تاہم، تحقیقاتی ٹیم نے مارچ 2022 میں فرانس پہنچ کرفرانسیسی ماہرین کی ٹیم اورانجن بنانے والی کمپنی کے ماہرین کے ساتھ سیشن کیے۔
فرانسیسی ماہرین کے ساتھ ہونے والے ان سیشنزمیں حتمی تحقیقات سے متعلق تبادلہ خیال کیاگیا۔ اے اے آئی بی نے فرانسیسی ماہرین سے ٹیکنیکل سیشنز میں پی آئی اے طیارہ حادثے سے متعلق مختلف پہلوؤں پرتفصیلی تبادلہ خیال کیا۔
بیان میں بتایا گیا ہے کہ اے اے آئی بی ٹیم کی طرف سے کچھ اضافی معلومات اور انجینئرنگ سیمیولیشنزکی درخواست کی گئی تھی، جس میں سے زیادہ ترمعلومات موصول ہو چکی ہیں۔ فرانسیسی ماہرین کی طرف سے موصول ہونے والی تحقیقات کے نتائج اورسفارشات رپورٹس کے ساتھ جمع کی گئی اوراب ان معلومات کا تجزیہ جاری ہے۔
اے اے آئی بی کا اپنے بیان میں کہنا ہے کہ پی آئی اے کی پروازپی کے 8303 حادثے کی تحقیقات کا حتمی مسودہ جلد ہی مکمل ہونے کا امکان ہے۔ حتمی رپورٹ جاری کرنے سے قبل جائزے کے لیے انٹرنیشنل سول ایوی ایشن آرگنائزیشن کے رکن ممالک کے تحقیقاتی بورڈزکو بھیجی جائے گی۔جس کے بعد جہازحادثے کی حتمی رپورٹ کا مسودہ پبلک کرنے کے لیے حکومت پاکستان کو بھیج دیا جائے گا۔
یاد رہےکہ 22 مئی 2020 کو پی آئی اے کی لاہورسے کراچی آنے والی پروازپی کے 8303 دوپہر2 بج کر 40 منٹ پرایئرپورٹ کے نزدیک رہائشی علاقے ماڈل کالونی میں گرکرتباہ ہوگئی تھی۔
حادثے کا شکارہونےوالے ایئربس 320 کا رجسٹریشن نمبر AP-BLD تھا، جہاز پر عملے کے ارکان سیمت 99 افراد سوار تھے جن میں دو خوش نصیب افراد زندہ بچ گئے تھے جب کہ 97 افراد جان بحق ہوگئے تھے۔
بیجنگ : چاند کی مٹی ایندھن اور آکسیجن پیدا کر سکتی ہے’:سائنسدانوں کا دعویٰ ،اطلاعات کے مطابق حالیہ تحقیق میں انکشاف ہوا ہے کہ چاند کی مٹی کو آکسیجن اور ایندھن میں تبدیل کیا جاسکتا ہے۔مطالعاتی جرنل ‘جول’ میں شائع تحقیق کے مطابق چاند کی مٹی میں فعال مرکبات ہوتے ہیں جو کاربن ڈائی آکسائیڈ کو آکسیجن اور ایندھن میں تبدیل کر سکتے ہیں۔
نانجنگ یونیورسٹی کے مادی سائنس دان ینگ فانگ یاؤ اور زیگینگ زو ایک ایسا نظام وضع کرنے کی امید رکھتے ہیں جو چاند پر موجود دو سب سے زیادہ وسائل چاند کی مٹی اور شمسی تابکاری سے فائدہ اٹھائے۔
چین کے Chang’e 5 خلائی جہاز کے ذریعے واپس لائی گئی چاند کی مٹی کا تجزیہ کرنے کے بعد ان کی ٹیم نے پایا کہ نمونے میں خاص مرکبات بشمول آئرن اور ٹائٹینیم سے بھرپور مادے موجود ہیں، جو سورج کی روشنی اور کاربن ڈائی آکسائیڈ کا استعمال کرتے ہوئے آکسیجن جیسی مطلوبہ مصنوعات بنانے کے لیے ایک عمل انگیز کے طور پر کام کر سکتے ہیں۔مشاہدے کی بنیاد پر ٹیم نے “ایکسٹراٹریسٹریل فوٹو سنتھیسس” کی حکمت عملی تجویز کی۔
چاند پر موجود خلا نوردوں کی طرف سے خارج ہونے والی کاربن ڈائی آکسائیڈ کو بھی چاند کی مٹی کے ذریعے عمل انگیز ہائیڈروجنیشن کے عمل کے دوران پانی کے الیکٹرولیسس سے جمع کیا جاتا ہے اور ہائیڈروجن کے ساتھ ملایا جاتا ہے۔اس عمل سے میتھین جیسے ہائیڈرو کاربن حاصل ہوتے ہیں، جنہیں ایندھن کے طور پر استعمال کیا جا سکتا ہے۔
محققین نے کہا کہ یہ حکمت عملی بیرونی توانائی نہیں بلکہ سورج کی روشنی کا استعمال کرتی ہے تاکہ مختلف قسم کی مطلوبہ مصنوعات جیسے پانی، آکسیجن اور ایندھن تیار کیا جا سکے جو چاند کی بنیاد پر زندگی کو سہارا دے سکتے ہیں۔ٹیم ممکنہ طور پر چین کے مستقبل کے قمری مشن کے ساتھ خلا میں نظام کی جانچ کرنے کا موقع تلاش کر رہی ہے۔
یاؤ کا کہنا ہے کہ “ہم راکٹ کے پے لوڈ کو کم کرنے کے لیے ماحول کے اندر موجود وسائل کا استعمال کرتے ہیں، اور ہماری حکمت عملی ایک پائیدار اور قابل استطاعت ماورائے ارضی زندگی کے ماحول کا منظرنامہ فراہم کرتی ہے۔”
اگرچہ چاند کی مٹی کی عمل انگیز کارکردگی زمین پر دستیاب عمل انگیز اشیا سے کم ہے، لیکن یاؤ کا کہنا ہے کہ ٹیم ڈیزائن کو بہتر بنانے کے لیے مختلف طریقوں کی جانچ کر رہی ہے، جیسے کہ قمری مٹی کو نانو ساختہ ہائی اینٹروپی مواد میں پگھلانا، جو ایک بہتر عمل انگیز ہے۔
اس سے قبل، سائنس دانوں نے ماورائے زمین کی بقا کے لیے بہت سی حکمت عملیاں تجویز کی ہیں۔ لیکن زیادہ تر ڈیزائنوں کے لیے زمین سے توانائی کے ذرائع کی ضرورت ہوتی ہے۔
مثال کے طور پر، ناسا کا پریزروینس مارس روور کے لیے ایک ایسا آلہ تیار کیا گیا جو کرہ ارض کی فضا میں کاربن ڈائی آکسائیڈ کو آکسیجن بنانے کے لیے استعمال کر سکتا ہے، لیکن یہ جہاز پر جوہری بیٹری سے چلتا ہے۔
یاؤ کا مزید کہنا تھا کہ “مستقبل قریب میں، ہم خلائی پرواز کی صنعت کو تیزی سے ترقی کرتے ہوئے دیکھیں گے۔ جیسے 1600 کی دہائی میں ‘Age of Sail’ کی طرح جب سینکڑوں بحری جہازوں نے سمندر کا رخ کیا، اسی طرح ہم ‘Age of Space ‘ میں داخل ہو جائیں گے۔ لیکن اگر ہم ماورائے ارضی دنیا کی بڑے پیمانے پر تحقیق کرنا چاہتے ہیں، تو ہمیں پے لوڈ کو کم کرنے کے طریقے سوچنے کی ضرورت ہوگی، یعنی زمین سے ممکنہ حد تک کم سپلائی پر انحصار کرنا اور اس کے بجائے ماورائے زمین وسائل کا استعمال کرنا۔”
لندن :روس یوکرین تنازع دنیا کی پہلی ’ہائبرڈجنگ‘ ہے،اطلاعات کے مطابق امریکی ٹیکنالوجی کمپنی مائیکرو سافٹ کے صدربریڈ اسمتھ نے کہا ہے کہ روس یوکرین تنازع دنیا کی پہلی ’ ہائبرڈ جنگ ‘ ہے۔ اور یہ وقت ہر کسی کی آزادی کے لیے لڑنے کا ہے۔
لندن میں مائیکروسافٹ انویژن ایونٹ سے خطاب میں ان کا کہنا تھا کہ یوکرین پرحملے سے قبل ہی سائبر حملے شروع کردیے گئے تھے۔ یہ سائبرحملے جنگوں کی نئی قسم کے شروعات کی علامت ہیں۔
بریڈ اسمتھ کا اس حوالے سے کہنا تھا کہ پہلے جنگوں کی ابتدا زمینی، فضائی اور بحری حملوں سے ہوا کرتی تھی۔ تاہم، اب ہم اس کی نئی اور چوتھی قسم ’ سائبر‘ میں داخل ہوچکے ہیں۔
اسمتھ کا کہنا تھا کہ اس ہائبرڈ جنگ سے تحفظ کے لیے ہماری تین ذمے داریاں ہیں، مستحکم حکومت، قوم کادفاع اورلوگوں کا تحفظ۔
مائیکروسافٹ کے صدر کا مزید کہنا تھا کہ جنگ کی شروعات سے ایک ہفتے قبل تک یوکرینی حکومت مکمل طور پرآن پریمس ( ایسے سافٹ ویئرکسی کلاؤڈ یا سرور کے بجائے جو کسی فرد یا ادارے کے کمپیوٹر یا اسی جگہ پرچلتےہیں) چل رہی تھی۔
جارحیت بڑھنے کے خدشے کے پیش نظر مائیکروسافٹ نے فوری ایکشن لیتے ہوئے کچھ ہی دنوں میں 17 میں سے 16 سرکاری اداروں اوراہم یوکرینی کمپنیوں کو کلاؤڈ پر منتقل کردیا۔ یوکرین کے باہرپورے یورپ میں موجود ان ڈیٹا سینٹر کی تعمیر کے لیے مائیکرو سافٹ نے 12 ارب ڈالرسے زائد رقم خرچ کی۔
بریڈ اسمتھ کا مزید کہنا تھا کہ ’ جنگ کے موقع ہراپنے ملک کا تحفظ کرنے کا سب سے بہتر طریقہ یہی ہے کہ اس کے ڈیجیٹل اثاثوں کو محفوظ بنایا جائے۔ کیوں کہ آپ اس وقت سب سے زیادہ محفوظ ہوتے ہیں جب لوگوں کو نہیں پتا ہوتا کہ آپ کا ڈیٹا کہاں ہے۔‘
کراچی:اینکر پرسن کامران خان نے دعویٰ کیا ہے کہ نگران حکومت کی تیاریاں آخری مراحل میں داخل ہوچکی ہیں، آئندہ ہفتہ تبدیلیوں کا ہوگا۔
اپنے ایک ویڈیو پیغام میں کامران خان نے کہا کہ جو پاکستانی ملک کے مستقبل کے حوالے سے فکر مند ہیں انہیں مزید انتظار نہیں کرنا ہوگا، آئندہ ہفتہ تبدیلیوں کا ہوگا اور جمود کا خاتمہ ہوگا، جن سخت فیصلوں کی پاکستان کو ضرورت ہے وہ ہوں گے، زرداری شہباز حکومت پہلے ہی ہاتھ کھڑے کر چکی ہے، ان کی حکومت کے 40روز ملک پر قیامت بن کر گزرے،
سینیئرصحافی کامران خان کہتے ہیں کہ اس حکومت کی ساری کوشش یہ رہی کہ اس حکومت کے بڑوں کے خلاف نیب اور کرپشن کیسز ختم ہوجائیں لیکن سپریم کورٹ نے بروقت مداخلت کرکے مذموم کاوش ناکام بنادی، معیشت سدھارنے کیلئے جن اقدامات کی ضرورت تھی وہ نواز شریف نے مسترد کردیے۔
عزیز ہم وطنوں مزید انتظار نہیں کرنا ہوگا اللہ کے فضل وکرم سے آئندہ ہفتہ تبدیلیوں کا ہوگا ملک میں جاری جمود تشنج خاتمے کا ہوگا انشاللہ سخت ترین فیصلوں کے لئے نگراں حکومت کی تیاری آخری مرحلے میں ہے یقیننا ماہرین پر مشتمل مختصر کابینہ کو فوج اور سپریم کورٹ کی مکمل حمایت حاصل ہوگی pic.twitter.com/loZAwKk9O1
— Kamran Khan (@AajKamranKhan) May 22, 2022
انہوں نے کہا کہ نگران حکومت کی تیاری آخری مراحل میں ہے ، عبدالحفیظ شیخ اور ڈاکٹر رضا باقر جیسے ماہرین پر مشتمل ایک مختصر کابینہ ہوگی جس کو فوج اور سپریم کورٹ کی مکمل حمایت حاصل ہوگی، نگران حکومت کو فوری طور پر سخت فیصلے کرنے ہوں گے، پٹرول اور بجلی کی قیمتوں میں اضافہ ہوگا جس سے مہنگائی بڑھے گی۔
کامران خان کا یہ بھی کہنا تھا کہ نگران حکومت کے قیام سے کچھ عرصے کیلئے سیاست میں دھماچوکڑی ختم ہوگی، معیشت درست ٹریک پر آجائے گی اور الیکشن پھر ہوتے رہیں گے ، ویسے بھی الیکشن نے کب پاکستانیوں کو سکون دیا ہے۔
ڈھاکہ :ایشیا کپ کی میزبانی کے لیے سری لنکا کی حالت اچھی نہیں،اطلاعات کے مطابق 2022 کا ایشیا کپ اگست میں سری لنکا میں ہونا ہے تاہم ملک میں سیاسی بحران اور عدم استحکام کی وجہ سے سری لنکا کو ہائی پروفائل ٹورنامنٹ کی میزبانی سے انکار کیے جانے کا امکان ہے۔
تفصیلات کے مطابق بنگلہ دیش کرکٹ بورڈ (بی سی بی) کے صدر نظم الحسن نے صورتحال پیدا ہونے پر ایشیا کپ کی میزبانی پر آمادگی ظاہر کی ہے۔
ایشیا کپ کی میزبانی کے ہنگامی منصوبے کے حصے کے طور پر تیاریوں کے بارے میں، نظم الحسن نے کہا کہ بنگلہ دیش میں مارکی ایونٹ کے انعقاد پر بات کرنے کا یہ صحیح وقت نہیں ہے۔انہوں نے کہا کہ سری لنکا مشکل وقت سے گزر رہا ہے، جس کا مطلب ہے کہ ان کے بورڈ کی حالت بھی اچھی نہیں ہے۔
بی سی بی کے صدر نے کہا کہ وقت سب کچھ بتائے گا، مجھے انٹرنیشنل کرکٹ کونسل ( آئی سی سی)] کے صدر سے ملاقات کے لیے بھارت جانا تھا مجھے نہیں لگتا کہ اس کے بارے میں بات کرنے کا یہ صحیح وقت ہے لیکن اگر مقام تبدیل ہوتا ہے تو بنگلہ دیش پہلا انتخاب ہوگا۔
واضح رہے کہ ایشیا کپ 27 اگست سے شروع ہونے والا ہے اور اس میں ٹورنامنٹ کے کوالیفائر کے بعد پانچ ٹیسٹ ٹیمیں شامل ہوں گی، مقام میں تبدیلی کی صورت میں شیڈول میں کوئی تبدیلی نہیں کی جائے گی۔
ایشیا کپ کا 2022 ایڈیشن آسٹریلیا میں اکتوبر نومبر میں ہونے والے آئی سی سی مینز ٹی ٹوئنٹی ورلڈ کپ کو مدنظر رکھتے ہوئے ٹی ٹوئنٹی فارمیٹ میں ہوگا۔
یاد رہے کہ ایشیا کپ کا آخری ایڈیشن 2018 میں ہوا تھا اور آئی سی سی 2019 ورلڈ کپ کی وجہ سے ون ڈے فارمیٹ میں تھا جو کہ انگلینڈ میں منعقد ہوا تھا۔پچھلے ایشیا کپ میں بھارت نے بنگلہ دیش کو سنسنی خیز مقابلے میں شکست دے کر ایشیا کپ جیتا تھا۔
اسلام آباد:مشعال ملک نے عمران خان سے لانگ مارچ دو دن آگے بڑھانے کی درخواست کی ہے۔اہلیہ یاسین ملک چیئرمین پیس اینڈ کلچر مشعال ملک نے اپنی بیٹی رضیہ سلطانہ کے ہمراہ نیشنل پریس کلب میں نیوز کانفرنس کرتے ہوئے کہا کہ 25 مئی یاسین ملک کی سزا کا دن ہے، عمران خان اپنے مارچ کو دو دن آگے کردیں۔
اہلیہ یاسین ملک نے کہا کہ عمران خان نے اپنے دور حکومت میں خود کو کشمیریوں کا وکیل کہا جبکہ یاسین ملک عمران خان کے دوست بھی ہیں۔
مشعال ملک نے یہ بھی کہا کہ پی ٹی آئی اپنے لانگ مارچ کو یاسین ملک کے لیے وقف کردیں۔ان کا کہنا تھا کہ پاکستانی بہن بھائیوں سے کہتی ہوں ہمارا ساتھ دیں، جھولی پھیلا کر کہتی ہوں یاسین ملک کو بچانے کے لیے نکلیں اس سے پہلے کہ یاسین ملک کو پھانسی دے دی جائے۔
اہلیہ یاسین ملک چیئرمین پیس اینڈ کلچر مشعال ملک کا مزید کہنا تھا کہ بھارتی حکومت پر دباؤ بڑھایا جائے، مجھے امید ہے آپ میرا ساتھ دیں گے اور آپ اپنی کوشش سے یاسین ملک کی جان بچا سکیں گے۔اس موقع پر بیٹی مشعال ملک رضیہ سلطانہ نے کہا کہ انکل آپ ہمارے لیے اپنا مارچ آگے کرلیں، میرے بابا کو بچانے کے لیے سب ملکر کوشش کریں۔
واضح رہے کہ چیئرمین تحریک انصاف عمران خان نے 25 مئی کو اسلام آباد لانگ مارچ کا اعلان کیا ہے۔
پشاور میں کورکمیٹی کے اجلاس کے بعد پریس کانفرنس کرتے ہوئے سابق وزیراعظم عمران خان نے کہا تھا کہ پی ٹی آئی کور کمیٹی اجلاس میں لانگ مارچ کا فیصلہ کرلیا ہے اور میں صرف تحریک انصاف کے کارکنان کو نہیں بلکہ پوری قوم کودعوت دے رہا ہوں کہ لانگ مارچ میں شرکت کریں۔
لاہور :شادباغ سےدسویں جماعت کی اغوا ہونے والی طالبہ کو ساہیوال سے بازیاب کرالیا ہے ، آئی جی پنجاب کے مطابق اس بچی کوساہیوال میں بازیاب کروایا گیا، یاد رہے کہ لاہورہائیکورٹ نےرات 10 بجے تک طالبہ کی بازیابی کا حکم دیا تھا
چیف جسٹس ہائیکورٹ امیر حسین بھٹی نے لاہور کے علاقہ شادباغ سے دن دیہاڑے دسویں کلاس کی طالبہ کو اغوا کرنے کا نوٹس لیتے ہوئے آج ہی بازیاب کرانے کا حکم دے دیا تھا۔
تفصیلات کے مطابق چیف جسٹس لاہور ہائیکورٹ نے دن دیہاڑے دسویں کلاس کی طالبہ کو اسلحہ کے زور پر اغوا کرنے کا نوٹس لے لیا ہے، اور آئی جی پنجاب کو 8 بجے تک بچی کو بازیاب کروانے کا حکم دیا تھا۔
چیف جسٹس لاہور ہائیکورٹ محمد امیر بھٹی رات 8 بجے کیس کی سماعت کریں گے، عدالت نے آئی جی پنجاب اور سی سی پی او لاہور کو عدالت میں پیش ہونے کا حکم دیا ہے، چیف جسٹس ہائیکورٹ نے ہدایت کی ہے کہ پولیس طالبہ کو بازیاب کرکے آٹھ بجے عدالت پیش کرے۔
لاہور کے علاقے شاد باغ میں میٹرک کی طالبہ مطابق 17 سالہ عشاء ذوالفقار کو امتحانی سنٹر جاتے ہوٸے چار مسلح اغوا کاروں نے اسلحہ کے زور پر طلبہ کو اغوا کرلیا تھا۔
واقعے کی سی سی ٹی وی فوٹیج بھی سامنے آئی ہے، جس میں دیکھا جا سکتا ہے کہ سفید رنگ کی گاڑی میں سوار چار مسلح اغوا کاروں نے طالبہ کو اغوا کیا۔
پنجاب اسمبلی سے پولیس کو ہٹائیں تاکہ وہ عوام کی حفاظت کرسکے دن دیہاڑے لاہور میں دسویں کلاس کی طالبہ کے اغواء کاچیف جسٹس لاہور ہائیکورٹ محمد امیر بھٹی نے نوٹس لیتے ہوئے شام 6 بجے تک آئی جی پنجاب کو طالبہ کو بازیاب کرواکے رپورٹ پیش کرنے کا حکم دیدیا
ملزمان لڑکی کو گن پوائنٹ پر زبردستی گاڑی میں ڈال کر فرار ہوئے، بھائی عامر نے مزاحمت کی لیکن مسلح شخص نے اس کو جان سے مارنے کے لیے پسٹل تانی اور گول باغ کی جانب فرار ہوگئے۔پولیس نے والد ذوالفقار علی کی مدعیت میں عابد الیاس سمیت تین افراد پر مقدمہ درج کرلیا۔