Baaghi TV

Author: +9251

  • مریم نواز کی پنجاب ویمن ونگ کی عہدیداروں سے ملاقات

    مریم نواز کی پنجاب ویمن ونگ کی عہدیداروں سے ملاقات

    مسلم لیگ ( ن ) کی چیف آرگنائزر مریم نواز نے کہا ہے کہ قائد ( ن ) لیگ نواز شریف کے ہوتے قوم کو مایوس اور ناامید ہونے کی ضرورت نہیں جبکہ مریم نواز سے پنجاب ویمن ونگ کی عہدیداروں نے ملاقات کی اور تنظیمی امورپر بات چیت کی جبکہ ملاقات میں تنظیمی ڈھانچے اور سرگرمیوں کے حوالے سے حکمت عملی پر بھی غور کیا گیا ہے.

    جبکہ ملاقات کے دوران گفتگو کرتے ہوئے مریم نواز کا کہنا تھا کہ نوازشریف نے ہر دور حکومت میں خواتین اور نوجوانوں کو ترقی کے مواقع دئیے، خواتین اور نوجوانوں کو سیاست کا ہر اول دستہ بنا دیا ہے، خواتین نے ہر سیاسی معرکے میں بہادری ، نظریاتی وابستگی اور جرات کا مظاہرہ کیا۔

    علاوہ ازیں مریم نواز کا کہنا تھا کہ 2013 سے 2018 کا نوازشریف کا دور کم ترین مہنگائی اور تیزترین ترقی کا دورتھا، ملک میں مہنگائی چار سال کے پراجیکٹ عمران کی وجہ سے ہوئی ، لاڈلے کی خاطر نوازشریف کو نااہل نہ کیا جاتا تو آج مہنگائی نہیں پاکستان میں خوشحالی ہوتی اور ملک سرسبز ہوتا۔
    مزید یہ بھی پڑھیں؛
    چندریان تھری کا لینڈر موڈیول ڈیزائن کرنے کا دعویٰ کرنیوالا جعلی سائنسدان گرفتار
    ایشیا کپ ،پاکستان کا نیپال کے خلاف ٹاس جیت کر بیٹنگ کا فیصلہ
    سائفر کیس،شاہ محمود قریشی کو جوڈیشل ریمانڈ پر بھیج دیا گیا
    تاہم ان کا یہ بھی کہنا تھا کہ عوام کی آنکھوں میں آنسو لانے والے مجرموں کو کٹہرے میں کھڑا کرنا ہوگا، قوم پوچھے نوازشریف کواقتدار سے الگ کر کے قوم کو مہنگائی کی سزا کیوں دی ؟ جبکہ ان کا مزید کہنا تھا کہ عوام کو مہنگائی سے پھر نجات دلائیں گے، مہنگائی سے نکلنے والے قوم کے آنسوﺅں کو خوشحالی کی ہواﺅں سے پونچھیں گے، غربت اور مہنگائی کے اندھیرے اسی طرح ختم کریں گے جیسے لوڈ شیڈنگ ختم کی تھی۔

  • اشیاء کپ 2023: نیپال کو 343 رنز کا ہدف

    اشیاء کپ 2023: نیپال کو 343 رنز کا ہدف

    پاکستان کرکٹ ٹیم نے ایشیا کپ کا فاتحانہ آغاز کرتے ہوئے افتتاحی میچ میں نیپال کو 238 رنز سے شکست دے دی جبکہ ایشیا کپ 2023 کا میلہ 15 برس بعد آج پاکستان میں سج گیا ہے اور ایونٹ کا پہلا میچ ملتان میں کھیلا جا رہا ہے جس میں میزبان پاکستان اور نیپال کی کرکٹ ٹیمیں مدمقابل ہیں اور افتتاحی میچ میں قومی کرکٹ ٹیم کے کپتان بابر اعظم نے ٹاس جیت کر پہلے بیٹنگ کا فیصلہ کیا اور قومی ٹیم نے مقررہ 50 اوورز میں 6 وکٹوں کے نقصان پر 342 بنائے۔

    علاوہ ازیں پاکستان کی جانب سے کپتان بابر اعظم اور مڈل آرڈر بیٹر افتخار احمد کی ریکارڈ پارٹنر شپ نے ٹیم کے بڑے ہدف میں اہم کردار ادا کیا، بابر اعظم نے 131 گیندوں پر 151 رنز کی اننگ کھیلی، ان کی اننگ میں 14 چوکے اور 4 چھکے شامل تھے جبکہ افتخار احمد نے 71 گیندوں پر 11 چوکوں اور 4 چھکوں کی مدد سے ناقابل شکست 109 رنز بنائے۔

    تاہم قومی ٹیم کے دیگر بیٹرز میں محمد رضوان نے 44، فخر زمان نے 14، امام الحق اور آغا سلمان نے 5،5 رنز بنائے اور نیپال کی جانب سے سومپال کامی نے دو کھلاڑیوں کو آؤٹ کیا جبکہ خیال رہے کہ ایشیاء کپ 2023 کی میزبانی مشترکہ طورپرپاکستان اورسری لنکا کررہے ہیں، ایونٹ میں 6 ٹیمیں میدان میں اتریں گی، کرکٹ کی تاریخ میں پہلی مرتبہ ایسا ہو رہا ہے کہ ایشیاء کپ کی میزبانی ایک سے زائد ممالک کر رہے ہیں۔

    جبکہ دوسری جانب ایشیا کپ کے میچز کے لیے ٹیم کے روٹس پر لگی لائٹس اور بجلی تاریں چور لے گئے، ٹھیکیدار نے ایک لاکھ 25 ہزار روپے مالیت کی لائٹس اور تاریں چوری ہونے پر تھانہ گلبرگ میں درخواست جمع کروا دی ہے اور ایشیا کپ کرکٹ ٹورنامنٹ پاکستان میں جاری ہے، جس کے لئے پی سی بی کی جانب سے بھرپور تیاریاں کی گئی ہیں، سیکیورٹی کے سخت انتظامات کئے گئے ہیں اور ٹیموں کے روٹس پر نئی لائٹس نصب کی گئی ہیں۔
    مزید یہ بھی پڑھیں؛
    چندریان تھری کا لینڈر موڈیول ڈیزائن کرنے کا دعویٰ کرنیوالا جعلی سائنسدان گرفتار
    ایشیا کپ ،پاکستان کا نیپال کے خلاف ٹاس جیت کر بیٹنگ کا فیصلہ
    سائفر کیس،شاہ محمود قریشی کو جوڈیشل ریمانڈ پر بھیج دیا گیا
    ادھر لاہور کے چور بھی نڈر ہوگئے ہیں، اور شاطر چوروں نے ایشیا کپ کے میچز کے لیے ٹیموں کے روٹس پر لگی لائٹس اور بجلی کی تاریں چوری کرلی ہیں جبکہ ٹھیکیدار کے مطابق ایشیا کپ میں شریک ٹیمزکے استقبال کیلئے ایک لاکھ 25 ہزار روپے مالیت کی لائٹس اور تاریں لگائی تھیں جو چور لے اڑے۔ ٹھیکیدار نے لاہور کے تھانہ گلبرگ میں چوری کی درخواست جمع کروا دی ہے۔

  • میرا کوئی دوست نہیں فہد مصطفی کا انکشاف

    میرا کوئی دوست نہیں فہد مصطفی کا انکشاف

    معروف اداکار اور پرڈیوسر فہد مصطفی نے اپنے حالیہ انٹرویو میں‌کہا ہے کہ میرے دوست نہیں ہیں، انہوں نے بتایا کہ میرا ایک مسئلہ ہے کہ اب میں‌دوست نہیں بناتا. میرے جو بچپن کے دوست تھے میرے بہت قریب تھے اب وہ میرے دوست نہیں رہے، میں ان کی کمپنی میں‌ایڈیجسٹ نہیں ہوپاتا نہ ہی وہ مجھے خود کی کمپنی میں‌ایڈجسٹ کرپاتے ہیں. میں شاید بہت آگے نکل گیا ہوں بہت مصروف رہا ہوں اور رہتا ہوں اس لئے دوستوں‌کو وقت نہیں دے پاتا جس کی وجہ سے دوست خود ہی پیچھے ہٹ جاتے ہیں . ایک سوال کے جواب میں انہوں نے کہا کہ ویسے بھی اب میری عمر زیادہ ہوتی جا رہی ہے.

    ”میں اپنے اردگرد دیکھتا ہوں بہت سارے لوگوں کی بہت سارے لوگوں کے ساتھ دوستی ہے ”، سب آپس میں‌ملتے جلتے ہیں مجھے بھی کوئی بلائے تو میں‌جاتا ہوں ملتا سب سے ہوں لیکن دوستی کسی سے نہیں ہے نہ ہی کوئی یہ دعوی کر سکتاہےکہ میری ان کے ساتھ دوستی ہے ہاں اس کے باوجود خیال سب کا رکھتا ہوں. یاد رہے کہ فہد مصطفی ایک معروف پرڈیوسر بھی ہیں ان کے پروڈکشن ہائوس نے بہترین ڈرامے بنائے ہیں اس وقت ڈرامہ سیریل میں جو آن ائیر ہے وہ بھی فہد مصطفی کی پروڈکشن میں بنا ہے.

    میری ماں حیات ہوتیں تو آج میں شادی شدہ ہوتی نازش جہانگیر

    مجھ پر فحاشی کا الزام لگا کر جھوٹی ایف آئی آر کاٹی گئی ہیں پائل …

    سرمد کھوسٹ کی مستنصر حسین تار ڑ کے ساتھ ملاقات

  • پوجا بھٹ میڈ یکیٹد چیونگم کیوں چباتی ہیں؟‌اداکارہ نے بتا دیا

    پوجا بھٹ میڈ یکیٹد چیونگم کیوں چباتی ہیں؟‌اداکارہ نے بتا دیا

    بالی وڈ‌ کی معروف اداکارہ پوجا بھٹ نے بگ باس او ٹی ٹی میں شرکت کی . اس شو سے جب وہ نکلیں تو انکا ایک انٹرویو ہوا ، اس میں‌ان سے پوچھا گیا کہ شو میں‌سارا وقت آپ کے منہ میں کیا تھا اور آپ کیا چباتی رہیں تو اس کے جواب میں انہوں نے کہا کہ میں نے 7 سال پہلے شراب چھوڑی تھی، جب شراب چھوڑ دی تو اس کے بعد مجھے سگریٹ پینے کی لت لگ گئی ، میں‌اس عادت کو بھی چھوڑنا چاہتی تھی لہذا میں نے ڈاکٹر کے ساتھ رابطہ کیا. اس نے میری صورتحال دیکھی اور مجھے کہا کہ یقینا آپ کی سگرٹ کی یہ عات چھوٹ سکتی ہے ،

    بس آپ کو یہ کرنا ہو گا کہ ایک چیونگم چبانی ہوگی اس نے مجھے ایک میڈیکیٹڈ چیونگم دی جو میں مسلسل چبا رہی ہوں ، ”یہ چیونگم مجھے پر سکون رکھتی ہے ”سگریٹ پینے کی طلب کو کم کرتی ہے. جو لوگ سگریٹ چھوڑنا چاہتے ہیں وہ اس چیونگم کو ضرور چبائیں ان کی زندگی میں‌سکون آجائے گا اور وہ خود میں‌ایک خوبصورت تبدیلی محسوس کریں گے. مجھے تو اس چیونگم نے بہت سکون دیا ہے لیکن اسے مسلسل چبانا پڑتا ہے.چیونگم چبانا ویسے بھی ایک اچھی چیز ہے.

    میری ماں حیات ہوتیں تو آج میں شادی شدہ ہوتی نازش جہانگیر

    مجھ پر فحاشی کا الزام لگا کر جھوٹی ایف آئی آر کاٹی گئی ہیں پائل …

    سرمد کھوسٹ کی مستنصر حسین تار ڑ کے ساتھ ملاقات

  • وزیر خزانہ کا بجلی بلوں میں سبسڈی دینے سے انکار

    وزیر خزانہ کا بجلی بلوں میں سبسڈی دینے سے انکار

    نگران وزیر خزانہ شمشاد اختر نے کہا ہے کہ مالی گنجائش موجود نہیں،بجلی بلوں میںکسی قسم کی سبسڈی نہیں دے سکتے ہیں جبکہ سینیٹ کی قائمہ کمیٹی خزانہ میں واضح کرتے ہوئے شمشاد اختر نے مزید کہا کہ مالی گنجائش موجود نہیں،کسی قسم کی اضافی سبسڈی نہیں دے سکتے، بجلی ٹیرف کی ایڈجسٹمنٹ سمیت آئی ایم ایف کے ساتھ سابق اتحادی حکومت کی جانب سے کئے گئے معاہدے پر مکمل عمل کیا جائے گا ۔

    جبکہ اجلاس کے بعد میڈیا سے گفتگو کرتے ہوئے شمشاد اختر نے غریب طبقے اور ایس ایم ایز کو بہتری کی نوید بھی سنا دی ہے اور یہ بھی کہا کہ آئی ایم ایف معاہدے پر عمل نہ کیا تو ڈالر کی آمد رک جائے گی جبکہ بجلی ٹیرف پر آئی ایم ایف معاہدے پر مکمل عمل کیا جائےگا۔
    مزید یہ بھی پڑھیں؛
    چندریان تھری کا لینڈر موڈیول ڈیزائن کرنے کا دعویٰ کرنیوالا جعلی سائنسدان گرفتار
    ایشیا کپ ،پاکستان کا نیپال کے خلاف ٹاس جیت کر بیٹنگ کا فیصلہ
    سائفر کیس،شاہ محمود قریشی کو جوڈیشل ریمانڈ پر بھیج دیا گیا
    علاوہ ازیں انہوں نے کہا کہ میرا تعلق بہت آرڈنری بیگ گرائونڈ سے ہے،غریبوں کی تکلیف دیکھتی ہوں تو بہت دکھ ہوتا ہے ،سوشل سیفٹی نیٹ میں گنجائش ہے،غریب لوگوں کو سپورٹ کرناہے۔ وزیر خزانہ نے کہا کہ آئی ایم ایف کے حوالے سے ہم اپنی ذمہ داری نبھائیں گے،یہ نہیں ہوسکتا ہے،سابق حکومت کےمعاہدے نظرانداز کردیں جبکہ شمشاداخترنے کہا کہ میرے لئے آئی ایم ایف سے زیادہ پاکستان اہم ہے، بہتری کیلئے پاکستان میں استحکام لانا ضروری ہے۔

  • چینی کی قیمت 300 تک پہنچنے کا خدشہ

    چینی کی قیمت 300 تک پہنچنے کا خدشہ

    ملک میں چینی باہر سے منگوانے کے باعث کراچی میں ہول سیلز بازار میں چینی کی قیمت 165 روپے کلو تک مہنگی کردی گئی ہے جبکہ ریٹیل میں چینی 175 سے 185 تک میں فروخت ہو رہی ہے۔ چینی کی قیمت ہول سیلز بازار میں 4 روپے تک بڑھ گئی ہے۔

    جبکہ ٹریڈنگ کارپوریشن آف پاکستان نے برازیل میں پاکستانی کمرشل اتاشی کو ایک لاکھ میٹرک ٹن چینی امپورٹ کرنے کیلئے خط لکھا ہے اور محکمہ خوراک کے ذرائع کے مطابق امپورٹڈ چینی 220 روپے کلو کے حساب سے پاکستان میں منگوائی جا رہی ہے۔
    مزید یہ بھی پڑھیں؛
    چندریان تھری کا لینڈر موڈیول ڈیزائن کرنے کا دعویٰ کرنیوالا جعلی سائنسدان گرفتار
    ایشیا کپ ،پاکستان کا نیپال کے خلاف ٹاس جیت کر بیٹنگ کا فیصلہ
    سائفر کیس،شاہ محمود قریشی کو جوڈیشل ریمانڈ پر بھیج دیا گیا
    تاہم محکمہ خوراک کے پاس اس وقت 10 لاکھ ٹن سرپلس چینی کا کیری فارورڈ موجود ہے، محکمہ خوراک کو سرپلس چینی کے ذخائر استعمال کرنا پڑیں گے اور محکمہ خوراک کے ذرائع کا کہنا ہے کہ سرپلس چینی کے ذخائر ختم کرنے سے امپورٹڈ چینی مارکیٹ میں آجائے گی، جس سے شہری 100روپے کلو سرکاری نرخ والی چینی 220 روپے کلو میں خریدنے پر مجبور ہوں گے تاہم ذرائع کے مطابق شہریوں کو ایک کلو چینی پر 120 روپے زیادہ ادا کرنا پڑیں گے۔

  • رات دو بجے گوندا نے کہا یار جانا ضروری ہے ظفری خان کا انکشاف

    رات دو بجے گوندا نے کہا یار جانا ضروری ہے ظفری خان کا انکشاف

    سٹیج کے معروف اداکار ظفری خان کے انٹرویو کا سوشل میڈیا پر ایک کلپ وائرل ہو رہا ہے ، جس میں‌وہ نعمان اعجاز کے شومیں شریک ہیں اور بالی وڈ اداکار گوندا کے حوالے سے بات کررہے ہیں. وہ بتا رہے ہیں کہ میں بھارت گیا ہوا تھا ، وہاں فلمسٹار گوندا سے ملاقات کا وقت بنا ، گوندا نے ہمیں پہلے ہی پیغام دے دیا تھا کہ میں 15 منٹ کا وقت دے سکتا ہوں صرف کیونکہ میری مصروفیت ہے مجھے کہیں آگے جانا ہے. ہم ملاقات کے دن اور مقررہ وقت پر گوندا کے گھر جا پہنچے. گوندا بہت ہی اچھے انداز سے ہم ملا. اس نے ہم سے باتیں کرنا شروع کر دیں اور ہمارے جانے پر بے حد خوشی کا اظہار کیا.

    ٍطفری خان نے کہا کہ” گوندا نے ہمارے آگے بسکٹس کئے ، بسکٹس مختلف قسم کے تھے جب انہوں نے میرے آگے کئے تو میں نے ان سے پوچھا کہ کتنے کتنے کے ہیں ، تو گوندا کھل کر ہنس پڑے ”اس کے بعد ایسا ہوا کہ رات کے دو بج گئے اور ہم نے واپسی کی راہ لی ، میں گاڑی میں بیٹھنے لگا تو مجھے کہنے لگے یار جانا ضروری ہے تم میرے پاس آج میرے ساتھ ہی میرے گھر پر رہ لو. ظفری خان نے کہا کہ گوندا نہایت ہی عاجز انسان ہیں ان سے مل کر لگا ہی نہیں کہ وہ بہت بڑے سٹار ہیں.

    میری ماں حیات ہوتیں تو آج میں شادی شدہ ہوتی نازش جہانگیر

    مجھ پر فحاشی کا الزام لگا کر جھوٹی ایف آئی آر کاٹی گئی ہیں پائل …

    سرمد کھوسٹ کی مستنصر حسین تار ڑ کے ساتھ ملاقات

  • شاہ رخ خان ہم سے بہت زیادہ سمجھدار رہا ہے گوندا

    شاہ رخ خان ہم سے بہت زیادہ سمجھدار رہا ہے گوندا

    بالی وڈ‌ کے معروف اداکارہ گوندا کا کپل شرما کے ساتھ انٹرویو کا ایک کلپ وائرل ہو رہا ہے جس میں وہ کنگ شاہ رخ خان کی تعریفیں کرتے ہوئے نظر آرہےہیں. وہ کہہ رہےہیں کہ شاہ رخ خان کام کے معاملے میں‌ہم سے بہت زیادہ سمجھدار رہا ہے. اس نے بہت ہی چھوٹی عمر میں بہت اچھی اور کام کی باتیں سیکھ لی تھیں، اسکی فلموں کی چوائس بہت اچھی رہی اس نے سوچ سمجھ کر ہر پراجیکٹ سائن کیا اور جو نشانہ اس نے لگایا وہ درست لگتا رہا. گوندا نے کہا کہ شاہ رخ خان تبہی تو کنگ خان ہے. ہم سب میں سے وہ بہت زیادہ سمجھدار ہے. ہم شاید اس کی طرح فلموں کی چوائس کے حوالے سے فیصلے نہیں کر سکے.

    انہوں نے کہا کہ” شاہ رخ خان کے والدین بہت جلدی اس دنیا سے چلے گئے تھے، خدا کے آسرے اس نے محنت کی کیرئیر بنانے نکلا ”اور کامیابی نے اسکے قدم چومے. انہوں نے کہاکہ خدا نے اسکو دراصل گود لے لیا تھا، اور جن کو خدا گود لے لیا کرتا ہے وہ بہت کامیابی حاصل کرتے ہیں. شاہ رخ خان نے ثابت کیا ہے کہ وہ ایک کامیاب انسان ہیں اور وہ اسی لئے ہم سب کی انسپریشن ہیں.

    میری ماں حیات ہوتیں تو آج میں شادی شدہ ہوتی نازش جہانگیر

    مجھ پر فحاشی کا الزام لگا کر جھوٹی ایف آئی آر کاٹی گئی ہیں پائل …

    سرمد کھوسٹ کی مستنصر حسین تار ڑ کے ساتھ ملاقات

  • نگران کابینہ بلوچستان؛ 6 ارکان نے حلف اٹھالیا

    نگران کابینہ بلوچستان؛ 6 ارکان نے حلف اٹھالیا

    بلوچستان کی نگران کابینہ کے 6 ارکان نے حلف اٹھالیا، گورنربلوچستان عبدالولی کاکڑ نے وزرا سے حلف لیا ہے جبکہ گورنرہاؤس کوئٹہ میں نگراں وزرا کی حلف برداری کی تقریب کا انعقاد ہوا ہے جس میں نگراں وزیر اعلی علی مردان ڈومکی سمیت اعلی حکام نے بھی شرکت کی ہے۔

    بلوچستان کے صحافی مجیب احمد کے مطابق گورنر بلوچستان ولی خان نے نگراں وزرا سے حلف لیا ہے اور حلف لینے والوں میں امیر محمد جوگیزئی، جمال خان ریئسانی، سردار اعجاز جعفر، امان اللہ کنرانی، شیخ محمودالحسن مندوخیل اور آصف الرحمان شامل تھے۔

    تاہم واضح رہے کہ پہلے مرحلے میں 22 اگست کو 5 اراکین نے حلف اٹھا لیا تھا اور گورنر بلوچستان ملک عبدالولی کاکڑ کابینہ کے اراکین سے حلف لیا ہے جبکہ اس سے پہلے مرحلے میں حلف لینے والوں میں کیپٹن ریٹائرڈ زبیر جمالی، پرنس احمد علی، امجد رشید، عبدالقادر بلوچ اور جان اچکزئی شامل تھے اور وزیراعلی بلوچستان میر علی مردان خان ڈومکی نے نگراں کابینہ کو محکمے تفویض کر دیے تھے.
    مزید یہ بھی پڑھیں؛
    چندریان تھری کا لینڈر موڈیول ڈیزائن کرنے کا دعویٰ کرنیوالا جعلی سائنسدان گرفتار
    ایشیا کپ ،پاکستان کا نیپال کے خلاف ٹاس جیت کر بیٹنگ کا فیصلہ
    سائفر کیس،شاہ محمود قریشی کو جوڈیشل ریمانڈ پر بھیج دیا گیا
    جبکہ نگراں صوبائی وزیر کیپٹن (ر) زبیر جمالی کو داخلہ و قبائلی امور جیل خان جات اور پی ڈی ایم اے کا قلمدان دے دیا گیا اور نگراں صوبائی وزیر امجد رشید کو خزانہ اور ریونیو جبکہ نگراں صوبائی وزیر جان اچکزئی کو محکمہ اطلاعات کا قلمدان دیا گیا علاوہ ازیں صوبائی وزیر ڈاکٹر عبدالقادر بخش بلوچ کو محمکہ تعلیم اور سیاحت کا قلمدان دیا گیا اسی طرح‌نگراں صوبائی وزیر پرنس احمد علی احمد زئی کو صنعت، کامرس، توانائی اور ایکسائز اینڈ ٹیکسیشن کے محکموں کا قلمدان تفویض کیا گیا ہے۔

  • ہمارے تھیٹر پر غلط چیزیں دکھائی گئی ہیں‌مانا جائے سہیل احمد

    ہمارے تھیٹر پر غلط چیزیں دکھائی گئی ہیں‌مانا جائے سہیل احمد

    معروف اداکار سہیل احمد نے اپنے حالیہ انٹرویو میں تھیٹر کے حوالے سے بات کرتے ہوئے کہا ہے کہ جو لوگ تھیٹروں پر پابندی کے حوالے سے یہ کہتے ہیں کہ ہم نے کچھ غلط نہیں کیا ، ان سے کہنا چاہتا ہوں کہ بھئی غلط بیانی نہ کریں تھیٹر پر غلط اور بیہودہ چیزیں دکھائی گئی ہیں. شرم کریں ایسی باتیں کرتے ہوئے . انہوں نے کہا کہ پرفارمنگ آرٹ بہت قیمتی چیز ہے جسے نہ صرف تفریح ​​کے لیے استعمال کیا جا سکتا ہے بلکہ معاشرے کی بہتری کے لیے بھی استعمال کیا جا سکتا ہے۔ کچھ نام نہاد عقلمند جو اس شعبے سے وابستہ ہیں وہ تھیٹر کے مواد کے حوالے سے یہ کہہ کر بہانہ بناتے ہیں کہ ہم نے صرف ان کے مطالبے کے مطابق لوگوں کو پیشکش کی ہے۔

    ”سہیل احمد نے کہا کہ میں تو ہمیشہ سے یہ کہتا آیا ہوں کہ خدارا تھیٹرز پر اچھی چیزیں دکھائیں.” ہندئوں نے اپنی مذہبی رسومات کو فروغ دینے کےلئے تھیٹر متعارف کروایا . اورہم کیا کررہے ہیں. ہمیں بھی تھیٹر کے ذریعے اپنے مذہب، قاعدے، ضابطے، قوانین اور فرائض کو بھی فروغ دینا چاہیے۔ ہماری بدقسمتی ہے کہ ہم نے یہ سب (مذہبی فرائض) اپنے لوگوں کو سکھانے کے بجائے صرف مذاق بنا دیا۔یاد رہے کہ سہیل احمد نے تھیٹر چھوڑا ہی اس لئے تھا کیونکہ وہاں‌ہونے والی فحاشی کا وہ حصہ نہیں بن سکتے تھے.

    میری ماں حیات ہوتیں تو آج میں شادی شدہ ہوتی نازش جہانگیر

    مجھ پر فحاشی کا الزام لگا کر جھوٹی ایف آئی آر کاٹی گئی ہیں پائل …

    سرمد کھوسٹ کی مستنصر حسین تار ڑ کے ساتھ ملاقات