Author: +9251

اسلام آباد: ایشیائی ترقیاتی بینک کے سابق حکومت سے کئے گئے معاہدے کی پاسداری کردی گئی ہے اور اس معاہدے اور وعدے کے مطابق بارہ ہزار سے زائد اسکولوں کو شمسی توانائی سے منسلک کرتے ہوئے تاریخ رقم کردی ہے۔

تفصیلات کے مطابق ایشیائی ترقیاتی بینک کے آفیشل ٹوئٹر اکاؤنٹ سے جاری ویڈیو پیغام میں بتایا گیا کہ پاکستان میں بارہ ہزار سات سو اسکول شمسی توانائی سے منسلک کردیئےگئے، ان میں سے دس ہزار سات سو اسکول پنجاب جبکہ دو ہزار خیبر پختونخوا کے اسکول شامل ہیں۔

ایشیائی ترقیاتی بینک کے آفیشل ٹوئٹر اکاؤنٹ سے جاری ویڈیو پیغام میں بتایا گیا کہ بیان میں کہا گیا کہ ہزاروں اسکول کو نیشنل گرڈ سے منسلک کرنابہت مہنگا تھا۔

Thousands of schools in Pakistan’s Punjab province that used to have no electricity have been installed with solar power systems, vastly improving the learning environment for millions of students ⤵️ pic.twitter.com/MZSpUoRPF5

— Asian Development Bank (@ADB_HQ) May 17, 2022

کنٹری ڈائریکٹر ایشیائی ترقیاتی بینک کے مطابق منصوبے پر بتیس کروڑ ڈالر لاگت آئی ہے، شمسی توانائی اسکول میں گرمیوں میں بھی بچوں کی حاضری بہتر ہوئی ہے۔

ادھر اے بی ڈی اعلامیہ کے مطابق بہاولپور کی یونیورسٹی کو بھی شمسی توانائی دی گئی ہے، شمسی توانائی کی وجہ سےیونی ورسٹی کے یومیہ اخراجات میں بچت ہوئی ہے، رقم کی بچت سے یونی ورسٹی دیگر اخراجات پر خرچ کر سکتی ہے۔

اسلام آباد:حکومت اس وقت سخت مشکل صورت حال سے دوچار ہے، ان خیالات کا اظہار کرتے ہوئے سابق وزیر اعظم اور مسلم لیگ ن کے سینئر رہنما شاہد خاقان عباسی نے کہا ہے کہ حکومت کو بہت سی مشکلات کا سامنا ہے۔احتساب عدالت کے باہر میڈیا سے گفتگو کرتے ہوئے مسلم لیگ ن کے سینئر رہنما شاہد خاقان عباسی نے کہا ہے کہ احتساب کا حال دیکھنا ہے تو عدالتوں میں آ کر دیکھیں ، لوگوں کی تذلیل کیلئے جھوٹے کیسز بنائےگئے۔

شاہد خاقان عباسی نے کہا کہ ملک میں احتساب کا نیا ادارہ بنانا ہوگا ، اتحادی حکومت کے درمیان اس حوالے سے مشاورت جاری ہے۔انہوں نے کہا کہ ہمارے کیسز بے شک چلتے رہے، عمران خان بھی اپنے کیسز کا سامنا کریں اور چیئرمین نیب بھی عدالتوں کے سامنے پیش ہوں۔

سابق وزیر اعظم نے کہا کہ حکومت بنے تین ہفتے ہو گئے ہیں، حکومت کو بہت سی مشکلات کا سامنا ہے ،ملک کی معاشی صورتحال نے سیاست کو ثانوی حیثیت دیدی ہے ۔انہوں نے کہا کہ معاشی حالات کو ٹھیک کرنے کیلئے ایک ٹیبل پر تمام اداروں کو بیٹھنا ہوگا ، چار سالوں میں ملکی معشیت کی تباہی کی گئی۔
انہوں نے کہا کہ ایک سال میں اس تباہ شدہ معشیت کو ٹھیک نہیں کیا جا سکتا ہے ، اسمبلیاں توڑنا کسی چیز کا حل نہیں ہے۔

شاہد خاقان عباسی نے کہا کہ عوام چاہتی ہے کہ جنھوں نے یہ حشر کیا ملک کا ان کا بھی احتساب ہو، عمران خان نے کرپشن کی ہے ان کا بھی احتساب ہو۔انہوں نے کہا کہ پاکستانی سیاست میں مداخلت ہوتی رہی ہے، یہ ہو نہیں سکتا کہ آپ مداخلت کرتے رہے ہوں اور آج ذمہ دار سیاستدان قرار پائیں۔سابق وزیر اعظم نے مزید کہا کہ اب جو فیصلے ہو رہے ہیں وہ پاکستان کے مستقبل کے لیے ہیں۔

اسلام آباد: وزیراعظم شہباز شریف کی زیرصدارت وفاقی کابینہ کا اجلاس آج ہوگا۔ تفصیلات کے مطابق وزیراعظم کی زیر صدارت ہونیوالے اجلاس کا 5 نکاتی ایجنڈا جاری کردیا گیا ہے۔ کابینہ اجلاس میں درآمدات، برآمدات اور تجارتی توازن کی صورتحال پر بریفنگ دی جائے گی۔

رپورٹس کے مطابق وفاقی کابینہ کے اجلاس میں سافٹ ویئر ایکسپورٹ اور آئی ٹی شعبے کی شرح نمو کا بھی جائزہ لیا جائے گا۔

ایجنڈے کے مطابق وفاقی کابینہ میں ریٹائرمنٹ کی ڈائریکٹری رپورٹ پیش کی جائے گی، پاکستان کی 75ویں سالگرہ پر اعزازی نوٹ کے اجرا کی منظوری بھی دی جائے گی۔رپورٹس کے مطابق ای سی سی کے اجلاس کے فیصلوں کی توثیق بھی ایجنڈے میں شامل ہے۔

ادھر ذرائع کے مطابق سینٹ کا اجلاس بھی طلب کرلیا گیا ہے اور یہ اجلاس وزیراعظم شہبازشریف کی طرف سے صدرمملکت کواجلاس کی ریکوزیشن بھیجنے کے بعد طلب کیا ہے ،

اس اہم اجلاس میں کیا فیصلے ہوں گے ، اس کےبارے میں فی الحال تو کوئی واضح چیزیں سامنے نہیں آئیں تاہم یہ کہا جارہا ہےکہ یہ اجلاس بھی ہنگامہ خیز ہوسکتا ہے کیونکہ سینیٹ اجلاس میں پاکستان تحریک انصاف کے سینٹرز کی طرف سے سخت ردعمل کی توقع ہے ، ادھر اسلام آباد سے ملنے والی اطلاعات میں بتایا گیاہےکہ حکومت کی کوشش ہے کہ وہ اس اجلاس میں انتخابی اصلاحات کے‌حوالے سے کوئی پیش رفت کے طور پرمعاملے کو زیربحث لائے