Author: +9251

باغی ٹی وی کی خبر پر سیالکوٹ انتظامیہ نے ایکشن لے لیا.

سی ٹی آئی بوائزہائی سکول سیالکوٹ کی گروانڈ میں بغیراجازت تحریک انصاف کی جانب سے جلسہ کرنے کی درخواست پر اسسٹنٹ کمشنر سیالکوٹ نے نوٹس لے لیا.باغی ٹی وی نے سی ٹی آئی بوائز ہائی سکول کے پرنسپل کی جانب سے ڈپٹی کمشنر سیالکوٹ کولکھے گئے مراسلے کی خبر شائع کی تھی جس پر اسسٹنٹ کمشنر سیالکوٹ نے نوٹس لیتے ہوئے مراسلے کے مندرجات اور سکول کے پرنسپل کے موقف کو درست قرار دے دیا

مراسلے کے مطابق سکول پرنسمپل نے موقف اختیار کیا کہ سی ٹی آئی بوائزہائی سکول کی گراونڈ میں ملک کی سیاسی پارٹی تحریک انصاف کی جانب سے 14 مئی 2022 کو سیاسی جلسہ کیا جارہا ہے جس کی سکول کے ہیڈ آفس سے کسی قسم کی کوئی اجازت نہیں لی گئی.مراسلے میں مزید کہا گیا کہ سکول کے ہیڈ آفس کی جانب سے مجھے ذمہ داری سونپی گئی ہے کہ میں صورتحال سے آپ کو آگاہ کر دوں.

سکول پرنسپل نے مراسلےمیں مزید کہا کہ سکول کی گراونڈ سالانہ سیالکوٹ کنونشن اوردعائیہ تقریبات کیلئے مختص ہے اور اس گراونڈ کو کسی اور مقصد کیلئے استعمال نہیں کیا جاسکتا . باغی ٹی وی پر خبر شائع ہونے کی بعد اسسٹنٹ کمشنر سیالکوٹ نے سکول پرنسپل کا موقف درست قرار دیا .

سیالکوٹ – اقلیت دشمن تحریک انصاف نے چرچ کی زمین پر 14 مئی کو جلسہ کرنے کا اعلان کردیا ھے
مسیحیوں نے جگہ دینے سے انکار کردیاکیونکہ یہاں مزہبی عبادات منعقد ھوتی ہیں
مسیحی 13 مئی شام 4 بجے اس کے خلاف مظاہرہ کریں گے#عمران_خان_نامنظور pic.twitter.com/IkWJXZTRII

— imran gillppp1 (@Imrangi04301175) May 12, 2022

سیالکوٹ کی کرسچن کمیونٹی نے عبادتگاہ کے لئے مختص گراؤنڈ کو سیاسی مقصد کے لئے استعمال کرنے کے اعلان پر احتجاج کا اعلان بھی کیا ہے، سیالکوٹ کی مسیحی کمیونٹی کا کہنا ہے کہ 13 مئی کو احتجاج کرین گے کسی صورت تحریک انصاف کو اس گراونڈ میں جلسے کی اجازت نہیں ملنی چاہئے، پی ٹی آئی نے ملک گیر جلسوں کے سلسلے میں 14 مئی کو سیالکوٹ میں جلسے کا اعلان کر رکھا ہے مسیحی برادری نے تحریک انصاف کے خلاف بھر پور احتجاج کرنے کا اعلان کیا ہے،

مسلم لیگ ن کے رہنما خواجہ سلمان رفیق اور خواجہ عمران نذیر نے بتایا کہ وزیر اعلیٰ حمزہ شہباز نے محکہ صحت کی بہتری کے لیے اہم اجلاس ہوا، ہم نے ڈینگی کے مسئلہ پر بات کی، شہباز شریف نے رول ماڈل بنایا تھا جس کی دیگر ممالک نے بھی تعریف کی تاہم پچھلے دور میں حکمرانوں کی نااہلی کی وجہ سے لوگ جاں بحق ہوئے ہیں، آج ہم نے اہم فیصلے کئیے ہیں ڈینگی کے حوالے سے کام شروع کردیں گے ہم پوائنٹ سکورنگ نہیں کریں گےجو عمران خان کی حکومت کرتی رہی ہے ،وزیر اعلیٰ کے ساتھ کابینہ کا ہونا ضروری ہے جس کے آئینی اور قانونی تقاضے ہیں

خواجہ سلمان رفیق نے عمران نزیز کے ہمراہ پریس کانفرنس کرتے ہوئے کہا کہ وفاق میں عدم اعتماد کے بعد تحریک انصاف نے جو کیا اس میں سپریم کورٹ کو عمل دخل دینا پڑا جس کے بعد صورتحال بہتر ہوئی،یہی صورت حال پنجاب میں بھی پیدا کی گئی.سلمان رفیق نے کہا کہ کینسر ایک موذی مرض ہے اس کی ادویات کے حوالے سے آپ سب نے بات کی ،2018 تک ہمارا پروگرام بہتر انداز میں چلتا رہا ایک دن بھی ناغہ نہیں ہوا،بد قسمتی سے پچھلے دور میں اس پروگرام میں تعطل کیا گیا،جیسے ہی حمزہ شہباز نے ذمہ داری سنبھالی ہم نے فوری طور پر اس حوالے سے کام شروع کر دیا گیا،انہوں نے کہا کہہ صدر مملکت عارف علوی اور سابق گورنر عمر سرفراز چیمہ قانون سے کھلواڑ کر رہے ہیں.

،حمزہ شہباز نے ہدایت کی ہے کہ کوئی راستہ نکالا جائے جس سے ادویات کی فراہمی بحال ہو.بجٹ کی تکمیل کا عمل تحریک انصاف اور ق لیگ کی ہٹ دھرمی کی وجہ سے مکمل نہیں ہو رہا.تمام مشکلات کے باوجود ہم محنت کریں گے اور آگے بڑھیں گے.خواجہ عمران نذیر نے کہا کہ عمران خان کی انا اور سابق گورنر عمر سرفراز کی خوشنودی اگرغریب عوام سے زیادہ اہم ہے تو قائم رہنی چاہیے ،لوگ آئیں گے اور چلیں جائیں گےکوئی شخص پاکستان سے زیادہ اہم نہیں ہے ،ان کو جولائی میں علم ہو گیا تھا کہ عدم اعتماد آ رہی ہے تو مارچ میں کاغذ لہرا کر سازش کا نعرہ لگایا.نواز شریف نے عالمی رہنماؤں کے دباؤ کو مسترد کر کے ایٹمی دھماکے کئیے .ان کے پاس اپنی کارکردگی دیکھانے کو کچھ نہیں ہے ان کے لنگر خانے بھی سیلانی والوں کے نکلے،آپ کا کام صرف مانگنا ہی ہے، چوہدری پرویز الٰہی کی سیاست وضع داری کو بھی آپ نے ختم کر دیا ہے.محمد خان بھٹی کو ہدایت کی گئی کہ جو بھی نتیجہ ہو بتانا وہی ہے جو پرویز الٰہی کہیں گے .پنجاب اسمبلی میں جو کچھ ہوا اس پر افسوس ہے ایسا نہیں ہونا چاہیے .ہم لوگوں کو سہولیات فراہم کرنے کی کوشش کر رہے ہیں، آپ نے پٹرول کی قیمت کا علان کر دیا لیکن ایک پیسہ نہیں رکھا اس کے لیے ،آپ کو بزدار کے استعفیٰ پر بعد میں یاد آیا کہ وہ غیر آئینی تھا، چوہدری سرور نے بزدار کو بلا کر استعفیٰ کی تصدیق کی.آپ منحرف اراکین کے حوالے سے بڑا شور مچا رہے ہیں لیکن جب ہمارے لوگ آپ کے ساتھ ملے تھے تب تو بڑے خوش ہوتے تھے ،آپ کے لوگ اقتدار کے لیے نہیں عوام کو جواب دینے کے لیے الگ ہوئے ہیں،شہباز گل جس کو کوئی نہیں جانتا تھا اس کو آپ نے تحریک انصاف کا ماما بنایا ہوا ہے ،مسجد نبوی میں جو کچھ ہوا شیخ رشید اور عمران خان کو اور کہیں نہیں تو اللہ کے سامنے جوابدہ ہونا پڑے گا.کینسر کی ادویات روکنے پر آپ کو جواب دینا ہو گا ،آپ خزانہ خالی چھوڑ کر گئے ہیں آئی ایم ایف کے ساتھ ایسا معاہدہ کر گئے ہیں جو کسی صورت قابل قبول نہیں.چوہدری پرویز الٰہی کے ذہن میں جو سازش تھی وہ اس پر عمل کر رہے ہیں ،آئین شکنوں کو قانون کے مطابق سزا دی جائے گی .کابینہ کی تشکیل کا راستہ بہت جلد نکلے گا اور آئین شکنوں کو سزا ملے گی ،جو ادویات ہم خرید کر گئے تھے تحریک انصاف حکومت نے انہیں سے گزارا کیا نئی نہیں خریدی،ہم کم وقت میں وہ تمام اقدامات کریں گے جس سے عوام کو سہولیات ملیں گی ،ہم سیاسی لوگ ہیں ہم چاہتے ہیں بات چیت سے راستے نکلیں،لیکن جب بات پنجاب کی عوام کی ہو گی ہمیں اپنی ذات سے بلند ہونا پڑے گا ،سلمان رفیق کا کہنا تھا کہ ہیلتھ کارڈ میاں نواز شریف نے شروع کیا تھا لیگل فریم ورک ہمارے دور میں ہوا تھا،بیس لاکھ کارڈ جنوبی پنجاب کے شہروں میں بانٹ دئیے تھے.ہم ہیلتھ کارڈ جاری رکھیں گے اور اس میں بہتری لائیں گے،منحرف اراکین پر تحریک انصاف کو سیخ پا ہونے کی ضرورت نہیں ہے،پرویز الٰہی تحریک انصاف کی پارلیمانی پارٹی سے تعلق نہیں رکھتے نہ ان کی تقرری کا نوٹیفکیشن جاری ہوا،جن مریضوں کا کانٹریٹ ہے ان کو ادویات مل رہی ہیں،جن کو نہیں مل رہی ان کے لیے بھی کوئی راستہ نکالیں گے

لاہور :محکمہ صحت اور ینگ ڈاکٹرز کے مذاکرات کامیاب ہو گئے. ینگ ڈاکٹرز نے جناح ہسپتال سمیت دیگر ہسپتال میں اوپی ڈی ہڑتال موخر کر دی.

محکمہ صحت نے صدر وائے ڈی اے جناح ہسپتال ڈاکٹر نوید کی معطلی کے معاملے پر تین رکنی انکوائری کمیٹی تشکیل دے دی، کمیٹی کی کنوینر ڈین آئی پی ایچ ڈاکٹر زرفشاں طاہر، ایم ایس لیڈی ایچیسن، ڈپٹی سیکرٹری جنرل سپشلائزد پر مشتمل ہیں، کمیٹی تین روز میں اپنی رپورٹ محکمہ صحت کو پیش کرے گی.

دوسری طرف جناح ہسپتال کے اوپی ڈی میں تاحال جزوی کاونٹر بحال کیا گیا ہے. جناح ہسپتال کے او پی ڈی میں پرچی لینے کیلئے مریضوں کی لمبی لمبی لائنیں لگ گئی اور اکثر مریضوں کو عملے کی غیر حاضری کے باعث ٹیسٹ رپورٹ لینے میں دشواری کا سامنا کرنا پڑرہا ہے، مریضوں کا کہنا ہے کہ نئی حکومت کو چاہیے کہ ہسپتالوں کے حالات بہتر کرے. دور دراز سے کرایہ خرچ کر کے آتے ہیں لیکن یہاں پر ہرتال ملتی ہے. آئے روز ہڑتالوں کی وجہ سے علاج معالجے میں شدید مشکلات پیش آتی ہیں.

لاہور:محکمہ پرائمری ہیلتھ کے زیرسایہ کمپنی نے ڈاکٹرز کے معاشی قتل کی ٹھان لی. پبلک پرائیویٹ پارٹنرشپ کے تجت کام کرنے والی کمپنی نے ڈاکٹرز کی پرائیویٹ پریکٹس پر پابندی لگا دی.

پنجاب ہیلتھ فیسیلٹز مینجمنٹ کمپنی پنجاب میں مختلف ہیلتھ سنٹرز رن کررہی ہیں، پی ایچ ایف ایم سی (PHFMC) نے تمام ڈاکٹرز کو مراسلہ جاری کردیا ہے جس کے مطابق ڈاکٹرزکو ہدایت کی گئی ہے کہ پرائیویٹ پریکٹس نہ کرنےکیلئے بیان حلفی جمع کروائے جائیں.

پنجاب کے 14 اضلاع میں 931 بنیادی مرکز صحت اور 5 دیہی مرکز صحت کام کررہے ہیں. مراسلے سے پنجاب بھر میں کام کرنے والے 700 سے زائد ڈاکٹرز میں بے چینی کی لہر دوڑ گئی، مراسلہ میں مزید کہا گیا ہے کہ ڈاکٹرز پرائیویٹ پریکٹس، کاروبار یا کسی اور کاروباری سرگرمی کا حصہ نہیں بن سکتے، مراسلے میں بیان حلفی نہ دینے والے ڈاکٹرز کو نوکری سے برخاست کرنے کی دھمکی بھی دی گئی ہے. مراسلے پرڈاکٹرز کمیونٹی میں تشویش پائی جارہی ہے۔ڈاکٹروں کا کہنا ہے کہ پرائیویٹ پریکٹس ہمارا بنیادی حق ہےہم کسی قسم کا کوئی الائونس بھی نہیں لےرہے.

لاہور:پیجاب فوڈ اتھارٹی کا بیمار، لاغر مرغیاں سپلائی کرنے والوں کے خلاف ایکشن.

ڈی جی فوڈ اتھارٹی کی سربراہی میں ٹولنٹن مارکیٹ میں کارروائی کے دوران 2200 کلو بیمار مرغیاں برآمد کر لی گئیں.ڈی جی فوڈاتھارٹی شعیب جدون کے مطابق موذی بیماریوں کا شکار کم وزن مرغیاں سپلائی کرنے والے 2 سپلائر پکڑے گئے۔

ڈی جی فوڈاتھارٹی نے بتایا کہ نذیر پولڑی اور شکیل پولڑی سپلائر بیمار مرغیاں ٹولنٹن مارکیٹ میں سپلائی کے لئے لا رہےتھے۔ خفیہ اطلاع پر کارروائی کی گئی اور لاغرمرغیاں ذبح کر کے پیمکو بھٹی میں جلا دی گئیں۔

برآمد شدہ زیادہ تر مرغیاں فلو،پھیپھڑوں، اور آنکھوں کی متعدد بیماریوں میں مبتلا پائی گئیں۔
بیمار اور کم وزن مرغی کا استعمال انسانی صحت کے لیے انتہائی مضر ہے ۔ شعیب جدون نےعوام سے گزارش کی کہ مرغی ذبح کروانے سے پہلے اچھی طرح چیک کرلیں۔لاغر،کم عمریا پہلے سے ذبح شدہ مرغی ہرگز مت خریدیں۔

ڈی جی فوڈ اتحارٹی نے شہریوں تک معیاری اور صحت بخش گوشت کی ہر ممکن فراہمی کیلئے مسلسل چیکنگ کا عمل جاری رکھنے کے عزم کا اعادہ کیا