Author: +9251

لندن :آئین شکن عناصرسےقانون کےمطابق نمٹاجائیگا۔اس حوالے سے یہ فیصلہ میاں نوازشریف کی قیادت میں کیا گیا ، یہ بھی معلوم ہوا ہے کہ قائد محمد نوازشریف کی زیرصدارت پارٹی قیادت کے اہم مشاورتی اجلاس کی پہلی نشست آج ہوئی

ادھر اس حوالے سے موجودہ حکومت کو ورثے میں ملنے والے سنگین معاشی، آئینی اور انتظامی بحرانوں پرقائد محمد نوازشریف کوتفصیلی بریفنگ دی گئی،حکومتی ٹیم نے موجودہ معاشی حقائق سے قائد محمد نوازشریف کو آگاہ کیا

حکومتی ٹیم نے بتایا کہ عوام کو مہنگائی کے اضافی مزید بوجھ سے بچانے کے لئے پٹرول کی قیمت میں اضافہ نہیں کیاگیا،توانائی کے شعبے میں سابق حکومت کے پیدا کردہ سنگین بحران، لوڈشیڈنگ، تیل اور ایل این جی نہ منگوانے کی تفصیلات بیان کی گئیں

وزیراطلاعات مریم اورنگزیب کا اہم بیان

قائد محمد نوازشریف کی زیرصدارت پارٹی قیادت کے اہم مشاورتی اجلاس کی پہلی نشست آج ہوئی

موجودہ حکومت کو ورثے میں ملنے والے سنگین معاشی، آئینی اور انتظامی بحرانوں پرقائد محمد نوازشریف کوتفصیلی بریفنگ دی گئی

— PMLN (@pmln_org) May 11, 2022

اجلاس نے مہنگائی، لوڈشیڈنگ سے عوام کو نجات دلانے اور ریلیف کی فراہمی سے متعلق مختلف سفارشات پر غور کیا،اجلاس نے حکومت آنے کے بعد سے اب تک کے اقدامات کا تفصیلی جائزہ لیا ،حکومتی ٹیم نے معاشی حقائق کی روشنی میں مستقبل کے اقدامات کے بارے میں اپنی آراءپیش کیں

اجلاس نے ملک کی مجموعی سیاسی صورتحال پر بھی تفصیلی غوروخوض کیا ،اجلاس نے 3 اپریل سے اب تک آئین شکنی کےاقدامات کا جائزہ لیا،اجلاس میں اتفاق رائے پایاگیا کہ آئین شکن عناصر کو آئین اور قانون کے مطابق نمٹا جائے ،آئین شکن عناصر کے خلاف فیصلہ کن کارروائی کے لئے مختلف تجاویز پر مشاورت ہوئی

یہ بھی معلوم ہوا ہے کہ قائد محمد نوازشریف کی زیرصدارت حتمی فیصلوں کے لئے کل پھر اجلاس ہوگا،کل کے اجلاس میں ملک اور عوام کو بحران سے نکالنے کے لئے حکمت عملی کی منظوری دی جائے گی ،ملک کو معاشی، آئینی بحرانوں سے نکالنے کے لئے کل حتمی فیصلوں کا اعلان ہوگا،تمام فیصلوں کا اعلان اتحادی جماعتوں کی تائید و حمایت سے کیا جائے گا

لاہور:وڈیو ایکسپرٹ نے عمران نیازی کے جلسوں کی تصویروں میں تحریک انصاف کی رنگبازی پکڑ لی،اطلاعات کے مطابق سابق وزیراعظم عمران خان کے جلسوں میں عوام الناس کی شرکت کے حوالے سے پی ٹی آئی کے دعووں کی قلعی کھلنے لگی ہے ،

اس حوالے سے معلوم ہوا ہے کہ کچھ ویڈیو ایکسپرٹس نے عمران خان کے جلسوں کی شیئر ہونے والی پکچر کا جائزہ لیا تو یہ پتہ چلا کہ دکھائی جانے والی ویڈیو اصل میں ہاتھ کی صفائی زیادہ لگتی ہے، یہ بھی معلوم ہوا ہے کہ اس سلسلے میں ایک ویڈیو ایکسپرٹ سہیل خان سومرو نے ان تصاویر کا جائزہ لیا تو یہ حقائق سامنے آئے

اس سلسلے میں جب سہیل خان سومرو نے کچھ تصاویر کو زوم کرکے دیکھا تومعلوم ہوا کہ کچھ رنگبازی دکھائی گئی ہے اور بعض جگہوں پرکلر اوربرائٹنیس کوزیادہ کرکے لوگوں کو گمراہ کرنے کی کوشش کی گئی ہے،سہیل خان کہتے ہیں کہ ان جلسوں میں بہت تیز روشنی والی لائٹیں استعمال کی جاتی ہیں تاکہ کوئی کیمرہ ان کو پکڑ نہ سکے

سہیل خان سومرو کہتے ہیں کہ انہوں نے کئی جلسوں کے تصاویر کو زوم کرکے دیکھا تو معلوم ہوا ہے کہ عمران خان کے جلسوں کو زیادہ تعداد میں ظاہر کرنے کے لیے کوئی نہ کچھ ٹول استعمال کیے جارہےہیں ، سہیل خان کہتے ہیں کہ عمران خان لوگوں کو یہ باورکرانا چاہتے ہیں کہ انکے جلسوں میں بڑی دنیا آتی ہے

ترجمان پاک فضائیہ کے مطابق ائیر وار کالج انسٹیٹیوٹ آمد پر ائیر وائس مارشل حسین احمد صدیقی نے سربراہ پاک فضائیہ کا استقبال کیا، ایئر چیف مارشل ظہیر احمد بابر سدھو نے کہا کہ ایئر وار کالج انسٹیٹیوٹ کی ٹیم کو اعلیٰ درجے کے تعلیمی معیار کے حصول پر مبارکباد پیش کرتا ہوں۔

ایئر چیف مارشل کا کہنا تھا کہ مادر وطن کے دفاع اور سلامتی کے لیے پاکستان کی مسلح افواج کا کردار اور قربانیاں قابلِ ستائش ہیں، بدلتی ہوئی ٹیکنالوجی اور عالمی سیکیورٹی کے دور میں جدید چیلنجز سے نبرد آزما ہونے اور یکسوئی کے ساتھ مقاصد کے حصول کی اہمیت ناگزیر ہے۔

انہوں نے کہا کہ کورس کے شرکاء پاک فضائیہ کو ایک متحرک و مؤثر ایرو اسپیس فورس بنانے میں اپنا کردار ادا کریں، پی اے ایف ایئر وار کالج انسٹیٹیوٹ پاک فضائیہ کا ایک باوقار ادارہ ہے۔

ترجمان پاک فضائیہ کا کہنا تھا کہ پی اے ایف ایئر وار کالج انسٹیٹیوٹ میں پاکستانی مسلح افواج اور دوست ممالک کے افسران اہم کمانڈ و اسٹاف تقرریوں کے لئے تربیت حاصل کرتے ہیں، کورس کے شرکاء کو سو سے زائد مضامین کے ماہرین کی آراء سے روشناس کرایا جاتا ہے۔

لاہور:عمر سرفراز چیمہ کا ایک بار پھر آئینی اداروں کے سربراہان سے اپیل کرنے کا فیصلہ ،اطلاعات کے مطابق پنجاب کے برطرف گورنرعمرسرفراز چیمہ نے ایک بارپھربڑا فیصلہ کیا ہے اوریہ بھی معلوم ہواہے کہ انہوں نےپنجاب کے آئینی بحران پر ایک بار پھر آئینی اداروں کے سربراہان سے اپیل کرنے کا فیصلہ کیا

اس حوالے سے معلوم ہوا ہے کہ عمرسرفراز چیمہ کا کہنا ہےکہ آئینی اداروں کے سربراہ پنجاب میں غیر آئینی اقدامات کے خلاف اپنا کردار ادا کریں ، اس حوالے سے بات کرتے ہوئے عمرسرفراز چیمہ کا کہنا تھا کہ پنجاب میں آئین اور قانون کو پامال کرکے حمزہ شہباز کو لایا گیا

عمرسرفراز چیمہ کا کہنا تھا کہ پنجاب میں ایسا عمل کیا گیا جیسا2007کو معزز جج صاحبان کو غیر آئینی طور پر فارغ کیا گیا، ان کا یہ بھی کہنا تھاکہ عدلیہ کی بحالی کے لیے عوام نکلے اس تحریک میں ہم نکلے تھے ، ان کا کہنا تھا کہ اب بھی ایسا نہ ہو کہ عوام باہر نکل آئیں

عمر سرفراز چیمہ کا کہنا تھا کہ آئینی اداروں نے اپنا کردار ادا نہ کیا تو عوام سخت ردعمل دے سکتے ہیں

یاد رہےکہ وزیراعظم شہباز کی طرف سے دومرتبہ گورنرپنجاب عمرسرفراز چیمہ کو بدلنے کی سمری بھیجی گئی تھی ، دونوں مرتبہ صدر نے یہ سمری مسترد کردی جس کے بعد وفاقی حکومت نے اسٹیبلشمنٹ ڈویزن کے ذریعے گورنرپنجاب کی برطرفی کا نوٹیفکیشن جاری کرکے ان کے گورنرہاوس میں داخلے پرپابندی لگا دی ہے ، جس کے بعد یہ بحران بہت زیادہ شدت اختیار کرگیا ہے