Author: +9251

اسلام آباد :عمران خان نے سابق وزیراعظم کے طور پر سیکورٹی مانگ لی ،اطلاعات کے مطابق وزیراعظم عمران خان کیلئے سابق وزیراعظم کی سکیورٹی کےانتظامات کی تیاریاں جاری ہیں۔اس حوالے سے بعض میڈیا ذرائع نے دعویٰ کیا ہے

ذرائع کے مطابق وزیراعظم کے پرنسپل سیکرٹری اعظم خان نے سیکرٹری داخلہ کو خط لکھ دیا ہے۔ خط میں کہا گیا ہے کہ عمران خان کی سابق وزیراعظم کے طور پر سکیورٹی کا انتظام کیا جائے اور سکیورٹی کے مجوزہ طریقہ کار کے تحت انتظامات عمل میں لائے جائیں۔

ذرائع نے بتایا کہ خط میں سیکرٹری داخلہ کو کہا گیا ہے کہ سابق وزیراعظم کو کونسی سکیورٹی ملتی ہے، آگاہ کیا جائے۔خط کے متن کے مطابق وزارت عظمیٰ سے الگ ہونے کے بعد سکیورٹی کی نوعیت کیا ہو گی؟ مکمل سکیورٹی جائزہ رپورٹ فراہم کی جائے۔

ذرائع کا کہنا ہے کہ سیکرٹری داخلہ نے خط ایڈیشنل سیکرٹری داخلہ کو ضروری کارروائی کیلئے مارک کردیا۔

وزارت داخلہ کا کہنا ہے کہ دونوں خطوط کا جائزہ لیا جارہا ہے، پروٹوکول کے مطابق سابق وزیراعظم کو سکیورٹی فراہم کی جائے گی۔

دوسری جانب شیخ رشید نے بھی کہا ہے کہ مجھے بھی پولیس اور رینجرز کی سیکورٹی دی جایے مجھ پر پہلے بھی حملے ہو چکے ہیں جان کو خطرہ ہے ۔وزارت داخلہ حکام کا کہنا ہے کہ سابق وزیراعظم کو قوانین کے مطابق سیکورٹی دی جائے گی۔ دونوں خطوط کا جائزہ لے رہے ہیں

اسلام آباد:ماشل لا لگاتو ذمہ داربے ضمیر ہوں گے: پارلیمنٹ سپریم ادارہ ہے، کوئی ادارہ پارلیمنٹ سے بالاتر نہیں، چوہدری فواد حسین نے گفتگو کرتے ہوئے کہا کہ قوم جان چکی ہیے کہ پوری اپوزیشن آئین شکن ہے،

وفاقی وزیراطلاعات فواد چوہدری نے کہا ہے کہ ابھی بیس بیس اوور کا میچ باقی ہے، ہم چاہتے ہیں کہ آئین کے مطابق انتخابات ہوں، تمام سیاسی جماعتوں کو مل کر انتخابات کے لئے لائحہ عمل بنانا چاہئے،

ان کا کہنا تھا کہ انتخابات کیلئے پانچ مہینے سے زیادہ وقت مانگا جا رہا ہے، ملک اس طرح نہیں چل سکتا،سیاسی عدم استحکام کی وجہ سے معیشت بھی تباہ ہو رہی ہے،ہم الیکشن کی طرف چلے جاتے تو یہ بحران ہی ختم ہو جاتا،

فوج اور عدلیہ کا کام نہیں ہے کہ وہ ہر وقت سیاستدانوں کے مسائل حل کرتے پھریں، سیاستدانوں کو اپنے پائوں سے آگے بڑھ کر سوچنے کی ضرورت ہے،سیاستدان آپس میں مل کر بیٹھیں اور شفاف الیکشن کا فریم ورک طے کریں، یہ سارا ڈرامہ ختم ہو جائے گا،

چوہدری فواد حسین نے کہاہے کہ خچروں کا بازار لگا کر کرائسز ختم نہیں ہوتے،مارشل لاء کے حوالے سے صحافی کے سوال پر وفاقی وزیر اطلاعات نے کہا کہ مارشل لاء لگنے کے ذمہ دار بے ضمیر لوگ ہوں گے

سابق وزیر اعظم صدر پیپلز پارٹی وسطی پنجاب راجہ پرویز اشرف نے کہا ہے کہ قومی اسمبلی کا غیر معمولی اجلاس سپریم کورٹ کے حکم پر ہو رہا ہے۔

تفصیلات کے مطابق راجہ پرویز اشرف نے قومی اسمبلی میں اظہار خیال کرتے ہوئے کہا ہے قومی اسمبلی کا غیر معمولی اجلاس سپریم کورٹ کے حکم پر ہو رہا ہے، قومی اسمبلی کا اجلاس ساڑھے سات بجے تک ملتوی کردیا گیا۔

دوسری جانب مسلم لیگ (ن) کے رہنما خواجہ سعد رفیق نے قومی اسمبلی میں اظہار خیال کرتے ہوئے کہا کہ ہماری ٹیم نے وفاقی وزراء اور اسپیکر کے ساتھ پوری رات مذاکرات کیے، اسپیکر نے آج ووٹنگ کروانے کا وعدہ کیا تھا۔

انہوں نے کہا کہ ہم آپ کو توہین عدالت سے بچانا چاہتے ہیں، افطار کے بعد ووٹنگ کرانے کا وعدہ کیا گیا، حکومت اکثریت کھو چکی ہے، سپریم کورٹ کی توہین نہ کریں۔

خواجہ سعد رفیق کا مزید کہنا تھا کہ اس ملک کو ملک رہنے دیں جنگل نہ بنائیں، ہم پاکستان بنانے والوں کی اولادیں ہیں، کسی سازش کا حصہ نہیں ہیں۔

واضح رہے کہ سپریم کورٹ کے حکم کی روشنی میں اسپیکر اسد قیصر کی سربراہی میں قومی اسمبلی کا اجلاس ہوا۔اجلاس میں وزیر اعظم عمران خان نہیں آئے جب کہ اپوزیشن کے بینچز بھرے نظر آئے

ادھر آج خواجہ آصف نے کہا ہے کہ سپریم کورٹ کے حکم پرعملدرآمد ہونا ہی ہونا ہے۔مسلم لیگ ن کے رہنما خواجہ آصف نے میڈیا سے گفتگو کرتے ہوئے کہا ہے کہ سپریم کورٹ کے حکم پرعملدرآمد ہونا ہی ہونا ہے، رات بارہ بجے تک وقت ہے، ہم انتظار کریں گے۔

انہوں نے کہا کہ وقت ختم ہونے کے بعد عدالت سے رجوع کریں گے۔

لاہور: چینی چوروں کیخلاف تحقیقات کرنیوالے اعلیٰ افسر چھٹی پر چلے گئے ،اطلاعات کے مطابق پاکستان میں چینی چوروں‌کے خلاف تحقیقات کرنے والے وفاقی تحقیقاتی ادارے (ایف آئی اے) کے افسر ڈاکٹر رضوان چھٹی پر چلے گئے۔

ایف آئی اے افسر ڈاکٹر رضوان کی چھٹی پر جانے کا نوٹیفکیشن جاری کردیا گیا ہے جب کہ ان کی جگہ ڈپٹی ڈائریکٹرنازیہ عنبرین کو ڈائریکٹرکا چارج دیا گیا ہے۔

ایف آئی اے ہیڈ کوارٹر اسلام آباد نے نازیہ عنبرین کو چارج دینے کا نوٹیفکیشن بھی جاری کردیا جب کہ ڈاکٹر رضوان کی چھٹی 11 اپریل سے شروع ہوگی۔

ایف آئی اے افسر ڈاکٹر رضوان مسلم لیگ (ن) کے صدر شہباز شریف، حمزہ شہباز اور جہانگیر ترین کے خلاف تحقیقات کررہے تھے۔

ادھر آج پی ٹی آئی رہنما اسد عمر نے سپریم کورٹ کا فیصلہ پارلیمنٹ کے معاملے میں دخل اندازی قرار دیتے ہوئے کہا کہ ڈپٹی اسپیکر نے اگر غلط فیصلہ کیا تو کیا سپریم کورٹ اور عدلیہ میں تمام فیصلے اچھے ہوتے ہیں؟

تفصیلات کے مطابق آج سپریم کورٹ کے حکم پر وزیر اعظم کے خلاف تحریک عدم اعتماد پر ووٹنگ کے لیے بلائے گے قومی اسمبلی اجلاس میں اپوزیشن کی جانب سے فوری ووٹنگ کا مطالبہ کیا جا رہا ہے تاہم ووٹنگ تاخیر کا شکار ہے۔

اجلاس میں خطاب کرتے ہوئے اسد عمر نے کہا سپریم کورٹ کی بہت عزت ہے، یہ جمہوری نظام کا اہم ستون ہے، ہم جمہوریت کے ماننے والے ہیں تو پارلیمانی سپریمسی کو بھی ماننے والے ہیں، ان کی بات اگر مان لیتے ہیں کہ ڈپٹی اسپیکر نے غلط فیصلہ کیا، کیا سپریم کورٹ اور عدلیہ میں تمام فیصلے اچھے ہوتے ہیں؟

اسد عمر نے کہا کیا سپریم کورٹ کے فیصلوں کو جوڈیشل مرڈر نہیں کہاگیا، کیا یہ درست ہوتا کہ پارلیمنٹ سپریم کورٹ کے کام میں مداخلت کرے، سپریم کورٹ کا فیصلہ پارلیمنٹ کے معاملے میں دخل اندازی ہے۔

انھوں نے کہا کیا یہ درست ہوتا پارلیمان سپریم کورٹ کے ججز کے آنے اور جانے کا فیصلہ کرتی، کیا یہ درست ہوتا کہ پارلیمان فیصلہ کرتا کون سا کیس کب لگنا ہے، یہ فیصلہ کرنا ہوگا پارلیمان کا اختیار کسی کو لینے کا اختیار نہیں، جمہوریت پر یقین رکھتے ہیں تو پارلیمان کی سپریمسی کا یقین ہونا ضروری ہے۔

قومی اسمبلی میں وزیراعظم عمران خان کیخلاف تحریک عدم اعتماد پر ووٹنگ کرانے کے معاملے پر تحریک انصاف کے ایک سینیئر وفاقی وزیر اور اسپیکر قومی اسمبلی اسد قیصر کے درمیان تلخ کلامی کا واقعہ ہوا ہے۔

ذرائع کا کہنا ہے کہ اسپیکر قومی اسمبلی اسد قیصر سے ایک وفاقی وزیر کی تلخی ہوئی، تلخی کا واقعہ پارلیمنٹ میں موجود صدارتی چیمبر میں ہوا۔ذرائع کے مطابق وفاقی وزیر نے اسپیکر اسد قیصر سے کہا کہ آپ عمران خان کی لائن لیں اپنی لائن نہ لیں۔

ذرائع کے مطابق اس پر اسپیکر اسد قیصر نے کہا کہ میں آئین پاکستان کی لائن لے رہا ہوں، تحریک انصاف میں شمولیت آئین پاکستان کے تحفط کیلئے کی تھی۔

پاکستان تحریک انصاف (پی ٹی آئی) نے اپنی پارٹی کے 20 منحرف اراکین کیخلاف سپیکر قومی اسمبلی کو ریفرنس جمع کروا دیا۔

ریفرنس پارٹی چیئر مین عمران خان کی طرف سپیکر کو بھجوایا گیا، ریفرنس پی ٹی ائی کے چیف وہپ عامر ڈوگر نے سپیکر کے حوالے کر دیا، 20 منحرف اراکین کے خلاف ریفرنس آرٹیکل 63 اے کے تحت جمع کروایا گیا۔

ریفرنس کے متن میں کہا گیا ہے کہ منحرف اراکین پی ٹی ائی کے ٹکٹ پر منتخب ہوئے، میڈیا رپورٹس کے متعلقہ اراکین نے پی ٹی ائی چھوڑ کر اپوزیشن پارٹیز میں شمولیت اختیار کر لی، منحرف اراکین کو شوزکاز نوٹس بھی جاری کیے گئے، شوزکاز نوٹس کا خاطر جواب نہیں دیا گیا، منحرف اراکین کو ڈی سیٹ کرنے کی کاروائی کا آغاز کیا جائے۔

لاہور:پارلیمنٹ کی بیحرمتی کی گئی:مقدس ایوان کی توہین کرنے والوں کا احتساب ہونا چاہیے،اطلاعات کے مطابق ابھرتےہوئے قانون کے نئے طالب علم اورپاکستان کے سیسی منظرنامے پرگہری نظررکھنے والے نوجوان رہنما مصطفیٰ لقمان کہتے ہیں کہ جو کچھ ایوان میں ہوا وہ اچھا نہیں تھا

https://twitter.com/MustafaLucman/status/1512742866732257283?t=ZgD3kPFMsHsz5lrljCI0ZQ&s=08

اس حوالے سے سماجی رابطے کی ویب سائٹ پراپنے پیغام میں مصطفیٰ لقمان نے کہا کہ وہ پچھلے کئی دنوں سے دیکھ رہے ہیں کہ پارلیمنٹ میں کچھ بہترنہیں ہورہا ہے ، اس ایوان کی بیحرمتی کی گئی جس سے قانون کودھچکا لگا اوریہ دھچکا اچھا ثابت نہیں ہوگا

اس حوالے سے بات کرتے ہوئے ان کا کہنا تھا کہ صرف ایک آدمی کی انا کی تسکین کے لیے پارلیمنٹ کو بدنام کیا گیا اور اسے ایک مذاق بنا دیا گیا۔ وہ لوگ جو اس ملک میں قانون کی حکمرانی اور جمہوریت کو جھنجھوڑنے کی کوشش میں پارلیمنٹ کی اس بے حرمتی میں ملوث تھے۔ ان کا بھی ایک دن احتساب ہو گا۔

ادھر آج قومی اسمبلی میں اجلاس جاری ہے پینل آف چیئر امجد خان نیازی نے کہا ہے کہ عدالت کا احترام ہم پر لازم ہے، لیکن عدالت پارلیمنٹ کی کارروائی میں مداخلت نہیں کر سکتی۔

تفصیلات کے مطابق سپریم کورٹ کے حکم پر بلائے گئے قومی اسمبلی اجلاس میں تحریک عدم اعتماد پر فوری ووٹنگ کی بجائے ووٹنگ کو تاخیر کا شکار کرنے پر اپوزیشن جماعت پیپلز پارٹی کے چیئرمین بلاول بھٹو کی جانب سے پینل آف چیئر کو تنقید کا نشانہ بنایا گیا۔