Author: +9251

لاہور:شریف فمیلی کی چوہدری پرویز الٰہی کے خلاف سازشیں دم توڑنے لگیں:پی ٹی آئی چیھنہ گروپ نےحمایت کردی،اطلاعات کے مطابق پنجاب میں حکومت سازی، چوہدری پرویز الہٰی کے لیے بڑی خوشخبری

حکومتی اتحاد کے وزیر اعلیٰ کے امیدوار چوہدری پرویز الہٰی سے چھینہ گروپ کی ملاقات ہوئی جس میں چھینہ گروپ نے چوہدری پرویز الہٰی کی حمایت کا باضابطہ اعلان کر دیا۔

ذرائع کا کہنا ہےکہ چوہدری پرویز الہٰی نے گزشتہ روز خود چھینہ گروپ سے حمایت کیلئے ملاقات کی تھی جس پر چھینہ گروپ نے حتمی فیصلے کے لئے چوہبیس گھنٹے کا وقت مانگا تھا، چھینہ گروپ نے آج ملاقات کے دوران چوہدری پرویز الہٰی کی وزیر اعلیٰ کے لئے حمایت کر دی

ملاقات میں چھینہ گروپ کے 14ارکان پنجاب اسمبلی شریک ہوئے جبکہ ملاقات میں چھینہ گروپ کے ارکان پنجاب اسمبلی غضنفر عباس چھنیہ عامر عنایت شاہانی، علی رضا خان خاکوانی نے بھی شرکت کی۔

اعجاز سلطان بندیشہ ،محمد احسن جہانگیر، گلریز افضل گوندل، خواجہ داؤد سلیمانی ، سردار محی الدین کھوسہ ،کرنل غضنفر عباس شاہ، تیمور علی لالی بھی ملاقات میں شامل تھے۔ سردار شہاب الدین سیہڑ، فیصل فاروق چیمہ، اعجاز خان، غلام علی اصغر خان لہری بھی ملاقات میں شریک ہوئے۔

یاد رہے کہ اس سے قبل وزیرِ اعظم عمران خان نے وزیرِ اعلیٰ پنجاب عثمان بزدار سے استعفیٰ لے لیا اور ان کی جگہ چوہدری پرویز الہٰی کو نامزد کرنے کا اعلان کیا۔

واضح رہے کہ پاکستان مسلم لیگ کے وفد کی اسپیکر پنجاب اسمبلی چوہدری پرویز الہٰی کی قیادت میں وزیر اعظم عمران خان سے ملاقات ہوئی تھی۔

ملاقات میں وزیر اعظم عمران خان نے کہا تھا کہ میں نے عثمان بزدار سے استعفیٰ لے لیا ہے، میں آپ کو اپنی پارٹی کی طرف سے بطورِ وزیر اعلیٰ پنجاب نامزد کرتا ہوں اور آپ کو مبارک باد پیش کرتا ہوں۔اس موقع پر اسپیکر پنجاب اسمبلی چوہدری پرویز الٰہی نے نامزدگی پر وزیر اعظم عمران خان کا شکریہ ادا کیا۔

چوہدری پرویز الٰہی نے کہا تھا کہ وزیراعلیٰ کے منصب پر اپکی جانب سے نامزدگی پر شکریہ کرتا ہوں، آپ کے اعتماد پر اشاء اللہ پورا اتروں گا۔

اسپیکر پنجاب اسمبلی چوہدری پرویز الٰہی کا مزید کہنا تھا کہ مسلم لیگ ق بطور اتحادی اپ کے ساتھ بھر پور تعاون کرے گی اور اتحادی کی حیثیت سے ملکر عوامی خدمت کریں گے۔

:اسلام آباد:میں رہوں یا نہ رہوں امریکی ایجنٹوں کواقتدارنہیں ملےگا:مجھے اپنےرب کی رحمت پربڑا بھروسہ ہے:اطلاعات کے مطابق وزیراعظم عمران خان نے کہا ہے کہ تحریک عدم اعتماد کے معاملے پر اتوار کو بڑا سرپرائز دینگے۔وزیراعظم کا کہنا تھا کہ میں رہوں یا نہ رہوں پاکستانیوں پرامریکی ایجنٹوں کوحکومت نہیں کرنی دی جائے گی اور طئے شدہ بات اصول ہے

ان خیالات کا اظہار وزیراعظم نے سینئر صحافیوں کے ساتھ ملاقات کے دوران کیا۔ ملاقات کرنے والوں میں دنیا نیوز کے سینئر صحافی اجمل جامی اور کامران شاہد بھی شامل تھے۔

وزیراعظم کا کہنا تھا کہ لیگل پراسس کو استعمال کیا جا رہا ہے، ہر گیند تک لڑوں گا، اتوار کو بہت انجوائے کریں گے، تحریک عدم اعتماد ایک بہت بڑی بین الاقوامی سازش ہے، میری زندگی کو بالکل خطرہ ہے، اپوزیشن کی جانب سے کردار کشی کے حوالے سے کوئی آڈیو ٹیپ نکالی جاسکتی ہے۔

عمران خان نے کہا کہ اپوزیشن کی جانب سے میری کردار کشی بھی کی جا سکتی ہے، اپوزیشن کا ایک ماضی ہے ججز کی بھی مختلف ٹیپ نکالتے رہتے ہیں، نیب ایک آزاد ادارہ ہے، عدالتیں آزاد ہیں، خیبرپختونخوا کی عوام نے تحریک انصاف پراعتماد کیا۔ اوآئی سی کانفرنس کی وجہ سے لیٹر کو ہولڈ رکھا۔

وزیراعظم نے کہا ہے کہ ایک بڑا طاقتور ملک دورہ روس پر غصہ ہوگیا، کیا حکومت کو ہٹانے کیلئے کوئی ملک اس طرح دھمکی دے سکتا ہے، اچکنیں سلوانے والے کہتے ہیں امریکا کو ناراض نہیں کرنا چاہیے، ان لوگوں کی وجہ سے ملک اس حال کو پہنچا۔

وزیراعظم عمران خان نے تقریب سے خطاب کرتے ہوئے کہا کہ لوگ کہتے ہیں شاید ووٹ کیلئے ریاست مدینہ کی بات کرتا ہوں، ریاست مدینہ کی کامیابی تاریخ کا حصہ ہے، لوگوں کو ریاست مدینہ کا ماڈل ہی سمجھ نہیں آیا، ہم نے سکیورٹی سے متعلق کبھی بات نہیں کی، ہمارے دماغ میں ہمیشہ سکیورٹی کا مطلب فوج تھا، امیر اور غریب میں فرق سے لوگوں میں بے چینی پیدا ہوتی ہے، سکیورٹی ڈائیلاگ ملک کیلئے بہت اہم ہیں، تعلیم اور صحت کے نظام میں فرق پیدا کر دیا گیا، کوئی بھی معاشرہ قانون کی حکمرانی کے بغیر ترقی نہیں کرسکتا، ملک پر اشرافیہ نے قبضہ کیا ہوا ہے۔

عمران خان کا کہنا تھا کہ منی لانڈرنگ کی بڑی وجہ مجرموں کو سزائیں نہ ملنا ہے، کرپٹ لوگ غریب ملکوں کا پیسہ باہر لے جاتے ہیں، مخصوص طبقہ غریب عوام کو آگے نہیں بڑھنے دیتا، کوئی بھی معاشرہ قانون کی حکمرانی کے بغیر ترقی نہیں کرسکتا۔ انہوں نے کہا کہ کیوبا نے پابندیوں کے باوجود ترقی کی، کرپٹ لوگ پیسہ چوری کر کے امیر ممالک میں رکھتے ہیں، خود مختار خارجہ پالیسی ملک کیلئے ضروری ہے، بہترین خارجہ پالیسی ملکی مفادات کو ترجیح دیتی ہے، ماضی میں افغان جنگ میں شراکت دار رہے، افغان جنگ میں شراکت داری مالی امداد کیلئے تھی یا افغانوں کی مدد کیلئے ؟ روس جانے پر نتائج کی دھمکیاں دی گئیں، کیا کسی خود مختار آزاد ملک کو ایسی دھمکیاں دی جاسکتی ہیں؟۔

اسلام آباد:بلاول بھٹو نےعدم اعتماد کےناکام ہونے کا خدشہ ظاہرکردیا،اطلاعات کے مطابق چیئرمین پیپلزپارٹی بلاول بھٹو زرداری کا کہنا ہے کہ وزیر اعظم، وزیراعلیٰ اور وزرا نے لوگوں کو اکسایا تو آرٹیکل 6 لگے گا۔

بلاول بھٹو نے خدشات ظاہرکرتے ہوئے کہا کہ ایسے لگ رہا ہے کہ عدم اعتماد کو ناکام کردیا جائے

ذرائع کے مطابق چیئرمین پیپلزپارٹی بلاول بھٹو نے نیوز کانفرنس کرتے ہوئے کہا کہ آئینی طریقہ کار میں مداخلت پر آرٹیکل 6 بہت واضح ہے، آئینہ طریقہ کار میں رکاوٹ ڈالنے پر اسپیکر پر بھی آرٹیکل 6 لگ سکتا ہے۔

انہوں نے کہا کہ پارلیمانی سلامتی کمیٹی کا اجلاس پیر کو بھی بلایا جاسکتا تھا، تحریک عدم اعتماد کے وقت پارلیمانی کمیٹی کا اجلاس بلانا غیرمناسب ہے۔

بلاول بھٹو نے کہا کہ پاکستان اس وقت معاشی اور سیاسی دلدل میں پھنسا ہوا ہے، عدم اعتماد جمہوری عمل ہے جس سے کافی مسائل حل ہوسکتے ہیں۔

چیئرمین پیپلزپارٹی نے کہا کہ عمران خان معززہوتے تو طریقے سے ہار مان لیتے، امید کرتا ہوں غیرقانونی عمل یا توہین عدالت کی طرف نہیں جائیں گے، عدم اعتماد ناکام ہوگی تو خطرہ ہے اگلے 20سال بھی اسی طریقے سے گزریں گے۔

انہوں نے کہا کہ ہم عمران خان کے ہر جھوٹ کا جواب دینا جانتے ہیں، یہ ایک موقع ہے قوم کو اس کا فائدہ اٹھانا چاہیے، امید ہے اتوار تک کوئی غیرجمہوری قدم نہیں اپنایا جائے گا۔

اسلام آباد:پاکستان میں ضمیرفروشی کی روایات کو ختم کرنے کے لیے کوششیں جاری ہیں ، اسی سلسلے میں پاکستان تحریک انصاف (پی ٹی آئی) کا کہنا ہے کہ منحرف ارکان قومی اسمبلی کو وضاحت کیلئے دیا گیا وقت ختم ہوگیا ہے جس کے بعد ان کیخلاف ریفرنسز دائر کرنے کی منظوری دے دی گئی ہے۔

پی ٹی آئی کے مطابق منحرف اراکین قومی اسمبلی کو وضاحت کیلئے دیا گیا وقت ختم ہوگیا ہے، وزیراعظم نے منحرف اراکین کے جوابات نا معقول قرار دیتے ہوئے مسترد کردیے ہیں۔

اسد عمر نے منحرف 13 ارکان قومی اسمبلی کے شو کاز نوٹسز پر دستخط کر دیےتحریک انصاف کے مطابق وزیراعظم نے منحرف اراکین کیخلاف ریفرنسز دائر کرنے کی باضابطہ منظوری دے دی ہے۔

اس حوالے سے پی ٹی آئی کے مشیر پارلیمانی امور بابر اعوان اور ایڈیشنل سیکرٹری جنرل عامر کیانی کی ملاقات ہوئی ہے۔

اعلامیے کے مطابق وزیراعظم و چیئرمین تحریک انصاف عمران خان کی ہدایات کی روشنی میں منحرف اراکین کیخلاف ریفرنسز تیار کرلیے گئے ہیں ، منحرف اراکین کیخلاف دستاویزی ثبوت بھی ریفرنسز کے ساتھ بھجوائے جائیں گے۔

بابر اعوان کے مطابق وزیراعظم نے بےضمیر اراکین کیخلاف سخت قانونی کارروائی کی ہدایت کی ہے، دستور اراکین پارلیمان پر صداقت و امانت کی بنیادی شرط عائد کرتا ہے، ہارس ٹریڈنگ کے مرتکب اراکین نے پارٹی سربراہ کی ہدایات سے کھلا انحراف کیا ہے، منحرف اراکین کیخلاف قانونی کارروائی کے تحت ریفرنسز جلد اسپیکر کو بھجوادیں گے۔

خیال رہے کہ پارٹی پالیسی کی خلاف ورزی پر تقریباً 13 ارکان قومی اسمبلی کو شوکاز نوٹس جاری کیے گئے تھے۔

اطلاعات کے مطابق پی ٹی آئی کے تقریباً 22 ارکان قومی اسمبلی نے تحریک عدم اعتماد پر وزیراعظم عمران خان کیخلاف ووٹ دینے کا فیصلہ کیا ہے۔

تحریک عدم اعتماد پر ووٹنگ 3 اپریل بروز اتوار ہوگی جس کے لیے قومی اسمبلی کا اجلاس صبح ساڑھے 11 بجے طلب کرلیا گیا ہے۔