Author: +9251

برلن :روسی پیش قدمی روکنے کے لیے یوکرین نے ٹینکوں، آبدوزوں اور ہیلی کاپٹروں سمیت مزید ہتھیار طلب کر لیے ،اطلاعات کے مطابق یوکرین میں روس کے فوجی آپریشن کا آج دسواں روز ہے۔ دونوں ملکوں کی افواج میں شدید لڑائی جاری ہے۔ جرمنی کی وزارت دفاع کے ذرائع نے بتایا ہے کہ یوکرین نے بھاری ہتھیار طلب کیے ہیں جن میں فوجی ٹینک ، آبدوزیں اور ہیلی کاپٹر شامل ہیں۔

ذرائع کے مطابق مذکورہ ہتھیاروں کا ایک حصہ یوکرین روانہ کر دیا گیا ہے۔ تاہم ان کی تفصیلات نہیں بتائی گئی۔ذرائع نے مزید بتایا کہ یورپی یونین کو اُن خامیوں کو دور کرنا ہو گا جن کے ذریعے ماسکو خود پر عائد پابندیوں سے بچ نکل سکتا ہے۔

دوسری جانب روسی افواج نے مختلف محاذوں پر پیش قدمی جاری رکھی ہوئی ہے۔ یوکرین کے حکام نے خارکیف میں شہریوں سے مطالبہ کیا ہے کہ وہ قریبی پناہ گاہوں کا رخ کریں۔شہر کے مختلف حصوں میں زوردار دھماکے سنے گئے ہیں۔اور یہ بھی خیال کیا جارہا ہے کہ روسی افواج بہت جلد یوکرین کے بڑے حصے پرقبضہ کرلیں گی

یوکرینی میڈیا کی ویب سائٹوں پر نشر ہونے والے وڈیو کلپوں میں کیف کے زیر انتظام علاقے پوروڈینکا میں عمارتوں کی وسیع پیمانے پر تباہی ظاہر ہو رہی ہے۔ علاوہ ازیں کیف اور بیلا روس کے بیچ ہائی وے پر تباہ شدہ روسی ٹینکوں اور عسکری ساز و سامان کو بھی دیکھا گیا۔

امریکی ذمے داران نے باور کرایا ہے کہ یوکرین کی فوج کے حملوں اور ناکام منصوبہ بندی نے کیف کی جانب دھیرے دھیرے بڑھنے والے ایک بڑے فوجی قافلے کا راستہ روک دیا۔ادھر روسی فوج میکولایف شہر پر قبضے کی کوشش کر رہی ہے۔ اس جگہ سے مستقبل میں اوڈیسا میں چھاتہ برداروں کو اتارے جانے کی کارروائیوں کو سپورٹ کیا جا سکے گا۔

بیروت :فحش فلم انڈسٹری میں خواتین کو دھوکے سے پھنسایا جاتا ہے،پھرمجبورخواتین مجبور سے مجبورہوتی چلی جاتی ہیں‌: میا خلیفہ کا انکشاف ،اطلاعات کے مطابق فحش فلموں کی ایک اور شکار میا خلیفہ نے بتایا ہے کہ "پورن فلم انڈسٹری میں کام کرنے کی وجہ سے مجھے آئی ایس آئی ایس کی جانب سے جان سے مار دینے کی دھمکی ملی تھی ،

سابق پورن اسٹار میا خلیفہ نے فحش فلم انڈسٹری کے تاریک پہلوؤں سے پردہ اٹھاتے ہوئے بتایا ہےکہ کیسے وہ معاشی طور کمزور خواتین کو اپنے قانونی کنٹریکٹ میں پھنساتے ہیں۔

کچھ عرصہ قبل میا خلیفہ نے اپنے ٹوئٹر ہینڈل پر اپنے تھراپسٹ کے ساتھ اپنا ایک انٹرویو شیئر کیا تھا جس میں بتایا گیا تھا کہ 2015 میں ایڈلٹ فلم انڈسٹری کو چھوڑنے سے پہلے انہوں نے صرف تین ماہ تک مذکورہ انڈسٹری کے ساتھ کام کیا تھا۔

سابق پورن اسٹار میا خلیفہ نے انکشاف کرتے ہوئے بتایا کہ کیسے ایڈلٹ فلم انڈسٹری کے مالکان معاشی طور پر کمزور خواتین کو اپنے کنٹریکٹ میں پھنسا کر بلیک میل کرتے تھے۔

آئی ایس آئی ایس کی دھمکیوں کے بارے میں بات کرتے ہوئے میا خلیفہ نے بتایا ہے کہ "پورن فلم انڈسٹری میں کام کرنے کی وجہ سے مجھے آئی ایس آئی ایس کی جانب سے جان سے مار دینے کی دھمکی ملی تھی ، داعش نے گوگل میپ سے ذریعے میرے اپارٹمنٹ کی تصویر بھی بھیجی تھی۔ انہوں نے بتایا کہ اس دھمکی کی وجہ سے میں بہت زیادہ خوفزدہ ہو گئی تھی۔”

سابقہ پورن اسٹار کا کہنا تھاکہ "دھمکیوں کے بعد میں ایک ہوٹل میں مقیم ہو گئی تھی جہاں میں نے دو ہفتے قیام کیا ۔ داعش نے میری فوٹو شاپ سے سر قلم کی ہوئی تصویر بھی مجھے بھیجی تھے۔

انہوں نے مزید بتایا کہ "مجھے اپنے ماضی کی مقبولیت پر فخر ہے تاہم ان میں سے کوئی بھی چیز میرے پاس نہیں ہے۔”

اپنے ویڈیو انٹرویو میں میا خلیفہ کا کہنا تھا کہ "میرے خیال میں آپ کو سب سے زیادہ شرمندگی کا احساس اس وقت ہوتا ہے جب آپ لوگوں کے سامنے جاتے ہیں۔ لوگ مجھے ایسے گھورتے ہیں جیسے میرے کپڑوں کے اندر تک مجھے دیکھ رہے ہیں۔ اس وقت مجھے شدید شرمندگی محسوس ہوتی ہے۔ مجھے ایسے لگتا ہے کہ میں نے اپنی رازداری کے سارے حقوق کھو دیئے ہیں۔ کیونکہ جو کچھ میں نے کیا ہے وہ ایک گوگل سرچ کے فاصلے پر موجود ہے۔”میا خلیفہ نے اس بات کا بھی انکشاف کیا کہ انہوں نے پورن فلم انڈسٹری صرف 8.7 لاکھ روپے کمائی۔

دبئی : فٹ بال کے عالمی کھلاڑی نے دین اسلام قبول کرنے کا اعلان کردیا ،اطلاعات کے مطانق ڈچ فٹ بال لیجنڈ کلیرنس اسیڈورف نے اعلان کیا ہے کہ اس نے اسلام قبول کر لیا ہے، یہ بات 45 سالہ نے اپنے آفیشل انسٹاگرام اکاؤنٹ سے جمعہ کو کہی۔

اسیڈورف نے کہاکہ”میرے ’مسلم خاندان ’میں شامل ہونے کی خوشی میں تمام اچھے پیغامات کا خصوصی شکریہ۔ میں دنیا بھر کے تمام بھائیوں اور بہنوں، خاص طور پر میری پیاری اہلیہ صوفیہ کا ہم مذہب ہونے پر بہت خوش ہوں، جنہوں نے مجھے اسلام کا مفہوم مزید گہرائی سے سکھایا ہے۔ میں نے اپنا نام تبدیل نہیں کیا اور اپنے والدین کے ذریعہ اپنا نام برقرار رکھوں گا، کلیرنس اسیڈورف! میں اپنی ساری محبت دنیا میں ہر کسی کو بھیج رہا ہوں۔

کلیرنس اسیڈورف نے اپنے شاندار کیریئر کے دوران ایجیکس، ریئل میڈرڈ، انٹر میلان اور اے سی میلان سمیت کئی بڑے کلبوں کے لیے کھیلا تھا۔

سابق ڈچ مڈفیلڈر نے چار یو ای ایف اے چیمپئنز لیگ ٹائٹل (1995 میں ایجیکس کے ساتھ، 1998 میں ریئل میڈرڈ کے ساتھ، 2003 اور 2007 میں اے سی میلان کے ساتھ)، 1997 میں ریئل میڈرڈ کے ساتھ ایک لا لیگا ٹائٹل اور 2004 اور 2011میں اے سی میلان کے ساتھ دو سیری اے ٹائٹل جیتے۔

وہ محنتی اور ورسٹائل مڈفیلڈر تھا جو کم از کم چھ زبانیں بولتا ہے – ڈچ قومی ٹیم میں 87 بار کھیلا اور تین یو ای ایف اے یورپی فٹ بال چیمپئن شپ اور 1998 فیفا ورلڈ کپ میں کھیلا، بعد کے تین ٹورنامنٹس کے سیمی فائنل تک پہنچے۔

ریٹائر ہونے کے بعد، وہ اے سی میلان اور کیمرون کی قومی ٹیم سمیت متعدد ٹیموں کے مینیجر بن گئے۔

کیف : یوکرین: صدر زیلینسکی مُلک سے فرار ہوکر پولینڈ پہنچ گئے ،اطلاعات کے مطابق روس اور یوکرین کے درمیان جنگ نویں روز بھی جاری ہے۔حالات بد سے بد تر ہوگئے ہیں اور روسی فوج کی پیشقدمی نہیں رک سکی ہے جس کے سبب یوکرین کے صدر ولادیمیر زیلینسکی یوکرائن کے دارالحکومت کیف میں ایک بنکر سے فرار ہو کر پولینڈ چلے گئے ہیں۔

یہ دعویٰ روسی میڈیا نے کیا ہے۔ یہ اس لیے اہم ہے کہ صرف دو روز قبل امریکی صدر جو بائیڈن نے عوامی طور پر کہا تھا کہ زیلنسکی کو جب چاہیں یوکرین سے ہوائی جہاز سے اتارا جائے گا۔ تاہم یوکرین کی طرف سے جاری کردہ ایک بیان میں کہا گیا ہے کہ زیلنسکی دارالحکومت کیف میں ہیں۔

جمعہ کو روسی فوج نے نیوکلیئر پاور پلانٹ پر قبضہ کر لیا ہے۔ اس سے قبل یہاں فائرنگ ہوئی تھی جس کی وجہ سے پلانٹ میں آگ لگ گئی تھی۔ روسی فوجیوں نے پلانٹ کی انتظامیہ اور کنٹرول عمارتوں پر قبضہ کر لیا۔ روس چرنی ہیو میں فضائی حملے کر رہا ہے۔ ان حملوں میں 47 افراد ہلاک ہو چکے ہیں۔

ادھر یوکرین پر روسی حملہ اب نویں دن میں داخل ہو چکا ہے۔ اس دوران گولہ باری کے سبب یوکرین کے زپوریشیا پلانٹ میں آگ لگنے کا واقعہ پیش آیا، جس پر اب قابو پا لیا گیا ہے۔ اس کی وجہ سے تابکاری میں کوئی اضافہ نہیں ہوا۔ زپوریشیا پلانٹ یورپ میں جوہری بجلی کا سب سے بڑا پلانٹ ہے۔

یوکرین کا کہنا ہے کہ متعلقہ حکام جوہری پلانٹ تک رسائی حاصل کرنے میں کامیاب رہے جہاں روسی گولہ باری کے بعد پلانٹ کے بیرونی حصے میں واقع ایک تربیتی حصے میں آگ لگ گئی تھی۔

جوہری امور کے عالمی نگراں ادارے آئی اے ای اے اور وائٹ ہاؤس دونوں کا ہی کہنا ہے کہ وہ یورپ کے سب سے بڑے جوہری پلانٹ پر حملے کی فعال طریقے سے نگرانی کر رہے ہیں اور تابکاری کی سطح میں ابھی تک کوئی اضافہ نہیں ہوا ہے۔

یوکرین کے وزیر خارجہ دیمیترو کولیبا نے اپنی ایک ٹویٹ میں کہا، ”روسی فوج یورپ کے سب سے بڑے نیوکلیئر پاور پلانٹ پر چاروں طرف سے فائرنگ کر رہی ہے۔ آگ تو پہلے ہی بھڑک چکی ہے۔”

ان کا مزید کہنا تھا، ”اگر اس میں کوئی دھماکہ ہوا تو یہ چرنوبل سے بھی دس گنا زیادہ بڑا ہو گا! روسیوں کو فوری طور پر فائرنگ بند کرنی چاہیے، فائر فائٹرز کو اجازت دینی چاہیے اور ایک سکیورٹی زون قائم کرنا چاہیے”!

وائٹ ہاؤس نے اس حوالے سے اپنی متعدد ٹویٹ میں بتایا ہے کہ جوہری پلانٹ میں آگ لگنے کے معاملے پر امریکی صدر جو بائیڈن نے اپنے یوکراینی ہم منصب وولودیمیر زیلنسکی سے فون پر بات چیت بھی کی ہے۔

وائٹ ہاؤس کا کہنا ہے کہ جو بائیڈن نے امریکی محکمہ توانائی کے انڈر سیکریٹری برائے نیوکلیئر سکیورٹی اور نیشنل نیوکلیئر سکیورٹی ایڈمنسٹریشن کے ایڈمنسٹریٹر سے بھی بات کی تاکہ پلانٹ کی صورتحال کے بارے میں تازہ ترین معلومات حاصل کی جا سکے اور صدر کو اس بارے میں بریف کیا جا رہا ہے۔

نیویارک: جوہری پلانٹ پر روسی حملہ:سلامتی کونسل کا ہنگامی اجلاس جاری ،اطلاعات ہیں‌کہ اقوام متحدہ کی سلامتی کونسل کا ایک ہنگامی اجلاس جاری ہے جس میں روس کی طرف سے یوکرین میں ایک جوہری پلانٹ پرروسی افواج کے حملے کوعالمی خطرہ قراردیا ہے ، اجلاس ابھی جاری ہے

یوکرین میں جوہری پاور پلانٹ پر روسی حملے کے بعد برطانیہ سمیت دیگر ممالک نے نیویارک میں اقوام متحدہ کی سلامتی کونسل کا ہنگامی اجلاس مین کہا گیا ہے کہ یورپ میں سب سے بڑے جوہری پلانٹ زیپروزیا کی عمارت کو نقصان پہنچا ہے اور یوکرین کا کہنا ہے کہ وہاں آگ لگنے کے بعد کئی افراد ہلاک اور زخمی بھی ہوئے ہیں۔ تاہم اب صورتحال قابو میں ہے۔

امریکی نمائندے نے اس اجلاس میں کہا ہے کہ روسی اقدام ’خطرناک‘ اور ’بغیر سوچے سمجھے‘ کیا گیا۔

سفارت کاروں نے بتایا کہ یوکرین میں روس کے Zaporizhzhya نیوکلیئر پاور پلانٹ پر حملے کے بعد اقوام متحدہ کی سلامتی کونسل کا یہ فیصلہ امن یا جنگ کی طرف بڑا قدم ہوگا

یاد رہے کہ یوکرین کے شہر زپورئیژا کا جوہری پلانٹ کب سے روسی افواج کے کنٹرول میں ہے؟ روس نے بتا دیا، جس سے یوکرینی حکام کے بیان کی تردید ہوتی ہے۔روسی وزارت دفاع کے ترجمان نے کہا ہے کہ زپورئیژا کا جوہری پلانٹ 5 دن سے روسی افواج کے کنٹرول میں ہے، اور جوہری پلانٹ پر حالات قابو میں ہیں۔

گزشتہ روز یوکرینی حکام نے دعویٰ کیا تھا کہ روسی فورسز نے زپورئیژا (Zaporizhzhia) نیوکلیئر پاور پلانٹ پر قبضہ کر لیا ہے، اور شدید لڑائی کے دوران گولہ باری سے پلانٹ پر موجود تربیتی مرکز کو آگ لگ گئی ہے۔

رشین فیڈریشن کی مسلح افواج نے آگ بجھانے کے فوراً بعد زپورئیژا جوہری پاور پلانٹ کے علاقے پر قبضہ کر لیا۔

برطانوی اخبار دی گارڈین نے رپورٹ کیا کہ یوکرین کے حکام نے بتایا ہے کہ روسی فورسز کی گولہ باری کے بعد جمعہ کی صبح کو جوہری پلانٹ کے باہر ایک تربیتی عمارت میں آگ بھڑکی۔ یوکرین کے وزیر خارجہ دیمتری کُلیبا نے ایک ٹوئٹ میں تصدیق کی کہ جمعے کو روسی حملے میں زپورئیژا نیوکلیئر پاور پلانٹ میں آگ لگی۔

یوکرین کے صدر زیلنسکی نے ایک ویڈیو پیغام میں اس حملے کی شدید مذمت کرتے ہوئے کہا ’روس کے علاوہ کسی اور ملک نے آج تک جوہری توانائی کے یونٹوں پر فائرنگ نہیں کی، دہشت گرد ریاست نے اب ایٹمی دہشت گردی کا سہارا لے لیا ہے، انہوں نے عالمی مدد کا مطالبہ کرتے ہوئے کہا اگر کوئی دھماکا ہوتا تو یہ ہر چیز کا خاتمہ ہوتا، اب صرف فوری یورپی کارروائی ہی روسی فوجیوں کو روک سکتی ہے۔‘

دوسری طرف روس کی وزارت دفاع نے اس حملے کا الزام یوکرین کے تخریب کاروں پر عائد کرتے ہوئے اسے ایک ’بدمعاشی اشتعال انگیزی‘ قرار دے دیا ہے، اور کہا ہے کہ زپورئیژا جوہری پلانٹ پانچ دنوں سے روسی فوج کے قبضے میں ہے۔

روسی حملہ آور فورسز نے جمعہ کے روز جنوب مشرقی یوکرین میں شدید لڑائی میں یورپ کے سب سے بڑے جوہری پاور پلانٹ پر قبضہ کر لیا، جس سے عالمی خطرے کی گھنٹی بج گئی، تاہم ایک تربیتی عمارت میں لگی بڑی آگ کو بجھا دیا گیا ہے اور حکام کا کہنا ہے کہ یہ سہولت اب محفوظ ہے۔

روس کی وزارت دفاع نے پلانٹ میں لگنے والی آگ کا ذمہ دار یوکرین کے تخریب کاروں کے "شدت پسندانہ حملے” کو قرار دیا اور کہا کہ اس کی افواج کنٹرول میں ہیں۔