Author: +9251

لاہور:لاہور پولو کلب کے زیراہتمام ٹاور 21 قائداعظم گولڈ کپ اوپن 2022ء کا مین فائنل اتوار کو ایچ این پولو ٹیم اور نیوایج کیبلز/ماسٹر پینٹس کے درمیان کھیلا جائے گا۔ تفصیلات کے مطابق گزشتہ روز لاہور پولو کلب میں دو سیمی فائنلز کھیلے گئے۔ اس موقع پر تماشائیوں اور فیملیز کی ایک بہت بڑی تعداد موجود تھی۔

اس موقع پر ٹاور 21 کے سی ای او حمزہ رضا ملک، لاہور پولو کلب کے صدر عمر صادق، سیکرٹری آغا مرتضی علی خان، ایگزیکٹو کمیٹی ممبر ز اور فیملیز کی بڑی تعداد موجود تھی۔ پہلے سیمی فائنل میں نیوایج کیبلز /ماسٹر پینٹس نے دلچسپ مقابلے کے بعد ری ماؤنٹس کی ٹیم کو 6-2 سے ہر کر فائنل میں جگہ بنائی۔

نیوایج کیبلز /ماسٹر پینٹس کی طرف سے گونزالو ڈیلٹور نے شاندار کھیل پیش کیا اور چار خوبصورت گول سکور کیے دیگر میں ویری انٹورینو اور المان جلیل اعظم نے ایک ایک گول سکور کیا۔ ری ماؤنٹس کی طرف سے نکو رابٹس اور صائمن پراڈو نے ایک ایک گول سکور کیا۔ دوسرے سیمی فائنل میں ایچ این پولو انے انتہائی سنسنی خیز مقابلے کے بعد ٹیم ڈائمنڈ پینٹس کو 8-7 سے ہرا دیا۔ ایچ این پولو میں راجہ سمیع انجری وجہ سے نہیں کھیل سکے جس کی جگہ حمزہ مواز خان نے میچ کھیلا۔

ایچ این پولو کی طرف سے ٹی ٹو رئیوز گنزو نے چار، حمزہ مواز خان نے تین جبکہ ہلیریو رئیوز نے ایک گول سکور کیا۔ ڈائمنڈ پینٹس کی طرف سے متیاس وائل پیراز نے چار، گی گبرٹ نے دو اور احمد علی ٹوانہ نے ایک گول سکور کیا۔ قبل ازیں ایف جی پولو نے ماسٹر پینٹس کی ٹیم کو 5-4 سے ہرا کر سب سڈری فائنل کیلئے کوالیفائی کرلیا۔ ایف جی پولو کی طرف سے خوان امبروگیو نے تین، رومیروزیولیٹا نے دو گول سکور کیے جبکہ ماسٹر پینٹس کی طرف سے مارکوس پنیلو نے تین اور بلال حئی نے ایک گول سکور کیا۔ آج بروز ہفتہ 5 مارچ کو جمعرات کو کینسل ہونیوالا میچ کھیلا جائے گا جس کی فاتح ٹیم سب سڈری فائنل میں ایف جی پولو کا مقابلہ کرے گی۔

اسلام آباد:غریبوں کو سستے گھردینے کا سلسلہ شروع کردیا ہے:آگے بھی اچھے منصوبے ہیں :اطلاعات کے مطابق وزیراعظم عمران خان نے کہا ہے کہ حکومت غریب طبقے کے ذاتی گھر کا خواب پورا کر رہی ہے۔

وزیراعظم کی جانب سے ایک سادہ تقریب میں فراش ٹاؤن اسلام آباد کے کم لاگت اپارٹمنٹس کی قرعہ اندازی کا انعقاد کیا گیا ہے۔

اس تقریب کے دوران بات کرتے ہوئے عمران خان نے کہا کہ بڑھتی ہوئی آبادی اور شہروں کے بے ہنگم پھیلاؤ کے تدارک کے لیے اونچی عمارتوں کی تعمیر کے ماڈل کو اپنایا جائے اور ساتھ ہی گھروں کی الاٹمنٹ میں شفافیت کو یقینی بنایا جائے۔

فراش ٹاؤن منصوبہ نیا پاکستان ہاؤسنگ و ڈویلیپمٹ اتھارٹی اور سی ڈی اے کے اشتراک سے مکمل کیا جا رہا ہے جو کے 2000 کم لاگت اپارٹمنٹس پر مشتمل ہے۔

اس منصوبے میں ایک اپارٹمنٹ کی قیمت 32 لاکھ روپے مقرر کی گئی ہے جس میں 3 لاکھ روپے حکومت سبسڈی فراہم کرے گی جس کی بدولت فی یونٹ لاگت 29 لاکھ رہ جائے گی۔

غریب اور متوسط طبقے کے لیے اسلام آباد میں اپنا گھر خریدنے کے خواب کو پورا کرنے کے لیے وزیر اعظم کی خصوصی دلچسپی سے یہ منصوبہ مکمل کیا جا رہا ہے۔

دوسری جانب اپارٹمنٹس کی خرید کے لیے پرائیویٹ بینک آسان اقساط پر قرضے کی سہولت بھی فراہم کر رہے ہیں۔سبسڈی کی بدولت ان اپارٹمنٹس کی ماہانہ قسط 13٫000 روپے ہوگی جبکہ مارکیٹ ریٹ 38٫000 روپے بنتی ہے۔

اسلام آباد :وزیراعظم صاحب:اقتدارآنی جانی چیزہے:قوم آپ کوہمیشہ یاد رکھے گی:ندیم افضل چن بھی کپتان کے فین نکلے ،اطلاعات کے مطابق وزیراعظم عمران خان کے سابق ترجمان ندیم افضل چن کا کہنا ہے کہ خان صاحب اگر بہادری سے اچھے فیصلے کرجائیں تو لوگ یاد رکھیں گے۔

تفصیلات کے مطابق وزیراعظم عمران خان کے سابق ترجمان ندیم افضل چن نے کابینہ سے استعفے کے بعد اے آر وائی نیوز کو تہلکہ خیز انٹرویو دیتے ہوئے کہا کہ سب کہتےہیں اسٹیبلشمنٹ نیوٹرل ہے توپھر نیوٹرل ہی ہوگی، اسٹیبلشمنٹ نیوٹرل ہوتوپھر بہت کچھ ہوجاتا ہے۔

سابق ترجمان کا کہنا تھا کہ تاریخ مجبوروں کو نہیں بہادروں کو یاد رکھتی ہے، خان صاحب اگر بہادری سے اچھے فیصلے کرجائیں تو لوگ یاد رکھیں گے، بعد میں بندہ کہتا ہے یہ مجبوری وہ مجبوری تھی،ایسے لوگ یاد نہیں رہتے۔

انہوں نے حکومت کے موجودہ ماحول میں خود کو اَن فٹ قرار دیتے ہوئے کہا پی ٹی آئی میں عہدہ نہیں لینا چاہتا کیونکہ اگر اختیارات نہ ہوں تو ڈلیور نہیں کرسکوں گا۔

ندیم افضل چن نے اس بات پر حیرت کا اظہار کیا کہ صنعت کی وزارت ٹاپ ٹین میں ہے مگر ملک میں کھاد کی قلت ہے، صرف سیاست دانوں پر الزامات نہیں لگنےچاہئیں،

ان کا کہنا تھا کہ وزیراعظم سےمیسجنگ ہوتی ہےمگراب عہدہ نہیں چاہتا کیونکہ ڈلیورنہ کرسکتا، موجودہ ماڈل میں اچھی انگریزی ، سلجھے اور قابل لوگ فٹ ہوتے ہیں، ہم سلجھے ہوئےنہیں ، سیاسی انگریزی توآتی ہے مگر درباریوں والی نہیں۔

سابق ترجمان نے کہا کہ کسی سے ناراضی نہیں لیکن پیچھے پیچھے دوڑنے کا قائل نہیں، دولت مند اورتگڑے لوگ وزیراعظم کےقریب ہیں، اگلا الیکشن کس کے ساتھ لڑنا ہے یہ ابھی فیصلہ نہیں کیا

اسلام آباد : پیٹرول اور بجلی کے بعد ایک اور ریلیف پیکج کی تیاری:عوام بھی کرلے تیاری ،اطلاعات کے مطابق حکومت نے پیٹرول اور بجلی کے بعد قوم کے لیے ایک اور ریلیف پیکج کی تیاری کرلی۔

ذرائع وزارت صنعت و پیداوار کے مطابق حکومت نے یوٹیلیٹی اسٹورز پر بڑا رمضان پیکج دینےکا منصوبہ بنایا ہے جس کی آئندہ ہفتے ای سی سی کے اجلاس میں منظوری کا امکان ہے۔

ذرائع کا کہنا ہے کہ یوٹیلیٹی اسٹورز پر 8 ارب28 کروڑ روپےکا رمضان ریلیف پیکج دینے کی تجویز زیر غور ہے۔پیکج کے تحت 19 اشیائے ضروریہ پر سبسڈی دیے جانے کا امکان ہے جس میں سب سے زیادہ سبسڈی گھی کے لیے مختص کرنے کی تجویز دی گئی ہے۔

ذرائع وزارت صنعت و پیداوار کا کہنا ہے کہ گھی کے لیے 4 ارب 5 کروڑ روپے کی سبسڈی کی تجویز دی گئی ہے، آٹے پر 2ارب 53 کروڑ 40 لاکھ روپے کی سبسڈی کی تجویز دی گئی ہے۔

ذرائع کا مزید کہنا ہے کہ رمضان المبارک میں چینی پر 75کروڑ روپے کی سبسڈی جبکہ باسمتی چاول پر ڈھائی کروڑ اور سیلہ چاول پرایک کروڑ روپے کی سبسڈی کی تجویز دی گئی ہے۔

ٹوٹا چاول پر3 کروڑ 60 لاکھ، دال چنا پر3 کروڑ، دال مسورپر3 کروڑ اور سفید چنے پر 5 کروڑ روپے کی سبسڈی کی تجویز دی گئی ہے۔ذرائع کا کہنا ہے کہ پیکج کے تحت دیگر اشیاء پر 76 کروڑ 50 لاکھ روپے کی سبسڈی کی تجویز دی گئی ہے۔