Baaghi TV

Author: +9251

  • پشاورمیں شہریوں ، نمازیوں پرخودکُش حملے کی شدید مذمت کرتے ہیں :افغان طالبان

    پشاورمیں شہریوں ، نمازیوں پرخودکُش حملے کی شدید مذمت کرتے ہیں :افغان طالبان

    کابل :افغانستان میں طالبان حکومت نے پشاور کی جامع مسجد میں ہونے والے خودکش بم دھماکے کی شدید مذمت کی ہے۔اور کہا ہے کہ مسجد ہو یا عام جگہ کسی بھی جگہ خودکش حملے حرام ہیں اور ان حملوں کی جتنی بھی مذمت کی جائے کم ہے

    اس واقعے پر افغان طالبان کے ترجمان و افغانستان کے نائب وزیر اطلاعات ذبیح اللہ مجاہد نے ٹوئٹ کرتے ہوئے پشاور بم دھماکے کی شدید مذمت کی ہے۔ذبیح اللہ مجاہد کا کہنا تھاکہ شہریوں اور نمازیوں پر حملے کا کوئی جواز نہیں، پشاور دھماکے کی شدید مذمت کرتے ہیں۔انہوں نے واقعے میں جاں بحق افراد کے لواحقین سے تعزیت کا اظہار کیا۔

     

    پشاور کے قصہ خوانی بازار کے علاقے کوچہ رسالدار کی جامع مسجد میں نماز جمعہ کے دوران خودکش دھماکے کے نتیجے میں امام ارشاد خلیلی سمیت 56 شہید ہو گئے۔

    پشاور کے قصہ خوانی بازار میں نمازِ جمعہ کے دوران دو حملہ آور جامع مسجد کے گیٹ پر آئے اور پولیس اہلکاروں پر فائرنگ کر دی، جس کے نتیجے میں 2 پولیس اہلکار موقع پر شہید ہو گئے۔ حملہ آور فائرنگ کے بعد جامع مسجد میں داخل ہوئے، جس کے بعد مسجد میں دھماکا ہوا۔

    ترجمان ایل آر ایچ پشاور کے مطابق کوچہ رسالدار دھماکے میں56 افراد شہید ہوئے جبکہ 194 زخمی ہوئے ہیں۔ زخمیوں میں کچھ کی حالت تشویشناک ہے، شدید زخمیوں کو بروقت طبی سہولیات فراہم کی گئی، بڑی تعداد میں ڈاکٹروں اورنرسوں نےعلاج فراہم کیا۔

    پولیس حکام کے مطابق جائے وقوعہ سے اہم شواہد اکٹھے کرلئے گئے۔ دھماکے کی تحقیقات کی جا رہی ہیں۔ پشاور کے تین بڑے سرکاری اسپتالوں میں ایمرجنسی نافذ جبکہ سیکورٹی بھی ہائی الرٹ کر دی گئی۔

    حکومت خیبر پختونخوا کے ترجمان بیرسٹر محمد سیف نے تصدیق کی کہ مسجد کے اندر ہونے والا دھماکا خودکش تھا جس میں دو حملہ آور ملوث تھے۔

  • اپوزیشن کی سیریزکاآخری سیزن،اس کےبعد یہ ڈرامہ ختم ہوجائےگا:حسان خاورنےحقیقت بتادی

    اپوزیشن کی سیریزکاآخری سیزن،اس کےبعد یہ ڈرامہ ختم ہوجائےگا:حسان خاورنےحقیقت بتادی

    لاہور:اپوزیشن کی سیریزکا آخری سیزن،اس کےبعد یہ ڈرامہ ختم ہوجائےگا:حسان خاورنےحقیقت بتادی ،اطلاعات کے مطابق حسان خاور نے کہا ہے کہ اتحادیوں نے وعدوں کا پاس رکھا، وہ ہمارے ساتھ ہیں، اپوزیشن کی سیریز کا آخری سیزن ہے، اس کے بعد یہ ڈرامہ ختم ہو جائے گا۔

    ترجمان پنجاب حکومت حسان خاور نے میڈیا سے گفتگو کرتے ہوئے کہا کہ 2 بڑی اپوزیشن جماعتوں نے نہ صرف فضائی آلودگی پھیلائی بلکہ سیاسی آلودگی بھی پھیلائی، اپوزیشن جماعتوں کی جانب سے سیاسی آلودگی کا انڈیکس بہت اوپر جا رہا ہے، وزیراعظم کے ایجنڈےمیں فضائی آلودگی کیساتھ ساتھ سیاسی آلودگی ختم کرنا بھی ہے۔

    حسان خاور کا کہنا تھا کہ بلاول نے وزیراعظم کو 5 دن کی مہلت دی، انہوں نے کہا 5 دن میں نمبر پورے کریں گے، فضل الرحمان کہتے ہیں وہ سفر میں ہیں کچھ کہہ نہیں سکتے، اس فلم کے پروڈیوسر زرداری صاحب ہیں اور ہیرو کیلئے کشمکش چل رہی ہے،آصف زرداری نے اپنی انتخابی مہم چلا دی ہے، ن لیگ سارا ملبہ شہباز شریف پر ڈلے گا، ہوسکتا ہے چھوٹے بھائی کی بڑے بھائی سے سرزنش بھی ہو۔

    حسان خاور نے کہا ہے کہ پاکستان کی حزب مخالف جماعتیں پاکستان کو عدم استحکام کا شکار کرنا چاہتی ہیں

    یاد رہےکہ پی ڈی ایم کے سربراہ مولانا فضل الرحمن نے کہا ہے کہ ان کا مقصد عمران خان کو ہٹانا ہے، اس موقع پر صحافی کے سوال کا جواب دیتے ہوئے مولانا فضل الرحمن کا کہنا تھا کہ عمران خان کو ہٹانے سے بہار آئے یا نہ آئے یہ ہمارا مسئلہ نہیں ہے

  • شین وارن کےانتقال پردنیائےکرکٹ سوگوار،خراج عقیدت بھی پیش:شین وارن کےکیریئرپرایک نظر

    شین وارن کےانتقال پردنیائےکرکٹ سوگوار،خراج عقیدت بھی پیش:شین وارن کےکیریئرپرایک نظر

    برلن :شین وارن کےانتقال پر دنیائے کرکٹ سوگوار، ساتھی کھلاڑیوں نے خراج عقیدت پیش کیا ہے: اطلاعات کےمطابق آسٹریلیا کے لیجنڈری لیگ اسپنر شین وارن دل کا دورہ پڑنے کے سبب 52 برس کی عمر میں انتقال کرگئے۔

    دنیا کے مایہ ناز لیگ اسپنر شین وارن 52 سال کی عمر میں چل بسے جبکہ ان کے انتقال کی خبر نے ساتھی کرکٹرز اور شائقین کرکٹ کو سوگوار کردیا ہے۔

    آسٹریلوی میڈیا کے مطابق شین وارن تھائی لینڈ کے علاقے کو ساموی میں اپنے ولا میں مردہ حالت میں پائےگئے۔

    ترجمان کا کہنا ہے کہ شین وارن کا انتقال حرکت قلب بند ہونے کی وجہ سے ہوا، میڈیکل ٹیم نے انہیں بچانے کی پوری کوشش کی لیکن وہ جانبر نہ ہوسکے۔شین وارن کے انتقال پر دنیائے کرکٹ سوگوار ہے اور شائقین بھی صدمے سے دوچار ہیں۔

    جادوئی لیگ اسپنر کی موت کی خبر پر سابق ساتھی کرکٹرز نے انہیں خراج عقیدت پیش کیا اور اپنے ردعمل کا بھی اظہار کیا۔ اپنی ٹوئٹ میں قومی کرکٹ ٹیم کے سابق کپتان وسیم اکرم کا کہنا تھاکہ میں اپنے دوست وارن کی ناگہانی موت کے بارے میں سن کر صدمے میں ہوں اور انتہائی غمگین ہوں۔

    قومی کرکٹ ٹیم کے کپتان بابر اعظم نے کہا کہ شین وارن کے انتقال کا یقین کرنا مشکل ہے، یہ کرکٹ کیلئے بہت بڑا نقصان ہے، انہوں نے اپنی جادوئی اسپن سے نسلوں کو متاثر کیا۔

    سابق انگلش کرکٹر آئن بیل نے لکھا کہ ’الفاظ نہیں ہیں، شین وارن میرا ہیرو اور سب سے بڑا کھلاڑی رہا جس کے خلاف میں نے کبھی کھیلا ہے، مجھے اس خبر پر یقین نہیں آ رہا‘

    بھارتی کرکٹر اورکمنٹیٹر ہرشا بوگلے نے اسے انتہائی تکلیف دہ خبر قرار دیا اور لکھا کہ’ غم اور الفاظ نہیں ہیں، میں خوش قسمت تھا کہ میں اسے اچھی طرح جانتا ہوں، جادو ہمیشہ رہے گا’۔

    کرکٹ کی تاریخ کے ہیرو شین وارن کے تاریخی کیریئر پر نظر ڈالیں تو بےشمار فتوحات اور کئی اعزازات ان کے نام کے ساتھ جڑے نظر آتے ہیں۔

    1992 میں بھارت کے خلاف میچ میں ٹیسٹ ڈیبیو اور 1993 میں نیوزی لینڈ کے خلاف میچ میں ون ڈے ڈیبیو کرنے والےشین وارن نے اپنا آخری انٹرنیشنل ون ڈے میچ 2005 میں ورلڈ الیون کی جانب سے ایشیا الیون کے خلاف جبکہ آخری ٹیسٹ میچ 2007 میں انگلینڈ کے خلاف کھیلا۔

    15 سال پر محیط اس کیریئر میں انہوں نے 145 ٹیسٹ اور 194 ون ڈے میچز میں بےشمار کامیابیاں سمیٹیں۔وہ ٹیسٹ کرکٹ میں 700 اور مجموعی طور پر ایک ہزار سے زائد وکٹیں لینے والے دنیا کے دوسرے بالر تھے۔

    ٹیسٹ کرکٹ میں شین وارن کی وکٹوں کی تعداد 708 جبکہ ون ڈے میں 293 ہے۔انہوں نے ٹیسٹ اور ون ڈے میں بالترتیب 3154 اور 1018 رنز بھی بنائے۔ٹیسٹ کلینڈر ایئر میں سب سے زیادہ وکٹوں کا ریکارڈ بھی وارن کے نام ہے۔

    شین وارن نے اپنے کیریئر میں بڑے بڑے بکے بازوں کو اپنی خطرناک لیگ اسپن سے پریشان کیے رکھا۔انہوں نے چند ایسی ناقابل یقین گیندیں بھی کیں جو آج تک دیکھنے والوں کو حیرت میں ڈال دیتی ہیں۔

    لیجنڈری لیگ اسپنر شین وارن کی 1993 کی ایشیز سیریز میں مانچسٹر کے اولڈ ٹریفورڈ گراؤنڈ میں کی گئی گیند کو ’بال آف دی سینچری‘ قرار دیا گیا۔’بائبل آف کرکٹ ‘ کا لقب پانے والے کرکٹ میگزین ’وزڈن ‘نے شین وارن کو صدی کے 5بہترین کھلاڑیوں میں شامل کیا تھا۔

    شین وارن کو 2004 اور 2005میں وزڈن کرکٹر آف دی ایئر بھی قرار دیا گیا۔شین وارن پاکستان کے لیجنڈری لیگ اسپنر عبدالقادر کے بہت بڑے فین تھے جس کا اظہار وہ خود بھی کئی مرتبہ کرچکے تھے۔

  • امریکہ کےسامنےڈٹ جانا:پاکستانی قوم کا امتحان:FATF کاپاکستان کوجون تک گرےلسٹ میں ہی رکھنے کا اعلان

    امریکہ کےسامنےڈٹ جانا:پاکستانی قوم کا امتحان:FATF کاپاکستان کوجون تک گرےلسٹ میں ہی رکھنے کا اعلان

    پیرس:امریکہ کےسامنےڈٹ جانا:پاکستانی قوم کا امتحان:FATF کاپاکستان کوجون تک گرےلسٹ میں ہی رکھنے کا اعلان ،اطلاعات کے مطابق اضافی معیار کے تحت کچھ اہداف کی تعمیل کے لیے پاکستان کے مزید 4 ماہ یعنی جون تک فنانشل ایکشن ٹاسک فورس (ایف اے ٹی ایف) کی گرے لسٹ میں رکھنے کا اعلان کردیا ہے

    فنانشل ایکشن ٹاسک فورس (ایف اے ٹی ایف) نے پاکستان کو گرے لسٹ میں برقرار رکھنے کا فیصلہ کیا ہے۔ایف اے ٹی ایف کا ورچوئل اجلاس یکم مارچ سے 4مارچ تک پیرس میں جاری رہا جس میں پاکستان کے بارے میں ایشیا پیسیفک گروپ کی رپورٹ پر غور کیا گیا۔

    رپورٹس کے مطابق ایف اے ٹی ایف نےجمعے کے روز اعلان کرتے ہوئے کہا کہ پاکستان کا نام گرے لسٹ میں شامل رہے گا جب کہ پاکستان نے 2018 کے ایکشن پلا ن کے 27 میں سے 26 نکات پر عمل درآمد کرلیا ہے ۔ایف اے ٹی ایف کا کہنا ہے کہ پاکستان نے انسداد دہشت گردی کی فنانسنگ روکنے میں خاطر خواہ پیش رفت کی ہے۔

     

    [wp-embedder-pack width=”100%” height=”400px” download=”all” download-text=”” attachment_id=”469782″ /]

    فنانشل ایکشن ٹاسک فورس

    فنانشل ایکشن ٹاسک فورس کے ارکان کی تعداد 37 ہے جس میں امریکا، برطانیہ، چین، بھارت اور ترکی سمیت 25 ممالک، خیلج تعاون کونسل اور یورپی کمیشن شامل ہیں۔تنظیم کی بنیادی ذمہ داریاں عالمی سطح پر منی لانڈرنگ اور دہشت گردوں کی مالی معاونت روکنے کے لیے اقدامات کرنا ہیں۔

    عالمی واچ لسٹ میں پاکستان کا نام شامل ہونے سے اسے عالمی امداد، قرضوں اور سرمایہ کاری کی سخت نگرانی سے گزرنا ہوگا جس سے بیرونی سرمایہ کاری متاثر ہوگی اور ملکی معیشت پر منفی اثرات مرتب ہوں گے۔

    ادھر دفاعی مبصرین کا کہنا ہے کہ جب سے پاکستان میں عمران خان کی حکومت آئی ہے امریکہ پاکستان سے مرضی کے فیصلے نہ کروا سکا بلکہ امریکہ کو ایک مضوط اور دلیر پاکستان کا سامنا کرنا پڑرہا ہے،ان مبصرین کا خیال ہے کہ وزیراعظم پاکستان عمران خان نے جس طرح قوم کی امنگوں‌ پر امریکہ کے دوٹوک موقف رکھا ہے اس کی سزا پاکستان کی دی جائے گی جو کہ پاکستانی قوم کی غیرت کا امتحان ہوگا ، قوم عارضی فائدے کےلیے پالیسی پرنظرثآنی کرے گی یا ہمیشہ اور دیرپا فیصلوں کےلیے عمران خان کے پیچھے کھڑی ہوگی یہ قوم کی اجتماعی سوچ پر منحصرہے

    لیکن اقوام متحدہ کے نامزد دہشت گرد گروپوں کی اعلیٰ قیادت کے خلاف دہشت گردی کی مالی معاونت کی تحقیقات اور ان کے خلاف قانونی کارروائیاں دکھانے کے لیے ملک کو ’اضافی نگرانی کی فہرست‘ میں برقرار رکھا گیا تھا۔

    ایشیا پیسیفک گروپ نے بھی پاکستان کے مالیاتی نظام میں کئی خامیوں کی نشاندہی کی ہے جس کی وجہ سے پاکستان فی الحال مانیٹرنگ لسٹ میں رہے گا اور ذرائع کے مطابق اسے آخری ہدف کے حصول تک گرے لسٹ میں ہی رکھا جائے گا۔

    ذرائع کا کہنا ہے کہ اجلاس میں منی لانڈرنگ اور دہشت گردی کی مالی معاونت اور اس کی روک تھام جیسے معاملات میں پاکستان میں ہونے والی اب تک کی پیش رفت کا جائزہ لیا گیا ہے۔

    بعد ازں اس پیشرفت کی بنیاد پر ہی پاکستان کو آئندہ گرے لسٹ میں رکھنے کا فیصلہ کیا گیا ہے۔

     

     

    دوسری طرف وفاقی وزیرحماد اظہر ایف اے ٹی ایف کے اس فیصلے سے متعلق کہتےہیں کہ پاکستان اب اپنے دونوں FATF ایکشن پلان کو مکمل کرنے سے صرف 2 آئٹمز دور ہے۔ ، ان کا کہنا تھاکہ ایم ایل ایکشن پلان: 7 میں سے 6 آئٹمز کو ایک بے مثال ٹائم فریم کے اندر حل کیا گیا۔ وہ یہ بھی کہتے ہیں کہ TF ایکشن پلان: 27 میں سے 26 آئٹمز پر توجہ دی گئی۔ کئی ممالک کا خیال ہے کہ ہم نے یہ منصوبہ پہلے ہی مکمل کر لیا ہے۔

     

    حماد اظہر کہتے ہیں کہ چیلنجوں کے باوجود پاکستان کی جانب سے FATF تکنیکی پیرامیٹرز کی تکمیل کو جلد تسلیم کیا جائے گا۔ایم ایل اور ٹی ایف کے خلاف ہماری جنگ ایک غیر متزلزل قومی عزم کے ساتھ جاری ہے۔ ہم ان سرگرمیوں کے خلاف جنگ صرف عالمی تعمیل کے لیے نہیں بلکہ سب سے پہلے اپنے مفاد کے لیے کرتے ہیں۔

  • گیرہارڈ شروڈر روسی کمپنیوں سےعلیحدگی اختیار کریں:جرمن چانسلرکا اپنی قوم کے بڑوں کوپیغام

    گیرہارڈ شروڈر روسی کمپنیوں سےعلیحدگی اختیار کریں:جرمن چانسلرکا اپنی قوم کے بڑوں کوپیغام

    برلن :گیرہارڈ شروڈر روسی کمپنیوں سےعلیحدگی اختیار کریں:جرمن چانسلرکا اپنی قوم کے بڑوں کوپیغام ،اطلاعات کے مطابق جرمن چانسلر اولاف شولس نے سابق چانسلر گیرہارڈ شروڈر سے مطالبہ کیا ہے کہ وہ روسی کمپنیوں سے فوری طور پر علیحدگی اختیار کریں۔

    جرمن ذرائع ابلاغ کا کہنا ہے کہ سابق جرمن گیرہارڈ شروڈر کے روسی صدر ولادیمیر پیوٹن سے برسوں کے گہرے تعلقات ہیں۔سابق جرمن چانسلر گیرہارڈ شروڈر روسی حکومت کی انرجی کمپنیوں کے انتظامی بورڈز میں اعلیٰ حیثیت کے حامل ہیں۔

    ستتر سالہ شروڈر روسی صدر پیوٹن اور کریملن کے کاروباری حلقے کے ساتھ دیرینہ بزنس رفاقت رکھتے ہیں۔

    وہ روس کے توانائی کے بڑے ادارے ‘روس نیٹ‘ کے سپروائزری بورڈ کے سربراہ بھی ہیں۔ اس کے علاوہ وہ کسی حد تک متنازعہ خیال کیے جانے والے قدرتی گیس کی فراہمی کے منصوبوں نارتھ سٹریم ون اور نارتھ سٹریم ٹو کے نگران بورڈز میں بھی کلیدی حیثیت رکھتے ہیں۔

    جرمنی میں گیرہارڈ شروڈر کے روسی صدر پیوٹن اور روسی انرجی کمپنیوں سے تعلقات پر گہری تشویش پائی جاتی ہے اور اب تنقید بھی کی جا رہی ہے۔ یوکرین پر روسی حملے کے بعد سے کسی حد تک جرمن سیاسی اور سماجی حلقے اس تعلق پر ندامت بھی محسوس کرتے ہیں۔

    جرمنی کے این ٹی وی چینل پر ایک بیان دیتے ہوئے وفاقی چانسلر اولاف شولس نے کہا کہ ان کے خیال میں اب یہ مناسب نہیں رہا کہ گیرہارڈ شروڈر ان مناصب پر فائز رہیں اور یہ صحیح ہو گا کہ وہ یہ عہدے چھوڑ دیں۔شولس نے اس امر پر زور دیا کہ ایک عام شہری کے طور پر بھی انہیں ان عہدوں سے علیحدگی اختیار کر لینا چاہیے۔

    موجودہ جرمن چانسلر کا کہنا تھا کہ گیرہارڈ شروڈر جرمنی کے سابق سربراہِ حکومت ہیں اور موجودہ حالات میں ان کے کاروباری تعلقات کی اہمیت ان کی شخصیت سے زیادہ محسوس کی جا رہی ہے۔

  • روس یوکرین تنازع:پاکستان نے یورپی سفیروں کیطرف سےپریس ریلیزجاری کرنےپرجواب طلب کرلیا

    روس یوکرین تنازع:پاکستان نے یورپی سفیروں کیطرف سےپریس ریلیزجاری کرنےپرجواب طلب کرلیا

    اسلام آباد :روس یوکرین تنازع، پاکستان نے یورپی سفیروں کیطرف سے پریس ریلیز جاری کرنے پرجواب طلب کرلیا،اطلاعات کے مطابق پاکستان نے روس اور یوکرین تنازع پر ملک میں تعینات یورپی سفیروں کی جانب سے پریس ریلیزجاری کرنے پرتحفظات کا اظہار کیا ہے۔

    ترجمان دفتر خارجہ کے مطابق غیرملکی سفیروں کی طرف سے بیان بازی سفارتی روایت نہیں ہے اور ہم نے حالیہ یورپی سفیروں کی طرف سے پریس ریلیزجاری کرنے پرتحفظات کا اظہار کیا ہے۔

    انہوں نے کہا کہ غیرملکی سفیروں کی طرف سے پریس ریلیز جاری کرنا قابل قبول نہیں، دفترخارجہ اور خارجہ سیکرٹری نے معاملہ یورپی سفارتخانوں کے ساتھ اٹھایا ہے اور یورپی سفارتخانوں نے تسلیم کیا کہ ایسی پریس ریلیزانہیں جاری نہیں کرنی چاہیے تھی۔

    خیال رہے کہ برطانیہ، جاپان، ناروے، آسٹریلیا، ترکی اور کینیڈا سمیت مختلف ممالک کے سفرا اورہائی کمشنرز کی جانب سے پاکستان کو یوکرین پر روسی حملے کی مذمت کرنے اور عالمی قوانین کی حمایت کرنے پر اصرارکیا گیا تھا۔

    واضح رہے کہ روس نے 24 فروری کو یوکرین پر حملہ کیا تھا جس کے بعد سے دارالحکومت کیف سمیت کئی شہر روسی افواج کے محاصرے میں ہیں۔پاکستان نے اس معاملے پر آزاد خارجہ پالیسی پر عمل پیرا رہنے کا فیصلہ کیا اور روس یوکرین کشیدگی کو بات چیت سے حل کرنے پر زور دیا۔

    اس سلسلے میں پرسوں یعنی 2 مارچ کو وزیراعظم عمران خان کی زیرصدارت اہم اجلاس میں حکومت نے آزادانہ خارجہ پالیسی پر عمل پیرا رہنے کا فیصلہ کیا ہے۔وزیراعظم کی زیر صدارت سکیورٹی امور سے متعلق اجلاس ہوا جس میں سول اور عسکری حکام نے شرکت کی۔

    ذرائع کے مطابق اجلاس میں قومی سلامتی امور سے متعلق امورپرمشاورت کی گئی اور ملکی سکیورٹی صورتحال کا بھی جائزہ لیا گیا۔ذرائع کا کہنا ہے کہ خطےکی صورتحال کے پیش نظر حکمت عملی پر بھی مشاورت کی گئی اور اہم فیصلے کیے گئے۔

    حکومت نے آزاد خارجہ پالیسی پر عمل پیرا رہنے کا فیصلہ کیا اور روس یوکرین کشیدگی کو بات چیت سے حل کرنے پر زور دیا۔اجلاس میں فیصلہ کیا گیا کہ پاکستان کسی بھی صورت میں کشیدگی کا حامی نہیں۔

  • روس فی الفور یوکرین پرحملے روک دے:نیٹو کی دھمکی پر روس سخت غصےمیں آگیا

    روس فی الفور یوکرین پرحملے روک دے:نیٹو کی دھمکی پر روس سخت غصےمیں آگیا

    برسلز:روس فی الفور یوکرین پر حملے روک دے:نیٹو کی گیدڑ بھپکیاں،اطلاعات کے مطابق برسلز میں نیٹو کے ہیڈ کوارٹر میں جنرل سیکریٹری نے یوکرین میں روس کو فوری حملے روکنے کا انتباہ جاری کیا ہے۔دوسری طرف روس نے نیٹو کی طرف سے دی جانے والی دھمکیوں پرسخت جواب دینے کا فیصلہ کیا ہے

    برسلز میں نیٹو کے ہیڈ کوارٹر میں ہونے والے اجلاس میں تمام نیٹو اتحادی ممالک نے اس بات پر بھی اتفاق کیا کہ یوکرین کی زمینی اور فضائی حدود میں نیٹو افواج داخل نہیں ہوں گی۔

    سیکرٹری جنرل جینز اسٹولٹن برگ کا کہنا ہےکہ یوکرین میں روسی حملے میں اس سے بھی بدتر گے اور ہم اسے اس کی قیمت ادا کرائیں گے۔اسٹولٹن برگ نے یہ بات بیلجیئم کے دارالحکومت برسلز میں نیٹو کے ہیڈ کوارٹر میں کہی۔

    روس کے صدر ولادیمیرپیوٹن سے یوکرین میں فی الفور جنگ فوری طور پر بند کرنے اور غیر مشروط طور پر یوکرین سے اپنی تمام افواج واپس بلانے کا مطالبہ کرتے ہوئے اسٹولٹن برگ نے خبردار کیا کہ آنے والے دنوں میں یوکرین میں وسیع پیمانے کی ہلاکتوں اور تباہی کا خدشہ ہے۔

    اسٹولٹن برگ نے کہا کہ اتحادیوں نے اس بات پر اتفاق کیا کہ یوکرین کی سرزمین یا یوکرین کی فضائی حدود پر نیٹو کی کوئی فوج نہیں ہونی چاہیے۔یہ بتاتے ہوئے کہ نیٹو سفارتی راستے کھلے رکھنے کے لیے اپنا مؤقف برقرار رکھتا ہے، اسٹولٹن برگ نے یوکرین کے تنازع میں نیٹو کی مداخلت پر یورپ میں وسیع پیمانے پر جنگ کے امکان کی طرف توجہ مبذول کرائی۔

    یہ بتاتے ہوئے کہ آنے والے دنوں میں یوکرین کی صورتحال مزید خراب ہونے کا خدشہ ہے، اسٹولٹن برگ نے پیوٹن سے سفارتی ذرائع کا سہارا لینے کا مطالبہ کیا۔
    اسٹولٹن برگ نے کہا کہ نیٹو اتحادیوں کی ذمہ داری ہے کہ وہ اس جنگ کو یوکرین سے آگے بڑھنے سے روکیں۔

    اسٹولٹنبرگ نے اس بات کا اعادہ کیا کہ یوکرین میں کوئی نو فلائی زون نہیں ہوگا اور نہ ہی کوئی فوجی بھیجے جائیں گے۔جب صحافیوں نے ان سے پوچھا کہ کیا آپ یوکرین کو جنگی طیارے فراہم کریں گے؟ کے جواب میں کہا کہ”نیٹو یوکرین کو مختلف قسم کی فوجی امداد فراہم کرتا ہے۔

    یہ علم ہے کہ اتحادی ممالک ٹینک شکن ہتھیار اور فضائی دفاعی میزائل فراہم کرتے ہیں، البتہ میں مزید تفصیل میں نہیں جا سکتا۔”

  • سابق آسٹریلوی کرکٹر شین وارن انتقال کرگئے

    سابق آسٹریلوی کرکٹر شین وارن انتقال کرگئے

    سڈنی :سابق آسٹریلوی کرکٹر شین وارن انتقال کرگئے ،اطلاعات کے مطابق سابق آسٹریلوی اسپن باولر شین وارن 52 سال کی عمرمیں دل کا دورہ پڑنے سے انتقال کر گئے۔

    ذرائع کے مطابق اس حوالے سے شین وارن کے جاننے والوں نے ایک بیان میں تصدیق کی ہے کہ "شین اپنے گھر میں بے ہوش پائے گئے تھے اور طبی عملے کی بہترین کوششوں کے باوجود انہیں زندہ نہیں کیا جا سکا۔”

    دوسری طرف شین وارن کی فیملی کا کہنا ہے کہ اس وقت وہ غم میں‌ ڈوبے ہوئے ہیں مناسب وقت پر مزید تفصیلات فراہم کریں گے

    شین بڑے اسپنر کے طور پر جانے جاتے رہے ہی ں‌،انہوں نے آسٹریلیا کے لیے 145 ٹیسٹ کھیلے اور ان کی 708 وکٹیں ہیں- یہ خبر آسٹریلوی کرکٹ کے لیے دوسرا دھچکا ہے جس کے ساتھی عظیم، راڈ مارش بھی گزشتہ ہفتے دل کا دورہ پڑنے سے جمعہ کو انتقال کر گئے۔

    یاد رہے کہ اس سے پہلے پچھلے سال اگست میں آسٹریلیا کے سابق لیجنڈ باؤلر شین وارن بھی عالمی وبا کورونا وائرس میں مبتلا ہو گئےتھے ، انہوں نے ٹیسٹ مثبت آنے کے بعد خود کو آئسولیٹ کر لیاتھا ۔

    اس دوران ان کو صحت خرابی کا سامنا کرنا پڑ رہا تھا۔ انہوں نے کورونا کی تمام علامات محسوس کرنے پر خود کو ٹیسٹ کروایا جو مثبت آیا۔کورونا ٹیسٹ مثبت آنے کے بعد انہوں نے تمام اہلخانہ سے خود کو علیحدہ کرتے ہوئے گھر میں ہی قرنطینہ کر لیا تھا ۔لیکن اس کےبعد شین وارن کی طبیعت سنبھل گئی تھی لیکن آج اچانک وفات کی خبر نے ان کے چاہنے والوں کے لیے غم کی داستان چھوڑ دی ہے

  • آصفہ بھٹوڈرون کیمرہ لگنے سے زخمی ہیں،دعا ہےکہ اللہ تعالیٰ جلد صحت کاملہ عطافرمائیں:مبشرلقمان

    آصفہ بھٹوڈرون کیمرہ لگنے سے زخمی ہیں،دعا ہےکہ اللہ تعالیٰ جلد صحت کاملہ عطافرمائیں:مبشرلقمان

    لاہور:آصفہ بھٹوڈرون کیمرہ لگنے سے زخمی ہیں،دعا ہےکہ اللہ تعالیٰ جلد صحت کاملہ عطافرمائیں،اطلاعات کے مطابق سینیئر صحافی مبشرلقمان نے پی پی رہنما صابق صدر آصف علی زرداری کی چھوٹی صاحبزادی آصفہ بھٹو کوخانیوال جلسے میں ڈرون کیمرہ لگنے کی وجہ سے پہنچنے والی تکلیف پردُکھ کا اظہارکیا ہے اور ان کی مکمل اور جلد صحت یابی کے لیے دعا کی ہے

    مبشرلقمان کا کہنا ہے کہ انہوں نے ابھی ابھی آصفہ بھٹوزرداری کے بارے میں‌ سُنا ہے کہ وہ خانیوال میں جلسے میں ڈرون کیمرہ لگنے سےزخمی ہیں ۔ ان کا یہ بھی کہنا تھا کہ میرا تو مشورہ یہ ہےکہ اس قسم کی رپورٹنگ سے پرہیز کی کیا جانا چاہیے جس میں احتیاط کا دامن ہاتھ سے چھوڑ دیا جاتا ہے

     

    سینیئر صحافی مبشرلقمان کا یہ بھی کہنا ہے کہ ہمیں اچھے انداز اپنانے چاہیں کہ جس سے اس قسم کے ایونٹ کے دوران خطرات کے خدشات سے محفوظ رہیں‌

    یاد رہے کہ آج خانیوال میں کنٹینر پر کھڑی آصفہ بھٹو زرداری سے ڈرون کیمرہ ٹکرا گیا ہے۔ ڈرون کیمرہ کنٹینر پر کھڑی آصفہ بھٹو زرداری کے چہرے سے ٹکرایا، ڈرون ٹکرانے کے بعد آصفہ اور بلاول کنٹینر کے اندر چلے گئے۔اس کے علاوہ بلاول بھٹو کی سیکیورٹی نے ڈرون آپریٹر کو پکڑ لیا ہے۔

    آصفہ بھٹو کو ڈرون لگنے سے انکا خون بہا ہے، وہ زخمی ہیں ان کو اسپتال بھیج دیا گیا ہے۔آصفہ بھٹو زرداری کو جلوس سے روانہ کردیا گیا ہے جبکہ جلوس کی سیکیورٹی سخت کر دی گئی ہے اور ڈرون اڑانے سے منع کردیا گیا ہے۔

    دوسری جانب گورنر سندھ عمران اسماعیل نے ٹوئٹر پر جاری ایک پیغام میں کہا ہے کہ آصفہ بی بی کے چہرے پر ڈرون کیمرہ لگنے کا افسوس ہے- اُمید ہے کہ وہ خیریت سے ہونگی۔

    اس سے قبل چیئرمین پیپلز پارٹی بلاول بھٹو زرداری نے کہا تھا کہ عمران خان کے خلاف عدم اعتماد تحریک میں کامیابی کے بعد عبوری سیٹ اپ کے لیے وزیراعظم ن لیگ سے ہوگا۔

    انہوں نے کہا تھا کہ ہمارا مشن کامیاب ہوگا، ہمارا ہدف اس وزیراعظم کو ہٹانا ہے، عبوری سیٹ اپ کے دوران ہدف انتخابی اصلاحات کرنا ہوگا، انتخابی اصلاحات کا مقصد صاف و شفاف انتخابات کرانا ہے۔

    بلاول بھٹو نے کہا تھا کہ پیپلز پارٹی مارچ کے باعث عمران خان خوف میں ہے، جیالوں کے خوف سے عمران خان حکومت نے پیٹرولیم مصنوعات کی قیمتوں میں کردی، پشاور دھماکے کی مذمت کرتا ہوں۔

    آصفہ بھٹو زرداری کو جلوس سے روانہ کردیا گیا ہے جبکہ جلوس کی سیکیورٹی سخت کر دی گئی ہے اور ڈرون اڑانے سے منع کردیا گیا ہے۔

  • روسی ایٹمی حملے کی دھمکی :بیلجیم نے حملے کی صورت میں حفاظتی اقدامات شروع کردیئے

    روسی ایٹمی حملے کی دھمکی :بیلجیم نے حملے کی صورت میں حفاظتی اقدامات شروع کردیئے

    ماسکو:روسی ایٹمی حملے کی دھمکی :بیلجیم نے حملے کی صورت میں حفاظتی اقدامات شروع کردیئے،اطلاعات کے مطابق روس کےایٹمی حملے کی دھمکی کے بعد یورپ کے دیگر ممالک کی طرح بیلجیم میں بھی تشویش کی لہر دوڑ گئی ہے۔

    بین الاقوامی خبررساں ادارے کے مطابق ایٹمی حملے کے پیش نظر بیلجیم میں آیوڈین کی گولیاں فارمیسیز میں مفت دستیاب ہیں۔ گزشتہ روز 30 ہزار سے زائد افراد نے گولیاں حاصل کیں۔ ایٹمی حملے کی صورت میں یہ گولیاں تھائیرائڈ کی حفاظت کریں گی۔

    عالمی رہنماؤں نے روس پر پورے براعظم کی سلامتی کو خطرے میں ڈالنے کا الزام لگایا ہے جبکہ یوکرین کے صدر نے روس پر “جوہری دہشت گردی” کا الزام لگایا ہے۔

    اس دوران یوکرین کے صدر نے کہا کہ روس چرنوبل کو دہرانا چاہتا ہے، جو 1986 میں دنیا کی بدترین جوہری تباہی کا مقام تھا۔یوکرین کے صدر نے کہا کہ اگر پلانٹ میں کوئی دھماکا ہوتا ہے تو یہ پورے یورپ کا خاتمہ ہے۔

    اقوام متحدہ کے انٹرنیشنل اٹامک انرجی ایجنسی ے کہا کہ آگ نے پلانٹ کے “ضروری” آلات کو متاثر نہیں کیا اور تابکاری کی سطح میں کوئی اضافہ نہیں ہوا۔

    عالمی رہنماؤں نے روس پر الزام لگایا ہے کہ اس کی افواج نے جوہری پاور اسٹیشن پر گولہ باری کر کے پورے براعظم کی حفاظت کو خطرے میں ڈال دیا ہے۔

    عالمی رہنماؤں نے روس پر پورے براعظم کی سلامتی کو خطرے میں ڈالنے کا الزام لگایا ہے جبکہ یوکرین کے صدر نے روس پر ’جوہری دہشت گردی‘ کا الزام لگایا ہے۔

    برطانیہ کے وزیر اعظم بورس جانسن نے کہا ہے کہ یہ حملہ پورے یورپ کی سلامتی کو براہ راست متاثر کرسکتا ہے۔امریکی صدر جو بائیڈن نے روس پر زور دیا کہ وہ جوہری پلانٹ کے ارد گرد اپنی فوجی سرگرمیاں روک دے۔

    کینیڈا کے وزیر اعظم جسٹن ٹروڈو نے مطالبہ کیا کہ روس کی جانب سے خوفناک حملوں کو فوری طور پر بند ہونا چاہیے۔