Author: +9251

لاہور : صرف لاہور میں ایف آئی اے کی کارروائی، سوا 3 ارب کی زمین واگزار کرالی ،اطلاعات کے مطابق فیڈرل انوسٹی گیشن ایجنسی نے متروکہ وقف املاک کی اراضی پر قبضے کیخلاف کارروائی کرتے ہوئے سوا تین ارب کی اراضی واگزار کرالی۔

تفصیلات کے مطابق فیڈرل انوسٹی گیشن ایجنسی (ایف آئی اے) کی جانب سے پنجاب کے دارالحکومت لاہور میں سوا تین ارب روپے کی اراضی قابضین سے واگزار کرالی گئی ہے، پیکو روڈ بادامی باغ پر 27 کنال اراضی پر انڈسٹریل گودام تعمیر کیا گیا تھا۔

ذرائع کا کہنا ہے کہ سابق چیئرمین متروکہ وقف آصف ہاشمی کی ملی بھگت سے زمین پر قبضہپ کیا گیا تھا اور سنہ 2012 میں اراضی پر انڈسٹریل گودام کو غیرقانونی طور پر کمرشل کیا گیا تھا۔ایف آئی اے کا کہنا ہے کہ 27 کنال اراضی کی قیمت تقریباً دو ارب ستر کروڑ روپے ہے۔

ایف آئی اے حکام نے مال روڈ دیال سنگھ مینشن پر دو پانچ پانچ مرکے کی دکانیں بھی واگزار کرالی گئی ہیں، جن کی مالیت تقریباً چھ کروڑ پچاس لاکھ روپے بنتی ہے۔

اسلام آباد: اسلام آباد میں مشکوک روسی خاتون ڈپلومیٹک انکلیومیں‌ گھُس گئی ،اطلاعات کے مطابق وفاقی دارالحکومت میں ایک مشکوک روسی خاتون کو حراست میں لے لیا گیا ہے، روسی خاتون نے ڈپلومیٹک انکلیو میں گھسنے کی کوشش کی تھی۔

تفصیلات کے مطابق اسلام آباد میں آج جمعرات کو پولیس نے ایک روسی خاتون شہری کو ڈپلومیٹک انکلیو میں گھسنے کی کوشش پر حراست میں لے لیا۔

ذرائع کا کہنا ہے کہ حراست میں لی گئی روسی خاتون کو تھانہ سیکریٹریٹ منتقل کر دیا گیا ہے، یہ خاتون گزشتہ روز روس سے ملتان پہنچی تھی۔

ذرائع نے انکشاف کیا کہ ملتان پولیس نے بھی خاتون کو حراست میں لے کر روسی سفارت خانے کے حوالے کیا تھا، بعد ازاں روسی سفارت خانے نے خاتون کو اسلام آباد کے نجی ہوٹل میں ٹھہرایا۔

تاہم روسی خاتون موقع پا کر نجی ہوٹل سے بھی باہر آ گئی تھی، جسے آج پولیس نے ڈپلومیٹک انکلیو میں گھسنے کی کوشش پر حراست میں لیا۔

ذرائع کے مطابق روسی سفارت خانے نے فارن آفس کو خاتون کا ویزا منسوخ کرنے کا خط لکھ دیا ہے، دوسری طرف خاتون نے پولیس کو اپنے بیان میں کہا کہ میں پاکستان کی سیر کرنا چاہتی ہوں۔

نئی دہلی: بھارت کی مشرقی ریاست میں ہندؤوں کے ’مقدس‘ درخت کو کاٹنے کے الزام میں مشتعل ہجوم نے 34 سالہ شخص پر بدترین تشدد کیا اور زندہ جلادیا۔انڈین ایکسپریس کی رپورٹ کے مطابق جھارکھنڈ میں گزشتہ سال اکتوبر میں ’مقدس‘ درخت کو کاٹ دیا تھا۔

بعدازاں پولیس نے سنجو پردھان کی جلی ہوئی لاش برآمد کی، ہلاک ہونے شخص کا تعلق ریاست کے سمڈیگا ضلع کے چپریدیپا گاؤں سے تھا۔

برادری کی روایات کے مطابق کٹا گیا درخت مقدس تھا جسے سنجو پردھان کو زبردستی کاٹ دیا تھا۔پولیس افسر رامیشور بھگت نے بتایا کہ گاؤں والوں نے سنجو پردھان کے علاقے میں دیگر درختوں کو کاٹنے پر بھی ناراضگی ظاہر کی تھی۔

پولیس نے بتایا کہ سنجو پردھان کو مشتعل دیہاتیوں نے گھر سے گھسیٹ کر قریبی بیسراجرا گاؤں لے گئے اور اس کو قتل کر دیا گیا۔

دوسری طرف انسانی حقوق کی تنظیموں کا کہنا ہے کہ بھارت بنیادی طور پر اپنے آئینی ، قانونی اور سیاسی فریم ورک میں ایک سیکولر ریاست ہے ۔لیکن عملی طور پر اس وقت بھارت کی جو تصویر ہم کو دنیا بھر میں نظر آ رہی ہے یا بالادست ہے وہ ہندواتہ کی بنیاد پر سیاست اور انتہا پسندی پر مبنی رجحانات ہیں۔بی جے پی ، آر ایس ایس سمیت دیگر ہندو انتہا پسند جماعتوں کی سیاست نے مودی کی قیادت میں اقلیتوں کے لیے سنگین مشکلات پیدا کردی ہیں ۔انتہا پسندی پر مبنی یہ رجحان محض بھارت کے لیے ہی نہیں بلکہ خطہ کی مجموعی سیاست کے لیے بھی بڑا خطرہ ہے ۔

خود بھارت میں موجود سیکولر سیاست سے جڑے افراد یا ادارے مودی کی انتہا پسندی کی سیاست پر بنیادی نوعیت کے سوالات اٹھا رہے ہیں او ران کے بقول اگر مودی کی انتہا پسندی پر مبنی پالیسی کا یہ عمل جاری رہا تو ہم داخلی محاذ پر خود کو تنہا محسوس کریں گے ۔اس وقت بھارت میں انتہا پسندوں اور سیکولر طبقہ کے درمیان جاری سیاسی رسہ کشی ظاہر کرتی ہے کہ اس بحران نے مودی کی حکمرانی اور طرز عمل کو بھی چیلنج کیا ہے ۔

اسلام آباد: اعلیٰ سطحی عمانی تجارتی وفد کی وزیر خارجہ سے ملاقات،اہم گفتگو اوراہم مذاکرات ،اطلاعات کے مطابق عمان چیمبرز آف کامرس اینڈ انڈسٹریز کے چیئرمین انجینئر۔ ردا الصالح نے 25 رکنی وفد کے ہمراہ آج وزارت خارجہ میں وزیر خارجہ مخدوم شاہ محمود قریشی سے ملاقات کی۔

ذرائع کے مطابق اس موقع پر وفد کا پرتپاک خیرمقدم کرتے ہوئے وزیر خارجہ نے پاکستان اور عمان تعلقات کی مستقل نوعیت پر زور دیا جو مشترکہ ایمان اور تاریخی روابط پر مبنی ہیں۔ جیو اکنامکس، اقتصادی سلامتی اور علاقائی روابط پر پاکستان کی توجہ پر زور دیتے ہوئے، وزیر خارجہ نے بہترین دوطرفہ تعلقات کے مطابق عمان کے ساتھ گہرا اقتصادی، تجارتی اور سرمایہ کاری تعاون قائم کرنے کے پاکستان کے عزم کا اعادہ کیا۔

انہوں نے پاکستان کے انسانی وسائل کے تعاون کو سراہتے ہوئے اومان کی حوصلہ افزائی کی کہ وہ مختلف شعبوں میں ہنر مند افرادی قوت سے استفادہ کرے۔ وزیر خارجہ نے عمانی کاروباریوں اور پاکستانی تارکین وطن کو مختلف شعبوں میں سرمایہ کاری کے منصوبوں اور مشترکہ منصوبوں میں شامل ہونے کی دعوت دی۔

وزیر خارجہ نے عمان کی طرف سے پاکستان کے ساتھ مل کر علاقائی ‘اقتصادی راہداری’ کی مکمل صلاحیتوں کو بروئے کار لانے کے لیے بھی حوصلہ افزائی کی جو عمان کو خشکی میں گھرے وسطی ایشیا اور افغانستان سے منسلک کرے گی۔ دونوں ممالک کے درمیان مضبوط عوام سے عوام کے تعلقات کو اجاگر کرتے ہوئے وزیر خارجہ نے لوگوں سے لوگوں کے قریبی روابط کے لیے سیاحتی تعاون کو بڑھانے کی اہمیت پر زور دیا۔

انجینئر ردا الصالح نے دوطرفہ اقتصادی تعلقات کے جامع جائزہ اور باہمی دلچسپی کے شعبوں کی نشاندہی پر وزیر خارجہ کا شکریہ ادا کیا۔ انہوں نے وزیر خارجہ کو عمان کے ’وژن 2040‘ کے بارے میں بتایا جس میں عمان میں سرمایہ کاری کے وسیع مواقع موجود ہیں۔۔ انہوں نے سیاحت، صنعت، کان کنی، صحت اور مواصلات اور نقل و حمل کے شعبوں میں سرمایہ کاری کے اپنے منصوبوں پر بھی روشنی ڈالی۔ وزیر خارجہ نے یقین دلایا کہ پاکستان میں متعلقہ حکام بشمول وزارت خارجہ ان کوششوں میں ہر ممکن سہولت فراہم کریں گے۔

عمان کے تجارتی وفد کے دورے میں‌ ٹیکسٹائل اور گارمنٹس، پھل اور سبزیاں/ کھانے پینے کی اشیاء، دواسازی، رئیل اسٹیٹ، آلات جراحی، فرنیچر اور فرنشننگ، ماربل، کان کنی اور سیاحت سمیت موجودہ اقتصادی تعلقات کو مزید تقویت فراہم کرے گا

لاہور: لاہور میں کل کیا ہونے جارہا ہے:رپورٹ جاری کردی گئی:لوگ بھی ڈر گئے،اطلاعات کے مطابق لاہور میں بادلوں کا راج برقرار، آئندہ چوبیس گھنٹوں کے دوران لاہور سمیت پنجاب کے دیگر شہروں میں بارش کے امکانات ہیں۔

دن بھر شہر لاہور کو بادلوں نے اپنی آغوش میں لیے رکھا ہوائیں چلنے سے درجہ حرارت 14 ڈگری تک پہنچ گیا جبکہ ہوا میں نمی کا تناسب 75 فیصد ریکارڈ کیا گیا۔ محکمہ موسمیات کے مطابق جمعہ کے روز لاہور میں اچھی بارش ہوگی، بارش برسنے کے امکانات 85 فیصد ہیں جبکہ ہفتے کے روز بھی بارش کے امکانات 80 فیصد سے زائد ہیں۔

ہوائیں چلنے سے لاہور کی فضا سے گرد کے بادل چھٹ گئے، ایئر کوالٹی انڈکس 100 رہا جبکہ درجہ حرارت کم ہونے اور نمی بڑھنے سے پنجاب کے مختلف علاقوں میں دھند بھی پڑی۔

رواں ہفتے ہونے والی بارشوں کے بعد لاہور ایک بار پھر دھند کی لپیٹ میں آسکتا ہے، اتوار کے روز سورج اور بادلوں کی آنکھ مچولی کا سلسلہ جاری رہے گا جبکہ موجودہ سسٹم جنوری کے آخری ہفتے تک رہنے کا امکان ہے بعد ازاں موسم بدلنا شروع ہوجائے گا۔